Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirish chora-tadbirlari toʻgʻrisida (PQ-5047-son)

01.04.2021

Oʻzbekiston Respublikasi Prezidentining

Qarori

Oʻzbekiston Respublikasi Prezidentining 2021-yil 1-apreldagi “Ilmiy va innovatsion faoliyatni rivojlantirish boʻyicha davlat boshqaruvi tizimini takomillashtirish toʻgʻrisida”gi PF-6198-son Farmoniga muvofiq:

1. Quyidagilar:

Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirishga qaratilgan chora-tadbirlar dasturi (keyingi oʻrinlarda — Chora-tadbirlar dasturi) 1-ilovaga muvofiq;

Ilm-fanni moliyalashtirish va innovatsiyalarni qoʻllab-quvvatlash jamgʻarmasi kuzatuv kengashining tarkibi 6-ilovaga muvofiq;

Ilm-fanni moliyalashtirish va innovatsiyalarni qoʻllab-quvvatlash jamgʻarmasi toʻgʻrisidagi nizom 7-ilovaga muvofiq tasdiqlansin.

4. Belgilab qoʻyilsinki:

Innovatsion rivojlanish agentligini (keyingi oʻrinlarda — Agentlik) saqlash xarajatlari Oʻzbekiston Respublikasi Davlat budjeti va Ilm-fanni moliyalashtirish va innovatsiyalarni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan amalga oshiriladi;

Qoraqalpogʻiston Respublikasi va viloyatlar innovatsion rivojlanish boshqarmalarini saqlash xarajatlari Jamgʻarma mablagʻlari hisobidan amalga oshiriladi;

Agentlik va uning tizimidagi Ilmiy-texnika axborot markazi, shuningdek, Jamgʻarma Ijro etuvchi direksiyasi xodimlarini ragʻbatlantirish xarajatlari Jamgʻarma mablagʻlari hisobidan amalga oshiriladi.

5. Toshkent shahri, Olmazor tumani, Universitet koʻchasi, 7-uy manzilida joylashgan bino va inshootlar tegishli hududi bilan birga Oliy taʼlim, fan va innovatsiyalar vazirligiga (keyingi oʻrinlarda — Vazirlik) operativ boshqaruv huquqi asosida berilsin.

Bunda:

Vazirlik, Agentlik, Jamgʻarma, Ilmiy-texnik axborot markazi — ushbu bandning birinchi xatboshisida koʻrsatilgan manzildagi binoga;

ilmiy ishlanmalarni tijoratlashtirish uchun tashkil etiladigan tashkilotlar hamda akseleratsiya natijasiga koʻra Jamgʻarma tomonidan moliyalashtirilgan startap tashkilotlarning maʼmuriy boshqaruvi organlari koʻpi bilan bir yil muddatga — Vazirlik binosiga tekin foydalanish huquqi asosida joylashtiriladi.

6. Qoraqalpogʻiston Respublikasi Vazirlar Kengashi, viloyatlar hokimliklari Davlat aktivlarini boshqarish agentligi va Innovatsion rivojlanish vazirligi bilan birgalikda bir oy muddatda Qoraqalpogʻiston Respublikasi va viloyatlar innovatsion rivojlanish boshqarmalari barcha shart-sharoitlarga ega binoga joylashtirilishini taʼminlasin.

7. Innovatsion rivojlanish vazirligi ikki oy muddatda:

a) manfaatdor vazirlik va idoralar bilan birgalikda quyidagilarni Vazirlar Mahkamasiga kiritsin:

Innovatsion rivojlanish vazirligi toʻgʻrisidagi nizomni;

qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni;

b) quyidagilarni:

belgilangan tartibda Oʻzbekiston Respublikasi Innovatsion rivojlanish vazirligining markaziy apparati xodimlari va xizmat koʻrsatuvchi xodimlarining shtat jadvalini;

Innovatsiyalarni joriy qilish va texnologiyalar transferining milliy ofisi ustavini tasdiqlasin;

v) Qoraqalpogʻiston Respublikasi va viloyatlar innovatsion rivojlanish boshqarmalarini zarur nazariy bilimlar va amaliy koʻnikmalarga, Innovatsion rivojlanish vazirligiga yuklatilgan vazifalarni professional darajada amalga oshirish qobiliyatiga ega boʻlgan yuqori malakali kadrlar bilan toʻldirish choralarini koʻrsin.

8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 1-aprel,

PQ-5047-son

Oʻzbekiston Respublikasi Prezidentining 2021-yil 1-apreldagi PQ-5047-son qaroriga 1-ILOVA

Ilm-fan sohasidagi davlat siyosati va innovatsion rivojlantirishdagi davlat boshqaruvini yanada takomillashtirishga qaratilgan

