Kreditlar qaytarilishi va dehqonchilik mahsulotlarini yetishtirish boʻyicha ishlarni oʻtkazish uchun avans tariqasida beriladigan mablagʻlar qaytarilishi hamda fyuchers kontraktlar boʻyicha qishloq xoʻjaligi korxonalarining javobgarligini majburiy sugʻurta qilish boʻyicha sugʻurta toʻlovlari miqdorlarini tasdiqlash toʻgʻrisida (179-son)

09.04.1997

Oʻzbekiston Respublikasi Vazirlar Mahkamasining

qarori

“Sugʻurta toʻgʻrisida” va “Garov toʻgʻrisida”gi Oʻzbekiston Respublikasi qonunlariga, Oʻzbekiston Respublikasi Prezidentining “Oʻzagrosugʻurta” davlat-aksiyadorlik sugʻurta kompaniyasini tashkil qilish toʻgʻrisida” 1997-yil 25-fevraldagi Farmoniga muvofiq, dehqonchilik sohasida tovar ishlab chiqaruvchilarning manfaatlarini sugʻurta puli bilan himoya qilishni taʼminlash maqsadida Vazirlar Mahkamasi qaror qiladi:

1. Sugʻurtalovchining sugʻurta javobgarligidan quyidagi miqdorlarda sugʻurta toʻlovlari belgilansin:

qishloq xoʻjaligi korxonalarining kreditlarni bankka qaytarish uchun javobgarligini majburiy sugʻurta qilish boʻyicha — 2,5 foiz;

dehqonchilik mahsulotlari yetishtirish boʻyicha ishlarni oʻtkazish uchun avans tariqasida beriladigan mablagʻlarning qaytarilishi va fyuchers kontraktlar yuzasidan majburiy sugʻurta boʻyicha — 1 foiz.

Vazirlar Mahkamasining Raisi I. KARIMOV

Toshkent sh.,

1997-yil 9-aprel,

179-son