Intellektual mulk obyektlarini muhofaza qilish tizimini takomillashtirish chora-tadbirlari toʻgʻrisida (PQ-4965-son)

28.01.2021

Oʻzbekiston Respublikasi Prezidentining

qarori

Intellektual mulk sohasini rivojlantirish mamlakatimizning jahon integratsiyasidagi asosiy omil ekanligidan kelib chiqib, intellektual mulk obyektlarini muhofaza qilish tizimini takomillashtirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni izchil amalga oshirish maqsadida:

1. 2021-yil 1-apreldan boshlab:

intellektual mulk sohasidagi xalqaro shartnomalar normalaridan kelib chiqib, tovar belgisi va xizmat koʻrsatish belgisining faqat tadbirkorlik faoliyatini amalga oshirayotgan yuridik yoki jismoniy shaxs nomiga roʻyxatdan oʻtkazilishiga nisbatan qonunchilikdagi mavjud cheklovlar bekor qilinsin;

intellektual mulk obyektlarini davlat roʻyxatiga olish muddatlarini keskin qisqartirish imkoniyatlarini yaratuvchi tezkor ekspertiza tartibi joriy etilsin. Bunda, intellektual mulk obyektini muhofazaga olish uchun topshiriladigan talabnoma boʻyicha dastlabki qidiruv tomonlarning kelishuviga muvofiq amalga oshirilishi nazarda tutiladi.

2. Adliya vazirligi (keyingi oʻrinlarda — Vazirlik) faoliyatida intellektual mulk obyektlariga talabnomalarni davlat ekspertizasidan oʻtkazish jarayonida autsorsing usullarini qoʻllash tajribasi yoʻlga qoʻyilsin.

3. Quyidagilar:

Intellektual mulk muhofazasini mustahkamlash va zamonaviy axborot-kommunikatsiya texnologiyalarini joriy etish boʻyicha “Yoʻl xaritasi” 1-ilovaga muvofiq;

Intellektual mulk (ixtiro, foydali model, sanoat namunasi, seleksiya yutuqlari) sohasini rivojlantirish boʻyicha 2021 — 2023-yillarga moʻljallangan amaliy ishlar dasturi 2-ilovaga muvofiq tasdiqlansin.

Vazirlik, idora va boshqa tashkilotlar, mahalliy ijroiya hokimiyati organlarining birinchi rahbarlari zimmasiga “Yoʻl xaritasi” va dasturda belgilangan tadbirlarning oʻz vaqtida, sifatli va toʻliq bajarilishi yuzasidan shaxsiy javobgarlik yuklansin.

4. Shunday tartib oʻrnatilsinki, unga koʻra:

2025-yil 1-yanvarga qadar milliy eksport qiluvchilar tomonidan chet elda tovar kelib chiqqan joy nomlari (geografik koʻrsatkichlar)ni roʻyxatga olish boʻyicha qilinadigan sarf-xarajatlari Adliya vazirligining Intellektual mulkni rivojlantirish jamgʻarmasi mablagʻlari hisobidan toʻliq qoplanadi;

2021-yil 1-iyunga qadar davlat boshqaruvi organlari va davlat korxonalari, ilmiy-tadqiqot va oliy taʼlim tashkilotlari oʻzlariga tegishli boʻlgan intellektual mulk (mualliflik huquqi, turdosh huquqlar va sanoat mulki) obyektlarini toʻliq xatlovdan oʻtkazib, ularni buxgalteriya hisobida aks ettiradi;

eksport ulushi umumiy tovar aylanmasining 60 foizidan ortigʻini tashkil etadigan eksport qiluvchi, shuningdek, qishloq xoʻjaligi va hunarmandchilik sohasida faoliyat yurituvchi tadbirkorlik subyektlari uchun tovar belgilarini 2021-2022-yillarda milliy roʻyxatdan oʻtkazish bepul amalga oshiriladi;

tadbirkorlik subyektlarini davlat roʻyxatidan oʻtkazish jarayonida tovar belgisi va xizmat koʻrsatish belgisini ham davlat roʻyxatidan oʻtkazish targʻib qilinadi;

Savdo-sanoat palatasi va Vazirlik tomonidan yiliga kamida bir marta respublikaning har bir maʼmuriy birliklarida tadbirkorlik faoliyatini tashkil etayotgan shaxslar uchun oʻz brendiga ega boʻlishning afzalligi boʻyicha Oʻzbekiston va xalqaro miqyosda tan olingan milliy brendlar egalari boʻlgan ishbilarmonlarning ishtirokida milliy anjumanlar va master-klasslar oʻtkaziladi.

5. Agentlik va Innovatsion rivojlanish vazirligining 2021-yil 1-oktabrga qadar davlat boshqaruvi organlari, davlat korxonalari, ilmiy-tadqiqot va oliy taʼlim tashkilotlari oʻziga tegishli boʻlgan intellektual mulk obyektlari hisobini toʻgʻri yuritish, ularga boʻlgan huquqlarni xoʻjalik muomalasiga kiritish, ilmiy faoliyat natijalarini tijoratlashtirilishiga koʻmaklashishga qaratilgan Agentlik huzuridagi “Patent platformasi”ni ishga tushirish boʻyicha taklifiga rozilik berilsin.

Belgilansinki:

mazkur platformada ixtirolar, foydali modellar, sanoat namunalari, seleksiya yutuqlari, tovar belgilari, xizmat koʻrsatish belgilari, tovar kelib chiqqan joy nomlari muhofaza hujjatlariga oid maʼlumotlar batafsil aks ettiriladi;

platforma elektron shaklda real vaqt rejimida yuritiladi hamda unga tadbirkorlik subyektlari ixtiyoriy va bepul asosda kiritiladi.

6. Belgilansinki:

eng yaxshi intellektual mulk obyektlari yaratuvchilarini Vazirlik tomonidan Butunjahon intellektual mulk tashkilotining maxsus mukofotlariga taqdim etish boʻyicha tavsiyalar kiritiladi.

7. Adliya vazirligi, Oliy va oʻrta maxsus taʼlim vazirligi hamda Agentlikning intellektual mulk sohasiga oid fanlarni kadrlar tayyorlash tizimiga, jumladan respublika taʼlim tashkilotlari, qayta tayyorlash va malaka oshirish markazlarida bosqichma-bosqich joriy etish toʻgʻrisidagi taklifi qoʻllab-quvvatlansin.

Belgilansinki, intellektual mulk sohasiga oid fanlarni kadrlar tayyorlash tizimiga joriy etishning birinchi bosqichida, 2021/2022 oʻquv yilidan boshlab oliy taʼlim tashkilotlarida, xususan, ishlab chiqarish va texnik, qishloq va suv xoʻjaligi sohalaridagi taʼlim yoʻnalishlarida ilgʻor xorijiy tajriba asosida hamda yosh avlod orasida ijodkorlarning mehnatiga boʻlgan hurmat hissini shakllantirishga qaratilgan intellektual mulk fanlari joriy etiladi va ular boʻyicha oʻtkaziladigan mashgʻulotlarda sohada faoliyat olib boruvchi amaliyotchilar ishtirok etishi taʼminlanadi.

