Kimyolashtirish va oʻsimliklarni himoya qilish vositalarini respublika hududiga olib kirish tartibini soddalashtirish toʻgʻrisida (765-son)

02.12.2020

Oʻzbekiston Respublikasi Vazirlar Mahkamasining

qarori

Respublika hududiga kimyolashtirish va oʻsimliklarni himoya qilish vositalarini olib kirishni tartibga solish, jumladan qishloq xoʻjaligida qoʻllaniladigan kimyolashtirish va oʻsimliklarni himoya qilish vositalarini sinovdan oʻtkazish hamda roʻyxatga olishni takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligi, Sogʻliqni saqlash vazirligi, Ekologiya va atrof-muhitni muhofaza qilish davlat qoʻmitasi, “Oʻzagrokimyohimoya” AJ va “Oʻzkimyosanoat” AJning xorijiy davlatlarda ishlab chiqarilgan kimyolashtirish va oʻsimliklarni himoya qilish vositalarini respublika hududiga olib kirish tartibini soddalashtirish toʻgʻrisidagi taklifi maʼqullansin.

2. Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizom ilovaga muvofiq tasdiqlansin.

3. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 2-dekabr,

765-son

Vazirlar Mahkamasining 2020-yil 2-dekabrdagi 765-son qarorigaILOVA

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi

NIZOM

1-bob. Umumiy qoidalar

1. Mazkur Nizom Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibini belgilaydi.

2. Mazkur Nizomda quyidagi asosiy atamalar qoʻllaniladi:

ariza beruvchi — kimyolashtirish va oʻsimliklarni himoya qilish vositalarini roʻyxatdan oʻtkazish uchun ariza bergan yuridik va jismoniy shaxslar;

kimyolashtirish va oʻsimliklarni himoya qilish vositalarini roʻyxatga olish — kimyolashtirish va oʻsimliklarni himoya qilish vositalarini ishlab chiqarish, olib kelish, realizatsiya qilish va qoʻllash uchun ruxsat beradigan tartib-tamoyil;

kimyolashtirish va oʻsimliklarni himoya qilish vositalarini roʻyxatga olish sinovlari — kimyolashtirish va oʻsimliklarni himoya qilish vositalarini biologik samaradorligini, toksikologik-gigiyenikva ekologik, tuproq mikroflorasi va faunasiga taʼsirini aniqlash uchun sinovlarni tashkil etish;

kimyolashtirish vositalari — qishloq xoʻjaligi ekinlarining rivojlanishini jadallashtirish, pishib yetilishini tezlashtirish, hosildorligi va sifatini oshirish, shuningdek, tuproq unumdorligini yaxshilash uchun foydalaniladigan kimyoviy va boshqa vositalar;

kombinatsiyalangan oʻsimliklarni himoya qilish vositalari — tarkibida ikki va undan koʻp taʼsir etuvchi moddasi boʻlgan preparatlar;

roʻyxatga olganlik toʻgʻrisida guvohnoma — kimyolashtirish va oʻsimliklarni himoya qilish vositalarini roʻyxatga olinganligini tasdiqlovchi hujjat;

taʼsir etuvchi modda — oʻsimliklarni himoya qilish vositalarining preparativ shakli tarkibidagi biologik aktiv qismi;

oʻsimliklarni himoya qilish vositalari — oʻsimliklarni himoya qilish uchun ishlatiladigan kimyoviy va biologik vositalar;

oʻsimliklarni himoya qilish vositalarining analitik standarti — oʻsimliklarni himoya qilish vositalarining preparativ shakli tarkibidagi biologik aktiv qismi (taʼsir etuvchi modda)ning standart namunasi;

oʻsimliklarni himoya qilish vositalarining analogi — bitta taʼsir etuvchi modda asosida, xuddi shunday preparativ shaklda tayyorlangan oʻsimliklarni himoya qilish vositalari;

foydalanish reglamenti — kimyolashtirish va oʻsimliklarni himoya qilish vositalarini qoʻllash qoidalari;

etalon — roʻyxatga olinadigan kimyolashtirish va oʻsimliklarni himoya qilish vositalari samaradorligini qiyoslash varianti.

3. Kimyolashtirish va oʻsimliklarni himoya qilish vositalarini roʻyxatga olganlik toʻgʻrisida guvohnoma berish mazkur Nizomning 1-ilovasida keltirilgan sxemaga muvofiq amalga oshiriladi.

4. Oʻzbekiston Respublikasida ishlab chiqariladigan yoki xorijiy mamlakatlardan olib kelinadigan kimyolashtirish va oʻsimliklarni himoya qilish vositalari roʻyxatga olinishi shart.

