Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida (408-son)

21.11.1996

Oʻzbekiston Respublikasi Vazirlar Mahkamasining

qarori

Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibini yanada soddalashtirish maqsadida Vazirlar Mahkamasi qaror qiladi:

1. Quyidagilar:

Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibi 1-ilovaga muvofiq;

Chet el fuqarolari va fuqaroligi boʻlmagan shaxslarning Oʻzbekiston Respublikasi hududi orqali tranzit oʻtishlari qoidalari 3-ilovaga muvofiq;

Oʻzbekiston Respublikasining kirish, chiqish va tranzit vizalari (elektron boʻlmagan) toifalarining roʻyxati 4-ilovaga muvofiq;

Fuqarolari uchun Oʻzbekiston Respublikasida vizasiz rejim joriy qilingan mamlakatlar roʻyxati 5-ilovaga muvofiq;

Fuqarolari uchun ishbilarmonlik vizalarini rasmiylashtirishning soddalashtirilgan tartibi joriy qilinadigan mamlakatlar roʻyxati 6-ilovaga muvofiq tasdiqlansin.

2. Oʻzbekiston Respublikasi Moliya vazirligi boshqa manfaatdor vazirliklar va idoralar bilan birgalikda Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qaroriga xalqaro amaliyotni hisobga olgan holda oʻzgartirishlar va qoʻshimchalar kiritish yuzasidan bir oy muddatda takliflar ishlab chiqsin va ularni belgilangan tartibda taqdim etsin.

3. Oʻzbekiston Respublikasi Tashqi ishlar vazirligi, Ichki ishlar vazirligi va boshqa vazirliklar va idoralar oʻzlarining idoraviy hujjatlarini mazkur qarorga muvofiqlashtirsinlar.

4. Vazirlar Mahkamasining 1992-yil 7-sentabrdagi 415–31-son qarori bilan tasdiqlangan xorijiy fuqarolarning Oʻzbekiston Respublikasida boʻlishlarining Vaqtinchalik qoidalari oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi B.H. Gʻulomov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 21-noyabr,

408-son

Vazirlar Mahkamasining 1996-yil 21-noyabrdagi 408-son qaroriga 1-ILOVA

Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari

TARTIBI

I. UMUMIY QOIDALAR

1. Oʻzbekiston Respublikasi qonunchiligiga muvofiq chet el fuqarolari va fuqaroligi boʻlmagan shaxslar (keyingi oʻrinlarda — chet el fuqarolari) shaxsiy hamda xizmat ishlari boʻyicha, turist sifatida, dam olish, oʻqish, ishlash, davolanish va doimiy yashash uchun Oʻzbekiston Respublikasiga kelishlari va undan ketishlari mumkin.

2. Chet el fuqarolariga Oʻzbekiston Respublikasiga kirish vizalari, shu jumladan tranzit kirish vizalari:

a) Oʻzbekiston Respublikasining chet eldagi konsullik muassasalari tomonidan, bunday konsullik muassasalari mavjud boʻlmagan taqdirda esa — Oʻzbekiston Respublikasi Tashqi ishlar vazirligining ikki tomonlama bitimi mavjud boʻlgan boshqa davlatlarning konsullik muassasalari tomonidan beriladi.

Bosh konsulliklar, konsulliklar, vitse-konsulliklar, konsullik agentliklari va elchixonalarning konsullik boʻlimlari Oʻzbekiston Respublikasining chet ellardagi konsullik muassasalari hisoblanadi;

b) xalqaro aeroport maqomiga ega boʻlgan Oʻzbekiston aeroportlaridagi Oʻzbekiston Respublikasi Tashqi ishlar vazirligining boʻlinmalari tomonidan beriladi.

Aeroportlarda Tashqi ishlar vazirligining konsullik muassasalari va boʻlinmalari tomonidan Oʻzbekiston Respublikasiga kirish vizalari chet el fuqarolarining barcha toifalariga beriladi.

Kirish vizalari, qoidaga koʻra, bir yildan ortiq boʻlmagan muddatga beriladi. Qonunchilikda nazarda tutilgan hollarda maʼlum toifadagi chet el fuqarolari va fuqaroligi boʻlmagan shaxslarga kirish vizalari uch yildan ortiq boʻlmagan muddatga beriladi.

Investitsiya kiritish vaqtida Oʻzbekiston Respublikasida belgilangan bazaviy hisoblash miqdorining 8 500 baravaridan kam boʻlmagan miqdorda xoʻjalik jamiyatlarining aksiyalari va ulushlarini sotib olish, shuningdek, xorijiy investitsiyalar ishtirokida korxona tashkil etish shaklida Oʻzbekiston Respublikasiga investitsiya kiritgan chet el fuqarolariga koʻp martalik uch yillik investitsiya vizasi (investitsiya vizasi) beriladi va uning amal qilish muddati Oʻzbekiston Respublikasi hududidan chiqish zaruratisiz cheklanmagan miqdorda uzaytiriladi.

Axborot texnologiyalari sohasidagi xorijiy investorlar va mutaxassislarga, shuningdek, Dasturiy mahsulotlar va axborot texnologiyalari texnologik parki (keyingi oʻrinlarda — IT-park) rezidentlarining taʼsischilari (ishtirokchilari)ga, ularning yakkaboshchilik asosidagi ijro etuvchi organi vazifasini amalga oshiruvchi jismoniy shaxs yoki kollegial ijro etuvchi organining raisi hamda ularning oʻrinbosarlariga, Raqamli startaplar dasturi ishtirokchisi boʻlgan startap loyihalar taʼsischilari (ishtirokchilari)ga va mutaxassislariga, oliy taʼlim tashkilotlarining axborot texnologiyalari sohasida fan nomzodi, falsafa doktori (PhD) yoki fan doktori (DSc) ilmiy darajasiga ega boʻlgan xorijlik professor-oʻqituvchilariga Oʻzbekiston Respublikasi hududidan chiqmasdan uning muddatini uzaytirish imkoniyati bilan beriladigan, amal qilish muddati uch yilgacha boʻlgan koʻp martalik “IT-visa” (keyingi oʻrinlarda — “IT-visa”) beriladi;

Bunda, investitsiya vizasi va “IT-visa” egalarining oila aʼzolari (turmush oʻrtogʻi, ota-onasi va farzandlari)ga ularning vizalari amal qilish muddatiga mos ravishda mehmon vizasi respublikadan chiqmasdan turib uzaytirish huquqi bilan rasmiylashtiriladi.

Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalarida yoki xalqaro maqomga ega boʻlgan Oʻzbekiston Respublikasi aeroportlaridagi boʻlinmalarida vizalarni rasmiylashtirish uchun taklif etuvchi tashkilotning arizasiga koʻra beriladigan Oʻzbekiston Respublikasi Tashqi ishlar vazirligining ruxsatnomasi asos boʻladi.

“Faxriy fuqaro” maqomi berilgan chel el fuqarolari, shuningdek, ularning oila aʼzolari (er (xotini) va voyaga yetmagan bolalar) davlat boji toʻlamasdan uch yil muddatgacha koʻp marta foydalaniladigan vizalarni olish huquqiga ega.

3. Oʻzbekiston Respublikasi Tashqi ishlar vazirligi va uning Oʻzbekiston Respublikasi hududidagi boʻlinmalari vizalarning amal qilish muddatini uzaytirishni chet el fuqarolarining quyidagi toifalari uchun amalga oshiradi:

a) Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalari, Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallari xodimlariga (va ularning qaramogʻida boʻlgan ularning oila aʼzolariga), shuningdek Tashqi ishlar vazirligida akkreditatsiya qilingan matbuot vakillariga va ularning qaramogʻida boʻlgan ularning oila aʼzolariga;

b) rasmiy va parlament delegatsiyalari aʼzolariga;

v) diplomatik maqomga ega boʻlgan boshqa shaxslarga;

g) ushbu bandning “a” kichik bandida koʻrsatilgan chet el fuqarolarining taklifi boʻyicha kelganlarga, biroq koʻpi bilan 2-marta kelganlarga.

Vizaning uzaytirilishi respublika hududida rasmiy boʻlishga ruxsatnomaning uzaytirilishini anglatadi. Amaliy jihatdan vizani uzaytirish amal qilish muddati yangilangan yangi viza berish yoʻli bilan amalga oshiriladi, xorijiy fuqaro akkreditatsiya qilingan taqdirda esa vizaning turi ham oʻzgartiriladi.

4. Koʻp marta foydalaniladigan vizalar ushbu Tartibning 3-bandi “a” kichik bandida koʻrsatilgan chet el fuqarolariga ular akkreditatsiya qilingan muddatga, ushbu Tartibning 3-bandi “b”, “v” va “g” kichik bandlarida koʻrsatilgan fuqarolarga bir yilgacha muddatga beriladi.

5. Oʻzbekiston Respublikasi Ichki ishlar vazirligi huzuridagi Migratsiya va personallashtirish departamenti hamda Qoraqalpogʻiston Respublikasi Ichki ishlar vazirligining, Toshkent shahar va Toshkent viloyati ichki ishlar bosh boshqarmalarining, viloyatlar ichki ishlar boshqarmalarining migratsiya va personallashtirish boshqarmalari (keyingi oʻrinlarda — vakolatli organ) Oʻzbekiston Respublikasidan ketish (ketish, ketish-kelish) vizalarini berish va ularning amalda boʻlish muddatini uzaytirishni ushbu Tartibning 3-bandida koʻrsatilmagan chet el fuqarolari uchun amalga oshiradilar.

6. Koʻp marta foydalaniladigan vizalar uch yilgacha muddatga vakolatli organ tomonidan chet el fuqarolarining quyidagi toifalariga va ularning oila aʼzolariga beriladi:

a) vakolatxona xodimining akkreditatsiya qilinganini tasdiqlovchi hujjatlari boʻlgan taqdirda, Oʻzbekiston Respublikasi Investitsiyalar, sanoat va savdo vazirligi akkreditatsiya qilingan firmalar va kompaniyalar doimiy vakolatxonalari xodimlariga beriladi. Viza xorijiy firma yoki kompaniyaning doimiy vakolatxonasi iltimosnomasi asosida beriladi;

b) chet el fuqarosining xorijiy bank yoki boshqa moliya tashkiloti shtatiga kiritilganini tasdiqlovchi hujjatlari boʻlgan taqdirda, qonunchilikda belgilangan tartibda Oʻzbekiston Respublikasida roʻyxatga olingan xorijiy bank yoki boshqa moliya tashkiloti xodimlariga beriladi. Viza xorijiy bank yoki boshqa moliya tashkilotining iltimosnomasi asosida beriladi;

v) Oʻzbekiston Respublikasida roʻyxatdan oʻtkazilgan yoki akkreditatsiya qilingan qoʻshma korxonalar va 100 foiz xorijiy investitsiya ishtirokidagi korxonalar xodimlariga ular Oʻzbekiston Respublikasi Kambagʻallikni qisqartirish va bandlik vazirligi tomonidan berilgan Oʻzbekiston Respublikasi hududida mehnat faoliyati huquqiga doir tasdiqnomani olganlaridan soʻng, agar ikki tomonlama va koʻp tomonlama hukumatlararo Bitimlar bilan boshqacha tartib nazarda tutilmagan boʻlsa, beriladi. Viza korxona iltimosnomasi asosida beriladi;

g) investitsiya loyihalarini amalga oshirishda qatnashayotgan xorijiy kompaniyalarning mansabdor shaxslari va mutaxassislariga vizalar Oʻzbekiston Respublikasi vazirliklari, idoralari va xoʻjalik birlashmalari rahbarlarining iltimosnomalari asosida beriladi.

d) xorijiy investitsiyali korxonalarning muassislari (ishtirokchilari) va ularning oila aʼzolari uchun.

61. Ichki ishlar vazirligi tomonidan “Faxriy fuqaro” maqomi berilgan chel el fuqarolari va fuqaroligi boʻlmagan shaxslarga, shuningdek, ularning oila aʼzolari (er (xotini) va voyaga yetmagan bolalar)ga davlat boji toʻlanmasdan uch yil muddatgacha koʻp martalik kirish-chiqish vizalari beriladi va Oʻzbekiston Respublikasi hududidan chiqmasdan ularning muddati uzaytiriladi.