8. Innovatsion rivojlanish vazirligi zimmasiga ilmiy-tadqiqot va oliy taʼlim tashkilotlarini intellektual mulk masalasida iqtisodiyot tarmoqlari (yengil sanoat, farmatsevtika, qishloq xoʻjaligi va boshqalar) bilan bogʻlashni taʼminlash vazifasi yuklatilsin.

9. Investitsiyalar va tashqi savdo vazirligi, Qishloq xoʻjaligi vazirligi, Alkogol va tamaki bozorini tartibga solish va vinochilikni rivojlantirish agentligi, Savdo-sanoat palatasi, “Oʻztoʻqimachiliksanoat” uyushmasi, “Hunarmand” uyushmasi va “Navoiyazot” AJ 100 ta “mahalliy brend”larni xalqaro roʻyxatga olishni tashkil etsin.

10. Savdo-sanoat palatasi har bir hududda yiliga kamida toʻrt marta franshizalar yarmarkasi va koʻrgazmalarini tashkil etsin.

11. Innovatsion rivojlanish vazirligi hamda Oliy va oʻrta maxsus taʼlim vazirligi ilmiy-tadqiqot muassasalari va oliy taʼlim tashkilotlarida intellektual mulk sohasida amalga oshirilgan ishlar yuzasidan yil yakunlari boʻyicha Oʻzbekiston Respublikasi Prezidenti Administratsiyasiga muntazam ravishda hisobot berish tartibi yoʻlga qoʻyilsin.

12. Oliy sud, Adliya vazirligi va Monopoliyaga qarshi kurashish qoʻmitasi ikki oy muddatda xalqaro ekspertlarni jalb qilib, sudyalarni intellektual mulk sohasida oʻqitish dasturini ishlab chiqib, yil yakuniga qadar sudyalarni oʻqitish tizimini yoʻlga qoʻysin.

Bunda, xalqaro tashkilotlari koʻmagi ostida intellektual mulk sohasidagi nizolarni koʻrib chiquvchi sudyalar uchun chuqurlashtirilgan oʻquv dasturi tashkil etilishiga alohida urgʻu berilsin.

13. Intellektual mulk sohasida davlat boshqaruvi tizimini yanada takomillashtirish va amalga oshirilayotgan ishlarning manzilliligini taʼminlashni koʻzlab, adliya organlari va muassasalari boshqaruv xodimlarining cheklangan soni va mehnatga haq toʻlash fondi doirasida hududiy adliya boshqarmalarining 11 ta va tuman (shahar) adliya boʻlimlarining 17 ta shtat birliklarini optimallashtirish hisobiga Agentlikning tuzilmasida:

Intellektual mulk huquqlariga rioya etilishini monitoring qilish boʻlimi negizida Intellektual mulk himoyasi boshqarmasi (keyingi oʻrinlarda — Boshqarma);

Qoraqalpogʻiston Respublikasi, viloyatlar va Toshkent shahrida yuridik shaxs maqomiga ega boʻlmagan Intellektual mulk himoyasi markazlari (keyingi oʻrinlarda — markazlar) tashkil etilsin.

Bunda, adliya organlarining oʻtkazilayotgan 28 ta shtat birliklaridan 3 tasi — Boshqarmani, 25 tasi — markazlarni toʻldirish uchun yoʻnaltiriladi.

16. Agentlik ikki oy muddatda markazlarni yuqori malakali kadrlar bilan, birinchi navbatda, amaliy tajribaga ega hamda zimmasiga yuklatilgan vazifalarni lozim darajada bajarishga qodir shaxslar orasidan ochiq tanlov asosida Agentlik tomonidan belgilanadigan tartibda toʻldirilishini hamda markazlar toʻgʻrisidagi nizomlar ishlab chiqilishini taʼminlasin.

17. Mazkur qaror ijrosini taʼminlash bilan bogʻliq budjet xarajatlari 2021-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Adliya vazirligiga ajratiladigan mablagʻlar doirasida belgilansin, 2022-yildan boshlab esa Oʻzbekiston Respublikasi Davlat budjeti parametrlarida nazarda tutilsin.

19. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.

20. Oʻzbekiston Respublikasi Adliya vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

21. Mazkur qaror ijrosini samarali tashkil etishga masʼul hamda shaxsiy javobgar etib adliya vaziri R.K. Davletov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Amalga oshirilayotgan chora-tadbirlar natijadorligi yuzasidan Vazirlar Mahkamasiga har yarim yil yakuni boʻyicha axborot kiritib borilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 28-yanvar,

PQ-4965-son

Oʻzbekiston Respublikasi Prezidentining 2021-yil 28-yanvardagi PQ-4965-son qaroriga 1-ILOVA

Intellektual mulk muhofazasini mustahkamlash va zamonaviy axborot-kommunikatsiya texnologiyalarini joriy etish boʻyicha

“Yoʻl xaritasi”

