1994-yilda iqtisodiy islohotlarning amalga oshirilishi va ularni yanada chuqurlashtirishning asosiy yoʻnalishlari toʻgʻrisida (54-son)

14.02.1995

Oʻzbekiston Respublikasi Vazirlar Mahkamasining

qarori

Vazirlar Mahkamasi qayd etadiki, 1994-yilda iqtisodiyotda va ijtimoiy sohada qayta oʻzgartirishlar chuqurlashdi, bozor sari qaratilgan yoʻl aniq belgilab olindi, bozor munosabatlarining konstitutsion-huquqiy va tashkiliy asoslari yaratildi.

Koʻp ukladli iqtisodiyot shakllanmoqda, tovarlar, mehnat, sarmoya va qiymatli qogʻozlar bozori faoliyat koʻrsata boshladi. Respublika barcha korxonalarining 67 foizi, ishlab chiqarilgan ijtimoiy mahsulot va xalq xoʻjaligida ish bilan band boʻlgan xodimlarning salkam yarmi nodavlat sektorning ulushiga toʻgʻri keladi.

1994-yil 1-iyuldan milliy valyutaning joriy etilishi respublikani yaqin yillarda ijtimoiy-iqtisodiy rivojlantirishning strategiyasini belgilab berdi. Milliy valyuta kursining barqarorligini taʼminlash maqsadida maxsus dasturlar ishlab chiqilgan va amalga oshirilmoqda.

Davlatning moliya-kredit bilan qoʻllab-quvvatlash natijasida yoqilgʻi-energetika, yengil va oziq-ovqat sanoati barqaror rivojlanadi. Bazaviy tarmoqlarni rivojlantirish uchun respublikaning va chet el investitsiya kompaniyalari hamda banklari valyuta mablagʻlarining salmoqli qismi yoʻnaltirildi.

Narxlar erkinlashtirilishi sharoitida yil oxiriga kelib inflatsiyaning oʻrtacha oylik darajasi ikki baravar kamaydi. Respublika yigʻma budjetining taqchilligi yalpi ichki mahsulotning 3,3 foizini tashkil etdi. Naqd pul emissiyasi keskin qisqardi.

Iqtisodiyot tuzilmasida ijobiy oʻzgarishlar yuz berdi. Pirovard isteʼmolga tayyor mahsulot salmogʻi 28,8 foizdan 33,2 foizga oʻsdi. Oʻzimizda don yetishtirish va neft ishlab chiqarishning koʻpayishi hisobiga oziq-ovqat va energetika mustaqilligi sezilarli darajada oshdi. Chetdan keltirilayotgan don, goʻsht va sut 1991-yildagiga nisbatan sezilarli darajada qisqardi.

Tashqi iqtisodiy aloqalar mustahkamlandi. Yangi tashqi savdo oboroti 1993-yildagiga nisbatan 5,5 foizga oʻsdi. MDH mamlakatlari bilan iqtisodiy aloqalarda sifat jihatidan yangi rivojlanishga va ular bilan oʻzaro savdoda birinchi marta ijobiy saldoga erishildi.

Aholini ijtimoiy qoʻllab-quvvatlashning prinsipial jihatidan yangi tizimi shakllanmoqda, uning aniq moʻljalli yoʻnalishi kuchaydi, bolalarga yagona nafaqa joriy etildi. Isteʼmol bozorini oziq-ovqat mahsulotlari va tovarlarning eng muhim turlari bilan taʼminlash boʻyicha chora-tadbirlar majmui amalga oshirildi, ularning kafolatli zaxirasini yaratish tartibi amalga oshirilmoqda.

Shu bilan birga ayrim sohalarda islohotlar jarayoni miqdoriy jihatlar bilan cheklanib qolib, rasmiyatchilik bilan amalga oshirilmoqda. Uyushmalar, korporatsiyalar va hokimliklarning ayrim rahbarlari davlat tasarrufidan chiqarish va xususiylashtirish jarayonlari zarur darajada rivojlantirilishi va chuqurlashtirilishini, tadbirkorlik faol qoʻllab-quvvatlanishini, xususiy sektor shakllanishi va respublika iqtisodiyotini mustahkamlashda uning ahamiyatini oshirishni taʼminlamayaptilar. Ular vujudga kelgan tarkibiy nomutanosiblikni bartaraf etishga, xoʻjalik yuritish mexanizmini oʻzgartirishga, zamonaviy raqobatga bardoshli mahsulotlar ishlab chiqarishni kengaytirishga yetarlicha eʼtibor bermayaptilar.

