Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida (PQ-5040-son)

26.03.2021

Oʻzbekiston Respublikasi Prezidentining

Qarori

Mamlakatimizda amalga oshirilayotgan keng qamrovli islohotlar va bunyodkorlik ishlari natijasida xalqimizning ongu tafakkuri, dunyoqarashi oʻzgarmoqda. Yurtimizda huquqiy davlat, fuqarolik jamiyatini barpo etishda “Milliy tiklanishdan — milliy yuksalish sari” degan hayotbaxsh gʻoyaning ahamiyati tobora ortib bormoqda.

Bu borada olib borilayotgan muhim ishlarga qaramasdan, ijtimoiy, iqtisodiy va siyosiy sohalardagi yangilanishlar jarayonida maʼnaviy-maʼrifiy islohotlarning samaradorligiga toʻsiq boʻlayotgan bir qator tizimli muammolar saqlanib qolmoqda.

Xususan, maʼnaviy-maʼrifiy jarayonlarni tashkil etishda yaxlit tizim mavjud emas, xalqimiz, ayniqsa yoshlarni maʼnaviy tahdidlardan himoya qilish borasida yetarli darajada tashkiliy-amaliy va ilmiy-tadqiqot ishlari olib borilmayapti, ushbu yoʻnalishda davlat tashkilotlari, fuqarolik jamiyati institutlari, ommaviy axborot vositalari hamda xususiy sektorning ijtimoiy hamkorligi samarali yoʻlga qoʻyilmagan.

Mavjud muammolarni hal etish, maʼnaviy-maʼrifiy ishlarning samarasi va taʼsirchanligini oshirish, koʻlami va miqyosini yanada kengaytirish, mamlakat aholisi, avvalo, yoshlar qalbida amalga oshirilayotgan islohotlarga daxldorlik hissini kuchaytirish, sohadagi ishlarni muvofiqlashtirishning yagona tizimini yaratish maqsadida:

1. Quyidagilar maʼnaviy-maʼrifiy ishlar tizimini tubdan takomillashtirishning ustuvor yoʻnalishlari etib belgilansin:

ezgulik va insonparvarlik tamoyiliga asoslangan “Milliy tiklanishdan — milliy yuksalish sari” gʻoyasini keng targʻib etish orqali jamiyatda sogʻlom dunyoqarash va bunyodkorlikni umummilliy harakatga aylantirish;

oila, taʼlim tashkilotlari va mahallalarda maʼnaviy tarbiyaning uzviyligini taʼminlash;

targʻibot-tashviqot va tarbiya yoʻnalishidagi ishlarni ilmiy asosda tashkil etish, soha boʻyicha ilmiy va uslubiy tadqiqotlar samaradorligini oshirish, ijtimoiy-maʼnaviy muhit barqarorligini mustahkamlashga qaratilgan doimiy monitoring tizimini joriy qilish;

el-yurt taqdiriga loqaydlik, mahalliychilik, urugʻ-aymoqchilik, korrupsiya, oilaviy qadriyatlarga bepisandlik va yoshlar tarbiyasiga masʼuliyatsizlik kabi illatlarga barham berishga qaratilgan kompleks chora-tadbirlarni amalga oshirish;

aholining Internet jahon axborot tarmogʻidan foydalanish madaniyatini oshirish, gʻoyaviy va axborot xurujlariga qarshi mafkuraviy immunitetini kuchaytirish;

madaniyat, adabiyot, kino, teatr, musiqa va sanʼatning barcha turlari, noshirlik-matbaa mahsulotlari, ommaviy axborot vositalarida maʼnaviy-axloqiy mezonlar, milliy va umuminsoniy qadriyatlarning ustuvorligiga erishish;

geosiyosiy va mafkuraviy jarayonlarni muntazam oʻrganish, terrorizm, ekstremizm, aqidaparastlik, odam savdosi, narkobiznes va boshqa xatarli tahdidlarga qarshi samarali gʻoyaviy kurash olib borish hamda bu borada xalqaro hamkorlik aloqalarini rivojlantirish.

2. Quyidagilar Respublika Maʼnaviyat va maʼrifat markazining (keyingi oʻrinlarda — Markaz) qoʻshimcha vazifalari etib belgilanishi maʼlumot uchun qabul qilinsin:

a) davlat organlari va nodavlat tashkilotlar bilan hamkorlik yoʻnalishida:

mamlakatimizda maʼnaviy-maʼrifiy ishlarning asosiy yoʻnalishlari boʻyicha davlat organlari, nodavlat tashkilotlar va ishchi (ekspert) guruhlarining bu boradagi faoliyatini muvofiqlashtirish;

milliy manfaatlarimizga, hayot tarzimizga zid boʻlgan zararli gʻoyalar va maʼnaviy tahdidlarning mohiyatini va aholining turli qatlamlariga taʼsirini oʻrganib borish;

yoshlarimiz ongiga salbiy taʼsir etuvchi, ularni gʻoyaviy jihatdan qaram etishga yoʻnaltirilgan harakatlarga qarshi samarali kurash olib borish hamda irodali, fidoyi, vatanparvar va oʻz mustaqil fikriga ega avlodni tarbiyalash boʻyicha amaliy chora-tadbirlar dasturlarini ishlab chiqish;

davlat siyosatining ustuvor yoʻnalishlari, keng koʻlamli islohotlarning mohiyati, qabul qilingan qonun hujjatlari va davlat dasturlarining ahamiyatini keng jamoatchilikka yetkazish boʻyicha davlat va jamoat tashkilotlari uchun tegishli tavsiya va takliflar tayyorlash;

b) ilmiy-tadqiqot yoʻnalishida:

maʼnaviy-maʼrifiy ishlarni amalga oshirishning samarali va taʼsirchan targʻibot texnologiyalari hamda usullarini ishlab chiqish;

maʼnaviy-maʼrifiy va tarbiyaviy ishlarni tashkil etishga doir xorijiy tajribani oʻrganish, shuningdek, bugungi mafkuraviy jarayonlarni ilmiy-amaliy jihatdan atroflicha tahlil qilish va baholash;