5. Kimyolashtirish va oʻsimliklarni himoya qilish vositalarini roʻyxatga olganlik toʻgʻrisida guvohnoma Oʻsimliklar karantini va himoyasi agentligining (keyingi oʻrinlarda — Agentlik) qaroriga asosan beriladi.

6. Kimyolashtirish va oʻsimliklarni himoya qilish vositalarini roʻyxatga olganlik toʻgʻrisida guvohnoma besh yil muddatga beriladi.

7. Belgilangan tartibda roʻyxatga olinmagan kimyolashtirish va oʻsimliklarni himoya qilish vositalarini ishlab chiqarish, olib kelish, realizatsiya qilish va qoʻllash taʼqiqlanadi.

2-bob. Roʻyxatga olganlik toʻgʻrisida guvohnomani olish uchun hujjatlar taqdim etish

8. Kimyolashtirish va oʻsimliklarni himoya qilish vositalarini roʻyxatdan oʻtkazish uchun ariza beruvchilar (yoki uning nomidan harakat qiluvchi ishonchli vakil) ushbu Nizomga muvofiq quyidagilarni taqdim etadi:

mazkur Nizomning 2-ilovasiga muvofiq shaklda ariza;

mahalliy ariza beruvchilar tomonidan boshqa mamlakatlardan olib kelinadigan kimyolashtirish va oʻsimliklarni himoya qilish vositalarini roʻyxatdan oʻtkazish uchun ishlab chiqaruvchining rozilik xati va ishlab chiqarish sertifikati;

kimyolashtirish va oʻsimliklarni himoya qilish vositalarini roʻyxatdan oʻtkazgan tashkilotlar nomidan, tovar belgisidan (xizmat koʻrsatish belgisidan) boshqa shaxs foydalanganda tuzilgan litsenziya shartnomasi yoki kompleks tadbirkorlik litsenziyasi shartnomasi nusxasi;

mazkur Nizomning 3 — 9-ilovalarida nazarda tutilgan tartibda yigʻilgan, qismlar boʻyicha guruhlangan va raqamlanib, tegishli ravishda ariza beruvchilar (rahbari)ning imzosi bilan tasdiqlangan texnik hujjatlar toʻplamining bir xildagi uch nusxasi;

sinovlar oʻtkazish uchun zarur boʻlgan kimyolashtirish va oʻsimliklarni himoya qilish vositalarining namunalari va taqqoslash uchun etalonlari;

analogi boʻlmagan yangi oʻsimliklarni himoya qilish vositalari roʻyxatdan oʻtkazish uchun taqdim etilayotganda ularga tegishli analitik standarti;

yangi mikrobiologik kimyolashtirish va roʻyxatdan oʻtkazish uchun taqdim etilayotganda 3, 6, 7 va 9-ilovalarga muvofiq shakldagi maʼlumotlar;

tarkibida yangi taʼsir etuvchi moddasi boʻlgan kimyolashtirish va roʻyxatdan oʻtkazish uchun taqdim etilayotganda 3 — 9-ilovalarida muvofiq shakldagi maʼlumotlar;

preparativ shakli oʻzgargan va (yoki) konsentratsiyasi oʻzgargan kimyolashtirish va analogi roʻyxatdan oʻtkazish uchun taqdim etilayotganda 3, 3a, 4 va 9-ilovalarga muvofiq shakldagi maʼlumotlar;

yangi preparativ shakli oʻzgargan va (yoki) titri oʻzgargan mikrobiologik roʻyxatdan oʻtkazish uchun taqdim etilayotganda 3, 6 va 9-ilovalarga muvofiq shakldagi maʼlumotlar;

tarkibida oldin Agentlik tomonidan roʻyxatdan oʻtkazilgan taʼsir etuvchi moddalari boʻlgan kombinatsiyalashgan roʻyxatdan oʻtkazish uchun taqdim etilayotganda 3, 4 va 9-ilovalarga muvofiq shakldagi maʼlumotlar;

qayta roʻyxatga olish yoki qoʻllash sohasi kengaytirilayotgan kimyolashtirish va roʻyxatdan oʻtkazish uchun taqdim etilayotganda 3, 3a va 9-ilovalarga muvofiq shakldagi maʼlumotlar taqdim etiladi.

9. Ariza beruvchilardan ushbu Nizomning 9-bandida nazarda tutilmagan hujjatlar va namunalarni taqdim etishini talab qilishga yoʻl qoʻyilmaydi.

