Alkogol mahsulotlarini sotish va oldindan haq toʻlash miqdorini aniqlash (871-son)

14.01.2000

tartibi

[Oʻzbekiston Respublikasi Adliya vazirligi tomonidan 2000-yil 14-yanvarda 871-son bilan davlat roʻyxatidan oʻtkazilgan]

I. UMUMIY QOIDALAR

1.1. Ushbu Tartib Oʻzbekiston Respublikasi Vazirlar Mahkamasining “Spirt, alkogolli va tamaki mahsulotlarini ishlab chiqarish va sotishning davlat tomonidan tartibga solishni takomillashtirish chora-tadbirlari toʻgʻrisida” 1999-yil 23-sentabrdagi 444-son qaroriga muvofiq ishlab chiqilgan va savdo qiluvchi tashkilotlarning sotib olingan alkogolli mahsulotlar uchun ishlab chiqaruvchi korxonalar bilan hisob-kitob qilishi tartibini belgilaydi.

II. MAHSULOTNI YuKLAB JOʻNATISh TARTIBI

2.1. Alkogolli mahsulotlarni ishlab chiqaruvchilar savdo qiluvchi tashkilotlarga tovarni shu shartlarda yuklab joʻnatadilarki, sotilgan tovarlar uchun oldindan oʻtkazilgan pul mablagʻlarining miqdori shartlashilgan butun miqdorning aksiz soligʻi summasini oʻz ichiga olishi kerak. Shartnomalar uzoq muddatlarga (bir yil va undan ortiq) tuzilgan hollarda, ularga mahsulotni yuklab joʻnatish jadvali ilova qilinishi va oldindan pul oʻtkazish miqdori haqiqiy yuklab joʻnatilgan miqdor aksiz soligʻining summasini oʻz ichiga olishi kerak.

III. IShLAB ChIQARUVChI KORXONALARNING JAVOBGARLIGI

3.1. Alkogolli mahsulotlarni ishlab chiqaruvchi korxonalar shartlashilgan mahsulotning haqi toʻlangan hajmini oʻz vaqtida yuklab joʻnatmaganlik uchun (mablagʻlar kelib tushgan kundan boshlab 3 bank kunidan ortiq) har bir oʻtgan kun uchun xaridorga oʻz vaqtida yuklab joʻnatilmagan mahsulot qiymatining 3 foizi miqdorida neustoyka toʻlashlari shart.

IV. MOLIYA ORGANLARI VA DAVLAT SOLIQ XIZMATI NAZORATI

4.1. Savdo qiluvchi tashkilotlar tomonidan mablagʻlar oʻtkazilishining toʻgʻriligi va ishlab chiqaruvchi korxonalar tomonidan mahsulotning oʻz vaqtida yuklab joʻnatilishining nazorat qilinishi Oʻzbekiston Respublikasining Soliq kodeksi, Oʻzbekiston Respublikasining “Davlat soliq xizmati toʻgʻrisida”gi Qonuni, mazkur Tartib va Oʻzbekiston Respublikasining boshqa qonun hujjatlariga muvofiq ravishda davlat soliq xizmati idoralari va Oʻzbekiston Respublikasi Moliya vazirligining moliya inspektorlari tomonidan amalga oshiriladi.

Vaziri oʻrinbosari E. GADOYEV

Raisning birinchi oʻrinbosari B. XODJAYEV