“Tabiatni muhofaza qilish toʻgʻrisida” Oʻzbekiston Respublikasi Qonuni qabul qilinishi munosabati bilan Oʻzbekiston Respublikasi Hukumatining ayrim qarorlari oʻz kuchini yoʻqotgan deb hisoblash va ularning ayrimlariga oʻzgartirishlar kiritish haqida (278-son)
08.06.1993
Oʻzbekiston Respublikasi Vazirlar Mahkamasining
qarori
“Tabiatni muhofaza qilish toʻgʻrisida” Oʻzbekiston Respublikasi Qonuni qabul qilinishi munosabati bilan Vazirlar Mahkamasi qaror qiladi:
1. Oʻzbekiston Respublikasi Hukumatining ilova qilinayotgan roʻyxatda qayd etilgan qarorlari oʻz kuchini yoʻqotgan deb hisoblansin.
2. Oʻzbekiston Respublikasi Hukumatining ayrim qarorlariga kiritiladigan ilova qilinayotgan oʻzgartirishlar tasdiqlansin.
Oʻzbekiston Respublikasining Bosh vaziri A. MUTALOV
Toshkent sh.,
1993-yil 8-iyun,
278-son
Vazirlar Mahkamasining 1993-yil 8-iyundagi 278-son qarori bilan TASDIQLANGAN
Oʻzbekiston Respublikasi Hukumatining oʻz kuchini yoʻqotgan qarorlari
ROʻYXATI
1. Oʻzbekiston SSR Ministrlar Sovetining “1959-yilda Oʻzbekiston SSRda koʻkalamzorlashtirish va daraxt oʻtkazish ishlarini oʻtkazish toʻgʻrisida” 1959-yil 6-martdagi 139-son qarori.
2. Oʻzbekiston SSR Ministrlar Sovetining “Oʻzbekiston SSR Ministrlar Soveti huzuridagi baliq zapaslari va baliq ovlashni tartibga solish boʻyicha Oʻzbekiston Respublikasi Davlat inspeksiyasini tashkil etish toʻgʻrisida” 1959-yil 4-apreldagi 224-son qarori.
3. Oʻzbekiston SSR Ministrlar Sovetining “Orol dengizi havzasida baliq zapaslarini koʻpaytirish boʻyicha baliq xoʻjaligi chora-tadbirlari toʻgʻrisida” 1959-yil 8-oktabrdagi 767-son qarori.
4. Oʻzbekiston SSR Ministrlar Sovetining “Oʻzbekiston SSRda tabiatni muhofaza qilishning ahvoli va uni yaxshilash choralari toʻgʻrisida” 1972-yil 30-oktabrdagi 469-son qarori (OʻzSSR QT, 1972-y., 9-son, 63-modda).
5. KPSS Markaziy Komiteti va SSSR Ministrlar Sovetining “Tabiatni qoʻriqlashni kuchaytirish va tabiiy resurslardan foydalanishni yaxshilash toʻgʻrisida” 1972-yil 29-dekabrdagi 898-son qarori yuzasidan Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining 1973-yil 21-fevraldagi 77-son qarori (OʻzSSR QT, 1973-y., 2-son, 7-modda).
6. KPSS Markaziy Komiteti va SSSR Ministrlar Sovetining “Tabiatni muhofaza qilishni kuchaytirish va tabiiy resurslardan foydalanishni yaxshilash yuzasidan qoʻshimcha tadbirlar toʻgʻrisida” 1978-yil 1-dekabrdagi 984-son qarori yuzasidan Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining 1978-yil 21-dekabrdagi 770-son qarori (UzSSR QT, 1978-y, 12-son, 49-modda).
7. Oʻzbekiston SSR Ministrlar Sovetining “Oʻzbekiston SSR Melioratsiya va suv xoʻjaligi ministrligining Suv boʻlimlaridan kompleks foydalanish va ularni muhofaza qilish bosh boshqarmasi (Suv boyliklari bosh boshqarmasi) toʻgʻrisidagi Nizomni tasdiqlash haqida” 1979-yil 27-iyundagi 427-son qarori (OʻzSSR QT, 1979-y, 6-son, 25-modda).
8. SSSR Ministrlar Sovetining “Suvdan foydalanish va uni muhofaza qilish ustidan davlat nazorati toʻgʻrisidagi Nizomni tasdiqlash haqida” 1979-yil 22-iyundagi 591-son qarori yuzasidan Oʻzbekiston SSR Ministrlar Sovetining 1979-yil 11-iyuldagi 470-son qarori (OʻzSSR T, 1979-y., 7-son, 26-modda).
9. Oʻzbekiston SSR Ministrlar Sovetining “Oʻzbekiston SSRda atrof muhitning ifloslanishini yanada kamaytirish va tabiatni muhofaza qilish boʻyicha ishlar ustidan nazoratni kuchaytirish choralari toʻgʻrisida” 1980-yil 28-oktabrdagi 736-son qarori.
10. SSSR Ministrlar Sovetining “Oʻrmonlarning ahvoli, ulardan foydalanish, koʻpaytirish, qoʻriqlash va himoya qilish ustidan davlat nazorati oʻrnatish toʻgʻrisida Nizomni tasdiqlash haqida” 1982-yil 30-apreldagi 360-son qarori yuzasidan Oʻzbekiston SSR Ministrlar Sovetining 1982-yil 19-maydagi 370-son qarori.
