“Soliq hisobotining shakllarini tasdiqlash toʻgʻrisida”gi qarorga qoʻshimchalar kiritish haqida (3221-1-son)

20.10.2020

Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2020-yil 20-oktabrda roʻyxatdan oʻtkazildi, roʻyxat raqami 3221-1]

Oʻzbekiston Respublikasi Prezidentining 2020-yil 24-fevraldagi PQ-4611-son “Moliyaviy hisobotning xalqaro standartlariga oʻtish boʻyicha qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Davlat soliq qoʻmitasi qaror qiladi:

1. Oʻzbekiston Respublikasi Davlat soliq qoʻmitasining 2020-yil 28-yanvardagi 2020-03-son “Soliq hisobotining shakllarini tasdiqlash toʻgʻrisida”gi qaroriga (roʻyxat raqami 3221, 2020-yil 24-fevral) (Qonun hujjatlari maʼlumotlari milliy bazasi, 24.02.2020-y., 10/20/3221/0203-son) ilovaga muvofiq qoʻshimchalar kiritilsin.

2. Mazkur qaror 2021-yil 1-yanvardan kuchga kiradi.

Rais Sh. KUDBIYEV

Toshkent sh.,

2020-yil 30-sentabr,

2020-38-son

Kelishildi:

Moliya vaziri T. IShMETOV

2020-yil 29-sentabr

Oʻzbekiston Respublikasi Davlat soliq qoʻmitasining 2020-yil 30-sentabrdagi 2020-38-son qaroriga ILOVA

“Soliq hisobotining shakllarini tasdiqlash toʻgʻrisida”gi qarorga kiritilayotgan qoʻshimchalar

1. 1-band quyidagi mazmundagi xatboshi bilan toʻldirilsin:

“moliyaviy hisobotning xalqaro standartlarga oʻtgan yuridik shaxslarning soliqlarini hisoblab chiqish uchun zarur boʻlgan koʻrsatkichlar boʻyicha 13-ilovaga muvofiq.”.

2. 7-ilovadagi yuridik shaxslarning mol-mulkiga solinadigan soliq hisob-kitobi mazkur qoʻshimchalarning 1-ilovasiga muvofiq tahrirdagi 5-ilova bilan toʻldirilsin.

3. Mazkur qoʻshimchalarning 2-ilovasiga muvofiq tahrirdagi 13-ilova bilan toʻldirilsin.

4. Ushbu qoʻshimchalar Oʻzbekiston Respublikasi Moliya vazirligi bilan kelishilgan.