“121-modda. Mahalliy ijro etuvchi hokimiyat organlarining davlat-xususiy sheriklik sohasidagi vakolatlari

Mahalliy ijro etuvchi hokimiyat organlari:

davlat-xususiy sheriklik toʻgʻrisida bitim tuzilishi mumkin boʻlgan oʻz tasarrufidagi obyektlarni aniqlaydi;

davlat-xususiy sheriklik toʻgʻrisidagi bitim asosida amalga oshirilishi moʻljallanayotgan istiqbolli loyihalarni, yer uchastkalarini tegishli hududning ehtiyojlarini hamda salohiyatini inobatga olgan holda oʻrganadi va belgilaydi;

tegishli hududdagi davlat-xususiy sheriklik loyihalarini oʻz vaqtida va samarali amalga oshirishga toʻsqinlik qiladigan omillarni aniqlaydi, ularni bartaraf etish choralarini koʻradi;

davlat-xususiy sheriklik loyihalarini amalga oshirish maqsadida yer uchastkalarini auksion oʻtkazmasdan davlat-xususiy sheriklik toʻgʻrisidagi bitimda belgilangan muddatga ajratadi”;

6) 13-moddaning:

ikkinchi qismi chiqarib tashlansin;

uchinchi va toʻrtinchi qismlari tegishincha ikkinchi va uchinchi qismlar deb hisoblansin;

ikkinchi qismidagi “Davlat sherigi tomonidan vakolat berilgan davlat korxonalari va (yoki) tashkilotlar” degan soʻzlar “Davlat sherigi tomonidan vakolat berilgan yuridik shaxslar yoki yuridik shaxslarning birlashmalari” degan soʻzlar bilan almashtirilsin;

7) 14-modda:

birinchi qismining beshinchi xatboshisi “xususiy sherik aybi bilan” degan soʻzlardan keyin “davlat-xususiy sheriklik toʻgʻrisidagi bitim doirasida” degan soʻzlar bilan toʻldirilsin;

uchinchi qismining toʻrtinchi xatboshisi “davlat sherigining aybi bilan” degan soʻzlardan keyin “davlat-xususiy sheriklik toʻgʻrisidagi bitim doirasida” degan soʻzlar bilan toʻldirilsin;

beshinchi qismi quyidagi tahrirda bayon etilsin:

“Xususiy sherik davlat-xususiy sheriklik shartlari asosida oʻziga berilgan yer uchastkasidan foydalanish huquqini boshqa yuridik va jismoniy shaxslarga oʻtkazishga haqli emas, bundan ushbu Qonunning 35-moddasida nazarda tutilgan hollar mustasno”;