CHORA-TADBIRLAR DASTURI

T/r Tadbirlar nomi Amalga oshirish mexanizmi Bajarish muddatlari Masʼul ijrochilar I. Ilm-fan yutuqlari va innovatsiyalar asosida mamlakatni rivojlantirishning strategik yoʻnalishlarini ishlab chiqish va global reytinglardagi pozitsiyalarini yaxshilash 1. Jahon bankining “Fargʻona vodiysida qishloq tadbirkorligini rivojlantirish loyihasi” doirasida loyihalarni amalga oshirish. 1. Jahon banki vakillari bilan loyihada nazarda tutilgan mablagʻlarni oʻzlashtirish boʻyicha 2021-yilga moʻljallangan chora-tadbirlar dasturini ishlab chiqish va tasdiqlash. 2021-yil aprel Innovatsion rivojlanish vazirligi (I. Abdurahmonov), Investitsiyalar va tashqi savdo vazirligi (L. Qudratov), Agrosanoat majmui va oziq-ovqat taʼminoti sohasidagi loyihalarni amalga oshirish agentligi, Fargʻona, Andijon va Namangan viloyatlari hokimliklari 2. Dasturga oid tegishli innovatsion loyihalarni saralab olish. 2021-yil dekabr 3. Loyihalarni amalga oshirish boʻyicha Jahon banki mablagʻlarini oʻzlashtirish. 2021 — 2024-yillar 2. Davlat boshqaruvi organlari va xoʻjalik birlashmalarining rahbar oʻrinbosariga innovatsiyalarni joriy qilish masalalarini muvofiqlashtirish vazifasini yuklash va innovatsion faoliyat boʻyicha tuzilmalarini tashkil etish. 1. Davlat boshqaruvi organlari va xoʻjalik birlashmalarining amaldagi rahbar oʻrinbosarlaridan biriga innovatsiyalarni joriy etish (Chief Innovation Officer) vazifasini yuklash boʻyicha tegishli Hukumat qarori loyihasini ishlab chiqish. 2021-yil may Vazirlar Mahkamasi (O. Umarov), Innovatsion rivojlanish vazirligi (I. Abdurahmonov) Davlat boshqaruvi organlari va xoʻjalik birlashmalari Davlat boshqaruvi organlari va xoʻjalik birlashmalari 2. Davlat boshqaruvi organlari va xoʻjalik birlashmalarida innovatsion faoliyat bilan shugʻullanishga masʼul boʻlinmalarni belgilash. 2021-yil iyun 3. Innovatsion faoliyat bilan shugʻullanishga masʼul boʻlinmalarning maqsad va vazifalarini nazarda tutuvchi nizomlarni tasdiqlash hamda shtat birligi doirasida mutaxassislar bilan toʻldirish. 2021-yil sentabr 4. Innovatsion faoliyat bilan shugʻulanishga masʼul boʻlinmalarning yil yakunlari boʻyicha amalga oshirgan ishlari toʻgʻrisidagi hisobotini Innovatsion rivojlanish vazirligiga taqdim etish. har yili hisobot yili yakunidan soʻng 3. Oʻzbekiston Respublikasini 2022 — 2030-yillarda innovatsion rivojlantirish strategiyasini ishlab chiqish. 1. Oʻzbekiston Respublikasini 2022 — 2030-yillarda innovatsion rivojlantirish strategiyasi va uni amalga oshirish boʻyicha chora-tadbirlarni tasdiqlashni nazarda tutuvchi Oʻzbekiston Respublikasi Prezidentining tegishli hujjati loyihasini ishlab chiqish. 2021-yil iyun Innovatsion rivojlanish vazirligi (I. Abdurahmonov), Oliy va oʻrta maxsus taʼlim vazirligi (A. Toshqulov), tizimida oliy taʼlim muassasalari boʻlgan vazirlik va idoralar 2. Hujjat loyihasini manfaatdor vazirlik va idoralar bilan kelishish. 2021-yil avgust 3. Hujjat loyihasini belgilangan tartibda Vazirlar Mahkamasiga kiritish. 2021-yil sentabr II. Hududlarning intellektual va texnologik salohiyatini oshirish hamda zamonaviy infratuzilmasini shakllantirish 4. Hududiy ilmiy dasturlarni ishlab chiqish va ilmiy loyihalarni moliyalashtirish tizimini joriy qilish. 1. Hududlarning iqtisodiy va ijtimoiy sohalarida mavjud tashkiliy va texnologik muammolarini oʻrganish boʻyicha ishchi guruh tuzish. 2021-yil sentabr Innovatsion rivojlanish vazirligi (I. Abdurahmonov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Oʻrganish natijalari asosida mavjud muammolarning ilmiy yechimiga qaratilgan ilmiy-texnik mavzularni shakllantirish va hududiy ilmiy va maqsadli dasturlarni ishlab chiqish. Doimiy 3. Dasturlar doirasida ilmiy-texnik loyihalar tanlovlarini eʼlon qilish va tanlov gʻoliblarini moliyalashtirish. Doimiy 5. Surxondaryo viloyatining 2021 — 2030-yillarda innovatsion rivojlantirish dasturini ishlab chiqish. 1. Surxondaryo viloyatini 2021 — 2030-yillarda innovatsion rivojlantirish konsepsiyasi va dasturini tasdiqlashni nazarda tutuvchi Vazirlar Mahkamasining qarori loyihasini ishlab chiqish. 2021-yil oktabr Innovatsion rivojlanish vazirligi (I. Abduraxmonov), Iqtisodiy taraqqiyot va kambagʻallikni qisqartirish vazirligi (I. Norqulov), Fanlar akademiyasi (B. Yuldashev), Oliy va oʻrta maxsus taʼlim vazirligi (A. Toshqulov), Surxondaryo viloyati hokimligi (T. Bobolov) 2. Hujjat loyihasini tegishli vazirlik va idoralar bilan belgilangan tartibda kelishish. 2021-yil noyabr 3. Hujjat loyihasini belgilangan tartibda Vazirlar Mahkamasiga kiritish. 2021-yil dekabr 6. Qashqadaryo viloyatining Shahrisabz shahrida “Quyonchilik klasterini tashkil qilish” investitsiya loyihasini amalga oshirish. 1. Loyihaning investitsion pasportini ishlab chiqish va Investitsiya portaliga joylashtirish. 2021-yil dekabr Innovatsion rivojlanish vazirligi (I. Abdurahmonov), Oʻzbekiston quyonchilik xoʻjaliklari assotsiatsiyasi (A. Ibragimov), Qishloq xoʻjaligi vazirligi (J. Xodjayev), Veterinariya va chorvachilikni rivojlantirish davlat qoʻmitasi Qashqadaryo viloyati hokimligi (Z. Mirzayev) 2. Mahalliy investor bilan hamkorlikda quyonchilik klasterining quyonlarni iqlimga genetik moslashtirish xoʻjaligini tashkil etish. 2022-yil fevral 3. Yevropadan zotli quyonlar keltirish va ularni koʻpaytirish uchun zarur sharoitlarni hamda seleksiya tartibotini tashkil qilish. 2022-yil avgust 4. Xorijiy hamkor bilan Oʻzbekistonda quyonchilikni rivojlantirishning uslubiy va texnik dasturini ishlab chiqish. 2022-yil noyabr 5. Quyonchilik klasteri doirasida quyonchilik xoʻjaliklari (shu jumladan kasanachilik asosida), quyon goʻshti va moʻynasini qayta ishlash tashkilotini tashkil etish. 2022-yil dekabr 6. Quyonchilik klasterining ozuqa bazasini tashkil etish. 2022-yil dekabr 7. Toshkent viloyati Qibray tumani va Toshkent shahar Mirzo Ulugʻbek tumani hududlarida Toshkent shahri hokimligi boʻysunuvidagi “Olimlar shaharchasi”ni tashkil etish. 1. Toshkent viloyati Qibray tumani va Toshkent shahri Mirzo Ulugʻbek tumani hududlarida zarur yer maydonlari chegaralirini belgilash. 2021-yil may Toshkent shahar hokimligi (J. Artikxodjayev), Toshkent viloyati hokimligi (D. Hidoyatov), Qurilish vazirligi (B. Zokirov), Fanlar akademiyasi (B. Yuldashev), Innovatsion rivojlanish vazirligi (I. Abdurahmonov) 2. “Olimlar shaharchasi”ni tashkil etishga qaratilgan zarur chora-tadbirlar boʻyicha takliflarni Vazirlar Mahkamasiga kiritish. 2021-yil avgust 8. Texnologiyalarni transfer qilish milliy va hududiy ofislarini muvofiqlashtirish. 1. Mavjud texnologiyalar transferi ofislari faoliyatini koʻrib chiqish va monitoringini oʻtkazish. 2021-yil oktabr Innovatsion rivojlanish vazirligi (I. Abdurahmonov), Oliy va oʻrta maxsus taʼlim vazirligi (A. Toshqulov), Fanlar akademiyasi (B. Yuldashev) 2. Texnologiyalar transferi ofislarida ilmiy ishlanmalar va texnologiyalar transferi loyihalarini baholash va ularning samradorligini oshirish. 2021-yil dekabr III. Ilm-fan va innovatsiyalar sohasida xalqaro aloqalarni kengaytirish va mustahkamlash 9. Xorijiy davlatlarning nufuzli ilmiy markazlari va universitetlarida faoliyat koʻrsatayotgan yuqori salohiyatli vatandosh olimlar hamda iqtidorli mahalliy yosh olimlarni ilm-fan sohasiga jalb etish maqsadida Milliy laboratoriyani tashkil etish. 1. Milliy laboratoriyani tashkil etish boʻyicha takliflarni qabul qilish, tanlov asosida saralab olish tartibini ishlab chiqish. 2021-yil aprel Innovatsion rivojlanish vazirligi (I. Abdurahmonov), tizimida oliy taʼlim muassasalari boʻlgan vazirlik va idoralar 2. Xalqaro tadqiqot laboratoriyalarini tashkil qilishda ishtirok etishga arizalar tanlovini eʼlon qilish. 2021-yil sentabr 3. Tanlov va saralash natijalariga asosan Milliy laboratoriyani tashkil etish boʻyicha gʻolib loyihalarni budjetdan tashqari mablagʻlar hisobidan moliyalashtirish. 2021-yil dekabr 10. Rossiya Federatsiyasi Innovatsiyalarni ragʻbatlantirish jamgʻarmasi bilan hamkorlik doirasida “startap” loyihalar tanlovini amalga oshirish. 1. “Startap” loyihalar tanlovini eʼlon qilish. 2021-yil aprel Innovatsion rivojlanish vazirligi (I. Abdurahmonov) 2. Loyihalar tanlovining saralash bosqichini oʻtkazish. 2021-yil sentabr 3. Saralab olingan loyihalarni moliyalashtirish. 2021-yil dekabr IV. Ilmiy faoliyatga oid davlat dasturlari doirasida amalga oshirilayotgan ilmiy loyihalar natijadorligini oshirish, ilmiy tashkilotlarning laboratoriya bazasini yangilash 11. Innovatsion rivojlanish vazirligi huzuridagi ilmiy-texnik kengashlar faoliyati shaffofligini oshirish. 1. Ilmiy-tadqiqot loyihalarini saralash jarayoniga IT-texnologiyalar va raqamlashtirishni joriy etish. 2. Ilmiy-texnik kengashlar aʼzoligiga “Xirsh” indeksida (h-index) optimal koʻrsatkichlarga ega boʻlgan olimlarni jalb qilish. 2021-yil may Innovatsion rivojlanish vazirligi (I. Abdurahmonov) 12. Ilmiy faoliyatga oid davlat dasturlari doirasida xalqaro hamkorlikdagi qoʻshma ilmiy loyihalar sonini oshirish. 