Ipoteka krediti mexanizmlari yanada takomillashtirilishi munosabati bilan Oʻzbekiston Respublikasi Prezidenti va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida (PF-6126-son)

07.12.2020

Oʻzbekiston Respublikasi Prezidentining

Farmoni

Koronavirus infeksiyasi tarqalishiga qarshi kurashish davrida uy-joy sharoitini yaxshilashga muhtoj aholini qoʻllab-quvvatlash, ipoteka krediti bozorini yanada rivojlantirish, xususiy pudrat tashkilotlarini uy-joylar qurilishiga keng jalb qilish hamda ularga qulay shart-sharoitlar yaratish maqsadida:

1. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.

2. Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi bir oy muddatda aholining ipoteka krediti mexanizmlaridan foydalanish imkoniyatini yanada kengaytirish, shu jumladan ipoteka krediti boʻyicha dastlabki badal miqdorini kamaytirish boʻyicha takliflarni Vazirlar Mahkamasiga kiritsin.

3. Moliya vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu Farmonga muvofiqlashtirsin.

4. Mazkur Farmonning ijrosini nazorat qilish Bosh vazirning oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 7-dekabr,

PF-6126-son

Oʻzbekiston Respublikasi Prezidentining 2020-yil 7-dekabrdagi PF-6126-son Farmoniga ILOVA

Oʻzbekiston Respublikasi Prezidenti va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida”gi PF-5886-son Farmonida:

a) 4-band beshinchi xatboshisidagi “Iqtisodiyot va sanoat vazirligi” va “ikki va uch xonali” soʻzlari tegishincha “Iqtisodiy taraqqiyot va kambagʻallikni qisqartirish vazirligi”va “ikki va undan koʻp xonali” soʻzlari bilan almashtirilsin;

b) 9-bandda:

ikkinchi xatboshi “2020-yilda” soʻzlaridan keyin “harbiylar, shu jumladan” soʻzlari bilan toʻldirilsin;

uchinchi xatboshidagi “Iqtisodiyot va sanoat vazirligi huzuridagi Urbanizatsiya agentligi” va “Yer resurslari, geodeziya, kartografiya va davlat kadastri davlat qoʻmitasi” soʻzlari tegishincha “Iqtisodiy taraqqiyot va kambagʻallikni qisqartirish vazirligi” va “Davlat soliq qoʻmitasi huzuridagi Kadastr agentligi” soʻzlari bilan almashtirilsin;

v) 1 va 2-ilovalar quyidagi tahrirda bayon etilsin:

“Oʻzbekiston Respublikasi Prezidentining 2019-yil 28-noyabrdagi PF-5886-son Farmoniga 1-ILOVA

2020-yilda qishloq joylarida yangi tartibga muvofiq koʻp kvartirali uy-joylar qurish va subsidiyalar toʻlashning

MAQSADLI MOʻLJALLARI*

T/r Hududlar nomi Koʻp kvartirali uy-joylardagi kvartira-larning umumiy soni Xarajatlarning hisoblangan qiymati (mlrd soʻm) shu jumladan quyidagilar hisobidan: Foiz stavkasining bir qismini qoplash uchun subsidiya toʻlanadigan shaxslar soni boshlangʻich badallar (mlrd soʻm) kelgusida aholiga kreditlar berish uchun tijorat banklariga ajratiladigan resurslar (mlrd soʻm) ulardan: OTB mablagʻlari Davlat budjeti mablagʻlari Jami shundan, OTB mablagʻlari hisobidan kvartira uchun ** kvartiralar soni summasi (mlrd soʻm) kvartiralar soni summasi (mlrd soʻm) JAMI 4 000 820 82 738 2 652 489,3 1 348 248,7 3 880 2 652 1. Andijon viloyati 700 143,5 14,4 129,2 700 129,2 700 2. Buxoro viloyati 500 102,5 10,3 92,3 500 92,3 500 500 3. Namangan viloyati 700 143,5 14,4 129,2 452 83,4 248 45,8 700 452 4. Samarqand viloyati 900 184,5 18,5 166,1 900 166,1 900 900 5. Surxondaryo viloyati 500 102,5 10,3 92,3 100 18,5 400 73,8 380 100 6. Fargʻona viloyati 700 143,5 14,4 129,2 700 129,2 700 700

Izoh:

* 2020-yilda qishloq joylarida yangi tartibga muvofiq koʻp kvartirali uylarni qurish va subsidiyalar toʻlashning maqsadli moʻljallariga zarur hollarda Oʻzbekiston Respublikasi Vazirlar Mahkamasi tomonidan bozor tamoyillari asosida uy-joy qurilishi va sotilishining yangi tartibini joriy etish boʻyicha respublika komissiyasi taklifiga koʻra tegishli oʻzgartirishlar kiritilishi mumkin.

** Osiyo taraqqiyot banki mablagʻlari hisobidan sotib olinadigan kvartiralarga ajratilishi rejalashtirilgan subsidiyalar qayta taqsimlanmaydi”;

“Oʻzbekiston Respublikasi Prezidentining 2019-yil 28-noyabrdagi PF-5886-son Farmoniga 2-ILOVA

2020-yil shaharlarda yangi tartibga muvofiq koʻp kvartirali uy-joylar qurish va subsidiyalar toʻlashning

maqsadli moʻljallari*

T/r Hududlar nomi Koʻp kvartirali uy-joylardagi kvartiralarning umumiy soni shu jumladan quyidagilar uchun: Xarajatlarning hisoblangan qiymati (mlrd soʻm) shu jumladan quyidagilar hisobidan: Boshlangʻich badal va ipoteka krediti foiz stavkasini kompensatsiya qilish boʻyicha subsidiyalar toʻlanadigan shaxslar soni** uy-joy sharoitini yaxshilashga muhtoj oilalar mehnat migrantlari alohida namuna koʻrsatayotgan yosh oilalar ogʻir ijtimoiy vaziyatga tushib qolgan ayollar Mudofaa vazirligining harbiy xizmatchilari Milliy gvardiyaning harbiy xizmatchilari ichki ishlar organlari xodimlari boshlangʻich badallar (mlrd soʻm) ulardan: kelgusida aholiga kreditlar berish uchun tijorat banklariga ajratiladigan resurslar (mlrd soʻm) Davlat budjeti mablagʻlari hisobidan boshlangʻich badalni toʻlash uchun subsidiyalar Oʻzbekiston Respublikasi Davlat budjetidan Mudofaa vazirligi, Milliy gvardiyasi harbiy xizmatchilari va ichki ishlar organlari xodimlariga boshlangʻich badal toʻlovi uchun ajratiladigan mablagʻlar kvartiralar soni summasi (mlrd soʻm) kvartiralar soni summasi (mlrd soʻm) JAMI 13 750 10 926 1 331 153 320 540 225 255 4 467,0 907,5 11 405 366,7 1 020 70,4 3 559,5 11 405 1. Qoraqalpogʻiston Respublikasi 270 160 15 11 25 30 15 15 74,5 15,7 212 5,9 60 4,1 58,8 212 2. Andijon viloyati 540 269 148 6 28 60 15 15 149,0 31,1 619 17,4 90 6,2 118,0 619 3. Buxoro viloyati 540 368 79 9 24 30 15 15 149,0 30,6 424 11,7 60 4,1 118,4 424 4. Jizzax viloyati 216 115 10 7 24 30 15 15 59,6 12,8 170 4,7 60 4,1 46,9 170 5. Qashqadaryo viloyati 320 112 101 19 28 30 15 15 88,3 18,5 251 6,9 60 4,1 69,8 251 6. Navoiy viloyati 216 121 10 15 10 30 15 15 59,6 12,8 170 4,7 60 4,1 46,9 170 7. Namangan viloyati 540 384 71 5 20 30 15 15 149,0 30,6 629 17,4 60 4,1 118,4 629 8. Samarqand viloyati 800 324 312 18 26 75 15 30 220,8 45,8 868 24,0 120 8,3 175,0 868 9. Sirdaryo viloyati 216 73 35 11 37 30 15 15 59,6 12,8 170 4,7 60 4,1 46,9 170 10. Surxondaryo viloyati 540 297 168 10 6 30 15 15 149,0 30,6 424 11,7 60 4,1 118,4 424 11. Toshkent viloyati 796 511 58 11 36 90 45 45 219,7 46,4 625 17,3 180 12,4 173,3 625 12. Fargʻona viloyati 540 243 153 22 32 45 15 30 149,0 31,1 629 17,6 90 6,2 118,0 629 13. Xorazm viloyati 216 113 9 11 24 30 15 15 59,6 12,8 170 4,7 60 4,1 46,9 170 14. Toshkent shahri 8 000 7 838 162 2 880,0 576,0 6 044 218,0 2 304,0 6 044