62. “IT-visa” va investitsiya vizasi elektron boʻlmagan shaklda berilgan ishbilarmonlik kirish vizasi, mehmon vizasi va vatandoshlar uchun kirish vizasi boʻyicha Oʻzbekiston Respublikasiga kelgan chet el fuqarolariga vakolatli organ tomonidan beriladi va uzaytiriladi.

Chet el fuqarosi Oʻzbekiston Respublikasiga “IT-visa” va investitsiya vizasi bilan kelgan taqdirda, uning muddati vakolatli organ tomonidan uzaytiriladi.

Chet el fuqarosi “IT-visa” va investitsiya vizasini olish uchun vakolatli organga belgilangan shakldagi talabnoma bilan quyidagi hujjatlarni ilova qilgan holda murojaat qiladi:

a) “IT-visa”ni olish uchun — IT-park direksiyasining tavsiyasi. Mazkur tavsiyada “IT-visa”ning amal qilish muddati koʻrsatiladi;

b) investitsiya vizasini olish uchun — xorijiy investitsiyalar ishtirokidagi korxonasidan iltimosnomani, shuningdek, kiritilgan investitsiyalar toʻgʻrisidagi tegishli maʼlumotnomalardan biri va milliy pasportini koʻrsatgan holda.

Maʼlumotnoma:

“Qimmatli qogʻozlar markaziy depozitariysi” davlat korxonasi tomonidan — xoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi yoki uning hududiy boshqarmalari tomonidan — xoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida xorijiy investitsiyalar ishtirokida korxonalar tashkil etilganligi toʻgʻrisida beriladi.

“IT-visa” va investitsiya vizasini olgan xorijiy fuqaro rasmiylashtirilgan vizani “IT-visa” yoki investitsiya vizasi amal qilishining qolgan muddati uchun fuqaroligi boʻlmagan shaxsning yangi (almashtirishda) milliy pasportiga yoki harakatlanish hujjatiga yopishtirish uchun vaqtincha yashash joyi boʻyicha vakolatli organga murojaat qilishga haqlidir.

“IT-visa”ni olish va uning amal qilish muddatini uzaytirish boʻyicha hujjatlarni koʻrib chiqish va chet el fuqaroga rasmiylashtirish muddati 3 sutkadan oshmasligi kerak.

Oʻzbekiston Respublikasi vizasiz rejim joriy qilingan mamlakatlarning axborot texnologiyalari sohasidagi xorijiy investorlari va mutaxassislariga, shuningdek, IT-park rezidentlarining taʼsischilari (ishtirokchilari)ga, ularning yakkaboshchilik asosidagi ijro etuvchi organi vazifasini amalga oshiruvchi jismoniy shaxs yoki kollegial ijro etuvchi organining raisi hamda ularning oʻrinbosarlariga, Raqamli startaplar dasturi ishtirokchisi boʻlgan startap loyihalar taʼsischilari (ishtirokchilari)ga va mutaxassislariga, oliy taʼlim tashkilotlarining axborot texnologiyalari sohasida fan nomzodi, falsafa doktori (PhD) yoki fan doktori (DSc) ilmiy darajasiga ega boʻlgan xorijlik professor-oʻqituvchilariga Oʻzbekiston Respublikasi hududidan chiqmasdan uning muddatini uzaytirish imkoniyati bilan beriladigan, amal qilish muddati uch yilgacha boʻlgan koʻp martalik “IT-visa” oʻrniga IT-park direksiyasi tomonidan tavsiyanoma beriladi. Bunday tavsiyanoma “IT-visa”ra tenglashtiriladi.

63. Investitsiya vizasi berilganidan keyin Oʻzbekiston Respublikasi Tashqi ishlar vazirligi va Ichki ishlar vazirligi hisobni va tegishli reyestrni yuritish uchun Oʻzbekiston Respublikasi Adliya vazirligiga va “Qimmatli qogʻozlar markaziy depozitariysi” davlat korxonasiga har oyda tegishli maʼlumotlarni yuboradi.

Ishtirokchilar ulushlari oʻzgarganligi bilan bogʻliq ustav hujjatlarini qayta roʻyxatdan oʻtkazishda Oʻzbekiston Respublikasi Adliya vazirligi va “Qimmatli qogʻozlar markaziy depozitariysi” davlat korxonasi keyinchalik investitsiya vizasining amal qilish muddatini qisqartirish yoki bekor qilish masalasini koʻrib chiqish uchun uch kun muddatda Oʻzbekiston Respublikasi Ichki ishlar vazirligiga maʼlumot yuboradi.

“IT-visa” berilganidan keyin Oʻzbekiston Respublikasi Tashqi ishlar vazirligi va Ichki ishlar vazirligi hisobni hamda tegishli reyestrni yuritish uchun IT-park direksiyasiga har oyda tegishli maʼlumotlarni yuboradi.

“IT-visa”ning amal qilish muddatini qisqartirish yoki bekor qilish IT-park direksiyasining xabarnomasiga binoan amalga oshiriladi. Bunda, IT-park direksiyasi uch kun muddatda Oʻzbekiston Respublikasi Ichki ishlar vazirligiga maʼlumot yuboradi.

64. Oʻzbekiston Respublikasiga maʼlum muddatga vizasiz, elektron va turistik viza bilan kelib, shu muddat ichida baxtsiz hodisa (jarohat olganligi yoki boshqa ogʻir kasallik) sababli davolash muassasalariga joylashtirilgan va belgilangan muddatda respublika hududidan chiqib ketish imkoni boʻlmagan chet el fuqarolariga vakolatli organ tomonidan har bir holat boʻyicha tegishli davolash muassasasi chet el fuqarosining davolanish muddati koʻrsatilgan holda bergan xulosasiga asosan maʼmuriy choralar qoʻllanilmasdan, “chiqish” (EXIT) vizasi rasmiylashtirib beriladi.

Chet el fuqarosi yoki uning qonuniy vakili davolanish muddati tugagach, uch ish kunida “chiqish” (EXIT) vizasini rasmiylashtirish uchun vakolatli organga belgilangan tartibda ariza va boshqa tegishli hujjatlarni taqdim etadi.

65. Oʻzbekiston Respublikasi Ichki ishlar vazirligi tomonidan “Vatandosh” kartasi amal qilish davrida “Vatandosh” kartasi egalarining oila aʼzolari (ota-onasi, eri (xotini) va voyaga yetmagan farzandlari)ga amaldagi viza muddatini uzaytirishda koʻp martalik vizalari Oʻzbekiston Respublikasi hududidan chiqish zaruratisiz cheklanmagan miqdorda uzaytirilib beriladi.

7. Oʻzbekiston Respublikasiga kelish uchun berilgan viza, tranzit vizadan tashqari, Oʻzbekiston Respublikasining barcha hududida haqiqiy hisoblanadi, chet el fuqarolarining borishlari uchun yopiq boʻlgan joylar, obyektlar bundan mustasnodir.

8. Oʻzbekiston Respublikasiga kirish va chiqish vizalarini berish yoki amal qilish muddatini uzaytirish uchun chet el fuqarolaridan:

a) Oʻzbekiston Respublikasi konsullik muassasalari tomonidan Oʻzbekiston Respublikasi Prezidenti tomonidan belgilangan tartibda va miqdorda konsullik yigʻimlari, shuningdek, konsullik ishlarini bajarish bilan bogʻliq boʻlgan haqiqiy xarajatlarni qoplash hisobiga Oʻzbekiston Respublikasi Tashqi ishlar vazirligi va konsullik muassasalari boshliqlari yoki Oʻzbekiston Respublikasi diplomatik vakolatxonalari boshliqlari tomonidan belgilanadigan tartibda va miqdorda yigʻimlar undiriladi;

b) Vakolatli organ tomonidan “Davlat boji toʻgʻrisida”gi Oʻzbekiston Respublikasi Qonuni bilan belgilangan tartibda va miqdorda davlat boji undiriladi.

9. Chet el fuqarolarining Oʻzbekiston Respublikasiga kelishlari va ketishlari tartibi, ularga vizalar berish hamda ularning amal qilish muddatlari Oʻzbekiston Respublikasining boshqa davlatlar bilan koʻp tomonlama va ikki tomonlama bitimlari bilan, tenglik asosida, shuningdek Oʻzbekiston Respublikasi Vazirlar Mahkamasining alohida qarorlari bilan oʻzgartirilishi mumkin.

91. Oʻzbekiston Respublikasi Tashqi ishlar vazirligi Xorijiy tashuvchilarning davlatlarida boʻlish uchun Oʻzbekiston Respublikasining tashuvchilariga beriladigan muddatlarga mos ravishda Oʻzbekiston Respublikasi hududida xorijiy tashuvchilarning boʻlish muddatlariga hamda respublika hududida uzoq muddat boʻlish uchun ruxsatnoma faqat asoslangan sabablar mavjudligida taqdim etilishiga nisbatan choralarni koʻrish huquqiga ega.

II. OʻZBEKISTON RESPUBLIKASIGA KELISH VIZALARINI RASMIYLASHTIRISH TARTIBI

10. Yuridik shaxslar yoki Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalari, chet el fuqarolarining, shuningdek Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallari taklifi boʻyicha Oʻzbekiston Respublikasiga kelmoqchi boʻlgan chet el fuqarolari vizalar olish uchun Oʻzbekiston Respublikasining chet eldagi konsullik muassasalariga, bunday muassasalar boʻlmagan taqdirda — Oʻzbekiston Respublikasi uchun konsullik funksiyalarini bajarish yuzasidan kelishib olingan boshqa davlatlar konsullik muassasalariga toʻldirilgan belgilangan shakldagi viza anketasiga taklifnoma va milliy pasportni yoki uning oʻrnini bosadigan hujjatni (keyingi oʻrinlarda matnda “milliy pasport” deb yuritiladi) ilova qilgan holda murojaat qiladilar.

Oʻzbekiston Respublikasi Adliya vazirligida roʻyxatdan oʻtkazilgan chet el fuqarolari — xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallari xodimlari hamda ularning oila aʼzolari Oʻzbekiston Respublikasi Adliya vazirligining akkreditatsiya kartochkasi asosida viza olish va uning amal qilish muddatini uzaytirish uchun murojaat qiladilar.

Yuridik shaxslar yoki Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalari, shuningdek Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallari chet el fuqarolariga taklifnomalarni faqat Oʻzbekiston Respublikasi Tashqi ishlar vazirligiga viza berilishida yordam koʻrsatish toʻgʻrisida iltimosnoma berganlaridan keyingina yuboradilar.

Oʻzbekiston Respublikasi Tashqi ishlar vazirligi Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalari, chet el fuqarolarining, shuningdek Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallarining yozma murojaatlarini koʻrib chiqadi va chet eldagi konsullik muassasalariga tegishli koʻrsatmalar yuboradi.

Yuridik shaxslarning taklifnomalariga binoan Oʻzbekiston Respublikasiga kontrakt va shartnomalar boʻyicha uch oydan ortiq muddatga ishga kelayotgan chet el fuqarolariga IT-park rezidentining xorijiy mutaxassislari bundan mustasno, vizalar berish belgilangan tartibga muvofiq Tashqi mehnat migratsiyasi agentligi tomonidan xorijiy fuqaroga berilgan mehnat faoliyatiga boʻlgan huquqni tasdiqlovchi hujjatlar asosida amalga oshiriladi.

Oʻzbekiston Respublikasi Tashqi ishlar vazirligida akkreditatsiya qilingan chet el fuqarolari — xalqaro hukumatlararo tashkilotlar va xorijiy davlatlarning hukumat tashkilotlari xodimlari va ularning oila aʼzolari, shuningdek Oʻzbekiston Respublikasi Tashqi ishlar vazirligida akkreditatsiya qilingan matbuot vakillari va ularning oila aʼzolari Oʻzbekiston Respublikasi Tashqi ishlar vazirligining akkreditatsiya kartochkasi asosida vizalarning amal qilish muddatini uzaytirish uchun murojaat qiladilar.

