Qurol muomalasi sohasida ruxsat berish tartib-taomillarini takomillashtirishga doir qoʻshimcha chora-tadbirlar toʻgʻrisida (810-son)

26.12.2020

Oʻzbekiston Respublikasi Vazirlar Mahkamasining

qarori

“Qurol toʻgʻrisida”gi Oʻzbekiston Respublikasi Qonuniga muvofiq, shuningdek, qurol muomalasi sohasida ruxsat berish tartib-taomillarini takomillashtirish maqsadida Vazirlar Mahkamasi qaror qiladi:

2. Belgilansinki:

ushbu qaror qabul qilinguniga qadar qurol muomalasi sohasidagi harakatlarni bajarish va (yoki) faoliyatni amalga oshirish huquqini beradigan ruxsat etish xususiyatiga ega boʻlgan hujjatlar ularning amal qilish muddati tugagunicha haqiqiy hisoblanadi;

ushbu qaror kuchga kirganidan keyin uch oy ichida “Qurol toʻgʻrisida”gi Oʻzbekiston Respublikasi Qonuniga muvofiq yuridik va jismoniy shaxslardagi mavjud pnevmatik qurollar ichki ishlar organlarida roʻyxatga qoʻyiladi.

3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda:

ushbu qarorning maqsadi, mohiyati va amaliy ahamiyatini keng yoritish boʻyicha tadbirlar tashkil etilishini hamda amalga oshirilishini taʼminlasin;

oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

5. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

6. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 26-dekabr,

810-son

Vazirlar Mahkamasining 2020-yil 26-dekabrdagi 810-son qaroriga3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1992-yil 26-oktabrdagi 493-son qarori bilan tasdiqlangan Birja tovari boʻlishi mumkin boʻlmagan mol-mulklar milliy-madaniy va tarixiy boyliklar turlari roʻyxatining 14-bandi quyidagi tahrirda bayon etilsin:

“14. Fuqaroviy va xizmat quroli turlari va uning oʻq-dorilari”.

3. Vazirlar Mahkamasining “Oʻzbekiston Respublikasida avtomobil transportida yoʻlovchilar va bagaj tashish qoidalarini hamda avtobuslarda yoʻlovchilar tashish xavfsizligini taʼminlashga doir talablarni tasdiqlash haqida” 2003-yil 4-noyabrdagi 482-son qaroriga (Oʻzbekiston Respublikasi QT, 2003-y., 11-son, 108-modda) 1-ilovaning 15-bandi “d” kichik bandi quyidagi tahrirda bayon etilsin:

“d) tez yonuvchan, portlovchi, zaharlovchi, zaharli, qoʻlansa, radioaktiv moddalar va ashyolarni, shuningdek qurolni va sovuq qurol sifatida foydalanilishi mumkin boʻlgan ashyolarni ochiq (gʻilofsiz) holda olib yurish;”.

4. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 8-son, 51-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatining 38 — 3820-pozitsiyalari quyidagi tahrirda bayon etilsin:

