Oʻzbekiston Respublikasi Oliy Majlisi Senati Raisi oʻrinbosari Z. Nizamxodjayevning Oʻzbekiston Respublikasi Oliy Majlisi Senatining oʻninchi yalpi majlisiga tayyorgarlik koʻrish va uni oʻtkazishga doir ishlar haqidagi axboroti toʻgʻrisida (KQ-163-IV-son)

17.12.2020

Oʻzbekiston Respublikasi Oliy Majlisi Senati Kengashining

qarori

“Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasi Konstitutsiyaviy qonunining 16-moddasiga, “Oʻzbekiston Respublikasi Oliy Majlisi Senatining Reglamenti toʻgʻrisida”gi Oʻzbekiston Respublikasi Qonunining 6-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:

I. Oʻzbekiston Respublikasi Oliy Majlisi Senati Raisi oʻrinbosari Z. Nizamxodjayevning Oʻzbekiston Respublikasi Oliy Majlisi Senatining oʻninchi yalpi majlisiga tayyorgarlik koʻrish va uni oʻtkazishga doir ishlar haqidagi axboroti maʼlumot uchun qabul qilinsin.

II. Oʻzbekiston Respublikasi Oliy Majlisi Senati Kengashining 2020-yil 11-dekabrdagi KQ-162-IV-sonli Qarori bilan tasdiqlangan Oʻzbekiston Respublikasi Oliy Majlisi Senatining oʻninchi yalpi majlisi kun tartibi loyihasiga qoʻshimcha ravishda quyidagi masalalar kiritilsin:

1. “2020-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartishlar kiritish haqida”gi Oʻzbekiston Respublikasi Qonuni toʻgʻrisida.

Budjet va iqtisodiy islohotlar masalalari qoʻmitasi

2. “Oʻzbekiston Respublikasining Jinoyat, Jinoyat-protsessual kodekslariga hamda Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida”gi Oʻzbekiston Respublikasi Qonuni toʻgʻrisida.

Sud-huquq masalalari va korrupsiyaga qarshi qurilish qoʻmitasi

3. O.A. Usmanovni Oʻzbekiston Respublikasining Pokiston Islom Respublikasidagi Favqulodda va Muxtor Elchisi lavozimiga tayinlash toʻgʻrisida.

Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi

4. Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida.

Oʻzbekiston Respublikasi Oliy Majlisi Senatining Kengashi

III. Oʻzbekiston Respublikasi Oliy Majlisi Senati Kengashining 2020-yil 11-dekabrdagi KQ-162-IV-sonli Qarori bilan tasdiqlangan Oʻzbekiston Respublikasi Oliy Majlisi Senatining oʻninchi yalpi majlisi kun tartibi loyihasidan quyidagi masalalar chiqarib tashlansin:

1. “Oʻzbekiston Respublikasining Konstitutsiyasiga oʻzgartishlar kiritish toʻgʻrisida”gi Oʻzbekiston Respublikasi Qonuni haqida.

Sud-huquq masalalari va korrupsiyaga qarshi kurashish qoʻmitasi

2. “Oʻzbekiston Respublikasining Shaharsozlik kodeksini tasdiqlash haqida”gi Oʻzbekiston Respublikasi Qonuni toʻgʻrisida.

Sud-huquq masalalari va korrupsiyaga qarshi kurashish qoʻmitasi

IV. Oʻzbekiston Respublikasi Oliy Majlisi Senatining oʻninchi yalpi majlisi muhokamasiga yalpi majlis sanoq komissiyasini quyidagi tarkibda tuzish toʻgʻrisida taklif kiritilsin:

Oʻzbekiston Respublikasi Oliy Majlisi Senatining Raisi T. Narbayeva

Toshkent sh.,

2020-yil 17-dekabr,

KQ-163-IV-son