Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi faoliyatini tashkil etish toʻgʻrisida (PQ-4975-son)

03.02.2021

Oʻzbekiston Respublikasi Prezidentining

Qarori

Oʻzbekiston Respublikasi Prezidentining 2021-yil 3-fevraldagi “Qishloq xoʻjaligida bilim va innovatsiyalar tizimi hamda zamonaviy xizmatlar koʻrsatishni yanada rivojlantirish toʻgʻrisida”gi PF-6159-son Farmoni ijrosini taʼminlash maqsadida:

1. Qishloq xoʻjaligi vazirligi, Davlat aktivlarini boshqarish agentligi va Fanlar akademiyasining:

a) Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi (keyingi oʻrinlarda — Milliy markaz) tizimida:

Don va dukkakli ekinlar ilmiy-tadqiqot institutining Gʻallaorol ilmiy-tajriba stansiyasi negizida Lalmikor dehqonchilik ilmiy-tadqiqot institutini;

Don va dukkakli ekinlar ilmiy-tadqiqot institutining Qashqadaryo filiali negizida Janubiy dehqonchilik ilmiy-tadqiqot institutini;

Don va dukkakli ekinlar ilmiy-tadqiqot institutining Qoraqalpogʻiston ilmiy-tajriba stansiyasi va Sholichilik ilmiy-tadqiqot institutining Qoraqalpogʻiston ilmiy-tajriba stansiyasi negizida Don va sholi ilmiy-ishlab chiqarish birlashmasini tashkil etish;

b) quyidagilar:

Bogʻdorchilik va issiqxona xoʻjaligini rivojlantirish agentligi huzuridagi Akademik M. Mirzayev nomidagi Bogʻdorchilik, uzumchilik va vinochilik ilmiy-tadqiqot instituti;

“Oʻzagrokimyohimoya” aksiyadorlik jamiyatining “Oʻsimliklarni himoya qilish ilmiy-tadqiqot instituti” masʼuliyati cheklangan jamiyatini belgilangan tartibda davlat muassasasi shaklida qayta tashkil etgan holda Milliy markaz tizimiga oʻtkazish toʻgʻrisidagi takliflari maʼqullansin.

2. Quyidagilar:

Qishloq xoʻjaligi vazirligi huzuridagi Oʻzbekiston qishloq xoʻjaligi fanlari akademiyasining (keyingi oʻrinlarda — Akademiya) Qoraqalpogʻiston Respublikasi hamda viloyatlardagi axborot va maslahat tizimi asosida ish yuritadigan hududiy agroxizmatlar markazlari (keyingi oʻrinlarda — hududiy agroxizmatlar markazlari) namunaviy tuzilmasi 3-ilovaga muvofiq;

Akademiyaning Qoraqalpogʻiston Respublikasi hamda viloyatlarda tashkil etiladigan hududiy agroxizmatlar markazlari joylashuv manzillari roʻyxati 4-ilovaga muvofiq tasdiqlansin.

Qishloq xoʻjaligi vaziriga, zarur hollarda, Akademiya, uning tarkibidagi ilmiy-tadqiqot muassasalari va agroxizmatlar markazlarining tuzilmasiga xodimlarning cheklangan umumiy soni doirasida oʻzgartirishlar kiritish, shuningdek, budjetdan tashqari mablagʻlar hisobidan qoʻshimcha shtat birliklarini kiritish huquqi berilsin.

3. Oliy va oʻrta maxsus taʼlim vazirligi (A.X. Toshqulov), Qoraqalpogʻiston Respublikasi Vazirlar Kengashi va viloyatlar hokimliklari, Qishloq xoʻjaligi vazirligi (J.A. Xodjayev) ushbu qarorga 4-ilovada koʻrsatilgan taʼlim muassasalarining hududiy agroxizmatlar markazlariga oʻtkazilayotgan bino-inshootlari hamda mol-mulklari, ularning faoliyatini taʼminlashga yetarli qismini belgilangan tartibda operativ boshqaruv huquqi bilan, shuningdek, yer uchastkalarini doimiy foydalanish huquqi bilan oʻtkazilishini taʼminlasin.