maktabgacha taʼlim, umumiy oʻrta, oʻrta maxsus va oliy taʼlim tizimi, mahalla va boshqa tuzilmalar kesimida maʼnaviy-maʼrifiy va tarbiyaviy ishlarning monitoringini olib borish, aniqlangan muammolarni hal etish boʻyicha ilmiy asoslangan tarbiya texnologiyalari, taklif va tavsiyalar ishlab chiqish;

maʼnaviy tarbiya va ijtimoiy-gumanitar fanlar boʻyicha fundamental, amaliy va innovatsion tadqiqotlarni tashkil etish, ularning natijalari amaliyotga tatbiq qilinishini muvofiqlashtirish;

v) targʻibot-tashviqot yoʻnalishida:

ezgulik va insonparvarlik tamoyiliga asoslangan milliy gʻoya targʻiboti, maʼnaviy-maʼrifiy ishlarning ustuvor yoʻnalishlarini belgilash;

sohalar va hududlarning oʻziga xos xususiyatlarini inobatga olgan holda, aniq maqsadga yoʻnaltirilgan targʻibot-tashviqot dasturlarini ishlab chiqish hamda amalga oshirish;

aholi, ayniqsa, yoshlarni islom dini va falsafasiga, boshqa diniy konfessiyalarga nisbatan hurmat-ehtirom va bagʻrikenglik ruhida tarbiyalash, millatlararo totuvlik va oʻzaro mehr-oqibat muhitini yanada mustahkamlash boʻyicha maʼnaviy-maʼrifiy tadbirlarni amalga oshirish.

3. Markazning maʼnaviy-maʼrifiy, ilmiy-ijtimoiy mavzulardagi dolzarb maqolalar, jamoatchilik vakillarining ilgʻor fikrlari, shuningdek, mafkuraviy jarayonlar tahlili, sohaga oid yangiliklarni toʻplash, tayyorlash va tarqatish maqsadida “oyina.uz” elektron portalini tashkil etish tashabbusi qoʻllab-quvvatlansin.

Portal faoliyatini yoʻlga qoʻyish uchun Markazga qoʻshimcha 15 ta shtat birligi ajratilsin va uning tuzilmasida Raqamli targʻibot boʻlimi tashkil etilsin.

Markaz Axborot texnologiyalari va kommunikatsiyalarini rivojlantirish vazirligi, Axborot va ommaviy kommunikatsiyalar agentligi bilan birgalikda ikki oy muddatda portalni ishga tushirish choralarini koʻrsin.

4. Markazning Qoraqalpogʻiston Respublikasi, viloyatlar va Toshkent shahar boʻlimlariga qoʻshimcha 2 tadan, tuman (shahar) boʻlinmalariga aholi soni 200 mingdan ortiq boʻlganda 2 tadan, 200 mingdan kam boʻlgan taqdirda esa 1 tadan qoʻshimcha shtat birliklari ajratilsin.

Belgilansinki, mazkur shtat birliklari mahalliy budjet hisobidan moliyalashtiriladi.

5. Respublika Maʼnaviyat va maʼrifat kengashining:

“Maʼnaviyat targʻibotchisi” taʼlim muassasasi negizida Markaz huzurida Ijtimoiy-maʼnaviy tadqiqotlar institutini tashkil etish;

“Tafakkur” va “Maʼnaviy hayot” jurnallari hamda “Maʼnaviyat” nashriyotini Markaz tasarrufiga oʻtkazish toʻgʻrisidagi takliflari maʼqullansin.

“Maʼnaviyat” nashriyoti faoliyatini qoʻllab-quvvatlash uchun asoslangan hisob-kitoblarga muvofiq Maʼnaviyat va ijodni qoʻllab-quvvatlash maqsadli jamgʻarmasi hisobidan bir oy muddatda 1 milliard soʻm miqdorida mablagʻ ajratilsin.

6. Quyidagilar:

Respublika Maʼnaviyat va maʼrifat kengashining tarkibi 1-ilovaga muvofiq;

Respublika Maʼnaviyat va maʼrifat kengashining tashkiliy tuzilmasi 2-ilovaga muvofiq;

Respublika Maʼnaviyat va maʼrifat markazining tuzilmasi 3-ilovaga muvofiq;

Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari namunaviy tuzilmalari 4-ilovaga muvofiq;

Respublika Maʼnaviyat va maʼrifat markazining tuman (shahar) boʻlinmalarining namunaviy tuzilmalari 5-ilovaga muvofiq;

Maʼnaviy-maʼrifiy ishlar samaradorligini yanada oshirish boʻyicha “yoʻl xaritasi” 6-ilovaga muvofiq tasdiqlansin.

7. Taʼlim tashkilotlarida madaniy-maʼrifiy ishlar samaradorligini oshirish boʻyicha quyidagi tartib joriy etilsinki, unga koʻra:

har bir umumtaʼlim muassasasida joriy etilgan ijodiy-madaniy masalalar boʻyicha targʻibotchi lavozimini moliyalashtirish uchun 2021-yil 1-apreldan boshlab davlat budjeti mablagʻlari hisobidan 0,5 shtat birligi ajratiladi hamda uning ish haqi miqdori umumtaʼlim muassasasi oliy maʼlumotli oʻqituvchisi uchun oʻrnatilgan bazaviy tarif stavkasi miqdorida belgilanadi;

davlat oliy taʼlim muassasalari va ularning filiallarida, talabalar sonidan qatʼi nazar, yoshlar masalalari va maʼnaviy-maʼrifiy ishlar boʻyicha birinchi prorektor (direktorning birinchi oʻrinbosari) lavozimi joriy etiladi. Bunda, oliy taʼlim muassasalarida mavjud yoshlar bilan ishlash boʻyicha birinchi prorektor (direktorning birinchi oʻrinbosari) lavozimi qisqartiriladi.