T/r Tadbir nomi Amalga oshirish shakli Ijro muddati Masʼul ijrochilar I. Intellektual mulk sohasidagi qonunchilikni takomillashtirish 1. “Tovar kelib chiqqan joy nomlarini muhofaza qilish va ularni xalqaro roʻyxatga olish toʻgʻrisidagi Lissabon bitimi”ning (1958-yil 31-oktabr) qoida va normalariga muvofiqlashtirilgan “Geografik koʻrsatkichlar toʻgʻrisida”gi qonun loyihasini ishlab chiqish. Oʻzbekiston Respublikasining Qonuni loyihasi 2021-yil 1-iyun Adliya vazirligi (R. Davletov), Qishloq xoʻjaligi vazirligi (J. Xodjayev), Tashqi ishlar vazirligi (A.Komilov), Savdo-sanoat palatasi (A. Ikramov) 2. Kontrafakt mahsulotlar realizatsiyasining oldini olish boʻyicha real mexanizmlarni nazarda tutuvchi quyidagi qonun hujjatlariga oʻzgartirish va qoʻshimchalar kiritish boʻyicha qonun loyihasini ishlab chiqish: Oʻzbekiston Respublikasining Maʼmuriy javobgarlik toʻgʻrisidagi kodeksi — intellektual mulk obyektlariga boʻlgan huquqlarning buzilishiga oid tegishli moddalardagi sanksiyalarni kuchaytirish; Oʻzbekiston Respublikasining Jinoyat kodeksi — mualliflik va turdosh huquqlari buzilishi hamda oʻzganing tovar belgisidan, xizmat koʻrsatish belgisidan, tovar kelib chiqqan joy nomidan yoki firma nomidan qonunga xilof ravishda foydalanish yuzasidan; “Ixtirolar, foydali modellar va sanoat namunalari toʻgʻrisida”gi, “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi va “Firma nomlari toʻgʻrisida”gi Oʻzbekiston Respublikasining qonunlari — yuridik shaxslarning korporativ javobgarligini belgilash, bunda ularga nisbatan bazaviy hisoblash miqdorining 100 baravaridan 200 baravarigacha boʻlgan miqdorda moliyaviy sanksiyalarni qoʻllash yuzasidan; tegishli qonunlarga — mualliflik huquqi va turdosh huquqlar obyektlarining, jumladan, audiovizual asarlar va fonogrammalarning axborot-kommunikatsiya tarmoqlarida himoyasini toʻliq taʼminlash yuzasidan. Oʻzbekiston Respublikasining Qonuni loyihasi 2022-yil may Adliya vazirligi (R. Davletov), Bosh prokuratura (N. Yoʻldoshev), Monopoliyaga qarshi kurashish qoʻmitasi (N. Sharipov), Oliy sud (K. Kamilov) 3. Oʻzbekiston Respublikasining “Davlat boji toʻgʻrisida”gi Qonuniga tovar belgisiga topshirilgan talabnoma norezidentlarga oʻtkazilgan hollarda norezidentlar tomonidan patent bojlarini mutanosib miqdorlarda toʻlanishini taʼminlashni nazarda tutuvchi oʻzgartish va qoʻshimchalar kiritish boʻyicha qonun loyihasini ishlab chiqish. Oʻzbekiston Respublikasining Qonuni loyihasi 2021-yil 20-mart Adliya vazirligi (R. Davletov), Moliya vazirligi (T. Ishmetov) 4. Butunjahon intellektual mulk tashkiloti bilan hamkorlikda “Intellektual mulkni rivojlantirish sohasida Oʻzbekiston Respublikasining milliy strategiyasi”ni ishlab chiqish, bunda rivojlangan mamlakatlar tajribasini asos sifatida olish. Normativ-huquqiy hujjat loyihasi 2022-yil mart Adliya vazirligi (R. Davletov), Innovatsion rivojlanish vazirligi (I. Abdurahmonov), tegishli vazirlik va idoralar 5. Intellektual mulk huquqlarni buzish natijasida intellektual mulk obyekti huquq egasiga yetkazilgan haqiqiy zarar va boy berilgan foydani aniqlash hamda qoplash mexanizmini nazarda tutuvchi normativ-huquqiy hujjat loyihasini ishlab chiqish. Normativ-huquqiy hujjat loyihasi 2021-yil avgust Adliya vazirligi (R. Davletov), Bosh prokur��tura (N. Yoʻldoshev), Oliy sud (K. Kamilov) 6. Intellektual mulk sohasidagi dolzarb quyidagi xalqaro shartnomalarga Oʻzbekiston Respublikasining qoʻshilishi yuzasidan zaruriy chora-tadbirlarni amalga oshirish: a) Koʻzi ojiz, koʻrishda nuqsoni boʻlgan va bosma axborotni idrok etishda boshqa jihatdan qobiliyati cheklangan shaxslarning nashr etilgan asarlardan foydalanishini yengillashtirish toʻgʻrisidagi Marokash shartnomasi (2013-yil 27-iyun); b) Tovar belgilari boʻyicha qonunlar toʻgʻrisidagi Singapur shartnomasi (2006-yil 27-mart); v) Sanoat namunalarini xalqaro roʻyxatdan oʻtkazish toʻgʻrisida Gaaga bitimining Jeneva akti (1999-yil 2-iyul); g) Ijrochilar, fonogramma yaratuvchilar va eshittirishlar tayyorlovchi tashkilotlar huquqlarini himoya qilish toʻgʻrisidagi Rim xalqaro konvensiyasi (1961-yil 26-oktabr). Axborot-tahliliy maʼlumotnoma 2021-yil 20-aprel Adliya vazirligi (R. Davletov), Tashqi ishlar vazirligi (A. Kamilov), Axborot va ommaviy kommunikatsiyalar agentligi (A. Xodjayev), Intellektual mulk agentligi (T. Abdusattarov), MTRK (A. Xadjayev), Madaniyat vazirligi (O. Nazarbekov), tegishli vazirlik va idoralar II. Intellektual mulk sohasi faoliyatini rivojlantirish uchun zamonaviy axborot-kommunikatsiya texnologiyalarini joriy etish 8. Mualliflik huquqi va turdosh huquqlar boʻyicha mulkiy huquqlarni himoya qilishga koʻmaklashuvchi “Faol muallif” maʼlumotlar reyestrini yaratish. Mazkur reyestr quyidagi mezonlar asosida ishlashini nazarda tutish: mulkiy huquqlarni jamoaviy asosda boshqaruvchi tashkilotlar tomonidan taqdim etiladigan maʼlumotlarni ushbu reyestrga joylashtirish va undan bepul foydalanishni taʼminlash; muallif yoki boshqa huquq egasi oʻz vakolatlarini mulkiy huquqlarni jamoaviy asosda boshqaruvchi tashkilotlarning birigagina berishga haqli ekanligi. Maʼlumotlar reyestrini yaratish boʻyicha loyiha-texnik hujjatlarning oʻrnatilgan tartibda ekspertizadan oʻtkazilishini taʼminlash. Tashkiliy chora-tadbirlar 2021-yil 1-sentabr Intellektual mulk agentligi (T. Abdusattarov), Axborot texnologiyalari va kommunikatsiyalarini rivojlantirish vazirligi (Sh. Sadikov), Madaniyat vazirligi (O. Nazarbekov) 9. Quyidagi tarkibiy qismlardan iborat “IP-Protection” axborot portalini ishlab chiqish: intellektual mulk obyektlari orasida eng koʻp huquqbuzarlik hollariga uchrayotganlari roʻyxati; sohaga oid huquqbuzarlik avj olayotgan hamda huquqbuzarlik darajasi va oʻsish tempi pasaymayotgan joylar xaritasi; sud ajrimlari hamda tadbirkorlik subyektlari yoki ularning patent vakillari (advokatlari)ning arizalari va asoslantirilgan maʼlumotlarini monitoring qilish asosida tuzilgan huquqbuzarlar reyestri. Tashkiliy chora-tadbirlar 2021-yil 25-aprel Intellektual mulk agentligi (T. Abdusattarov), Axborot texnologiyalari va kommunikatsiyalarini rivojlantirish vazirligi (Sh. Sadikov), Davlat bojxona qoʻmitasi (M. Azimov), Davlat soliq qoʻmitasi (Sh. Kudbiyev), Iqtisodiy jinoyatlarga qarshi kurashish departamenti (D. Raximov) 10 Hududlardagi mavjud ilmiy salohiyat va axborot-resurs markazlari imkoniyatlaridan samarali foydalangan holda, iqtisodiyot tarmoqlari va ijtimoiy sohalarni rivojlantirishga ixtisoslashgan oliy taʼlim tashkilotlarida Texnologiyalar va innovatsiyalarni qoʻllab-quvvatlash markazlari tarmogʻini kengaytirish, ularning faoliyatini ragʻbatlantirishni koʻzda tutuvchi takliflarni ishlab chiqish. Axborot-tahliliy