1. Xalqaro ilmiy va innovatsiya sohasida hamkor davlatlar bilan qoʻshma ilmiy loyihalar tanlovlarini oʻtkazish boʻyicha kelishuvga erishish. 2021-yil sentabr Innovatsion rivojlanish vazirligi (I. Abdurahmonov) 2. Qoʻshma ilmiy loyihalar tanlovlari mexanizmlarini ishlab chiqish. 2021-yil oktabr 3. Xalqaro hamkorlikdagi qoʻshma ilmiy loyihalar tanlovlarini eʼlon qilish. 2021-yil noyabr 4. Tanlov natijalariga koʻra qoʻshma ilmiy loyihalarni moliyalashtirish. tanlov natijalariga koʻra 13. Ilmiy faoliyatning nufuzini oshirishga oid targʻibot ishlarini tashkil etish. 1. Ommaviy axborot vositalarida targʻibot qilishga oid dastur va reja-jadval ishlab chiqish. 2021-yil aprel Innovatsion rivojlanish vazirligi (I. Abdurahmonov), Fanlar akademiyasi (B. Yuldashev), Oliy va oʻrta maxsus taʼlim vazirligi vazirlik va idoralar 2. Ishlab chiqilgan dastur va reja-jadvalni televideniye, radio, gazeta va Internet tarmogʻidagi saytlar bilan ishlab kelishish. 2021-yil may 3. Ommaviy axborot vositalarida mavzuga doir koʻrsatuv, eshittirish va maqolalar eʼlon qilinishini taʼminlash. 2021-yil iyundan boshlab 14. Ishlab chiqarish tarmoqlarida ilmiy-innovatsion tadqiqotlar sifati va natijadorligini oshirish maqsadida qoʻshimcha laboratoriya, shu jumladan noyob uskuna va jihozlar xarid qilish. 1. Ehtiyojga koʻra zamonaviy ilmiy laboratoriya asbob-uskunalari roʻyxatini shakllantirish hamda loyihaoldi va loyiha hujjatlarini tayyorlash. Doimiy Fanlar akademiyasi (B. Yuldashev), Innovatsion rivojlanish vazirligi (I. Abdurahmonov), “Oʻzstandart” agentligi (D. Sattarov), manfaatdor vazirlik va idoralar 2. Belgilangan tartibda zamonaviy ilmiy laboratoriya asbob-uskunalari xarid qilishda amaliy yordam koʻrsatish. Doimiy 3. Laboratoriya jihozlaridan foydalanish faoliyatiga xalqaro akkreditatsiya olish. 2021-yil aprel 15. Noyob qoʻlyozma, toshbosma kitoblar va tarixiy hujjatlarni oʻrganish, tahlil qilish hamda natijalaridan tegishli sohalarda keng foydalanish boʻyicha chora-tadbirlarni ishlab chiqish. Chora-tadbirlar dasturini ishlab chiqish va Vazirlar Mahkamasiga tasdiqlash uchun kiritish. Dasturda quyidagilar nazarda tutiladi: mamlakatimizdagi turli ilmiy va taʼlim muassasalarida, muzey hamda fondlarda saqlanayotgan noyob qoʻlyozma va toshbosma asarlarni tizimli oʻqib-oʻrganish, ularni tahlil qilish va ilmiy muomalaga kiritish; yosh tadqiqotchilarni jalb etish, ularning kasbiy malakasini oshirish, manbashunos va matnshunos kadrlar tayyorlash; Fanlar akademiyasi huzuridagi Abu Rayhon Beruniy nomidagi Sharqshunoslik institutining faoliyatini tubdan takomillashtirish. 2021-yil may Fanlar akademiyasi (B. Yuldashev), Innovatsion rivojlanish vazirligi (I. Abdurahmonov), Oliy va oʻrta maxsus taʼlim vazirligi (A. Toshqulov), Madaniyat vazirligi (O. Nazarbekov), Moliya vazirligi (T. Ishmetov), vazirlik va idoralar V. Ilmiy kadrlarni tayyorlash tizimining samaradorligini oshirish va boshqaruv tizimining shaffofligini taʼminlash 16. Mamlakatdagi yoshlarni aniq fanlar, raqamli texnologiyalar hamda robototexnika sohasidagi intellektual salohiyatini rivojlantirish, ularni qoʻllab-quvvatlash va ragʻbatlantirishga yoʻnaltirilgan tadbirlar tashkil etish. 1. Manfaatdor vazirlik va idoralar bilan birgalikda aniq fanlar, raqamli texnologiyalar hamda robototexnika sohasini rivojlantirish boʻyicha tanlov shartlari va nizomini ishlab chiqish hamda oʻtkazish. 2021-yil noyabrdan Innovatsion rivojlanish vazirligi (I. Abdurahmonov), Oliy va oʻrta maxsus taʼlim vazirligi (A. Toshqulov), Axborot texnologiyalari va kommunikatsiyalarini rivojlantirish vazirligi (Sh. Sadikov), Oʻzbekiston yoshlar ittifoqi (A. Jumaboyev) 2. Manfaatdor vazirlik va idoralar bilan hamkorlikda aniq fanlar, raqamli texnologiyalar hamda robototexnika sohasini rivojlantirish boʻyicha mahorat darslari, seminarlar tashkil etish. 2021-2022-yillar 17. Olimlarning nashr etish faolligi yakunlari boʻyicha har yilgi “Ilm-fan yetakchisi” respublika tanlovini oʻtkazish. 1. Tanlovni oʻtkazish tartibini ishlab chiqish. 2021-yil sentabr Innovatsion rivojlanish vazirligi, (I. Abdurahmonov), Fanlar akademiyasi, (B. Yuldashev), Oliy va oʻrta maxsus taʼlim vazirligi (A. Toshqulov), tizimida oliy taʼlim muassasalari va ilmiy tashkilotlar boʻlgan vazirlik va idoralar 2. Gʻoliblarni Oʻzbekiston Respublikasi Hukumatining faxriy yorliqlari, tegishli vazirlik va idoralarning qimmatbaho sovgʻalari bilan taqdirlash boʻyicha takliflarni ishlab chiqish. 2021-yil sentabr 3. “Ilm-fan yetakchisi” tanlovi gʻoliblarini tegishli sohalardagi vazifalarni hal etishga jalb qilish boʻyicha tadbirlar rejasini ishlab chiqish. 2021-yil dekabr VI. Yoshlarni ilmiy faoliyatga jalb etishning samarali mexanizmlarini joriy qilish 18. Maktablarda va oliy taʼlim muassasalarida, innovatsiya va “startap” madaniyatini amaliy seminarlar orqali yoshlar ongida shakllantirish va keng targʻib etish. 1. “Startap” madaniyati tizimi, tadbirkorlik koʻnikmalarini va innovatsiyalarni rivojlantirish hamda uni yoshlar orasida targʻib qilish maqsadida maktablarda va oliy taʼlim muassasalarida master-klass treninglar oʻtkazish. 2. Treninglarda oʻquvchilar, bakalavr va magistratura bosqichi talabalari hamda professor-pedagoglarning faol ishtirokini taʼminlash. Doimiy Innovatsion rivojlanish vazirligi (I. Abdurahmonov), Oliy va oʻrta maxsus taʼlim vazirligi (A. Toshqulov), Xalq taʼlimi vazirligi (Sh. Shermatov) 19. Yoshlar akademiyasi aʼzolari faoliyat yuritishi uchun qulay sharoitlar yaratish va ularning ilmiy faoliyatini qoʻllab-quvvatlash. 1. Yoshlar akademiyasi aʼzolari uchun har yili “startap” va tashabbuskor loyihalar tanlovini tashkil qilish. 2. Yoshlar akademiyasi aʼzolarini nufuzli xorijiy ilmiy markaz va tashkilotlarga maqsadli hamda tizimli ravishda ilmiy stajirovkalarga yuborishni tashkil etish. Muntazam ravishda Innovatsion rivojlanish vazirligi (I. Abdurahmonov), tizimida oliy taʼlim muassasalari va ilmiy tashkilotlar boʻlgan vazirlik va idoralar 20. Xorijiy yetakchi kompaniyalarning malakali mutaxassislari yordamida olimlar va mustaqil izlanuvchilarga yangi qurilish materiallarini yaratish, loyihalash va qurilish sohasidagi koʻnikmalarini shakllantirish va oshirishga qaratilgan ilgʻor texnologiyalarni qoʻllash boʻyicha Milliy onlayn-tanlov tashkil etish. 1. Manfaatdor vazirlik va idoralar bilan birgalikda yangi qurilish materiallarini yaratish, loyihalash va qurilish sohasidagi koʻnikmalarini shakllantirish va oshirishga qaratilgan tanlov tashkil etish boʻyicha nizom loyihasini ishlab chiqish va tasdiqlash. 2021-yil may Innovatsion rivojlanish vazirligi (I. Abdurahmonov), Qurilish vazirligi (B. Zakirov), “Oʻzsa?oatqurilish-materiallari” uyushmasi (A. Baxodirov), Oliy va oʻrta maxsus vazirligi (A. Toshqulov), Oʻzbekiston yoshlar ittifoqi (A. Jumaboyev), tizimida oliy taʼlim muassasalari va ilmiy tashkilotlar mavjud boʻlgan vazirlik va idoralar 2. Tanlov shartlarini ishlab chiqish va manfaatdor vazirlik va idoralar mutaxassislaridan iborat hayʼat tarkibini shakllantirish. 2021-yil iyun 3. Milliy onlayn-tanlovni eʼlon qilish. 2021-yil avgust 4. Ishtirokchilardan arizalarini elektron tarzda qabul qilish va tanlovni oʻtkazish. 2021-yil noyabr VII. Tarmoq ilmiy-tadqiqotlarini rivojlantirish, ilm-fanni ishlab chiqarish bilan integratsiyasini mustahkamlash 21. Respublikada R&D (tadqiqot va rivojlanish) dasturlari asosida tadqiqotlarni rivojlantirish strategiyasini hamda tarmoqlarda tadqiqot va rivojlantirish faoliyatini tashkil etishga qaratilgan chora-tadbirlarni ishlab chiqish. 1. Tegishli vazirlik va idoralar mutaxassislarini keng jalb etgan holda ishchi guruh tashkil etish. 2021-yil oktabr Innovatsion rivojlanish vazirligi (I. Abdurahmonov), Iqtisodiy taraqqiyot va kambagʻallikni qisqartirish vazirligi (I. Norqulov), Fanlar akademiyasi (B. Yuldashev) 2. Tarmoqlarda R&D tadqiqotlarini tashkil etish va davlat tomonidan qoʻllab-quvvatlash mexanizmlari boʻyicha xorijiy tajribani tahlil qilish. 2021-yil oktabr 3. Respublikada R&D (tadqiqot va rivojlanish) dasturlari asosida tadqiqotlarni rivojlantirish strategiyasini hamda tarmoqlarda tadqiqot va rivojlantirish faoliyatini tashkil etishga qaratilgan chora-tadbirlarni ishlab chiqish. 2021-yil dekabr 4. Chora-tadbirlarni amalga oshirish yuzasidan takliflarni Vazirlar Mahkamasiga kiritish. 2022-yil aprel 22. Zamonaviy va yuqori texnologiyalarga asoslangan, import oʻrnini bosuvchi yangi mahsulotlar ishlab chiqarishga va xizmatlar koʻrsatishga yoʻnaltirilgan texnologiyalar transferini amalga oshirish 1. Zamonaviy va yuqori texnologiyalarga asoslangan, import oʻrnini bosuvchi yangi mahsulotlar ehtiyojni oʻrganish. 2. Texnol?giyalar transferi faoliyatini tashkil etish. Doimiy Innovatsion rivojlanish vazirligi (I. Abdurahmonov), Iqtisodiy taraqqiyot va kambagʻallikni qisqartirish vazirligi (I. Norqulov), tarmoq tashkilotlari 23. 