Turkiya Respublikasida Oʻzbekiston Respublikasining Elchixonasini va Bosh konsulxonasini ochish toʻgʻrisida (201-son)

04.05.1993

Oʻzbekiston Respublikasi Vazirlar Mahkamasining

qarori

Oʻzbekiston Respublikasi bilan Turkiya Respublikasi oʻrtasida diplomatiya munosabatlarini oʻrnatish toʻgʻrisida 1992-yil 4-martdagi Protokolga va Oʻzbekiston Respublikasi Prezidentining 1993-yil 28-yanvardagi 549-son Farmoniga muvofiq Vazirlar Mahkamasi qaror qiladi:

1. Turkiya Respublikasida (Anqara sh.) Oʻzbekiston Respublikasining Elchixonasini va Istanbul shahrida Oʻzbekiston Respublikasining Bosh konsulxonasini ochish zarur deb hisoblansin.

2. Oʻzbekiston Respublikasi Elchixonasining va Bosh konsulxonasining 1993-yil uchun shtatlar jadvali va xarajatlar smetasi 1—3-ilovalarga muvofiq tasdiqlansin.

Elchixona va Bosh konsulxona xodimlari sonini 1993-yil uchun 17 kishidan, shulardan diplomatik tarkibdagi xodimlar soni — 9 kishi, texnik tarkibdagi xodimlar soni — 8 kishidan iborat qilib belgilansin.

Oʻzbekiston Respublikasi Moliya vazirligi 1993-yil uchun zarur boʻlgan valyuta mablagʻlarini ajratsin.

3. Oʻzbekiston Respublikasi Tashqi ishlar vazirligi bir oy muddat ichida;

Oʻzbekiston Respublikasining Turkiya Respublikasidagi Elchixonasi va Bosh konsulxonasi toʻgʻrisidagi nizom loyihasini ishlab chiqsin va tasdiqlash uchun Vazirlar Mahkamasiga taqdim etsin;

shtatlar jadvaliga muvofiq ravishda Elchixona va Bosh konsulxonani xodimlar bilan butlash uchun nomzodlar boʻyicha taklif kiritsin;

Oʻzbekiston Respublikasi Moliya vazirligi bilan birgalikda Oʻzbekiston Respublikasi diplomatiya vakolatxonalari xodimlari ish haqining soʻm qismini qoplash toʻgʻrisida taklif ishlab chiqsin va kiritsin.

4. “Oʻzshartnomasavdo” davlat uyushmasi va “Oʻzbeksavdo” davlat uyushmasi Oʻzbekiston Respublikasining Turkiya Respublikasidagi Elchixonasi va Bosh konsulxonasi uchun Tashqi ishlar vazirligining talabnomalariga muvofiq belgilangan tartibda moddiy-texnika resurslari, jihozlar, asbob-uskunalar hamda transport vositalari ajratsinlar.

5. Oʻzbekiston Respublikasining Turkiya Respublikasidagi elchisi maishiy, tibbiy va transport xizmati koʻrsatish sharoitlari boʻyicha Oʻzbekiston Respublikasi vaziriga tenglashtirilsin.

Vazirlar Mahkamasining Raisi I. KARIMOV

Toshkent sh.,

1993-yil 4-may,

201-son

Vazirlar Mahkamasining 1993-yil 4-maydagi 201-son qaroriga 3-ILOVA

1993-yilda Oʻzbekiston Respublikasining Turkiya Respublikasidagi Elchixonasini mablagʻ bilan taʼminlash uchun xarajatlar smetasi (Istanbul shahridagi Bosh konsulxonani qoʻshgan holda tashkiliy yil uchun, hisob-kitoblar AQSH dollarida)