Akademik litsey, kasb-hunar maktabi, kollej va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga oʻzgartirish va qoʻshimcha kiritish haqida (3119-2-son)

03.03.2021

Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Bandlik va mehnat munosabatlari vazirligi Oʻzbekiston Respublikasi Moliya vazirligining

qarori

[Oʻzbekiston Respublikasi Adliya vazirligi tomonidan 2021-yil 3-martda roʻyxatdan oʻtkazildi, roʻyxat raqami 3119-2]

Oʻzbekiston Respublikasi Prezidentining 2020-yil 3-dekabrdagi PQ-4910-son “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligi, Bandlik va mehnat munosabatlari vazirligi va Moliya vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Kasb-hunar taʼlimi markazi, Bandlik va mehnat munosabatlari vazirligi, Moliya vazirligining 2018-yil 29-dekabrdagi 78-q/q, 13/qq, 32-q/q, 162-son qarori (roʻyxat raqami 3119, 2019-yil 11-yanvar) (Qonun hujjatlari maʼlumotlari milliy bazasi, 14.01.2019-y., 10/19/3119/2469-son) bilan tasdiqlangan Akademik litsey, kasb-hunar maktabi, kollej va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga ilovaga muvofiq oʻzgartirish va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Vazir A. TOShKULOV

Toshkent sh.,

2021-yil 16-fevral,

2-2021-son

Bandlik va mehnat munosabatlari vaziri N. XUSANOV

Toshkent sh.,

2021-yil 15-fevral,

QQ-08-2021-son

Moliya vaziri T. IShMETOV

Toshkent sh.,

2021-yil 9-fevral,

6-son

Oʻzbekiston Respublikasi Oliy va oʻrta maxsus taʼlim vazirligining 2021-yil 16-fevraldagi 2-2021-son, Bandlik va mehnat munosabatlari vazirligining 2021-yil 15-fevraldagi QQ-08-2021-son va Moliya vazirligining 2021-yil 9-fevraldagi 6-son qaroriga ILOVA

Akademik litsey, kasb-hunar maktabi, kollej va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga kiritilayotgan oʻzgartirish va qoʻshimcha

1. 1-bobning 1-pozitsiyasi quyidagi tahrirda bayon etilsin:

“ 1. Direktor Oliy taʼlim muassasalarining oʻquv ishlari uchun masʼul prorektori (filial direktori oʻrinbosari) bir vaqtning oʻzida akademik litsey direktori hisoblanadi. ”.

2. 2-bob quyidagi mazmundagi 11-pozitsiya bilan toʻldirilsin:

“ 11. Ijrochi direktor 1 1 1 1 1 1 1 1 ”.