2021-2022-yillarda Oʻzbekiston Respublikasida sunʼiy intellektni rivojlantirish strategiyasini ishlab chiqish 1. Tegishli vazirlik va idoralar mutaxassislarini keng jalb etgan holda ishchi guruh tashkil etish. 2021-yil oktabr Innovatsion rivojlanish vazirligi (I. Abdurahmonov), Axborot texnologiyalari va kommunikatsiyalarini rivojlantirish vazirligi (Sh. Sodiqov), Iqtisodiy taraqqiyot va kambagʻallikni qisqartirish vazirligi (I. Norqulov), Oliy va oʻrta maxsus taʼlim vazirligi (A. Toshqulov) 2. Mamlakatda sunʼiy intellektning rivojlantirish imkoniyatlari va xorijiy tajribalarni tahlil qilish. 2021-yil noyabr 3. Sunʼiy intellektni rivojlantirishga qaratilgan asosiy yoʻnalishlarni belgilashda tegishli iqtisodiy va ijtimoiy sohalar tarmoqlari mutaxassislari ishtirokida “Forsayt” tadbirlarini oʻtkazish. 2021-yil dekabr 4. 2021-2022-yillarda Oʻzbekiston Respublikasida sunʼiy intellektni rivojlantirish strategiyasini ishlab chiqish. 2022-yil fevral 5. Strategiyani tasdiqlash boʻyicha Oʻzbekiston Respublikasi Prezidentining tegishli hujjat loyihasini vazirlik va idoralar bilan kelishish va belgilangan tartibda Vazirlar Mahkamasiga kiritish. 2022-yil dekabr 24. Iqtisodiyot tarmoqlarida mavjud muammolarning ilmiy-texnik va innovatsion yechimlariga qaratilgan loyiha mavzularini shakllantirish va ilmiy faoliyatga oid davlat dasturlari doirasida eʼlon qilish uchun kiritish. 1. Iqtisodiyot tarmoqlaridagi muammolarni oʻrganish. 2. Ilmiy yechimga ega muammolardan ilmiy-texnik loyihalar mavzularini shakllantirish. 3. Shakllantirilgan loyihalar mavzularini ilmiy faoliyatga oid davlat dasturlari doirasida eʼlon qilinadigan tanlovlarga kiritish. Doimiy Innovatsion rivojlanish vazirligi (I. Abdurahmonov) VIII. Yangi ishlanmalarni tijoratlashtirish va ishlab chiqarishga joriy etish 25. Jahon banki bilan hamkorlikdagi “Ilm-fanni tijoratlashtirish” loyihasini amalga oshirish. 1. Jahon bankining 50 mln AQSH dollari miqdoridagi mablagʻlarini oʻzlashtirish maqsadida tashkil etilgan loyihalarni amalga oshirish guruhini yuqori malakali kadrlar bilan butlash. 2021-yil aprel Innovatsion rivojlanish vazirligi (I. Abdurahmonov) 2. Loyihalarni boshqarish guruhi faoliyatini yoʻlga qoʻyish va loyihalar tanlovi boʻyicha xalqaro ekspertlar kengashi va texnologiyalar transfer ofisini tashkil etish. 2021-yil aprel — iyun 3. Jahon banki tomonidan belgilangan imtiyozli kredit mablagʻlarini jalb qilish. 2021 — 2025-yillar 26. Bolalarda ilm-fan sohasiga boʻlgan qiziqishni uygʻotish maqsadida “Science for kids” platformasini keng miqyosda joriy etish. 1. Bolalar uchun ilm-fan sohasiga qiziqish oʻygʻotish va aniq fanlarning amaliy ahamiyati targʻibotini interaktiv mashgʻulotlar orqali amalga oshirish. 2. Maktab oʻquvchilarini platforma doirasida oʻtkaziladigan tadbirlarga keng jalb qilish. 3. Taʼlim muassasalarida onlayn va sayyor mashgʻulotlarni tashkil etish. Doimiy Innovatsion rivojlanish vazirligi (I. Abdurahmonov), Xalq taʼlimi vazirligi (Sh. Shermatov), Maktabgacha taʼlim vazirligi (A. Shin), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 27. Milliy Wi-Fi tarmoqlarni boshqarish tizimi Hotspot dasturi doirasida Navoiy shaxrining markaziy koʻchalarida, jamoat va koʻngilochar maskanlarida Wi-Fi tarmogʻini joriy etish. 1. Dastur yaratish va bepul internetni xavfsiz tarqatish modulini ishga tushirish. 2021-yil sentabr Innovatsion rivojlanish vazirligi (I. Abdurahmonov), Navoiy viloyati hokimligi (Q. Tursunov), Axborot texnologiyalari va kommunikatsiyalarini rivojlantirish vazirligi (Sh. Sodiqov) 2. Android va iOS dasturiy taʼminotlari uchun ilovalar ishlab chiqish. 2021-yil noyabr 3. Dasturning hotspot.uz rasmiy veb-saytini ishga tushirish. 4. Loyiha doirasida Wi-Fi qurilmalarini oʻrnatish. 2021-yil dekabr 28. Ilmiy ishlanmalar va texnologiyalarni tijoratlashtirish ishlarini amalga oshirish. Tijoratlashtirilayotgan innovatsion ishlanmalarni 150 taga yetkazish, olib borilgan ishlar natijasida ishlab chiqarilgan mahsulot umumiy qiymatini 40 mlrd soʻmga yetkazish 2021-yil may Innovatsion rivojlanish vazirligi (I. Abdurahmonov), Fanlar akademiyasi (B. Yuldashev), tarmoq vazirlik va idoralari 29. Yangi istiqbolli yoʻnalishlar boʻyicha “startap” hamda olimlarning tashabbuskor ilmiy loyihalari tanlovini amalga oshirish. 1. Tashabbus doirasida “startap” loyihalar tanlovini eʼlon qilish. 2021-yil oktabr Innovatsion rivojlanish vazirligi (I. Abdurahmonov) 2. Loyihalar tanlovining saralash bosqichini oʻtkazish. 2021-yil dekabr 3. Saralab olingan loyihalarni moliyalashtirish. 2022-yil fevral IX. Yangi innovatsion infratuzilmalarni rivojlantirish va innovatsion faoliyat subyektlarini har tomonlama qoʻllab-quvvatlash 30. Andijon viloyatidagi “Innovatsion poligon”ni zamonaviy asbob-uskunalar bilan taʼminlash va innovatsion mahsulotlar ishlab chiqarishni yoʻlga qoʻyish. 1. Qishloq xoʻjaligi innovatsion poligoni uchun xalqaro moliya institutlari mablagʻlarini jalb qilish. 2021-yil aprel Innovatsion rivojlanish vazirligi (I. Abdurahmonov), Agrosanoat majmui va oziq-ovqat taʼminoti sohasidagi loyihalarni amalga oshirish agentligi, Andijon viloyati hokimligi (Sh. Abdurahmonov) 2. Innovatsion poligon uchun zarur zamonaviy asbob-uskunalarni sotib olish va ishga tushirish. 2021-yil avgust 3. Ilmiy-texnik va qishloq xoʻjaligi boʻyicha yetarli bilim va koʻnikmalarga ega boʻlgan kadrlar bilan poligon shtatlarini toʻldirish va kadrlarning malakasini oshirish ishlarini tashkil etish. 2021-yil dekabr 31. Kimyo yoʻnalishida faoliyat yurituvchi ilmiy-tadqiqot muassasalaridagi mavjud laboratoriyalarni xalqaro standartlarga (GLP va GMP) mos ravishda modernizatsiya qilish va Oʻsimlik moddalari kimyosi instituti hududida GLP klinikoldi tadqiqotlar markazini tashkil etish. 1. Kimyo yoʻnalishida faoliyat yurituvchi ilmiy-tadqiqot muassasalaridagi mavjud laboratoriyalarni xalqaro standartlarga (GLP va GMP) mos ravishda modernizatsiya qilish uchun xorijiy grantlarni jalb qilish boʻyicha ishlarni tashkil etish. 2021-yil aprel Fanlar akademiyasi (B. Yuldashev), Innovatsion rivojlanish vazirligi (I. Abdurahmonov) 2. Oʻsimlik moddalari kimyosi instituti hududida GLP klinikoldi tadqiqotlar markazi faoliyatini tashkil etish yuzasidan chora-tadbirlar rejasini tasdiqlash uchun Vazirlar Mahkamasiga kiritish. 2021-yil may 32. Ilmiy loyihalarni moliyalashtirish va hisobini yuritishning normativ-huquqiy bazasini takomillashtirish. Quyidagilarni nazarda tutuvchi Vazirlar Mahkamasining tegishli qarori loyihasini ishlab chiqish va kiritish: Oʻzbekiston Respublikasi Davlat budjeti mablagʻlari hisobidan bajariladigan davlat ilmiy-texnikaviy dasturlari doirasida loyihalarni amalga oshirishni rejalashtirish, moliyalashtirish va xarajatlarni hisobga olish tartibi toʻgʻrisidagi nizom; Oʻzbekiston Respublikasi Davlat budjeti mablagʻlari hisobidan davlat ilmiy tashkilotlarini bazaviy moliyalashtirish tartibi toʻgʻrisidagi nizom. 2021-yil may Innovatsion rivojlanish vazirligi (Abdurahmonov), Fanlar akademiyasi (Yuldashev), Moliya vazirligi (Ishmetov), manfaatdor vazirlik va idoralar 33. Milliy gʻoʻza genofondi kolleksiyasi markazi, Mikroorganizmlarning milliy kolleksiyasi markazi va Milliy biologik faol moddalar bankini tashkil etish. 1. Milliy gʻoʻza genofondi kolleksiyasi markazi, Mikroorganizmlarning milliy kolleksiyasi markazining va Milliy biologik faol moddalar banki tashkil etiladigan Fanlar akademiyasi tizimidagi ilmiy tashkilotlarni aniqlash. 2021-yil aprel Fanlar akademiyasi (B. Yuldashev), Innovatsion rivojlanish vazirligi (I. Abdurahmonov) 2. Chora-tadbirlar dasturini ishlab chiqish va tasdiqlash uchun Vazirlar Mahkamasiga kiritish. 2021-yil may 34. Oʻsimlik moddalari kimyosi instituti hududida zamonaviy Tibbiyot kimyo va nozik organik sintez laboratoriyasini tashkil etish Oʻsimlik moddalari kimyosi instituti hududida zamonaviy Tibbiyot kimyo va nozik organik sintez laboratoriyasini tashkil etish yuzasidan chora-tadbirlar rejasini tasdiqlash uchun Vazirlar Mahkamasiga kiritish. 2021-yil may Fanlar akademiyasi (B. Yuldashev), Innovatsion rivojlanish vazirligi (I. Abdurahmonov) 35. Qoraqalpoq tabiiy fanlar ilmiy-tadqiqot institutida “Bioorganik kimyo” va “Organik moddalar fizik-kimyo analizi” ilmiy laboratoriyalarini tashkil etish va Janubiy Orolboʻyi zoologiya muzeyi va gerbariysini zarur asbob-uskunalar bilan taʼminlash 1. Qoraqalpoq tabiiy fanlar ilmiy-tadqiqot institutida “Bioorganik kimyo” va “Organik moddalar fizik-kimyo analizi” ilmiy laboratoriyalarini tashkil etish yuzasidan takliflarni tayyorlash va Vazirlar Mahkamasiga kiritish. 2021-yil aprel Fanlar akademiyasi (B. Yuldashev), Moliya vazirligi (T. Ishmetov), Innovatsion rivojlanish vazirligi (I. Abdurahmonov) 2. Janubiy Orolboʻyi zoologiya muzeyi va gerbariysini zarur asbob-uskunalar bilan taʼminlash boʻyicha chora-tadbirlar rejasini tasdiqlash uchun Vazirlar Mahkamasiga kiritish. 2021-yil may