Mazkur Tartibning 3-bandida koʻrsatilgan shaxslarga ham xalqaro maqomga ega boʻlgan Oʻzbekiston Respublikasi aeroportlarida vizalar uzaytiriladi. Bunda ushbu konsullik harakati chet el fuqarosi faqat keyingi reysga joʻnab ketish uchun berilgan aviachiptaga ega boʻlgan taqdirdagina ruxsat etiladi. Agar keyingi reysda joy boʻlmasa, tasdiqlovchi hujjatlar (aviachipta yoki joʻnash sanasi koʻrsatilgan aviakompaniyaning xati) taqdim etilganda uzaytirilishiga ruxsat beriladi.

Viza berish hujjatlarini koʻrib chiqish va chet el fuqarosiga kelish vizasini rasmiylashtirish muddati 10 sutkadan, xorijiy investitsiyalar ishtirokidagi korxonalarning chet el fuqarosini taklif qilgan arizasi 2 ish kunidan, “IT-visa” berilganda esa 3 sutkadan oshmasligi kerak.

101. Oʻzbekiston Respublikasi Tashqi ishlar vazirligi Oʻzbekiston Respublikasi yuridik shaxslarining yoki xorijiy davlatlarning Oʻzbekiston Respublikasida akkreditatsiyadan oʻtgan diplomatik, savdo vakolatxonalari, xalqaro tashkilotlarning yozma soʻroviga koʻra, Oʻzbekiston Respublikasining konsullik muassasalarida yoki Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalarida yoki xalqaro maqomga ega boʻlgan Oʻzbekiston Respublikasi aeroportlaridagi boʻlinmalarida chet el fuqarolariga kirish vizalarini berish uchun viza taʼminoti boʻyicha yordam koʻrsatadi.

102. Oʻzbekiston Respublikasi Tashqi ishlar vazirligi arizani koʻrib chiqish uchun belgilangan muddat tugagandan soʻng Oʻzbekiston Respublikasining konsullik muassasalariga yoki Oʻzbekiston Respublikasi Tashqi ishlar vazirligining Qoraqalpogʻiston Respublikasi va viloyatlardagi boʻlinmalariga yoxud xalqaro maqomga ega boʻlgan Oʻzbekiston Respublikasi aeroportlaridagi boʻlinmalariga tegishli koʻrsatmalar yuboradi, ular asosida chet el fuqarolariga Oʻzbekiston Respublikasiga kirish uchun viza beriladi.

Viza taʼminoti boʻyicha yordam koʻrsatish muddati — 3 oy.

11. Oʻzbekiston Respublikasiga fuqarolar taklifnomasi boʻyicha yoki doimiy yashash uchun kelmoqchi boʻlgan chet el fuqarolari vizalar olish uchun Oʻzbekiston Respublikasining chet eldagi konsullik muassasalariga, bunday muassasalar boʻlmagan taqdirda — Oʻzbekiston Respublikasi uchun konsullik funksiyalarini bajarish yuzasidan kelishib olingan boshqa davlatlarning konsullik muassasalariga toʻldirilgan belgilangan shakldagi viza anketasiga taklifnomani va milliy pasportni ilova qilgan holda murojaat qiladilar.

Chet eldan chet el fuqarolarini taklif qilmoqchi boʻlgan Oʻzbekiston Respublikasi fuqarolari, Oʻzbekiston Respublikasida vaqtincha (3 oydan ortiq) yashab turgan va doimiy yashayotgan chet el fuqarolari yashash joyidagi ichki ishlar organlariga ikki nusxada toʻldirilgan belgilangan shakldagi anketa-ariza bilan murojaat qiladilar.

Fuqarolarning taklifnomasi boʻyicha xorijiy fuqaroga Oʻzbekiston Respublikasiga kelishga viza berish uchun ruxsatnomani rasmiylashtirish muddati 15 sutkadan oshmasligi kerak. Oʻzbekiston Respublikasiga doimiy yashash uchun kelayotgan chet el fuqarolari uchun hujjatlarni koʻrib chiqish muddati ayrim hollarda 30 sutkagacha uzaytirilishi mumkin.

111. Chet el fuqarolari Oʻzbekiston Respublikasi hududiga kirish yoki uning hududi orqali tranzit oʻtishga viza olish uchun Oʻzbekiston Respublikasining chet eldagi diplomatik vakolatxonasi yoki konsullik muassasasiga Oʻzbekistonga kelishi kutilayotgan sanadan kamida 7 kun oldin murojaat qilishlari lozim.

12. Chet el fuqarolari turist sifatida kelish vizalarini olish uchun Oʻzbekiston Respublikasining chet eldagi konsullik muassasasiga, bunday muassasalar boʻlmagan taqdirda — Oʻzbekiston Respublikasi uchun konsullik funksiyasini bajarish yuzasidan kelishib olingan boshqa davlatlarning konsullik muassasalariga toʻldirilgan belgilangan shakldagi viza anketasiga milliy pasportni va oʻz faoliyatini Oʻzbekiston Respublikasi hududida qonunchilikda belgilangan tartibda amalga oshirayotgan turistik tashkilotlarning taklifnomasini taqdim etgan holda murojaat qiladilar.

Xorijiy fuqaroning turist sifatida kelish vizasini rasmiylashtirish Oʻzbekiston Respublikasining chet eldagi konsullik muassasasi tomonidan 3 sutkadan oshmaydigan muddatda amalga oshiriladi, bayram va dam olish kunlari bundan mustasnodir.

Xorijiy davlatda Oʻzbekiston Respublikasining konsullik muassasalari boʻlmagan taqdirda Oʻzbekiston Respublikasiga turistlar sifatida kelayotgan chet el fuqarolariga kelish-ketish vizalarini Oʻzbekiston Respublikasi Tashqi ishlar vazirligining aeroportlardagi konsullik byurosi tomonidan berilishiga yoʻl qoʻyiladi.

Chet el fuqarolari Oʻzbekiston Respublikasining turistik vizasida koʻrsatilgan muddatdan oldin kelgan taqdirda turistik vizalarga Oʻzbekiston Respublikasi Tashqi ishlar vazirligining konsullik byurolari tomonidan Oʻzbekiston Respublikasi Davlat chegarasidan oʻtish punktlarida tegishli oʻzgartirishlar kiritishga ruxsat etiladi.

Fuqarolari elektron kirish vizasini olish imkoniyatiga ega boʻlgan mamlakatlar roʻyxatiga kiritilgan chet el fuqarolari Oʻzbekiston Respublikasining chet eldagi konsullik muassasalari va Oʻzbekiston Respublikasi Tashqi ishlar vazirligining Konsullik-huquqiy departamentiga murojaat qilmasdan, Oʻzbekiston Respublikasi hududiga 30 kun muddatga bir martalik, ikki martalik va koʻp martalik kirish uchun “e-visa.gov.uz” portali orqali “E-VISA.UZ” tizimi yordamida elektron vizani rasmiylashtirishlari va olishlari mumkin. Elektron vizani rasmiylashtirish va olish tartibi Elektron viza toʻgʻrisidagi nizom bilan tartibga solinadi.

Elektron vizani rasmiylashtirish va berishga doir murojaatni koʻrib chiqish muddati murojaat berilgan kundan tashqari ikki ish kunini tashkil etadi.

13. Chet el fuqarolari tranzit vizasini olish uchun Oʻzbekiston Respublikasining chet eldagi konsullik muassasasiga, bunday muassasalar boʻlmagan hollarda — Oʻzbekiston Respublikasi uchun konsullik funksiyalarini bajarish yuzasidan kelishib olingan boshqa davlatlarning konsullik muassasalariga toʻldirilgan belgilangan shakldagi viza-anketa bilan murojaat qiladilar hamda milliy pasportni, borilayotgan davlat vizasini, shuningdek, Oʻzbekiston Respublikasidan borilayotgan davlatga joʻnab ketish sanasi tasdiqlangan yoʻl hujjatlarini taqdim etadilar.

Oʻzbekiston Respublikasi hududi orqali shaxsiy, yoʻlovchilar tashish yoki yuk transportida tranzit bilan oʻtib ketadigan chet el (haydovchilari) fuqarolari (72 soatdan koʻp boʻlmagan muddat mobaynida) viza anketasi, milliy pasport va borilayotgan mamlakat vizasidan tashqari xalqaro namunadagi haydovchilik guvohnomasini, transportga egalikni va avtotransportning texnik holatini tasdiqlovchi hujjatlarni, yukning borilayotgan mamlakatga yetkazib berilishini tasdiqlovchi yuk hujjatlarini va Oʻzbekiston Respublikasi qonunchiligida nazarda tutilgan boshqa hujjatlarni taqdim etadilar.

Tranzit vizani Oʻzbekiston Respublikasining chet eldagi konsullik muassasasi tomonidan rasmiylashtirish 3 sutka mobaynida amalga oshiriladi.

131. Xorijda boʻlgan chet el fuqarolariga “IT-visa” va investitsiya vizasini rasmiylashtirish Oʻzbekiston Respublikasi Tashqi ishlar vazirligining Konsullik-huquqiy departamenti hamda Qoraqalpogʻiston Respublikasi va viloyatlardagi hududiy boʻlinmalari tomonidan amalga oshiriladi.

Xorijda boʻlgan chet el fuqarolariga investitsiya vizasini rasmiylashtirish uchun iltimos qiluvchi xorijiy investitsiyalar ishtirokidagi korxona xorijiy investitsiyalar ishtirokidagi korxonasidan iltimosnomani, taklif qilayotgan shaxs pasporti nusxasini, shuningdek, kiritilgan investitsiyalar toʻgʻrisidagi tegishli maʼlumotnomalardan birini ilova qilib belgilangan namunadagi anketa bilan Oʻzbekiston Respublikasi Tashqi ishlar vazirligining Konsullik-huquqiy departamentiga hamda Qoraqalpogʻiston Respublikasi va viloyatlardagi hududiy boʻlinmalariga murojaat qiladi.

Maʼlumotnoma:

“Qimmatli qogʻozlar markaziy depozitariysi” davlat korxonasi tomonidan — xoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi yoki Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tomonidan — xoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida xorijiy investitsiyalar ishtirokida korxonalar tashkil etilganligi toʻgʻrisida beriladi.

Xorijda boʻlgan chet el fuqarolariga “IT-visa”ni rasmiylashtirish uchun IT-Park Direksiyasi oʻzining tavsiyasini, taklif qilayotgan shaxs pasporti nusxasini, shuningdek, belgilangan namunadagi anketa bilan Oʻzbekiston Respublikasi Tashqi ishlar vazirligining Konsullik-huquqiy departamentiga hamda Qoraqalpogʻiston Respublikasi va viloyatlardagi hududiy boʻlinmalariga murojaat qiladi.

“IT-visa” va investitsiya vizasi Oʻzbekiston Respublikasining chet eddagi konsullik muassasalari tomonidan milliy pasport ilova qilingan holda belgilangan shakldagi viza anketasini toʻldirishda yoxud kelganidan keyin — xalqaro maqomga ega boʻlgan Oʻzbekiston Respublikasi aeroportlarida beriladi.

Ushbu bandning birinchi xatboshida koʻrsatilgan, Oʻzbekiston Respublikasining konsullik muassasasi boʻlmagan davlatlardan kelgan shaxsga iltimosnomani rasmiylashtiruvchi xorijiy investitsiyalar ishtirokidagi korxona investitsiya vizasini kelganidan keyin xalqaro maqomga ega boʻlgan Oʻzbekiston Respublikasi aeroportlarida rasmiylashtirish masalasini Oʻzbekiston Respublikasi Tashqi ishlar vazirligining Konsullik-huquqiy departamenti, shuningdek, Qoraqalpogʻiston Respublikasi va viloyatlardagi hududiy boʻlinmalari bilan oldindan ishlab chiqadi.

“IT-visa” va investitsiya vizasini olgan xorijiy fuqaro rasmiylashtirilgan vizani“IT-visa” yoki investitsiya vizasi amal qilishining qolgan muddati uchun fuqaroligi boʻlmagan shaxsning yangi (almashtirilganda) milliy pasportiga yoki harakatlanish hujjatiga yopishtirish uchun Oʻzbekiston Respublikasining chet eldagi konsullik muassasasiga yoxud Oʻzbekiston Respublikasi Tashqi ishlar vazirligining Konsullik-huquqiy departamentiga, shuningdek, Qoraqalpogʻiston Respublikasi va viloyatlardagi hududiy boʻlinmalariga murojaat qilishga haqlidir.

