Oʻzbekiston Respublikasi Oliy va oʻrta maxsus taʼlim vazirligi hayʼati aʼzolarini tasdiqlash toʻgʻrisida (647-son)

12.10.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oliy va oʻrta maxsus taʼlim tizimiga boshqaruvning yangi tamoyillarini joriy etish chora-tadbirlari toʻgʻrisida” 2019-yil 11-iyuldagi PQ-4391-son qarori hamda Vazirlar Mahkamasining “Oʻzbekiston Respublikasi davlat boshqaruvi organlari hayʼatlarining faoliyati samaradorligini oshirishga doir qoʻshimcha chora-tadbirlar toʻgʻrisida” 2017-yil 19-oktabrdagi 855-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi hayʼati aʼzolarining soni 9 (toʻqqiz) nafardan iborat boʻlishi belgilab qoʻyilsin.

2. Oʻzbekiston Respublikasi Oliy va oʻrta maxsus taʼlim vazirligi hayʼati quyidagi tarkibda tasdiqlansin:

1. Madjidov Inom Urishevich — oliy va oʻrta maxsus taʼlim vaziri 2. Salomov Oʻktam Raximovich — oliy va oʻrta maxsus taʼlim vazirining birinchi oʻrinbosari 3. Begimkulov Uzokboy Shoimkulovich — oliy va oʻrta maxsus taʼlim vazirining fan va innovatsiyalar boʻyicha oʻrinbosari 4. Xolmuxamedov Murodullo Maxmudovich — oliy va oʻrta maxsus taʼlim vazirining kasb-hunar taʼlimi boʻyicha oʻrinbosari 5. Absoatov Yusuf Qodirovich — oliy va oʻrta maxsus taʼlim vazirining axborot texnologiyalari va yoshlar boʻyicha oʻrinbosari 6. Buzrukxonov Sarvarxon Munavvarxonovich — oliy va oʻrta maxsus taʼlim vazirining iqtisodiy masalalar boʻyicha oʻrinbosari 7. Umurzakov Uktam Pardayevich — Toshkent irrigatsiya va qishloq xoʻjaligini mexanizatsiyalash muxandislari instituti rektori, Respublika oliy taʼlim kengashi raisi 8. Xoliqov Abduvali Jonizoqovich — Oliy va oʻrta maxsus taʼlim vazirligining Oliy taʼlim muassasalari faoliyatini muvofiqlashtirish bosh boshqarmasi boshligʻi 9. Bazarov Otabek Xasanbayevich — Oliy va oʻrta maxsus taʼlim vazirligining Maʼnaviy-ahloqiy tarbiya boshqarmasi boshligʻi

3. Vazirlar Mahkamasining “Oʻzbekiston Respublikasi Oliy va oʻrta maxsus taʼlim vazirligi hayʼat aʼzolarini tasdiqlash toʻgʻrisida” 2018-yil 27-apreldagi 313-son qarori oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev zimmasiga yuklatilsin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 12-oktabr,

647-son