8. Markaz, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududlarda ijtimoiy-maʼnaviy muhit barqarorligini mustahkamlash, aholi, ayniqsa, yoshlar ongi va qalbida maʼnaviy fazilatlarni yuksaltirish, oila va mahallalarda hamjihatlikni mustahkamlash maqsadida barcha tuman va shaharlarda Maʼnaviyat va maʼrifat maskanini tashkil etish toʻgʻrisidagi taklifi maʼqullansin.

2021 — 2023-yillarda Maʼnaviyat va maʼrifat maskanlarini barpo etishning manzilli roʻyxati 7-ilovaga muvofiq tasdiqlansin.

Mazkur maskanlar yangi qurilishlar orqali yoki boʻsh turgan binolarda mahalliy budjet mablagʻlari hisobidan tashkil etilishi belgilansin.

9. Oliy va oʻrta maxsus taʼlim vazirligi, Iqtisodiy taraqqiyot va kambagʻallikni qisqartirish vazirligi, Axborot va ommaviy kommunikatsiyalar agentligi 2021/2022 oʻquv yilidan boshlab oliy taʼlim tizimining tegishli taʼlim yoʻnalishlari oʻquv rejalariga bakalavriat bosqichida “Maʼnaviyatshunoslik”, magistratura bosqichida “Kasbiy maʼnaviyat” fanlari kiritilishini hamda magistratura taʼlim bosqichida “PR-menejer” mutaxassisligi boʻyicha kadrlar tayyorlanishini yoʻlga qoʻysin.

10. Innovatsion rivojlanish vazirligi Markaz bilan birgalikda ikki oy muddatda milliy gʻoya targʻiboti va maʼnaviy-maʼrifiy ishlar yoʻnalishida ilmiy-tadqiqot ishlariga davlat buyurtmasi doirasida maqsadli fundamental, amaliy va innovatsion loyihalarni shakllantirsin va belgilangan tartibda moliyalashtirsin.

13. Toshkent shahar hokimligi Davlat aktivlarini boshqarish agentligi bilan birgalikda ikki oy muddatda “Maʼrifat” targʻibotchilar jamiyati, “Maʼnaviy hayot” va “Tafakkur” jurnallari tahririyatini joylashtirish uchun bino ajratish boʻyicha Vazirlar Mahkamasiga taklif kiritsin.

14. Oʻzbekiston Respublikasi Prezidentining ayrim qarorlariga 8-ilovaga muvofiq oʻzgartirish va qoʻshimchalar kiritilsin.

15. Oʻzbekiston Respublikasi Prezidentining ayrim qarorlari 9-ilovaga muvofiq oʻz kuchini yoʻqotgan deb hisoblansin.

16. Markaz Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

17. Mazkur qarorning ijrosini samarali tashkil etish, uning ijrosi uchun masʼul idoralar faoliyatini muvofiqlashtirishga shaxsiy javobgar etib Bosh vazir oʻrinbosari B.A. Musayev va Oʻzbekiston Respublikasi Prezidenti maslahatchisining oʻrinbosari D.M. Kenjayev belgilansin.

Mazkur qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 26-mart,

PQ-5040-son

Oʻzbekiston Respublikasi Prezidentining 2021-yil 26-martdagi PQ-5040-son qaroriga1-ILOVA

Respublika Maʼnaviyat va maʼrifat kengashining

TARKIBI

Sh.M. Mirziyoyev—Oʻzbekiston Respublikasi Prezidenti, Respublika kengashi raisiA.N. Aripov—Oʻzbekiston Respublikasining Bosh vaziri, Respublika kengashi raisi oʻrinbosariZ.Sh. Nizomiddinov—Oʻzbekiston Respublikasi Prezidenti Administratsiyasi rahbari, Respublika kengashi raisi oʻrinbosariA.A. Abduvaxitov—Oʻzbekiston Respublikasi Prezidenti maslahatchisiR.S. Qosimov—Oʻzbekiston Respublikasi Prezidenti maslahatchisiX.M. Sultonov—Oʻzbekiston Respublikasi Prezidenti maslahatchisi B.A. Musayev—Oʻzbekiston Respublikasi Bosh vaziri oʻrinbosariD.M. Kenjayev—Oʻzbekiston Respublikasi Prezidenti maslahatchisining oʻrinbosariA.A. Azizov—Davlat xavfsizlik xizmati raisiN.T. Yoʻldoshev—Bosh prokurorT.A. Ishmetov—moliya vaziriP.R. Bobojonov—ichki ishlar vaziriA.X. Kamilov—tashqi ishlar vaziriB.N. Kurbanov—mudofaa vaziriR.K. Davletov—adliya vaziriA.X. Toshqulov—oliy va oʻrta maxsus taʼlim vaziriSh.X. Shermatov—xalq taʼlimi vaziriA.V. Shin—maktabgacha taʼlim vaziriA.M. Xadjibayev—sogʻliqni saqlash vaziriO.A. Nazarbekov—madaniyat vaziriSh.M. Sadikov—axborot texnologiyalari va kommunikatsiyalarini rivojlantirish vaziriI.Yu. Abduraxmonov—innovatsion rivojlanish vaziriR.S. Mamatov—mahalla va oilani qoʻllab-quvvatlash vaziriB.S. Yuldashev—Fanlar akademiyasi prezidentiA.B. Nuriddinov—Badiiy akademiya raisiM.B. Azimov—Davlat bojxona qoʻmitasi raisiSh.D. Kudbiyev—Davlat soliq qoʻmitasi raisiA.T. Axmedov—Din ishlari boʻyicha qoʻmita raisiR.D. Kurbanov—Millatlararo munosabatlar va xorijdagi vatandoshlar masalalari boʻyicha qoʻmitasi raisiA.Z. Saʼdullayev—yoshlar siyosati va sport vazirining birinchi oʻrinbosari — Yoshlar ishlari agentligi direktoriA.A. Xodjayev—Axborot va ommaviy kommunikatsiyalar agentligi bosh direktoriF.F. Abduholiqov—“Oʻzbekkino” Milliy agentligi bosh direktoriA.K. Koʻchimov—Milliy axborot agentligi bosh direktoriA.Sh. Bekmurodov—Davlat boshqaruvi akademiyasi rektoriSh.Sh. Minovarov—Islom sivilizatsiyasi markazi direktoriQ.M. Rafikov—Oʻzbekiston Kasaba uyushmalari federatsiyasi kengashi raisiA.D. Xadjayev—Oʻzbekiston Milliy teleradiokompaniyasi raisi S.S. Saidov—Oʻzbekiston Yozuvchilar uyushmasi raisiS. Turdiyev—“Nuroniy” fondi raisiM.M. Xojimatov—Respublika Maʼnaviyat va maʼrifat markazi rahbari, Respublika kengashi masʼul kotibi

