Baholovchilar va rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida (805-son)
23.12.2020
Oʻzbekiston Respublikasi Vazirlar Mahkamasining
qarori
“Baholash faoliyati toʻgʻrisida”, “Rieltorlik faoliyati toʻgʻrisida”gi Oʻzbekiston Respublikasi qonunlariga, Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid Davlat dasturi toʻgʻrisida” 2020-yil 2-martdagi PF-5953-son hamda “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida” 2020-yil 24-avgustdagi PF-6044-son farmonlariga muvofiq Vazirlar Mahkamasi qaror qiladi:
1. Oʻzbekiston Respublikasi Prezidentining “Litsenziyalash va ruxsat berish tartib-taomillarini tubdan takomillashtirish chora-tadbirlari toʻgʻrisida” 2020-yil 24-avgustdagi PF-6044-son Farmoniga muvofiq 2021-yil 1-yanvardan boshlab litsenziyalanadigan baholash va rieltorlik faoliyat turlarining bekor qilinishi belgilanganligi maʼlumot uchun qabul qilinsin.
2. Oʻzbekiston Respublikasi Davlat aktivlarini boshqarish agentligi hamda Adliya vazirligining respublikada baholash va rieltorlik sohalariga zamonaviy texnologiyalarni qoʻllagan holda baholovchilar va rieltorlarning malaka imtihonlarini oʻtkazish va ularga malaka sertifikatlarini berish boʻyicha davlat xizmatlari koʻrsatilishini joriy etish toʻgʻrisidagi taklifi maʼqullansin.
3. Quyidagilar:
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamenti 1-ilovaga muvofiq;
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamenti 2-ilovaga muvofiq tasdiqlansin hamda 2021-yil 1-yanvardan boshlab amalga kiritilsin.
4. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Davlat aktivlarini boshqarish agentligi hamda Adliya vazirligi huzuridagi Davlat xizmatlari agentligi bilan birgalikda 2021-yil 1-yanvarga qadar:
ushbu qaror bilan tasdiqlangan davlat xizmatlari koʻrsatish boʻyicha maʼmuriy reglamentlarga muvofiq davlat xizmatlari koʻrsatish Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali joriy etilishini taʼminlasin;
YIDXPda davlat xizmatlari koʻrsatilishining har bir bosqichida murojaatlarning koʻrib chiqilishini kuzatib borish tartibini joriy etsin.
5. Oʻzbekiston Respublikasi Adliya vazirligi huzuridagi Davlat xizmatlari agentligi:
davlat organlari va boshqa tashkilotlar tomonidan davlat xizmatlari koʻrsatilishining belgilangan tartibiga rioya etilishi boʻyicha ularning faoliyati yuzasidan, jumladan, YIDXP orqali doimiy nazorat oʻrnatsin;
ushbu qaror bilan tasdiqlangan davlat xizmatlari koʻrsatish boʻyicha maʼmuriy reglamentlarning talablari buzilgan hollarda davlat organlari va boshqa tashkilotlar mansabdor shaxslariga nisbatan belgilangan tartibda maʼmuriy jazolarni qoʻllasin.
6. Oʻzbekiston Respublikasi Davlat aktivlarini boshqarish agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi Davlat aktivlarini boshqarish agentligi direktori A.J. Ortikov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 23-dekabr,
805-son
Vazirlar Mahkamasining 2020-yil 23-dekabrdagi 805-son qaroriga1-ILOVA
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament baholovchilarning malaka imtihonini oʻtkazish va malaka sertifikatini berish tartibini belgilaydi.
2. Mazkur Reglamentda quyidagi asosiy tushunchalardan foydalaniladi:
baholovchi — baholash faoliyatini tartibga soluvchi vakolatli organ tomonidan belgilangan tartibda berilgan baholovchining malaka sertifikatiga ega boʻlgan jismoniy shaxs;
baholovchining malaka sertifikati (keyingi oʻrinlarda — malaka sertifikati) — jismoniy shaxsga, agar u baholovchi tashkilotning masʼul xodimi boʻlsa yoki baholovchi tashkilot tomonidan u bilan fuqarolik-huquqiy tusdagi shartnoma tuzilgan boʻlsa, mulkni baholashni amalga oshirish huquqini beradigan sertifikat. Malaka sertifikati besh yil muddatga beriladi, uning amal qilish muddati besh yilga uzaytirilishi mumkin;
baholash faoliyatini tartibga soluvchi vakolatli organ (keyingi oʻrinlarda — vakolatli organ) — Oʻzbekiston Respublikasi Davlat aktivlarini boshqarish agentligi;
malaka imtihoni — talabgorning baholash faoliyati sohasidagi kasbiy bilimlarini tekshirish shakli;
maxsus oʻqiganlik haqida sertifikat — baholovchi tashkilotlar va baholovchilarning professional birlashmalari takliflarini hisobga olgan holda vakolatli organ tomonidan tasdiqlanadigan dastur boʻyicha baholovchi baholovchilarni tayyorlash markazida maxsus oʻqiganligini tasdiqlovchi hujjat;
talabgor — malaka sertifikatini olishga talabgor boʻlgan jismoniy shaxs.
3. Baholovchilarni tayyorlash markazlari vakolatli organ tomonidan belgilangan tartibda roʻyxatdan oʻtgan boʻlishi va zamonaviy oʻquv talablariga javob berishi, shuningdek, zarur texnik asbob-uskunalar (kompyuter, ovozli videokamera, internet aloqasi va boshqalar) bilan taʼminlangan hamda talabgorlar uchun masofaviy taʼlim berish imkoniyatlariga ega boʻlishi kerak.
4. Malaka sertifikatiga ega boʻlgan har bir baholovchi malaka sertifikati olingan yildan keyingi yildan boshlab har yili baholovchi tashkilotlar va baholovchilarning professional birlashmalarining takliflari hisobga olingan holda vakolatli organ tomonidan tasdiqlangan malaka oshirish dasturlari boʻyicha kamida 40 soatlik malaka oshirish kurslaridan oʻtishi shart.
5. Malaka sertifikati davlat xizmatlari markazlari (keyingi oʻrinlarda — markaz) yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali vakolatli organ tomonidan ushbu Reglamentga muvofiq talabgor malaka imtihonini muvaffaqiyatli topshirgan taqdirda beriladi.
6. Markazlar va vakolatli organ oʻrtasidagi axborot almashinuvi identifikatsiya qilish vositalarini majburiy tartibda qoʻllash orqali faqat idoralararo oʻzaro elektron hamkorlik yordamida amalga oshiriladi.
7. Talabgor quyidagi talablarga javob berishi kerak:
oliy iqtisodiy, yuridik yoki texnikaviy maʼlumotga, baholovchi yoki baholovchining yordamchisi lavozimida soʻnggi besh yilda kamida bir yil ish stajiga yoxud oliy maʼlumotga ega boʻlishi, bunda xorijiy davlatlarda olingan oliy maʼlumot yoki ilmiy daraja belgilangan tartibda Oʻzbekiston Respublikasida tan olingan taqdirda inobatga olinadi.
vakolatli organ tomonidan belgilangan tartibda kelishilgan dastur boʻyicha va baholash tashkilotlari hamda baholovchilar professional birlashmalarining takliflarini hisobga olingan holda maxsus oʻqiganligi haqida sertifikatga ega boʻlishi.
“Baholash ishi: baholash faoliyati va rieltorlik (obyektlar boʻyicha) (5A231501)” yoki “Koʻchmas mulkni ekspertiza qilish va boshqarish: Koʻchmas mulkni baholash va boshqarish (5A340901)” mutaxassisligi boʻyicha oliy maʼlumotga ega boʻlgan yoki baholovchining xalqaro sertifikatiga ega boʻlgan talabgor maxsus oʻquvdan oʻtmasdan malaka imtihonini topshirishga haqli.
2-bob. Malaka imtihonini oʻtkazish tartibi
8. Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari mazkur Reglamentga 1-ilovaga muvofiq sxema asosida koʻrsatiladi.
9. Talabgor oʻzi kelib murojaat etgan taqdirda, markaz xodimi talabgor nomidan, YIDXP orqali murojaat qilingan hollarda esa — talabgor mustaqil ravishda ushbu Reglamentga 2-ilovaga muvofiq shakldagi soʻrovnomani elektron ravishda toʻldiradi va unga quyidagi hujjatlarni ilova qiladi:
baholovchilarni tayyorlash markazlarida maxsus oʻquv kursini tugatganligi toʻgʻrisidagi sertifikatning nusxasi;
baholovchining xalqaro sertifikati nusxasi (xalqaro baholovchi sertifikatiga ega talabgorlar uchun);
mehnat daftarchasining nusxasi (baholovchi yoki baholovchining yordamchisi sifatida ish stajining borligini tasdiqlaydigan “Elektron mehnat daftarchasi” tizimidan koʻchirma).
Talabgorning soʻrovnomasida uning elektron manzili koʻrsatilishi mumkin. Soʻrovnomada talabgor elektron manzilining koʻrsatilganligi uning soʻrovnoma boʻyicha qabul qilingan qaror haqida axborot tizimi orqali xabarnoma olishga roziligini anglatadi.
Talabgordan mazkur bandda nazarda tutilmagan boshqa hujjatlarni talab qilishga yoʻl qoʻyilmaydi.
10. Zarur maʼlumotlar soʻrovnomaga kiritilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Talabgor YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat xizmatlarini koʻrsatish uchun bazaviy hisoblash miqdorining bir baravari miqdorida yigʻim undiriladi.
Davlat xizmatlarini koʻrsatish uchun yigʻim toʻlanganligi axborot-kommunikatsiya tizimlari orqali tasdiqlanadi.
Ariza beruvchi davlat xizmati koʻrsatilishi uchun YIDXP orqali murojaat etgan taqdirda, tegishli preyskurantga asosan yigʻim summasining 90 foizi undiriladi.
12. Yigʻimlar summasi quyidagi tartibda taqsimlanadi:
a) markaz orqali murojaat etilganda:
bazaviy hisoblash miqdorining 20 foizi — Oʻzbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamgʻarmasining shaxsiy hisobvaragʻiga;
qolgan mablagʻlar — vakolatli organning hisobvaragʻiga oʻtkaziladi.
b) YIDXP orqali murojaat etilganda:
bazaviy hisoblash miqdorining 10 foizi — Oʻzbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamgʻarmasining shaxsiy hisobvaragʻiga;
bazaviy hisoblash miqdorining 11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar — vakolatli organning hisobvaragʻiga oʻtkaziladi.
13. Talabgor tomonidan hujjatlar toʻliq boʻlmagan hajmda taqdim etilganda, soʻrovnoma va unga ilova qilinadigan hujjatlarda notoʻgʻri yoki buzib koʻrsatilgan maʼlumotlar mavjud boʻlganda vakolatli organ talabgorning iltimosnomasiga asosan 5 ish kuni ichida xatolarni bartaraf etish va yetishmayotgan hujjatlarni taqdim etish imkoniyatini beradi.
Talabgorlar tomonidan yuqorida nazarda tutilgan muddatda xatolar bartaraf etilmagan yoki yetishmayotgan hujjatlar taqdim etilmagan taqdirda, vakolatli organ tomonidan soʻrovnomani qabul qilish rad etiladi va oʻsha kuni bu haqida talabgor xabardor qilinadi.
Soʻrovnomani qabul qilishni boshqa sabablarga koʻra rad etish qatʼiyan taqiqlanadi.
14. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrib chiqilmasdan qoldiriladi va toʻlangan yigʻim summasi qaytarilmaydi.
15. Talabgor markazga kelib murojaat etganda, uning soʻrovnomasi markaz xodimi tomonidan toʻldirilib, talabgor tomonidan tasdiqlangandan soʻng ushbu Reglamentning 9-bandida nazarda tutilgan hujjatlar ilova qilingan holda oʻn daqiqada vakolatli organga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.
16. Vakolatli organ soʻrovnoma tushgan kundan boshlab bir kun muddatda talabgorning malaka imtihoniga qoʻyilishi yoki qoʻyilmasligi haqida qaror qabul qiladi, ushbu Reglamentning 13-bandida nazarda tutilgan muddatdan soʻng soʻrovnoma tushgan kundan boshlab bir kun muddatda talabgorning malaka imtihoniga qoʻyilishi yoki qoʻyilmasligi haqida qaror qabul qiladi.
17. Talabgorni malaka imtihoniga qoʻyish yuzasidan qaror qabul qilinganda imtihonga qoʻyilganlar roʻyxati imtihon komissiyasiga topshiriladi. Bunda malaka imtihoni guruhlar shakllanishiga qarab, talabgorlarning soʻrovnomalariga asosan imtihon komissiyasi nazorati ostida vakolatli organ yoki uning hududiy boshqarmalari binosida, ikki oyda kamida bir marta malaka imtihonlari oʻtkaziladi.
18. Imtihon komissiyasi tarkibi va test savollari vakolatli organ tomonidan tasdiqlanadi. Imtihon komissiyasi tarkibiga vakolatli organ xodimlari, shuningdek, baholovchi tashkilotlar va baholovchilarning professional birlashmalari vakillari kiritiladi.
19. Malaka imtihoniga qoʻyilgan talabgorlar roʻyxati vakolatli organning rasmiy veb-saytida mavjud imtihon sanasidan besh kun oldin joylashtiriladi.
20. Malaka imtihonini oʻtkazish kuni, vaqti va joyi toʻgʻrisida maʼlumot vakolatli organning rasmiy veb-saytida mavjud imtihon sanasidan oʻn besh kun oldin joylashtiriladi.
21. Malaka imtihoniga qoʻyilishi rad etilgan talabgor markazga yoki YIDXP orqali rad etishga sabab boʻlgan kamchiliklarni bartaraf etgandan keyin 3 ish kunida qayta soʻrovnoma berishi mumkin.
Takroriy topshirilgan hujjatlar koʻrib chiqilganligi uchun yigʻim undirilmaydi.
Kamchiliklar bartaraf etilganligi haqidagi soʻrovnoma olingan kundan boshlab ikki ish kuni davomida vakolatli organ tomonidan taqdim etilgan hujjatlar takroran koʻrib chiqiladi.
Hujjatlarni takroran koʻrib chiqishda vakolatli organ tomonidan avvalgi rad etish uchun asoslarda bayon etilmagan sabablar keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
22. Malaka imtihonini topshirishda talabgor fuqarolik pasporti, identifikatsiya ID-kartasi yoki shaxsini tasdiqlovchi boshqa hujjatning aslini taqdim etadi. Pasport yoki uning shaxsini tasdiqlovchi boshqa hujjatga ega boʻlmagan yoxud malaka imtihoniga kechikkan talabgorlar kelmagan hisoblanadi va navbatdagi malaka imtihonidan oʻtadigan talabgorlar roʻyxatiga kiritiladi, bu haqida talabgor markazda (oʻzi kelib murojaat qilgan taqdirda) yoki YIDXP orqali (elektron tarzda murojaat etgan taqdirda) uch ish kunidan kechiktirmay xabardor qilinadi.