4. Belgilansinki:

v) Akademiya va hududiy agroxizmatlar markazlari qishloq xoʻjaligida bilim va innovatsiyalarni, axborot va maslahat xizmatlari tizimini joriy etish sohasida vakolatli organ hisoblanadi hamda yuridik shaxs maqomiga, oʻz balansiga, Oʻzbekiston Respublikasi Gʻaznachiligida shaxsiy gʻazna hisobvaraqlariga, Davlat gerbi tasvirlangan muhriga ega boʻladi;

g) Milliy markaz Qishloq xoʻjaligi va oziq-ovqat taʼminoti ilmiy-ishlab chiqarish markazi, Qishloq xoʻjaligi vazirligi tizimidagi “Agroinnovatsiya” davlat unitar korxonasi va Toshkent davlat agrar universiteti huzuridagi “Gʻoʻza urugʻchiligi markazi” davlat muassasasining barcha huquqlari va majburiyatlari boʻyicha huquqiy vorisi hisoblanadi;

d) Akademiya tizimidagi ilmiy-tadqiqot institutlari va ilmiy-tajriba stansiyalari yuridik shaxs maqomiga ega davlat muassasalari boʻlib:

Janubiy dehqonchilik ilmiy-tadqiqot instituti Don va dukkakli ekinlar ilmiy-tadqiqot instituti Qashqadaryo filialining;

Lalmikor dehqonchilik ilmiy-tadqiqot instituti Don va dukkakli ekinlar ilmiy-tadqiqot instituti Gʻallaorol ilmiy-tajriba stansiyasining;

Oʻsimliklarni himoya qilish ilmiy-tadqiqot instituti “Oʻzagrokimyohimoya” aksiyadorlik jamiyati huzuridagi “Oʻsimliklarni himoya qilish ilmiy-tadqiqot instituti” masʼuliyati cheklangan jamiyatining;

Don va sholi ilmiy-ishlab chiqarish birlashmasi Don va dukkakli ekinlar ilmiy-tadqiqot instituti Qoraqalpogʻiston ilmiy-tajriba stansiyasining hamda Sholichilik ilmiy-tadqiqot instituti Qoraqalpogʻiston ilmiy-tajriba stansiyasining huquqlari, majburiyatlari va shartnomalari boʻyicha huquqiy vorislari hisoblanadi;

e) hududiy agroxizmatlar markazlari binosiga joylashtirilgan davlat va xoʻjalik boshqaruvi organlari, xoʻjalik birlashmalari hududiy boʻlinmalarining mutaxassislari faoliyati hududiy agroxizmatlar markazlari tomonidan muvofiqlashtiriladi;

j) qishloq xoʻjaligi sohasidagi ilmiy-tadqiqot institutlari, muassasalari, ilmiy-tajriba stansiyalari va uchastkalari (keyingi oʻrinlarda — ilmiy-tadqiqot muassasalari), oliy taʼlim muassasalari hamda Akademiya va hududiy agroxizmatlar markazlari:

yer uchastkalarini maqbullashtirish, olib qoʻyish va ularning ixtisoslashuviga mos boʻlmagan ekinlarni joylashtirishga;

ilmiy xodimlarini ularning faoliyatiga xos boʻlmagan boshqa ishlarga jalb etishga yoʻl qoʻyilmaydi.

5. Davlat aktivlarini boshqarish agentligi (A.J. Ortiqov) “Oʻzagrokimyohimoya” AJ ustav kapitalidagi davlat ulushi Milliy markaz tizimiga oʻtkazilayotgan “Oʻsimliklarni himoya qilish ilmiy-tadqiqot instituti” masʼuliyati cheklangan jamiyati ustav kapitalidagi “Oʻzagrokimyohimoya” AJ ulushining balans qiymati hisobiga kamaytirilishini taʼminlasin.