Izoh: Respublika kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki zimmasiga tegishli funksiyalarni bajarish yuklangan shaxslar kiritiladi.

Oʻzbekiston Respublikasi Prezidentining 2021-yil 26-martdagi PQ-5040-son qaroriga2-ILOVA

Respublika Maʼnaviyat va maʼrifat kengashining

TASHKILIY TUZILMASI

Respublika Maʼnaviyat va maʼrifat kengashi Respublika Maʼnaviyat va maʼrifat markazi Vazirlik va idoralar, oliy taʼlim muassasalari Maʼnaviyat va maʼrifat kengashlari Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari Qoraqalpogʻiston Respublikasi, viloyatlar va Toshkent shahar Maʼnaviyat va maʼrifat kengashlari Respublika Maʼnaviyat va maʼrifat markazining tuman (shahar) boʻlinmalari Tuman (shahar) Maʼnaviyat va maʼrifat kengashlari

Oʻzbekiston Respublikasi Prezidentining 2021-yil 26-martdagi PQ-5040-son qaroriga3-ILOVA

Respublika Maʼnaviyat va maʼrifat markazining

TUZILMASI

Respublika Maʼnaviyat va maʼrifat markazi rahbari Yordamchi 1 Rahbarning birinchi oʻrinbosari 1 Rahbar oʻrinbosari 1 Davlat tili masalalari boʻyicha maslahatchi 1 “Maʼrifat” targʻibotchilar jamiyati Ijtimoiy-iqtisodiy va siyosiy targʻibot boʻlimi 3 Multimedia studiyasi 10 Axborot siyosati masalalari boʻyicha maslahatchi 1 Maʼnaviyat va ijodni qoʻllab-quvvatlash maqsadli jamgʻarmasi Raqamli targʻibot boʻlimi 15 Hududlar, vazirlik va idoralar faoliyatini muvofiqlashtirish boʻlimi 4 Axborot-tahlil va ijro nazorati boʻlimi 5 “Tafakkur”, “Maʼnaviy hayot “, “Jahon adabiyoti” jurnallari, “Maʼnaviyat” nashriyoti Axborot-kommunikatsiya texnologiyalarini joriy qilish va rivojlantirish boʻlimi 3 Taʼlim muassasalari bilan ishlash boʻlimi 4 Kadrlar boʻlimi 2 Tarjima boʻlimi 3 Ijtimoiy-maʼnaviy tadqiqotlar instituti Ishlar boshqarmasi 2 Mahalla va jamoat tashkilotlari bilan ishlash boʻlimi 3 Xalqaro aloqalar boʻlimi 1 Moliya-iqtisod boʻlimi 3 Harbiy vatanparvarlik boʻlimi 3 Yuriskonsult 1 Madaniyat, sanʼat va ijodiy tashkilotlar bilan ishlash boʻlimi 4 Birinchi boʻlim 1 Devonxona 2

Boshqaruv xodimlarining umumiy cheklangan soni — 75 nafar.

Oʻzbekiston Respublikasi Prezidentining 2021-yil 26-martdagi PQ-5040-son qaroriga4-ILOVA

Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahar boʻlimlari

NAMUNAVIY TUZILMASI

Boʻlim rahbari Targʻibot ishlarini tashkil etish va muvofiqlashtirish boʻyicha bosh mutaxassis 1 Ijtimoiy-maʼnaviy muhit holatini monitoring qilish boʻyicha bosh mutaxassis 1 Bosh buxgalter 1 Targʻibot ishlarini tashkil etish va muvofiqlashtirish boʻyicha yetakchi mutaxassis* 1 Kadrlar va aholi murojaatlari boʻyicha yetakchi mutaxassis 1

Hududiy boʻlimlar xodimlarining cheklangan soni — 80 nafar.

* yetakchi mutaxassis lavozimi Qoraqalpogʻiston Respublikasi, Andijon, Buxoro, Namangan, Samarqand, Surxondaryo, Fargʻona, Qashqadaryo, Toshkent viloyatlari va Toshkent shahar boʻlimlarida joriy etiladi.

Oʻzbekiston Respublikasi Prezidentining 2021-yil 26-martdagi PQ-5040-son qaroriga5-ILOVA

Respublika Maʼnaviyat va maʼrifat markazining tuman (shahar) boʻlinmalari

NAMUNAVIY TUZILMASI

Boʻlinma rahbari Targʻibot ishlarini tashkil etish va muvofiqlashtirish boʻyicha bosh mutaxassis 1 Mahallalarda maʼnaviy-maʼrifiy ishlarni muvofiqlashtirish boʻyicha yetakchi mutaxassis* 1

*aholi soni 200 mingdan oshgan tuman (shahar) boʻlinmalarida joriy etiladi.