Bozor infrastrukturasi, koʻchmas mulk va qiymatli qogʻozlar bozori zarur darajada rivojlanmadi, bu hol ayniqsa Fargʻona, Xorazm va Qashqadaryo viloyatlarida kuzatildi.

Qishloq xoʻjaligida mulkchilikning yangi shakllari qaror topishi chinakamiga taʼminlamayapti, bu sohada islohotlarni chuqurlashtirish, xususiylashtirish, bozor infrastrukturasini shakllantirish, qishloq aholisining mehnatga layoqatli, ish bilan band boʻlmagan qismini ish bilan taʼminlaydigan kichik va xususiy korxonalarni rivojlantirish boʻyicha aniq chora-tadbirlar koʻrilmayapti.

Vazirlar Mahkamasi qaror qiladi:

1. Oʻzbekiston Respublikasi Bosh vazirining oʻrinbosarlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, vazirliklar, idoralar, uyushmalar, korporatsiyalar va konsernlarning rahbarlari 1994-yilda amalga oshirilgan iqtisodiy islohotlarning yakunlarini, yoʻl qoʻyilgan kamchiliklarning sabablarini puxta tahlil qilsinlar va ularni bartaraf etish yuzasidan aniq tadbirlarni belgilasinlar va amalga oshirsinlar.

2. Xususiylashtirish jarayonlarini chuqurlashtirish, iqtisodiy va moliyaviy barqarorlikni taʼminlash, milliy valyutani mustahkamlash, 1996-yilda respublikaning tekis surʼatda rivojlanishi uchun mustahkam asoslar yaratish 1995-yilning bosh vazifalari deb hisoblansin.

1995-yil Oʻzbekiston Respublikasida iqtisodiy islohotlarni chuqurlashtirishning ustuvorliklari va asosiy yoʻnalishlari ilovaga muvofiq tasdiqlansin.

Vazirlar Mahkamasi boʻlimlari, vazirliklar, idoralar, korporatsiyalar, konsernlar, uyushmalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari yuqorida qayd etilgan tadbirlarning soʻzsiz amalga oshirilishini taʼminlasinlar.

3. Oʻzbekiston Respublikasi Davlat mulki qoʻmitasi manfaatdor vazirliklar va idoralar bilan birgalikda shu yilning 15-martiga qadar:

fond birjalarining mintaqalararo boʻlimlarini ochish va ularni zarur infrastruktura bilan taʼminlash;

davlat tasarrufidan chiqarilgan va xususiylashtirilgan korxonalarni, xususiy tadbirkorlik faoliyatini xalqaro moliya tashkilotlarining valyuta mablagʻlarni jalb etish hisobiga qoʻllab-quvvatlash va investitsiya fondlari tashkil etilishini ragʻbatlantirish boʻyicha takliflar kiritsin.

4. Oʻzbekiston Respublikasi Moliya vazirligi yigʻma budjet taqchilligini ichki (banklardan tashqari) mablagʻ bilan taʼminlash miqdori koʻpaytirilishini qiymatli qogʻozlar bozorini kengaytirish hisobidan taʼminlasin.

5. Oʻzbekiston Respublikasi Markaziy bankiga:

kredit kimoshdi savdolari orqali sotishga chiqariladigan kredit resurslarining hajmini koʻpaytirish chora-tadbirlarini amalga oshirish, uni 1995-yilning I choragi oxirigicha 25 foizgacha, 1995-yilning II choragi oxirigicha 50 foizgacha yetkazish;

1995-yilning I choragidan boshlab inflatsiyaning shakllanayotgan darajasini hisobga olgan holda mablagʻ bilan qayta taʼminlash stavkasiga har oyda tuzatish kiritish tavsiya qilinsin.

6. “Oʻzistiqbolstat” davlat qoʻmitasi, Oʻzbekiston Respublikasi Moliya vazirligi, Tashqi iqtisodiy aloqalar vazirligi, Markaziy bank, Tashqi iqtisodiy faoliyat milliy banki manfaatdor vazirliklar va idoralar bilan birgalikda:

shu yilning 20-fevraligacha 1995-yil uchun Respublika investitsiya dasturi loyihasini;

shu yilning birinchi choragida xorijiy sarmoya ishtirokidagi investitsiya loyihalarini amalga oshirish dasturi loyihasini tayyorlasinlar va Vazirlar Mahkamasiga kiritsinlar.