maʼlumotnoma 2021-yil 15-may Adliya vazirligi (R. Davletov), Oliy va oʻrta maxsus taʼlim vazirligi (A. Toshkulov) III. Mualliflik huquqi va turdosh huquqlar sohasida qonuniylikni taʼminlash 11. Mualliflik huquqi va turdosh huquqlar toʻgʻrisidagi amaldagi qonun hujjatlarining efir yoki kabel orqali koʻrsatuv yoxud eshittirish beruvchi tashkilotlardagi ijrosini oʻrganish. Tashkiliy chora-tadbirlar Muntazam ravishda Bosh prokuratura (N. Yoʻldoshev), Axborot va ommaviy kommunikatsiyalar agentligi (A. Xodjayev), Adliya vazirligi (R. Davletov), tegishli vazirlik va idoralar Oʻrganish yakunlari va xorijiy ilgʻor tajriba asosida maʼlumotnoma tayyorlash, unda xalqaro konvensiyalar va milliy qonun hujjatlari ijrosini ham inobatga olish. Axborot-tahliliy maʼlumotnoma 2021-yil 1-iyul 12. Mualliflarning shaxsiy nomulkiy va mulkiy huquqlarini toʻlaqonli himoya qilish maqsadida mualliflik huquqi va turdosh huquqlarining Internetdagi himoyasini toʻliq taʼminlash mexanizmini ishlab chiqish. Tashkiliy chora-tadbirlar 2021-yil 10-may Axborot va ommaviy kommunikatsiyalar agentligi (A. Xodjayev), “Oʻzkomnazorat” (Gʻ. Ziyayev), Intellektual mulk agentligi (T. Abdusattarov) IV. Intellektual mulk sohasidagi qonuniylikni taʼminlashda idoralararo hamkorlikni taʼminlash 13. Tadbirkorlik subyektlarining tovar kelib chiqqan joy nomi (geografik koʻrsatkich) bevosita aks ettirilgan mahsulotni xalqaro elektron savdo platformalari orqali eksport qilgandagi sarf-xarajatlari boʻyicha kompensatsiyalar berish masalasini tahliliy oʻrganish. Axborot-tahliliy maʼlumotnoma 2021-yil 15-iyul Intellektual mulk agentligi (T. Abdusattarov), Investitsiyalar va tashqi savdo vazirligi (A. Voitov), Eksportni ragʻbatlantirish agentligi (U. Muradov), Savdo-sanoat palatasi (A. Ikramov), Axborot texnologiyalari va kommunikatsiyalarini rivojlantirish vazirligi (Sh. Sadikov) 14. Intellektual mulk obyektlarini huquqiy muhofaza qilish boʻyicha idoralararo hamkorlik mexanizmini ishlab chiqish va amaliyotga joriy qilish. Oʻzbekiston Respublikasi Prezidenti qarori loyihasi 2021-yil 1-avgust Intellektual mulk agentligi (T. Abdusattarov), Davlat soliq qoʻmitasi (Sh. Kudbiyev), Davlat bojxona qoʻmitasi (M. Azimov), Monopoliyaga qarshi kurashish qoʻmitasi (N. Sharipov), Iqtisodiy jinoyatlarga qarshi kurashish departamenti (D. Raximov), Axborot va ommaviy kommunikatsiyalar agentligi (A. Xodjayev), “Oʻzkomnazorat” (Gʻ. Ziyayev) 15. Intellektual mulk obyektlariga boʻlgan huquqlarni himoya qilishda bojxona organlariga oʻz tashabbusiga koʻra intellektual mulk obyektlariga boʻlgan huquqlarning buzilganlik belgilari mavjud boʻlgan tovarlarni chiqarib yuborishni toʻxtatib turish vakolatini berish boʻyicha amaldagi bojxona qonunchiligiga “ex officio” talabini kiritish masalasini tahliliy oʻrganish. Axborot-tahliliy maʼlumotnoma 2021-yil 1-mart Davlat bojxona qoʻmitasi (M. Azimov), Intellektual mulk agentligi (T. Abdusattarov) Davlat bojxona qoʻmitasi xodimlarining intellektual mulk sohasidagi malakasini oshirishni tashkil etish. Tashkiliy chora-tadbirlar Muntazam ravishda 16. Tajriba tariqasida Fargʻona viloyatidagi ishlab chiqarish korxonalarida hamda respublika toʻqimachilik klasterlarida qoʻllanilayotgan texnologiyalarda muhofazalangan intellektual mulk obyektlarini xatlovdan oʻtkazilishini tashkil etish. Tashkiliy chora-tadbirlar 2021-yil 1-may Iqtisodiy taraqqiyot va kambagʻallikni qisqartirish vazirligi (I. Norkulov), Davlat aktivlarini boshqarish agentligi (A. Ortiqov), “Oʻztoʻqimachiliksanoat” uyushmasi (I. Haydarov) Intellektual mulk agentligi (T. Abdusattarov) Tajriba doirasida amalga oshirilgan ishlar monitoringini olib borish hamda tajribaning ijobiy yakunlari boʻyicha uni keyinchalik doimiy asosda joriy etish yuzasidan asoslantirilgan takliflarni Vazirlar Mahkamasiga kiritish. Axborot-tahliliy maʼlumotnoma 2021-yil 1-iyul 17. Intellektual mu�k himoyasi markazlari, hududiy adliya va soliq organlari xodimlari uchun intellektual mulk obyektlarini himoya qilish boʻyicha amaliy seminar-treninglar, vebinarlar oʻtkazish. Tashkiliy chora-tadbirlar Tasdiqlangan grafikka muvofiq Adliya vazirligi (R. Davletov), Davlat soliq qoʻmitasi (Sh. Kudbiyev) Intellektual mulk sohasidagi qonun hujjatlarini qoʻllash amaliyotini umumlashtirish va huquqni qoʻllash amaliyotining bir xilligini taʼminlash maqsadida markazlar va hududiy adliya organlari xodimlari uchun muayyan sohalarga (alkogol, qandolat, parfyumeriya mahsulotlari ishlab chiqarish kabi) taalluqli uslubiy qoʻllanmalar ishlab chiqish. Uslubiy qoʻllanmalar 2021-yil davomida V. Intellektual mulk sohasida amalga oshirilayotgan islohotlarni qoʻllab-quvvatlashda targʻibot-tashviqot ishlarini yanada kuchaytirish 18. Tadbirkorlik subyektlari bilan tovar belgilarini roʻyxatdan oʻtkazish, ixtirolarni patentlash, franshiza (brendni xorijga eksport qilish) bitimlarini tuzish, xorij bozorlarida milliy tovar belgilarini himoya qilish va targʻib qilish, mahalliy brendlar hamda davlatning imijiga brendreydingning salbiy jihatlari kabi masalalar yuzasidan konferensiyalar oʻtkazish. Tashkiliy chora-tadbirlar Yilda ikki marta Adliya vazirligi (R. Davletov), Eksportni ragʻbatlantirish agentligi (U. Muradov), Iqtisodiy taraqqiyot va kambagʻallikni qisqartirish vazirligi (I. Norkulov), Savdo-sanoat palatasi (A. Ikramov), xoʻjalik boshqaruvi organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 19. Har yili bir marta respublika boʻylab kontrafakt mahsulotlar realizatsiyasiga qarshi real samarali kurashishni koʻzda tutuvchi hamda targʻibot-tashviqot ruhi bilan sugʻorilgan “Kontrafaktsiz oy” oyligini oʻtkazish. Tashkiliy chora-tadbirlar Har yili 15-fevral — 15-mart Adliya vazirligi (R. Davletov), Davlat soliq qoʻmitasi (Sh. Kudbiyev), Davlat bojxona qoʻmitasi (M. Azimov), tegishli vazirlik va idoralar 20. “Kontrafaktsiz hudud” shiori ostida intellektual mulk obyektlari huquqlari boʻyicha harakatni kengaytirish va targʻibot-tashviqot ishlarini jadallashtirish. Tashkiliy chora-tadbirlar Tasdiqlangan grafikka muvofiq Adliya vazirligi (R. Davletov), MTRK (A. Xadjayev), Davlat soliq qoʻmitasi (Sh. Kudbiyev), Axborot va ommaviy kommunikatsiyalar agentligi (A. Xodjayev) 21. Kontrafakt mahsulotlar realizatsiyasi oqibatida isteʼmolchilarga yetkaziladigan zarar, xususan ularning inson salomatligiga boʻlgan salbiy taʼsiri toʻgʻrisida toʻliq va batafsil axborot berilishini taʼminlash. Tashkiliy chora-tadbirlar Muntazam ravishda Raqobatni rivojlantirish va isteʼmolchilar huquqlarini himoya qilish qoʻmitasi (Sh. Sharaxmetov), MTRK (A. Xadjayev), Sogʻliqni saqlash vazirligi (A. Xadjibayev), Axborot va ommaviy kommunikatsiyalar agentligi (A. Xodjayev)

