Suv resurslaridan foydalanish sohasida davlat boshqaruvi va nazorat tizimini yanada takomillashtirish hamda suv xoʻjaligi obyektlari xavfsizligini taʼminlash chora-tadbirlari toʻgʻrisida (PF-6200-son)

06.04.2021

Oʻzbekiston Respublikasi Prezidentining

Farmoni

Mamlakatimizda suv xoʻjaligi sohasida davlat boshqaruvi samaradorligini oshirish, suv xoʻjaligini modernizatsiya qilish va rivojlantirish, suv resurslarini boshqarish, suvdan tejamkorlik bilan foydalanish, yerlarning meliorativ holatini yaxshilash borasida izchil islohotlar amalga oshirilmoqda.

Shu bilan birga, suv resurslarini boshqarish va ulardan oqilona foydalanish, suv xoʻjaligi obyektlarini loyihalash, davlat ekspertizasidan oʻtkazish, qurish va rekonstruksiya qilish, ayniqsa, suv omborlari va boshqa yirik suv xoʻjaligi obyektlarining xavfsizligini taʼminlashda jiddiy kamchilik va muammolar saqlanib qolmoqda.

Suv xoʻjaligi obyektlarining aksariyat qismi 30 — 40 yildan ortiq xizmat qilayotganligi hamda ularni loyihalashga malakali xorijiy ekspertlarni jalb qilish, ilgʻor xorijiy tajribani joriy etish kabi masalalarga yetarli eʼtibor qaratilmayotganligi sababli keyingi yillarda ayrim suv xoʻjaligi obyektlarida texnogen vaziyatlar va avariyaviy holatlar kuzatilmoqda.

Suv xoʻjaligini boshqarishning samarali tizimini shakllantirish, suvning hisobi va hisobotini yuritishni takomillashtirish, suv xoʻjaligida raqamli texnologiyalarni keng joriy qilish, suv xoʻjaligi obyektlarining xavfsizligini oshirish hamda samarali nazorat tizimini oʻrnatish maqsadida:

1. Oʻzbekiston Respublikasi Prezidentining 2020-yil 10-iyuldagi PF-6024-son Farmoni bilan Oʻzbekiston Respublikasi suv xoʻjaligini rivojlantirishning 2020 — 2030-yillarga moʻljallangan konsepsiyasi tasdiqlanganligi hamda Konsepsiyaning ustuvor yoʻnalishlari belgilab berilganligi maʼlumot uchun qabul qilinsin.

2. Quyidagilar Suv xoʻjaligi vazirligining asosiy vazifalari va faoliyat yoʻnalishlari etib belgilansin:

suv resurslarini boshqarish, suvlarning hisobi, hisoboti va balansini shakllantirish sohasida yagona siyosatni amalga oshirish, shuningdek, suv resurslaridan oqilona foydalanish va ularni muhofaza qilish, suvlarning zararli taʼsirini oldini olish va bartaraf etish sohasida davlat organlari va boshqa tashkilotlar faoliyatini muvofiqlashtirish;

respublika aholisi, iqtisodiyot tarmoqlari va atrof-muhitning suvga boʻlgan muttasil oshib borayotgan ehtiyojlarini qondirish uchun shart-sharoitlarni yaratish, suv resurslaridan samarali foydalanishni taʼminlash;

suv xoʻjaligi obyektlarini modernizatsiyalash, rivojlantirish va qurilish ishlarini sifatli tashkil etish, normativ-huquqiy hujjatlarni ishlab chiqish, shuningdek, xavfsizlik darajasi yuqori boʻlgan suv xoʻjaligi obyektlarini loyihalash va ekspertiza qilish ishlariga malakali xorijiy ekspertlar va konsalting tashkilotlarini jalb qilish;

har bir loyihaning iqtisodiy samaradorligini hamda suv xoʻjaligi obyektining xavfsizligini aniq koʻrsatkich va mezonlar asosida chuqur tahlil qilish orqali uning ustuvorligini belgilash va amalga oshirish;

suv xoʻjaligi obyektlarini qurish va rekonstruksiya qilish loyihalarini ekspertiza qilish hamda amalga oshirish ishlarini ilmiy-texnik taʼminlash;