7. “Oʻzulgurjibirjasavdo” uyushmasi, konsernlar, korporatsiyalar va uyushmalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari shu yilning birinchi choragi mobaynida mintaqalarda ishlab chiqarish-texnika maqsadlaridagi mahsulotlarni sotadigan mayda ulgurji doʻkonlar tarmogʻi tashkil etilishini taʼminlasinlar.

8. Vazirliklar, idoralar, uyushmalar, korporatsiyalar va konsernlar rahbarlari Oʻzbekiston Respublikasi Tashqi iqtisodiy aloqalar vazirligi va “Oʻzistiqbolstat” davlat qoʻmitasi bilan birgalikda bir oy muddatda 1995-yilda mahsulotlar (ishlar, xizmatlar)ni eksport qilish hajmlari oʻsishini ragʻbatlantirishga oid takliflarni kiritsinlar.

9. Bosh vazirning birinchi oʻrinbosari I. H. Joʻrabekov, Qishloq xoʻjaligi vazirligi, “Oʻzqishloqxoʻjaliktaʼminottuzatish” davlat-kooperativ qoʻmitasi, “Oʻzistiqbolstat” davlat qoʻmitasi, Oʻzbekiston Qishloq xoʻjaligi fanlari akademiyasi shu yilning 1-martigacha, dehqon (fermer) xoʻjaliklarini rivojlantirishga, qishloq xoʻjaligi ishlab chiqarishini boshqarishning yangi tashkiliy shakllarini shakllashtirishga hamda qishloqda bozor infrastrukturasi va servis xizmati koʻrsatishni har tomonlama kengaytirishga alohida eʼtiborni qaratgan holda, qishloq xoʻjaligida amalga oshirilayotgan islohotlarni chuqurlashtirish va ularning samaradorligini oshirish boʻyicha Vazirlar Mahkamasining qarori loyihasini kiritsinlar.

10. Oʻzbekiston Respublikasi Adliya vazirligi iqtisodiy islohotlarni amalga oshirish yoʻlidagi toʻsiqlarni bartaraf etish maqsadida amaldagi qonuniy va normativ hujjatlar muntazam nazorat qilinishini taʼminlasin va ularga oʻzgartirishlar kiritish boʻyicha takliflarni oʻz vaqtida kiritsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1995-yil 14-fevral,

54-son

Vazirlar Mahkamasining 1995-yil 14-fevraldagi 54-son qaroriga ILOVA

1995-yilda Oʻzbekiston Respublikasida iqtisodiy islohotlarni chuqurlashtirishning ustuvorliklari va asosiy yoʻnalishlari

