Afgʻoniston Islom Respublikasi bilan iqtisodiy hamkorlikni yanada kengaytirish va mustahkamlash chora-tadbirlari toʻgʻrisida (PQ-4892-son)

12.11.2020

Oʻzbekiston Respublikasi Prezidentining

Qarori

Oʻzbekiston va Afgʻoniston davlatlarining tinchlik va barqarorlikni taʼminlash borasida olib borayotgan siyosati natijasida soʻnggi yillarda siyosiy, savdo, energetika, transport, kommunikatsiya va boshqa sohalarda keng qamrovli hamkorlik amalga oshirilmoqda.

Afgʻoniston Islom Respublikasi bilan oʻzaro savdoni yanada erkinlashtirish, ikki davlat tadbirkorlik subyektlarining tashqi iqtisodiy faoliyatda keng ishtirok etishi uchun qulay shart-sharoitlar yaratish hamda oʻzaro savdo hajmlarini oshirish maqsadida:

1. Investitsiyalar va tashqi savdo vazirligi (S.U. Umurzakov) va Surxondaryo viloyati hokimligiga (T.A. Bobolov) Afgʻoniston Islom Respublikasi bilan hamkorlik doirasida quyidagi qoʻshimcha vazifalar yuklansin:

ikki mamlakat oʻrtasida tovarlar va xizmatlarni erkin ayirboshlashni taʼminlashga qaratilgan qulay sharoitlar yaratish;

Afgʻoniston Islom Respublikasi bilan oʻzaro yillik savdo hajmini 2023-yilgacha 2 milliard AQSH dollariga yetkazish maqsadida berilgan vakolatlari doirasida tegishli chora-tadbirlarni amalga oshirish;

Oʻzbekiston Respublikasi va Afgʻoniston Islom Respublikasining tadbirkorlik subyektlari oʻrtasida sheriklik aloqalarini oʻrnatish, investitsiyaviy loyiha takliflarini ishlab chiqish, savdo va investitsiya shartnomalarini tuzishda koʻmaklashish;

Surxondaryo viloyatining chegaraoldi hududida Afgʻoniston fuqarolari uchun tibbiyot, oʻquv va boshqa xizmatlar infratuzilmasini tashkil etish.

2. Oʻzbekiston Respublikasi Prezidentining 2020-yil 12-noyabrdagi “Surxondaryo viloyati va Toshkent shahrida maxsus iqtisodiy va kichik sanoat zonalari faoliyatini yanada rivojlantirish chora-tadbirlari toʻgʻrisida”gi PF-6109-son Farmoniga muvofiq “Termiz xalqaro savdo markazi” erkin savdo zonasi tashkil etilganligi maʼlumot uchun qabul qilinsin.

3. Investitsiyalar va tashqi savdo vazirligi markaziy apparati tuzilmasiga Afgʻoniston Islom Respublikasi bilan tashqi iqtisodiy hamkorlik boʻyicha vazirning oʻrinbosari lavozimi kiritilsin va u bir vaqtning oʻzida “Termiz xalqaro savdo markazi” erkin savdo zonasi direksiyasi direktori etib belgilansin.

4. Quyidagilar:

Afgʻoniston Islom Respublikasi bilan iqtisodiy hamkorlikni rivojlantirish boʻyicha idoralararo ishchi guruhi (keyingi oʻrinlarda — Ishchi guruhi) tarkibi 1-ilovaga muvofiq;

Afgʻoniston Islom Respublikasi bilan tashqi iqtisodiy hamkorlikni rivojlantirish maqsadida Surxondaryo viloyatida tashkilotlar tomonidan ochiladigan vakolatxonalar roʻyxati 2-ilovaga muvofiq;

Afgʻoniston Islom Respublikasi bilan savdo-iqtisodiy hamkorlikni yanada rivojlantirish chora-tadbirlari (keyingi oʻrinlarda — “Chora-tadbirlar”) 3-ilovaga muvofiq tasdiqlansin.

Mazkur qarorning 2-ilovasiga muvofiq tasdiqlangan tashkilotlar rahbarlari joriy yilning 1-dekabriga qadar Surxondaryo viloyatida vakolatxonalar ochilishini taʼminlasin.

Investitsiyalar va tashqi savdo vazirligi (S.U. Umurzakov), Surxondaryo viloyati hokimligi (T.A. Bobolov), masʼul vazirlik, idora va tashkilotlar rahbarlari mazkur qarorning 3-ilovasida nazarda tutilgan chora-tadbirlarning oʻz vaqtida va sifatli bajarilishini taʼminlash uchun shaxsan masʼul ekanliklari belgilab qoʻyilsin.

5. Surxondaryo viloyati hokimligi Davlat aktivlarini boshqarish agentligi, Investitsiyalar va tashqi savdo vazirligi bilan birgalikda Ishchi guruhi samarali faoliyat olib borishi uchun Surxondaryo viloyati Termiz shahrida barcha sharoitlarga ega maʼmuriy bino yoki ishchi xonalar ajratsin va zarur jihozlar hamda ularning faoliyati davrida turar joy bilan taʼminlasin.

6. 2020-yil 1-dekabrdan boshlab Oʻzbekiston Respublikasining Afgʻoniston Islom Respublikasidagi elchixonasi shtatlar jadvaliga mehnatga haq toʻlash fondiga tegishli oʻzgartirishlar kiritgan holda savdo va iqtisodiy masalalar boʻyicha maslahatchi lavozimi kiritilsin.

7. Investitsiyalar va tashqi savdo vazirligi ikki hafta muddatda Afgʻoniston Islom Respublikasi hududida respublika tarmoq xoʻjalik birlashmalarining qishloq xoʻjaligi va sanoat mahsulotlarini yetkazib beruvchi markazlashgan savdo uylarini tashkil etish boʻyicha takliflarni Vazirlar Mahkamasiga kiritsin.

