“Respublika ilmiy-tadqiqot muassasalarining ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan muhandis-texnik xodimlarining bazaviy lavozim maoshlari miqdorlarini tasdiqlash toʻgʻrisida”gi buyruqqa oʻzgartirish kiritish toʻgʻrisida (3104-2-son)
02.11.2020
Oʻzbekiston Respublikasi Innovatsion rivojlanish vazirining
buyrugʻi
[Oʻzbekiston Respublikasi Adliya vazirligi tomonidan 2020-yil 2-noyabrda roʻyxatdan oʻtkazildi, roʻyxat raqami 3104-2]
Oʻzbekiston Respublikasi Prezidentining 2019-yil 30-dekabrdagi PQ-4555-son “Oʻzbekiston Respublikasining “2020-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qarorining 7-bandi ijrosini bajarish maqsadida buyuraman:
1. Oʻzbekiston Respublikasi innovatsion rivojlanish vazirining 2018-yil 10-dekabrdagi 442-son buyrugʻi (roʻyxat raqami 3104, 2018-yil 21-dekabr) (Oʻzbekiston Respublikasi Qonuni hujjatlari toʻplami, 2018-y., 51-son, 985-modda) bilan tasdiqlangan Respublika ilmiy-tadqiqot muassasalarining ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan muhandis-texnik xodimlarining bazaviy lavozim maoshlari miqdorlari mazkur buyruqning ilovasiga muvofiq tahrirda bayon etilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Innovatsion rivojlanish vaziri I. ABDURAXMANOV
Toshkent sh.,
2020-yil 23-oktabr,
01-43/4097-son
Kelishildi:
Banndlik va mehnat munosabatlari vaziri N.B. XUSANOV
Toshkent sh.,
2020-yil 23-oktabr
Moliya vaziri T. IShMETOV
Toshkent sh.,
2020-yil 23-oktabr
Oʻzbekiston Respublikasi Fanlar akademiyasi prezidenti B.S. YULDASHEV
Toshkent sh.,
2020-yil 23-oktabr
Oʻzbekiston Respublikasi innovatsion rivojlanish vazirining 2020-yil 23-oktabrdagi 01-43/4097-son buyrugʻiga ILOVA
Respublika ilmiy-tadqiqot muassasalarining ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan muhandis-texnik xodimlarining bazaviy lavozim maoshlari
MIQDORLARI
T/r Lavozimlar nomi Mexnatga xaq toʻlashning eng kam miqdori barobarida 1. Bosh muhandis 6,35 2. Bosh konstruktor, bosh texnolog 5,63 3. Etakchi muxandis, yetakchi konstruktor, yetakchi texnolog tegishli faoliyat sohasida kamida 5 yildan koʻp boʻlgan ish staji mavjud boʻlganda 4,80 tegishli faoliyat sohasida kamida 2 yildan 5 yilgacha ish staji mavjud boʻlganda 4,52 4. Oliy maʼlumotli mutaxassislar (muhandislar, konstruktorlar, texnologlar): tegishli faoliyat sohasida kamida 5 yildan koʻp boʻlgan ish staji mavjud boʻlganda 3,29 tegishli faoliyat sohasida kamida 2 yildan 5 yilgacha ish staji mavjud boʻlganda 3,09 tegishli faoliyat sohasida 2 yilgacha ish staji mavjud boʻlganda 2,83 5. Oʻrta maʼlumotli mutaxassislar (muhandislar, konstruktorlar, texnologlar) tegishli faoliyat sohasida kamida 5 yildan koʻp boʻlgan ish staji mavjud boʻlganda 2,77 tegishli faoliyat sohasida kamida 2 yildan 5 yilgacha ish staji mavjud boʻlganda 2,60 tegishli faoliyat sohasida 2 yildan kam ish staji mavjud boʻlganda 2,40
Izoh: Oʻzbekiston Respublikasi Prezidentining 2019-yil 30-dekabrdagi PQ-4555-son “Oʻzbekiston Respublikasining “2020-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi qaroriga asosan 2020-yil 1-fevraldan ilmiy-tadqiqot muassasalari tomonidan ilmiy faoliyatni konstruktor-texnologik taʼminlash, ilmiy laboratoriya uskunalariga xizmat koʻrsatish vazifalari yuklatilgan muhandis-texnik xodimlarining ish haqlari qayta hisoblab toʻlanadi.
Mazkur bazaviy lavozim maoshlari miqdorlari Oʻzbekiston Respublikasi Fanlar akademiyasi, Bandlik va mehnat munosabatlari vazirligi va Moliya vazirligi bilan kelishilgan.