Oʻzbekiston Respublikasi Prezidentining 2021-yil 1-apreldagi PQ-5047-son qaroriga 6-ILOVA

Ilm-fanni moliyalashtirish va innovatsiyalarni qoʻllab-quvvatlash jamgʻarmasi kuzatuv kengashining

TARKIBI

1. I.Yu. Abdurahmonov — oliy taʼlim, fan va innovatsiyalar vaziri, Kuzatuv kengashi raisi 2. B.S. Yuldashev — Fanlar akademiyasi prezidenti 3. A.R. Karimov — iqtisodiyot va moliya vazirining oʻrinbosari 4. O.A. Toʻychiyev — Innovatsion rivojlanish agentligi direktori 5. S.M. Turabdjanov — Islom Karimov nomidagi Toshkent davlat texnika universiteti rektori 6. K.N. Ishanxodjayev — Oʻzbekiston Nodavlat notijorat tashkilotlari milliy assotsiatsiyasi raisi 7. J.T. Tavakalov — Ilm-fanni moliyalashtirish va innovatsiyalarni qoʻllab-quvvatlash jamgʻarmasi ijro etuvchi direktori v.b.

Izoh: Kuzatuv kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli vazifalarni bajarish zimmasiga yuklangan shaxslar kiritiladi.

Oʻzbekiston Respublikasi Prezidentining 2021-yil 1-apreldagi PQ-5047-son qaroriga 7-ILOVA

Ilm-fanni moliyalashtirish va innovatsiyalarni qoʻllab-quvvatlash jamgʻarmasi toʻgʻrisida

NIZOM

1-bob. Umumiy qoidalar

1. Ushbu Nizom Ilm-fanni moliyalashtirish va innovatsiyalarni qoʻllab-quvvatlash jamgʻarmasining (keyingi oʻrinlarda — Jamgʻarma) mablagʻlarini shakllantirish va undan foydalanish tartibini belgilaydi.

2. Jamgʻarma yuridik shaxs hisoblanadi, mustaqil balansga, milliy va xorijiy valyutadagi shaxsiy gʻazna hisobvaraqlariga, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga ega boʻladi.

3. Jamgʻarma oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, boshqa qonunchilik hujjatlariga, shuningdek, ushbu Nizomga amal qiladi.

2-bob. Jamgʻarma mablagʻlarini shakllantirish manbalari va ularni sarflash yoʻnalishlari

4. Jamgʻarma mablagʻlari quyidagilar hisobidan shakllantiriladi:

Oʻzbekiston Respublikasi Adliya vazirligiga patent bojlari, yigʻimlar va soliq toifasiga kirmaydigan boshqa toʻlovlardan kelib tushgan mablagʻlarning 78 foizi;

Oʻzbekiston Respublikasi Davlat budjeti mablagʻlari, shu jumladan davlat ilmiy dasturlari uchun ajratilgan mablagʻlar;

xalqaro moliya tashkilotlari va institutlarining grantlari va kreditlari;

yuridik va jismoniy shaxslar, shu jumladan chet ellik shaxslarning homiylik xayriyalari;

vaqtincha boʻsh turgan mablagʻlarni tijorat banklarining depozitlariga joylashtirishdan tushadigan daromadlar;

qonunchilik hujjatlari bilan taqiqlanmagan boshqa tushumlar.

5. Mazkur Nizomning 4-bandida koʻrsatilgan Oʻzbekiston Respublikasi Adliya vazirligining chet el valyutasidagi mablagʻlari Vazirlik tomonidan Jamgʻarmaning hisobvaraqlariga har oyda valyutaning har bir turi boʻyicha alohida hisobot oyidan keyingi oyning 10-kunigacha oʻtkaziladi.

6. Jamgʻarmaga mablagʻlar kelib tushishini va sarflanishini nazorat qilish Jamgʻarma Kuzatuv kengashi tomonidan amalga oshiriladi.

7. Jamgʻarma mablagʻlari quyidagilarga yoʻnaltiriladi:

innovatsion faoliyat subyektlari tomonidan innovatsiyalarni yaratish va ularni joriy qilishni tanlov asosida moliyalashtirish;

ilmiy-tadqiqot, innovatsion, tajriba-konstruktorlik va startap loyihalarini tanlov asosida moliyalashtirish;

yangi ishlanmalarni tijoratlashtirishga tayyorlashni va/yoki tijoratlashtirishni moliyalashtirish;

“Eng yaxshi ixtiro”, “Eng yaxshi foydali model”, “Eng yaxshi sanoat namunasi”, “Eng yaxshi EHM uchun dastur va maʼlumotlar bazasi” hamda “Eng yaxshi seleksiya yutugʻi” nominatsiyalari boʻyicha respublika tanlovlarini oʻtkazish tadbirlarini moliyalashtirish;

“Intellektual mulk milliy birjasi” elektron platformasini yaratish va saqlab turish xarajatlarini moliyalashtirish;

ilmiy laboratoriyalarni zamonaviy yuqori texnologiyaga asoslangan asbob-uskunalar bilan jihozlash (qoʻshimcha jihozlash), shuningdek, zarur sarflash materiallari va butlovchi qismlar bilan taʼminlash boʻyicha tadbirlarni moliyalashtirish;

davlat ilmiy dasturlari doirasida yaratilgan intellektual mulkka boʻlgan huquqlarni (patentlarni) xorijda roʻyxatdan oʻtkazish va patentni saqlab turish xarajatlarini qoplash;

ilmiy tashkilot va oliy taʼlim muassasalarining yetakchi elektron ilmiy maʼlumotlar bazalaridan erkin foydalanishni taʼminlash, shuningdek, xalqaro nashrlarda ilmiy natijalarni chop etishga tayyorlash hamda xalqaro ilmiy grantlar boʻyicha mavjud maʼlumotlar bazasiga obuna boʻyicha xarajatlarni toʻlash;