suv omborlari, sel-suv omborlari va boshqa suv xoʻjaligi obyektlari xavfsizligini hamda ishonchli ishlashini taʼminlash;

sugʻoriladigan yerlarning meliorativ holatini yaxshilash va barqarorligini taʼminlash choralarini koʻrish;

suv xoʻjaligi sohasida resurs tejaydigan texnologiyalar, zamonaviy qurilish materiallari, ilgʻor xorijiy tajribani keng qoʻllash;

suv xoʻjaligi obyektlarini boshqarish, suvning hisobi va hisobotini yuritish hamda tegishli maʼlumotlar bazasini shakllantirishda raqamli texnologiyalarni joriy qilish;

suv resurslarining hisobi va elektr energiyasi isteʼmoli boʻyicha shaffoflikni taʼminlash hamda ularning samaradorligini oshirish;

suv xoʻjaligida bozor iqtisodiyoti tamoyillari, davlat-xususiy sheriklik mexanizmlari va autsorsingni joriy qilish;

suv xoʻjaligi sohasidagi mutaxassislar malakasini oshirishni tizimli tashkil etish, suv xoʻjaligi tashkilotlari bilan taʼlim va ilmiy-tadqiqot muassasalari oʻrtasidagi integratsiyani kuchaytirish, fan va texnika yutuqlarini amaliyotga joriy etishni tizimli tashkil qilish;

transchegaraviy suv resurslarini boshqarish va ulardan foydalanish boʻyicha davlatlararo munosabatlarni rivojlantirish, xorijiy investitsiyalar va texnik koʻmak mablagʻlarini jalb qilish, shuningdek, suv xoʻjaligi sohasidagi xalqaro tashkilotlar faoliyatida faol ishtirok etish.

3. Suv xoʻjaligi vazirligi, Moliya vazirligi hamda Iqtisodiy taraqqiyot va kambagʻallikni qisqartirish vazirligining suv xoʻjaligi vazirining:

suvni tejaydigan texnologiyalarni joriy qilish va rivojlantirishga masʼul boʻlgan oʻrinbosari;

davlat-xususiy sheriklik va raqamli texnologiyalarni rivojlantirish boʻyicha maslahatchisi lavozimlarini joriy etish toʻgʻrisidagi takliflariga rozilik berilsin.

4. Suv xoʻjaligi vazirligi Oʻzbekiston Respublikasida barcha suv resurslarini hisobga olish hamda suvdan foydalanish va suv isteʼmoli samaradorligini oshirish boʻyicha tegishli tadbirlarni muvofiqlashtirish, shuningdek, suv balansini shakllantirish boʻyicha vakolatli davlat organi etib belgilansin.

5. Suv xoʻjaligi vazirligi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi Oʻzbekiston Respublikasi Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi (keyingi oʻrinlarda — Inspeksiya) etib qayta tashkil etilsin.

6. Belgilansinki, Inspeksiya Suv xoʻjaligi vazirligi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasining huquqlari, majburiyatlari va shartnomalari boʻyicha huquqiy vorisi hisoblanadi.

7. Belgilansinki:

a) Quyidagilar Inspeksiyaning asosiy vazifalari va faoliyat yoʻnalishlari hisoblanadi:

suv omborlari, sel-suv omborlari va xavf darajasi yuqori boʻlgan boshqa suv xoʻjaligi obyektlarining (keyingi oʻrinlarda — xavf darajasi yuqori boʻlgan suv xoʻjaligi obyektlari) xavfsizligini, ishonchli ishlashini hamda qoʻriqlanishini nazorat qilish;

xavf darajasi yuqori boʻlgan suv xoʻjaligi obyektlarini joylashtirish va loyihalash boʻyicha topshiriqlarni hamda ulardan foydalanish boʻyicha qoidalarni kelishish, shuningdek, ularning xavfsizligi qoidalari va mezonlarini ishlab chiqish;

xavf darajasi yuqori boʻlgan suv xoʻjaligi obyektlarini qurish, rekonstruksiya qilish, ularni foydalanishga qabul qilish, konservatsiyalash va tugatish ishlarida ishtirok etish hamda tegishli xulosalar berish;

xavf darajasi yuqori boʻlgan suv xoʻjaligi obyektlarining xavfsizlik darajasini aniqlash ishlariga zamonaviy texnologiyalar va ilgʻor tajribalarni joriy qilish;