8. Belgilab qoʻyilsinki:

Oʻzbekiston Respublikasi investitsiyalar va tashqi savdo vazirining Afgʻoniston Islom Respublikasi bilan tashqi iqtisodiy hamkorlik boʻyicha oʻrinbosari — Afgʻoniston Islom Respublikasi hududidagi savdo uylari hamda tashkilotlarning Surxondaryo viloyatida tashkil etiladigan vakolatxonalari faoliyatini muvofiqlashtirish;

Ishchi guruhi — “Chora-tadbirlar”ning tegishli vazirliklar, idoralar, mahalliy davlat hokimiyati organlari va boshqa tashkilotlar tomonidan oʻz vaqtida va sifatli bajarilishini taʼminlash;

Surxondaryo viloyatida vakolatxonalar tashkil etadigan tegishli tashkilotlar rahbarlari — vakolatxonalarning samarali faoliyatini taʼminlash hamda Afgʻonistonga eksport hajmlarini oshirish uchun masʼuldir.

9. Bosh vazir oʻrinbosari S.U. Umurzakov ikki hafta muddatda Afgʻoniston Islom Respublikasi bilan oʻzaro yillik savdo hajmini 2 milliard AQSH dollariga yetkazish borasida erishilgan kelishuvlarning ijrosi yuzasidan hamkorlikni rivojlantirish boʻyicha qoʻshma “Yoʻl xaritasi” Afgʻoniston tomoni bilan birga ishlab chiqilishini va tasdiqlanishini taʼminlasin.

Investitsiyalar va tashqi savdo vazirligi har oy yakuni bilan “Chora-tadbirlar” va qoʻshma “Yoʻl xaritasi” ijrosi yuzasidan umumlashtirilgan maʼlumotni Oʻzbekiston Respublikasi Prezidenti Administratsiyasiga kiritib borsin.

10. Oʻzbekiston Respublikasi Prezidentining ayrim qarorlariga 4-ilovaga* muvofiq oʻzgartirish va qoʻshimchalar kiritilsin.

* 4-ilova berilmaydi.

11. Mazkur qarorning ijrosini samarali tashkil etishga masʼul va shaxsiy javobgar etib Bosh vazir oʻrinbosari — investitsiyalar va tashqi savdo vaziri S.U. Umurzakov belgilansin.

12. Mazkur qarorning ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Qabul qilingan chora-tadbirlar natijadorligi toʻgʻrisida 2021-yil 1-mart hamda 1-sentabrga qadar Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 12-noyabr,

PQ-4892-son

Oʻzbekiston Respublikasi Prezidentining 2020-yil 12-noyabrdagi PQ-4892-son qaroriga 1-ILOVA

Afgʻoniston Islom Respublikasi bilan iqtisodiy hamkorlikni rivojlantirish boʻyicha idoralararo ishchi guruhi

TARKIBI

1. S.U. Umurzakov — Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri, Ishchi guruhi rahbari 2. lavozimi boʻyicha — investitsiyalar va tashqi savdo vazirining Afgʻoniston Islom Respublikasi bilan tashqi iqtisodiy hamkorlik boʻyicha oʻrinbosari, Ishchi guruhi rahbari oʻrinbosari 3. F.A. Sidikov — tashqi ishlar vazirining oʻrinbosari 4. I.R. Irgashev — Oʻzbekiston Respublikasi Prezidentining Afgʻoniston boʻyicha maxsus vakili 5. B.K. Abdinazarov — iqtisodiy taraqqiyot va kambagʻallikni qisqartirish vazirining oʻrinbosari 6. Sh.X. Xodjayev — energetika vaziri oʻrinbosari 7. I.R. Mahkamov — transport vaziri vazifasini bajaruvchi 8. B.Yu. Abubakirov — Markaziy bank raisining oʻrinbosari 9. M.O. Saliyev — Davlat bojxona qoʻmitasi raisi oʻrinbosari 10. A.E. Fayzibayev — Davlat soliq qoʻmitasi raisi oʻrinbosari 11. D.N. Sattarov — “Oʻzstandart” agentligi bosh direktori 12. S.N. Bekenov — Davlat aktivlarini boshqarish agentligi direktori 13. I.K. Ergashev — Oʻsimliklar karantini va himoyasi agentligi bosh direktori 14. lavozimi boʻyicha — Davlat xavfsizlik xizmati Chegara qoʻshinlari qoʻmondoni oʻrinbosari 15. A.X. Oripov — Surxondaryo viloyati hokimining oʻrinbosari — Investitsiyalar va tashqi savdo boshqarmasi boshligʻi 16. lavozimi boʻyicha — Oʻzbekiston Respublikasining Afgʻoniston Islom Respublikasidagi elchixonasi savdo va iqtisodiy masalalar boʻyicha maslahatchisi 17. M.R. Abdullayev — “Oʻzbekneftgaz” AJ raisi 18. J.T. Mirzamaxmudov — “Oʻzkimyosanoat” AJ raisi v.b. 19. Sh.B. Umurzoqov — “Oʻzavtosanoat” AJ raisi 20. M.M. Yunusov — “Oʻzeltexsanoat” uyushmasi raisi 21. lavozimi boʻyicha — “Oʻzsanoatqurilishmateriallari” uyushmasi raisi 22. I.U. Xaydarov — “Oʻztoʻqimachiliksanoat” uyushmasi raisi 23. B.Q. Sharipov — Pillachilik va qorakoʻlchilikni rivojlantirish qoʻmitasi raisi 24. F.A. Boboyev — “Oʻzcharmsanoat” uyushmasi raisi 25. F.J. Poʻlatov — “Oʻzdonmahsulot” AJ raisi 26. S.X. Kariyev — Farmatsevtika tarmogʻini rivojlantirish agentligi direktori 27. A.K. Mirsoatov — “Oʻzbekiston Respublikasi Tashqi iqtisodiy faoliyat milliy banki” AJ boshqaruvi raisi 28. S.S. Annaklichev — “Oʻzsanoatqurilishbank” ATB boshqaruvi raisi 29. N.N. Saydullayev — “Asaka” ATB boshqaruvi raisi 30. U.X. Murodov — Eksportni ragʻbatlantirish agentligi direktori 31. F.J. Raximov — Vazirlar Mahkamasining Investitsiyalar, eksportni qoʻllab-quvvatlash va tashqi iqtisodiy aloqalar masalalari kotibiyati mudiri, Ishchi guruhi kotibi

Izohlar.