“ 38. Integratsiyalangan maʼlumotlar bazasi (jismoniy shaxslar) Ichki ishlar vazirligi 381. Fuqaroviy va xizmat qurolini hamda uning oʻq-dorilarini ishlab chiqarish, taʼmirlash va realizatsiya qilish faoliyatini amalga oshirish huquqi uchun berilgan litsenziyalar reyestri 382. Pirotexnika buyumlarini (harbiy maqsaddagi mahsulotlardan tashqari) yaratish, ishlab chiqarish, tashish, saqlash, realizatsiya qilish, ulardan foydalanish, ularni yoʻq qilish va utilizatsiya qilish faoliyatini amalga oshirish huquqi berilgan litsenziyalar reyestri 383. Roʻyxatdan oʻtkazilgan shaxsiy avtomototransport vositalarining maʼlumotlar bazasi 384. Yuridik shaxslarning roʻyxatdan oʻtkazilgan avtomototransport vositalarining maʼlumotlar bazasi 385. Profilaktik, tezkor va boshqa hisoblarda turgan shaxslar toʻgʻrisidagi “Shaxs” maʼlumotlar bazasi 386. “Respublika qidiruvida” boʻlgan shaxslar toʻgʻrisidagi maʼlumotlar bazasi 387. “MDH davlatlararo qidiruvi”da boʻlgan shaxslar toʻgʻrisidagi maʼlumotlar bazasi 388. Temir yoʻl transportida harakatlanish hujjat (chipta)larini rasmiylashtirgan yoʻlovchilar haqidagi “Vokzal” maʼlumotlar bazasi 389. Havo transportida harakatlanish hujjat (chipta)larini rasmiylashtirgan yoʻlovchilar haqidagi “Aeroport” maʼlumotlar bazasi 3810. Qidiruvda boʻlgan raqamli buyumlar toʻgʻrisidagi “Buyum” maʼlumotlar bazasi 3811. Respublika boʻyicha yoʻqotib qoʻyilgan, oʻgʻirlangan, olib qoʻyilgan va topib olingan qurolning maʼlumotlar bazasi 3812. “MDH davlatlarida yoʻqotilgan va aniqlangan qurol” toʻgʻrisidagi maʼlumotlar bazasi 3813. Respublika boʻyicha qidiruvdagi avtomototransport vositalari toʻgʻrisida maʼlumotlar bazasi 3814. MDH davlatlari qidiruvda boʻlgan avtomototransport vositalari toʻgʻrisida maʼlumotlar bazasi 3815. “Fuqaroviy va xizmat quroli” toʻgʻrisidagi maʼlumotlar bazasi 3816. Jinoiy javobgarlikka tortilgan shaxslar barmoq izlarining maʼlumotlar bazasi 3817. Shaxslarning foto tasviri tushirilgan va pasport 1-shakli axborotlarining maʼlumotlar bazasi 3818 Haydovchilik guvohnomasini olgan shaxslarning maʼlumotlar bazasi 3819. Maʼmuriy huquqbuzarlik sodir etgan shaxslar toʻgʻrisidagi maʼlumotlar bazasi 3820. Maxsus hisobda turgan shaxslar toʻgʻrisidagi maʼlumotlar bazasi (jinoiy javobgarlikka tortilganligi, sudlanganligi, jinoiy javobgarlikdan yoki jazodan ozod etilganligi, qidiruvda boʻlganligi, jazoni oʻtganligi yoxud oʻtayotganligi) ”.

5. Vazirlar Mahkamasining 2008-yil 9-sentabrdagi 203-son qarori (Oʻzbekiston Respublikasi QHT, 2008-y., 37-38-son, 373-modda) bilan tasdiqlangan Oʻrmon qoʻriqchiligi toʻgʻrisidagi nizomda:

a) 15-bandning toʻqqizinchi xatboshidagi “idoraviy qurol” soʻzlari “xizmat quroli” soʻzlari bilan almashtirilsin;

b) 21-bandning birinchi xatboshidagi “Milliy gvardiyasi” soʻzlari “Ichki ishlar vazirligi” soʻzlari bilan almashtirilsin.

6. Vazirlar Mahkamasining “Oʻzbekiston Respublikasining “Muzeylar toʻgʻrisida”gi Qonunini roʻyobga chiqarish uchun zarur boʻlgan normativ-huquqiy hujjatlarni tasdiqlash haqida” 2010-yil 12-apreldagi 68-son qaroriga 8-ilovaning 9-bandi uchinchi xatboshidagi “qurollangan (oʻqotar yoki sovuq qurollar)” soʻzlari “fuqaroviy va xizmat quroli bilan qurollangan” soʻzlari bilan almashtirilsin.

8. Vazirlar Mahkamasining “Oʻzbekiston Respublikasida xavfli yuklarni avtomobil transportida tashish qoidalarini tasdiqlash toʻgʻrisida” 2011-yil 16-fevraldagi 35-son qaroriga (Oʻzbekiston Respublikasi QT, 2011-y., 2-son, 9-modda) 1-ilovaning 174-bandidagi “oʻqotar qurol bilan qurollangan soqchilar” soʻzlari “xizmat quroli bilan qurollangan soqchilar” soʻzlari bilan almashtirilsin.

