Qoʻngʻirot soda zavodi qurilishi toʻgʻrisida (79-son)

02.03.1995

Oʻzbekiston Respublikasi Vazirlar Mahkamasining

qarori

[Koʻchirma]

Respublika xalq xoʻjaligining kalsiylangan sodaga boʻlgan ehtiyojini qondirish, uni ishlab chiqaruvchi korxonani Qoraqalpogʻiston Respublikasining Qoʻngʻirot tumanida jadal qurish va ishga tushirish maqsadida Vazirlar Mahkamasi qaror qiladi

2. Quyidagilar:

“Oʻzqurilishmateriallari” davlat konserni tuzgan shartnomaga muvofiq Xarkov asosiy kimyo ilmiy-tadqiqot va loyiha instituti soda zavodining sanoat obyektlari kompleksi qurilishi boʻyicha, “Oʻzshaharqurilishloyiha” ilmiy-tadqiqot instituti esa — turar joy shaharchasi qurilishining loyiha-smeta hujjatlarini ishlab chiqish boʻyicha bosh loyihalovchi tashkilotlar etib belgilansin;

4. Obyektlarni loyihalash va qurishni amalda bajarilgan ishlar hajmlari boʻyicha mablagʻ bilan taʼminlashga ruxsat etilsin.

10. Qoʻngʻirot soda zavodi qurilishi va undan foydalanish ishlarida bevosita band boʻlgan barcha toifadagi xodimlar ish haqiga suvsizlik va choʻl sharoiti uchun 1,7 koeffitsiyent belgilansin.

12. Oʻzbekiston Respublikasi Oliy va oʻrta maxsus taʼlim vazirligi 1995-yildan boshlab Qoʻngʻirot soda zavodida ishlash uchun talab qilinadigan mutaxassislarni “Oʻzqurilishmateriallari” davlat konsernining buyurtmanomasi boʻyicha shartnoma asosida tayyorlasin.

Vazirlar Mahkamasining Raisi I. KARIMOV

Toshkent sh.,

1995-yil 2-mart,

79-son