11. Oʻzbekiston SSR Ministrlar Sovetining “Oʻzbekiston SSRda atrof muhitni muhofaza qilish va tabiiy resurslardan oqilona foydalanish boʻyicha olib borilayotgan ishlar toʻgʻrisida” 1985-yil 2-yanvardagi 2-son qarori.
12. SSSR Ministrlar Sovetining “Fargʻona shahri rayonida atrof muhitni muhofaza qilishni taʼminlashga oid qoʻshimcha choralar toʻgʻrisida” 1985-yil 27-maydagi 467-son qarori yuzasidan Oʻzbekiston SSR Ministrlar Sovetining 1985-yil 21-iyundagi 331-son qarori.
13. SSSR Ministrlar Sovetining “SSSR suv havzalarida baliq zapaslarini muhofaza qilish toʻgʻrisidagi va baliq ovlashni tartibga solish haqidagi Nizomga oʻzgartirishlar va qoʻshimchalar kiritish toʻgʻrisida” 1987-yil 12-iyundagi 657-son qarori yuzasidan Oʻzbekiston SSR Ministrlar Sovetining 1987-yil 4-iyuldagi 277-son qarori (OʻzSSR KT, 1987-y., 7-son, 39-modda).
14. Oʻzbekiston SSR Ministrlar Sovetining “Oʻzbekiston SSRda atrof muhitni muhofaza qilish va tabiiy resurslardan oqilona foydalanish ishlarining ahvoli va uni yanada kuchaytirishga oid choralar toʻgʻrisida” 1987-yil 29-sentabrdagi 406-son qarori.
15. Oʻzbekiston SSR Ministrlar Sovetining “Respublika oʻrmon xoʻjaligini boshqarishni takomillashtirish toʻgʻrisida” 1989-yil 24-martdagi 117-son qarori.
Vazirlar Mahkamasining 1993-yil 8-iyundagi 278-son qarori bilan TASDIQLANGAN
Oʻzbekiston Respublikasi Hukumatining ayrim qarorlariga kiritiladigan
OʻZGARTIRIShLAR
1. Oʻzbekiston Respublikasi Ministrlar Sovetining “Oʻzbekiston SSR Ministrlar Sovetining 1989-yil 6-oktabrdagi 329-son qaroriga oʻzgartirishlar kiritish toʻgʻrisida” 1989-yil 14-dekabrdagi 421-son qaroridagi “erlardan foydalanishni nazorat qilish boʻyicha davlat inspeksiyasi bilan” soʻzlari “erlardan foydalanishni nazorat qilish boʻyicha idoraviy inspeksiya bilan” soʻzlari bilan almashtirilsin.
2. Oʻzbekiston SSR Ministrlar Sovetining “Oʻzbekiston SSR Melioratsiya va suv xoʻjaligi vazirligi toʻgʻrisidagi Nizomni tasdiqlash haqida” 1990-yil 31-martdagi 155-son qarori (OʻzSSR QT, 1990-y., 3-son, 9-modda) bilan tasdiqlangan Oʻzbekiston Respublikasi Melioratsiya va suv xoʻjaligi vazirligi toʻgʻrisidagi Nizomning 7-bandi “b” kichik bandining ikkinchi xatboshidagi “oʻz vaqtida” soʻzi “idoraviy” soʻzi bilan almashtirilsin, mazkur kichik bandning oxirgi xatboshidagi “nazorat” soʻzidan oldin “idoraviy” soʻzi qoʻshilsin.
3. Oʻzbekiston SSJ Prezidenti huzuridagi Vazirlar Mahkamasining “Respublika oʻrmon xoʻjaligini boshqarishni takomillashtirish toʻgʻrisida” 1991-yil 30-apreldagi 115-son qarori 2-bandining ikkinchi xatboshidagi “davlat” soʻzi “idoraviy” soʻzi bilan almashtirilsin.
5. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi Prezidenti huzuridagi Vazirlar Mahkamasining 1992-yil 9-martdagi 111-son qaroriga oʻzgartirish kiritish toʻgʻrisida” 1992-yil 8-iyundagi 270-son qarorining uchinchi xatboshi quyidagi tahrirda bayon qilinsin:
“Agar “Oʻzbaliq” konserni korxonalari suv obyektlari (baliq xoʻjaligi havzalari) boʻyicha baliq zaxiralarini koʻpaytirish va tiklash yuzasidan chora-tadbirlar olib borayotgan boʻlsalar, baliq ovlashga litsenziya uchun haq toʻlashdan ozod qilinadilar” (1-ilova).
Mazkur qaror quyidagi mazmundagi xatboshi bilan toʻldirilsin:
“Ov qilinadigan yerlarda Oʻzbekiston Respublikasi Davlat oʻrmon qoʻmitasi korxonalari ular tomonidan koʻpaytirilayotgan va koʻchirib joylashtirilayotgan yovvoyi hayvonlar turlarini otishga va ovlashga litsenziya uchun haq toʻlashdan ozod qilinadilar”.
6. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi oʻrmon fondi yerlarida ovchilik xoʻjaligini tashkil etish va yuritish chora-tadbirlari toʻgʻrisida” 1992-yil 12-oktabrdagi 469-son qarori 1-bandidagi:
oxirgi xatboshi quyidagi tahrirda bayon qilinsin:
“Ovchilik bosh boshqarmasiga gʻayriqonuniy ovchilik oqibatida yetkazilgan zarar uchun daʼvo qilish hamda hayvonot dunyosidan foydalanish va muhofaza qilish qoidalarini buzganlik uchun maʼmuriy yoki jinoiy javobgarlikka tortish toʻgʻrisida ariza berish huquqi berilsin”.