9. Vazirlar Mahkamasining “Oʻzbekiston Respublikasi Ekologiya va atrof-muhitni muhofaza qilish davlat qoʻmitasi huzurida Quyi Amudaryo davlat biosfera rezervati faoliyatini tashkil etish toʻgʻrisida” 2011-yil 26-avgustdagi 243-son qaroriga (Oʻzbekiston Respublikasi QHT, 2011-y., 34-35-son, 351-modda) 3-ilovaning 50-bandi quyidagi tahrirda bayon etilsin:

“50. Biosfera rezervati muhofaza xodimlariga xizmat vazifalarini bajarish paytida belgilangan tartibda xizmat qurolini olib yurishga ruxsat etiladi. Biosfera rezervati muhofaza xodimlari oʻz xizmat vazifalarini bajarish paytida xizmat qurolini va maxsus vositalarni (qoʻlkishan, rezina tayoq, koʻzdan yosh oqizadigan gaz, transport vositalarini majburiy toʻxtatuvchi vositalarni) qoʻllash, shuningdek, xizmat itlaridan foydalanish huquqiga ega.

Xizmat qurolini va maxsus vositalarni olib yurish, shuningdek, ularni berish, olib yurish, saqlash, qoʻllash qonun hujjatlarida belgilangan tartibda amalga oshiriladi”.

12. Vazirlar Mahkamasining 2014-yil 21-yanvardagi 15-son qaroriga (Oʻzbekiston Respublikasi QT, 2014-y., 1-son, 7-modda) rus tilidagi matniga 1-ilovaning “II. Meditsinskiye psixiatricheskiye protivopokazaniya dlya osushestvleniya otdelnix vidov professionalnoy deyatelnosti v usloviyax povishennoy opasnosti” boʻlimi 7-pozitsiyasi quyidagi tahrirda bayon etilsin:

“ Rabotniki yuridicheskix lits so spetsialnimi slujebnimi zadachami, kotorim razresheno nosheniye i primeneniye slujebnogo orujiya. Epilepsiya (individualno). ”.

13. Vazirlar Mahkamasining 2014-yil 29-iyuldagi 205-son qarori (Oʻzbekiston Respublikasi QT, 2014-y., 7-son, 76-modda) bilan tasdiqlangan Ommaviy tadbirlarni oʻtkazish qoidalarining 59-bandidagi oltinchi-yettinchi xatboshilar quyidagi tahrirda bayon etilsin:

“fuqaroviy va xizmat qurolini, ularning oʻq-dorilarini, pirotexnika buyumlarini, foydalanilishi odamlarning hayoti va sogʻligʻiga xavf tugʻdirishi yoki fuqarolar va tashkilotlarga moddiy zarar yetkazishi mumkin boʻlgan maxsus tayyorlangan yoki moslashtirilgan predmetlarni, shuningdek ommaviy tadbirni oʻtkazish obyektining maʼmuriyati tomonidan tasdiqlangan, ommaviy tadbirni oʻtkazish obyektiga olib kirilishi taqiqlangan predmetlar roʻyxatiga kiritilgan oson alangalanadigan va zaharli moddalar, sanchuvchi, kesuvchi va boshqa predmetlarni olib yurish (sportchilar tomonidan sport tadbirlari dasturlarida koʻzda tutilgan sport quroli va anjomlaridan foydalanishlari bundan mustasno);

qurol, oʻq-dorilar, portlovchi moddalarning imitatorlari va mulyajlarini olib yurish (teatr va teatr tomoshalarida ulardan foydalanish bundan mustasno);”.

15. Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qarorida (Oʻzbekiston Respublikasi QHT, 2014-y., 43-son, 530-modda):

a) 1-ilovaning 73-bandi oʻn birinchi xatboshi quyidagi tahrirda bayon etilsin:

“berilgan xizmat qurolini va uning oʻq-dorilarini belgilangan tartibda olib yurish.”;

b) 2-ilovada:

29-bandning toʻrtinchi xatboshidagi “oʻqotar qurolni” soʻzlari “ov qurolini” soʻzlari bilan almashtirilsin;

117-bandda:

yettinchi xatboshidagi “oʻqotar qurol” soʻzlari “ov quroli” soʻzlari bilan almashtirilsin;

oʻn ikkinchi xatboshidagi “xizmat boʻyicha berilgan oʻq otish qurolini” soʻzlari “berilgan xizmat qurolini” soʻzlari bilan almashtirilsin.