Yoshlarning innovatsion tashabbuslarini qoʻllab-quvvatlash ofisi (keyingi oʻrinlarda — Ofis)ning asosiy vazifalarini roʻyobga chiqarishdagi tadbirlarni, shu jumladan, ilmiy-innovatsion akselerator va biznes-inkubatorlarni tashkil etish, iqtidorli yoshlarning rivojlangan davlatlarning nufuzli ilmiy markazlari, universitetlari, texnoparklari va ishlab chiqarish tashkilotlarida malakasini oshirish, ilmiy-amaliy tadbirlar (simpozium, konferensiya, seminar, trening, davra suhbatlari, master-klasslar va boshqalar) tashkil etish hamda ularning xalqaro ilmiy-amaliy tadbirlarda qatnashish xarajatlarini moliyalashtirish;

yosh olimlarning yetakchi xorijiy ilmiy tashkilotlar (markazlar, universitetlar va boshqalar)dagi ilmiy stajirovkalarini moliyalashtirish;

Oʻzbekiston Respublikasi Oliy taʼlim, fan va innovatsiyalar vazirligi (keyingi oʻrinlarda — Vazirlik) va Innovatsion rivojlanish agentligi (keyingi oʻrinlarda — Agentlik) tomonidan jalb qilinayotgan yuqori malakali xorijiy davlatlar mutaxassislarining xarajatlarini (mehnatga haq toʻlash, transport xarajatlari va boshqalar) moliyalashtirish;

Agentlikning Ilmiy-texnik axborot markazini, shuningdek, Vazirlik qaroriga binoan tashkil etiladigan ilmiy kadrlar tayyorlash va xodimlar malakasini oshirish boʻyicha idoraviy ilmiy hamda oʻquv markazlarini, maslahat va axborot markazlarini, ilmiy laboratoriyalarni ularning xoʻjalik faoliyatidan tushadigan daromadlarini hisobga olgan holda moliyalashtirish hamda moddiy-texnik jihatdan taʼminlash;

Agentlik va Jamgʻarma Ijro etuvchi direksiyasini moddiy-texnik jihatdan taʼminlash, shu jumladan, ularning xodimlari malakasini oshirish va xorijiy mamlakatlarga xizmat safarlari xarajatlarini moliyalashtirish;

Agentlik, Ilmiy-texnika axborot markazi, Jamgʻarma Ijro etuvchi direksiyasi xodimlarini moddiy ragʻbatlantirish;

oliy taʼlim muassasalari talabalarining iqtisodiyot tarmoqlari korxonalarida haq toʻlanadigan qisqa muddatli maqsadli ishlab chiqarish amaliyotlarini moliyalashtirish;

Vazirlik balansidagi Toshkent shahri, Olmazor tumani, Universitet koʻchasi, 7-uy manzilida joylashgan bino va inshootlarni tashqi fasad qismini tozalash, isitish-sovutish tizimi va liftlarga xizmat koʻrsatish xarajatlarini moliyalashtirish;

boshqa tadbirlarni, shu jumladan, Agentlikka yuklatilgan vazifalar va funksiyalarga muvofiq amalga oshiriladigan tadbirlarni moliyalashtirish.

8. Jamgʻarma tomonidan mazkur Nizomning 7-bandida koʻrsatilmagan tadbirlarni moliyalashtirish Jamgʻarma Kuzatuv kengashining qaroriga asosan amalga oshiriladi.

3-bob. Jamgʻarma mablagʻlarini sarflash

9. Jamgʻarmadan pul mablagʻlarini ajratish Jamgʻarmaning tasdiqlangan daromadlar va xarajatlar smetasi asosida amalga oshiriladi.

10. Quyidagilar:

innovatsion faoliyat subyektlari tomonidan innovatsiyalarni yaratish va ularni joriy qilish tadbirlari Vazirlikning Ilm-fan va innovatsiyalar kengashining qarorlari va tegishli buyruqlari bilan tasdiqlanadigan xarajatlar smetasiga muvofiq moliyalashtiriladi;

ilmiy-tadqiqot, innovatsion, tajriba-konstruktorlik, startap hamda yangi ishlanmalarni tijoratlashtirishga tayyorlash va/yoki tijoratlashtirish loyihalari belgilangan tartibda oʻtkazilgan tanlovlar natijalariga koʻra Agentlik, Jamgʻarma Ijro etuvchi direksiyasi va loyiha tashabbuskori oʻrtasida tuziladigan shartnomalar asosida moliyalashtiriladi.

Bunda ilmiy-tadqiqot, innovatsion va tajriba-konstruktorlik hamda yangi ishlanmalarni tijoratlashtirishga tayyorlash va/yoki tijoratlashtirish loyihalariga ajratiladigan mablagʻlar Oʻzbekiston Respublikasi Iqtisodiyot va moliya vazirligining axborot tizimida ijrochi tashkilotlarning har bir loyihalari uchun ochiladigan alohida shaxsiy gʻazna hisobvaraqlari orqali budjet tizimi budjetlari xarajatlari iqtisodiy tasnifining tegishli moddalarida, yilning choraklari va oylari kesimida rejalashtiriladi. Startap loyihalar va yopiq mavzudagi ilmiy-tadqiqot loyihalariga ajratiladigan mablagʻlar ijrochi tashkilotning budjetdan tashqari shaxsiy gʻazna hisobvaraqlari yoki bank hisobraqamlariga tuzilgan shartnoma shartlariga asosan moliyalashtiriladi;

davlat ilmiy dasturlari doirasida yaratilgan intellektual mulk huquqlari (patentlar)ni xorijda roʻyxatdan oʻtkazish va qoʻllab-quvvatlash xarajatlarini toʻlash — Jamgʻarma Ijro etuvchi direksiyasi, tegishli buyurtmanoma bergan ilmiy tashkilot yoki oliy taʼlim muassasasi va xorijiy patent idorasi (patent idorasi agenti) oʻrtasidagi uch tomonlama shartnoma asosida amalga oshiriladi;

ilmiy tashkilot va oliy taʼlim muassasalarining yetakchi elektron ilmiy maʼlumotlar bazalaridan erkin foydalanishini taʼminlash (shu jumladan, xalqaro ilmiy grantlar boʻyicha mavjud maʼlumotlar bazasiga milliy obuna) boʻyicha xarajatlarni toʻlash — Agentlik, Jamgʻarmaning Ijro etuvchi direksiyasi va maʼlumotlar bazasining egasi boʻlgan muassasa oʻrtasida tegishli maʼlumotlar bazasiga obuna boʻlish haqida tuziladigan shartnoma asosida amalga oshiriladi;

xalqaro nashrlarda ilmiy natijalarni chop etishga tayyorlash (Proofreading service) xarajatlari Agentlik, Jamgʻarma Ijro etuvchi direksiyasi va xalqaro nashrlarda maqolalarni chop etishga tayyorlash xizmati oʻrtasida tuziladigan shartnomaga asosan qoplanadi;

Ofisning asosiy vazifalarini roʻyobga chiqarishdagi tadbirlarni, shu jumladan, ilmiy-innovatsion akselerator va biznes-inkubatorlarni tashkil etish, iqtidorli yoshlarning rivojlangan davlatlarning nufuzli ilmiy markazlari, universitetlari, texnoparklari va ishlab chiqarish tashkilotlarida malakasini oshirish, ilmiy-amaliy tadbirlar (simpozium, konferensiya, seminar, trening, davra suhbatlari, master-klasslar va boshqalar) tashkil etish hamda ularning xalqaro ilmiy-amaliy tadbirlarda qatnashish xarajatlarini moliyalashtirish Oliy taʼlim, fan va innovatsiyalar vazirligi tomonidan tasdiqlanadigan hisob-kitoblarga asosan amalga oshiriladi;

yosh olimlarning yetakchi xorijiy ilmiy tashkilotlarda (markazlar, universitetlar va boshqalar) ilmiy stajirovkalari boʻyicha xarajatlarni toʻlash — belgilangan tartibda taraflar oʻrtasida tuzilgan shartnoma bilan tartibga solinadigan ilmiy stajirovka shartlari, talablari va muddatlariga muvofiq amalga oshiriladi;

Vazirlik va Agentlik tomonidan jalb qilinayotgan yuqori malakali xorijlik olimlar va mutaxassislarning xarajatlari (mehnatga haq toʻlash, transport xarajatlari va boshqalar) xorijiy davlat mutaxassisi oʻrtasida tuziladigan shartnomalar (kontraktlar) asosida moliyalashtiriladi;

Agentlikning Ilmiy-texnika axborot markazi xoʻjalik faoliyatidan tushadigan daromadlarini hisobga olgan holda Agentlik tomonidan tasdiqlanadigan daromadlar va xarajatlar smetasiga asosan moliyalashtiriladi;

oliy taʼlim muassasalari talabalarining iqtisodiyot tarmoqlari korxonalarida haq toʻlanadigan qisqa muddatli maqsadli ishlab chiqarish amaliyotlari oliy taʼlim tashkiloti, tarmoq korxonasi, Jamgʻarma va amaliyot oʻtaydigan talaba oʻrtasida amaliyotni tashkil etish va oʻtkazish boʻyicha tuzilgan shartnoma asosida moliyalashtiriladi;

Vazirlik balansidagi Toshkent shahri, Olmazor tumani, Universitet koʻchasi, 7-uy manzilida joylashgan bino va inshootlarni tashqi fasad qismini tozalash, isitish-sovutish tizimi va liftlarga xizmat koʻrsatish xarajatlari ushbu xarajatlarni nazarda tutuvchi oliy taʼlim, fan va innovatsiyalar vaziri tomonidan tasdiqlangan smeta va Vazirlikning talabnomasiga asosan uning hisob raqamiga moliyalashtiriladi.