favqulodda vaziyatlarda xavf darajasi yuqori boʻlgan suv xoʻjaligi obyektlarining aholiga va iqtisodiyot tarmoqlariga salbiy taʼsirini yumshatish boʻyicha kompleks chora-tadbirlarni amalga oshirishda ishtirok etish;

b) Inspeksiyaga:

xavf darajasi yuqori boʻlgan suv xoʻjaligi obyektlaridan foydalanishda xavfsizlik boʻyicha koʻrsatkichlar va mezonlarga amal qilinmagan hollarda suv toʻplashni cheklash yoki toʻxtatib qoʻyish;

xavf darajasi yuqori boʻlgan suv xoʻjaligi obyektlarining xavfsizligini taʼminlash maqsadida tegishli vazirlik va idoralar, loyiha tashkilotlari, ilmiy-tadqiqot va taʼlim muassasalari, shuningdek, xalqaro tashkilotlar va xorijiy kompaniyalarning yuqori malakali mutaxassislarini ekspert sifatida jalb qilish huquqi beriladi.

8. “Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasi qonuni loyihasini zamonaviy talablar va yondashuvlar asosida ishlab chiqish boʻyicha ishchi guruh tarkibi va “Yoʻl xaritasi” 1 va 2-ilovalarga muvofiq tasdiqlansin.

9. Suv xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi hamda Moliya vazirligining:

Jahon banki loyihalarini amalga oshirish guruhi, Osiyo taraqqiyot banki loyihalarini amalga oshirish guruhi va Arab muvofiqlashtirish guruhi loyihalarini amalga oshirish guruhi negizida Suv xoʻjaligi vazirligi huzuridagi Suv xoʻjaligida xorijiy investitsiya loyihalarini amalga oshirish markazini;

Suv xoʻjaligi vazirligi huzuridagi Suv xoʻjaligida kapital qurilish loyihalarini amalga oshirish agentligini tashkil qilish toʻgʻrisidagi takliflari maʼqullansin.

10. Vazirlar Mahkamasi ushbu Farmon talablaridan kelib chiqib:

bir hafta muddatda Suv xoʻjaligi vazirligi faoliyatini yanada takomillashtirish chora-tadbirlari toʻgʻrisidagi;

ikki hafta muddatda Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi faoliyatini tashkil etish chora-tadbirlari toʻgʻrisidagi Oʻzbekiston Respublikasi Prezidenti qarorlari loyihalarini Oʻzbekiston Respublikasi Prezidenti Administratsiyasiga kiritsin.

11. Oʻzbekiston Respublikasi Prezidentining ayrim farmonlariga 3-ilovaga muvofiq oʻzgartirishlar kiritilsin.

12. Oʻzbekiston Respublikasi Prezidentining ayrim farmonlari 4-ilovaga muvofiq oʻz kuchini yoʻqotgan deb hisoblansin.

13. Mazkur Farmonning ijrosini har chorakda muhokama qilib borish, ijro uchun masʼul idoralar faoliyatini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 6-aprel,

PF-6200-son

Oʻzbekiston Respublikasi Prezidentining 2021-yil 6-apreldagi PF-6200-son Farmoniga 1-ILOVA

“Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasi qonuni loyihasini zamonaviy talablar va yondashuvlar asosida ishlab chiqish boʻyicha