Ishchi guruhi aʼzolari boshqa ishga oʻtganda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

Ishchi guruhiga zarur holda vazirlik va idoralar rahbarlari hamda mutaxassislarini jalb qilish huquqi beriladi.

Oʻzbekiston Respublikasi Prezidentining 2020-yil 12-noyabrdagi PQ-4892-son qaroriga 2-ILOVA

Afgʻoniston Islom Respublikasi bilan tashqi iqtisodiy hamkorlikni rivojlantirish maqsadida Surxondaryo viloyatida tashkilotlar tomonidan ochiladigan vakolatxonalar

roʻyxati

T/r Xoʻjalik yurituvchi subyekt Masʼul shaxs 1. “Oʻzbekneftgaz” AJ M.R. Abdullayev 2. “Oʻzkimyosanoat” AJ J.T. Mirzamaxmudov 3. “Oʻzavtosanoat” AJ Sh.B. Umurzoqov 4. “Oʻzeltexsanoat” uyushmasi M.M. Yunusov 5. “Oʻzsanoatqurilishmateriallari” uyushmasi lavozimi boʻyicha 6. “Oʻztoʻqimachiliksanoat” uyushmasi I.U. Xaydarov 7. Pillachilik va qorakoʻlchilikni rivojlantirish qoʻmitasi B.Q. Sharipov 8. “Oʻzcharmsanoat” uyushmasi F.A. Boboyev 9. “Oʻzdonmahsulot” AJ F.J. Poʻlatov 10. Farmatsevtika tarmogʻini rivojlantirish agentligi S.X. Kariyev

Oʻzbekiston Respublikasi Prezidentining 2020-yil 12-noyabrdagi PQ-4892-son qaroriga 3-ILOVA

Afgʻoniston Islom Respublikasi bilan savdo-iqtisodiy hamkorlikni yanada rivojlantirish