10. Kimyolashtirish va oʻsimliklarni himoya qilish vositalarini roʻyxatdan oʻtkazish uchun zarur boʻlgan hujjatlar bevosita, pochta aloqa vositasi orqali yoki elektron shaklda, ular olinganligi haqidagi xabarnoma bilan birga taqdim etiladi. Elektron shaklda taqdim etilgan hujjatlar ariza beruvchining elektron raqamli imzosi bilan tasdiqlanadi.

Bunda kimyolashtirish va oʻsimliklarni himoya qilish vositalari namunalari bevosita yoki pochta aloqa vositasi orqali taqdim etiladi.

11. Kimyolashtirish va oʻsimliklarni himoya qilish vositalarini roʻyxatdan oʻtkazish uchun taqdim etilgan hujjatlar va tegishli namunalar roʻyxat boʻyicha qabul qilinadi, roʻyxatda hujjatlarning qabul qilingan sanasi va qabul qilgan shaxsning lavozimi, familiyasi, ismi koʻrsatilib, imzosi qoʻyilgan holda darhol ariza beruvchilarga beriladi (yuboriladi).

3-bob. Arizani koʻrib chiqish, roʻyxatga olganlik toʻgʻrisida guvohnoma berish yoki uni berishni rad etish toʻgʻrisida qaror qabul qilish

12. Agentlik Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati hamda Ekologiya va atrof-muhitni muhofaza qilish davlat qoʻmitasi bilan birgalikda ariza beruvchilar tomonidan taqdim etilgan hujjatlarni oʻrganib chiqib, kimyolashtirish va oʻsimliklarni himoya qilish vositalarini roʻyxatga olish sinovlarini oʻtkazish rejasini tasdiqlaydi.

13. Roʻyxatga olish sinovlari:

kimyolashtirish va oʻbiologik samaradorligini aniqlash boʻyicha — Oʻzbekiston Respublikasi Qishloq xoʻjaligi vazirligi va Fanlar akademiyasi tomonidan tasdiqlangan ilmiy-tadqiqot tashkilotlari tomonidan;

toksikologik-gigiyenik xossalarini aniqlash boʻyicha — Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati ruxsat etgan ilmiy-tadqiqot tashkilotlari tomonidan;

ekologik xossalarini aniqlash boʻyicha — Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tomonidan tasdiqlangan ilmiy-tadqiqot tashkilotlari tomonidan oʻtkaziladi.

14. Roʻyxatga olish sinovlarini oʻtkazish uchun zarur boʻladigan mablagʻlar ariza beruvchilar bilan sinovni oʻtkazuvchi tashkilotlar oʻrtasida tuzilgan shartnomaga muvofiq ariza beruvchilar tomonidan toʻlab beriladi.

15. Roʻyxatga olish sinovlari rejasiga mazkur Nizom talablariga muvofiq roʻyxatga olish uchun taqdim etilgan kimyolashtirish va oʻsimliklarni himoya qilish vositalari kiritiladi.

16. Sinovni oʻtkazuvchilar sinov oʻtkazish sxemasi va ish dasturlarini ishlab chiqadi va ariza beruvchilar bilan kelishgan holda tasdiqlaydi.

17. Roʻyxatga olish sinovini oʻtkazish uchun ariza beruvchilar sinov boshlanishidan bir oy oldin sinovni oʻtkazuvchilarga zarur miqdordagi kimyolashtirish va namunasini, taqqoslash uchun etalonlarni va taʼsir etuvchi moddalarning analitik standartlarini taqdim etishi shart.

18. Kimyolashtirish va oʻsimliklarni himoya qilish vositalari, ularning analitik standartlari hamda etalonlar miqdori ish dasturiga muvofiq sinovlarni oʻtkazadigan tashkilotlar tomonidan aniqlandi.

19. Taqdim etiladigan namunalarning ishonchli saqlanishi, maqsadga koʻra xavfsiz foydalanilishi uchun javobgarlik sinovdan oʻtkazuvchilar zimmasida boʻladi.

20. Kimyolashtirish va oʻsimliklarni himoya qilish vositalarini roʻyxatga olish sinovlari ishlab chiqarish sharoitida oʻsimliklarning toʻliq vegetatsiyadavrida (koʻpi bilan ikki yilda) oʻtkaziladi. Bunda:

Oʻzbekiston Respublikasi qishloq xoʻjaligida oʻsimlik zararkunandalari, kasalliklariga va begona oʻtlarga qarshi foydalanish uchun ruxsat etilgan kimyoviy va biologik himoya vositalari, defoliantlar hamda oʻsimliklarning oʻsishini boshqaruvchi vositalar roʻyxatiga (keyingi oʻrinlarda — Roʻyxat) kiritilmagan kimyolashtirish va oʻsimliklarni himoya qilish vositalari shoshilinch choralar koʻrish talab etiladigan vaziyatlarda bir yilgacha muddatga tajriba tarzida qoʻllash uchun respublika hududiga olib kirishga ruxsat etiladi. Bunda parallel ravishda kimyolashtirish va oʻsimliklarni himoya qilish vositalarini roʻyxatga olish sinovlari oʻtkaziladi;

xalqaro standartlar talablariga javob beradigan, oldin oʻrganilgan va taʼsir etuvchi modda toʻgʻrisida toʻliq asosli maʼlumotlar hamda qoʻllash boʻyicha reglamentlar mavjud boʻlgan kimyolashtirish va oʻsimliklarni himoya qilish vositalari, shuningdek, Oʻzbekiston Respublikasida roʻyxatga olingan kimyolashtirish va oʻsimliklarni himoya qilish vositalarining analoglari oʻsimlikning bitta vegetatsiya davrida biologik samaradorlik boʻyicha oʻtkazilgan sinov natijalariga koʻra roʻyxatga olinadi;

kimyolashtirish va oʻsimliklarni himoya qilish vositalarini roʻyxatga olish uchun toksikologik-gigiyenik, sanitariya-gigiyenik va ekologik xususiyatlarni oʻrganish boʻyicha ariza beruvchi tomonidan asoslangan maʼlumotlar, shu jumladan, xorijiy davlatlarda oʻtkazilgan sinovlar xulosasi taqdim etilgan taqdirda, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati hamda Ekologiya va atrof-muhitni muhofaza qilish davlat qoʻmitasi tomonidan toksikologik-gigiyenik, sanitariya-gigiyenik va ekologik sinovlar oʻtkazilmasdan ariza beruvchi tomonidan taqdim etilgan hujjatlar ekspertizasining xulosasi asosida roʻyxatga olish uchun tavsiya etiladi;

zaharlilik darajasi uchinchi va toʻrtinchi sinfda boʻlgan mineral oʻgʻitlar, mikrooʻgʻitlar, biostimulyatorlar hamda biooʻgʻitlar laboratoriya tahlillarining natijasi asosida roʻyxatga olinadi;

muvofiqlik sertifikatiga ega boʻlgan hamda roʻyxatga kiritilgan kimyolashtirish va oʻsimliklarni himoya qilish vositalarini respublika hududiga olib kirishga ruxsat etiladi;

respublika hududiga kimyolashtirish va oʻsimliklarni himoya qilish vositalarini olib kirish uchun talab etiladigan muvofiqlik sertifikatini rasmiylashtirish va berish muddati barcha zarur hujjatlar taqdim etilgan paytdan boshlab besh ish kunidan oshmasligi lozim.

21. Tarkibida oldin Oʻzbekiston Respublikasida roʻyxatdan oʻtkazilgan taʼsir etuvchi moddasi boʻlgan oʻsimliklarni himoya qilish vositalari analoglari 2-3 ta asosiy ekin turining bitta vegetatsiya davrida oʻtkazilgan sinovning ijobiy natijalariga koʻra roʻyxatdan oʻtkazilishi mumkin.

22. Kimyolashtirish va oʻsimliklarni himoya qilish vositalari sinovdan oʻtkazilgan dalalarda yetishtirilgan hosildan davlat sanitariya nazoratini amalga oshiruvchi organning ruxsati bilan foydalanish mumkin.

23. Qishloq xoʻjaligi mahsulotlarini yetishtiruvchilarning ehtiyojlari uchun zarur boʻlgan alohida hollarda kichik maydonlarda yetishtiriladigan oʻsimliklarni himoya qilishda ishlatiladigan, biroq tijorat qiymatiga ega boʻlmagan kimyolashtirish va oʻsimliklarni himoya qilish vositalarini roʻyxatga olish sinovlari Agentlik tomonidan moliyalashtiriladi.

Bunda ishlab chiqaruvchi kimyolashtirish va oʻsimliklarni himoya qilish vositalarining namunasini sinovni oʻtkazuvchilarga zarur miqdorda yetkazib beradi.

24. Sinovlarning belgilangan tartibda oʻtkazilishi, natijalarning ishonchliligi, xulosalar va tavsiyalarning obyektivligi (xolisonaligi) uchun sinovni oʻtkazuvchilar javobgar hisoblanadi.

25. Kimyolashtirish va oʻsimliklarni himoya qilish vositalarini roʻyxatga olish toʻgʻrisida ariza bergan, shuningdek, ularni yaratgan shaxslar kimyolashtirish va oʻsimliklarni himoya qilish vositalarini roʻyxatga olish sinovlari natijalariga doir xulosa tayyorlanishida qatnashishi mumkin emas.