T/r Iqtisodiy islohotlarni chuqurlashtirishga oid yoʻnalishlar va chora-tadbirlar Hujjatning loyihasi Bajarilish muddati Masʼullar 1 2 3 4 5 I. Xususiylashtirish jarayonlarini chuqurlashtirish va tadbirkorlik faoliyatini ragʻbatlantirish 1. Tadbirkorlikni qoʻllab-quvvatlash Davlat dasturi loyihasini ishlab chiqish, unda ishlab chiqarish faoliyati va xizmatlar koʻrsatish sohasida xususiy biznesning sifat jihatidan rolini oshirishga oid kompleks chora-tadbirlar nazarda tutiladi Vazirlar Mahkamasining qarori, Dastur loyihasi 1995-yil, II chorak Davlat mulki qoʻmitasi, “Oʻzistiqbolstat” davlat qoʻmitasi, Moliya vazirligi, Davlat soliq qoʻmitasi, Markaziy bank, Adliya vazirligi, Kichik va oʻrta biznesga yordam beruvchi fond, Tadbirkorlar uyushmasi 2. 1995-yilda yer maydoni bilan birga sotiladigan savdo va maishiy xizmat koʻrsatish obyektlarini oʻz ichiga oluvchi davlat tasarrufidan chiqarish va xususiylashtirishning viloyat dasturlarini ishlab chiqish Qoraqalpogʻiston Respublikasi Vazirlar Kengashining qarori, viloyatlar hokimliklari va Toshkent shahar hokimligining qarorlari, hududiy dasturlar 1995-yil, II chorak Qoraqalpogʻiston Respublikasi Vazirlar Kengashi, viloyatlar hokimliklari, Toshkent shahar hokimligi, Davlat mulki qoʻmitasining hududiy boshqarmalari 1995-yil, 1-may Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, konsernlar, uyushmalar va korporatsiyalar, Adliya vazirligi, Moliya vazirligi, Markaziy bank, Davlat mulki qoʻmitasi, “Oʻzistiqbolstat” davlat qoʻmitasi, Davlat soliq qoʻmitasi 3. “Korxona — mahalla” prinsipi mexanizmini amalga oshirishni qoʻshgan holda, iqtisodiyotning davlatga qarashli boʻlmagan sektorini rivojlantirishda oʻzini-oʻzi boshqarish mahalliy organlari va tarmoq hoʻjaligi tuzilmalarini muvofiqlashtirishi kuchaytirish chora-tadbirlari kompleksini ishlab chiqish Chora-tadbirlar kompleksi, Vazirlar Mahkamasining qarori 4. Moliya-sanoat guruhlari, xolding kompaniyalari, investitsiya fondlari toʻgʻrisidagi nizomlar loyihalarini ishlab chiqish Vazirlar Mahkamasining qarori, nizomlar loyihasi 1995-yil, 1-aprel Davlat mulki qoʻmitasi, “Oʻzistiqbolstat” davlat qoʻmitasi, Moliya vazirligi, Tashqi iqtisodiy aloqalar vazirligi, Adliya vazirligi 5. Dehqon (fermer) xoʻjaliklari, xususiy va kichik korxonalar hamda xorijiy sarmoya ishtirokidagi korxonalar uchun hisobga olish va statistika hisobotining takomillashtirilgan shakllarini ishlab chiqish va ularni 1995-yilning II yarim yilidan boshlab joriy etish Normativ hujjatlar 1995-yil, 1-iyul Moliya vazirligi, “Oʻzistiqbolstat” davlat qoʻmitasi, Davlat mulki qoʻmitasi P, Iqtisodiy barqarorlashtirishni taʼminlash va milliy valyutani mustahkamlash 6. Milliy valyuta kursining barqarorligini va uning ichki almashtirilishini taʼminlovchi qoʻshimcha chora-tadbirlar ishlab chiqish va ularni amalga oshirish Chora-tadbirlar kompleksi Dasturi 1995-yil, 1-aprel Markaziy bank, Milliy bank, Moliya vazirligi, “Oʻzistiqbolstat” davlat qoʻmitasi 7. Inflatsiyani tartibga solishning aniq chora tadbirlarini ishlab chiqish va amalga oshirish , bunda: Inflatsiyaning oʻrtacha oylik darajasini1994-yil II yarim yilligiga qaraganda ikki baravar kamaytirish va uni 1995-yil oxiriga kelib 2 foiz darajasigacha yetkazish; Yalpi pul