“Oʻzagroqurilish” respublika ishlab chiqarish davlat-kooperativ qurilish birlashmasining ustaviga qisman oʻzgartirishlar kiritish toʻgʻrisida (313-son)

25.06.1993

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

“Oʻzagroqurilish” respublika ishlab chiqarish davlat-kooperativ qurilish birlashmasining Vazirlar Mahkamasining 1992-yil 6-martdagi 100-son qarori bilan tasdiqlangan Ustaviga qisman oʻzgartirishlar kiritilsin hamda 22 va 28-bandlar quyidagi tahrirda bayon qilinsin:

“22. Rais, uning oʻrinbosarlari va boshqaruv aʼzolari birlashma Kengashi tomonidan saylanadilar hamda Oʻzbekiston Respublikasi Vazirlar Mahkamasi tomonidan tasdiqlanadilar”.

“28. “Oʻzagroqurilish” birlashmasining raisi boshqarmalar va apparat mustaqil boʻlimlarining boshliqlarini, birlashmaga qarashli korxonalar va tashkilotlarning rahbarlarini lavozimlariga tayinlaydi va egallab turgan lavozimlaridan ozod qiladi”.

Oʻzbekiston Respublikasi Bosh vaziri A. MUTALOV

Toshkent sh.,

1993-yil 25-iyun,

313-son