23. Agar talabgor tegishli tarzda xabardor qilinganidan keyin ikki marta malaka imtihonini topshirish uchun kelmasa, taqdim etilgan hujjatlar talabgorga qaytariladi. Bunda malaka imtihonidan oʻtish uchun toʻlangan yigʻim summasi qaytarib berilmaydi.
Hujjatlarni qayta topshirish mazkur Reglamentda belgilangan umumiy tartibda amalga oshiriladi.
24. Malaka imtihoni kompyuterda topshiriladigan test sinovlari orqali talabgorning tanloviga koʻra oʻzbek yoki rus tilida oʻtkaziladi.
Malaka imtihonining shaffofligi va xolisligini taʼminlash maqsadida malaka imtihonini oʻtkazish jarayoni uzluksiz ravishda videoyozuvga (ovozli) tushiriladi, videotasvir vakolatli organda uch yil mobaynida saqlanadi.
Malaka imtihonini oʻtkazish jarayonini uzluksiz ravishda videoyozuvga (ovozli) tushirish uchun vakolatli organ va uning hududiy boshqarmalari malaka imtihonlarini tashkil etgan holda alohida test xonalarini ajratadi hamda ularni zamonaviy texnik asbob-uskunalar (kompyuter, ovozli video kamera, internet aloqa va boshqalar) bilan taʼminlab talabgorlar uchun tegishli shart-sharoitlar yaratadi.
25. Test savollari variantlari va ularning javoblari baholovchi tashkilotlar va baholovchilarning professional birlashmalari, shuningdek, baholovchilarni tayyorlash markazlari takliflarini hisobga olgan holda vakolatli organ tomonidan tasdiqlangan baholovchilarning oʻquv dasturi asosida ishlab chiqiladi.
Test savollari qonunchilik hujjatlariga kiritilgan oʻzgartirish va qoʻshimchalarni hisobga olgan holda yangilab boriladi.
26. Test sinovi oʻquv dasturining barcha boʻlimlarini aks ettiradigan kamida 75 ta savoldan iborat boʻladi va umumiy imtihon vaqti davomiyligi 45 daqiqani tashkil etadi.
70 foizdan kam boʻlmagan savollarga toʻgʻri javob bergan talabgor malaka imtihonidan oʻtgan hisoblanadi.
27. Malaka imtihonini topshirish jarayonida talabgorga quyidagilar taqiqlanadi:
qonunchilik hujjatlari va yoʻriqnoma materiallar, axborotnomalar va maxsus adabiyotlardan foydalanish;
mobil aloqa vositasi va boshqa aloqa vositalaridan foydalanish;
boshqa talabgorlar bilan suhbatlashish;
test sinovi kabinetidan tashqariga chiqish (test sinovi oʻtayotgan xonadan tashqariga chiqqan shaxslar qayta ichkariga kiritilmaydi).
Ushbu talablarni buzgan talabgorlar test sinovi oʻtayotgan xonadan chiqarib yuboriladi va malaka imtihonidan oʻtmagan hisoblanadi.
Begona shaxslarga malaka imtihonida ishtirok etishga ruxsat berilmaydi.
28. Malaka imtihonidan oʻtmagan talabgor malaka imtihonini takroran topshirish uchun malaka imtihoni oʻtkazilgan kundan boshlab kamida bir oy vaqt oʻtgandan soʻng ushbu Reglamentda belgilangan tartibda malaka imtihonidan oʻtish uchun takroran murojaat qilishga haqli.
29. Malaka imtihonining natijalari malaka imtihoni oʻtkazilgan kundan soʻng bir kun muddatda vakolatli organning buyrugʻi bilan tasdiqlanadi va vakolatli organning rasmiy veb-saytida joylashtiriladi.
30. Talabgorlarning test javoblari hamda imtihon komissiyasining bayonnomalari vakolatli organda saqlanadi.
3-bob. Malaka sertifikatini rasmiylashtirish, berish va malaka sertifikatlarining reyestrini yuritish
31. Vakolatli organ QR-kod (matrik shtrixli kod) qoʻyilgan malaka sertifikatini rasmiylashtiradi va uni oʻz ERIsi bilan tasdiqlaydi hamda ikki kun muddatda markazlarga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboradi, ushbu malaka sertifikati Oʻzbekiston Respublikasining barcha hududlarida yuridik kuchga ega boʻladi.
32. Malaka sertifikati mazkur Reglamentga 3-ilovaga muvofiq shaklda rasmiylashtiradi va berilgan malaka sertifikatlarining reyestriga (keyingi oʻrinlarda — reyestr) tegishli yozuv kiritiladi.
33. Vakolatli organ tomonidan berilgan malaka sertifikatlarining reyestri yuritiladi va unda quyidagi maʼlumotlar qayd etiladi:
malaka sertifikati olingan sana, uni olgan shaxsning familiyasi, ismi, otasining ismi;
shaxsini tasdiqlovchi (pasport) maʼlumotlar va yashash manzili;
ish joyi;
malaka sertifikatining hisobga olish seriyasi, raqami va berilgan sanasi;
malaka sertifikatining amal qilish muddati uzaytirilganligi, amal qilishi toʻxtatilganligi, bekor qilinganligi va qayta rasmiylashtirilganligi toʻgʻrisida maʼlumotlar.
Reyestr elektron shaklda yuritiladi.
Reyestr shakli vakolatli organ tomonidan tasdiqlanadi.
34. Reyestrga kiritilgan baholovchiga taalluqli shaxsini tasdiqlovchi (pasport) maʼlumotlari va yashash manzili kabi shaxsiy maʼlumotlardan tashqari barcha maʼlumotlar, ular bilan tanishib chiqish uchun ommabop boʻlib, vakolatli organning rasmiy veb-saytida chop etiladi.
35. Markazlar malaka sertifikati olingandan soʻng oʻn daqiqa mobaynida uni talabgorning elektron manziliga yuboradi va talabgorni bu haqida axborot-kommunikatsiya tizimi orqali xabardor qiladi. Oʻzi kelib murojaat qilgan taqdirda, uning soʻroviga koʻra markazlar talabgorga malaka sertifikatini elektron yoki qogʻoz shaklda taqdim etishi mumkin.
4-bob. Apellatsiyani koʻrib chiqish
36. Malaka imtihonidan oʻta olmagan talabgor malaka imtihoni oʻtkazilgan kundan boshlab oʻttiz kalendar kun ichida vakolatli organga apellatsiya berish huquqiga ega. Apellatsiya yozma ravishda taqdim etiladi.
Imtihon komissiyasi bir hafta muddatda kiritilgan apellatsiyani koʻrib chiqadi va vakolatli organ belgilagan muddatda talabgorga qabul qilingan qaror haqida yozma ravishda xabar beradi.
37. Apellatsiyani koʻrib chiqish natijalari yuzasidan vakolatli organ tomonidan quyidagi qarorlardan biri qabul qilinadi:
imtihon natijalarini (yozma ravishda asoslangan xat asosida) oʻzgarishsiz qoldirish va apellatsiyani qanoatlantirishni rad etish toʻgʻrisida;
apellatsiyani qanoatlantirish va talabgor malaka imtihonini topshirgan deb hisoblash toʻgʻrisida.