IShChI GURUH TARKIBI

1. Sh.M. Gʻaniyev — Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari, Ishchi guruh rahbari 2. Lavozim boʻyicha — Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi boshligʻi, Ishchi guruh rahbarining oʻrinbosari 3. R.A. Mamutov — Oʻzbekiston Respublikasi Oliy Majlisi Qonunchilik palatasi Agrar va suv xoʻjaligi masalalari qoʻmitasi raisi 4. D.B. Toʻrayev — Oʻzbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti direktori oʻrinbosari 5. T.N. Butunbayev — Oʻzbekiston Respublikasi Prezidenti Administratsiyasining masʼul xodimi 6. H.H. Ishanov — Oʻzbekiston Respublikasi Vazirlar Mahkamasining masʼul xodimi 7. Sh.R. Xamrayev — suv xoʻjaligi vaziri 8. A.M. Boboyev — iqtisodiy taraqqiyot va kambagʻallikni qisqartirish vaziri oʻrinbosari 9. Q.X. Taparov — moliya vaziri oʻrinbosari 10. Sh.A. Vafayev — investitsiyalar va tashqi savdo vaziri oʻrinbosari 11. Sh.J. Raximov — Bosh prokuror oʻrinbosari 12. Lavozim boʻyicha — Davlat xavfsizlik xizmati raisi oʻrinbosari 13. Lavozim boʻyicha — mudofaa vaziri oʻrinbosari 14. S.A. Nishanbayev — ichki ishlar vaziri oʻrinbosari 15. M.J. Ganiyev — Milliy gvardiya qoʻmondonining oʻrinbosari 16. A.H. Qoʻldoshev — favqulodda vaziyatlar vazirining birinchi oʻrinbosari 17. Sh.R. Xashimov — qurilish vaziri oʻrinbosari 18. A.N. Karimov — adliya vaziri oʻrinbosari 19. U.Sh. Begimkulov — oliy va oʻrta maxsus taʼlim vaziri oʻrinbosari 20. O.A. Pekos — axborot texnologiyalari va kommunikatsiyalarini rivojlantirish vazirining birinchi oʻrinbosari 21. E.J. Xamrayev — tashqi ishlar vaziri oʻrinbosari 22. I.I. Boqijonov — Davlat ekologiya qoʻmitasi raisi oʻrinbosari 23. A.A. Kadirxodjayev — Davlat geologiya qoʻmitasi raisi oʻrinbosari 24. S.Z. Mirzayev — Fanlar akademiyasi vitse-prezidenti 25. Oʻ.P. Umurzakov — Toshkent irrigatsiya va qishloq xoʻjaligini mexanizatsiyalash muhandislari instituti rektori 26. A.A. Sanginov — “Oʻzbekgidroenergo” AJ boshqaruvi raisi 27. M.F. Nadjimov — “Oʻzsuvloyiha” AJ bosh direktori 28. B.A. Yusupov — “OʻzGIP” MChJ direktori 29. M.M. Inoyatov — “Shaharsozlik hujjatlari ekspertizasi” DUK rahbari 30. Y.D. Magrupov — “OʻzGAShKLITI” DUK rahbari 31. M.A. Razzaqov — “Oʻzsuvekspertiza” DUK rahbari 32. Lavozim boʻyicha — Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi boshligʻi oʻrinbosari, Ishchi guruh kotibi

Oʻzbekiston Respublikasi Prezidentining 2021-yil 6-apreldagi PF-6200-son Farmoniga 2-ILOVA

“Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasi qonuni loyihasini zamonaviy talablar va yondashuvlar asosida ishlab chiqish boʻyicha

“YOʻL XARITASI”