Oʻzbekiston Respublikasi Prezidentining 2021-yil 26-martdagi PQ-5040-son qaroriga6-ILOVA

Maʼnaviy-maʼrifiy ishlar samaradorligini yanada oshirish boʻyicha

“YOʻL XARITASI”

T/r Chora-tadbirlar nomi Amalga oshirish mexanizmi Muddati Moliyalashtirish manbalari Masʼul ijrochilar 1. Qoraqalpogʻiston Respublikasi, viloyatlar va Toshkent shahri tuman (shahar)lari hamda barcha vazirlik va idoralar oʻrtasida maʼnaviy-maʼrifiy va tarbiyaviy ishlarni namunali yoʻlga qoʻyish boʻyicha ilgʻor tajribalarni ommalashtirish maqsadida anʼanaviy tarzda “Eng namunali tuman”, “Eng namunali vazirlik”, “Eng namunali muassasa” tanlovlarini tashkil etish. 1. Hamkor vazirlik va idoralar vakillari ishtirokida tashkiliy qoʻmitani tashkil etish. 2021-yil aprel Ijrochilar mablagʻlari Respublika Maʼnaviyat va maʼrifat markazi (Xojimatov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, davlat organlari va tashkilotlari 2. Tanlov nizomini ishlab chiqish. 3. Tanlovni oʻtkazish va gʻoliblarni taqdirlash. har yili oktabr — dekabr oylarida 2. Maʼnaviyat va maʼrifat markazi huzurida hududlar, vazirlik va idoralardagi maʼnaviy-maʼrifiy ishlar holatini muntazam oʻrganish va tahlil etib borish boʻyicha doimiy faoliyat yurituvchi monitoring guruhini tashkil etish. 1. Yoʻnalishlar boʻyicha ekspertlarni jalb qilgan holda monitoring guruhini tashkil etish. 2021-yil aprel - Respublika Maʼnaviyat va maʼrifat markazi (Xojimatov), tegishli vazirlik va idoralar 2. Monitoring natijalari boʻyicha Respublika Maʼnaviyat va maʼrifat Kengashiga tahliliy axborotlar kiritib borish. doimiy 3. 21-oktabr — Oʻzbek tili bayrami kuni arafasida xorijiy olim va adiblar ishtirokida “Oʻzbek tili va adabiyotini jahon miqyosida targʻib etish: natija va vazifalar” mavzusida xalqaro ilmiy-maʼrifiy anjuman oʻtkazish. 1. Ilmiy-amaliy anjumanni tashkil etish va oʻtkazish boʻyicha tashkiliy qoʻmita tarkibini shakllantirish. 2021-yil avgust Ijrochilar mablagʻlari Oʻzbek tili, adabiyoti va folklori instituti (Mahmudov), Yozuvchilar uyushmasi (Saidov), Respublika Maʼnaviyat va maʼrifat markazi (Xojimatov), Oliy va oʻrta maxsus taʼlim vazirligi (Toshqulov) 2. Ilmiy-amaliy anjuman konsepsiyasi va dasturini ishlab chiqish. sentabr 3. Ilmiy-amaliy anjumanni oʻtkazish va tavsiyalarini ishlab chiqish. oktabr 4. “Bolalarni ularning sogʻligʻiga zarar yetkazuvchi axborotdan himoya qilish toʻgʻrisida”gi Qonunning 8 — 11-moddalarida belgilangan vazifalar ijrosini va natijalarini tahlil qilish hamda xorijiy tajribani oʻrganish, zarur hollarda, qonunga tegishli oʻzgartirish va qoʻshimchalar kiritish boʻyicha taklif ishlab chiqish. 1. Qonun ijrosini oʻrganish boʻyicha ekspertlar guruhini shakllantirish. 2021-yil may - Axborot va ommaviy kommunikatsiyalar agentligi (Xodjayev), Maktabgacha taʼlim vazirligi (Shin), Xalq taʼlimi vazirligi (Shermatov), Adliya vazirligi (Davletov), Respublika Maʼnaviyat va maʼrifat markazi (Xojimatov) 2. Qonunning 8 — 11-moddalarida belgilangan vazifalar ijrosini va natijalarini oʻrganish hamda tahlil qilish. iyun-iyul 3. Tahlil natijalari asosidatakliflar tayyorlash. avgust 5. Barcha mahallalarni qamrab oluvchi markazlashgan kutubxonalar tizimini manfaatdor vazirlik va idoralar hamkorligida yaratish boʻyicha imkoniyatlarni oʻrganish va Vazirlar Mahkamasiga taklif kiritish. 1. Manfaatdor idoralar hamkorligida markazlashgan kutubxonalar tizimini yaratish boʻyicha imkoniyatlarni oʻrganish. 2021-yil aprel — iyun - Axborot va ommaviy kommunikatsiyalar agentligi (Xodjayev), Mahalla va oilani qoʻllab-quvvatlash vazirligi (Raxmatov), Yoshlar ishlari agentligi (Saʼdullayev), Respublika Maʼnaviyat va maʼrifat markazi (Xojimatov) 2. Vazirlar Mahkamasiga taklif kiritish. iyul 6. Oliy taʼlim muassasalari talabalari, doktorant va izlanuvchilarini qoʻllab-quvvatlashga qaratilgan “Uchinchi Renessans — yoshlar nigohida” nomli loyihalar tanlovini anʼanaviy tarzda oʻtkazish. 1. Tanlov nizomini ishlab chiqish va tashkiliy qoʻmitani shakllantirish. 2021-yil may Ijrochilar mablagʻlari Yoshlar ishlari agentligi (Saʼdullayev), Oliy va oʻrta maxsus taʼlim vazirligi (Toshqulov), Respublika Maʼnaviyat va maʼrifat markazi (Xojimatov) 2. Tanlovni har yili anʼanaviy tarzda oʻtkazib borish. 3. Tanlov gʻoliblari takliflarini amaliyotga tatbiq etish choralarini koʻrish. doimiy 7. Markazning hududiy boʻlim va boʻlinmalarini zarur xizmat xonalari, avtotransport, mebel jamlanmasi, kompyuter texnikasi, aloqa vositalari va Internet tarmogʻi bilan taʼminlash. 1. Markazning hududiy boʻlim va boʻlinmalarida mavjud moddiy-texnika bazasini xatlovdan oʻtkazish. 2. Xatlov natijasiga koʻra mavjud ehtiyojni va talab etiladigan mablagʻlarni aniqlash. 