38. Malaka imtihoni natijalarini oʻzgarishsiz qoldirish va apellatsiyani qanoatlantirishni rad etish toʻgʻrisidagi qaror quyidagi hollarda qabul qilinadi:
apellatsiya mazkur Reglament talablarini buzgan holda taqdim etilgan boʻlsa;
apellatsiyada koʻrsatilgan vajlar oʻz tasdigʻini topmasa.
39. Malaka imtihonini takroran oʻtkazish toʻgʻrisidagi qaror apellatsiya bergan talabgorning malaka imtihoni mazkur Reglament talablariga zid ravishda oʻtkazilganligi holatlari aniqlangan taqdirda qabul qilinadi.
40. Vakolatli organ tomonidan apellatsiya bergan talabgor uchun malaka imtihonini takroran oʻtkazish toʻgʻrisida qaror qabul qilingan taqdirda, takroriy malaka imtihoni mazkur Reglamentda belgilangan tartibda oʻtkaziladi.
41. Talabgor takroran apellatsiya berishi mumkin emas.
42. Vakolatli organning qarori ustidan qonunchilik hujjatlarida belgilangan tartibga sudga shikoyat qilinishi mumkin.
5-bob. Malaka sertifikatining amal qilish muddatini uzaytirish va qayta rasmiylashtirish
43. Baholovchi malaka sertifikatining amal qilish muddati tugashiga qadar vakolatli organga malaka sertifikati muddatini uzaytirish uchun malaka imtihonini topshirish toʻgʻrisida mazkur Reglamentga 2-ilovaga muvofiq soʻrovnoma bilan murojaat qiladi. Soʻrovnomaga quyidagi hujjatlar ilova qilinishi lozim:
malaka oshirish kurslarini tamomlaganligi haqidagi guvohnomaning nusxasi;
har yili malaka oshirish kursidan oʻtganligi haqidagi hujjatlar boʻlmagan taqdirda, baholovchi maxsus oʻquvdan oʻtganlik haqidagi sertifikatning nusxasi.
44. Malaka sertifikatining amal qilish muddatini uzaytirish uchun bazaviy hisoblash miqdorining bir baravari miqdorida yigʻim undiriladi.
Malaka sertifikatining amal qilish muddatini uzaytirish uchun yigʻim toʻlanganligi axborot-kommunikatsiya tizimlari orqali tasdiqlanadi.
Ariza beruvchi davlat xizmati koʻrsatilishi uchun YIDXP orqali murojaat etganda, tegishli preyskurantga asosan yigʻim summasining 90 foizi undiriladi.
Yigʻimlar mazkur Reglamentning 12-bandida belgilangan tartibda taqsimlanadi.
45. Talabgor tomonidan hujjatlar toʻliq boʻlmagan hajmda taqdim etilganda, soʻrovnoma va unga ilova qilinadigan hujjatlarda notoʻgʻri yoki buzib koʻrsatilgan maʼlumotlar mavjud boʻlganda vakolatli organ talabgorning iltimosnomasiga asosan 5 ish kuni ichida xatolarni bartaraf etish va yetishmayotgan hujjatlarni taqdim etish imkoniyatini beradi.
Soʻrovnomani qabul qilishni boshqa sabablarga koʻra rad etish qatʼiyan taqiqlanadi.
46. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrib chiqilmasdan qoldiriladi va toʻlangan yigʻim summasi qaytarilmaydi.
47. Talabgor markazga kelib murojaat etganda, uning soʻrovnomasi markaz xodimi tomonidan toʻldirilib, talabgor tomonidan tasdiqlangandan soʻng ushbu Reglamentning 9-bandida nazarda tutilgan hujjatlar ilova qilingan holda oʻn daqiqada vakolatli organga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.
48. Malaka sertifikati muddatini uzaytirish mazkur Reglamentning 47-bandida belgilangan talablarga rioya etilganda va baholovchi malaka imtihonini muvaffaqiyatli topshirgan taqdirda amalga oshiriladi.
Malaka sertifikatining amal qilish muddati malaka imtihoni natijalari toʻgʻrisida qaror qabul qilingan kundan boshlab besh yilga uzaytiriladi va vakolatli organ ERIsi bilan tasdiqlanadi hamda ikki kun muddatda markazga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboriladi. Ushbu malaka sertifikati Oʻzbekiston Respublikasining barcha hududlarida yuridik kuchga ega boʻladi.
49. Malaka sertifikati qayta rasmiylashtirilganda reyestrga tegishli oʻzgartirishlar kiritiladi.
50. Pasportda koʻrsatilgan talabgorning familiyasi, ismi, otasining ismi oʻzgartirilgan yoki pasporti oʻzgartirilgan taqdirda, baholovchi bir oy davomida vakolatli organga rasmiylashtirish toʻgʻrisida ushbu maʼlumotlarni tasdiqlovchi hujjatlarni ilova qilgan holda markazlar yoki YIDXP orqali ushbu Reglamentga 2-ilovaga muvofiq shakldagi soʻrovnomani topshirishi shart.
51. Malaka sertifikatining qayta rasmiylashtirilishi baholovchi tomonidan soʻrovnoma berilgan paytdan boshlab besh ish kuni mobaynida amalga oshiriladi, bunda tegishli oʻzgartirishlar reyestrga kiritiladi.
Malaka sertifikatini qayta rasmiylashtirishda baholovchidan bazaviy hisoblash miqdorining ellik foizi miqdorida yigʻim undiriladi.
Davlat xizmatlarini koʻrsatish uchun yigʻim toʻlanganligi axborot-kommunikatsiya tizimlari orqali tasdiqlanadi.
Davlat xizmatlarini koʻrsatish uchun YIDXP orqali murojaat etilganda yigʻim summasining 90 foizi undiriladi.
Yigʻimlar mazkur Reglamentning 12-bandida belgilangan tartibda taqsimlanadi.
6-bob. Yakunlovchi qoidalar
52. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
53. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va Davlat xizmatlari markazlari ushbu Reglamentning talablari ijrosi boʻyicha davlat organlari va boshqa tashkilotlarning faoliyatini doimiy nazorat qiladi va monitoring olib boradi.
54. Talabgor davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.
55. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga1-ILOVA
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatish
SXEMASI
Bosqichlar Subyektlar Tadbirlar Bajarish muddatlari 1-bosqich Talabgor Malaka sertifikatini olish uchun Davlat xizmatlari markaziga oʻzi kelgan holda yoki YIDXP orqali murojaat qiladi Oʻz xohishiga koʻra 2-bosqich 1. Davlat xizmatlari markazi 1. Soʻrovnoma shaklini toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Aniq vaqt rejimida 3-bosqich Vakolatli organ Ariza tushgandan soʻng malaka imtihoniga qoʻyish yoki rad etish maqsadga muvofiqligini oʻrganib chiqadi va tegishli qaror qabul qiladi. 1 kun muddatda Vakolatli organ Malaka imtihoniga qoʻyilgan talabgorlar roʻyxati vakolatli organning rasmiy veb-saytida joylashtiriladi. Imtihon sanasidan 5 kun oldin 4-bosqich Vakolatli organ Malaka imtihoni natijalari toʻgʻrisidagi qaror qabul qilingandan soʻng malaka sertifikatini QR-kod (matrik shtrixli kod) bilan rasmiylashtiradi va uni oʻz ERIsi bilan tasdiqlaydi, markazlar (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboradi. 1 kun muddatda 5-bosqich Davlat xizmatlari markazi 1. Malaka sertifikati olingandan soʻng uni talabgorning elektron manziliga yuboradi va talabgorni bu haqda axborot-kommunikatsiya tizimi orqali xabardor qiladi. 1. 10 daqiqada 2. Talabgor oʻzi kelib murojaat qilganda ruxsatnomani elektron yoki qogʻoz shaklida talabgorga taqdim etadi. 2. Talabgorning soʻroviga koʻra
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga2-ILOVA
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlaridan foydalanish uchun
SOʻROVNOMA
__________________ (sanasi) __________________ (raqami) 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami, agar mavjud boʻlsa): 4. Baholovchilarni oʻqitish markazlari maxsus oʻquv kursining sertifikati raqami va berilgan vaqti (nusxa yoki elektron shaklda ilova qilinadi) 6. Baholovchining xalqaro sertifikati raqami va berilgan vaqti (nusxa yoki elektron shaklda ilova qilinadi, agar mavjud boʻlsa) 7. Mehnat daftarchasidan ish staji haqidagi maʼlumotlar yoki “Elektron ishchi daftar” tizimidan koʻchirma: 8. Manzili: 9. Mobil telefoni, elektron pochta manzili (e-mail): 10. Baholovchining malaka sertifikatini olish uchun, malaka imtihonini topshirish uchun 11. Baholovchining malaka sertifikati amal qilish muddatini uzaytirish uchun, malaka imtihonini topshirish uchun 12. Baholovchining malaka sertifikatini qayta rasmiylashtirish uchun*
* Qayta rasmiylashtirish uchun malaka imtihonini topshirish talab etilmaydi.
Baholovchilarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga3-ILOVA
Vazirlar Mahkamasining 2020-yil 23-dekabrdagi 805-son qaroriga2-ILOVA
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament rieltorlarni malaka imtihonini oʻtkazish va malaka sertifikatini berish tartibini belgilaydi.
2. Mazkur Reglamentda quyidagi asosiy tushunchalardan foydalaniladi:
rieltor — rieltorlik faoliyatini tartibga soluvchi vakolatli organ tomonidan belgilangan tartibda berilgan rieltorning malaka sertifikatiga ega boʻlgan jismoniy shaxs;
rieltorning malaka sertifikati (keyingi oʻrinlarda — malaka sertifikati) — jismoniy shaxsga rieltorning malakasini tasdiqlovchi va rieltorlik tashkiloti nomidan rieltorlik xizmatlari koʻrsatish huquqini beradigan hujjat. Malaka sertifikati besh yil muddatga beriladi va uning amal qilish muddati besh yil muddatga uzaytirilishi mumkin;
rieltorlik faoliyatini tartibga soluvchi vakolatli organ (keyingi oʻrinlarda — vakolatli organ) — Oʻzbekiston Respublikasi Davlat aktivlarini boshqarish agentligi;
malaka imtihoni — talabgorning rieltor faoliyati sohasidagi kasbiy bilimlarini tekshirish shakli;
maxsus oʻqiganlik haqida sertifikat — rieltorlik tashkilotlari va rieltorlik faoliyati sohasidagi rieltorlik tashkilotlarining jamoat birlashmalari takliflarini hisobga olgan holda vakolatli organ tomonidan tasdiqlanadigan 60 soatdan kam boʻlmagan dastur boʻyicha rieltor rieltorlarni tayyorlash markazida maxsus oʻqiganligini tasdiqlovchi hujjat.
talabgor — malaka sertifikatini olishga talabgor boʻlgan jismoniy shaxs;
3. Rieltorlarni tayyorlash markazlari vakolatli organ tomonidan belgilangan tartibda roʻyxatdan oʻtgan boʻlishi va zamonaviy oʻquv talablariga javob berishi, shuningdek, zarur texnik asbob-uskunalar (kompyuter, ovozli videokamera, internet aloqasi va boshqalar) bilan taʼminlangan hamda talabgorlar uchun masofaviy taʼlim berish imkoniyatlariga ega boʻlishi kerak.
4. Malaka sertifikatiga ega boʻlgan har bir jismoniy shaxs malaka sertifikati olingan yildan keyingi yildan boshlab har uch yilda kamida bir marta rieltorlik faoliyati sohasidagi rieltorlik tashkilotlarining jamoat birlashmalari takliflarini inobatga olgan holda vakolatli organ tomonidan tasdiqlangan malaka oshirish dasturlari boʻyicha 20 soatdan kam boʻlmagan hajmda malaka oshirish kurslarida oʻqishi shart.
5. Malaka sertifikati davlat xizmatlari markazi (keyingi oʻrinlarda — markaz) yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali vakolatli organ tomonidan ushbu Reglamentga muvofiq talabgor malaka imtihonini muvaffaqiyatli topshirgan taqdirda beriladi.
6. Markazlar va vakolatli organ oʻrtasidagi axborot almashinuvi identifikatsiya qilish vositalarini majburiy tartibda qoʻllash orqali faqat idoralararo oʻzaro elektron hamkorlik yordamida amalga oshiriladi.
7. Talabgor quyidagi talabga javob berishi kerak:
vakolatli organi tomonidan belgilangan tartibda kelishilgan dastur boʻyicha va rieltorlik faoliyati sohasidagi rieltorlik tashkilotlarining jamoat birlashmalari takliflarini inobatga olgan holda maxsus oʻquvdan oʻtganlik haqida sertifikatga ega boʻlishi.
2-bob. Malaka imtihonini oʻtkazish tarkibi
8. Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari mazkur Reglamentga 1-ilovaga muvofiq sxema asosida koʻrsatiladi.
9. Talabgor oʻzi kelib murojaat etgan taqdirda markaz xodimi talabgor nomidan, YIDXP orqali murojaat qilingan hollarda esa — talabgor mustaqil ravishda ushbu Reglamentga 2-ilovaga muvofiq shakldagi soʻrovnomani elektron ravishda toʻldiradi va unga quyidagi hujjatlarni ilova qiladi:
rieltorlarni tayyorlash markazlarida maxsus oʻquv kursini tugatganligi toʻgʻrisidagi sertifikatning nusxasi.
Talabgorning soʻrovnomasida uning elektron manzili koʻrsatilishi mumkin. Soʻrovnomada talabgor elektron manzilining koʻrsatilganligi uning soʻrovnoma boʻyicha qabul qilingan qaror haqida axborot tizimi orqali xabarnoma olishga roziligini anglatadi.
Talabgordan mazkur bandda nazarda tutilmagan hujjatlarni talab qilishga yoʻl qoʻyilmaydi.
10. Zarur maʼlumotlar soʻrovnomaga kiritilgandan soʻng talabgor maʼlumotlarning toʻgʻriligini tekshiradi va imzolarni identifikatsiya qilishning tegishli vositalari (daktiloskopiya, elektron imzo, Mobil-ID va boshqalar) bilan tasdiqlaydi.
Talabgor YIDXP orqali murojaat etgan taqdirda, soʻrovnomani ERI bilan tasdiqlash talab etilmaydi.
11. Davlat xizmatlarini koʻrsatish uchun bazaviy hisoblash miqdorining bir baravari miqdorida yigʻim undiriladi.
Davlat xizmatlarini koʻrsatish uchun yigʻim toʻlanganligi axborot-kommunikatsiya tizimlari orqali tasdiqlanadi.
Ariza beruvchi davlat xizmati koʻrsatilishi uchun YIDXP orqali murojaat etgan taqdirda, tegishli preyskurantga asosan yigʻim summasining 90 foizi undiriladi.