CHORA-TADBIRLARI

T/r Chora-tadbirlar Amalga oshirish mexanizmi Ijro muddati Masʼullar vazirlik va idoralar Vazirlar Mahkamasi I. Savdo uchun qulay sharoitlar yaratish va tegishli kelishuvlarga erishish chora-tadbirlari 1. Afgʻoniston sanoat va savdo vazirligi bilan Imtiyozli savdo toʻgʻrisida bitim tuzish va keyinchalik Erkin savdo toʻgʻrisidagi bitimni imzolash boʻyicha maslahatlashuvlar oʻtkazish. 1. Tegishli vazirlik va idoralar xodimlaridan iborat boʻlgan ishchi guruhini tuzish. 2. Oʻzaro savdo aylanmasini oʻrganib chiqib, imtiyozli rejim boʻyicha tadqiqot oʻtkazish. 3. Afgʻoniston sanoat va savdo vazirligi bilan bu masalada videomuloqot orqali muzokaralar oʻtkazish. 4. Imtiyozli savdo bitimi loyihasini ishlab chiqish, tegishli vazirlik va idoralar bilan kelishish hamda Vazirlar Mahkamasiga kiritish. 5. Imtiyozli savdo bitimini imzolash. 2020-yil noyabr 2020-yil noyabr 2020-yil dekabr 2021-yil yanvar 2021-yil mart Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Davlat bojxona qoʻmitasi F. Raximov, A. Kamalov 2. Afgʻonistonning Qobul va Mozori-Sharif shaharlarida respublikaning tarmoq xoʻjalik birlashmalarining qishloq xoʻjaligi va sanoat mahsulotlarini yetkazib beruvchi markazlashgan savdo uylarini tashkil etish choralarini koʻrish. 1. Investitsiyalar va tashqi savdo vazirligi huzuridagi Eksportni ragʻbatlantirish agentligi muassisligida Afgʻonistonning Qobul va Mozori-Sharif shaharlarida savdo uylarini tashkil etish. 2. Afgʻoniston bozoriga olib kirilishi mumkin boʻlgan mahsulotlar yuzasidan doimiy ravishda marketing tadqiqotlari oʻtkazib turish va ular orqali eksport hajmini oshirish boʻyicha tegishli choralar koʻrish. 3. Afgʻoniston Islom Respublikasining davlat buyurtmasi asosida va boshqa buyurtmalar uchun mahsulotlar yetkazib berish boʻyicha tender savdolarida faol ishtirok etish. 4. Amalga oshirilayotgan tadbirlar yuzasidan har oyda tegishli maʼlumotlarni kiritish. 2021-yil I-yarim yillikda doimiy ravishda doimiy ravishda 2021-yildan boshlab Eksportni ragʻbatlantirish agentligi, Investitsiyalar va tashqi savdo vazirligi, “Oʻzsanoateksport” AJ, “Oʻztreyd” AJ F. Raximov 3. Oʻzbekiston va Afgʻoniston oʻrtasida avtomobilda xalqaro yuk tashuvlarni yanada rivojlantirish va bu borada oʻzaro maqbul huquqiy sharoit yaratish. 1. Oʻzbekiston va Afgʻoniston Hukumatlari oʻrtasida avtomobilda xalqaro yuk tashish toʻgʻrisidagi Bitim loyihasini kelishish va Bitimda ikki davlat avtotashuvchilarining oʻzaro kelishilgan miqdordagi ruxsatnomalar doirasida kirishi va ularni tranzit yigʻimlaridan ozod etishni nazarda tutish; 2. Bitim loyihasini kelishish va Afgʻonistonga/dan yuk tashishni amalga oshirish uchun chegirmalar va imtiyozlar beri? boʻyicha Afgʻonistonning masʼul idoralari bilan muzokaralar oʻtkazish. 3. Bitim loyihasini kelgusidagi ikki tomonlama tadbirlar doirasida imzolash va uning kuchga kirishi uchun tegishli chora-tadbirlarni amalga oshirish. 2020-yil dekabr 2021-yil yanvar kelishuvga koʻra Transport vazirligi, Investitsiyalar va tashqi savdo vazirligi, Tashqi ishlar vazirligi, Davlat bojxona qoʻmitasi Sh. Abidov, F. Raximov 4. Oʻzbekiston va Afgʻoniston chegarasidan tovarlarni olib oʻtishda bojxona rasmiylashtiruvini yanada soddalashtirish. 1. Afgʻonistondan kirib kelayotgan va tranzit yuklarni “Gʻalaba” tekshirish stansiyasida zamonaviy usullardan foydalangan holda qoʻshimcha (ruxsatsiz) ochmasdan, tezkor (2 soatgacha) tekshirishni taʼminlash tartibini oʻrnatish. 2. Avtotransport vositalarini kelishilgan marshrut boʻyicha (“Gʻalaba” nazorat stansiyasi va “Termiz Kargo” MCHJ) yuklash punktlariga olib borishda bojxona kuzatuvini rasmiylashtirish tartibini soddalashtirish va bojlarni bekor qilish boʻyicha aniq takliflarni ishlab chiqish. 3. Ushbu tartib va takliflarni hujjatlashtirish va amalda tatbiq etish. 2020-yil noyabr 2021-yil yanvar 2021-yil fevral Davlat bojxona qoʻmitasi, Davlat xavfsizlik xizmati Chegara qoʻshinlari, Investitsiyalar va tashqi savdo vazirligi, Surxondaryo viloyati hokimligi A. Kamalov, F. Raximov 5. Oʻzbekistonda ishlab chiqarilayotgan mahsulotlar markirovkasiga oʻzbek, dari, pushtu va ingliz tillarida mahsulot tarkibi, xususiyatlari va boshqa maʼlumotlarni kiritish. 1. Afgʻoniston tomonidan import qilinadigan mahsulotlardan kelib chiqib, mahalliy sanoat mahsulotlari roʻyxatini shakllantirish. 2. Ushbu tovarlar ishlab chiqaruvchilarini oʻz mahsulotlari markirovkasiga ingliz va afgʻon (dari, pushtu) tillarida mahsulot tarkibi, xususiyatlari va boshqa maʼlumotlarni kiritishga targʻibot-tashviqot qilish. 2020-yil noyabr 2020-yil dekabr Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Savdo sanoat palatasi, “Oʻzstandart” agentligi A. Jumanazarov, F. Raximov 6. Afgʻonistondan Oʻzbekiston Respublikasiga pul oʻtkazish va boshqa moliyaviy xizmatlarni rivojlantirish. Afgʻonistonning Qobul va Mozori-Sharif shaharlarida Oʻzbekiston Respublikasi tijorat banklarining filiallarini ochish masalasini Markaziy bank tomonidan oʻrganib chiqish va taklif kiritish. 