14. Oʻzbekiston Respublikasining chet eldagi diplomatik vakolatxonalari va konsullik muassasalari boshliqlari alohida hollarda chet el fuqarolariga Oʻzbekiston Respublikasiga kelish vizasini berish toʻgʻrisida mustaqil ravishda qaror qabul qilish huquqiga egadirlar. Bunda ular qabul qilingan qaror toʻgʻrisida Oʻzbekiston Respublikasi Tashqi ishlar vazirligiga bir sutka mobaynida xabarnoma yoʻllaydilar.

II1. Ichki ishlar organlari tomonidan chet el fuqarolarining Oʻzbekiston Respublikasida boʻlish viza muddatlarini uzaytirish tartibi

151. Chet el fuqarolarining Oʻzbekiston Respublikasiga kirish viza muddatlari Oʻzbekiston Respublikasining kirish, chiqish va tranzit vizalari (elektron boʻlmagan) toifalarining roʻyxatida belgilangan muddatdan oshmagan holda uzaytiriladi.

Belgilangan muddatda uzaytirilgan vizalar ushbu vizalar muddatini uzaytirish uchun qayta murojaat qilishni cheklamaydi.

152. Chet el fuqarolarini taklif qilgan jismoniy va yuridik shaxslar chet el fuqarolarini hamda ularning oila aʼzolari (turmush oʻrtogʻi va voyaga yetmagan farzandlari)ning viza muddatlarini uzaytirish uchun viza muddati tugashidan oʻn kun avval murojaat qilishi lozim.

Bunda chet el fuqarosini taklif qilgan jismoniy shaxslar yashash joyi, yuridik shaxslar oʻzlarining yuridik manzili boʻyicha vakolatli organga murojaat qiladi.

153. Oʻzbekiston Respublikasida boʻlib turgan chet el fuqarolari (jumladan, ishbilarmonlik doiralari vakillari)ning viza muddatini uzaytirish uchun vakolatli organga quyidagi hujjatlar taqdim etiladi:

mazkur Tartibga 1-ilovaga muvofiq belgilangan shaklda ikki nusxadagi viza talabnomasi;

milliy pasport yoki harakatlanish hujjati (boshqa hujjatlar bilan solishtirib olingandan soʻng nusxasi olinib, asli qaytarib beriladi);

amaldagi vizasining nusxasi;

Oʻzbekistonga kirish viza talabnomasi (birinchi marta viza muddatini uzaytirish uchun hujjat topshirganda (teleks);

chet el fuqarosi oʻzini Oʻzbekiston Respublikasiga taklif qilgan yuridik shaxsdan boshqa yuridik shaxsga oʻtib ishlayotgan boʻlsa, uni taklif qilgan yuridik shaxsdan rozilik xati;

chet el fuqarosi nomidan hujjatlarni rasmiylashtirish va topshirish uchun jismoniy shaxs yoki yuridik shaxsning masʼul xodimi murojaat qilgan taqdirda, unga berilgan ishonchnoma.

154. Oʻzbekiston Respublikasining profil muassasalari va idoralarida akkreditatsiya qilingan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari Oʻzbekiston Respublikasi hududidagi chet el tijorat tashkilotlari vakolatxonalari, chet el banklari yoki boshqa moliyaviy tashkilotlar xodimlarining akkreditatsiya guvohnomasi nusxasi taqdim etiladi.

155. Korxona va tashkilotlarda mehnat faoliyati bilan shugʻullanayotgan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari Oʻzbekiston Respublikasi Kambagʻallikni qisqartirish va bandlik vazirligi tomonidan berilgan Oʻzbekiston Respublikasi hududida mehnat faoliyati huquqiga doir tasdiqnoma nusxasi taqdim etiladi.

156. Vatandoshlarning viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari Oʻzbekiston Respublikasi fuqarosi boʻlgan va uning hududida doimiy yashovchi ularning qarindoshlari tomonidan taklifnoma, taklif qiluvchining vatandosh bilan qarindoshlik darajasini tasdiqlovchi hujjatlari (nikoh tuzilganligi va tugʻilganlik toʻgʻrisidagi guvohnomalar yoki ularning oʻrnini bosuvchi hujjatlar nusxasi) taqdim etiladi.

157. Oliy taʼlim muassasalararo almashish asosida — vaqtincha taʼlim olish davrida kelgan talabalarning viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari oʻz tasarrufida taʼlim muassasasiga ega boʻlgan Oʻzbekiston Respublikasining taʼlim muassasalari, vazirliklar, idoralar va tashkilotlarning iltimosnomalari taqdim etiladi.

158. Oliy, professional yoki umumiy oʻrta va oʻrta maxsus taʼlim muassasalarida tahsil olayotgan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari taʼlim muassasasining talaba va oʻquvchilari bilan tuzilgan shartnoma (toʻlov-kontrakt) nusxasi va buyruqdan koʻchirma taqdim etiladi.

159. Oʻqituvchilik faoliyatini yuritayotgan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari oʻz tasarrufida taʼlim muassasasiga ega boʻlgan Oʻzbekiston Respublikasining davlat va nodavlat taʼlim muassasalari, vazirliklar, idoralar va tashkilotlarning iltimosnomalari hamda ular oʻrtasida tuzilgan shartnoma nusxalari taqdim etiladi.

1510. Ilmiy-tadqiqot (dissertatsiyalar, ilmiy ishlar uchun materiallar toʻplash) va oʻqituvchilik faoliyatini (qisqa muddatli sayyor maʼruzalar) yuritishni xohlaydigan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari Oʻzbekiston Respublikasi Fanlar akademiyasi, ilmiy-tadqiqot tashkilotlari, Oʻzbekiston Respublikasi oliy taʼlim muassasalari, vazirliklar yoki idoralarning iltimosnomalari taqdim etiladi.

1511. Oʻzbekiston Respublikasiga davolanish uchun keladigan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari davolash-profilaktika muassasalari taklifi hamda chet el fuqarosining davolanishi uchun qoʻshimcha muddat talab etilishi boʻyicha maʼlumotnoma taqdim etiladi.

1512. “IT-visa”sini uzaytirish uchun chet el fuqarolari tomonidan vakolatli organga mazkur Tartibning 153-bandida koʻrsatilgan hujjatlardan tashqari IT-park direksiyasining tavsiyasi taqdim etiladi.

1513.Chet ellik investor va uning oila aʼzolari (turmush oʻrtogʻi va voyaga yetmagan farzandlari)ning viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari chet el investitsiyalari ishtirokidagi korxonasidan iltimosnoma, shuningdek, kiritilgan investitsiyalar toʻgʻrisidagi tegishli maʼlumotnomalardan biri taqdim etiladi.

Maʼlumotnoma:

“Qimmatli qogʻozlar markaziy depozitariysi” davlat korxonasi tomonidan — xoʻjalik jamiyatlarining sotib olingan aksiyalari miqdori toʻgʻrisida;

Oʻzbekiston Respublikasi Adliya vazirligi yoki uning hududiy boshqarmalari tomonidan — xoʻjalik jamiyatlarining sotib olingan ulushlari miqdori, shuningdek, Oʻzbekiston Respublikasi hududida xorijiy investitsiyalar ishtirokida korxonalar tashkil etilgani toʻgʻrisida beriladi.

1514. “Faxriy fuqaro” maqomi berilgan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari “Faxriy fuqaro” maqomi berilgani toʻgʻrisidagi guvohnoma taqdim etiladi.

1515. Davlat tashkilotlarida mehnat qilayotgan chet el fuqarolarining viza muddatini uzaytirish uchun vakolatli organga mazkur Tartibning 153-bandida koʻrsatilgan hujjatlardan tashqari chet el fuqarosi bilan tashkilot oʻrtasida tuzilgan shartnoma nusxalari taqdim etiladi.

1516. Oʻzbekiston Respublikasi fuqarosi yoki Oʻzbekiston Respublikasida doimiy akkreditatsiya qilingan va roʻyxatdan oʻtkazilgan chet el fuqarolari taklifi boʻyicha mehmon safarini amalga oshiruvchi chet el fuqarosining viza muddatini uzaytirish uchun vakolatli organga quyidagi hujjatlar taqdim etiladi:

mazkur Tartibga 2-ilovaga muvofiq belgilangan shaklda ikki nusxadagi viza talabnomasi;

taklif etuvchi shaxs, chet el fuqarosining milliy pasporti yoki harakatlanish hujjati (nusxalari olinib, asli qaytariladi);

taklif qilingan chet el fuqarosining amaldagi viza nusxasi;

agar chet el fuqarosi taklif etuvchi shaxsning yaqin qarindoshi boʻlsa, ushbu holatni tasdiqlovchi hujjatlar (nikoh guvohnomasi va tugʻilganlik toʻgʻrisidagi guvohnoma)dan nusxalar;

chet el fuqarosi Oʻzbekiston Respublikasida doimiy akkreditatsiya qilingan va roʻyxatdan oʻtkazilgan boshqa chet el fuqarolarining taklifiga asosan mehmon sifatida kelganida, ularni taklif qilgan shaxsning doimiy akkreditatsiya qilinganlik hujjati va amaldagi vizasining nusxasi.

Shuningdek, chet el fuqarosi tomonidan vizani uzaytirishga asos boʻluvchi (doimiy yashashga hujjat topshirganligi, maktabda tahsil olishi, davolanishi va shu kabilarni tasdiqlovchi boshqa) hujjatlar ham taqdim etilishi mumkin.

1517. Chet el fuqarosi yuridik yoki jismoniy shaxslarning taklifiga binoan kelganda, boshqa yuridik yoki jismoniy shaxs ushbu fuqaroga nisbatan belgilangan majburiyatni va javobgarlikni zimmasiga olgan holda, uni oʻz yoʻnalishi boʻyicha Oʻzbekiston Respublikasida qabul qilish huquqiga ega.

Bundan tashqari, taqdim etilgan tegishli talabnomalarga asosan quyidagi hollarda chet el fuqarolariga viza rasmiylashtirib beriladi:

chet el fuqarolari turli sabablarga koʻra pasportlarini (harakatlanish hujjatini) almashtirganda (eski pasportida (harakatlanish hujjatida) mavjud boʻlgan vizaning amal qilish muddatiga yangi viza rasmiylashtirib beriladi);

pasport (harakatlanish hujjati) yoʻqolganda (ushbu holatni tasdiqlovchi vakolatli organning maʼlumotnomasi taqdim etiladi);

chet el fuqarosining farzandi Oʻzbekiston Respublikasi hududida tugʻilganda (agar Oʻzbekiston Respublikasi fuqaroligiga mansub boʻlmaganda, shuningdek, Oʻzbekiston Respublikasi hududidagi fuqarolik holati dalolatnomalarini yozish organlari tomonidan berilgan tugʻilganlik toʻgʻrisidagi guvohnoma va tegishli davlatning Oʻzbekiston Respublikasida joylashgan elchixonasi tomonidan berilgan milliy pasport (harakatlanish hujjati) taqdim etilganda);

Oʻzbekiston Respublikasi hududiga vizasiz kirib kelgan 16 yoshga toʻlmagan chet el fuqarosi respublika hududida 16 yoshga toʻlganda;

amaldagi vizaning safarlar soni tugaganda;

Oʻzbekiston Respublikasi fuqaroligini yoʻqotgan chet el fuqarosiga;

koʻchirib berilayotgan amaldagi viza vakolatli organ tomonidan uzaytirilganda (koʻchirib berilgan viza uchun davlat boji undirilmaydi).

1518. Qabul qilinayotgan hujjatlarning toʻliqligi va haqiqiyligiga ishonch hosil qilgach, masʼul xodim tomonidan talabnomaning ikkala nusxasiga vakolatli organ tomonidan belgilangan shtamp bosilib, imzolanadi va bir nusxasida hujjatlar qabul qilingan sana koʻrsatilib, bir nusxasi chet el fuqarosining milliy pasporti yoki harakatlanish hujjati bilan birga murojaat qiluvchiga qaytariladi.