26. Sinovni oʻtkazuvchilar sinovlar va ekspertiza natijalari boʻyicha ilmiy hisobot tayyorlaydi va uning asl nusxasini Agentlikka taqdim etadi.

27. Ishchi organ oʻtkazilgan sinovlar yakuniga oid ilmiy hisobotlar, xulosalarni tahlil etadi, umumlashtiradi va oʻttiz kun muddatda Agentlikka kiritadi. Agentlik taqdim etilgan hujjatlarni koʻrib chiqadi, muhokama qiladi hamda kimyolashtirish va oʻsimliklarni himoya qilish vositasini roʻyxatga olish yoki rad etish toʻgʻrisida tegishli qarorni qabul qiladi.

28. Kimyolashtirish yoki oʻsimliklarni himoya qilish vositasini roʻyxatga olganlik uchun chet ellik ariza beruvchi tomonidan bazaviy hisoblash miqdorining 200 baravari miqdorda, vosita qayta roʻyxatga olinganda yoki qoʻllash doirasi kengaytirilganda100 baravari miqdorida bir martalik yigʻimlar Oʻzbekiston Respublikasining milliy valyutasida undiriladi. Chet el valyutasidagi toʻlovlar Oʻzbekiston Respublikasi Markaziy banki tomonidan toʻlov toʻlanadigan kun uchun belgilangan valyutalarning rasmiy ayirboshlash kursi boʻyicha Oʻzbekiston Respublikasining milliy valyutasida amalga oshiriladi.

Mahalliy ariza beruvchilardan mos ravishda bazaviy hisoblash miqdorining 20 va 10 baravari miqdorida bir martalik yigʻimlar undiriladi.

29. Agentlik ariza beruvchilarga mazkur Nizomga 10-ilovada keltirilgan namunadagi roʻyxatga olganlik toʻgʻrisida guvohnomani rasmiylashtiradi va beradi (yoki yuboradi).

30. Agentlik Oʻzbekiston Respublikasi qishloq xoʻjaligida oʻsimlik zararkunandalari, kasalliklariga va begona oʻtlarga qarshi foydalanish uchun ruxsat etilgan kimyoviy va biologik himoya vositalari, defoliantlar hamda oʻsimliklarni oʻsishini boshqaruvchi vositalar roʻyxatini yuritadi hamda veb-saytida eʼlon qilib boradi.

31. Roʻyxatni yuritish va eʼlon qilishga Agentlikning kimyolashtirish va oʻsimliklarni himoya qilish vositasini roʻyxatga olish haqidagi qarori asos boʻlib hisoblanadi.

32. Roʻyxatni yuritish va eʼlon qilish xarajatlari Agentlik tomonidan qoplanadi.

33. Roʻyxatga olish muddati tugagandan soʻng, ariza beruvchining arizasiga koʻra kimyolashtirish va oʻsimliklarni himoya qilish vositalari keyingi muddatga qayta roʻyxatga kiritilishi mumkin.

Bunda Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati va Ekologiya va atrof-muhitni muhofaza qilish davlat qoʻmitasining xulosalari asosida qabul qilingan Agentlikning qarori kimyolashtirish va oʻsimliklarni himoya qilish vositalarini keyingi muddatga qayta roʻyxatga kiritilishiga asos boʻladi.

34. Quyidagilar kimyolashtirish va oʻsimliklarni himoya qilish vositalarini roʻyxatga olganlik toʻgʻrisida guvohnoma berishni rad etish uchun asos boʻlishi mumkin:

roʻyxatga olganlik toʻgʻrisida guvohnoma berish uchun zarur boʻlgan hujjatlar va namunalarning ariza beruvchi tomonidan toʻliq boʻlmagan hajmda taqdim etilishi, ruxsat berish talablari va shartlariga nomuvofiqligi;

ariza beruvchi tomonidan taqdim etilgan hujjatlarda ishonchsiz yoki buzib koʻrsatilgan maʼlumotlarning mavjudligi;

ushbu Nizomga muvofiq kimyolashtirish va oʻsimliklarni himoya qilish vositalarini roʻyxatga olish sinovlarini oʻtkazish yakunlari boʻyicha asoslantirilgan salbiy xulosalar berilishi.

35. Roʻyxatga olganlik toʻgʻrisida guvohnoma berishning boshqa asoslarga koʻra rad etilishiga yoʻl qoʻyilmaydi.

36. Roʻyxatga olganlik toʻgʻrisida guvohnomani berishning rad etilganligi toʻgʻrisidagi xabarnoma ariza beruvchiga yozma shaklda, rad etishning sabablari, qonunchilikning aniq normalari hamda ariza beruvchi koʻrsatilgan sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda yuboriladi (topshiriladi).