2020-yil dekabr Markaziy bank A. Kamalov 7. Afgʻoniston xaridorlari uchun Oʻzbekistonda ishlab chiqarilgan mahsulotlar namunalari bilan tanishish sharoitini yaratish. Afgʻoniston hududida Hayraton chegara posti yonida tashkil etilayotgan xalqaro savdo-logistika markazida “Made in Uzbekistan” koʻrgazma-yarmarkasini tashkil etish hamda Oʻzbekistonda ishlab chiqarilgan mahsulotlar namunalarini joylashtirish. 2021-yil mart Investitsiyalar va tashqi savdo vazirligi, tegishli vazirlik va idoralar F. Raximov 8. Oʻzbekiston Respublikasi Bosh vazirining 2019-yil 1-iyulda Mozori-Sharif shahrida afgʻonistonlik ishbilarmonlar bilan uchrashuvi chogʻida erishilgan kelishuvlarning toʻliq bajarilishini taʼminlash. 1. Afgʻoniston “Arman LTD” kompaniyasiga mineral oʻgʻit yetkazib berish. 2. Termiz shahrida mehmonxona qurilishini amalga oshirish. 3. Axborot byulletenlari va video materiallarni Afgʻoniston OAV orqali tarqatish. 4. Afgʻonistondagi uchta yogʻ-moy korxonalarini modernizatsiya va rekonstruksiya qilish, shuningdek, yangi zavodlarni qurish muddatlari va shartlarini ishlab chiqish. 5. Oʻzbekiston koʻmagida Afgʻonistondagi rekonstruksiya qilish zarur boʻlgan toʻqimachilik fabrikalarini tanlash, shuningdek, yangi toʻqimachilik korxonalarini qurish shartlari boʻyicha Afgʻoniston tomoni bilan muzokaralar oʻtkazish. 2020-2021-yillar Ishchi guruh, Surxondaryo viloyati hokimligi, Tashqi ishlar vazirligi, Turizmni rivojlantirish davlat qoʻmitasi, “Oʻzkimyosanoat” AJ, “Oʻzyogʻmoysanoat” uyushmasi, “Oʻztoʻqimachiliksanoat” uyushmasi A. Jumanazarov, F. Raximov, A. Nazarmuxamedov 9. Afgʻoniston temir yoʻllarida yuk tashishni yengillashtirish choralarini koʻrish. 1. Afgʻoniston temir yoʻllari boʻyicha masʼul idoralar bilan muzokaralar oʻtkazish. 2. Afgʻoniston temir yoʻllarida yuk tashish stavkasiga 50 foizgacha imtiyoz qoʻllash boʻyicha tegishli kelishuvni Afgʻoniston tomoni bilan imzolash. 3. Temir yoʻl transportida yuk tashish uchun Afgʻoniston tadbirkorlari tomonidan “kodlar”ni tezkor ravishda olish mexanizmini ishlab chiqish. 2020-yil noyabr 2020-yil noyabr 2020-yil dekabr Transport vazirligi, “Oʻzbekiston temir yoʻllari” AJ, Investitsiyalar va tashqi savdo vazirligi, Tashqi ishlar vazirligi Sh. Abidov, F. Raximov 10. Oʻzbekiston Respublikasi hududi orqali tranzit yuklarni tashish boʻyicha yengilliklar taqdim etish yoʻli bilan tranzit yuklar hajmini oshirish. 1. Oʻzbekiston-Afgʻoniston oʻtkazish punktidan “Termiz Kargo” MCHJ logistika markazigacha avtomobilda yuk tashishda Afgʻonistonda roʻyxatdan oʻtgan avtotransport vositalariga nisbatan sunʼiy yoʻldoshli navigatsiya tizimini qoʻllagan holda: bojxona kuzatuvi uchun belgilangan yigʻimlardan; vazn parametrlari belgilangan koʻrsatkichlardan 10 foizgacha ortiq boʻlganda, ogʻir vaznli yuklarni tashish uchun maxsus ruxsatnoma olishdan; “Doʻstlik” koʻprigidan oʻtganligi uchun undiriladigan yigʻimlardan ozod etish masalasini ishlab chiqish. 2020-yildan boshlab Transport vazirligi, Investitsiyalar va tashqi savdo vazirligi, Tashqi ishlar vazirligi, Davlat bojxona qoʻmitasi Sh. Abidov, F. Raximov II. Savdo aylanmasini oshirish chora-tadbirlari 11. Oʻzbekistonda ishlab chiqarilgan mahsulotlar bilan masofadan turib tanishish va savdo qilish imkoniyatini yaratish. 1. Afgʻoniston xaridorlariga www.cooperation.uz elektron portalining savdo maydonchasidan ingliz tilida foydalanish imkoniyatini yaratish. 2. Ushbu portaldan foydalanishni Afgʻoniston hududida keng targʻib qilish. 2020-yil noyabr 2020-yil noyabrdan boshlab Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi A. Kamalov 12. Afgʻoniston bilan oʻzaro savdo hajmini 2023-yilgacha 2 mlrd AQSH dollariga yetkazish. 1. Oʻzaro munosabatlar jarayonida yuzaga keladigan muammolarni oʻz vaqtida hal qilish uchun ikki mamlakatning iqtisodiy subyektlari oʻrtasida toʻgʻridan-toʻgʻri ishchi aloqalarni oʻrnatish. 2. Afgʻonistonning Balx va Oʻzbekistonning Surxondaryo viloyati rahbarlari boshchiligida chegara savdosini rivojlantirishda yuzaga kelayotgan muammolarni hal etish maqsadida Oʻzbekiston-Afgʻoniston ishchi komissiyasining ikkinchi yigʻilishini videomuloqot orqali tashkil etish. 3. Tegishli xoʻjalik yurituvchi subyektlar bilan birgalikda Afgʻonistonga eksport qilinadigan sement, temir, suyultirilgan gaz, un, bugʻdoy, tuxum va oʻsimlik yogʻi kabi asosiy mahsulotlar narxini pasaytirish, ularning Afgʻoniston bozorida raqobatbardoshligini taʼminlash choralarini koʻrish. doimiy ravishda 2020-yil noyabr 2020-yil dekabr Afgʻoniston bilan iqtisodiy hamkorlikni rivojlantirish boʻyicha idoralararo ishchi guruh (Ishchi guruh), Investitsiyalar va tashqi savdo vazirligi, Tashqi ishlar vazirligi, Savdo-sanoat palatasi, Surxondaryo viloyati hokimligi, Davlat bojxona qoʻmitasi, tegishli xoʻjalik yurituvchi subyektlar F. Raximov 13. Tovuqlarni xalqaro standartlar asosida soʻyib, goʻshtini qadoqlab, Afgʻonistonga eksport qilish choralarini koʻrish. 1. Oʻzbekistonda “Halol” sertifikatini joriy qilish boʻyicha xalqaro tashkilotlar bilan muzokaralarni yakunlash. 