1519. Quyidagi hollarda hujjatlarni qabul qilish rad etiladi:

hujjatlar toʻliq boʻlmaganda yoki unda noaniqliklar boʻlganda;

chet el fuqarosini yuridik shaxs chaqirganda va talabnoma uning mansabdor shaxsi tomonidan imzolanmaganda;

hujjatlardagi imzo yoki muhrning qalbakiligi aniqlanganda;

hujjatlar talabnomada koʻrsatilgan masʼul shaxsdan boshqa shaxslar tomonidan taqdim etilganda;

chet el fuqarosining milliy pasporti (harakatlanish hujjati) taqdim etilmaganda, shuningdek, ular hujjat topshirayotgan vaqtda Oʻzbekiston Respublikasidan tashqarida boʻlganda;

chet el fuqarosining milliy pasporti (harakatlanish hujjati) yaroqsiz holga kelganligi aniqlanganda, amal qilish muddati tugagan yoki viza rasmiylashtirish uchun boʻsh varaqlari boʻlmaganda;

chet el fuqarosi vizada koʻrsatib oʻtilgan safarlar sonidan ortiq Oʻzbekiston Respublikasiga kirib chiqqanda;

chet el fuqarosining Oʻzbekiston Respublikasida boʻlish viza muddati tugaganda, vaqtincha roʻyxati boʻlmaganda (16 yoshga toʻlmagan chet el fuqarodan tashqari);

chet el fuqarosi milliy pasporti (harakatlanish hujjati)ning amal qilish muddati uch oydan kam qolganda.

1520. Hujjatlarni qabul qilish vaqtida chet el fuqarolari tomonidan Oʻzbekiston Respublikasida boʻlish qoidalari buzilgani aniqlangan taqdirda, Oʻzbekiston Respublikasining amaldagi qonunchilik hujjatlariga muvofiq chora koʻriladi.

Oʻzbekiston Respublikasida boʻlish qoidasini buzgan chet el fuqarolariga amaldagi qonunchilik hujjatlarida belgilangan tegishli choralar koʻrilganidan soʻng viza muddatini uzaytirish uchun hujjatlar qabul qilinadi.

1521. Chet el fuqarolarining viza muddatini uzaytirishni soʻrab bergan talabnomalari qabul qilingan kundan boshlab oʻn besh ish kuni mobaynida koʻrib chiqiladi.

Talabnoma oʻrganish natijalariga koʻra ijobiy deb topilganda, vakolatli organ tomonidan ariza beruvchiga davlat bojini toʻlash uchun hisobvaraq beriladi.

Ariza beruvchi hisobvaraq berilgan kundan uch ish kuni davomida davlat bojini toʻlashi lozim.

Davlat boji toʻliq toʻlangani axborot tizimida tasdiqlangandan soʻng vakolatli organ tomonidan chet el fuqarosi va fuqaroligi boʻlmagan shaxsning milliy pasporti yoki harakatlanish hujjati asosida Oʻzbekiston Respublikasida boʻlish muddati hamda safarlar soni aks etgan viza rasmiylashtiriladi.

1522. Oʻzbekiston Respublikasiga elektron boʻlmagan viza bilan investor, vatandosh sifatida, mehnat faoliyati bilan shugʻullanish yoki taʼlim olish maqsadida kelgan chet el fuqarolarining oila aʼzolari (turmush oʻrtogʻi va voyaga yetmagan farzandlari)ga viza muddatlari ularning viza muddatiga qadar uzaytirib beriladi.

1523. Masʼul xodim chet el fuqarolariga uzaytirilgan viza muddatlari hamda safarlar soni yuzasidan izoh berishga majbur emas.

III. OʻZBEKISTON RESPUBLIKASIDAN KETISH VIZALARINI RASMIYLASHTIRISH TARTIBI

17. Fuqaroligi boʻlmagan shaxslar Oʻzbekiston Respublikasidan ketish hujjatlarini olganlaridan soʻng viza olish uchun tegishli davlatlarning diplomatik va konsullik vakolatxonalariga murojaat qiladilar.

18. Oʻzbekiston Respublikasi hududida doimiy yashaydigan chet el fuqarolari va fuqaroligi boʻlmagan shaxslarning yashash uchun guvohnomasi va yashash joyi boʻyicha roʻyxatdan oʻtkazilganligi:

chet el fuqarolari Oʻzbekiston Respublikasidan tashqariga vaqtincha chiqqanda, agar ular uch yildan ortiq vaqt mobaynida uzrli sabablarsiz Oʻzbekistondagi yashash joyiga qaytmasa;

Oʻzbekiston Respublikasi hududidan vaqtincha tashqariga chiqqan fuqaroligi boʻlmagan shaxslarning harakatlanish hujjatining amal qilish muddati tamom boʻlgach, agar ular harakatlanish hujjatini almashtirmasa yoxud uzrli sabablarsiz uni almashtirishni rad etsa;

bekor qilish toʻgʻrisida shaxsan murojaat qilsa yoxud notarial tasdiqlangan ishonchnoma boʻyicha boshqa shaxs murojaat qilsa yoki chet eldagi tegishli organlarning soʻrovi boʻyicha bekor qilinadi.

IV. OʻZBEKISTON RESPUBLIKASIGA KELISH VA UNDAN KETISH HUQUQIDAGI CHEKLASHLAR

19. Xorijiy fuqaroning Oʻzbekiston Respublikasiga kelishi quyidagi hollarda rad etilishi mumkin:

a) milliy xavfsizlik yoki jamoat tartibini muhofaza qilishni taʼminlash manfaatlari yoʻlida;

b) agar bu Oʻzbekiston Respublikasi fuqarolari va boshqa shaxslarning huquqlarini va qonuniy manfaatlarini himoya qilish uchun zarur boʻlsa;

v) agar shaxs chet el terrorchi, ekstremist va boshqa jinoiy tashkilotlarning faoliyatiga aloqador boʻlsa;

g) agar shaxs oʻzi haqida qasddan soxta maʼlumotlar bergan boʻlsa yoki zarur hujjatlarni taqdim etmagan boʻlsa;

d) agar shaxs ilgari xorijiy shaxslarning Oʻzbekiston Respublikasiga kelish-ketish tartibini hamda bu yerda boʻlish qoidalarini, Oʻzbekiston Respublikasining bojxona, valyuta va boshqa qonunchiligini buzganligi aniqlangan boʻlsa;

e) agar shaxs kasal boʻlsa yoki uning salomatligi jamiyat xavfsizligi va sogʻlomligiga xavf tugʻdirsa hamda ushbu kasallik Oʻzbekiston Respublikasi Sogʻliqni saqlash vazirligi tomonidan tasdiqlangan roʻyxatga kiritilgan boʻlsa.

j) agar shaxs Oʻzbekiston Respublikasi Tashqi ishlar vazirligi tomonidan Oʻzbekiston Respublikasida boʻlishi nomaqbul deb topilgan chet el fuqarolari va fuqaroligi boʻlmagan shaxslar roʻyxatiga kiritilgan boʻlsa.

Ushbu qaror bilan tasdiqlangan chet el fuqarolarining va fuqaroligi boʻlmagan shaxslarning Oʻzbekiston Respublikasida boʻlishlari qoidalarining 22-bandiga muvofiq xorijiy fuqaroga nisbatan Oʻzbekiston Respublikasiga kelish cheklangan boʻlsa, unga Oʻzbekiston Respublikasiga kelishi rad etiladi.

20. Chet el fuqarosining Oʻzbekiston Respublikasidan ketishiga quyidagi hollarda ruxsat berilmaydi:

a) agar uning ketishi davlat xavfsizligini taʼminlash manfaatlariga zid boʻlsa — ketishga toʻsqinlik qiluvchi holatlarning amal qilish muddati tugagungacha;

b) agar shaxsga nisbatan uning doimiy yashash uchun chet elga ketishiga toʻsqinlik qiluvchi shartnoma, kontrakt majburiyatlari amalda boʻlsa — ushbu majburiyatlar toʻxtatilgunga qadar;

v) agar shaxsga nisbatan jinoiy ish qoʻzgʻatilgan boʻlsa — ish oxiriga yetkazilgunga qadar yoki uning yuzasidan sud qarori qabul qilingunga qadar;

g) agar shaxs jinoyat sodir etganligi uchun jazoga hukm qilingan boʻlsa — jazoni oʻtab boʻlgungacha yoki jazodan ozod etilmaguncha;

d) agar shaxs unga sud tomonidan yuklangan majburiyatlarni bajarishdan bosh tortayotgan boʻlsa — majburiyatlarni toʻliq bajarib boʻlgunga qadar;

e) agar shaxs oʻzi haqida qasddan soxta maʼlumotlar bergan boʻlsa;

j) agar sudda shaxsga nisbatan fuqarolik daʼvosi qoʻzgʻatilgan boʻlsa — sud tomonidan qaror qabul qilinib va u ijro etilgunga qadar.

V. CHET ELGA KETISH HUQUQI RAD ETILGANLIGI USTIDAN SHIKOYAT QILISH TARTIBI

21. Ushbu Tartibning IV boʻlimida nazarda tutilgan asoslar boʻyicha chet elga ketish huquqining rad etilishi, javob berishning belgilangan muddatidan ortiqcha kechiktirilishi ustidan chet el fuqarolari yuqori organlarga shikoyat qilishlari mumkin, bu organlar bir oydan koʻp boʻlmagan muddatda javob berishlari kerak, xorijiy fuqaro uning qaroridan norozi boʻlganda, sudga shikoyat qilishi mumkin. Chet elga ketish huquqini mazkur Tartib 20-bandining “b” kichik bandida koʻrsatilgan sabablarga koʻra cheklash ustidan shikoyat qilinishi mumkin emas.

Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibiga 1-ILOVA

_____________ IIV-IIBB-IIBMigratsiya va personallashtirishboshqarmasi boshligʻigaChiqish raqami ________Sana ________TALABNOMA_____________________________________________ quyidagi shaxs(lar) vizasining amal qilish_______________ (tashkilotning nomi)muddatini (_______ marotaba) uzaytirib berishingizni soʻraydi:1. F.I.O. _______________________________________________________________________________________ (chet el fuqarosi va fuqaroligi boʻlmagan shaxsning F.I.O. pasporti (harakatlanish hujjati) boʻyicha koʻrsatiladi)_________________________________________________________________________________________2. Fuqaroligi ______________________________3. Tugʻilgan sanasi _______________4. Jinsi __________________________5. Tugʻilgan joyi _______________________________6. Millati _________________________________7. Kelishdan maqsadi ______________________________________________________8. Milliy pasporti (harakatlanish hujjati) seriyasi va raqami _________ berilgan sanasi va amal qilish muddati __________________________________________________________9. Oʻzbekiston Respublikasiga oxirgi kirib kelgan sanasi __________________________10. Mavjud viza kim tomonidan rasmiylashtirilgan (amal qilish muddati)_________________________________________________________________________________________11. Viza turi va raqami _____________________12. Viza kim tomonidan rasmiylashtirilgan, sana (amal qilish muddati)_________________________________________________________________________________________13. Soʻralayotgan viza turi va muddati, kirib-chiqishlar soni _________________________14. Vaqtincha yashash manzili ___________________________________________________________________________________________________ (telefon raqami) _________________15. Ish joyi va lavozimi _____________________________________________________________________________________________________________________________________________________16. Farzandlari _____________________________________________________________________________________________ (16 yoshga toʻlmagan farzandlarining F.I.O. va tugʻilgan yili, fuqaroligi)___________________________________________________________________________________________________________________________________________________________________________________________________________________________________________________________________________17. Hujjatni rasmiylashtirish va topshirishga masʼul boʻlgan shaxsning F.I.O. (ishonchnoma ilova qilinadi) __________________________________________________________Milliy pasport (harakatlanish hujjati) seriyasi va raqami_________________________xizmat telefon raqami: _________________ mobil telefon raqami: _________________Talabnomani topshiruvchi tashkilotrahbarining lavozimi ________ (M.Oʻ.) ______ imzo (yoki QR-kod) ______ F.I.O.

Izoh. Viza talabnomasi tashkilot blankasida rasmiylashtiriladi yoki oq qogʻozning oʻng burchagida qabul qiluvchi tashkilotning muhri, chiqish raqami va sanasi koʻrsatilgan holda qoʻyiladi.