T/r Chora-tadbirlar nomi Ijro muddati Masʼullar I. Qonun loyihasini va boshqa normativ-huquqiy hujjatlarni ishlab chiqishga koʻmaklashish boʻyicha xorijiy ekspertlarni jalb qilish 1. Xorijiy ekspertlar va konsalting tashkilotlarini jalb qilish uchun davlat budjeti, grant va boshqa turdagi mablagʻlarni yoʻnaltirish yuzasidan takliflar tayyorlash. 2021-yil 10-may Investitsiyalar va tashqi savdo vazirligi (Sh. Vafayev), Moliya vazirligi (Q. Taparov) 2. Qonun loyihasini va boshqa normativ-huquqiy hujjatlarni ishlab chiqishga koʻmaklashish boʻyicha xorijiy ekspertlarni jalb qilish boʻyicha takliflar tayyorlash. 2021-yil 20-may Adliya vazirligi (A. Karimov), Investitsiyalar va tashqi savdo vazirligi (Sh. Vafayev), Inspeksiya 3. Qonun loyihasini va boshqa normativ-huquqiy hujjatlarni ishlab chiqishga koʻmaklashish uchun xorijiy ekspertlar bilan muzokaralar olib borish. 2021-yil 30-may Suv xoʻjaligi vazirligi (Sh. Xamrayev), Inspeksiya, Investitsiyalar va tashqi savdo vazirligi (Sh. Vafayev), Moliya vazirligi (Q. Taparov), Iqti�odiy taraqqiyot va kambagʻallikni qisqartirish vazirligi (M. Ganiyev) II. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarini qurish, rekonstruksiya qilish va taʼmirlash-tiklash ishlarining sifatini hamda loyiha hujjatlarini nazorat qilish 4. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarini qurish, rekonstruksiya qilish va taʼmirlash-tiklash ishlarini amalga oshirishda pudrat tashkilotlari tomonidan loyiha talablari, qurilish normalariga amal qilinishi holatini oʻrganish. Pudrat tashkilotlarining masʼuliyati va javobgarligini oshirish boʻyicha qonun loyihasiga takliflar tayyorlash. 2021-yil may Suv xoʻjaligi vazirligi (Sh. Xamrayev), Qurilish vazirligi (Sh. Xoshimov), Inspeksiya 5. Loyiha tashkilotlari, buyurtmachilar hamda davlat arxitektura qurilish nazorati organlari tomonidan qurish, rekonstruksiya qilish va taʼmirlash-tiklash ishlarining sifati boʻyicha amaldagi nazorat tizimini oʻrganish. 2021-yil may Suv xoʻjaligi vazirligi (Sh. Xamrayev), Qurilish vazirligi (Sh. Xoshimov), Inspeksiya Loyiha tashkilotlari, buyurtmachilar hamda davlat arxitektura qurilish nazorati organlarining vakolatlarini kengaytirish va javobgarligini oshirish boʻyicha qonun loyihasiga takliflar tayyorlash. 2021-yil iyun 6. Loyiha tashkilotlari, buyurtmachilar hamda davlat arxitektura qurilish nazorati organlarining moddiy-texnika bazasini, jumladan zamonaviy asbob-uskunalar, shuningdek, malakali kadrlar bilan taʼminlanganlik darajasini oʻrganish. 2021-yil iyun Suv xoʻjaligi vazirligi (Sh. Xamrayev), Qurilish vazirligi (Sh. Xoshimov), Inspeksiya, xorijiy ekspertlar Qonun loyihasiga moddiy-texnik bazani mustahkamlash, malakali kadrlarga boʻlgan talabni aniqlash, shuningdek, kadrlar malakasini oshirish boʻyicha takliflar tayyorlash. 2021-yil iyul III. Qonun loyihasini zamonaviy talablar va yondashuvlar asosida ishlab chiqish 7. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarining xavfsizligini va ishonchli ishlashini taʼminlash boʻyicha normativ-huquqiy hujjatlarni, ularni qurish, rekonstruksiya qilish va taʼmirlash-tiklash ishlarining loyiha hujjatlari talablariga amal qilish holatini, sifati boʻyicha nazorat tizimini oʻrganish, shuningdek, mazkur obyektlardan foydalanish holati hamda ularning xavfsizligini va ishonchli ishlashini taʼminlash boʻyicha ishlar tahliliga asosan takliflar ishlab chiqish, umumlashtirish va muhokama qilish. 2021-yil iyun-iyul Suv xoʻjaligi vazirligi (Sh. Xamrayev), Inspeksiya, Ishchi guruh 8. Gidrotexnika inshootlari xavfsizligi toʻgʻrisidagi xorijiy davlatlar qonunchiligini oʻrganish, tahlil qilish va ularni milliy qonunchilikka implementatsiya qilish boʻyicha takliflar tayyorlash. 2021-yil iyun-iyul Adliya vazirligi (A. Karimov), Suv xoʻjaligi vazirligi (Sh. Xamrayev), Inspeksiya, Ishchi guruh 9. “Gidrotexnika inshootlarining xavfsizligi toʻgʻrisida”gi Oʻzbekiston Respublikasining Qonunini oʻtkazilgan oʻrganishlar va tayyorlangan takliflar asosida qayta koʻrib chiqish. 2021-yil avgust-sentyabr Adliya vazirligi (A. Karimov), Suv xoʻjaligi vazirligi (Sh. Xamrayev), Favqulodda vaziyatlar vazirligi (A. Qoʻldoshev), Qurilish vazirligi (Sh. Xoshimov), Ichki ishlar vazirligi (S. Nishanbayev), Milliy gvardiya (A. Boboyev), Inspeksiya, “Oʻzbekgidroenergo” AJ (A. Sanginov) Tayyorlangan qonun loyihasini muhokama qilish. 2021-yil sentyabr 10. “Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasining qonuni loyihasini zamonaviy talablar va yondashuvlar asosida ishlab chiqish. 