massasining(M2) xar oydagi oʻsish surʼatlarini 1995-yilda oʻrtacha 5,5% miqdorida cheklash; 1995-yilda naqd pul emissiyasining oʻsishini 10-13 foizgacha qisqartirish nazarda tutilsin Chora-tadbirlar Dasturi Chora-tadbirlar Dasturi Chora-tadbirlar Dasturi 1995-yil, I chorak 1995-yil davomida 1995-yil Markaziy bank, Moliya vazirligi, “Oʻzistiqbolstat” davlat qoʻmitasi Markaziy bank, Moliya vazirligi Markaziy bank, Milliy bank, Moliya vazirligi, “Oʻzistiqbolstat” davlat qoʻmitasi 8. Banklararo valyuta birjasida haftada kamida 2-marta valyuta savdosini oʻtkazishga oʻti� Markaziy bank va valyuta birjasi kengashining qarori 1995-yil, III chorak Markaziy bank, Moliya vazirligi, Oʻzbekiston respublika valyuta birjasi kengashi 9. Tijorat banklarining kreditlari va depozitlari boʻyicha foiz stavkalari oʻrtasidagi marjalar miqdorini koʻpi bilan 10 foizli punktlar bilan cheklash Markaziy bank chora-tadbirlari 1995-yil davomida Markaziy bank 10. Davlat qisqa muddatli xazina majburiyatlari (obligatsiyalar) chiqarishni taʼminlash Vazirlar Mahkamasining qarori 1995-yil, I chorak Moliya v�zirligi Sh. Iqtisodiyotda tarkibiy qayta oʻzgartirishlarni taʼminlash 11. Sanoatning quyidagilarga yoʻnaltirilgan tarkibiy qayta oʻzgartishlar dasturini ishlab chiqish: — mineral resurslar va xomashyoni, shu jumladan, ikkilamchi xomashyoni, qishloq xoʻjaligi mahsulotini yanada. toʻlaroq qayta ishlash va tayyor mahsulot salmogʻini oshirish; — bazaviy va koʻp bilim talab qiladigan tarmoqlarni rivojlantirish; — raqobatbardoshli tayyor mahsulot ishlab chiqarishni taʼminlaydigan yangi texnologiyalarni joriy qilish Vazirlar Mahkamasining qarori, Dasturlar loyixasi 1995-yil, iyul “Oʻzistiqbolstat” davlat qoʻmitasi, FTDQ, Fanlar akademiyasi, Davlat geologiya qoʻmitasi, Qishloq xoʻjaligi vazirligi, konsernlar, korporatsiyalar, uyushmalar, aksionerlik jamiyatlari 12. Qishloqning ishlab chiqarish va ijtimoiy infrastrukturasini rivojlantirish Dasturi loyihasini ishlab chiqish va tasdiqlash uchun kiritish Vazirlar Mahkamasining qarori, Dastur loyihasi 1995-yil, I chorak “Oʻzistiqbolstat” davlat qoʻmitasi, Moliya vazirligi, Markaziy bank 13. Respublikaning tabiatdan pulli foydalanishga bosqichma-bosqich oʻtishi dasturi loyihasini ishlab chiqish Dastur loyihasi 1995-yil, iyun Tabiatni muhofaza qilish davlat qoʻmitasi, “Oʻzistiqbolstat” davlat qoʻmitasi, Davlat geologiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari “Oʻzistiqbolstat” davlat qoʻmitasi, Transport korporatsiyalari, konsernlari, uyushmalari va kompaniyalari 14. 1996 — 2000-yillar davrida respublika transport kompleksini rivojlantirish dasturi loyihasini ishlab chiqish Vazirlar Mahkamasining qarori 1995 yil, may 15. Umumdavlat aloqa tarmogʻini rekonstruksiya qilish va rivojlantirish boʻyicha dasturiy chora-tadbirlarni ishlab chiqish Vazirlar Mahkamasining qarori, Dastur loyihasi 1995-yil, mart “Oʻzistiqbolstat” davlat qoʻmitasi, Aloqa vazirligi, “Oʻzeltexsanoat” uyushmasi IV. Aholini ijtimoiy himoya qilishni kuchaytirish 16. Yagona tarif setkasi va ish haqidagi daromad soligʻi hisoblashni takomillashtirish boʻyicha takliflar tayyorlash Vazirlar Mahkamasining qarori 1995-yil, I chorak Mehnat vazirligi, Moliya vazirligi 17. Mehnat, xavfsizlik texnikasi, mehnatni