Oʻzbekiston Respublikasi Prezidentining 2021-yil 28-yanvardagi PQ-4965-son qaroriga 2-ILOVA

Intellektual mulk (ixtiro, foydali model, sanoat namunasi, seleksiya yutuqlari) sohasini rivojlantirish boʻyicha 2021 — 2023-yillarga moʻljallangan amaliy ishlar

DASTURI

T/r Chora-tadbirlar nomi Ijro mexanizmi Masʼul ijrochilar Bajarish muddati I. Ilmiy ishlanmalarni yaratish, joriy qilish va texnologiya transferini rivojlantirish 1. Oliy taʼlim muassasalari (OTM), ilmiy tashkilotlar va ishlab chiqaruvchilar oʻrtasida uzviy hamkorlikni yoʻlga qoʻyish. OTMlar va ilmiy tashkilotlar hamda tadbirkorlik subyektlari, sanoat korxonalari oʻrtasida texnologik platformani (kommunikatsion maydon) yaratish maqsadida sohalar boʻyicha intellektual mulk obyektlari va yangi texnologiyalar yarmarkalarini tashkil etish. Innovatsion rivojlanish vazirligi (I. Abduraxmonov), Fanlar akademiyasi (B. Yuldashev), Oliy va oʻrta maxsus taʼlim vazirligi (A. Toshqulov), Adliya vazirligi (R. Davletov), Iqtisodiy taraqqiyot va kambagʻallikni qisqartirish vazirligi (I. Norqulov), manfaatdor vazirlik va idoralar 2021 — 2023-yillarning I, III choraklari 2. Ilmiy laboratoriyalar tomonidan xorijiy muassasa va kompaniyalar bilan hamkorlik asosida tadqiqotlar oʻtkazish, ilmiy ishlanmalar va ixtirolar qilish hamda ularni joriy qilish ishlarini faollashtirish. 1. Ilmiy tashkilotlar, markazlar, laboratoriyalar tomonidan oʻz yoʻnalishlari boʻyicha xorijiy ilmiy va ilmiy-tadqiqot tashkilotlari yoki yuqori texnologiyalarga asoslangan kompaniyalarda dolzarb muammolarni oʻrganish va hamkorlik asosida ilmiy-tadqiqot va tajriba konstruktorlik ishlarini (R&D) rivojlantirish, ixtirolar qilish va joriy etish ishlarida faollikni yoʻlga qoʻyish boʻyicha amaliy chora-tadbirlar rejasini ishlab chiqish va amalga oshirish. Fanlar akademiyasi (B. Yuldashev), Innovatsion rivojlanish vazirligi (I. Abduraxmonov), Oliy va oʻrta maxsus taʼlim vazirligi (A. Toshqulov), tizimida ilmiy tashkilotlari boʻlgan vazirlik va idoralar 2021-yil II chorak 2. Har bir muassasa tomonidan xorijiy ilmiy va ilmiy-tadqiqot tashkilotlari yoki yuqori texnologiyalarga asoslangan kompaniyalar bilan dolzarb muammolarni oʻrganib, hamkorlik asosida ilmiy-tadqiqot va tajriba konstruktorlik ishlarini amalga oshirish, ixtirolarni yaratish, patentlash va joriy etish ishlarini amalga oshirishni yoʻlga qoʻyish. 2021-yil III chorak 3. Respublika va xalqaro miqyosda boʻlib oʻtadigan innovatsion ishlanmalar va gʻoyalarga bagʻishlangan tadbirlarda Geologiya fanlari universiteti hamda ilmiy-tadqiqot institutlarining ishtirokini tizimli yoʻlga qoʻyish hamda yangi ishlanmalarning patentlash va joriy etilishini taʼminlash. 1. Ilmiy-tadqiqot institutlarining yillik qoʻlga kiritayotgan natijalari, ishlanmalarini doimiy ravishda geologiya qidiruv ishlari amaliyotida sinovdan oʻtkazish hamda innovatsion ishlanmalar va gʻoyalarga bagʻishlangan tadbirlarda muhokamadan oʻtkazish. 2. Sinovdan samarali oʻtgan ishlanmalarga patent olish boʻyicha chora-tadbirlarni amalga oshirish. 3. Innovatsion ishlanmalar va gʻoyalarni amaliyotga joriy etilishini amalga oshirish. Davlat geologiya qoʻmitasi (B. Islamov), ilmiy-tadqiqot institutlari Doimiy ravishda 4. Ilmiy-tadqiqot institutlarida geologiya sohasida muddatlari yakunlangan, dolzarb ahamiyatga ega boʻlgan ishlanmalari patentlarining amal qilish muddatlarini uzaytirish choralarini koʻrish. 1. 4 ta ilmiy tadqiqot institutlarida mavjud patentlarning dolzarbligi boʻyicha roʻyxatini shakllantirish. 2. Dolzarb ahamiyatga ega boʻlgan ishlanmalar uchun olingan patentlar (agar muddati yakunlangan boʻlsa) muddatlari uzaytirilishini amalga oshirish. Davlat geologiya qoʻmitasi (B. Islamov), ilmiy-tadqiqot institutlari Doimiy ravishda II. Ilm-fan tizimida intellektual mulk va uning muhofazasini takomillashtirish 5. OTM va ilmiy tadqiqot institutlarining intellektual mulk sohasidagi siyosatini ishlab chiqish. 1. Butunjahon intellektual mulk tashkilotining (BIMT) akademik va ilmiy-texnikaviy muassasalar uchun intellektual mulk sohasidagi siyosati boʻyicha Namunaviy nizomini OTMlar bilan muhokama qilish. Oliy va oʻrta maxsus taʼlim vazirligi (A. Toshqulov), Innovatsion rivojlanish vazirligi (I. Abduraxmonov), Fanlar akademiyasi (B. Yuldashev), Intellektual mulk agentligi (T. Abdusattarov), oliy taʼlim va ilmiy-tadqiqot muassasalari 2021-yil I chorak 2. Namunaviy nizom boʻyicha OTMlar va ilmiy-texnikaviy muassasalarning intellektual mulk sohasidagi siyosati loyihalarini ishlab chiqishga koʻmaklashish. 2021-yil II chorak 6. OTMlar va ilmiy-tadqiqot institutlari uchun intellektual mulk muhofazasi boʻyicha konsalting xizmatlarini kengaytirish. 