“Oʻzbekiston Respublikasining 2012-yil 10-sentabrdagi OʻRQ-330-son Qonuni bilan tasdiqlangan Oʻzbekiston Respublikasining Tashki siyosiy faoliyati konsepsiyasiga oʻzgartish kiritish toʻgʻrisida”gi QL-415-sonli Oʻzbekiston Respublikasi qonuni loyihasi haqida (1998-III-son)

13.09.2018

Oʻzbekiston Respublikasi Oliy Majlisi Qonunchilik palatasi Kengashining

qarori

Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Vazirlar Mahkamasi tomonidan 2018-yil 12-sentabrda kiritilgan “Oʻzbekiston Respublikasining 2012-yil 10-sentabrdagi OʻRQ-330-son Qonuni bilan tasdiqlangan Oʻzbekiston Respublikasining Tashki siyosiy faoliyati konsepsiyasiga oʻzgartish kiritish toʻgʻrisida”gi QL-415-sonli Oʻzbekiston Respublikasi qonuni loyihasini dastlabki tarzda koʻrib chiqish uchun Xalqaro ishlar va parlamentlararo aloqalar qoʻmitasi masʼul etib belgilansin.

2. Qonun loyihalarini va boshqa normativ-huquqiy hujjatlar loyihalarini koʻrib chiqishni tashkil etish boʻyicha muvofiqlashtiruvchi guruh ushbu qonun loyihasini Xalqaro ishlar va parlamentlararo aloqalar qoʻmitasiga, siyosiy partiyalar fraksiyalariga hamda Oʻzbekiston ekologik harakati deputatlar guruhiga topshirsin.

3. Xalqaro ishlar va parlamentlararo aloqalar qoʻmitasi siyosiy partiyalar fraksiyalari hamda Oʻzbekiston ekologik harakati deputatlar guruhining fikrlari va takliflarini hisobga olgan holda Qonunchilik palatasi Kengashiga mazkur qonun loyihasini Oʻzbekiston Respublikasi Oliy Majlisi Qonunchilik palatasi koʻrib chiqishi uchun qabul qilish mumkinligi toʻgʻrisida xulosa taqdim etsin.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2018-yil 13-sentabr,

1998-III-son