2021-yil oktyabr Adliya vazirligi (A. Karimov), Suv xoʻjaligi vazirligi (Sh. Xamrayev), Favqulodda vaziyatlar vazirligi (A. Qoʻldoshev), Qurilish vazirligi (Sh. Xoshimov), Ichki ishlar vazirligi (S. Nishanbayev), Milliy gvardiya (M. Ganiyev), Inspeksiya, “Oʻzbekgidroenergo” AJ (A. Sanginov) 11. “Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasining qonuni loyihasini xalqaro tashkilotlar vakillari ishtirokida muhokama qilish va takomillashtirish. 2021-yil dekabr Ishchi guruh, xalqaro ekspertlar 12. “Gidrotexnika inshootlarining xavfsizligi toʻgʻrisida”gi yangi tahrirdagi Oʻzbekiston Respublikasining qonuni loyihasini manfaatdor vazirliklar va idoralar bilan kelishish hamda belgilangan tartibda Vazirlar Mahkamasiga kiritish. 2022-yil mart Inspeksiya, Adliya vazirligi (A. Karimov), Suv xoʻjaligi vazirligi (Sh. Xamrayev), Favqulodda vaziyatlar vazirligi (A. Qoʻldoshev), Qurilish vazirligi (Sh. Xoshimov), Milliy gvardiya (M. Ganiyev) IV. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlari xavfsizligini va ishonchli ishlashini taʼminlash boʻyicha qonunosti normativ-huquqiy hujjatlarni takomillashtirish 13. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarining loyiha-qidiruv ishlarini tashkil etish, loyihalash va foydalanish boʻyicha normativ-huquqiy hujjatlar hamda boshqa normativ-huquqiy hujjatlarni xatlovdan oʻtkazish. 2022-yil yanvar-fevral Adliya vazirligi (A. Karimov), Qurilish vazirligi (Sh. Xoshimov), Favqulodda vaziyatlar vazirligi (A. Qoʻldoshev), Suv xoʻjaligi vazirligi (Sh. Xamrayev), Inspeksiya 14. Normativ-huquqiy hujjatlar va boshqa idoraviy hujjatlarda suv omborlari, sel-suv omborlari va boshqa suv xoʻjaligi obyektlarining xavfsiz va ishonchli ishlashi boʻyicha talablar, koʻrsatkichlar va mezonlarni tahlil qilish. 2022-yil fevral-mart Inspeksiya, “Oʻzsuvloyiha” AJ (M. Nadjimov), “Oʻzbekgidroenergo” AJ (A. Sanginov), “OʻzGIP” MChJ (B. Yusupov), Suv xoʻjaligi vazirligi (Sh. Xamrayev) 15. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarining xavfsiz va ishonchli ishlashi boʻyicha xorijiy davlatlar qonunchiligini oʻrganish hamda tahlil qilish. 2022-yil mart — may Suv xoʻjaligi vazirligi (Sh. Xamrayev), Qurilish vazirligi (Sh. Xoshimov), “OʻzGAShKLITI” DUK (Y. Magrupov), Inspeksiya, “OʻzGIP” MChJ (B. Yusupov), “Oʻzsuvloyiha” AJ (M. Nadjimov) Milliy qonunchilikni takomillashtirish boʻyicha takliflarni tayyorlash. 2022-yil aprel V. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlaridan foydalanish holati hamda ularning xavfsizligini va ishonchli ishlashini taʼminlash 16. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarining texnik holatini va nazorat-oʻlchov asboblari, avariya holatlarida oldindan xabar berish tizimi, axborot-kommunikatsiya va raqamli texnologiyalar bilan jihozlanganlik holatini oʻrganish. 2022-yil fevral-mart Inspeksiya, Suv xoʻjaligi vazirligi (Sh. Xamrayev), Favqulodda vaziyatlar vazirligi (A. Qoʻldoshev), Axborot texnologiyalari va kommunikatsiyalarini rivojlantirish vazirligi (O. Pekos), “Oʻzbekgidroenergo” AJ (A. Sanginov), “OʻzGIP” MChJ (B. Yusupov), “Oʻzsuvloyiha” AJ (M. Nadjimov) Mazkur obyektlardan xavfsiz va ishonchli foydalanish boʻyicha uch yillik chora-tadbirlar dasturini ishlab chiqish. 2022-yil mart 17. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarini qoʻriqlash tizimini oʻrganish va muammolarni aniqlash. 2022-yil aprel Suv xoʻjaligi vazirligi (Sh. Xamrayev), Inspeksiya, Favqulodda vaziyatlar vazirligi (A. Qoʻldoshev), Milliy gvardiya (M. Ganiyev), Mudofaa vazirligi, Ichki ishlar vazirligi (S. Nishanbayev) Aniqlangan muammolar tahlili asosida ushbu obyektlarning qoʻriqlanishi tizimini takomillashtirish va moddiy-texnika bazasini mustahkamlash boʻyicha takliflar tayyorlash. 2022-yil may 18. Suv omborlari, sel-suv omborlari va xavflilik darajasi yuqori boʻlgan boshqa suv xoʻjaligi obyektlarining kadrlar bilan toʻldirilganlik darajasini va ishlayotgan rahbar-xodimlarning malakasi�i oʻrganish. 2022-yil yanvar-fevral Inspeksiya, Suv xoʻjaligi vazirligi (Sh. Xamrayev), “Oʻzbekgidroenergo” AJ (A. Sanginov), Oliy va oʻrta maxsus taʼlim vazirligi (U. Begimqulov), Toshkent irrigatsiya va qishloq xoʻjaligini mexanizatsiyalash muhandislari instituti (Oʻ. Umurzakov) Malakali kadrlarga boʻlgan talabni aniqlash, ehtiyojni qondirish boʻyicha takliflar tayyorlash hamda malakasini oshirish boʻyicha chora-tadbirlar dasturini ishlab chiqish. 2022-yil mart