2. “Oʻzstandart” agentligi tomonidan korxonalarga ISO 22000 va “Halol” standartlarini joriy etish boʻyicha konsultatsiyalar berish. 3. Mahalliy sarmoyador tadbirkorlar bilan “Halol” standarti asosida qushxonalar tashkil etish. 4. Afgʻonistonlik import qiluvchilar bilan “Halol” standarti asosida qadoqlangan tovuq mahsulotlarini yetkazib berish boʻyicha tegish?i shartnomalar imzolash. 5. Mahsulot yetkazishni boshlash. 2020-yil noyabr 2020-yil dekabr 2021-yil yanvar 2021-yil fevral 2021-yil aprel “Parrandasanoat” uyushmasi, “Oʻzstandart” agentligi, Surxondaryo viloyati hokimligi, Savdo-sanoat palatasi A. Jumanazarov, F. Raximov 14. Marmar va tosh mahsulotlari eksporti hajmlarini oshirish. 1. Afgʻoniston davlati bilan kooperatsiya aloqalarini oʻrnatish, tabiiy pardozbop toshlar xomashyosi importini yoʻlga qoʻyish hamda ularni qayta ishlagan holda yuqori qoʻshilgan qiymatga ega pardozbop toshlar ishlab chiqarishni tashkil etish. 2. Marmar va tosh eksporti hajmini yiliga 2,1 mln AQSH dollariga yetkazish. 2020-2021-yillar 2021-yil dekabr “Oʻzsanoatqurilish-materiallari” uyushmasi, Surxondaryo viloyati hokimligi, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi Sh. Abidov, F. Raximov 15. Xalq isteʼmol tovarlarining eksporti hajmini oshirish va yangi turlari eksportini yoʻlga qoʻyish. 1. Xalq isteʼmol tovarlari (termos idishlar, sharnirlar, osma qulflar, mebel furniturasi, tish tozalash vositalari, qalam va ruchka, plastmassadan tayyorlangan oshxona idishlari) ishlab chiqarishni tashkil qilish. 2. Xalq isteʼmol tovarlari eksportini yiliga 32,9 mln AQSH dollariga yetkazish. 2021-yildan boshlab Surxondaryo viloyati hokimligi, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi Sh. Abidov, F. Raximov 16. Tamaki mahsulotlarining eksport hajmini oshirish. 1. “Toshkent Tabakko” bosh ofislari (“Japan Tobacco” va “Philip Morris”) bilan Afgʻonistonga eksport qilish boʻyicha kelishuvlarni imzolash. 2. Tamaki mahsulotlarining yillik eksport hajmini 5,2 mln AQSH dollariga yetkazish. 2021-yildan boshlab Qishloq xoʻjaligi vazirligi, Surxondaryo viloyati hokimligi, Investitsiyalar va tashqi savdo vazirligi F. Raximov 17. Gigiyenik vositalar eksportini yoʻlga qoʻyish. 1. Navoiy va Buxoro viloyatlarida bolalar tagliklari ishlab chiqarish quvvatlarini 100 foizga yetkazish. 2. Gigiyenik vositalar eksporti hajmini 17,4 mln dollarga yetkazish. 2020-yil dekabr 2021 yanvardan boshlab Navoiy va Buxoro viloyatlari hokimliklari, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi F. Raximov, Sh. Abidov 18. Mebel mahsulotlari eksportini yoʻlga qoʻyish. 1. Surxondaryo viloyatida mebelsozlik yoʻnalishida amalga oshirilishi belgilangan loyihalarning manzilli roʻyxatini shakllantirish. 2. Loyihalarning quvvatlari hamda eksport imkoniyatlarini tahlil qilgan holda, loyihalarni muddatida ishga tushirish choralarini koʻrish. 3. Mahsulotlarning xalqaro standartlar asosida ishlab chiqarilishiga hamda sifat koʻrsatkichlariga rioya qilish. 4. Mebelmahsulotlari yillik eksport hajmini 1,1 mln AQSH dollariga yetkazish. 2020-yil noyabr doimiy ravishda doimiy ravishda 2021-yildan boshlab Surxondaryo viloyati hokimligi, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi F. Raximov, Sh. Abidov 19. Bolalar kiyimlari eksportini yoʻlga qoʻyish. Surxondaryo viloyatidagi ip kalava (6 ta korxona — 40,5 ming tonna) va tayyor trikotaj mahsulotlari ishlab chiqaruvchilar (2 ta korxona — 3,8 mln dona) hamda respublikaning boshqa hududlaridagi toʻqimachilik matolari ishlab chiqaruvchilar oʻrtasida kooperatsiya aloqalarini oʻrnatish hisobiga bolalar kiyimlari yillik eksportini 4,8 mln AQSH dollariga yetkazish. 2021-yildan boshlab “Oʻztoʻqimachiliksanoat” uyushmasi, Surxondaryo viloyati hokimligi, Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi F. Raximov, Sh. Abidov 20. Afgʻonistondan meva-sabzavot va yongʻoq kabi qishloq xoʻjaligi mahsulotlarini qayta ishlash va uchinchi davlatlarga reeksport qilish maqsadida olib kirishni tashkil etish imkoniyatlarini oʻrganish. 1. Afgʻonistonda yetishtiriladigan va Oʻzbekistonda tanqis boʻlgan meva-sabzavot va yongʻoq kabi qishloq xoʻjaligi mahsulotlari roʻyxatini shakllantirish. 2. Ushbu mahsulotlarni hamkorlikda qayta ishlash maqsadida Oʻzbekiston va Afgʻoniston tomonidan hamkorlar topish va qoʻshma korxonalarni tashkil etish boʻyicha takliflarni shakllantirish. 3. Tayyor mahsulotlarni reeksport qilish chorasini koʻrish. 2020-yil noyabr 2020-yil noyabr-dekabr 2021-yil Investitsiyalar va tashqi savdo vazirligi, Savdo sanoat palatasi, Surxondaryo viloyati hokimligi F. Raximov 21. Afgʻonistonga eksport qilish uchun un, non mahsulotlari, oʻsimlik yogʻi, meva-sabzavot va boshqa oziq-ovqat mahsulotlarini ishlab chiqarishga yoʻnaltirilgan qiymati 75,6 million AQSH dollariga teng 7ta loyihani amalga oshirish. 1. Loyihalar boʻyicha biznes-reja va boshqa zarur loyiha hujjatlarini ishlab chiqish. 