1. “Intellektual mulk konsultativ markazi” DUK va respublika mintaqalaridagi Texnologiyalar va innovatsiyalarni qoʻllab-quvvatlash markazlari (TIQQM) yordamida intellektual mulk muhofazasi boʻyicha konsalting xizmatlarini keng yoyish. Adliya vazirligi (R. Davletov), Oliy va oʻrta maxsus taʼlim vazirligi (A. Toshqulov), Innovatsion rivojlanish vazirligi (I. Abduraxmonov), oliy taʼlim va ilmiy-tadqiqot muassasalari 2021-yil IV chorak 2. OTMlar va ilmiy-texnikaviy muassasalar tomonidan yaratilayotgan intellektual mulk obyektlarini huquqiy muhofaza qilish boʻyicha OTMlar va ilmiy-tadqiqot institutlari bilan hamkorlikda ilmiy-amaliy anjumanlar tashkil etish. Doimiy ravishda 7. Huquqni qoʻllovchi organlar xodimlarining intellektual mulk sohasi boʻyicha bilim va malakalarini oshirish. Huquqni qoʻllovchi organlar, jumladan bojxona organlari xodimlarining intellektual mulk sohasidagi bilim va malakalarini oshirishga qaratilgan qisqa muddatli oʻquv kurslarini tashkil etish. Adliya vazirligi (R. Davletov), Davlat bojxona qoʻmitasi (M. Azimov), Davlat soliq qoʻmitasi (Sh. Kudbiyev), manfaatdor vazirlik va idoralar 2021 — 2023-yillarning II, IV choraklari 8. Intellektual mulk muhofazasi sohasida patentshunos kadrlarni va patent vakillarini tayyorlash tizimini yoʻlga qoʻyish. Oliy taʼlim tizimida “Patentshunoslik” (bakalavr) yoʻnalishini tashkil etish hamda Intellektual mulk agentligi, Fanlar akademiyasi, OTM va ishlab chiqarish korxonalari uchun bugungi kunda oʻta zarur boʻlgan intellektual mulk sohasidagi kadrlarni tayyorlashni yoʻlga qoʻyish. Bunda, BIMT Akademiyasi va sohada ilgʻor boʻlgan xorijiy davlatlarning patentshunoslar hamda patent vakillarini tayyorlash boʻyicha tajribasi va oʻquv dasturlarini inobatga olish. Oliy va oʻrta maxsus taʼlim vazirligi (A. Toshqulov), Adliya vazirligi (R. Davletov), manfaatdor vazirlik va idoralar 2021-2022 oʻquv yilidan boshlab 9. Ilmiy va oliy taʼlim tashkilotlarining marketing xizmati faoliyatini qayta tashkil etish. Masʼul vazirlik va idoralar hamda tarmoq oliy taʼlim va ilmiy-tadqiqot tashkilotlari tomonidan har bir muassasaning marketing xizmati faoliyatini va kadrlar masalasini tanqidiy koʻrib chiqib, natijasi boʻyicha Vazirlar Mahkamasiga maʼlumot kiritish. Fanlar akademiyasi (B. Yuldashev), Oliy va oʻrta maxsus taʼlim vazirligi (A. Toshqulov), tizimida ilmiy tashkilotlari boʻlgan vazirlik va idoralar bir oy muddatda 10. Ixtirolarni xorijda patentlash boʻyicha sohaga oid kadrlar uchun davlat tilida tegishli qoʻllanma va axborot materiallarini ishlab chiqish. Xorijda patentlash, jumladan xalqaro Patent kooperatsiyasi toʻgʻrisidagi shartnoma (Patent Cooperation Treaty — PCT) asosidagi tizim boʻyicha ixtirolarni patentlash, talabnomalarni tuzish, PCT tizimda onlayn tarzda talabnomalarni topshirish, ish yuritishni tashkil etish boʻyicha qoʻllanmalar va patentlash jarayonini bosqichma-bosqich tushuntirib beruvchi axborot materiallarini tayyorlash. Adliya vazirligi (R. Davletov), Innovatsion rivojlanish vazirligi (I. Abduraxmonov) 2021-2022-yillar III. Intellektual va innovatsion faoliyatni ragʻbatlantirish 11. Intellektual mulk obyektlari yaratish va tijoratlashtirish sohasiga venchur fondlarini keng jalb qilish. Patent egalarini venchur fondlar bilan bogʻlashning zamonaviy va yangi mexanizmlarini oʻrganish hamda joriy qilish boʻyicha amaliy chora-tadbirlarni amalga oshirish. Innovatsion rivojlanish vazirligi (I. Abduraxmonov), Moliya vazirligi (T. Ishmetov) 2021 — 2023-yillar 12. Oliy taʼlim muassasalari va tarmoq tadqiqot institutlarida yaratiladigan ilmiy ishlanmalarni patentlash va tijoratlashtirish ishlarining samaradorligini oshirish. 1. Raqobatbardosh ishlanmalar sonini oshirish va ishlanmalar sifatini yaxshilash uchun ishlab chiqarishga joriy etilgan intellektual mulk obyektlarining mualliflarini ragʻbatlantirish tizimini joriy etish. Oliy va oʻrta maxsus taʼlim vazirligi (A. Toshqulov), Fanlar akademiyasi (B. Yuldashev), tizimida ilmiy tashkilotlari boʻlgan vazirlik va idoralar, Innovatsion rivojlanish vazirligi (I. Abduraxmonov) 2022-yil II chorak 2. Jahon intellektual mulk bozorida (Intellectual property market) raqobatlashish va investitsion jozibadorlik sifatlariga ega intellektual faoliyat natijalarini yaratish boʻyicha tegishli chora-tadbirlar ishlab chiqish. 2022-yil IV chorak IV. Axborot-kommunikatsiya texnologiyalarini rivojlantirish 13. Elektron shakldagi oʻquv materiallar bazasini yaratish. Intellektual mulk obyektlari va ularning huquqiy muhofazasi aks ettirilgan oʻquv-video materiallar bazasini yaratish va bunday materiallar bazasini muntazam oshirib borish. Intellektual mulk agentligi (T. Abdusattarov), Oliy va oʻrta maxsus taʼlim vazirligi (A. Toshqulov), Axborot texnologiyalari va kommunikatsiyalarini rivojlantirish vazirligi (Sh. Sadikov) 2021-yil davomida 14. Butunjahon intellektual mulk tashkilotining (BIMT) masofaviy oʻqitish tizimi asosida Intellektual mulk agentligi veb-sahifasida masofaviy oʻqitish tizimini joriy etish. 