37. Ariza beruvchi roʻyxatga olganlik toʻgʻrisida guvohnoma berishni rad etish sabablarini bartaraf etishga va takroran koʻrib chiqish uchun hujjatlarni taqdim etishga haqli boʻlgan muddat roʻyxatga olganlik toʻgʻrisida guvohnoma berishni rad etish toʻgʻrisidagi xabarnoma olingan kundan boshlab oʻn ish kunidan kam boʻlishi mumkin emas.

38. Ariza beruvchi tomonidan roʻyxatga olganlik toʻgʻrisida guvohnoma berishni rad etish sabablarini bartaraf etilishi natijasida kimyolashtirish va oʻsimliklarni himoya qilish vositalarining sifati, samaradorligi va xavfsizlik xossalarining oʻzgarishiga olib kelsa, u holda ariza yangidan berilgan hisoblanadi.

39. Hujjatlarni takroran koʻrib chiqishda ilgari ariza beruvchiga yozma ravishda bayon qilinmagan sabablarning keltirilishiga yoʻl qoʻyilmaydi, ilgari koʻrsatilgan sabablarning bartaraf etilganligini tasdiqlovchi hujjatlar bilan bogʻliq boʻlgan rad etish sabablarining keltirilishi bundan mustasno.

40. Roʻyxatga olganlik toʻgʻrisida guvohnoma berish rad etilgani toʻgʻrisidagi xabarnomada koʻrsatilgan muddat oʻtgandan keyin ariza beruvchi tomonidan berilgan ariza yangidan berilgan hisoblanadi va qayta koʻrib chiqiladi.

4-bob. Roʻyxatga olganlik toʻgʻrisida guvohnomani qayta rasmiylashtirish, dublikatlar berish

41. Ariza beruvchining tashkiloti qayta tashkil etilganda, uning nomi yoki joylashgan manzili oʻzgarganda, faoliyat koʻrsatish joyi (pochta manzili) oʻzgartirilmasdan ariza beruvchi yoxud uning huquqiy vorisi qayta roʻyxatdan oʻtkazilganda, kimyolashtirish va oʻsimliklarni himoya qilish vositalarini roʻyxatga olganlik toʻgʻrisida guvohnomani qayta rasmiylashtirish boʻyicha maʼlumotlarni tasdiqlovchi hujjatlar ilova qilingan holda ariza berilishi shart.Bunda ariza beruvchidan ushbu bandda nazarda tutilmagan hujjatlarning taqdim etilishini talab qilishga yoʻl qoʻyilmaydi.

42. Roʻyxatga olganlik toʻgʻrisida guvohnoma qayta rasmiylashtirilganda, roʻyxatga olganlik toʻgʻrisida guvohnomalar reyestriga tegishli oʻzgartirishlar kiritiladi.

43. Roʻyxatga olganlik toʻgʻrisida guvohnomani qayta rasmiylashtirish va uni arizachiga berish ariza olingan kundan boshlab oʻn ish kunidan koʻp boʻlmagan muddatda amalga oshiriladi.

44. Roʻyxatga olganlik toʻgʻrisida guvohnoma yoʻqolgan yoki yaroqsiz boʻlib qolgan hollarda ariza beruvchining arizasiga binoan uning dublikati beriladi va uni rasmiylashtirish ariza olingan kundan boshlab oʻn ish kunidan koʻp boʻlmagan muddatda amalga oshiriladi. Dublikat rasmiylashtirilganda toʻlovlar undirilmaydi.

45. Roʻyxatga olganlik toʻgʻrisida guvohnomaning dublikatini rasmiylashtirish va uni arizachiga berish ariza olingan kundan boshlab oʻn ish kunidan koʻp boʻlmagan muddatda amalga oshiriladi.

5-bob. Roʻyxatga olganlik toʻgʻrisida guvohnomaning amal qilishini toʻxtatib turish, toʻxtatish va uni bekor qilish

46. Roʻyxatga olganlik toʻgʻrisida guvohnomaning amal qilishini toʻxtatib turish, toʻxtatish va uni bekor qilish Oʻzbekiston Respublikasining “Tadbirkorlik faoliyati sohasidagi ruxsat berish tartib-taomillari toʻgʻrisida”gi Qonunning 22, 23 va 25-moddalarida nazarda tutilgan holatlarda va tartibda amalga oshiriladi.