Izoh:

* 2020-yilda shaharlarda yangi tartibga muvofiq koʻp kvartirali uy-joylar qurish va subsidiyalar toʻlashning maqsadli moʻljallariga zarur hollarda Oʻzbekiston Respublikasi Vazirlar Mahkamasi tomonidan Bozor tamoyillari asosida uy-joy qurilishi va sotilishining yangi tartibini joriy etish boʻyicha respublika komissiyasi taklifiga koʻra tegishli oʻzgartirishlar kiritilishi mumkin.

** Andijon, Namangan, Fargʻona va Samarqand viloyatlarida qurilgan kvartiralar sonidan ortgan subsidiyalar yangi tartib doirasidan tashqari qurilgan va birlamchi uy-joy bozorida sotiladigan kvartiralarni sotib olish uchun ajratiladigan ipoteka kreditlari boʻyicha berilishi mumkin”.

g) 6-ilova quyidagi tahrirda bayon etilsin:

“Oʻzbekiston Respublikasi Prezidentining 2019-yil 28-noyabrdagi PF-5886-son Farmoniga 6-ILOVA

Bozor tamoyillari asosida uy-joy qurilishi va sotilishining yangi tartibini joriy etish boʻyicha respublika komissiyasi

TARKIBI

1. J.A. Qoʻchqorov — Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri, Respublika komissiyasi raisi 2. O.Z. Nasritdinxodjayev — Oʻzbekiston Respublikasi moliya vazirining birinchi oʻrinbosari, Respublika komissiyasi raisi oʻrinbosari 3. B.I. Zokirov — Oʻzbekiston Respublikasi qurilish vaziri 4. M.X. Soliyev — Oʻzbekiston Respublikasi uy-joy kommunal xizmat koʻrsatish vaziri 5. R.T. Mamatov — Oʻzbekiston Respublikasi mahalla va oilani qoʻllab-quvvatlash vaziri 6. Sh.A. Abidov — Oʻzbekiston Respublikasi Vazirlar Mahkamasi kotibiyat mudiri 7. A.M. Boboyev — Oʻzbekiston Respublikasi iqtisodiy taraqqiyot va kambagʻallikni qisqartirish vaziri oʻrinbosari 8. X.S. Toʻraxoʻjayev — Oʻzbekiston Respublikasi Davlat soliq qoʻmitasi raisining birinchi oʻrinbosari — Davlat soliq qoʻmitasi huzuridagi Kadastr agentligi direktori 9. Lavozimi boʻyicha — Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari 10. Lavozimi boʻyicha — Oʻzbekiston Respublikasi Moliya vazirligi departament direktori 11. Lavozimi boʻyicha — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi departament direktori, Respublika komissiyasi masʼul kotibi

Izoh. Respublika komissiyasi aʼzolari boshqa ishga oʻtgan taqdirda uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi”.

2. Oʻzbekiston Respublikasi Prezidentining 2020-yil 1-maydagi “Aholining uy-joy sharoitini yaxshilash hamda ipoteka krediti bozorini yanada kengaytirishga oid qoʻshimcha chora-tadbirlar toʻgʻrisida”gi PQ-4701-son qarorida:

a) 3-bandda:

birinchi xatboshi “qurilgan kvartiralarni” soʻzlaridan keyin “(mazkur qarorning 31-bandida koʻzda tutilgan holatlar bundan mustasno)” soʻzlari bilan toʻldirilsin;

ikkinchi, uchinchi va toʻrtinchi xatboshilarda “2 xonali” soʻzlari “1 va 2 xonali” soʻzlari bilan almashtirilsin;

b) quyidagi mazmundagi 31-band bilan toʻldirilsin:

“31. Xususiy pudrat tashkilotlari tomonidan xonalarga boʻlinmagan holda qurilgan kvartiralarni sotib olish uchun beriladigan ipoteka kreditlarining cheklangan miqdori quyidagi miqdorlarda belgilansin:

Toshkent shahrida — umumiy maydoni 60 metr kvadratgacha boʻlgan kvartiralar uchun — 264 mln soʻm, umumiy maydoni 60 metr kvadratdan ortiq boʻlgan kvartiralar uchun — 352 mln soʻm;

boshqa hududlarda — umumiy maydoni 60 metr kvadratgacha boʻlgan kvartiralar uchun — 240 mln soʻm, umumiy maydoni 60 metr kvadratdan ortiq boʻlgan kvartiralar uchun — 320 mln soʻm.