2021-yil aprel Mahalliy budjet mablagʻlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Respublika Maʼnaviyat va maʼrifat markazi (Xojimatov) 3. Markazning hududiy boʻlim va boʻlinmalarini zarur moddiy-texnika vositalari bilan taʼminlash. avgust 8. Milliy davlatchiligimiz tarixi, buyuk ajdodlarimizning boy maʼnaviy merosini oʻrganish, ularning insonparvarlik gʻoyalarini hayotga keng tatbiq etish boʻyicha qoʻshma dastur ishlab chiqish. Dasturda birinchi va ikkinchi Renessans davrlari namoyandalari hayoti va faoliyatiga bagʻishlangan ilmiy-amaliy anjumanlar oʻtkazishni nazarda tutish. 1. Ishchi guruhni shakllantirish va qoʻshma dastur ishlab chiqish. 2021-yil may Ijrochilar mablagʻlari Respublika Maʼnaviyat va maʼrifat markazi (Xojimatov), Tarix instituti (Ziyo), Oʻzbekiston tarixi davlat muzeyi (Ismoilova), Oliy va oʻrta maxsus taʼlim vazirligi (Toshqulov), Qatagʻon qurbonlari xotirasi davlat muzeyi (Xasanov) 2. Har bir Ryenessans davri uchun yoʻnalishlar boʻyicha oʻtkaziladigan ilmiy-amaliy anjumanlar materiallarini toʻplam holida nashr etish va tarqatish. doimiy 9. “Amir Temur — dunyo olimlari va adiblari nigohida” mavzusida xalqaro ilmiy-amaliy konferensiya tashkil qilish. 1. Konferensiyani oʻtkazish boʻyicha tashkiliy qoʻmitani shakllantirish hamda konferensiya dasturi va ramziy belgisini ishlab chiqish. 2021-yil aprel Ijrochilar mablagʻlari Respublika Maʼnaviyat va maʼrifat markazi (Xojimatov), Fanlar akademiyasi (Yuldashev), Madaniyat vazirligi (Nazarbekov), Tashqi ishlar vazirligi (Komilov), Qashqadaryo viloyat hokimligi (Mirzayev) 2. Konferensiyani Qashqadaryo viloyatida oʻtkazish. sentabr 10. “Jaloliddin Manguberdi tarixining yangi sahifalarini oʻrganish” mavzusida xalqaro ilmiy-amaliy konferensiya tashkil qilish. 1. Konferensiyani oʻtkazish boʻyicha tashkiliy qoʻmitani shakllantirish hamda konferensiya dasturi va ramziy belgisini ishlab chiqish. 2021-yil may Ijrochilar mablagʻlari Respublika Maʼnaviyat va maʼrifat markazi (Xojimatov), Fanlar akademiyasi (Yuldashev), Madaniyat vazirligi (Nazarbekov), Tashqi ishlar vazirligi (Komilov), Xorazm viloyat hokimligi (Ermonov) 2. Konferensiyani Xorazm viloyatida oʻtkazish. 3. Jaloliddin Manguberdi toʻgʻrisida tarixiy-hujjatli film yaratish va anjuman doirasida namoyish etish. noyabr 11. “Jadid maʼrifatparvarlari gʻoyalaridan yosh avlod tarbiyasida foydalanish” mavzusida innovatsion tadqiqotlarni amalga oshirish. 1. Tadqiqotchilar guruhini shakllantirish. 2. Innovatsion tadqiqot loyihalarini ishlab chiqish va amalga oshirish. 3. Ilmiy-amaliy va innovatsion tadqiqot ishlari boʻyicha muhokamalar, davra suhbatlari, amaliy seminarlar oʻtkazish. 2021-yil may — dekabr - Respublika Maʼnaviyat va maʼrifat markazi (Xojimatov), Qatagʻon qurbonlari xotirasi davlat muzeyi (Xasanov), Tarix instituti (Ziyo), Yozuvchilar uyushmasi (Saidov) 12. “Uzluksiz maʼnaviy tarbiya konsepsiyasi” asosida taʼlim tizimining barcha boʻgʻinlarida uzluksiz tarbiyani yoʻlga qoʻyish maqsadida chora-tadbirlar dasturini ishlab chiqish. 1. Hamkor vazirlik va idoralar vakillaridan iborat ishchi guruhni shakllantirish. 2021-yil aprel - Respublika Maʼnaviyat va maʼrifat markazi (Xojimatov), Maktabgacha taʼlim vazirligi (Shin), Xalq taʼlimi vazirligi (Shermatov), Oliy va oʻrta maxsus taʼlim vazirligi (Toshqulov) 2. Dastur loyihasini tayyorlash va kelishish. iyun 3. Dasturni tasdiqlash va uni amalga oshirishga bagʻishlangan ilmiy-amaliy seminarlar tashkil etish. sentabr 4. Dastur ijrosi boʻyicha doimiy monitoringni yoʻlga qoʻyish. doimiy 13. Ilm-fan, sanʼat va madaniyat, axborot texnologiyalari, badiiy ijod, arxitektura va dizayn, tadbirkorlik va hunarmandchilik kabi turli sohalarda faoliyat yuritayotgan, tashabbuskor va fidoyi yoshlar oʻrtasida “Vatan taraqqiyotiga mening hissam” loyihasini amalga oshirish. 1. Loyihani amalga oshirish tartibi, asosiy yoʻnalishlarini belgilash. 2. Tashkiliy qoʻmita va har bir yoʻnalish boʻyicha ishchi guruhlarini shakllantirish. 2021-yil may - Respublika Maʼnaviyat va maʼrifat markazi (Xojimatov), Yoshlar ishlari agentligi (Saʼdullayev), Oliy va oʻrta maxsus taʼlim vazirligi (Toshqulov), Madaniyat vazirligi (Nazarbekov), Badiiy akademiya (Nuriddinov), Yozuvchilar uyushmasi (Saidov) 3. Loyihani amalga oshirish. doimiy 14. Milliy tarbiya anʼanalari, vositalari, shakllarini oʻrganish boʻyicha olib borilgan tajribalar, toʻplangan tarbiyaviy meros asosida koʻp jildli “Milliy tarbiya ensiklopediyasi”ni yaratish. 1. Mualliflar guruhini tuzish. 2. Milliy tarbiya namunalarini oʻrganish boʻyicha etnopedagogik ekspeditsiyalar dasturini ishlab chiqish. 3. Ekspeditsiya natijalari boʻyicha koʻp jildli “Milliy tarbiya ensiklopediyasi”ni nashrga tayyorlash, chop etish hamda shu asosda multimedia mahsulotlari va mobil ilovalar turkumini yaratish. 