1. BIMTning masofaviy oʻqitish tizimi (WIPO Distance Learning) materiallarini BIMT roziligi asosida oʻzbek tiliga tarjima qilish. Adliya vazirligi (R. Davletov), Axborot texnologiyalari va kommunikatsiyalarini rivojlantirish vazirligi (Sh. Sadikov) 2021-yil IV chorak 2. Masofaviy oʻqitishning moddiy-texnik bazasini shakllantirish. 2022-yil I chorak 3. Intellektual mulk agentligi rasmiy veb-sayti negizida masofaviy oʻqitish veb-sahifasini yaratish. 2022-yil II chorak 15. Hududlarda sohaviy “fan — taʼlim — ishlab chiqarish” integratsiyalashuvini ixtirochilar, innovatorlar, biznes-jamoalar, taʼlim va ilm yoshlariga maxsus axborotlar bazasi, boshqa axborot resurslardan foydalanishni oʻrgatuvchi konferensiyalar, taʼlim seminarlari, trening va davra suhbatlarini oʻtkazish xizmatlarini koʻrsatuvchi axborot maydonchalari yaratilishida TIQQMlar rolini oshirish. 1. Maxsus axborotlar bazasi, boshqa axborot resurslardan foydalanishni oʻrgatuvchi konferensiyalar, taʼlim seminarlari, trening va davra suhbatlarini oʻtkazish reja-grafigini ishlab chiqish. Adliya vazirligi (R. Davletov), Innovatsion rivojlanish vazirligi (I. Abduraxmonov), Fanlar akade�iyasi (B. Yuldashev), Oliy va oʻrta maxsus taʼlim vazirligi (A. Toshqulov) 2021-yil II chorak 2. Xizmatlarni koʻrsatuvchi axborot maydonchalarini TIQQMlarda tashkil etish, yagona TIQQM axborot portalini yaratish. 2022-yil I chorak 3. Amalga oshirilgan ishlar boʻyicha matbuotda doimiy ravishda maʼlumotlar va tushuntirish berib borish. Muntazam ravishda V. Qishloq xoʻjaligi sohasida intellektual mulkni rivojlantirish 16. Qishloq xoʻjaligi sohasida ixtiro, foydali model, sanoat namunasi, seleksiya yutuqlarini rivojlantirish. 1. Ixtiro, foydali model, sanoat namunasi, seleksiya yutuqlari yarmarkalarini tashkil etish. Qishloq xoʻjaligi vazirligi (J. Xodjayev), Adliya vazirligi (R. Davletov), manfaatdor vazirlik va idoralar Har yilning III choragi 2. Ixtiro, foydali model, sanoat namunasi, seleksiya yutuqlari uchun patent olishga koʻmaklashish maqsadida bepul konsalting xizmatlarini joriy etish. 2021-yil II chorak 17. Hududlarda mavjud geografik koʻrsatkichlarni rivojlantirish. 1. Hududlarda mavjud istiqbolli geografik koʻrsatkichlarni aniqlash. Qishloq xoʻjaligi vazirligi (J. Xodjayev), Adliya vazirligi (R. Davletov), Savdo-sanoat palatasi (A. Ikramov), manfaatdor vazirlik va idoralar 2022-yil I chorak 2. Istiqbolli geografik koʻrsatkichlar yarmarkalarini tashkil etish. 2022-yil II chorak 3. Geografik koʻrsatkichlarning muhofaza belgilarini ishlab chiqish. 2022-yil III chorak 4. Istiqbolli geografik koʻrsatkichlarni ishlab chiqaruvchilar bilan joylarda uchrashuvlar tashkil etish, mahsulot spetsifikatsiyasini ishlab chiqishga koʻmaklashish. 2023-yil I chorakdan boshlab VI. Mamlakatda innovatsion tafakkur va yaratuvchanlik muhitini shakllantirish 18. Ilmiy-tadqiqotlar samaradorligini oshirish va yaratuvchanlikni ragʻbatlantirish maqsadida tashkil etilgan TIQQM faoliyatini kuchaytirish. 1. Respublikadagi TIQQMlar faoliyati samaradorligining doimiy monitoringini olib borish uchun ishchi guruhi tuzish. Intellektual mulk agentligi (T. Abdusattarov), Innovatsion rivojlanish vazirligi (I. Abduraxmonov), Iqtisodiy taraqqiyot va kambagʻallikni qisqartirish vazirligi (I. Norqulov), Fanlar akademiyasi (B. Yuldashev), Oliy va oʻrta maxsus taʼlim vazirligi (A. Toshqulov) 2021-yil I chorak 2. Ishchi guruh tomonidan har chorak yakuni boʻyicha monitoring natijalariga koʻra takliflarni ishlab chiqish hamda Adliya vazirligiga kiritib borish. 2021-yil II chorak 3. Adliya vazirligi tomonidan TIQQMlar faoliyatini takomillashtirish boʻyicha takliflarni Vazirlar Mahkamasiga kiritish. 2021-yil IV chorak 19. TIQQM orqali foydalanuvchilarga koʻrsatiladigan toʻlovsiz va toʻlovli xizmatlar koʻrsatishni takomillashtirish. 1. TIQQM orqali foydalanuvchilarga koʻrsatiladigan toʻlovsiz va toʻlovli, asosiy va qoʻshimcha xizmatlarni tahlil qilish. Adliya vazirligi (R. Davletov), Innovatsion rivojlanish vazirligi (I. Abduraxmonov), Iqtisodiy taraqqiyot va kambagʻallikni qisqartirish vazirligi (I. Norqulov), boshqa manfaatdor vazirlik va idoralar 2022-yil I chorak 2. TIQQM orqali koʻrsatiladigan xizmatlar roʻyxatini shakllantirish va tizimlashtirish. 2022-yil II chorak 20. Intellektual mulk obyektlarining litsenzion shartnomalar asosida Intellektual mulk agentligida roʻyxatdan oʻtkazilishi va tijoratlashtirilishini ragʻbatlantirish bilan jadallashtirish. 1. Tuzilgan litsenzion shartnomalarni va ularning ishlash holatini tahlil qilish. Intellektual mulk agentligi (T. Abdusattarov), Innovatsion rivojlanish vazirligi (I. Abduraxmonov), boshqa manfaatdor vazirlik va idoralar 2021-yil III chorak 2. Litsenziya shartnomalarini roʻyxatdan oʻtkazish afzalliklarining targʻibotini kuchaytirish. 2022-yil I chorak