6. Shunday tartib oʻrnatilsinki, unga koʻra:

a) hududiy agroxizmatlar markazlari faoliyatini samarali tashkil etish maqsadida, ularda xizmat koʻrsatishni tashkil etish uchun oylik maoshi va ustamalarni saqlab qolgan holda agrosanoat sohasiga xizmat koʻrsatuvchi davlat va xoʻjalik boshqaruvi organlari, xoʻjalik birlashmalari hamda ularning hududiy boʻlinmalari mutaxassislari jalb etiladi;

b) fan va taʼlimning uzviy integratsiyasini taʼminlash maqsadida:

tajriba-sinov tariqasida Qishloq xoʻjaligi vazirligi tizimidagi oliy taʼlim muassasalarining kafedra mudirlari bir vaqtning oʻzida tegishli taʼlim yoʻnalishi boʻyicha ilmiy-tadqiqot institutlari direktorlarining ilmiy ishlar va innovatsiyalar boʻyicha oʻrinbosari hisoblanadi;

oliy taʼlim muassasalari kafedra mudirlariga hamda ilmiy-tadqiqot instituti direktorining ilmiy ishlar va innovatsion ishlanmalar boʻyicha oʻrinbosariga taʼlim jarayonini ilm-fan bilan integratsiya qilgan holda tashkil etish vazifasi yuklatiladi.

Qishloq xoʻjaligi vazirligi ikki hafta muddatda mazkur bandga asosan tajriba-sinov oʻtkaziladigan oliy taʼlim muassasalari kafedralari va ilmiy-tadqiqot institutlarini aniqlasin hamda 2021-yil 1-dekabrga qadar tajriba-sinov natijalari yuzasidan aniq takliflarni Vazirlar Mahkamasiga kiritsin.

7. Quyidagilar Akademiya va hududiy agroxizmatlar markazlari faoliyatini moliyalashtirish manbalari etib belgilansin:

Oʻzbekiston Respublikasi Davlat budjeti mablagʻlari;

belgilangan tartibda jalb etiladigan budjetdan tashqari mablagʻlar, xalqaro moliya institutlari mablagʻlari va xorijiy tashkilotlarning grantlari;

boʻsh turgan budjetdan tashqari mablagʻlarni belgilangan tartibda tijorat banklari depozitlariga joylashtirishdan olinadigan daromadlar hamda qonun hujjatlari bilan taqiqlanmagan boshqa manbalar.

Belgilab qoʻyilsinki, Milliy markaz va hududiy boʻlinmalari hamda qishloq xoʻjaligi sohasidagi ilmiy-tadqiqot muassasalarini budjet mablagʻlari hisobidan saqlash xarajatlari 2021-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida idoraviy mansubligiga koʻra tegishli vazirlik va idoralarga ajratiladigan mablagʻlar doirasida, 2022-yildan boshlab Davlat budjeti parametrlarida nazarda tutiladi.

8. Qoraqalpogʻiston Respublikasi Vazirlar Kengashi, viloyatlar hokimliklari, manfaatdor vazirlik va idoralar:

hududiy agroxizmatlar markazlarini tashkil etishda davlat-xususiy sheriklik mexanizmlari asosida xususiy sektorning ishtirokini;

hududiy agroxizmatlar markazlarida xizmat koʻrsatishni tashkil etish uchun oylik maosh va ustamalarni saqlab qolgan holda tegishli davlat va xoʻjalik boshqaruvi organlari, xoʻjalik birlashmalari, xizmat koʻrsatuvchi bank, sugʻurta va boshqa tashkilotlar hamda ularning hududiy boʻlinmalari mutaxassislari jalb etilishini;

xususiy mulkchilik asosida yuridik shaxs maqomiga ega boʻlgan tashkilotlar tomonidan qishloq xoʻjaligi konsalting xizmatlarini tashkil etish boʻyicha tashkiliy, moliyaviy hamda huquqiy jihatdan har tomonlama qoʻllab-quvvatlash tadbirlari amalga oshirilishini taʼminlasin.

9. Qishloq xoʻjaligi vazirligi (J.A. Xodjayev), Davlat aktivlarini boshqarish agentligi (A.J. Ortiqov), Davlat soliq qoʻmitasi huzuridagi Kadastr agentligi (F.K. Umarov) va Toshkent viloyati hokimligi (D.A. Xidoyatov) belgilangan tartibda quyidagilarni:

Toshkent viloyati Yuqorichirchiq tumanining A. Yassaviy mahallasi hududida joylashgan Qishloq xoʻjaligi vazirligi tizimidagi “Agroinnovatsiya” davlat unitar korxonasiga tegishli barcha mol-mulklarni operativ boshqaruv huquqi bilan hamda 10,7 gektar yer uchastkasini doimiy foydalanish huquqi bilan Milliy markazga;

Toshkent viloyati Yuqorichirchiq tumanining A. Yassaviy mahallasi hududida joylashgan Toshkent davlat agrar universiteti huzuridagi “Gʻoʻza urugʻchiligi markazi” davlat muassasasiga tegishli binoni operativ boshqaruv huquqi bilan Milliy markazga va 57,4 gektar yer uchastkasini doimiy foydalanish huquqi bilan Milliy markazning Toshkent viloyati agroxizmatlar markaziga oʻtkazib bersin.