47. Roʻyxatga olganlik toʻgʻrisida guvohnomaning amal qilinishini belgilangan tartibda toʻxtatish uchun asos boʻladigan, ruxsat berish talablari va shartlarining bir marotaba qoʻpol ravishda buzilishiga quyidagilar kiradi:

Agentlik tomonidan belgilangan tartibda oʻtkaziladigan ruxsat berish talablari va shartlariga rioya etilishi boʻyicha tekshiruvlardan bosh tortish;

harakatlarni va (yoki) muayyan faoliyatni amalga oshirish natijasida fuqarolar hayoti va sogʻligʻiga zarar yetkazilishi yoxud zarar yetkazishning real xavfini yuzaga keltirish.

48. Kimyolashtirish va oʻsimliklarni himoya qilish vositalarining roʻyxatga olinganligi quyidagi hollarda bekor qilinishi mumkin:

qoʻllanilayotgan vositalar tarkibida aralashmalar boʻlsa yoki ularning tarkibi roʻyxatga olingan tarkibdan farq qilsa;

roʻyxatga olingan kimyolashtirish va oʻsimliklarni himoya qilish vositalari qoʻllanilganda fuqarolar sogʻligʻiga, atrof muhitga yoki foydali entomofaglarga zarar yetkazilishi ehtimoli toʻgʻrisida yangi ilmiy jihatdan tasdiqlangan maʼlumotlar mavjud boʻlsa.

49. Roʻyxatga olingan kimyolashtirish va oʻsimliklarni himoya qilish vositalarining nomaqbul xossalari, biologik jihatdan samaradorligi past ekanligi aniqlangan taqdirda, Oʻzbekiston Respublikasi Qishloq xoʻjaligi vazirligi, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati hamda Ekologiya va atrof-muhitni muhofaza qilish davlat qoʻmitasining xulosasiga koʻra Agentlik tomonidan ularning roʻyxatga olinganligi bekor qilinadi.

6-bob. Roʻyxatga olganlik toʻgʻrisida guvohnomalar reyestrini yuritish

50. Agentlik roʻyxatga olganlik toʻgʻrisidagi guvohnomalarning reyestrini yuritadi.

51. Roʻyxatga olganlik toʻgʻrisidagi guvohnomalarning reyestrida quyidagi maʼlumotlar koʻrsatib oʻtiladi:

ariza beruvchining nomi, uning tashkiliy-huquqiy shakli, manzili, telefoni;

roʻyxatga olganlik toʻgʻrisida guvohnomaning berilgan sanasi va tartib raqami;

roʻyxatga olganlik toʻgʻrisida guvohnomaning amal qilish muddati;

roʻyxatga olganlik toʻgʻrisida guvohnomaning qayta rasmiylashtirish, toʻxtatib turish, uni bekor qilish va uning dublikati berishning asosi va sanasi.

7-bob. Yakunlovchi qoida

52. Mazkur Nizom talablarini buzganlikda aybdor shaxslar qonunchilik hujjatlarida belgilangan tartibda javobgar boʻladi.

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga1-ILOVA

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish

TARTIBI

Bosqichlar Subyektlar Tadbirlar Bajarish muddatlari 1-bosqich Ariza beruvchi Kimyolashtirish va oʻsimliklarni himoya qilish vositalarini roʻyxatga olish guvohnomasi olish uchun ariza va tegishli hujjatlarni Oʻsimliklar karantini va himoyasi agentligiga taqdim etadi Yil davomida 2-bosqich Oʻsimliklar karantini va himoyasi agentligi Roʻyxatga olish sinovlarini oʻtkazish rejasi loyihasini ishlab chiqadi, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi xizmati hamda Ekologiya va atrof-muhitni muhofaza qilish davlat qoʻmitasi bilan kelishadi va tasdiqlanishini taʼminlaydi Yil davomida Sanitariya-epidemiologik osoyishtalik va jamoat salomatligi xizmati Ariza beruvchilarning murojaatiga koʻra toksikologik-gigiyenik sinovlar rejasini shakllantiradi Ekologiya va atrof-muhitni muhofaza qilish davlat qoʻmitasi Ariza beruvchilarning murojaatiga koʻra ekologik-toksikologik sinovlar rejasini shakllantiradi 3-bosqich Ariza beruvchi Sinovlar oʻtkazish uchun preparatlar namunasi, etalon va standartlarni hamda texnik hujjatlarni taqdim etadi Sinovlar boshlanishdan 1 oy oldin 4-bosqich Ilmiy-tadqiqot institutlari Kimyolashtirish va oʻsimliklarni himoya qilish vositalarining biologik samaradorligini aniqlash sinovlarini oʻtkazadi Oʻsimlikning bitta vegetatsiya davrida 5-bosqich Sanitariya-epidemiologik osoyishtalik va jamoat salomatligi xizmati hamda Ekologiya va atrof-muhitni muhofaza qilish davlat qoʻmitasi Kimyolashtirish va oʻsimliklarni himoya qilish vositalarini toksikologik-gigiyenik va ekologik jihatdan baholash sinovlarini oʻtkazadi 6 oygacha boʻlgan muddatda 6-bosqich Oʻsimliklar karantini va himoyasi agentligi Sinovlar yakuniga oid ilmiy hisobotlar, xulosalarni umumlashtirib, Agentlik majlisi uchun hujjatlarni tayyorlaydi Sinovlar natijalari asosida 30 kun muddatda 7-bosqich Oʻsimliklar karantini va himoyasi agentligi Sinovlar yakuniga oid umumlashgan xulosalarni koʻrib chiqish, muhokama etish, roʻyxatga olish yoki rad etish toʻgʻrisida qaror qabul qiladi 10 kun muddatda 8-bosqich Oʻsimliklar karantini va himoyasi agentligi Guvohnomalarni rasmiylashtiradi va ariza beruvchiga beradi (yoki yuboradi) toʻlovlar toʻliq amalga oshirilgandan soʻng, 10 kun muddatda

