“Oʻzbekiston Respublikasining diplomatiya xodimlari uchun diplomatiya daraja va martabalari belgilash toʻgʻrisida”gi Oʻzbekiston Respublikasi Qonunini amalga kiritish haqida (651-XII-son)

03.07.1992

Oʻzbekiston Respublikasi OLIY KengashiNING

Qarori

Oʻzbekiston Respublikasi Oliy Kengashi qaror qiladi:

1. “Oʻzbekiston Respublikasining Diplomatiya xodimlari uchun diplomatiya daraja va martabalari belgilash toʻgʻrisida”gi Oʻzbekiston Respbulikasi Qonuni matbuotda eʼlon qilinishi bilanoq amalga kiritilsin.

2. Oʻzbekiston Respublikasi Prezidenti huzuridagi Vazirlar Mahkamasi Oʻzbekiston Respublikasining diplomatiya martabalari uchun mansab okladlariga ustama xaqlarni belgilasin.

3. Oʻzbekiston Respublikasi fuqarolariga sobiq SSSRning qonunlariga muvofiq berilgan diplomatiya darajalari Oʻzbekiston Respublikasi diplomatiya darajalariga tenglashtirilgan deb hisoblansin.

Oʻzbekiston Respublikasi Oliy Kengashining Raisi Sh. YOʻLDOShEV

Toshkent sh.,

1992-yil 3-iyul,

651-XII-son