10. Bosh vazir oʻrinbosari Sh.M. Gʻaniyev, Qishloq xoʻjaligi vazirligi, Davlat aktivlarini boshqarish agentligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda:

qayta tashkil etilayotgan muassasalarning mol-mulki va pul mablagʻlarini oqilona taqsimlash maqsadida ularni xatlovdan oʻtkazishni;

mazkur qarorga muvofiq qayta tashkil etilayotgan muassasalarning moddiy-texnik bazasini yaratish, ular ishini samarali tashkil etish uchun zarur boʻlgan kompyuter texnikasi, aloqa vositalari bilan jihozlash tadbirlari tashkil qilinishini;

qayta tashkil etilayotgan muassasalarni, ularning hududiy boʻlinmalarini joylashtirish, shuningdek, ular faoliyatini tashkil etish bilan bogʻliq boshqa masalalarni hal etishni;

qayta tashkil etilayotgan muassasalarning shtat birliklarini tahlil qilgan holda ish hajmidan kelib chiqib, qayta taqsimlanishini hamda ularni shaffof tarzda oʻtkaziladigan tanlovlar asosida yuqori malakali, zamonaviy bilimga va dunyoqarashga ega kadrlar bilan toʻldirishni taʼminlasin.

11. Qishloq xoʻjaligi vazirligi (J.A. Xodjayev):

2021-yil 1-aprelga qadar Toshkent viloyati Yuqorichirchiq tumanida Respublika agroxizmatlar, axborot maslahat (extension) markazini tashkil etish choralarini koʻrsin;

2021-yil may oyidan boshlab hududiy agroxizmatlar markazlarini bosqichma-bosqich tashkil etsin;

ikki hafta muddatda Qishloq xoʻjaligi vazirligi markaziy apparatida Oʻquv yurtlari va malaka oshirish boʻlimi negizida 6 ta shtat birligidan iborat Qishloq xoʻjaligida bilim va innovatsiyalar tizimini rivojlantirish boshqarmasini tashkil etsin. Bunda, qoʻshimcha 3 ta shtat birligi vazirlik tizimidagi mavjud boshqaruv xodimlari shtat birliklarini qisqartirish hisobiga shakllantiriladi;

bir oy muddatda Milliy markazning aniq hisob-kitoblariga asosan uning tizimidagi ilmiy muassasalarda tashkil etiladigan birlamchi laboratoriyalar, urugʻlikni saqlash, quritish omborxonalarini barpo etish, ularni qadoqlash va qayta ishlash uskunalari bilan jihozlashga “Xalqaro tiklanish va taraqqiyot banki hamda Xalqaro taraqqiyot uyushmasi ishtirokida “Oʻzbekiston Respublikasi qishloq xoʻjaligini modernizatsiya qilish” loyihasi doirasida mablagʻ ajratish choralarini koʻrsin;

ikki oy muddatda Veterinariya va chorvachilikni rivojlantirish davlat qoʻmitasi, Pillachilik va qorakoʻlchilikni rivojlantirish qoʻmitasi, Oʻrmon xoʻjaligi davlat qoʻmitasi, Suv xoʻjaligi vazirligi bilan birgalikda Milliy markaz va ilmiy-tadqiqot muassasalarining tuzilmalarini tasdiqlashni nazarda tutuvchi Hukumat qarori loyihasini kiritsin;

ikki oy muddatda Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi hamda uning hududiy agroxizmatlar markazlari toʻgʻrisidagi nizomlarni ishlab chiqsin hamda tasdiqlash uchun Vazirlar Mahkamasiga kiritsin;