12. Yigʻimlar summasi quyidagi tartibda taqsimlanadi:
a) markaz orqali murojaat etilganda:
bazaviy hisoblash miqdorining 20 foizi — Oʻzbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamgʻarmasining shaxsiy hisobvaragʻiga;
qolgan mablagʻlar — vakolatli organning hisobvaragʻiga oʻtkaziladi.
b) YIDXP orqali murojaat etilganda:
bazaviy hisoblash miqdorining 10 foizi — Oʻzbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamgʻarmasining shaxsiy hisobvaragʻiga;
bazaviy hisoblash miqdorining 11,25 foizi — Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;
qolgan mablagʻlar — vakolatli organning hisobvaragʻiga oʻtkaziladi.
13. Talabgor tomonidan hujjatlar toʻliq boʻlmagan hajmda taqdim etilganda, soʻrovnoma va unga ilova qilinadigan hujjatlarda notoʻgʻri yoki buzib koʻrsatilgan maʼlumotlar mavjud boʻlganda vakolatli organ talabgorning iltimosnomasiga asosan 5 ish kuni ichida xatolarni bartaraf etish va yetishmayotgan hujjatlarni taqdim etish imkoniyatini beradi.
Talabgorlar tomonidan yuqorida nazarda tutilgan muddatda xatolar bartaraf etilmagan yoki yetishmayotgan hujjatlar taqdim etilmagan taqdirda vakolatli organ tomonidan soʻrovnomani qabul qilish rad etiladi va oʻsha kuni bu haqida talabgor xabardor qilinadi.
Soʻrovnomani qabul qilishni boshqa sabablarga koʻra rad etish qatʼiyan taqiqlanadi.
14. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrib chiqilmasdan qoldiriladi va toʻlangan yigʻim summasi qaytarilmaydi.
15. Talabgor markazga kelib murojaat etganda, uning soʻrovnomasi markaz xodimi tomonidan toʻldirilib, talabgor tomonidan tasdiqlangandan soʻng ushbu Reglamentning 9-bandida nazarda tutilgan hujjatlar ilova qilingan holda oʻn daqiqada vakolatli organga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.
16. Vakolatli organ soʻrovnoma tushgan kundan boshlab bir kun muddatda talabgorning malaka imtihoniga qoʻyilishi yoki qoʻyilmasligi haqida qaror qabul qiladi, ushbu Reglamentning 13-bandda nazarda tutilgan muddatdan soʻng soʻrovnoma tushgan kundan boshlab bir kun muddatda talabgorning malaka imtihoniga qoʻyilishi yoki qoʻyilmasligi haqida qaror qabul qiladi.
17. Talabgorni malaka imtihoniga qoʻyish yuzasidan qaror qabul qilinganda imtihonga qoʻyilganlar roʻyxati imtihon komissiyasiga topshiriladi. Bunda malaka imtihoni guruhlar shakllanishiga qarab, talabgorlarning soʻrovnomalariga asosan imtihon komissiyasi nazorati ostida vakolatli organ yoki uning hududiy boshqarmalari binosida, ikki oyda kamida bir marta malaka imtihonlari oʻtkaziladi.
18. Imtihon komissiyasi tarkibi va test savollari vakolatli organ tomonidan tasdiqlanadi. Imtihon komissiyasi tarkibiga vakolatli organ xodimlari, shuningdek, rieltorlik faoliyati sohasidagi rieltorlik tashkilotlarining jamoat birlashmalari vakillari kiritiladi.
19. Malaka imtihoniga qoʻyilgan talabgorlar roʻyxati vakolatli organning rasmiy veb-saytida mavjud imtihon sanasidan besh kun oldin joylashtiriladi.
20. Malaka imtihonini oʻtkazish kuni, vaqti va joyi toʻgʻrisida maʼlumot vakolatli organning rasmiy veb-saytida mavjud imtihon sanasidan oʻn besh kun oldin joylashtiriladi.
21. Malaka imtihoniga qoʻyilishi rad etilgan talabgor markazga yoki YIDXP orqali rad etishga sabab boʻlgan kamchiliklarni bartaraf etgandan keyin qayta soʻrovnoma berishi mumkin.
Takroriy topshirilgan hujjatlar koʻrib chiqilganligi uchun yigʻim undirilmaydi.
Kamchiliklar bartaraf etilganligi haqidagi soʻrovnoma olingan kundan boshlab ikki ish kuni davomida vakolatli organ tomonidan taqdim etilgan hujjatlar takroran koʻrib chiqiladi.
Hujjatlarni takroran koʻrib chiqishda vakolatli organ tomonidan avvalgi rad etish uchun asoslarda bayon etilmagan sabablar keltirilishiga yoʻl qoʻyilmaydi, avval koʻrsatilgan sabablar bartaraf etilganligini tasdiqlovchi maʼlumotlar bilan bogʻliq rad etish sabablari keltirilishi bundan mustasno.
22. Malaka imtihonini topshirishda talabgor fuqarolik pasporti, identifikatsiya ID-kartasi yoki shaxsini tasdiqlovchi boshqa hujjatning aslini taqdim etadi. Pasport yoki uning shaxsini tasdiqlovchi boshqa hujjatga ega boʻlmagan yoxud malaka imtihoniga kechikkan talabgorlar kelmagan hisoblanadi va navbatdagi malaka imtihonidan oʻtadigan talabgorlar roʻyxatiga kiritiladi, bu haqida talabgor markazda (oʻzi kelib murojaat qilgan taqdirda) yoki YIDXP orqali (elektron tarzda murojaat etgan taqdirda) uch ish kunidan kechiktirmay xabardor qilinadi.
23. Agar talabgor tegishli tarzda xabardor qilinganidan keyin uch marta malaka imtihonini topshirish uchun kelmasa, taqdim etilgan hujjatlar talabgorga qaytariladi. Bunda malaka imtihonidan oʻtish uchun toʻlangan yigʻim summasi qaytarib berilmaydi.
Hujjatlarni qayta topshirish mazkur Reglamentda belgilangan umumiy tartibda amalga oshiriladi.
24. Malaka imtihoni kompyuterda topshiriladigan test sinovlari orqali talabgorning tanloviga koʻra oʻzbek yoki rus tilida oʻtkaziladi.
Malaka imtihonining shaffofligi va xolisligini taʼminlash maqsadida malaka imtihonini oʻtkazish jarayoni uzluksiz ravishda videoyozuvga (ovozli) tushiriladi, videotasvir vakolatli organda uch yil mobaynida saqlanadi.
Malaka imtihonini oʻtkazish jarayonini uzluksiz ravishda videoyozuvga (ovozli) tushirish uchun vakolatli organ va uning hududiy boshqarmalari malaka imtihonlarini tashkil etgan holda alohida test xonalarini ajratadi hamda ularni zamonaviy texnik asbob-uskunalar (kompyuter, ovozli video kamera, internet aloqasi va boshqalar) bilan taʼminlab talabgorlar uchun tegishli shart-sharoitlar yaratadi.
25. Test savollari variantlari va ularning javoblari rieltorlik faoliyati sohasidagi rieltorlarning jamoat birlashmalari, shuningdek, rieltorlarni tayyorlash boʻyicha oʻquv markazlarining takliflarini inobatga olgan holda, vakolatli organ tomonidan tasdiqlangan rieltorlarni oʻquv dasturi asosida ishlab chiqiladi.
Test savollari qonunchilik hujjatlariga kiritilgan oʻzgartirish va qoʻshimchalarni hisobga olgan holda yangilab boriladi.
26. Test sinovi oʻquv dasturining barcha boʻlimlarini aks ettiradigan kamida 75 ta savoldan iborat boʻladi va umumiy imtihon vaqti davomiyligi 45 daqiqani tashkil etadi.