muhofaza qilish va shu kabilarning normalari va normativlarini ishlab chiqish boʻyicha maxsus xizmat tuzish Vazirlar Mahkamasining qarori 1995-yil, mart Mehnat vazirligi 18. Respublika hududida fuqarolarning daromadlarini deklaratsiya qilish tizimini ishlab chiqish va joriy etish Vazirlar Mahkamasining qarori, normativ hujjatlar 1995-1996-yillar davomida Davlat soliq qoʻmitasi, Moliya vazirligi, “Oʻzistiqbolstat” davlat qoʻmitasi, Mehnat vazirligi, Ijtimoiy taʼminot vazirligi, Adliya vazirligi, Kasaba uyushmalari federatsiyasi Kengashi 19. Yuqori malakali mutaxassislar va ishchi kadrlarni uzluksiz tayyorlash va qayta tayyorlash tizimini tashkil etish Vazirlar Mahkamasining qarori 1995 ,yil, IV chorak Mehnat vazirligi, Oliy va oʻrta maxsus taʼlim vazirligi, Xalq taʼlimi vazirligi, uyushmalar, korporatsiyalar va konsernlar 20 Oʻzbekiston Respublikasida yaqin istiqbolda oliy va oʻrta maxsus taʼlimni rivojlantirish konsepsiyasini tayyorlash Konsepsiya loyihasi 1995-yil, Sh chorak Oliy va oʻrta maxsus taʼlim vazirligi, Xalq taʼlimi vazirligi, “Oʻzistiqbolstat” davlat qoʻmitasi, Mehnat vazirligi, Moliya vazirligi 21. Oʻzbekiston Respublikasida nogironlarni ijtimoiy himoyalashni yanada kuchaytirish chora-tadbirlarini ishlab chiqish Vazirlar Mahkamasining qarori 1995-yil Ijtimoiy taʼminot vazirligi, Moliya vazirligi, Mehnat vazirligi, Oʻzbekiston nogironlar, koʻzi ojizlar, karlar jamiyatlari V. Qishloq xoʻjaligida iqtisodiy islohotlarni chuqurlashtirish 22. Paxtachilik va meva-sabzavotchilikda dehqonchilik firmalari tashkil etishga oid kompleks chora-tadbirlar ishlab chiqish Vazirlar Mahkamasining qarori 1995-yil, I yarim yillik Qishloq xoʻjaligi vazirligi, “Oʻzmevasabzavotuzumsanoat”, “Oʻzqishloqxoʻjaliktaʼminottuzatish”, Qoraqalpogʻiston Respublikasi Vazirlar Kengashi, viloyatlarning hokimliklari 23. Yerlardan foydalanish samaradorligini oshirish, zarar koʻrib ishlaydigan va past rentabelli xoʻjaliklarni dehqon (fermer) xoʻjaliklari uyushmalariga aylantirishga oid chora-tadbirlarni amalga oshirish Vazirlar Mahkamasi, viloyatlar va tumanlar hokimliklarining qarorlari 1995-yil, I yarim yillik Qishloq xoʻjaligi vazirligi Qoraqalpogʻiston Respublikasi Vazirlar Kengashi, viloyatlar hokimliklari 24. Mashina-traktor parklarini tashkil etishga oid tashkiliy chora-tadbirlarni ishlab chiqish Vazirlar Mahkamasining qarori 1995-yil, I yarim yillik Qishloq xoʻjaligi vazirligi, “Oʻzqishloqxoʻjaliktaʼminottuzatish”, “Oʻzmashsanoat”, Qoraqalpogʻiston Respublikasi Vazirlar Kengashi, viloyatlar hokimliklari 25. Makkajoʻxori, sabzavotlar, kartoshka va boshqa qishloq xoʻjaligi ekinlarni takror ekishni kengaytirish yoʻli bilan yerlardan foydalanishni yaxshilashga oid chora-tadbirlar kompleksini amalga oshirish Vazirlar Mahkamasining chora-tadbirlari 1995-yil, iyul Qishloq xoʻjaligi vazirligi, Qishloq xoʻjaligi fanlari akademiyasi, “Oʻzmevasabzavotuzumsanoat”, Qoraqalpogʻiston Respublikasi Vazirlar Kengashi, viloyatlar hokimliklari 26. Yer-suv kadastrini ishlab chiqishga oid chora-tadbirlarni tayyorlash Chora-tadbirlar rejasi 1995-yil, iyun Qishloq xoʻjaligi vazirligi, Melioratsiya va suv xoʻjaligi vazirligi, “Oʻzistiqbolstat” davlat qoʻmitasi, Davlat geologiya qoʻmitasi, “Oʻzbekgeodeziya”, Adliya