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga2-ILOVA

Kimyolashtirish va oʻsimliklarni himoya qilish vositasini Oʻzbekiston Respublikasida roʻyxatga olish uchun

ARIZA*

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga3-ILOVA

Taqdim qilinayotgan oʻsimliklarni himoya qilish vositalarining fizikaviy-kimyoviy xususiyatlari toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga3a-ILOVA

Taqdim qilinayotgan kimyolashtirish va barcha turdagi mineral oʻgʻitlarning fizikaviy-kimyoviy xususiyatlari toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga4-ILOVA

Taqdim qilinayotgan kimyolashtirish va oʻsimliklarni himoya qilish vositalarining toksikologik-gigiyenik taʼrifi toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga5-ILOVA

Taqdim qilinayotgan kimyolashtirish va oʻsimliklarni himoya qilish vositalarining, mikrobiologik preparatlarning faol ingrediyent va preparativ shaklining (bakterial, zamburugʻli, virusli, mikrosporodial preparatlar, mikroorganizmlarning hayot faoliyati mahsuli asosida) tarkibi va xususiyatlari toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga6-ILOVA

Taqdim qilinayotgan kimyolashtirish va oʻsimliklarni himoya qilish vositalarining, mikroorganizmni toksikologik baholash (bakteriyalar, zamburugʻlar) toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga7-ILOVA

Taqdim qilinayotgan kimyolashtirish va oʻsimliklarni himoya qilish vositalarining preparatning ekologik-toksikologik tavsifi toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga8-ILOVA

Kimyolashtirish va oʻsimliklarni himoya qilish vositalarini ishlatish tartibi toʻgʻrisida

MAʼLUMOT

T/r Oʻram-quti yorligʻi toʻgʻrisida maʼlumot 1. Preparatning xos (savdo) nomi 2. Ishlab chiqaruvchi (manzili, telefon, faks) 3. Taʼsir etuvchi modda (ISO boʻyicha), mikrobiologik preparatlar uchun — mikroorganizm, shtamm yoki izolyatning tur nomi 4. Konsentratsiya, g/l yoki g/kg nisbatda (mikrobiopreparatlar uchun — tirik hu�ayralar yoki ularning hayotiy faoliyati mahsuli) 5. Preparativ shakli 6. Qoʻllanadigan maqsad va sohasi (sunʼiy urchitilgan mikroorganizm, zararli organizm yoki kasallik, sarf meʼyori) 7. Cheklovlar 8. Toksiklik (xavflilik sinfi, shu jumladan asalarilar uchun) 9. Ogʻirligi, kg (qattiq preparatlar uchun), hajm, l (suyuqliklar uchun) 10. Chiqarilgan partiya raqami va ishlab chiqarilgan sana 11. Saqlashning kafolat muddati 12. Oʻsimliklar karantini va himoyasi agentligi tomonidan berilgan guvohnoma roʻyxat raqami va roʻyxatga olingan sana

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga9-ILOVA

Kimyolashtirish va oʻsimliklarni himoya qilish vositalarini ishlatish tartibi toʻgʻrisida

MAʼLUMOT

Kimyolashtirish va oʻsimliklarni himoya qilish vositalarini sinovdan oʻtkazish va roʻyxatga olish tartibi toʻgʻrisidagi nizomga10-ILOVA

(10-ilovaning matni Oʻzbekiston Respublikasi Vazirlar Mahkamasining 2021-yil 15-dekabrdagi 752-sonli qarori tahririda — Qonunchilik maʼlumotlari milliy bazasi, 16.12.2021-y., 09/21/752/1166-son)