Chet el fuqarolari va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibiga 2-ILOVA

_____________ IIV-IIBB-IIBMigratsiya va personallashtirishboshqarmasi boshligʻigaTALABNOMAMenga ______________ gacha viza muddatini uzaytirib berishingizni soʻrayman.Xususiy taklif asosida _______________________________________________________________________________________________________ (qarindoshlik darajasi, F.I.O.)__________________________________________________________________________nikiga kelganman.Kelishimdan maqsad __________________________________________________________________________________________________________________________________________________________Oʻzim haqimda quyidagilarni maʼlum qilaman:1. F.I.O. _____________________________________________________________________________________ (chet el fuqarosi va fuqaroligi boʻlmagan shaxsning F.I.O. milliy pasporti (harakatlanish hujjati) boʻyicha koʻrsatiladi)_________________________________________________________________________________________2. Fuqaroligi ______________________________3. Jinsi __________________________4. Tugʻilgan sanasi _______________5. Tugʻilgan joyi _______________________________6. Milliy pasporti (harakatlanish hujjati) seriyasi va raqami _________ berilgan sanasi va amal qilish muddati __________________________________________________________7. Farzandlari _________________________________________________________________________________________________ (16 yoshga toʻlmagan farzandlarining F.I.O. va tugʻilgan yili, fuqaroligi)___________________________________________________________________________________________________________________________________________________________________________________________________________________________________________________________________________8. Viza turi va raqami ____________9. Viza kim tomonidan rasmiylashtirilgan, sana (amal qilish muddati)_________________________________________________________________________________________10. Soʻralayotgan viza turi va muddati, kirib-chiqishlar soni _________________________11. Oʻzbekiston Respublikasiga oxirgi kirib kelgan sanasi __________________________12. Vaqtincha yashash manzili ___________________________________________________________________________________________________________________________________________________13. Telefon raqami ___________________________ shaxsiy ____________________________Sana _________________________Imzo ________________________.

Vazirlar Mahkamasining 1996-yil 21-noyabrdagi 408-son qaroriga 3-ILOVA

Chet el fuqarolari va fuqaroligi boʻlmagan shaxslarning Oʻzbekiston Respublikasi hududi orqali tranzit oʻtishlari

QOIDALARI

1. Oʻzbekiston Respublikasi hududi orqali tranzit oʻtuvchi chet el fuqarolari va fuqaroligi boʻlmagan shaxslar (keyingi oʻrinlarda — chet el fuqarolari)ning Oʻzbekiston Respublikasiga kelishlari va Oʻzbekiston Respublikasidan ketishlariga, agar Oʻzbekiston Respublikasining qonunchiligida yoki Oʻzbekiston Respublikasining xalqaro shartnomalarida boshqacha nazarda tutilmagan boʻlsa, Oʻzbekiston Respublikasining diplomatik vakolatxonalari yoki konsullik muassasalari tomonidan berilgan tranzit vizalar mavjud boʻlgan taqdirda, haqiqiy pasportlar yoki ularning oʻrnini bosuvchi hujjatlar boʻyicha ruxsat beriladi.

2. Chet el fuqarolarining Oʻzbekiston Respublikasi hududi orqali oʻzlari boradigan mamlakatga havo, temir yoʻl va suv transporti bilan tranzit oʻtishlariga Oʻzbekiston Respublikasi bilan qoʻshni boʻlgan davlatga borish uchun haqiqiy hisoblangan hujjatlar va tegishli oʻtish hujjatlari (ularda Oʻzbekiston Respublikasi hududidagi boshqa transportga oʻtirish punktidan ketish sanasi tasdiqlangan holda) mavjud boʻlgan taqdirda ruxsat beriladi.

3. Xalqaro tranzit avtotashishlarni amalga oshiruvchi chet el fuqarolarining Oʻzbekiston Respublikasi orqali tranzit oʻtishlari va ularning yengil avtomobillarda tranzit oʻtishlari Oʻzbekiston Respublikasiga qoʻshni boʻlgan davlatga oʻtish uchun haqiqiy boʻlgan hujjatlar mavjud boʻlgan taqdirda Oʻzbekiston Respublikasi Vazirlar Mahkamasi tomonidan belgilanadigan tartibda, shuningdek, davlatlararo bitimlar asosida amalga oshiriladi.

4. Tranzit vizalar Oʻzbekiston Respublikasi hududida toʻxtash huquqisiz beriladi. Istisno hollarda chet el fuqarolariga qoʻshni davlatga oʻtish yoʻnalishi boʻyicha Oʻzbekiston Respublikasi hududida bir yoki bir necha punktda toʻxtash huquqi bilan tranzit viza berilishi mumkin.

5. Quyidagi hollarda Oʻzbekiston Respublikasi hududi orqali vizasiz tranzit oʻtishga ruxsat beriladi:

a) havo transporti yoʻlovchilari Oʻzbekiston Respublikasi hududi orqali qoʻnmasdan uchib oʻtganlarida;

b) xalqaro aviayoʻnalishlar samolyotlarida samolyotdan samolyotga oʻtib uchishda hamda yoʻlovchilarda boriladigan mamlakatga kirish huquqini beruvchi hujjatlar va aviachiptalar mavjud boʻlganda, ularda samolyotdan samolyotga oʻtish sanasi tasdiqlanganda, Oʻzbekiston Respublikasi hududida boʻlish vaqti 24 soatdan oshmaganda. Bunda yoʻlovchilar aeroportning ular uchun maxsus ajratilgan hududidan tashqariga chiqish huquqiga ega boʻlmaydilar;

v) Oʻzbekiston Respublikasi tegishli hukumatlararo bitimlarga ega boʻlgan mamlakatlar fuqarolariga.

g) Oʻzbekiston Respublikasi Davlat xavfsizlik xizmatining Chegara qoʻshinlari boʻlinmalariga passajirlar toʻgʻrisida oldindan oʻz vaqtida maʼlumot beradigan tashuvchining uchinchi mamlakatga aviabileti mavjud boʻlgan, Oʻzbekiston Respublikasi Prezidentining “Oʻzbekiston Respublikasiga xorijiy fuqarolarning kirishi tartibini optimallashtirishga doir qoʻshimcha chora-tadbirlar toʻgʻrisida” 2018-yil 4-iyuldagi PQ-3836-son qaroriga 2-ilovada koʻrsatilgan davlatlarning Oʻzbekiston Respublikasidan tranzit orqali oʻtadigan fuqarolariga besh sutkadan ortiq boʻlmagan muddatda.

6. Oʻzining shaxsiy transport vositasida, piyoda yoki guruh tarkibida avtobusda turizm maqsadida tranzit yurmoqchi boʻlgan chet el fuqarolari Oʻzbekiston Respublikasiga kelgungacha Oʻzbekiston Respublikasi hududida oʻz faoliyatini amalga oshiruvchi turizm tashkilotlarining avtoturlarini belgilangan tartibda, toʻxtash joylarini koʻrsatgan holda olishi hamda tegishli turizm vizasiga ega boʻlishi shart, oʻzlariga nisbatan viza rejimi qoʻllanmaydigan chet el fuqarolari bundan mustasno.

7. Oʻzbekiston Respublikasi hududi orqali tranzit oʻtuvchi chet el fuqarolari Oʻzbekiston Respublikasidan chiqish chegara punktidan mazkur qoidalarga rioya qilgan holda belgilangan yoʻnalish boʻyicha yuradilar hamda Oʻzbekiston Respublikasi hududida faqat tranzit vizalarda koʻrsatilgan punktlarda toʻxtashlari mumkin boʻladi.

8. Oʻzbekiston Respublikasi hududi orqali avtotransport vositalarida tranzit oʻtuvchi, shu jumladan avtomobilda xalqaro yuk tashishlarni amalga oshiruvchi chet el fuqarolari faqat xalqaro avtomobil qatnovi uchun ochiq boʻlgan yoʻllar va yoʻnalish varaqasida koʻrsatilgan yoʻnalish boʻyicha yurishlari mumkin.

Mazkur bandning birinchi xatboshida nazarda tutilgan talablar Oʻzbekiston Respublikasi chegaralari orqali safar yoʻnalishi qayd etilgan avtotransport vositasida (tunash uchun qayta butlangan yer usti avtotransport vositasida) turistik (notijorat) maqsadlarda tranzit oʻtayotgan chet el fuqarolariga tatbiq etilmaydi.

Ovqatlanish, dam olish va tunab qolish uchun faqat motellar, kempinglar yoki maxsus ajratilgan toʻxtash joylari mavjud boʻlgan yoʻnalishdagi punktlarda toʻxtash mumkin.

9. Oʻzbekiston Respublikasidan temir yoʻl orqali oʻtayotgan, shu jumladan Oʻzbekiston Respublikasi hududi orqali tranzit oʻtayotgan poyezdlarda oʻtayotgan chet el fuqarolari poyezd toʻxtab turishining amaldagi jadvalda koʻrsatilgan vaqtida stansiyalarga tushish huquqiga ega boʻladilar.

10. Oʻzbekiston Respublikasi hududida 24 soatdan ortiq boʻlmagan muddatda bir yoki bir necha punktda toʻxtash koʻrsatilgan tranzit vizaga ega boʻlgan chet el fuqarolari ushbu punktlarga kelganlaridan keyin chet el fuqarolari va fuqaroligi boʻlmagan shaxslarning Oʻzbekiston Respublikasida boʻlishlari qoidalari bilan belgilangan tartibda joylashish vositalari va davolash muassasalarida hisobga turishga yoki turgan joyi boʻyicha roʻyxatdan oʻtishga va ular uchun belgilangan boʻlish muddatidan kechikmay Oʻzbekiston Respublikasidan joʻnab ketishga majburdirlar.

11. Tranzit oʻtuvchi va Oʻzbekiston Respublikasi hududida 24 soatdan ortiq muddatga majburiy toʻxtagan chet el fuqarolari toʻxtash paytidan boshlab keyingi sutka mobaynida ichki ishlar organlarida Oʻzbekiston Respublikasida boʻlish ruxsatnomasini rasmiylashtirishga majburdirlar.

Majburiy toʻxtash quyidagi hollarda boʻlishi mumkin:

a) poyezd, avtotransport vositasi, kema yoki samolyotning harakatini toʻxtatuvchi tabiiy ofatlar yuz berganda;

b) avtomobilning biron-bir qismi buzilishi yoki yoʻl-transport hodisasi yuz berishi natijasida shikastlangan avtotransport vositasini tuzatish uchun;

v) vrachning xulosasiga koʻra bemorning yoʻlda yurishi uning salomatligi uchun xavfli hisoblangan kasallik holatida. Bunday holda u bilan birga borayotgan oila aʼzolari yoki hamrohlik qilayotgan shaxslar bemorning oldida qolishlari mumkin.

g) yoʻllar tutashgan joyda bir transport turidan boshqasiga oʻtirish kechikkanda.

Majburiy toʻxtash chet el fuqarolariga bunday toʻxtash yuz bergan shahar yoki boshqa aholi yashaydigan joy doirasida majburiy toʻxtashni keltirib chiqargan sabab bartaraf etilgunga qadar boʻlish huquqini beradi.

Boʻlishni va tranzit vizalarning amal qilish muddatini uzaytirishni rasmiylashtirish yoʻnalish yoʻlida toʻxtash sababi va muddatini tasdiqlovchi tegishli tashkilot yoki muassasaning maʼlumotnomasi koʻrsatilgan holda xorijiy fuqaroning shaxsiy arizasiga binoan amalga oshiriladi.

12. Quyidagilar toʻxtash vaqtida chet el fuqarolari yashaydigan joylar boʻlishi mumkin:

b) oʻz faoliyatini belgilangan tartibda Oʻzbekiston Respublikasi hududida amalga oshiradigan joylashish vositalari va davolash muassasalari.

v) tranzit yoʻlovchi u bilan birga boʻladigan vakolatxonadagi aniq shaxs koʻrsatilgan holda xorijiy vakolatxonaning yozma iltimosnomasi boʻlgan taqdirda akkreditatsiya qilingan xorijiy vakolatxona binosi.

Toʻxtash vaqtida chet el fuqarolarining yotoqxonalar va shaxsiy kvartiralarda yashashlariga istisno hollarda va faqat ichki ishlar organlarining ruxsati bilan yoʻl qoʻyiladi.

13. Oʻzbekiston Respublikasi hududida 24 soatdan ortiq boʻlmagan muddatda majburiy toʻxtagan chet el fuqarolarining Oʻzbekiston Respublikasidan chiqib ketishlariga tranzit viza ichki ishlar organlarida uzaytirilmasdan ruxsat berilishi mumkin.

14. Oʻzbekiston Respublikasi hududi orqali tranzit oʻtuvchi, yoʻnalishni va Oʻzbekiston Respublikasidan chiqish chegara punktini oʻzgartirishni istovchi chet el fuqarolari buning uchun ichki ishlar organlarining ruxsatnomasini olishlari shart.

15. Mazkur qoidalarning shubhasiz buzilishiga olib keladigan hollarda Oʻzbekiston Respublikasi fuqarolarining chet el fuqarolariga joy, transport vositalari berishlariga yoxud ularga boshqa xizmatlar koʻrsatishlariga yoʻl qoʻyilmaydi.

Chet el fuqarolariga joy va transport vositalari berilgan barcha hollarda ularning egalari bu haqda bir sutkadan kechikmay ichki ishlar organlariga maʼlum qilishlari shart.

16. Chet el fuqarolari mazkur Qoidalar buzilganligi uchun Oʻzbekiston Respublikasi qonunchiligiga muvofiq javobgarlikka tortiladilar.

Xorijiy davlatlarning Oʻzbekiston Respublikasi hududidagi vakolatxonalari va konsullik muassasalari boshliqlari va xodimlarining javobgarligi toʻgʻrisidagi masala diplomatik yoʻl bilan hal etiladi.

Mazkur qoidalarning chet el fuqarolarining Oʻzbekiston Respublikasi hududi orqali tranzit oʻtish shartlariga rioya qilishlarini taʼminlovchi yoxud ularga xizmat koʻrsatuvchi shaxslar tomonidan buzilishi Oʻzbekiston Respublikasi qonunchiligiga muvofiq javobgarlikka tortishga olib keladi.

Vazirlar Mahkamasining 1996-yil 21-noyabrdagi 408-son qaroriga 4-ILOVA

Oʻzbekiston Respublikasining kirish, chiqish va tranzit vizalari (elektron boʻlmagan) toifalarining

ROʻYXATI

T/rTurTaʼrif1.D-1Diplomatik kirish vizasi (doimiy akkreditatsiya qilinganlar uchun)Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining Oʻzbekiston Respublikasi hududida doimiy turgan xodimlari va ularning qaramogʻida boʻlgan ularning oila aʼzolariga (diplomatik pasportga ega boʻlgan) akkreditatsiya muddatiga beriladi.2.D-2Diplomatik kirish vizasi (vaqtincha turganlar uchun)Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning doimiy vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining Oʻzbekiston Respublikasi hududida vaqtincha turgan xodimlari va ularning qaramogʻida boʻlgan ularning oila aʼzolariga (diplomatik pasportga ega boʻlgan) 3 oygacha muddatga beriladi.3.DTDiplomatik kirish vizasi (diplomatik pasport egalari uchun turistik)Oʻzbekiston Respublikasiga turistik maqsadlarda kirayotgan xorijiy davlatlarning diplomatik xodimlari va xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining xodimlari va ularning qaramogʻida boʻlgan ularning oila aʼzolariga (diplomatik pasportga ega boʻlgan) 1 oygacha muddatga beriladi.4.S-1Xizmat kirish vizasi (doimiy akkreditatsiya qilinganlar uchun)Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining Oʻzbekiston Respublikasi hududida doimiy turgan xodimlari va ularning qaramogʻida boʻlgan ularning oila aʼzolariga (diplomatik pasportga ega boʻlmagan), shuningdek, Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallarining Oʻzbekiston Respublikasi hududida doimiy turgan xodimlariga va ularning qaramogʻida boʻlgan ularning oila aʼzolariga akkreditatsiya muddatiga beriladi.5.S-2Xizmat kirish vizasi (vaqtincha)Oʻzbekiston Respublikasi Tashqi ishlar vazirligida akkreditatsiya qilingan xorijiy davlatlarning vakolatxonalari, xalqaro hukumatlararo tashkilotlar va xorijiy davlatlarning hukumat tashkilotlari vakolatxonalarining Oʻzbekiston Respublikasi hududida vaqtincha turgan xodimlari va ularning qaramogʻida boʻlgan ularning oila aʼzolariga (diplomatik pasportga ega boʻlmagan), shuningdek, Oʻzbekiston Respublikasi Adliya vazirligida roʻyxatdan oʻtkazilgan xalqaro va xorijiy nodavlat (hukumatga qarashli boʻlmagan) notijorat tashkilotlarning vakolatxonalari va filiallarining Oʻzbekiston Respublikasi hududida vaqtincha turgan xodimlariga va ularning qaramogʻida boʻlgan ularning oila aʼzolariga 3 oy muddatgacha beriladi.6.S-3Xizmat kirish vizasi (Oʻzbekiston Respublikasi davlat tashkilotlarining taklifi boʻyicha )Oʻzbekiston Respublikasi davlat va xoʻjalik boshqaruvi organlari, qonunchilikda nazarda tutilgan, shuningdek, Prezident va Hukumat tashabbusi bilan tashkil etilgan nodavlat notijorat birlashmalar taklifi boʻyicha Oʻzbekiston Respublikasiga xizmat safariga keluvchi chet el fuqarolariga 1 yil muddatgacha beriladi.7.ORasmiy kirish vizasi (rasmiy va davlat tashriflari doirasida)Oʻzbekiston Respublikasi Prezidenti, Oliy Majlis va Vazirlar Mahkamasining taklifi boʻyicha Oʻzbekiston Respublikasiga tashrif buyuruvchi rasmiy delegatsiya aʼzolariga rasmiy tadbirlar oʻtkazish muddatiga beriladi.8.V-1Ishbilarmonlik kirish vizasi (Oʻzbekiston Respublikasining profil muassasalari va idoralarida akkreditatsiya qilinganlar uchun)Oʻzbekiston Respublikasi hududidagi xorijiy tijorat tashkilotlari vakolatxonalari, shuningdek xorijiy banklar yoki boshqa moliyaviy tashkilotlar xodimlariga akkreditatsiya muddatiga beriladi.9.V-2Ishbilarmonlik kirish vizasi (biznes viza)Oʻzbekiston Respublikasida vaqtincha turgan ishbilarmonlik doiralari vakillariga 1 yil muddatgacha beriladi.10.TTuristik kirish vizasiOʻzbekiston Respublikasiga turistik maqsadlarda tashrif buyurayotgan chet el fuqarolariga 1 oy muddatgacha beriladi.11.TGGuruhli turistik kirish vizasiOʻzbekiston Respublikasiga kamida 5 kishidan iborat boʻlgan turistik guruh tarkibida turistik maqsadlarda tashrif buyurayotgan chet el fuqarolariga 1 oy muddatgacha beriladi.12.PLGZiyorat kirish vizasiTuristik faoliyat subyektlari va Oʻzbekiston Respublikasi Din ishlari boʻyicha qoʻmitasining soʻrovnomalari boʻyicha Oʻzbekistonning madaniy-tarixiy va diniy-maʼnaviy merosi, anʼanalarini oʻrganish uchun chet el fuqarolariga 2 oy muddatgacha beriladi.13.EIshchi kirish vizasi (Oʻzbekiston Respublikasi Kambagʻallikni qisqartirish va bandlik vazirligi tomonidan berilgan Oʻzbekiston Respublikasi hududida mehnat faoliyati huquqiga doir tasdiqnoma asosida)Oʻzbekiston Respublikasi Kambagʻallikni qisqartirish va bandlik vazirligi tomonidan chet el fuqarosiga berilgan mehnat faoliyati huquqi tasdiqlangan muddatga beriladi.14.J-1Matbuot vakillari uchun kirish vizasi (Oʻzbekiston Respublikasi Tashqi ishlar vazirligida doimiy akkreditatsiya qilingan)Oʻzbekiston Respublikasi Tashqi ishlar vazirligida doimiy akkreditatsiya qilingan xorijiy ommaviy axborot vositalari vakillari va ularning qaramogʻida boʻlgan ularning oila aʼzolariga akkreditatsiya muddatiga beriladi.15.J-2Matbuot vakillari uchun kirish vizasi (“Dunyo” AAda vaqtincha akkreditatsiya qilinganlar)Oʻzbekiston Respublikasi Tashqi ishlar vazirligida vaqtincha akkreditatsiya qilingan xorijiy ommaviy axborot vositalari vakillariga akkreditatsiya muddatiga beriladi.16.PV-1Mehmon kirish vizasi (Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi orqali Oʻzbekiston Respublikasi fuqarolarining taklifi boʻyicha)Oʻzbekiston Respublikasi fuqarolarining taklifi boʻyicha mehmon safarini amalga oshiruvchi chet el fuqarolariga 1 yilgacha muddatga beriladi.17.PV-2Mehmon kirish vizasi (chet el fuqarolarining taklifi boʻyicha)Oʻzbekiston Respublikasida doimiy akkreditatsiya qilingan va roʻyxatdan oʻtkazilgan chet el fuqarolari taklifi boʻyicha mehmon safarini amalga oshiruvchi chet el fuqarolariga 1 yilgacha muddatga beriladi.18.VTDVatandoshlar uchun kirish vizasi (Oʻzbekiston Respublikasi Ichki ishlar vazirligining Migratsiya va fuqarolikni rasmiylashtirish bosh boshqarmasi orqali Oʻzbekiston Respublikasi fuqarolarining taklifi boʻyicha)Oʻzbekiston Respublikasida tugʻilganlar va ularning oila aʼzolari uchun Oʻzbekiston Respublikasi fuqarosi boʻlgan va uning hududida doimiy yashovchi ularning qarindoshlari tomonidan taklifnoma mavjud boʻlganda 2 yilgacha muddatga beriladi.19.STDTalabalar kirish vizasi (oliy taʼlim muassasalararo almashish asosida — vaqtincha taʼlim olish davriga)Oʻzbekiston Respublikasi hududida joylashgan oliy taʼlim muassasalarida qisqa muddatda (oliy taʼlim muassasalararo almashishga binoan yoki oliy taʼlim muassasalararo oʻzaro aloqalar doirasida vaqtincha asosda) taʼlim oluvchi xorijiy talabalarga 1 yilgacha muddatga beriladi, oʻz tasarrufida taʼlim muassasasiga ega boʻlgan Oʻzbekiston Respublikasining taʼlim muassasalari, vazirliklar, idoralar va tashkilotlar iltimosnomalariga koʻra rasmiylashtiriladi.20.A-1Oʻquv kirish vizasi (doimiy asosda — taʼlim davriga)Oʻzbekiston Respublikasi hududida joylashgan taʼlim muassasalarida taʼlim oluvchi xorijiy talabalarga 1 yilgacha muddatga beriladi, oʻz tasarrufida taʼlim muassasasiga ega boʻlgan Oʻzbekiston Respublikasining taʼlim muassasalari, vazirliklar, idoralar va tashkilotlar iltimosnomalariga koʻra rasmiylashtiriladi.21.A-2Oʻqituvchilar kirish vizasi (Oʻzbekiston Respublikasi hududida doimiy asosda ishga joylashishda)Davlat va nodavlat taʼlim tashkilotlariga pedagogik faoliyatni amalga oshirish uchun jalb qilinadigan chet el fuqarolariga 1 yilgacha muddatga beriladi. Vazirliklar va idoralar, shuningdek, oʻz tasarrufida taʼlim tashkilotiga ega boʻlgan Oʻzbekiston Respublikasi davlat tashkilotlarining iltimosnomalariga koʻra rasmiylashtiriladi.22.A-3Akademik kirish vizasi (vaqtincha asosda)Oʻzbekiston Respublikasida ilmiy-tadqiqot (dissertatsiyalar, ilmiy ishlar uchun materiallar toʻplash) va oʻqituvchilik faoliyatini (qisqa muddatli sayyor maʼruzalar) yuritishni xohlaydigan chet el fuqarolari uchun 3 oydan 2 yilgacha muddatga beriladi, Oʻzbekiston Respublikasi Fanlar akademiyasi, ilmiy-tadqiqot tashkilotlari, Oʻzbekiston Respublikasi oliy taʼlim muassasalari, vazirliklar yoki idoralar iltimosnomalariga koʻra rasmiylashtiriladi.23.MEDTibbiy kirish vizasiDavolash-profilaktika muassasalari taklifi boʻyicha Oʻzbekiston Respublikasiga davolanish uchun keladigan chet el fuqarolari uchun 3 oygacha muddatga beriladi.24.S-1Ekipaj uchun kirish vizasiHavo kemalari va temir yoʻl tarkiblari ekipajlarining xorijiy aʼzolariga 1 yilgacha muddatga beriladi.25.S-2Haydovchilar uchun kirish vizasiYuk tashuvchi avtotransport vositalarining xorijiy haydovchilariga 1 yilgacha muddatga beriladi.26.EXITChiqish vizasiChet el fuqarolari tomonidan kirish vizalarining muddati kechiktirilgan hollarda ularning Oʻzbekiston Respublikasidan chiqishi uchun 1 oygacha muddatga beriladi.27.TRANTranzit vizasiOʻzbekiston Respublikasi hududi orqali tranzit bilan oʻtuvchi chet el fuqarolariga 3 kungacha muddatga beriladi.28.INVKoʻp martalik investitsiya vizasiXorijiy investitsiyalarni kiritish paytida Oʻzbekiston Respublikasida belgilangan 8500-martali bazaviy toʻlov kattaligidan kam boʻlmagan miqdorda xoʻjalik uyushmalarining aksiyalari va ulushlarini olish, shuningdek xorijiy investitsiyalar ishtirokida boʻlgan korxonalarni tashkil etish maqsadida Oʻzbekiston Respublikasi iqtisodiyotiga investitsiya kiritayotgan, Oʻzbekiston Respublikasi hududidan chiqmasdan uning muddatini uzaytirish imkoniyati bilan ushbu korxonalarning soʻrovnomalari boʻyicha beriladi, chet el fuqarolari va fuqaroligi boʻlmagan shaxslarga rasmiylashtiriladi, 3 yilgacha amal qilish muddati bilan beriladi.29.ITKoʻp martalik “IT-visa”axborot texnologiyalari sohasidagi xorijiy investorlar va mutaxassislarga, shuningdek, Dasturiy mahsulotlar va axborot texnologiyalari texnologik parki rezidentlarining taʼsischilari (ishtirokchilari)ga, ularning yakkaboshchilik asosidagi ijro etuvchi organi vazifasini amalga oshiruvchi jismoniy shaxs yoki kollegial ijro etuvchi organining raisi hamda ularning oʻrinbosarlariga, Raqamli startaplar dasturi ishtirokchisi boʻlgan startap loyihalar taʼsischilari (ishtirokchilari)ga va mutaxassislariga, oliy taʼlim tashkilotlarining axborot texnologiyalari sohasida fan nomzodi, falsafa doktori (PhD) yoki fan doktori (DSc) ilmiy darajasiga ega boʻlgan xorijlik professor-oʻqituvchilariga Dasturiy mahsulotlar va axborot texnologiyalari texnologik parki direksiyasining tavsiyasiga binoan Oʻzbekiston Respublikasi hududidan chiqmasdan uning muddatini uzaytirish imkoniyati bilan 3 yilgacha amal qilish muddati bilan beriladi.