70 foizdan kam boʻlmagan savollarga toʻgʻri javob bergan talabgor malaka imtihonidan oʻtgan hisoblanadi.
27. Malaka imtihonini topshirish jarayonida talabgorga quyidagilar taqiqlanadi:
qonunchilik hujjatlari va yoʻriqnoma materiallar, maʼlumotnoma va maxsus adabiyotlardan foydalanish;
mobil aloqa vositasi va boshqa aloqa vositalaridan foydalanish;
boshqa talabgorlar bilan suhbatlashish;
test sinovi oʻtayotgan xonadan tashqariga chiqish (test sinovi oʻtayotgan xonadan tashqariga chiqqan shaxslar qayta ichkariga kiritilmaydi).
Ushbu talablarni buzgan talabgorlar test sinovi kabinetidan chiqarib yuboriladi va malaka imtihonidan oʻtmagan hisoblanadi.
Begona shaxslarga malaka imtihonida ishtirok etishga ruxsat berilmaydi.
28. Malaka imtihonidan oʻtmagan talabgor malaka imtihonini takroran topshirish uchun malaka imtihoni oʻtkazilgan kundan boshlab kamida bir oy vaqt oʻtgandan soʻng ushbu Reglamentda belgilangan tartibda malaka imtihonidan oʻtish uchun takroran murojaat qilishga haqli.
29. Malaka imtihonining natijalari malaka imtihoni oʻtkazilgan kundan soʻng bir kun muddatda vakolatli organning buyrugʻi bilan tasdiqlanadi va vakolatli organning rasmiy veb-saytida joylashtiriladi.
30. Talabgorlarning test javoblari hamda imtihon komissiyasining bayonnomalari vakolatli organda saqlanadi.
3-bob. Malaka sertifikatini rasmiylashtirish, berish va malaka sertifikatlarining reyestrini yuritish
31. Vakolatli organ QR-kod (matrik shtrixli kod) qoʻyilgan malaka sertifikatini rasmiylashtiradi va uni oʻz ERIsi bilan tasdiqlaydi hamda ikki kun muddatda markazlarga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboradi, ushbu malaka sertifikati Oʻzbekiston Respublikasining barcha hududlarida yuridik kuchga ega boʻladi.
32. Malaka sertifikati mazkur Reglamentga 3-ilovaga muvofiq shaklda rasmiylashtiradi va berilgan malaka sertifikatlarining reyestriga (keyingi oʻrinlarda — reyestr) tegishli yozuv kiritiladi.
33. Vakolatli organ tomonidan berilgan malaka sertifikatlarning reyestri yuritiladi va unda quyidagi maʼlumotlar qayd etiladi:
malaka sertifikati olingan sana, uni olgan shaxsning familiyasi, ismi, otasining ismi;
shaxsini tasdiqlovchi (pasport) maʼlumotlar va yashash manzili;
ish joyi;
malaka sertifikatining hisobga olish seriyasi, raqami va berilgan sanasi;
malaka sertifikatining amal qilish muddati uzaytirilganligi, amal qilishi toʻxtatilganligi, bekor qilinganligi va qayta rasmiylashtirilganligi toʻgʻrisida maʼlumotlar.
Reyestr elektron shaklda yuritiladi.
Reyestr shakli vakolatli organ tomonidan tasdiqlanadi.
34. Reyestrga kiritilgan rieltorga taalluqli shaxsini tasdiqlovchi (pasport) maʼlumotlari va yashash manzili kabi shaxsiy maʼlumotlardan tashqari barcha maʼlumotlar, ular bilan tanishib chiqish uchun ommabop boʻlib, vakolatli organning rasmiy veb-saytida chop etiladi.
35. Markazlar malaka sertifikati olingandan soʻng oʻn daqiqa mobaynida uni talabgorning elektron manziliga yuboradi va talabgorni bu haqida axborot-kommunikatsiya tizimi orqali xabardor qiladi. Oʻzi kelib murojaat qilgan taqdirda, uning soʻroviga koʻra markazlar talabgorga malaka sertifikatini elektron yoki qogʻoz shaklda taqdim etishi mumkin.
4-bob. Apellatsiyani koʻrib chiqish
36. Malaka imtihonidan oʻta olmagan talabgor malaka imtihoni oʻtkazilgan kundan boshlab oʻttiz kalendar kun ichida vakolatli organga apellatsiya berish huquqiga ega. Apellatsiya yozma ravishda taqdim etiladi.
Imtihon komissiyasi bir hafta muddatda kiritilgan apellatsiyani koʻrib chiqadi va vakolatli organ belgilagan muddatda talabgorga qabul qilingan qaror haqida yozma ravishda xabar beradi.
37. Apellatsiyani koʻrib chiqish natijalari yuzasidan vakolatli organ tomonidan quyidagi qarorlardan biri qabul qilinadi:
imtihon natijalarini (yozma ravishda asoslangan xat asosida) oʻzgarishsiz qoldirish va apellatsiyani qanoatlantirishni rad etish toʻgʻrisida;
apellatsiyani qanoatlantirish va talabgor malaka imtihonini topshirgan deb hisoblash toʻgʻrisida.
38. Malaka imtihoni natijalarini oʻzgarishsiz qoldirish va apellatsiyani qanoatlantirishni rad etish toʻgʻrisidagi qaror quyidagi hollarda qabul qilinadi:
apellatsiya mazkur Reglament talablarini buzgan holda taqdim etilgan boʻlsa;
apellatsiyada koʻrsatilgan vajlar oʻz tasdigʻini topmasa.
39. Malaka imtihonini takroran oʻtkazish toʻgʻrisidagi qaror apellatsiya bergan talabgorning malaka imtihoni mazkur Reglament talablariga zid ravishda oʻtkazilganligi holatlari aniqlangan taqdirda qabul qilinadi.
40. Vakolatli organ tomonidan apellatsiya bergan talabgor uchun malaka imtihonini takroran oʻtkazish toʻgʻrisida qaror qabul qilingan taqdirda, takroriy malaka imtihoni mazkur Reglamentda belgilangan tartibda oʻtkaziladi.
41. Talabgor takroran apellatsiya berishi mumkin emas.
42. Vakolatli organning qarori ustidan qonunchilik hujjatlarida belgilangan tartibga sudga shikoyat qilinishi mumkin.
5-bob. Malaka sertifikatining amal qilish muddatini uzaytirish va qayta rasmiylashtirish
43. Rieltor malaka sertifikatining amal qilish muddati tugashiga qadar vakolatli organga malaka sertifikati muddatini uzaytirish uchun malaka imtihonini topshirish toʻgʻrisida mazkur Reglamentga 2-ilovaga muvofiq soʻrovnoma bilan murojaat qiladi. Soʻrovnomaga quyidagi hujjat ilova qilinishi lozim:
malaka oshirish kurslarini tamomlaganligi haqidagi guvohnomaning nusxasi.
44. Malaka sertifikatining amal qilish muddatini uzaytirish uchun bazaviy hisoblash miqdorining bir baravari miqdorida yigʻim undiriladi.
Malaka sertifikatining amal qilish muddatini uzaytirish uchun yigʻim toʻlanganligi axborot-kommunikatsiya tizimlari orqali tasdiqlanadi.
Ariza beruvchi davlat xizmati koʻrsatilishi uchun YIDXP orqali murojaat etganda, tegishli preyskurantga asosan yigʻim summasining 90 foizi undiriladi.
Yigʻimlar mazkur Reglamentning 12-bandida belgilangan tartibda taqsimlanadi.