16. Vazirlar Mahkamasining 2015-yil 8-maydagi 114-son qarori (Oʻzbekiston Respublikasi QT, 2015-y., 5-son, 36-modda) bilan tasdiqlangan Davlat xavfsizligini taʼminlash manfaatlari nuqtai nazaridan garov va ipoteka qoʻllanilishi mumkin boʻlmagan obyektlar toifalari roʻyxatining 10-bandi quyidagi tahrirda bayon etilsin:

“10. Fuqaroviy va xizmat quroli hamda uning oʻq-dorilarini ishlab chiqarish, taʼmirlash va realizatsiya qilishni amalga oshiruvchi davlat korxonalari va davlat obyektlari”.

18. Vazirlar Mahkamasining 2016-yil 2-iyundagi 185-son qarori (Oʻzbekiston Respublikasi QHT, 2016-y., 23-son, 266-modda) bilan tasdiqlangan Elektron tijoratni amalga oshirish qoidalariga 2-ilovaning rus tilidagi matnida 13-pozitsiya quyidagi tahrirda bayon etilsin:

“ 13. Remont grajdanskogo i slujebnogo orujiya i boyepripasov k nemu. vnutrenniy rinok ”.

19. Vazirlar Mahkamasining 2016-yil 22-iyuldagi 238-son qarori (Oʻzbekiston Respublikasi QT, 2016-y., 7-son, 70-modda) bilan tasdiqlangan Majmua (landshaft) buyurtma qoʻriqxonalari toʻgʻrisidagi nizomda:

a) 18-bandning yettinchi xatboshidagi “idoraga qarashli oʻqotar qurollar va ularning oʻq-dorilari” soʻzlari “xizmat quroli va uning oʻq-dorilari” soʻzlari bilan almashtirilsin;

b) 39-bandning yettinchi xatboshidagi “idoraga qarashli oʻqotar qurollar” soʻzlari “xizmat quroli” soʻzlari bilan almashtirilsin;

v) 40-bandning birinchi va ikkinchi xatboshilaridagi “oʻqotar qurollar va ularning oʻq-dorilari” soʻzlari “xizmat quroli va uning oʻq-dorilari” soʻzlari bilan almashtirilsin.

20. Vazirlar Mahkamasining “Oʻrmon xoʻjaligini boshqarish tizimini yanada takomillashtirish chora-tadbirlari toʻgʻrisida” 2017-yil 19-iyuldagi 530-son qaroriga (Oʻzbekiston Respublikasi QHT, 2017-y., 30-son, 734-modda) 3-ilovaning 10-bandi beshinchi xatboshidagi “xizmat oʻqotar qurollari va oʻq-dorilarni” soʻzlari “xizmat quroli va uning oʻq-dorilarini” soʻzlari bilan almashtirilsin.

21. Vazirlar Mahkamasining 2018-yil 8-yanvardagi 13-son qarori bilan tasdiqlangan Muhofaza etiladigan tabiiy hududlarda boʻlishning namunaviy qoidalarida:

a) 29-bandning ikkinchi xatboshidagi “oʻqotar qurol” soʻzlari “qurol” soʻzi bilan almashtirilsin;

b) ilovadagi “Yoʻnalishda yoki joyda (maydonda) quyidagilar taqiqlanadi:” boʻlimining ikkinchi xatboshidagi “oʻqotar qurol” soʻzlari “qurol” soʻzi bilan almashtirilsin.

22. Vazirlar Mahkamasining “Yoʻlovchi avtotransportida favqulodda vaziyatlar profilaktikasi va ularning oldini olish, shuningdek, Oʻzbekiston Respublikasi davlat chegarasidan tashqariga chiqadigan fuqarolar xavfsizligini taʼminlashga doir shoshilinch chora-tadbirlar toʻgʻrisida” 2018-yil 23-yanvardagi 42-son qarori 1-bandining beshinchi xatboshidagi “oʻqotar qurol va tigʻli qurollar” soʻzlari “qurolning barcha turlari” soʻzlari bilan almashtirilsin.