2021 — 2025-yillar Ijrochilar mablagʻlari Respublika Maʼnaviyat va maʼrifat markazi (Xojimatov), Maktabgacha taʼlim vazirligi (Shin), Xalq taʼlimi vazirligi (Shermatov), Oliy va oʻrta maxsus taʼlim vazirligi (Toshqulov) 15. “Maʼnaviyat lugʻati”ning toʻldirilgan yangi nashriniyaratish. 1. Ijodiy guruh tuzish. 2. Maʼnaviyat va maʼrifat sohasiga oid maʼlumotlar bazasini shakllantirish. 2021-yil may Ijrochilar mablagʻlari Respublika Maʼnaviyat va maʼrifat markazi (Xojimatov), Oliy va oʻrta maxsus taʼlim vazirligi (Toshqulov) 3. Yangi tahrirdagi lugʻatni tayyorlash va chop etish. sentabr 16. Temurbeklar maktablarida Sohibqiron Amir Temurning mardona ruhi, jasorati, sarkardalik mahorati, Vatanga boʻlgan buyuk sadoqati, yuksak maʼnaviy fazilatlarini yoshlar ongi va qalbiga singdirishga qaratilgan turkum tadbirlarni tashkil etish. 1. Tadbirlar ssenariysi, koʻrgazmali vositalar tayyorlash. 2021-yil iyun - Respublika Maʼnaviyat va maʼrifat markazi (Xojimatov), Mudofaa vazirligi (Kurbanov), Ichki ishlar vazirligi (Bobojonov), Favqulodda vaziyatlar vazirligi (Qoʻldoshev), Milliy gvardiya (Djurayev) 2. Tadbirlarni oʻtkazish. sentabr — noyabr 17. “Maʼnaviyat” nashriyotini Respublika Maʼnaviyat va maʼrifat markazi tasarrufiga oʻtkazish va uning faoliyatini rivojlantirish choralarini koʻrish. 1. Nashriyotni Respublika Maʼnaviyat va maʼrifat markazi tasarrufiga oʻtkazish. 2. Nashriyotni xususiylashtiriladigan davlat aktivlari roʻyxatidan chiqarish. 3. Nashriyotni rivojlantirish dasturini ishlab chiqish. 2021-yil aprel - Davlat aktivlarini boshqarish agentligi (Ortiqov), Respublika Maʼnaviyat va maʼrifat markazi (Xojimatov) 18. “Maʼnaviyat targʻibotchisi” taʼlim muassasasi negizida Ijtimoiy-maʼnaviy tadqiqotlar institutini tashkil etish. 1. Institutni tashkil etish boʻyicha tegishli qaror loyihasini ishlab chiqish va Vazirlar Mahkamasiga kiritish. 2021-yil mart - Respublika Maʼnaviyat va maʼrifat markazi (Xojimatov), Moliya vazirligi (Ishmetov) 2. Institutning taʼsis hujjatlarini qabul qilish aprel 19. Internetning milliy segmentini aholining turli yosh guruhlari uchun qiziqarli axborot resurslari va dasturlar bilan boyitish. 1. Milliy axborot resurslarini kengaytirishga qaratilgan dasturni shakllantirish. 2021-yil may Ijrochilar mablagʻlari Axborot va ommaviy kommunikatsiyalar agentligi (Xodjayev), Respublika Maʼnaviyat va maʼrifat markazi (Xojimatov) 2. Internetning milliy segmentini bilan boyitib borish. dastur asosida 20. Yurtimiz tarixi, madaniy merosimiz, odob-axloq qoidalari, milliy qadriyatlar, ezgu fazilat va anʼanalarni yosh avlod qalbiga singdirish maqsadida bolalarning qiziqishi va yosh xususiyatlaridan kelib chiqib, qisqa metrajli animatsion multimedia mahsulotlari, mobil ilovalarni yaratish. 1. Innovatsion loyihalar mavzularini shakllantirish. 2. Loyihalarni amalga oshirish boʻyicha tanlov eʼlon qilish. 2021-yil aprel-may Innovatsion rivojlanish va novatorlik gʻoyalarini qoʻllab-quvvatlash jamgʻarmasi Respublika Maʼnaviyat va maʼrifat markazi (Xojimatov), Innovatsion rivojlanish vazirligi (Abduraxmonov), “Oʻzbekkino” Milliy agentligi (Abduxalikov), Axborot texnologiyalari va kommunikatsiyalarini rivojlantirish vazirligi (Sadikov) 3. Tanlov asosida qisqa metrajli animatsion multimedia mahsulotlari, kompyuter oʻyinlari, mobil ilovalarni yaratish. 2022-yil fevral 21. “Oʻzbekistonda 2021 — 2030-yillarda tarix fanini rivojlantirish konsepsiyasi” loyihasini tayyorlash va Vazirlar Mahkamasiga kiritish. 1. Konsepsiya loyihasini ishlab chiqish boʻyicha ishchi guruh tuzish. 2021-yil aprel Ijrochilar mablagʻlari Fanlar akademiyasi (Yuldashev), Oliy va oʻrta maxsus taʼlim vazirligi (Toshqulov) 2. Konsepsiya loyihasini ishlab chiqish va manfaatdor tashkilotlar bilan kelishish. iyun 3. Konsepsiya loyihasini belgilangan tartibda Fan va texnologiyalar boʻyicha respublika kengashi tomonidan tasdiqlash uchun Vazirlar Mahkamasiga kiritish. iyul 22. Buyuk mutafakkirlarimizning ilmiy-maʼrifiy va madaniy merosini oʻrganish yuzasidan fundamental ilmiy-tadqiqot ishlarini yoʻlga qoʻyish, ularning natijalari asosida ilmiy-ommabop kitob va risolalarni nashrga tayyorlash, chop etish va keng ommaga yetkazish. 1. Tegishli chora-tadbirlar loyihasini ishlab chiqish boʻyicha ishchi guruh tuzish. 2021-yil may Ijrochilar mablagʻlari Fanlar akademiyasi (Yuldashev), Oliy va oʻrta maxsus taʼlim vazirligi (Toshqulov), Madaniyat vazirligi (Nazarbekov), Innovatsion rivojlanish vazirligi (Abduraxmonov), Din ishlari boʻyicha qoʻmita (Axmedov) 2. Chora-tadbirlar loyihasini ishlab chiqish va manfaatdor tashkilotlar bilan kelishish. iyul 3. Kelishilgan chora-tadbirlar loyihasini belgilangan tartibda Fan va texnologiyalar boʻyicha respublika kengashi tomonidan tasdiqlash uchun Vazirlar Mahkamasiga kiritish. avgust