ikki oy muddatda Innovatsion rivojlanish vazirligi, Monopoliyaga qarshi kurashish qoʻmitasi, Fanlar akademiyasi bilan birgalikda qishloq xoʻjaligi ekinlarining nav mualliflari va originatorlarini ragʻbatlantirish, urugʻchilik va koʻchatchilik bilan shugʻullanuvchi tadbirkorlik subyektlari faoliyatini tartibga solish, urugʻlik va koʻchatlarni sertifikatlash tizimini joriy etish mexanizmini ishlab chiqib, Vazirlar Mahkamasiga kiritsin;

manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

12. “El-yurt umidi” jamgʻarmasi Qishloq xoʻjaligi vazirligi, Moliya vazirligi, Innovatsion rivojlanish vazirligi, Fanlar akademiyasi bilan birgalikda 2021-yil 1-martga qadar ilmiy-tadqiqot muassasalarining ilmiy xodimlari hamda soha mutaxassislarini, birinchi navbatda, quyi tizimdagilarni “El-yurt umidi” jamgʻarmasi hamda Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hisobiga xorijiy yetakchi oliy taʼlim va ilmiy-tadqiqot muassasalariga uzoq va qisqa muddatli stajirovka, malaka oshirish va oʻqishga yuborish yuzasidan 2021-2022-yillarga moʻljallangan dasturni tasdiqlasin hamda ijroga qaratsin.

14. Oʻzbekiston Respublikasi Prezidentining ayrim qarorlariga 5-ilovaga muvofiq oʻzgartirish va qoʻshimchalar kiritilsin.

15. Oʻzbekiston Respublikasi Prezidentining ayrim qarorlari 6-ilovaga muvofiq oʻz kuchini yoʻqotgan deb hisoblansin.

16. Axborot va ommaviy kommunikatsiyalar agentligi (A.A. Xodjayev), Oʻzbekiston Milliy teleradiokompaniyasi (A.J. Xadjayev), Oʻzbekiston Milliy axborot agentligi (A.K. Koʻchimov) Qishloq xoʻjaligi vazirligi (J.A. Xodjayev) bilan birgalikda mazkur qarorning mazmun-mohiyati hamda maqsad va vazifalari ommaviy axborot vositalarida keng yoritilishini taʼminlasin.

17. Mazkur qarorning ijrosini tashkil etishga masʼul va shaxsiy javobgar etib Bosh vazir oʻrinbosari Sh.M. Gʻaniyev, qishloq xoʻjaligi vaziri J.A.Xodjayev, qishloq xoʻjaligi vazirining oʻrinbosari — Qishloq xoʻjaligida bilim va innovatsiyalar milliy markazi bosh direktori, Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 3-fevral,

PQ-4975-son

Oʻzbekiston Respublikasi Prezidentining 2021-yil 3-fevraldagi PQ-4975-son qaroriga 3-ILOVA

Qishloq xoʻjaligi vazirligi huzuridagi Oʻzbekiston qishloq xoʻjaligi fanlari akademiyasining Qoraqalpogʻiston Respublikasi va viloyatlardagi hududiy agroxizmatlar markazlarining

NAMUNAVIY TUZILMASI

Markaz direktori Direktor oʻrinbosari Buxgalter 1 Ilmiy, taʼlim va malaka oshirish boʻlimi rahbari 1 Agroxizmatlar tizimini rivojlantirish boʻlimi rahbari 1 Yurist 1 Ilmiy ishlarni tijoratlashtirish, taʼlim va malaka oshirish boʻyicha mutaxassislar 2 Xalqaro iqtisodiy munosabatlar va marketing boʻyicha bosh mutaxassis 1 HR boʻyicha bosh mutaxassis 1 AKT va raqamlashtirish boʻyicha bosh mutaxassis 1 Faoliyati hamkorlikda amalga oshiriladigan tashkilotlar vakillarining shuʼbalari* Suv xoʻjaligi sohasida Agrokimyo sohasida Mahsulotlarni qayta ishlash sohasida Bank xizmatlarini koʻrsatish sohasida Laboratoriya mudiri 1 Dehqon xoʻjaliklari, tomorqa yer egalarini rivojlantirish sohasida Kartoshka yetishtirish sohasida Subtropik, tropik, sitrus ekinlar yetishtirishni rivojlantirish sohasida Bogʻdorchilik va issiqxona xoʻjaligi sohasida Oziq-ovqat mahsulotlari sifati laboratoriyasi; Tuproq va oʻgʻitlar tahlili laboratoriyasi; Fitosanitariya laboratoriyasi; In-vitro laboratoriyasi va boshqalar** Veterinariya va chorvachilik sohasida Parrandachilik sohasida Baliqchilik sohasida Pillachilik va qorakoʻlchilik sohasida Oʻsimliklar karantini sohasida Agroservis sohasida Agrolizing va sugʻurta sohasida Boshqa sohalarda One-stop shop**

Xodimlarning umumiy cheklangan soni (yordamchi xodimlardan tashqari) — 12 nafar.