2. Oʻzbekiston va Afgʻoniston tashabbuskorlari oʻrtasida muzokaralar oʻtkazish va loyihalarni amalga oshirish shartlarini kelishib olish. 3. Loyihalarni amalga oshirish uchun moliyalashtirish manbalarini aniqlash. 4. Qurilish va taʼmirlash hamda asbob-uskunalarning montaj ishlarini yakunlash. 5. Ishlab chiqarish va eksport faoliyatini boshlash. 2020-yil noyabr 2020-yil noyabr 2020-yil dekabr 2021-yil sentabr 2021-yil oktabr Investitsiyalar va tashqi savdo vazirligi, Savdo sanoat palatasi, tegishli vazirlik va idoralar, tijorat banklari F. Raximov 22. Zargarlik yoʻnalishidagi hamkorlikni rivojlantirish. 1. Afgʻonistonning Badaxshon hududidagi lojuvard qimmatbaho zargarlik toshlarini qayta ishlash boʻyicha muzokaralar oʻtkazish. 2. Termiz shahrida afgʻonistonlik investorlar bilan hamkorlikda lojuvard qimmatbaho zargarlik toshlarini qayta ishlash boʻyicha korxona tashkil etish. 3. Ishlab chiqarish faoliyatini va Afgʻoniston hamda uchinchi mamlakatlarga mahsulot eksportini boshlash. 2020-yil noyabr 2021-yil yanvar 2021-yil iyun “Oʻzbekzargarsanoati” uyushmasi, Surxondaryo viloyati hokimligi, Investitsiyalar va tashqi savdo vazirligi A. Jumanazarov, F. Raximov 23. Oʻzbekiston va Afgʻoniston oʻrtasida sanoat kooperatsiyasi boʻyicha hamkorlikni rivojlantirish. 1. “Termiz Xalqaro savdo markazi” hududida Afgʻoniston kompaniyalari ishtirokida meva-sabzavotlarni qayta ishlovchi va qadoqlovchi korxonalarni tashkil etish, keyinchalik ularning mahsulotlarini MDH bozorlariga eksport qilish boʻyicha hamkorlik qilish. 2. Afgʻonistonda toʻqimachilik va meva-sabzavot mahsulotlarini qayta ishlovchi va qadoqlovchi korxonalarni tashkil etish hamda ularning mahsulotlarini Yevropa Ittifoqi mamlakatlariga bojsiz yetkazib berish boʻyicha hamkorlik qilish. 3. Afgʻonistonda Oʻzbekiston sanoatining ehtiyojlari uchun mineral xomashyo qazib olishni nazarda tutuvchi korxonalarni tashkil etish boʻyicha afgʻon tomoni takliflarini oʻrganib chiqish. 2020-2021-yillar 2020-2021-yillar 2020-yil noyabr — 2021-yil mart Ishchi guruh, Surxondaryo viloyati hokimligi, Qishloq xoʻjaligi vazirligi, “Oʻztoʻqimachiliksanoat” uyushmasi, Davlat geologiya qoʻmitasi, “Oʻzkimyosanoat” AJ, “Oʻzbekneftgaz” AJ, “Oʻzqurilishmaterial-lari” uyushmasi A. Jumanazarov, F. Raximov III. Infratuzilmani yaxshilash boʻyicha chora-tadbirlar 24. “500 kVt quvvatli “Surxon-Puli-Xumri” elektr uzatish liniyasini qurish” loyihasining amalga oshirilishini tezlashtirish. 1. Loyihaning moliyalashtirilishi Osiyo taraqqiyot banki tomonidan tasdiqlangandan soʻng Afgʻoniston tomoni bilan qurilish boʻyicha tegishli kelishuvga erishish. 2. “Surxon-Puli-Xumri” elektr uzatish liniyasining Oʻzbekiston hududidagi qismini qurish ishlarini yakunlash. 3. Loyiha doirasida Afgʻoniston hududidagi qurilish ishlarini boshlash. 2020-yil noyabr 2021-yil mart 2021-yil avgust Energetika vazirligi, Surxondaryo viloyati hokimligi, Investitsiyalar va tashqi savdo vazirligi, Tashqi ishlar vazirligi A. Jumanazarov 25. Pokiston dengiz portlariga chiqish imkoniyatini beradigan “Mozori-Sharif-Qobul” temir yoʻlini qurish loyihasining barcha jihatlarini muhokama qilish va amalga oshirish. 1. Afgʻonistonning Transport vazirligi va boshqa tegishli idoralari ishtirokida Ishchi guruhi tashkil etish. 2. Oʻzbekiston, Afgʻoniston va Pokiston transport vazirlari oʻrtasida trans-afgʻon temir yoʻlining optimal, iqtisodiy jihatdan foydali yoʻnalishini tezkor oʻrganish va tanlash boʻyicha muzokaralar olib borish. 3. Oʻzbekiston, Afgʻoniston va Pokiston davlat rahbarlari nomidan loyihani moliyalashtirish uchun AQSH Xalqaro taraqqiyot moliya korporatsiyasining va boshqa xalqaro moliya institutlari mablagʻlarini jalb etish uchun qoʻshma murojaat joʻnatish. 4. Tegishli hujjatlarni tayyorlash. 5. Loyihaning amalga oshirilishini boshlash. 2020-yil noyabr 2020-yil dekabr 2020-yil dekabr 2021-yil iyun 2021-yil sentabr “Oʻzbekiston temir yoʻllari” AJ, Transport vazirligi, Investitsiyalar va tashqi savdo vazirligi, Tashqi ishlar vazirligi Sh. Abidov, F. Raximov 26. Oʻzbekiston va Afgʻoniston oliy taʼlim vazirliklari oʻrtasida taʼlim sohasida hamkorlik qilish. 1. Afgʻonistonning arxitektura va qurilish sohasidagi salohiyatini oshirish maqsadida ushbu sohadagi Oʻzbekiston oliy oʻquv yurtlari bilan hamkorlikni rivojlantirish masalasini oʻrganib chiqish. 2. Afgʻoniston fuqarolarini Oʻzbekiston oliy oʻquv yurtlarida grant asosida magistratura va doktoranturada (PhD) oʻqitish uchun kvotalar ajratish masalasini oʻrganib chiqish. 3. Takliflar asosida Vazirlar Mahkamasining tegishli qarorini tasdiqlash. 4. Qabul qilingan qaror haqida afgʻon tomonini xabardor qilish. 2020-yil dekabr 2020-yil dekabr 2021-yil fevral 2021-yil mart Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi, Tashqi ishlar vazirligi B. Onorboyev 27. Surxondaryo viloyati Termiz tumanida joylashgan “A?gʻoniston fuqarolarini oʻqitish markazi” faoliyatini takomillashtirish. 1. Oʻquv markazining afgʻon bitiruvchilari uchun diplomlarni rasmiylashtirish toʻgʻrisidagi murojaatini oʻrganib chiqib, takliflarni Vazirlar Mahkamasiga kiritish. 