Rossiya Federatsiyasida ishlab chiqarilgan va keltiriladigan avtomobillarga aksiz soligʻi stavkalari toʻgʻrisida (188-son)

14.04.1997

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

1. Rossiya Federatsiyasida ishlab chiqarilgan va keltiriladigan yangi yengil avtomobillarga 1997-yil 15-apreldan boshlab kontrakt qiymatining 5 foizi miqdorida aksiz soligʻi belgilansin.

2. Belgilab qoʻyilsinki, Oʻzbekiston Respublikasi Vazirlar Mahkamasining 1996-yil 3-sentabrdagi 304-son qarori 11-bandining va koʻrsatib oʻtilgan qarorga 3-ilovaning amal qilishi Rossiya Federatsiyasida ishlab chiqarilgan va keltiriladigan yangi yengil avtomobillarga joriy qilinmaydi.

3. Oʻzbekiston Respublikasi Davlat soliq qoʻmitasi aksiz soligʻi toʻgʻri hisoblanishi ustidan nazorat oʻrnatsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B. S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 14-aprel,

188-son