Xizmat koʻrsatuvchi xodimlar soni qonunchilikda belgilangan meʼyorlar asosida aniqlanadi.

* Vakolatli davlat organlari va boshqa tashkilotlardan jalb etiladigan mutaxassislar soni hududiy markazlar bilan kelishilgan holda belgilanadi.

** Laboratoriyalar va one-stop shop xususiy biznes vakillari hisobiga shakllantiriladi hamda ishchilar soni talabdan kelib chiqqan holda belgilanadi.

Oʻzbekiston Respublikasi Prezidentining 2021-yil 3-fevraldagi PQ-4975-son qaroriga 4-ILOVA

Qishloq xoʻjaligi vazirligi huzuridagi Oʻzbekiston qishloq xoʻjaligi fanlari akademiyasining Qoraqalpogʻiston Respublikasi hamda viloyatlarda tashkil etiladigan hududiy agroxizmatlar markazlari joylashuv manzillari

ROʻYXATI*

T/r Hududlar nomi Tuman/ shahar Joylashgan manzili Binoni balansida saqlovchi tashkilot nomi Ajratiladigan yer maydoni, gektar** 1. Qoraqalpogʻiston Respublikasi Kegeyli tumani Juzimbagʻ MFY Kegeyli agrosanoat kasb-hunar kolleji 5 2. Andijon viloyati Andijon tumani Kuyganyor MFY Andijon qishloq xoʻjaligi va agrotexnologiyalar instituti 9,8 3. Buxoro viloyati Buxoro tumani Bogʻikalon MFY Galaosiyo suv xoʻjaligi va melioratsiya kolleji 20,6 4. Jizzax viloyati Sh. Rashidov tumani A. Navoiy MFY Sharof Rashidov tuman 2-son kasb-hunar maktabi 6,6 5. Navoiy viloyati Karmana tumani Doʻrmon MFY Karmana oziq-ovqat sanoati va mehmonxona xoʻjaligi kasb-hunar kolleji 4,2 6. Namangan viloyati Toʻraqoʻrgʻon tumani Toshkent mahallasi MFY Toʻraqoʻrgʻon agrotexnologiyalar texnikumi 9,4 7. Qashqadaryo viloyati Qamashi tumani Qoʻshkapa MFY Qarshi davlat universiteti huzuridagi Qamashi xizmat koʻrsatish texnikumi 5,15 8. Samarqand viloyati Oqdaryo tumani Dahbet qoʻrgʻoni Toshkent davlat agrar universiteti Samarqand filiali 12,8 9. Surxondaryo viloyati Termiz tumani A. Navoiy MFY Arxitektura va qurilish kasb-hunar kolleji 4,2 10. Sirdaryo viloyati Boyovut tumani Bekat MFY Boyovut ijtimoiy iqtisodiyot kolleji 3,2 11. Toshkent viloyati Yuqori Chirchiq tumani Ahmad Yassaviy MFY Toshkent Davlat Agrar universiteti Gʻoʻza urugʻchiligi markazi 2,9 12. Fargʻona viloyati Fargʻona shahri Al-Fargʻoniy koʻchasi Fargʻona politexnika instituti qoshidagi Yormozor akademik litseyi 4,3 13. Xorazm viloyati Urganch tumani Gʻoybu MFY Urganch agrotexnologiyalar texnikumi 3,7

Izoh: * Bosh vazirning agrar va oziq-ovqat sohalarini rivojlantirish masalalari boʻyicha oʻrinbosariga, zaruratga koʻra, mazkur ilovaga oʻzgartirish va qoʻshimchalar kiritish huquqi beriladi.

