“17-modda. Arxivlarning turlari va toifalari

Arxivlar davlat va nodavlat arxivlari turlarida tashkil etilishi mumkin.

Davlat arxivlari quyidagi toifalarga boʻlinadi:

milliy arxivlar;

markaziy davlat arxivlari;

viloyat va tuman (shahar) davlat arxivlari;

tarmoq davlat arxivlari”;

4) 20-modda:

ikkinchi qismidagi “Davlat arxivlari” degan soʻzlar “Milliy arxivlar, markaziy, viloyat, tuman (shahar) davlat arxivlari” degan soʻzlar bilan almashtirilsin;

quyidagi mazmundagi uchinchi va toʻrtinchi qismlar bilan toʻldirilsin:

“Tarmoq davlat arxivlari tegishli vazirlikning, davlat qoʻmitasining yoki idoraning faoliyati natijasida yaratilgan arxiv hujjatlari bilan jamlanadi.

Nodavlat arxivlar qonunchilikda belgilangan tartibda jamlanadi”;

uchinchi — yettinchi qismlari tegishincha beshinchi — toʻqqizinchi qismlar deb hisoblansin;

5) 24-moddaning ikkinchi qismi “davlat arxivlariga” degan soʻzlardan keyin “elektron koʻchirma nusxalari bilan birga, alohida qimmatga ega boʻlgan va noyob hujjatlar uchun esa sugʻurta nusxalari bilan birga” degan soʻzlar bilan toʻldirilsin;

6) 25-modda:

quyidagi mazmundagi uchinchi qism bilan toʻldirilsin:

“Davlat arxivlarining binolari mazkur arxivlarni arxiv hujjatlarini saqlashni va ulardan foydalanishni tashkil etish talablariga javob beradigan binolar bilan taʼminlamasdan turib boshqa shaxsga oʻtkazilmasligi lozim”;

uchinchi — oltinchi qismlari tegishincha toʻrtinchi — yettinchi qismlar deb hisoblansin.

14-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksiga (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda, № 12, 772-modda; 2018-yil, № 1, 1-modda, № 7, 431, 433-moddalar, № 12, 783-modda; 2019-yil, № 1, 1-modda, № 5, 265-modda, № 8, 470-modda, № 9, 588-modda, № 11, 791-modda, № 12, 884, 891-moddalar; 2020-yil, № 3, 203-modda, № 11, 652-modda) quyidagi oʻzgartishlar kiritilsin:

1) 63-modda birinchi qismining ikkinchi xatboshisi quyidagi tahrirda bayon etilsin: