“Oʻzbekiston Respublikasining davlat chegarasi toʻgʻrisida”gi Oʻzbekiston Respublikasi Qonunini amalga kiritish haqida (821-I-son)

20.08.1999

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. “Oʻzbekiston Respublikasining Davlat chegarasi toʻgʻrisida”gi Oʻzbekiston Respublikasi Qonuni 2000-yil 1-yanvardan amalga kiritilsin.

2. Oʻzbekiston Respublikasi Vazirlar Mahkamasi:

Oʻzbekiston Respublikasi Oliy Majlisiga Oʻzbekiston Respublikasining qonunlarini “Oʻzbekiston Respublikasining Davlat chegarasi toʻgʻrisida”gi Oʻzbekiston Respublikasi Qonuniga muvofiq holga keltirish toʻgʻrisidagi takliflarni taqdim etsin;

hukumat qarorlarini “Oʻzbekiston Respublikasining Davlat chegarasi toʻgʻrisida”gi Oʻzbekiston Respublikasi Qonuniga muvofiq holga keltirsin;

vazirliklar va idoralar oʻzlarining “Oʻzbekiston Respublikasining Davlat chegarasi toʻgʻrisida”gi Oʻzbekiston Respublikasi Qonuniga zid boʻlgan normativ hujjatlarini qayta koʻrib chiqishlari va bekor qilishlarini taʼminlasin.

Oʻzbekiston Respublikasi Oliy Majlisining Raisi E. XALILOV

Toshkent sh.,

1999-yil 20-avgust,

821-I-son