V.P. Chkalov nomidagi Toshkent aviatsiya ishlab chiqarish birlashmasi masalalari (250-son)

25.05.1993

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining Davlat mustaqilligi asoslari toʻgʻrisida” Oʻzbekiston Respublikasi Qonunini bajarish maqsadida Vazirlar Mahmamasi qaror qiladi:

1. Belgilab qoʻyilsinki, V. P. Chkalov nomidagi Toshkent aviatsiya ishlab chiqarish birlashmasi Oʻzbekiston Respublikasi Vazirlar Mahkamasiga boʻysunadi, birlashmaning bosh direktori Vazirlar Mahkamasi tomonidan, bosh direktorning oʻrinbosarlari va mustaqil balansdagi tuzilma boʻlinmalarining direktorlari esa Vazirlar Mahkamasi bilan kelishilgan holda bosh direktorning buyrugʻi bilan tayinlanadi va lavozimidan ozod qilinadi.

2. “Oʻzistiqbolstat”, “Oʻzshartomasavdo”, Oʻzbekiston Respublikasining boshqa vazirliklari va idoralari istiqbol koʻrsatkichlarini ishlab chiqishda, statistik hisobotda V. P. Chkalov nomidagi Toshkent aviatsiya ishlab chiqarish birlashmasining koʻrsatkichlarini alohida qayd etishni nazarda tutsinlar.

3. V. P. Chkalov nomidagi Toshkent aviatsiya ishlab chiqarish birlashmasi bir oy muddatda birlashma Ustavini ishlab chiqsin va tasdiqlash uchun Vazirlar Mahkamasiga kiritsin.

Oʻzbekiston Respublikasining Bosh vaziri A. MUTALOV

Toshkent sh.,

1993-yil 25-may,

250-son