Mazkur banda koʻzda tutilgan ipoteka krediti boʻyicha dastlabki badal va (yoki) foizlarning bir qismini qoplash uchun Oʻzbekiston Respublikasi Davlat budjeti mablagʻlari hisobidan subsidiyalar toʻlanmaydi”;

v) 4-band “20 yilgacha” soʻzlaridan keyin “(yigirmanchi yilni ham qoʻshgan holda)” soʻzlari bilan toʻldirilsin;

g) 5-bandning birinchi va ikkinchi xatboshilari “20 yilgacha” soʻzlaridan keyin “(yigirmanchi yilni ham qoʻshgan holda)” soʻzlari bilan toʻldirilsin;

d) 6-band quyidagi tahrirda bayon etilsin:

“6. Belgilab qoʻyilsinki:

mazkur qarorning 2 — 4-bandlarida nazarda tutilgan tartib va shartlar 2022-yil 1-yanvarga qadar amal qiladi va yangi tartibga muvofiq Oʻzbekiston Respublikasi Moliya vazirligining mablagʻlari hisobidan ajratiladigan ipoteka kreditlariga nisbatan tatbiq etiladi;

mazkur qarorning 3-bandning uchinchi va toʻrtinchi xatboshilarida nazarda tutilgan kvartiralarni sotib olishga ajratilgan ipoteka kreditlari boʻyicha dastlabki badalning bir qismini toʻlash bilan bogʻliq xarajatlarni qoplash uchun subsidiyalar Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi tomonidan belgilangan uy-joy hisoblangan qiymatining 10 foizi miqdorida toʻlanadi;

Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi tomonidan 2020 va 2021-yil uchun belgilanadigan uy-joylarning hisoblangan qiymatida bir xonali kvartiralar ham inobatga olinadi”;

e) quyidagi mazmundagi 71-band bilan toʻldirilsin:

“71. Fargʻona viloyati hokimligi, Markaziy bank va Moliya vazirligining Fargʻona viloyatining choʻl-adir hududlarida, istisno tariqasida, 2020-2021-yillarda yakka tartibdagi namunaviy uylar qurilishi taklifiga rozilik berilsin. Bunda:

yakka tartibdagi namunaviy uy-joylar qurilishi xususiy pudrat tashkilotlarining oʻz mablagʻlari, tijorat banklaridan olingan kredit va qonun hujjatlarida taqiqlanmagan boshqa manbalar hisobidan amalga oshiriladi;

xususiy pudrat tashkilotlari tomonidan qurilish meʼyorlariga mos, tayyor holda qurib bitkazilgan yakka tartibdagi namunaviy uylarni aholi tomonidan sotib olish uchun Oʻzbekiston Respublikasi Moliya vazirligi tomonidan tijorat banklariga ajratilgan mablagʻlar hisobidan ipoteka kreditlari beriladi;

yakka tartibdagi namunaviy uylar qurilishini reyting bahosi Oʻzbekiston Respublikasi Qurilish vazirligi tomonidan belgilanadigan darajadan kam boʻlmagan qurilish-pudrat tashkilotlari tomonidan amalga oshiriladi.

Fargʻona viloyati hokimligi aholi arizalari va uy-joy bozorini oʻrganish hamda aholining ipoteka kreditlari boʻyicha real toʻlov qobiliyatini inobatga olgan holda yakka tartibdagi namunaviy uylarning qurilish ishlarini tashkil etsin”;

j) 10-bandda:

uchinchi xatboshi “qoplash uchun” soʻzlaridan keyin “kreditning butun davri, biroq kredit olingan kundan boshlab 24 oydan ortiq boʻlmagan muddat davomida” soʻzlari bilan toʻldirilsin;

toʻrtinchi xatboshidagi “2-xonali” soʻzlari “1 va 2 xonali” soʻzlari bilan almashtirilsin.