25. Vazirlar Mahkamasining 2018-yil 14-avgustdagi 657-son qarori bilan tasdiqlangan Ugom-Chotqol davlat milliy tabiat bogʻi toʻgʻrisidagi nizomda:

a) 22-bandning uchinchi xatboshidagi “qurollar, oʻq-dorilar” soʻzlari “xizmat quroli va unga oʻq-dorilar” soʻzlari bilan almashtirilsin;

b) 52-bandning yettinchi xatboshidagi “idoraviy oʻqotar qurol” soʻzlari “xizmat quroli” soʻzlari bilan almashtirilsin;

v) 53-bandning birinchi va ikkinchi xatboshilaridagi “oʻqotar qurollar va ularning oʻq-dorilari” soʻzlari “xizmat quroli va uning oʻq-dorilari” soʻzlari bilan almashtirilsin.

26. Vazirlar Mahkamasining “Davlat oʻrmon xoʻjaligi organlarining faoliyatini takomillashtirish va oʻrmon xoʻjaliklarining chegara hududlari tabiiy resurslaridan foydalanish boʻyicha qoʻshimcha chora-tadbirlar toʻgʻrisida” 2018-yil 10-sentabrdagi 717-son qaroriga 2-ilovada:

a) 4-bandning uchinchi xatboshidagi “oʻqotar” soʻzi chiqarib tashlansin;

b) 10-banddagi “idoraviy” soʻzi chiqarib tashlansin.

27. Vazirlar Mahkamasining 2018-yil 16-oktabrdagi 829-son qarori bilan tasdiqlangan Vakolatli vazirlik, idora va tashkilotlar tomonidan kiritiladigan va “Integratsiyalashgan tarif” interaktiv xizmati doirasida taqdim etiladigan axborot roʻyxatining 5-pozitsiyasi quyidagi tahrirda bayon etilsin:”

“ 5. Fuqaroviy va xizmat qurolini hamda uning oʻq-dorilarini olish, realizatsiya qilish, olib kirish yoki olib chiqish, tranzit qilish, saqlash, olib yurish, tashish, qurol va uning oʻq-dorilarini kolleksiyalash, koʻrgazmaga qoʻyish uchun ruxsatnoma. Oʻzbekiston Respublikasi Ichki ishlar vazirligi ”.

28. Vazirlar Mahkamasining 2018-yil 31-dekabrdagi 1062-son qarori bilan tasdiqlangan Ugom-Chotqol davlat biosfera rezervati toʻgʻrisidagi nizomning 47-bandi quyidagi tahrirda bayon etilsin:

“47. Biosfera rezervatini qoʻriqlash xodimlariga xizmat vazifalarini ado etishda xizmat qurolini belgilangan tartibda taqib yurishga ruxsat beriladi. Biosfera rezervatini qoʻriqlash xodimlari oʻz xizmat vazifalarini ado etishda belgilangan tartibda xizmat qurolidan va maxsus vositalardan (kishanlar, rezina tayoqlar, koʻzdan yosh oqizuvchi gaz, transport vositalarini majburiy toʻxtatish qurilmalari) qoʻllash, shuningdek, xizmat itlaridan foydalanishga ruxsat beriladi.

Xizmat qurolini va maxsus vositalarni sotib olish, saqlash, taqib yurish va qoʻllashga ruxsatnoma olish belgilangan tartibda amalga oshiriladi”.

29. Vazirlar Mahkamasining 2019-yil 15-yanvardagi 29-son qarori bilan tasdiqlangan Oʻzbekiston Respublikasi Ekologiya va atrof muhitni muhofaza qilish davlat qoʻmitasi toʻgʻrisidagi nizomning 18-bandi “23” kichik bandi quyidagi tahrirda bayon etilsin:

“23) qonun hujjatlari asosida zimmalariga yuklangan majburiyatlarga muvofiq atrof muhit, tabiiy resurslarni muhofaza qilish maqsadida Oʻzbekiston Respublikasi Ichki ishlar vazirligi bilan birgalikda Davlat ekologiya qoʻmitasi raisi tomonidan roʻyxati tasdiqlanadigan Davlat ekologiya qoʻmitasi tizimining alohida toifadagi xodimlari tomonidan qonun hujjatlarida belgilangan tartibda xizmat qurolini olib yurish va saqlash”.