vazirligi, Qishloq xoʻjaligi fanlari akademiyasi, Moliya vazirligi, Davlat soliq qoʻmitasi, Davlat mulki qoʻmitasi 27. Qishloq xoʻjaligi mahsulotlari yetishtirish maqsadida yerlarni uzoq muddatli ijaraga berish toʻgʻrisidagi nizom loyihasini ishlab chiqish Nizom loyihasi 1995-yil, iyul Qishloq xoʻjaligi vazirligi Melioratsiya va suv xoʻjaligi vazirligi, “Oʻzistiqbolstat” davlat qoʻmitasi, Davlat mulki qoʻmitasi, Adliya vazirligi 28. Qishloq aholisini ish bilan taʼminlashni amalga oshirishning maxsus hududiy dasturini ishlab chiqish, bunda qishloq xoʻjaligida band boʻlgan xodimlardan 60 foizi kichik korxonalar tashkil etish va ularni xizmat koʻrsatish sohalariga jalb qilish hisobiga ishga joylashtirilgan boʻlishlari nazarda tutilishi kerak Hududiy dasturlar 1995-yil, mart “Oʻzistiqbolstat” davlat qoʻmitasi, Mehnat vazirligi, Qishloq xoʻjaligi vazirligi, Dehqonchilik sanoati kompleksining boshqa vazirliklari, Qoraqalpogʻiston Respublikasi Vazirlar Kengashi, viloyatlar hokimliklari VI. Tashqi iqtisodiy aloqalarni chuqurlashtirish va kengaytirish, integratsiya jarayonlarini faollashtirish 29. Kvotalanadigan va litsenziyalanadigan tovarlar doirasini qisqartirish boʻyicha takliflar tayyorlash Vazirlar Mahkamasining qarori 1995-yil, II chorak “Oʻzistiqbolstat” davlat qoʻmitasi, Tashqi iqtisodiy aloqalar vazirligi, “Oʻzulgurjibirjasavdo”, vazirliklar va idoralar, konsernlar, uyushmalar 30. Xorijiy firmalar va kompaniyalar bilan toʻgʻridan toʻgʻri aloqalarni taʼminlash, axborot, yuridik maslahat koʻmaklari berish maqsadida chet ellarda ixtisoslashtirilgan xizmatlar tashkil etish yuzasidan takliflar tayyorlash Vazirlar Mahkamasining qarori 1995-yil davomida Tashqi iqtisodiy aloqalar vazirligi, Tashqi ishlar vazirligi, Adliya vazirligi 31. Eksport imkoniyatlaridan foydalanishni kengaytirish va ularning samaradorligini oshirish Dasturi loyihasini ishlab chiqishni nihoyasiga yetkazish Dastur loyihasi 1995-yil, iyul “Oʻzistiqbolstat” davlat qoʻmitasi, Tashqi iqtisodiy aloqalar vazirligi, Moliya vazirligi, vazirliklar va idoralar 32. Ishlab chiqarayotgan mahsulotlarning raqobatdoshligini oshirish, eksport qilinayotgan mahsulotni sertifikatsiyalash va sifatini nazorat qilishning xalqaro tan olingan tizimini yaratish boʻyicha chora-tadbirlar ishlab chiqish Chora-tadbirlar kompleksi 1995-yil, II chorak “Oʻzdavstandart” davlat qoʻmitasi, FTDQ, vazirliklar, idoralar, uyushmalar va konsernlar 33. Qoʻshma korxonalarning faoliyatini tahlil qilish va ularning respublika iqtisodiyotiga qoʻshadigan hissalarini koʻpaytirishni ragʻbatlantirish chora-tadbirlarini ishlab chiqish Chora-tadbirlar kompleksi 1995-yil, aprel Tashqi iqtisodiy aloqalar vazirligi, “Oʻzistiqbolstat” davlat qoʻmitasi, Moliya vazirligi, A�liya vazirligi VII. Iqtisodiy islohotlarning borishini huquqiy taʼminlashni takomillashtirish 34. Qabul qilingan qonun hujjatlari va normativ hujjatlarning ijro etilishi, ustidan taʼsirchan nazorat oʻrnatishni taʼminlash, axborotlarni umumlashtirish va qonun hujjatlarining buzilishi hollarini bartaraf etishga oid amaliy chora-tadbirlarni amalga oshirish mexanizmini ishlab chiqish Chora-tadbirlar rejasi 1995-yil, I chorak Prokuratura, Adliya vazirligi, Davlat mulki qoʻmitasi 35. “Oʻzbekiston