45. Talabgor tomonidan hujjatlar toʻliq boʻlmagan hajmda taqdim etilganda, soʻrovnoma va unga ilova qilinadigan hujjatlarda notoʻgʻri yoki buzib koʻrsatilgan maʼlumotlar mavjud boʻlganda vakolatli organ talabgorning iltimosnomasiga asosan 5 ish kuni ichida xatolarni bartaraf etish va yetishmayotgan hujjatlarni taqdim etish imkoniyatini beradi.
Soʻrovnomani qabul qilishni boshqa sabablarga koʻra rad etish qatʼiyan taqiqlanadi.
46. Talabgor davlat xizmatlaridan foydalanishda ularni koʻrsatishning har qanday bosqichida bosh tortish huquqiga ega. Talabgor davlat xizmatlaridan foydalanishdan bosh tortganda, uning soʻrovnomasi koʻrib chiqilmasdan qoldiriladi va toʻlangan yigʻim summasi qaytarilmaydi.
47. Talabgor markazga kelib murojaat etganda, uning soʻrovnomasi markaz xodimi tomonidan toʻldirilib, talabgor tomonidan tasdiqlangandan soʻng ushbu Reglamentning 9-bandida nazarda tutilgan hujjatlar ilova qilingan holda oʻn daqiqada vakolatli organga elektron shaklda yuboriladi. YIDXP orqali murojaat qilinganda esa soʻrovnoma avtomatik tarzda vakolatli organga yuboriladi.
48. Malaka sertifikati muddatini uzaytirish mazkur Reglamentning 47-bandida belgilangan talablarga rioya etilganda va rieltorlar malaka imtihonini muvaffaqiyatli topshirgan taqdirda amalga oshiriladi.
Malaka sertifikatining amal qilish muddati malaka imtihoni natijalari toʻgʻrisida qaror qabul qilingan kundan boshlab besh yilga uzaytiriladi va vakolatli organ ERIsi bilan tasdiqlanadi hamda ikki kun muddatda markazga (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboriladi. Ushbu malaka sertifikati Oʻzbekiston Respublikasining barcha hududlarida yuridik kuchga ega boʻladi.
49. Malaka sertifikati qayta rasmiylashtirilganda reyestrga tegishli oʻzgartirishlar kiritiladi.
50. Pasportda koʻrsatilgan talabgorning familiyasi, ismi, otasining ismi oʻzgartirilgan yoki pasporti oʻzgartirilgan taqdirda, rieltor bir oy davomida vakolatli organga rasmiylashtirish toʻgʻrisida ushbu maʼlumotlarni tasdiqlovchi hujjatlarni ilova qilgan holda markazlar yoki YIDXP orqali ushbu Reglamentga 2-ilovaga muvofiq shakldagi soʻrovnomani topshirishi shart.
51. Malaka sertifikatining qayta rasmiylashtirilishi rieltor tomonidan soʻrovnoma berilgan paytdan boshlab besh ish kuni mobaynida amalga oshiriladi, bunda tegishli oʻzgartirishlar reyestrga kiritiladi.
Malaka sertifikatini qayta rasmiylashtirishda baholovchidan bazaviy hisoblash miqdorining ellik foizi miqdorida yigʻim undiriladi.
Davlat xizmatlarini koʻrsatish uchun yigʻim toʻlanganligi axborot-kommunikatsiya tizimlari orqali tasdiqlanadi.
Davlat xizmatlarini koʻrsatish uchun YIDXP orqali murojaat etilganda yigʻim summasining 90 foizi undiriladi.
Yigʻimlar mazkur Reglamentning 12-bandida belgilangan tartibda taqsimlanadi.
6-bob. Yakunlovchi qoidalar
52. Davlat xizmatlari markazlari va vakolatli organ oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
53. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va Davlat xizmatlari markazlari ushbu Reglamentning talablari ijrosi boʻyicha davlat organlari va boshqa tashkilotlarning faoliyatini doimiy nazorat qiladi va monitoring olib boradi.
54. Talabgor davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.
55. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga1-ILOVA
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatish
SXEMASI
Bosqichlar Subyektlar Tadbirlar Bajarish muddatlari 1-bosqich Talabgor Malaka sertifikatini olish uchun Davlat xizmatlari markaziga oʻzi kelgan holda yoki YIDXP orqali murojaat qiladi Oʻz xohishiga koʻra 2-bosqich 1. Davlat xizmatlari markazi 1. Soʻrovnoma shaklini toʻldirib, vakolatli organga yuboradi. 1. Soʻrovnoma toʻldirilgandan keyin 10 daqiqada 2. YIDXP 2. Toʻldirilgan soʻrovnoma avtomatik tarzda vakolatli organga yuboriladi. 2. Aniq vaqt rejimida 3-bosqich Vakolatli organ Ariza tushgandan soʻng malaka imtihoniga qoʻyish yoki rad etish maqsadga muvofiqligini oʻrganib chiqadi va tegishli qaror qabul qiladi. 1 kun muddatda Vakolatli organ Malaka imtihoniga qoʻyilgan talabgorlar roʻyxati vakolatli organning rasmiy veb-saytida joylashtiriladi. Imtihon sanasidan 5 kun oldin 4-bosqich Vakolatli organ Malaka imtihoni natijalari toʻgʻrisidagi qaror qabul qilingandan soʻng malaka sertifikatini QR-kod (matrik shtrixli kod) bilan rasmiylashtiradi va uni oʻz ERIsi bilan tasdiqlaydi, markazlar (oʻzi kelib murojaat etgan taqdirda) yoki talabgorga (elektron tarzda murojaat etgan taqdirda) YIDXP orqali yuboradi. 1 kun muddatda 5- bosqich Davlat xizmatlari markazi 1. Malaka sertifikati olingan�an soʻng uni talabgorning elektron manziliga yuboradi va talabgorni bu haqda axborot-kommunikatsiya tizimi orqali xabardor qiladi. 1. 10 daqiqada 2. Talabgor oʻzi kelib murojaat qilganda ruxsatnomani elektron yoki qogʻoz shaklida talabgorga taqdim etadi. 2. Talabgorning soʻroviga koʻra
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga2-ILOVA
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlaridan foydalanish uchun
SOʻROVNOMA
__________________ (sanasi) __________________ (raqami) 1. F.I.O.: 2. Pasport maʼlumotlari (seriyasi va raqami, jismoniy shaxsning shaxsiy identifikatsiya raqami, agar mavjud boʻlsa): 4. Rieltorlarni tayyorlash markazlari maxsus oʻquv kursining sertifikati raqami va berilgan vaqti (nusxa yoki elektron shaklda ilova qilinadi) 6. Rieltorning xalqaro sertifikati raqami va berilgan vaqti (nusxa yoki elektron shaklda ilova qilinadi, agar mavjud boʻlsa) 7. Mehnat daftarchasidan ish staji haqidagi maʼlumotlar yoki “Elektron ishchi daftar” tizimidan koʻchirma: 8. Manzili: 9. Mobil telefoni, elektron pochta manzili (e-mail): 10. Rieltorning malaka sertifikatini olish uchun, malaka imtihonini topshirish uchun 11. Rieltorning malaka sertifikati amal qilish muddatini uzaytirish uchun, malaka imtihonini topshirish uchun 12. Rieltorning malaka sertifikatini qayta rasmiylashtirish uchun*
* Qayta rasmiylashtirish uchun malaka imtihonini topshirish talab etilmaydi.
Rieltorlarning malaka imtihonini oʻtkazish va ularga malaka sertifikatini berish boʻyicha davlat xizmatlari koʻrsatishning maʼmuriy reglamentiga3-ILOVA