Oʻzbekiston Respublikasi Prezidentining 2021-yil 6-apreldagi PF-6200-son Farmoniga 3-ILOVA

Oʻzbekiston Respublikasi Prezidentining ayrim farmonlariga kiritilayotgan oʻzgartirishlar

1. Oʻzbekiston Respublikasi Prezidentining 2017-yil 18-apreldagi “Uy-joy kommunal xizmat koʻrsatish tizimini boshqarishni yanada takomillashtirish chora-tadbirlari toʻgʻrisida”gi PF-5017-son Farmoni 2-bandida:

uchinchi xatboshi chiqarib tashlansin;

toʻrtinchi — oʻn ikkinchi xatboshilar tegishincha uchinchi — oʻn birinchi xatboshilar deb hisoblansin.

2. Oʻzbekiston Respublikasi Prezidentining 2019-yil 26-noyabrdagi “Aholining ichimlik suvi bilan taʼminlanganlik darajasini oshirish va uning sifatini yaxshilash uchun Oʻzbekiston Respublikasining suv resurslarini boshqarishni takomillashtirish chora-tadbirlari toʻgʻrisida”gi PF-5883-son Farmonida:

a) 1-bandning ikkinchi xatboshisidan “, shuningdek, yagona suv balansini shakllantirish” soʻzlari chiqarib tashlansin;

b) 2-bandda:

birinchi xatboshidagi “, shuningdek, yagona suv balansini shakllantirish boʻyicha” soʻzlari;

ikkinchi xatboshidagi “orqali respublikaning yagona suv balansini shakllantirishni tashkil etish” soʻzlari chiqarib tashlansin.

Oʻzbekiston Respublikasi Prezidentining 2021-yil 6-apreldagi PF-6200-son Farmoniga 4-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim farmonlari

ROʻYXATI

1. Oʻzbekiston Respublikasi Prezidentining 1999-yil 24-martdagi “Oʻzbekiston Respublikasi Vazirlar Mahkamasi huzuridagi Katta va alohida muhim suv xoʻjaligi obyektlarining texnik holatini hamda bexatar ishlashini nazorat qilish davlat inspeksiyasi (“Davsuvxoʻjaliknazorat”)ni tashkil qilish toʻgʻrisida”gi PF-2272-son Farmoni.

2. Oʻzbekiston Respublikasi Prezidentining 2018-yil 17-apreldagi “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5418-son Farmoni 3-bandi.