Oʻzbekiston Respublikasi Prezidentining 2021-yil 28-yanvardagi PQ-4965-son qaroriga 3-ILOVA

Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining 2003-yil 1-iyuldagi 298-son qarori bilan tasdiqlagan Patent vakillari toʻgʻrisidagi nizomda:

a) 4-bandda:

uchinchi xatboshisi chiqarib tashlansin;

toʻrtinchi xatboshisi uchinchi xatboshisi deb hisoblansin;

uchinchi xatboshisidagi “bilimlarga hamda malaka imtihoni natijalari bilan tasdiqlangan tegishli koʻnikmalarga va amaliy qoʻllanish tajribasiga” degan soʻzlar “malaka imtihoni natijalari bilan tasdiqlangan bilimlarga” degan soʻzlar bilan almashtirilsin;

b) 6-band “va rasmiy veb-saytida joylashtiradi” degan soʻzlar bilan toʻldirilsin;

v) 7-banddagi “Agentlik belgilaydigan” degan soʻzlar “Oʻzbekiston Respublikasi Adliya vazirligi belgilaydigan” degan soʻzlar bilan almashtirilsin;

g) 9-bandning uchinchi xatboshisi quyidagi tahrirda bayon etilsin:

“Malaka komissiyasi malaka imtihoni savollarini tasdiqlaydi, malaka imtihonini oʻtkazadi va nomzod yoki patent vakilining attestatsiyadan oʻtkazilganligi toʻgʻrisida qarorlar qabul qiladi”;

d) 10-bandning birinchi xatboshisi quyidagi tahrirda bayon etilsin:

“10. Nomzod Agentlikka oʻzini patent vakili sifatida attestatsiyadan oʻtkazish toʻgʻrisida ariza beradi. Arizaga oliy maʼlumot toʻgʻrisidagi diplom nusxasi, Oʻzbekiston Respublikasi hududida doimiy yashash joyi boʻyicha roʻyxatga olinganlik toʻgʻrisidagi belgi mavjud boʻlgan Oʻzbekiston Respublikasining fuqarolik pasporti nusxasi, attestatsiyadan oʻtkazish uchun belgilangan toʻlov toʻlanganligi haqidagi hujjat, shuningdek, nomzodning istagiga koʻra uning kasb bilimlari darajasini tavsiflovchi boshqa hujjatlar ilova qilinadi”;

e) 11-bandda:

quyidagi mazmundagi ikkinchi, uchinchi va toʻrtinchi xatboshilar bilan toʻldirilsin:

“Nomzod yoki patent vakilini malaka imtihoniga qoʻyish quyidagi hollarda rad etiladi:

ushbu Nizomning 3-bandi, 4-bandining ikkinchi xatboshisi, 5-bandi va 10-bandining uchinchi xatboshisi (patent vakili uchun)da belgilangan talablarga rioya qilinmaganda;

attestatsiya uchun belgilangan toʻlov toʻlanmaganda”;

ikkinchi xatboshi beshinchi xatboshi deb hisoblansin;

j) 13-band quyidagi tahrirda bayon etilsin:

“13. Malaka komissiyasi nomzod yoki patent vakilini attestatsiyadan oʻtkazishni quyidagi hollarda rad etadi:

ushbu Nizomning 4-bandi uchinchi xatboshisida nazarda tutilgan talablarga nomuvofiq boʻlganda;

malaka imtihoniga qoʻyish rad etilganda.

Ushbu bandning ikkinchi xatboshisi asosida attestatsiyadan oʻtkazish rad etilgan nomzod yoki patent vakili kamida olti oydan keyin takroriy attestatsiyaga qoʻyilishi mumkin”;

z) 15-banddagi “uning attestatsiyadan oʻtganligi toʻgʻrisida qaror qabul qilingan” degan soʻzlar “uni roʻyxatdan oʻtkazish toʻgʻrisidagi ariza berilgan” degan soʻzlar bilan almashtirilsin;

i) 16-band quyidagi tahrirda bayon etilsin:

“16. Agentlik reyestrda roʻyxatdan oʻtkazilgan sanadan boshlab oʻn kun mobaynida patent vakiliga roʻyxatdan oʻtganlik toʻgʻrisida guvohnoma beradi va roʻyxatdan oʻtkazish maʼlumotlarini Agentlikning rasmiy axborotnomasida eʼlon qiladi. Koʻrsatilgan maʼlumotlar reyestrda roʻyxatdan oʻtkazilgan kunda Agentlikning rasmiy veb-saytida joylashtiriladi. Guvohnoma shakli va eʼlon qilinadigan maʼlumotlar tarkibi Oʻzbekiston Respublikasi Adliya vazirligi tomonidan belgilanadi”;

k) 24-band quyidagi mazmundagi jumla bilan toʻldirilsin:

“Koʻrsatilgan axborot reyestrdan chiqarilgan kunda Agentlikning rasmiy veb-saytida joylashtiriladi”;

l) 25-banddagi “amalga oshirilishi mumkin” degan soʻzlar “amalga oshiriladi” degan soʻzlar bilan almashtirilsin;

m) 29-banddagi “Agentlik belgilaydigan” degan soʻzlar “Oʻzbekiston Respublikasi Adliya vazirligi belgilaydigan” degan soʻzlar bilan almashtirilsin.