30. Vazirlar Mahkamasining “Oʻzbekiston Respublikasi davlat oʻq-gilzotekasi faoliyatini tashkil etish chora-tadbirlari toʻgʻrisida” 2020-yil 10-yanvardagi 13-son qarorida (Oʻzbekiston Respublikasi QT, 2020-y., 1-son, 5-modda):

a) 7-banddagi “va Oʻzbekiston Respublikasi Milliy gvardiyasi qoʻmondoni B.X.Tashmatov” soʻzlari chiqarib tashlansin;

b) qarorga 1-ilovada:

26-bandning ikkinchi xatboshidagi va 42-bandning ikkinchi xatboshidagi “Oʻzbekiston Respublikasi Milliy gvardiyasi organiga” soʻzlari “hududiy ichki ishlar organiga” soʻzlari bilan almashtirilsin;

47-banddagi “Oʻzbekiston Respublikasi Milliy gvardiyasi” soʻzlari “Oʻzbekiston Respublikasi Ichki ishlar vazirligi Patrul-post xizmati va jamoat tartibini saqlash bosh boshqarmasi” soʻzlari bilan almashtirilsin;

50-banddagi “Milliy gvardiyasi nazorat-ruxsat berish faoliyati boʻlinmasi” soʻzlari “Ichki ishlar vazirligi Patrul-post xizmati va jamoat tartibini saqlash bosh boshqarmasi nazorat-litsenziyalash faoliyati boʻlimi” soʻzlari bilan almashtirilsin;

Nizomga 1-ilovaning 1 — 6-pozitsiyalari quyidagi tahrirda bayon etilsin:

“ T/r Qaydlov oʻq-gilzotekasiga qoʻyiladigan qurollar Nazorat tartibida otiladigan davr ”; 1. Jismoniy va yuridik shaxslar tomonidan sotib olingan qurol Ichki ishlar organlarida qurolni roʻyxatdan oʻtkazishdan oldin 2. Jismoniy shaxslarga tegishli boʻlgan qurol Uch yilda bir marotaba, qurolni realizatsiya qilish holatida esa — ichki ishlar organlarida qurolni qayta roʻyxatdan oʻtkazishdan oldin 3. Mukofot quroli Ichki ishlar organlarida qurolni roʻyxatdan va qayta roʻyxatdan oʻtkazishdan oldin 4. Jismoniy va yuridik shaxslar tomonidan kolleksiyalash va koʻrgazmaga qoʻyish quroli Ichki ishlar organlarida qurolni roʻyxatdan va qayta roʻyxatdan oʻtkazishdan oldin 5. Fuqaroviy va xizmat quroli hamda ularning oʻq-dorilari realizatsiyasini amalga oshiradigan yuridik shaxslar tomonidan olib kirilgan qurol Realizatsiya qilishdan oldin 6. Yuridik shaxslar egaligida boʻlgan qurol Uch yilda bir marotaba, qurolni realizatsiya qilish holatida esa — ichki ishlar organlarida qurolni qayta roʻyxatdan oʻtkazishdan oldin

Nizomga 4-ilovaning izohi quyidagi tahrirda bayon etilsin:

“Izoh. Oʻzbekiston Respublikasi Ichki ishlar vazirligi Patrul-post xizmati va jamoat tartibini saqlash bosh boshqarmasi nazorat-litsenziyalash faoliyati boʻlimida, Toshkent shahar va Toshkent viloyati ichki ishlar organlarida hisobda turuvchi fuqaroviy qurolni otish, istisno tariqasida, Oʻzbekiston Respublikasi Ichki ishlar vazirligi Ekspert-kriminalistika bosh markazida amalga oshirilishi mumkin”;

Nizomga 6-ilovaning “6-bosqich” blokidagi “Tadbir” ustunining 3-bandi quyidagi tahrirda bayon etilsin:

“3. Dalolatnomaning birinchi nusxasi hududiy ichki ishlar organiga egasining nazorat-kuzatuv yigʻmajildiga kiritish uchun yuboriladi.

Ikkinchi nusxasi qurol va sarflanmagan patronlar bilan yuridik shaxsga yoki egasiga beriladi.

Uchinchi nusxasi nazorat oʻqlari va gilzalar bilan Davlat oʻq-gilzotekasiga yuboriladi”.