Osiyo taraqqiyot banki ishtirokida “Kichik biznes va xususiy tadbirkorlikni rivojlantirishni qoʻllab-quvvatlash” loyihasini amalga oshirish chora-tadbirlari toʻgʻrisida (PQ-2663-son)

29.11.2016

Oʻzbekiston Respublikasi Prezidentining

Qarori

Kichik biznes va xususiy tadbirkorlikni kreditlashni kengaytirish hisobiga ularni rivojlantirish uchun qulay shart-sharoitlar yaratish, mikromoliyalashni yanada ragʻbatlantirish va tijorat banklarining kredit resurslarini koʻpaytirish, shuningdek, Osiyo taraqqiyot banki bilan hamkorlikni kengaytirish maqsadida::

1. Maʼlumot uchun qabul qilinsinki:

Osiyo taraqqiyot banki (keyingi oʻrinlarda OTB deb ataladi) Direktorlar kengashi 2016-yil 30-iyunda Oʻzbekiston Respublikasiga “Kichik biznes va xususiy tadbirkorlikni rivojlantirishni qoʻllab-quvvatlash” loyihasini amalga oshirish uchun besh yillik imtiyozli davr bilan 15 yil muddatga 100,0 mln AQSH dollari miqdorida qarz va tijorat banklari salohiyatini oshirishga, shuningdek qishloq joylarda tadbirkorlikni rivojlantirishga texnik koʻmaklashish maqsadida 500,0 ming AQSH dollari miqdorida grant berishni maʼqulladi.;

Osiyo taraqqiyot banki tomonidan respublikaning tijorat banklari — “Hamkorbank” ATB, “Ipak yoʻli” AITB, “Davr bank” XATB, shuningdek, “Uzbek Leasing International A.O.” AJ loyihani amalga oshirishda ishtirok etuvchi etib belgilandi;

loyihani amalga oshirish doirasida birgalikda moliyalashtirish subqarz oluvchilarning 33,3 mln AQSH dollariga teng miqdordagi oʻz kapitali hisobidan amalga oshiriladi;

loyihani amalga oshirish davri 6 yil (2016 — 2021-yillar) etib belgilangan.

2. Belgilansin:

Oʻzbekiston Respublikasi Moliya vazirligi mazkur loyiha doirasidagi tadbirlarni umumiy muvofiqlashtirish uchun masʼul boʻlgan ijro etuvchi organ hisoblanadi;

loyihani amalga oshirishda ishtirok etayotgan respublikaning tijorat banklari — “Hamkorbank” ATB, “Ipak yoʻli” ATIB, “Davr bank” XAB, shuningdek, “Uzbek Leasing International A.J.” AJ loyihaning tegishli komponentlarini amalga oshirish, shuningdek, Osiyo taraqqiyot bankining qarz va grant mablagʻlaridan maqsadli va samarali foydalanish boʻyicha masʼul agentlar hisoblanadi.;

OTB qarz mablagʻlari keyinchalik kichik biznes va xususiy tadbirkorlik subyektlariga kreditlar (subzayomlar) berish va lizing faoliyatini amalga oshirish uchun loyihani amalga oshirishda ishtirok etuvchi tijorat banklari va “Uzbek Leasing International A.J.” AJga qayta kreditlash toʻgʻrisidagi bitimlar asosida qayta moliyalashtiriladi;

OTB qarzini qaytarish, shuningdek u boʻyicha foizlar va vositachilik haqini toʻlash loyihani amalga oshirishda ishtirok etuvchi tijorat banklari va “Uzbek Leasing International A.O..”;

kreditlar (subzayomlar) berish va lizing faoliyati loyihani amalga oshirishda ishtirok etuvchi tijorat banklari va “Uzbek Leasing International A.J.” AJ tomonidan bir qarz oluvchiga 300 ming AQSH dollarigacha boʻlgan summada amalga oshiriladi;

loyihani amalga oshirish doirasida ishtirok etuvchi tijorat banklari tomonidan “Uzbek Leasing International A.J.” AJni kreditlash va lizing faoliyatini amalga oshirish, shuningdek qarz oluvchilar tomonidan kreditlar (subzayomlar) va lizingni qaytarish ham xorijiy, ham milliy valyutada amalga oshirilishi mumkin.

3. Oʻzbekiston Respublikasi Moliya vaziri Oʻzbekiston Respublikasi nomidan:

OTB bilan qarz bitimi;

loyihani amalga oshirishda ishtirok etayotgan tijorat banklari — “Hamkorbank” ATB, “Ipak yoʻli” ATIB, “Davr bank” XAB, shuningdek, “Uzbek Leasing International” AJ A.O..”.

4. Oʻzbekiston Respublikasi Adliya vazirligi Oʻzbekiston Respublikasi va OTB oʻrtasidagi qarz bitimi, Oʻzbekiston Respublikasi va loyihani amalga oshirishda ishtirok etuvchi tijorat banklari, “Uzbek Leasing International A.J.” AJ oʻrtasidagi qayta kreditlash toʻgʻrisidagi bitimlar boʻyicha belgilangan tartibda yuridik xulosa bersin.

5. Quyidagilar:

loyihani amalga oshirishda ishtirok etuvchi tijorat banklari va “Uzbek Leasing International A.J.” AJga Osiyo taraqqiyot bankining qarzini taqdim etishning prognoz jadvali 1-ilovaga muvofiq;

Osiyo taraqqiyot banki qarzini qaytarish hamda u boʻyicha foizlar va vositachilik haqini toʻlashning prognoz jadvali 2-ilovaga.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari, moliya vaziri R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin..

Oʻzbekiston Respublikasi Prezidenti vazifasini bajaruvchi Sh. MIRZIYOYEV

Toshkent sh.,

2016-yil 29-noyabr,

PQ-2663-son

Oʻzbekiston Respublikasi Prezidentining 2016-yil 29-noyabrdagi PQ-2663-son qaroriga 1-ILOVA

Loyihani amalga oshirishda ishtirok etuvchi tijorat banklari va “Uzbek Leasing International A.O.” AJga osiyo taraqqiyot bankining qarzini taqdim etishning

prognoz jadvali*

* loyihani amalga oshirishda ishtirok etayotgan moliya tashkilotlariga Osiyo taraqqiyot bankining qarz berish jadvali qarz oluvchilarning amalda mavjudligiga qarab oʻzgarishi mumkin.

Oʻzbekiston Respublikasi Prezidentining 2016-yil 29-noyabrdagi PQ-2663-son qaroriga 2-ILOVA

OTB qarzini qaytarish va u boʻyicha foizlar va vositachilik haqini toʻlashning

prognoz jadvali

* foizlar hisoblanganda LIBOR (6 oy) foiz stavkasi hisob-kitob boʻyicha yillik 1% ga teng deb qabul qilingan.

** toʻlovlar miqdori qarzning amalda oʻzlashtirilishi va amaldagi foiz stavkasiga qarab aniqlanadi.