Vazirlar Mahkamasining 1996-yil 21-noyabrdagi 408-son qaroriga 5-ILOVA

Fuqarolari uchun Oʻzbekiston Respublikasida vizasiz rejim joriy qilingan mamlakatlar

ROʻYXATI

Cheklanmagan muddat:1. Ozarbayjon Respublikasi2. Gruziya 3. Armaniston Respublikasi4. Belarus Respublikasi5. Qozogʻiston Respublikasi6. Moldova Respublikasi7. Rossiya Federatsiyasi8. Ukraina60 kungacha:9. Qirgʻiziston Respublikasi30 kungacha:10. Avstraliya Ittifoqi11. Avstriya Respublikasi12. Argentina Respublikasi13. Bosniya va Gersegovina14. Vatikan15. Lyuksemburg Buyuk Gersogligi16. Vengriya17. Bruney-Dorussalom davlati18. Isroil davlati19. Gretsiya Respublikasi20. Irlandiya21. Islandiya22. Italiya Respublikasi23. Kanada24. Andorra Knyazligi25. Lixtenshteyn Knyazligi26. Monako Knyazligi27. Belgiya Qirolligi28. Daniya Qirolligi29. Ispaniya Qirolligi30. Niderlandiya Qirolligi31. Norvegiya Qirolligi32. Shvetsiya Qirolligi33. Latviya Respublikasi34. Litva Respublikasi35. Malayziya36. Moʻgʻuliston37. Yangi Zelandiya38. Birlashgan Arab Amirliklari39. Portugaliya Respublikasi40. Bolgariya Respublikasi41. Indoneziya Respublikasi42. Kipr Respublikasi43. Koreya Respublikasi44. Malta Respublikasi45. Polsha Respublikasi46. San-Marino Respublikasi47. Serbiya Respublikasi48. Sloveniya Respublikasi49. Tojikiston Respublikasi50. Xorvatiya Respublikasi51. Chili Respublikasi52. Ruminiya53. Singapur54. Slovakiya Respublikasi55. Buyuk Britaniya va Shimoliy Irlandiya Birlashgan Qirolligi56. Turkiya Respublikasi57. Braziliya Federativ Respublikasi58. Germaniya Federativ Respublikasi59. Finlyandiya Respublikasi60. Fransiya Respublikasi61. Chernogoriya62. Chexiya Respublikasi63. Shveysariya Konfederatsiyasi64. Estoniya Respublikasi65. Yaponiya 66. Antigua va Barbuda67. Barbados68. Beliz69. Grenada70. Dominika Respublikasi71. Meksika Qoʻshma Shtatlari72. Gvatemala Respublikasi73. Gonduras Respublikasi74. Kosta-Rika Respublikasi75. Kuba Respublikasi76. Nikaragua Respublikasi77. Panama Respublikasi78. Trinidad va Tobago Respublikasi79. El-Salvador Respublikasi80. Sent-Vinsent va Grenadin81. Sent-Lyusiya82. Bagama Orollari Hamdoʻstligi83. Dominikana Hamdoʻstligi84. Sent-Kits va Nevis Federatsiyasi85. Yamayka851 Bahrayn Qirolligi852. Saudiya Arabistoni Podshohligi853. Oʻmon Sultonligi854. Qatar Davlati855. Quvayt Davlati856. Xitoy Xalq Respublikasi857. Iordaniya Hoshimiylar Podshohligi7 kundan koʻp boʻlmagan:86. Xitoy Xalq Respublikasining Gonkong maxsus maʼmuriy hududi.

Izoh:

1. Ikki tomonlama xalqaro shartnomalar va tenglik asosida Ozarbayjon Respublikasi, Gruziya, Armaniston Respublikasi, Belarus Respublikasi, Qozogʻiston Respublikasi, Moldova Respublikasi, Rossiya Federatsiyasi, Ukraina, Qirgʻiziston Respublikasi (60 kungacha) va Tojikiston Respublikasi (30 kungacha) bilan ikki tomonlama vizasiz rejim oʻrnatilgan.

2. Ushbu Izohning 1-bandida koʻrsatib oʻtilmagan qolgan mamlakatlarga nisbatan Oʻzbekiston Respublikasi tomonidan bir tomonlama tarzda 30 kun muddatga vizasiz rejim joriy qilingan.

3. Vizasiz rejim yuqorida sanab oʻtilgan mamlakatlarning fuqarolariga, ularning safar maqsadlaridan qatʼi nazar Oʻzbekiston Respublikasiga tashrif buyurishni rejalashtirayotgan barcha toifadagi pasport (diplomatik, xizmat va umumfuqarolik) egalariga nisbatan qoʻllaniladi. Mamlakatga kirish uchun shaxs amaldagi milliy pasport yoki xorijiy mamlakatlarga safar vaqtida qoʻllaniladigan, uning oʻrniga oʻtadigan, amal qilish muddati vizani rasmiylashtirishdan kamida 6 oyni tashkil qilishi kerak boʻlgan boshqa hujjatga ega boʻlishi kerak.

Vizasiz rejim koʻrsatib oʻtilgan mamlakatlar hududida doimiy yashaydigan, fuqaroligi boʻlmagan shaxslarga nisbatan qoʻllanilmaydi.

30 kunlik va 60 kunlik vizasiz rejim Oʻzbekiston Respublikasi davlat chegarasini kesib oʻtgan vaqtdan boshlab amalga kiradi va uning tugashiga qadar chet el fuqarosi respublikadan chiqib ketishi kerak.

Oʻzbekiston Respublikasida 30 yoki 60 kundan koʻp boʻlish zarurati holatlarida chet el fuqarosi ushbu qarorga 4-ilovada bayon etilgan, Oʻzbekiston Respublikasiga kirish vizalari toifalarining birini unga rasmiylashtirish uchun zarur hujjatlarni topshirishi kerak.

4. Roʻyxatda 66 dan 85 gacha koʻrsatib oʻtilgan mamlakatlar fuqarolari uchun 30 kun muddatga vizasiz rejim 2020-yil 1-yanvardan belgilanadi.

5. Xitoy Xalq Respublikasining Gonkong maxsus maʼmuriy hududi fuqarolari uchun mamlakatning xalqaro aeroportlari orqali koʻpi bilan 7 kun muddatga Oʻzbekiston Respublikasiga kirishning vizasiz rejimi Oʻzbekiston Respublikasi Davlat xavfsizlik xizmati Chegara qoʻshinlarining boʻlinmalariga yoʻlovchilar toʻgʻrisida dastlabki maʼlumotlarni oʻz vaqtida taqdim qiluvchi tashuvchining qaytuvchi aviachiptasi mavjud boʻlganda 2020-yil 1-yanvardan belgilanadi.

6. Birlashgan Arab Amirliklari fuqarolari uchun Oʻzbekiston Respublikasi hududiga kirgan kundan eʼtiboran 30 kun muddatga vizasiz rejim 2020-yil 1-yanvardan boshlab Birlashgan Arab Amirliklari rezidenti maqomini olgan xorijiy davlatlar fuqarolariga nisbatan ham qoʻllaniladi. Birlashgan Arab Amirliklari rezidenti maqomini olgan xorijiy davlatlar fuqarolari Oʻzbekiston Respublikasiga kirishda amal qilish muddati 90 kundan kam boʻlmagan rezidentlik vizasining asl nusxasini taqdim etadilar.

Vazirlar Mahkamasining 1996-yil 21-noyabrdagi 408-son qaroriga 6-ILOVA

Fuqarolari uchun ishbilarmonlik vizalarini rasmiylashtirishning soddalashtirilgan tartibi joriy qilinadigan mamlakatlar

ROʻYXATI

2 ish kuni mobaynida:

1. Avstriya Respublikasi

2. Belgiya Qirolligi

3. Buyuk Britaniya va Shimoliy Irlandiya Qoʻshma Qirolligi

4. Germaniya Federativ Respublikasi

5. Ispaniya Qirolligi

6. Italiya Respublikasi

7. Latviya Respublikasi

8. Malayziya

9. Fransiya Respublikasi

10. Chexiya Respublikasi

11. Shveysariya Konfederatsiyasi

12. Yaponiya

3 ish kuni mobaynida:

13. Birlashgan Arab Amirliklari

14. Eron Islom Respublikasi*

15. Pokiston Islom Respublikasi*

* Ishbilarmonlik vizalari Oʻzbekiston Respublikasining Pokiston va Eron Islom Respublikalari bilan tuzilgan Ishbilarmon va ilmiy doiralar vakillari hamda turistik guruhlar uchun viza jarayonlarini soddalashtirish toʻgʻrisidagi kelishuvlarga muvofiq rasmiylashtiriladi.

Istisno hollarda, qoʻshimcha oʻrganish talab etilsa, Pokiston va Eron Islom Respublikalari fuqarolari uchun vizani rasmiylashtirish 10 kundan oshmagan muddatga uzaytirilishi mumkin.