11. Ilmiy laboratoriyalarni asbob-uskunalar bilan jihozlash (qoʻshimcha jihozlash), shuningdek, zarur sarflash materiallari va butlovchi qismlar bilan taʼminlash boʻyicha:

Agentlik xorijiy (shu jumladan, mahalliy) yetkazib beruvchilar va ishlab chiqaruvchilarni belgilangan tartibda tanlash asosida ular bilan tovar yetkazib berishga (shu jumladan zarurat boʻlganda, tovarni ilmiy-tadqiqot yoki oliy taʼlim muassasasiga yetkazib berish, ishga tushirish-sozlash va boshqa oʻziga xos ishlarni amalga oshirishga) tegishli kontraktlarni tuzadi;

tuziladigan kontraktlarda Agentlik “Buyurtmachi”, Jamgʻarma ijro etuvchi direksiyasi “Moliyalashtiruvchi”, ishlab chiqaruvchi yoki yetkazib beruvchi “Yetkazib beruvchi” va tegishli ilmiy tashkilot yoki oliy taʼlim muassasasi “Qabul qiluvchi” (foyda koʻruvchi) tomonlar sifatida qatnashadi. Jamgʻarma Ijro etuvchi direksiyasi toʻlovlarni tuzilgan kontraktlarda belgilangan valyuta birligida moliyalashtiradi;

Agentlik va Jamgʻarma tomonidan buyurtmanomani bergan tegishli ilmiy tashkilot yoki oliy taʼlim muassasasiga tovarni topshirish bepul amalga oshiriladi.

Bunda Yetkazib beruvchi elektron hisobvaraq-fakturani Moliyalashtiruvchiga yuborgandan soʻng, Buyurtmachi, Moliyalashtiruvchi va Qabul qiluvchi (foyda oluvchi) oʻrtasida tuzilgan topshirish-qabul qilish dalolatnomasiga asosan yetkazib berilgan asbob-uskunalar Qabul qiluvchi (foyda koʻruvchi) balansiga oʻtkazib beriladi.

12. Bepul asosda olingan ilmiy asbob-uskuna, sarflash materiallari va butlovchi buyumlardan maqsadli va samarali foydalanilishi uchun masʼuliyat tegishli ilmiy tashkilot va oliy taʼlim muassasalari rahbarlari zimmasiga yuklanadi.

13. Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining qarorlariga muvofiq, ilmiy laboratoriya asbob-uskunalari, shuningdek, zarur sarflash materiallari va butlovchi qismlar ilmiy tashkilot va oliy taʼlim muassasalari tomonidan mustaqil ravishda ham xarid qilinishi mumkin.

Bunday holatlarda, ilmiy tashkilot va oliy taʼlim muassasalari uchun Iqtisodiyot va moliya vazirligining axborot tizimida tegishli shaxsiy gʻazna hisobvaragʻi ochish orqali mablagʻlar rejalashtiriladi.

14. Jamgʻarma mablagʻlarini sarflash Jamgʻarma daromadlari va xarajatlarining tasdiqlangan smetasiga muvofiq uning hisobvaraqlaridan amalga oshiriladi.

15. Jamgʻarma Ijro etuvchi direksiyasi Jamgʻarmaga ajratilgan mablagʻlardan foydalanilishi va keyingi hisobot davrida kutilayotgan xarajatlar toʻgʻrisidagi maʼlumotlarni Kuzatuv kengashining navbatdagi yigʻilishiga koʻrib chiqish uchun kiritadi.

16. Jamgʻarmaning oʻtgan yilda ishlatilmagan mablagʻlari olib qoʻyilmaydi va joriy yilda ushbu Nizomda koʻrsatilgan maqsadlar uchun sarflanadi.

161. Jamgʻarma mablagʻlari ushbu Nizomda nazarda tutilmagan maqsadlar uchun sarflanishi taqiqlanadi, Oʻzbekiston Respublikasi Prezidenti va Vazirlar Mahkamasining hujjatlari va topshiriqlarida belgilangan hollar bundan mustasno.

4-bob. Jamgʻarma faoliyatini tashkil etish

17. Jamgʻarmani boshqarish Jamgʻarma Kuzatuv kengashi tomonidan amalga oshiriladi.

18. Jamgʻarma Kuzatuv kengashi tarkibi Oʻzbekiston Respublikasi Prezidentining tegishli qarorlari bilan tasdiqlanadi.

Jamgʻarma Kuzatuv kengashining aʼzolari oʻz faoliyatini jamoatchilik asosida amalga oshiradi.

Jamgʻarma Kuzatuv kengashi raisi zarur hollarda, boshqaruv xodimlarining belgilangan cheklangan umumiy soni doirasida Jamgʻarma Ijro etuvchi direksiyasining tuzilmasiga oʻzgartirishlar kiritish huquqiga ega.

19. Jamgʻarma Kuzatuv kengashi bir yilda kamida bir marta majlis oʻtkazadi. Zarur hollarda, Jamgʻarma Kuzatuv kengashining navbatdan tashqari majlislari chaqirilishi mumkin.

20. Jamgʻarma Kuzatuv kengashi majlisi unda Kuzatuv kengashi aʼzolarining kamida uchdan ikki qismi ishtirok etgan taqdirda vakolatli hisoblanadi.

Jamgʻarma Kuzatuv kengashining qarori ishtirok etuvchi aʼzolarning oddiy koʻpchilik ovozi bilan qabul qilinadi va Kuzatuv kengashi raisi tomonidan imzolanadi.

Ovozlar teng boʻlib qolgan taqdirda, Jamgʻarma Kuzatuv kengashi raisining ovozi hal qiluvchi ovoz hisoblanadi.

Jamgʻarma Kuzatuv kengashi raisi boʻlmagan vaqtlarda uning vakolatlari Kuzatuv kengashi raisi oʻrinbosari tomonidan amalga oshiriladi.

21. Jamgʻarma Kuzatuv kengashi:

har yili Jamgʻarmaning daromadlari va xarajatlari smetasini, shuningdek, Jamgʻarmaga tushgan va sarflangan mablagʻlar boʻyicha hisobotni tasdiqlaydi;

ilmiy laboratoriyalarni zamonaviy yuqori texnologiyaga asoslangan asbob-uskunalar bilan jihozlash (qoʻshimcha jihozlash), shuningdek, zarur sarflash materiallari va butlovchi qismlar bilan taʼminlash roʻyxatini tasdiqlaydi;

oʻtkazilgan tanlov natijalariga koʻra, yetakchi xorijiy ilmiy tashkilotlar (markazlar, universitetlar va boshqalar)ga ilmiy stajirovkalarga yuboriladigan yosh olimlarning roʻyxatini hamda stajirovka xarajatlari meʼyorlarini tasdiqlaydi;

Agentlikning takliflari asosida ilmiy faoliyat boʻyicha davlat dasturlari doirasida yaratilgan intellektual mulk obyektlariga (patentlarga) boʻlgan huquqlarni roʻyxatdan oʻtkazish uchun ularning roʻyxatini tasdiqlaydi;

yetakchi xorijiy elektron ilmiy maʼlumotlar bazalaridan erkin foydalanish uchun talab etiladigan xarajatlarni Jamgʻarma mablagʻlari hisobidan qoplashni nazarda tutgan holda Agentlik takliflari asosida maʼlumotlar bazasi roʻyxatini tasdiqlaydi;

Jamgʻarma Ijro etuvchi direksiyasining shtat jadvalini va xarajatlar smetasini tasdiqlaydi;

Jamgʻarmaga xorijiy investitsiyalar, grantlar hamda homiylik xayriyalarini jalb qilishda koʻmaklashadi;

Jamgʻarma oldiga qoʻyilgan vazifalarni hal etishga manfaatdor davlat organlari va tashkilotlarini jalb qiladi;

Jamgʻarma daromadlarini toʻliq shakllantirish hamda mablagʻlaridan maqsadli foydalanish yuzasidan Jamgʻarma faoliyati ustidan nazoratni amalga oshiradi;

Jamgʻarma mablagʻlarini shakllantirish hamda ulardan foydalanish bilan bogʻliq boshqa vakolatlarni amalga oshiradi.

22. Jamgʻarmaning joriy faoliyatiga, shu jumladan mablagʻlarning toʻplanishi va sarflanishiga rahbarlik Jamgʻarmaning Ijro etuvchi direksiyasi tomonidan amalga oshiriladi.

23. Jamgʻarmaning Ijro etuvchi direksiyasiga Oʻzbekiston Respublikasi oliy taʼlim, fan va innovatsiyalar vaziri tomonidan lavozimga tayinlanadigan va lavozimidan ozod etiladigan ijro etuvchi direktor rahbarlik qiladi.

Ijro etuvchi direktor maqomi va tibbiy xizmat koʻrsatish shartlari boʻyicha vazir oʻrinbosariga tenglashtiriladi.

24. Jamgʻarmaning Ijro etuvchi direksiyasi quyidagi huquqlarga ega:

mablagʻlar ajratishga kelib tushgan buyurtmalar boʻyicha maʼlumotlar olish;

Jamgʻarmaga ajratilgan mablagʻlardan maqsadli foydalanilishini monitoring qilish;

mablagʻlardan maqsadsiz foydalanilgan hollarda moliyalashtirishni toʻxtatib turish, keyinchalik ushbu masalani Jamgʻarma Kuzatuv kengashiga koʻrib chiqish uchun kiritish;

milliy va xorijiy valyutada hisobvaraqlar ochish va yuritish, belgilangan tartibda ular boʻyicha tegishli operatsiyalarni amalga oshirish;

Jamgʻarma Kuzatuv kengashi raisining roziligi bilan boʻsh mablagʻlarni Oʻzbekiston Respublikasining tijorat banklarida depozitlarga joylashtirish;

Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining va Jamgʻarma Kuzatuv kengashining qarorlariga muvofiq, davlat va jamiyat boshqaruvi, iqtisodiyot, qishloq va suv xoʻjaligi, taʼlim, ilm-fan, sogʻliqni saqlashni rivojlantirish sohalaridagi investitsiya loyihalarida boʻyicha moliyalashtiruvchi taraf, shuningdek, grantlar va qonun hujjatlarida taqiqlanmagan boshqa turdagi tushumlar yuzasidan ijro etuvchi organ sifatida ishtirok etish;

Jamgʻarma Kuzatuv kengashining qarorlariga asosan ilmiy va ilmiy-texnik faoliyat natijalarini tijoratlashtirishda sherik sifatida qatnashish. Bunday hollarda sheriklik shartlari shartnomada belgilanadi.

25. Jamgʻarmaning Ijro etuvchi direksiyasi oʻz zimmasiga quyidagi majburiyatlarni oladi:

Jamgʻarmaning daromadlari va xarajatlari smetasi hisobini yuritish, shuningdek, ular boʻyicha choraklik va yillik hisobotlarni shakllantirish;

daromadlar va xarajatlar smetasida nazarda tutilmagan qoʻshimcha mablagʻlarni ajratish boʻyicha kelib tushgan buyurtmalarni toʻplash, ularni umumlashtirish va Jamgʻarma Kuzatuv kengashi koʻrib chiqishi uchun tayyorlash;

Jamgʻarma Kuzatuv kengashi qarorlarini oʻz vaqtida ijro etish;

Jamgʻarmaga ajratilgan mablagʻlarning foydalanilishini monitoring qilish;

Jamgʻarma mablagʻlarining kelib tushishi va undan foydalanilishi boʻyicha hisobotlarni Kuzatuv kengashiga taqdim etish.

26. Jamgʻarma Ijro etuvchi direksiyasi qonunchilik hujjatlariga muvofiq boshqa huquqlarga ham ega boʻlishi, shuningdek, uning zimmasida boshqa majburiyatlar ham boʻlishi mumkin.

27. Jamgʻarma Ijro etuvchi direksiyasi har yili Jamgʻarma Kuzatuv kengashiga hisobot taqdim etadi.

28. Jamgʻarma Ijro etuvchi direksiyasining taʼminoti Jamgʻarmaning Kuzatuv kengashi tomonidan tasdiqlanadigan xarajatlar smetasi asosida Jamgʻarma mablagʻlari hisobidan amalga oshiriladi.

Jamgʻarma Ijro etuvchi direksiyasi xodimlariga davlat boshqaruvi organlari xodimlari uchun belgilangan mehnatga haq toʻlash shartlari tatbiq etiladi.

Jamgʻarma Ijro etuvchi direksiyasi xodimlarini moddiy ragʻbatlantirish (ustama, qoʻshimcha haq, oylik mukofotlar va boshqalar) Jamgʻarma Kuzatuv kengashi tomonidan belgilanadi.

Jamgʻarma ijro etuvchi direksiyasining boshqaruv xodimlariga yagona tarif setkasi boʻyicha mehnatga haq toʻlashning tarif koeffitsiyentlariga 1,7 miqdorida oshiruvchi koeffitsiyentlar qoʻllaniladi.

281. Jamgʻarma ijro etuvchi direksiyasining xodimlariga koʻp yil ishlaganlik uchun har oylik ustama toʻlanadi (ragʻbatlantirish koeffitsiyentini inobatga olgan holda lavozim maoshiga nisbatan koeffitsiyentlarda):

1 yildan 3 yilgacha — 0,2;

3 yildan 5 yilgacha — 0,4;

5 yildan 10 yilgacha — 0,6;

10 yildan 15 yilgacha — 0,8;

15 yildan 20 yilgacha — 0,9;

20 yildan yuqori — 1,0.

29. Jamgʻarma Ijro etuvchi direktori:

Jamgʻarmaning joriy faoliyatini tashkil etadi va Jamgʻarmaga yuklatilgan vazifalar bajarilishini taʼminlaydi;

Jamgʻarma xodimlarini ishga qabul qiladi va ishdan boʻshatadi;

davlat organlari va tashkilotlari, yuridik va jismoniy shaxslar, shu jumladan xorijiy davlatlarning davlat organlari va tashkilotlari, yuridik va jismoniy shaxslari, shuningdek, xalqaro tashkilotlar oldida Jamgʻarma manfaatlarini ifodalaydi;

yuridik va jismoniy shaxslar bilan Jamgʻarma faoliyatiga tegishli shartnomalarni tuzadi, Jamgʻarma nomidan ishonchnomasiz ish koʻradi;

Jamgʻarma Ijro etuvchi direksiyasining shtatlar jadvalini va xarajatlar smetasini tuzadi hamda tasdiqlash uchun Jamgʻarma Kuzatuv kengashiga taqdim etadi;

Jamgʻarma Ijro etuvchi direksiyasining xarajatlar smetasiga ajratilgan mablagʻlar doirasida oʻzgartirishlar kiritadi;

Jamgʻarmaning lavozim yoʻriqnomalari va boshqa ichki hujjatlarini tasdiqlaydi;

Jamgʻarma nomidan sudga daʼvo arizalar taqdim etadi;

Jamgʻarma xodimlari bajarishi majburiy boʻlgan buyruqlar va farmoyishlar chiqaradi;

Jamgʻarma mablagʻlarining jamlanishi va sarflanishi masalalari boʻyicha tushuntirishlar beradi;

ushbu Nizom va qonunchilik hujjatlariga muvofiq boshqa masalalar boʻyicha qarorlar qabul qiladi.

30. Jamgʻarma ijro etuvchi direktori qonunchilik hujjatlariga muvofiq boshqa huquqlarga ham ega boʻlishi, shuningdek, uning zimmasida boshqa majburiyatlar ham boʻlishi mumkin.

5-bob. Jamgʻarma mablagʻlaridan foydalanilishini hisobga olish va nazorat qilish

31. Jamgʻarma mablagʻlarining kelib tushishi va undan foydalanilishining buxgalteriya hisobini yuritish, shuningdek, hisobotlarni tuzish Jamgʻarmaning Ijro etuvchi direksiyasi tomonidan qonunchilik hujjatlarida belgilangan tartibda amalga oshiriladi.

32. Jamgʻarma Ijro etuvchi direksiyasi qonunchilik hujjatlariga muvofiq, har yili Jamgʻarma faoliyatining auditorlik tekshiruvini oʻtkazadi va uning xulosasini Jamgʻarma Kuzatuv kengashiga kiritadi hamda ommaviy axborot vositalarida hisobot eʼlon qiladi.

33. Jamgʻarma mablagʻlaridan oqilona va maqsadli foydalanilishi yuzasidan davlat moliyaviy nazorati Oʻzbekiston Respublikasi Hisob palatasi tomonidan belgilangan tartibda amalga oshiriladi.

34. Jamgʻarma mablagʻlaridan Kuzatuv kengashi tomonidan tasdiqlangan xarajatlar smetasiga muvofiq maqsadli foydalanilishi uchun masʼuliyat Jamgʻarma ijro etuvchi direktori zimmasiga yuklanadi.

6-bob. Yakunlovchi qoidalar

35. Jamgʻarmani qayta tashkil etish va tugatish qonun hujjatlariga muvofiq amalga oshiriladi.

36. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javobgar boʻladilar.