“Oʻzbekturizm” milliy kompaniyasi faoliyatini tashkil etish masalalari toʻgʻrisida (484-son)

20.10.1992

Oʻzbekiston Respublikasi Prezidenti huzuridagi Vazirlar Mahkamasining

qarori

“Oʻzbekturizm” milliy kompaniyasini tashkil etish toʻgʻrisida” 1992-yil 27-iyuldagi Farmonni bajarish yuzasidan Vazirlar Mahkamasi qaror qiladi:

6. Oʻzbekiston Respublikasi Davlat mulki qoʻmitasi “Oʻzbekturizm” milliy kompaniyasi bilan birgalikda bir oy muddat ichida amaldagi qonunchilikka muvofiq korxonalar va tashkilotlar mulki egalari bilan oʻzaro hisob-kitoblar masalalarini koʻrib chiqsin, shuningdek, 1-ilovaga muvofiq “Oʻzbekturizm” kompaniyasiga berilgan davlat mulkidan ayrim tijorat tuzilmalarining foydalanish huquqi toʻgʻrisida qaror qabul qilsin.

7. “Oʻzbekturizm” kompaniyasining tashkil etilishiga amaliy yordam koʻrsatish va uning samarali faoliyatini taʼminlash maqsadida:

1992-1993-yillarda kompaniyaning taklifi bilan Oʻzbekistonga keluvchi xorijiy delegatsiyalarga xizmat koʻrsatish boʻyicha ularning yashashi va transport xarajatlari uchun soʻmlarda haq toʻlashga ruxsat berilsin;

Oʻzbekiston Respublikasi Tashqi iqtisodiy aloqalar vazirligi Oʻzbekiston Respublikasi bilan Hindiston Respublikasi oʻrtasida Hindistonning “Tata” va “Larsen” firmalari ishtirokida Toshkent, Buxoro, Samarqand shaharlarida mehmonxona komplekslari qurilishini toʻla tugallash uchun zarur boʻlgan tovarlar almashish toʻgʻrisidagi protokolni bajarish hisobidan “Oʻzbekturizm” kompaniyasiga valyuta mablagʻlari oʻtkazsin. Oʻzbekiston Respublikasi Tashqi iqtisodiy aloqalar vazirligi “Oʻzbekturizm” kompaniyasi bilan birgalikda 10 kun muddat ichida ushbu masala boʻyicha Vazirlar Mahkamasiga takliflar kiritsin;

“Oʻzshartnomasavdo” uyushmasi va respublikaning boshqa taʼminot-sotish tashkilotlari birkitilgan turlar boʻyicha kvota qilinadigan moddiy resurslar turlarini ajratishni nazarda tutsinlar, mahsulot yetkazib beruvchilar bilan xoʻjalik aloqalari oʻrnatishda kompaniyaga yordam koʻrsatsinlar;

Oʻzbekiston Respublikasining Rossiya Federatsiyasidagi elchixonasi kompaniyaning Moskva shahridagi vakolatxonasini joylashtirishga koʻmaklashsin;

Oʻzbekiston Respublikasi Moliya vazirligi kompaniya uchun 4 ta yengil avtomashinani saqlashga limit ajratsin, Oʻzbekiston Respublikasi Avtomobil transporti vazirligi esa shartnoma asosida transport vositalari bilan taʼminlasin;

Oʻzbekiston Respublikasi Aloqa vazirligi kompaniyaning talabnomasi boʻyicha telefon, hukumat, teleks va telefaks aloqasini taʼminlasin;

“Oʻzbekturizm” kompaniyasi boshqaruvi va uning ishchi apparati Madaniy-axborot markazining Toshkent shahar, Hamza koʻchasi, 45-uydagi binosiga joylashtirilsin.

8. “Oʻzbekturizm” milliy kompaniyasi bir oy muddatda:

mazkur qarordan kelib chiquvchi vazifalarni hisobga olgan holda kompaniya Ustavini ishlab chiqsin va tasdiqlash uchun Vazirlar Mahkamasiga taqdim etsin;

2 oy muddat ichida, mulkchilik shaklidan qatʼi nazar, korxonalar va tashkilotlarni hamda turistik faoliyat bilan shugʻullanuvchi xususiy shaxslarni qayta roʻyxatdan oʻtkazsin.

9. Oʻzbekiston SSR Ministrlar Sovetining 1989-yil 20-oktabrdagi 351-son qarorining 3 va 4-bandlari, Oʻzbekiston SSR Ministrlar Sovetining 1990-yil 9-apreldagi 168-son qarorining 1 va 7-bandlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Bosh vazirning oʻrinbosari oʻrtoq E.S. Samandarov zimmasiga yuklatilsin. Uning qanday bajarilayotganligi 1993-yil aprel oyida koʻrib chiqilsin.

Vazirlar Mahkamasining Raisi I. KARIMOV

Toshkent sh.,

1992-yil 20-oktabr,

484-son