2. Termiz taʼlim markazining 2 yillik kurslarini tugatgan Afgʻonistonning 96 nafar fuqarosiga “oʻzbek tili va adabiyoti” ixtisosligi boʻyicha bakalavr diplomini berish va ularni legalizatsiya qilish masalasini hal etish. 3. “Afgʻoniston fuqarolarini oʻqitish markazi”da “Tadbirkorlik asoslari” yoʻnalishini tashkil etish. 4. Surxondaryo viloyatidagi korxona va tashkilotlarning malakali mutaxassislari tomonidan amaliy seminarlar tashkil etish. 2020-yil noyabr 2020-yil dekabr 2021-yil mart doimiy ravishda Oliy va oʻrta maxsus taʼlim vazirligi, Taʼlim sifatini nazorat qilish davlat inspeksiyasi, Tashqi ishlar vazirligi, Surxondaryo viloyati hokimligi B. Onorboyev 28. Afgʻoniston hududida, jumladan Hayraton shahridagi “quruq portlar”ni modernizatsiya qilish va kengaytirish. 1. Oʻzbekistonning Afgʻonistondagi elchixonasi orqali afgʻon tomonidan “quruq portlar” boʻyicha takliflarni olish. 2. “Quruq portlar” boʻyicha taklifni oʻrganish va tegishli takliflarni Vazirlar Mahkamasiga kiritish. 3. Afgʻonistondagi “quruq portlar”ni modernizatsiya qilish boʻyicha tegishli shartnomani imzolash. 4. Modernizatsiya ishlarini boshlash. 2020-yil noyabr 2020-yil dekabr 2021-yil yanvar 2021-yil mart Transport vazirligi, Investitsiyalar va tashqi savdo vazirligi, Tashqi ishlar vazirligi Sh. Abidov, F. Raximov 29. Toshkent shahri hamda Qobul va Mozori-Sharif shaharlari oʻrtasida doimiy toʻgʻridan-toʻgʻri parvozlarni tiklash. 1. Afgʻonistonning “KamAir” va “Ariana Afghan Airlines” kompaniyalari hamda “Uzbekistan Airways” AJ va “Uzbekistan Airports” AJ oʻrtasida muzokaralar oʻtkazish. 2. Ikki tomonlama kelishuvni imzolash. 3. Afgʻoniston va Oʻzbekiston oʻrtasida toʻgʻridan-toʻgʻri parvozlarni amalga oshirish. 2020-yil noyabr 2020-yil dekabr 2021-yil yanvar Transport vazirligi, Tashqi ishlar vazirligi Sh. Abidov, F. Raximov 30. Oʻzbekiston va Afgʻoniston oʻrtasida avtomobil transporti toʻgʻrisida bitim imzolash. 1. Bitim loyihasini ishlab chiqish va tegishli vazirlik va idoralar bilan kelishish. 2. Bitim loyihasini afgʻon tomoni bilan kelishish. 3. Kelishilgan hujjat loyihasini Vazirlar Mahkamasiga kiritish. 4. Bitimni imzolash. 2020-yil noyabr 2020-yil dekabr 2021-yil yanvar 2021-yil fevral Transport vazirligi, Tashqi ishlar vazirligi, Adliya vazirligi Sh. Abidov, F. Raximov 31. Afgʻonistonning qadimiy shaharlaridagi madaniyat va sanʼat yodgorliklarini qayta tiklash. 1. Oʻzbekiston va Afgʻoniston mutaxassislari oʻrtasida ishchi guruhini tashkil etish, madaniyat va sanʼat yodgorliklari roʻyxatini shakllantirish. 2. Ishchi guruhi aʼzolari oʻrtasida muzokaralar oʻtkazish va amalga oshiriladigan chora-tadbirlar hamda ularning moliyalashtirish manbalarini kelishish. 3. Madaniyat va sanʼat yodgorliklarini joyiga borib oʻrganish. 4. Loyihani amalga oshirish yuzasidan tegishli shartnomani imzolash. 5. Saralab olingan madaniyat va sanʼat yodgorliklarini qayta tiklash boʻyicha ishlarni boshlash. 2020-yil noyabr 2021-yil yanvar 2021-yil mart 2021-yil aprel 2021-yil may Madaniyat vazirligi, Qurilish vazirligi, Tashqi ishlar vazirligi, loyihalash va pudratchi tashkilotlar Sh. Abidov, F. Raximov 32. Afgʻonistondagi infratuzilma obyektlari — avtomobil va temir yoʻllari, fuqarolik va sanoat obyektlarini qurish uchun tender savdolarisiz toʻgʻridan-toʻgʻri shartnomalar asosida Oʻzbekistonning loyihalash va pudrat tashkilotlarini jalb qilish. 1. Afgʻonistondagi qurilish obyektlari roʻyxatini oʻzbek tomoniga taqdim etish. 2. Afgʻonistonning tegishli idoralari tomonidan har bir obyekt boʻyicha taqdimotlar tayyorlash. 3. Oʻzbekistonning loyiha va pudratchi tashkilotlariga Afgʻonistonda qurilishi rejalashtirilayotgan bino va obyektlar taqdimotini tashkil etish. 4. Tegishli shartnomalarni imzolash va qurilish ishlarini tashkil etish. 2020-yil dekabr 2021-yil fevral 2021-yil mart kelishuv asosida Qurilish vazirligi, Transport vazirligi, Tashqi ishlar vazirligi, loyihalash va pudratchi tashkilotlar Sh. Abidov, F. Raximov IV. Ikki tomonlama hamkorlik 33. Oʻzbekiston va Afgʻoniston oʻrtasida ikki tomonlama hamkorlikni rivojlantirishga qaratilgan tadbirlar oʻtkazish. 1. Oʻzbekiston va Afgʻoniston oʻrtasidagi Savdo-iqtisodiy hamkorlik boʻyicha Hukumatlararo komissiyasining ikkinchi yigʻilishini oʻtkazish. 2. Oʻzbekiston va Afgʻonistonda ikki mamlakat ishbilarmon doiralari ishtirokida biznes-forumlar, milliy koʻrgazmalar va savdo yarmarkalarini tashkil etish. 3. Oʻzbek-Afgʻon davlat va xususiy sektorlar muloqotining (PPD) uchinchi anjumanini oʻtkazish. 4. Afgʻoniston boʻyicha mintaqaviy iqtisodiy hamkorlikka oid sakkizinchi xalqaro konferensiyani (RECCA VIII) Toshkentda tashkil etish. 5. Ikki mamlakat ilm-fan va madaniyat arboblarining (Al-Beruniy, Alisher Navoiy va Gavharshod begim) yubileylarini nishonlash. 2021-yil 2020-2021-yillar 2021-yil 2021-yil 2020-2021-yillar Investitsiyalar va tashqi savdo vazirligi, Tashqi ishlar vazirligi, Surxondaryo viloyati hokimligi, tegishli vazirlik va idoralar F. Raximov