** Ajratilayotgan bino-inshootlar hamda mol-mulklar, shuningdek, yer uchastkalarining hududiy agroxizmatlar markazlari faoliyatini taʼminlashga yetarli qismi oʻtkaziladi.

Oʻzbekiston Respublikasi Prezidentining 2021-yil 3-fevraldagi PQ-4975-son qaroriga 5-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2016-yil 24-oktabrdagi “Oʻsimliklarni himoya qilish va qishloq xoʻjaligiga agrokimyoviy xizmatlarni koʻrsatish tizimini takomillashtirish chora-tadbirlari toʻgʻrisida”gi PQ-2640-son qarorida:

1-bandning yettinchi xatboshisi va 5-bandning oltinchi xatboshisi chiqarib tashlansin;

2-ilovaning 3-bandi oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2017-yil 26-sentabrdagi “Oliy taʼlim muassasalariga kirish uchun nomzodlarni maqsadli tayyorlash tizimini yanada takomillashtirish toʻgʻrisida”gi PQ-3290-son qaroriga 2-ilovaning 29-pozitsiyasi quyidagi tahrirda bayon etilsin:

“ 29. Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi Fargʻona politexnika instituti qoshidagi Yormozor akademik litseyi ”.

4. Oʻzbekiston Respublikasi Prezidentining 2020-yil 30-iyuldagi “Agrar taʼlim tizimini yanada takomillashtirish chora-tadbirlari toʻgʻrisida”gi PQ-4795-son qarorida:

a) 2-band oʻz kuchini yoʻqotgan deb hisoblansin;

b) 3-ilovada:

quyidagi mazmundagi 11, 12-pozitsiyalar bilan toʻldirilsin:

“ 11. Marhamat tumani Marhamat agrotexnologiyalar texnikumi 1 200 Andijon qishloq xoʻjaligi va agrotexnologiyalar instituti Marhamat agrotexnologiyalar texnikumi 12. Asaka tumani Asaka oziq-ovqat texnologiyasi va sanoati kolleji 900 Andijon qishloq xoʻjaligi va agrotexnologiyalar instituti Asaka agrotexnologiyalar texnikumi ”;

quyidagi mazmundagi 101-pozitsiya bilan toʻldirilsin:

“ 101. Denov tumani Denov-Xazorbogʻ agrotexnologiyalar texnikumi 652 Toshkent davlat agrar universiteti Termiz filiali Denov-Xazorbogʻ agrotexnologiyalar texnikumi ”;

quyidagi mazmundagi 111, 112-pozitsiya bilan toʻldirilsin:

“ 111. Boʻka tumani Boʻka agrotexnologiyalar texnikumi 715 Toshkent davlat agrar universiteti Boʻka agrotexnologiyalar texnikumi 112. Yangiyoʻl shahri Yangiyoʻl tuman texnologiya iqtisodiyot kolleji 720 Toshkent davlat agrar universiteti Yangiyoʻl agrotexnologiyalar texnikumi ”.

5. Oʻzbekiston Respublikasi Prezidentining 2020-yil 11-avgustdagi “Xalqaro tiklanish va taraqqiyot banki hamda Xalqaro taraqqiyot uyushmasi ishtirokida “Oʻzbekiston Respublikasi qishloq xoʻjaligini modernizatsiya qilish” loyihasini amalga oshirish chora-tadbirlari toʻgʻrisida”gi PQ-4803-son qaroriga 2a-ilovaning 3-pozitsiyasi chiqarib tashlansin.

Oʻzbekiston Respublikasi Prezidentining 2021-yil 3-fevraldagi PQ-4975-son qaroriga 6-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan qarorlari roʻyxati

1. Oʻzbekiston Respublikasi Prezidentining 2014-yil 10-fevraldagi “Oʻzbekiston Qishloq xoʻjaligi ilmiy-ishlab chiqarish markazi faoliyatini takomillashtirish toʻgʻrisida”gi PQ-2125-son qarori.

2. Oʻzbekiston Respublikasi Prezidentining 2019-yil 20-martdagi “Oʻzbekiston Respublikasida bogʻdorchilik va issiqxona xoʻjaligini yanada rivojlantirish chora-tadbirlari toʻgʻrisida”gi PQ-4246-son qarori 12-bandi.