Oʻzbekiston Respublikasi Prezidentining 2021-yil 26-martdagi PQ-5040-son qaroriga7-ILOVA

2021 — 2023-yillarda Maʼnaviyat va maʼrifat maskanlarini barpo etishning manzilli

roʻyxati

T/r Hududlar Barpo etiladigan maskanlar soni shundan: 2021-yil 2022-yil 2023-yil 1. Qoraqalpogʻiston Respublikasi 16 4 6 6 2. Andijon viloyati 17 4 7 6 3. Buxoro viloyati 13 3 5 5 4. Jizzax viloyati 13 3 5 5 5. Navoiy viloyati 11 3 4 4 6. Namangan viloyati 13 3 5 5 7. Samarqand viloyati 16 4 6 6 8. Sirdaryo viloyati 11 3 4 4 9. Surxondaryo viloyati 15 3 6 6 10. Toshkent viloyati 22 6 8 8 11. Toshkent shahar 1 1 12. Fargʻona viloyati 19 5 7 7 13. Qashqadaryo viloyati 15 3 6 6 14. Xorazm viloyati 13 3 5 5 Jami 195 48 74 73

Oʻzbekiston Respublikasi Prezidentining 2021-yil 26-martdagi PQ-5040-son qaroriga8-ILOVA

Oʻzbekiston Respublikasi Prezidentining ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017-yil 28-iyuldagi “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida”gi PQ-3160-son qarori 7-bandining toʻrtinchi xatboshisidagi “Markaz xodimlariga” soʻzlari “Markaz, uning Qoraqalpogʻiston Respublikasi, viloyatlar va Toshkent shahar boʻlimlari xodimlariga” soʻzlari bilan almashtirilsin.

2. Oʻzbekiston Respublikasi Prezidentining 2018-yil 5-iyundagi “Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʻyicha qoʻshimcha chora-tadbirlar toʻgʻrisida”gi PQ-3775-son qarori 10-bandining ikkinchi xatboshisi quyidagi tahrirda bayon etilsin:

“oliy taʼlim muassasalarining yoshlar masalalari va maʼnaviy-maʼrifiy ishlar boʻyicha prorektori faoliyatini muvofiqlashtirish vazifasi Oʻzbekiston Respublikasi Prezidentining yoshlar, fan, taʼlim, sogʻliqni saqlash va sport masalalari boʻyicha maslahatchisi boʻlinmalariga yuklanadi”.

3. Oʻzbekiston Respublikasi Prezidentining 2020-yil 6-noyabrdagi “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi PQ-4884-son qarori 11-bandida:

uchinchi xatboshi chiqarib tashlansin;

toʻrtinchi — oltinchi xatboshilar tegishincha uchinchi — beshinchi xatboshilar deb hisoblansin;

uchinchi xatboshi quyidagi tahrirda bayon etilsin:

“2021-yilda tuman (shahar) xalq taʼlimi boʻlimlari xodimlari yillik ish haqi fondining 25 foiziga, 2022-yildan boshlab esa — 50 foiziga teng miqdordagi mablagʻlar”;

beshinchi xatboshidan “b) umumtaʼlim muassasalari direktorlarini moddiy qoʻllab-quvvatlash uchun” soʻzlari chiqarib tashlansin;

quyidagi mazmundagi oltinchi xatboshi bilan toʻldirilsin:

“Xalq taʼlimi xodimlarini ragʻbatlantirish jamgʻarmasining mablagʻlari tuman (shahar) xalq taʼlimi boʻlimi xodimlari, jumladan metodistlari hamda umumtaʼlim muassasalari direktorlarini moddiy qoʻllab-quvvatlash tadbirlariga yoʻnaltiriladi”.

Oʻzbekiston Respublikasi Prezidentining 2021-yil 26-martdagi PQ-5040-son qaroriga9-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Oʻzbekiston Respublikasi Prezidentining 2017-yil 28-iyuldagi “Maʼnaviy-maʼrifiy ishlar samaradorligini oshirish va sohani rivojlantirishni yangi bosqichga koʻtarish toʻgʻrisida”gi PQ-3160-son qarori 5-bandi va qarorga 1 — 4-ilovalar.

2. Oʻzbekiston Respublikasi Prezidentining 2019-yil 3-maydagi “Maʼnaviy-maʼrifiy ishlar samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4307-son qarori 3 va 10-bandlari hamda qarorga 2-ilova.