Respublikasida Konsessiya toʻgʻrisida” qonun loyihasini hamda konsessiyaga topshirilishi shart boʻlmagan yer maydonlari, konlarning tiplari koʻrsatilgan holda yer maydonlari va foydali qazilma konlar kopsessiyasiga shartnomani normativ-huquqiy taʼminlash loyihasini ishlab chiqish Qonun loyihasi, normativ hujjatlar loyihasi 1995-yil, 1-aprel Adliya vazirligi, Davlat mulki qoʻmitasi, “Oʻzistiqbolstat” davlat qoʻmitasi, Davlat geologiya qoʻmitasi, Qishloq xoʻjaligi vazirligi, Tashqi iqtisodiy aloqalar vazirligi 36. Soliq kodeksi loyihasini ishlab chiqishni nihoyasiga yetkazish Soliq kodeksi loyihasi 1995-yil, 1-sentabr Davlat soliq qoʻmitasi, Moliya vazirligi, Adliya vazirligi 37. Bojxona kodeksi loyihasini ishlab chiqishni nihoyasiga yetkazish Bojxona kodeksi loyihasi 1995-yil, 1-mart Davlat soliq qoʻmitasi, Tashqi iqtisodiy aloqalar vazirligi, Adliya vazirligi, Moliya vazirligi 38. “Tashqi qarzlar toʻgʻrisida”gi qonun loyihasini ishlab chiqish Qonun loyihasi 1995-yil, aprel Markaziy bank, Moliya vazirligi, Adliya vazirligi, Tashqi iqtisodiy aloqalar vazirligi 39. “Oʻzbekiston Respublikasidagi erkin iqtisodiy zonalar toʻgʻrisida” qonun loyihasini va bu zonalarning hududlarida xoʻjalik jarayonlarini tartibga solish boʻyicha normativ-huquqiy hujjatlar loyihalarini ishlab chiqish Qonun loyihasi, normativ hujjatlar loyihasi 1995-yil, 1-iyul Adliya vazirligi, Davlat mulki qoʻmitasi, “Oʻzistiqbolstat” davlat qoʻmitasi, Tashqi iqtisodiy aloqalar vazirligi 40. Oʻzbekiston Respublikasi Fuqaro kodeksi loyihasini tayyorlash Kodeks loyihasi 1995-yil, 1-dekabr Adliya vazirligi, Oliy xoʻjalik sudi, Davlat mulki qoʻmitasi, Moliya vazirligi. Davlat soliq qoʻmitasi, Markaziy bank, “Oʻzistiqbolstat” davlat qoʻmitasi, Mehnat vazirligi, Davlat tabiatni muhofaza qilish qoʻmitasi 41. “Majburiy tibbiy sugʻurta toʻgʻrisida”gi Qonun loyihasini ishlab chiqish Qonun loyihasi 1995-yil, II chorak Sogʻliqni saqlash vazirligi, “Oʻzdavsugʻurta”, Adliya vazirligi, “Oʻzistiqbolstat” davlat qoʻmitasi 42. Iqtisodiyotning davlatga qarashli boʻlmagan sektorida band boʻlgan fuqarolarning huquqlarini himoya qilishni kuchaytirish mexanizmini takomillashtirish yuzasidan takliflar ishlab chiqish Takliflar 1995-yil, 1-may Mehnat vazirligi, Adliya vazirligi, Davlat mulki qoʻmitasi, Ijtimoiy himoya qilish jamgʻarmasi, Tashqi iqtisodiy aloqalar vazirligi 43. Iqtisodiy islohotlarning borishini tartibga solib turuvchi amaldagi qonunlarni, normativ-huquqiy hujjatlarni tahlil qilish va xususiy tadbirkorlikni, xususiylashtirishni rivojlantirishga, bozor infrastrukturasini yaratishga toʻsqinlik qiluvchi ziddiyatlarni bartaraf etish uchun ularni oʻzgartirish, ularga qoʻshimchalar kiritish yuzasidan takliflar kiritish Qonun loyihasi 1995-yil, 1-iyun Adliya vazirligi, Davlat mulki qoʻmitasi, Tadbirkorlar jamiyati, “Oʻzistiqbolstat” davlat qoʻmitasi, kichik va oʻrta biznesga koʻmaklashish fondi, Tashqi iqtisodiy aloqalar vazirligi VIII. Iqtisodiy islohotlarni axborot-statistika bilan taʼminlash 44. Xalqaro standartlarga muvofiq iqtisodiyotning eng muhim sektorlari va tarmoqlari boʻyicha milliy schyotlar tizimini yaratish va joriy etish .chora-tadbirlarini ishlab chiqish Vazirlar Mahkamasining qarori, kompleks chora-tadbirlar 1995 — 1996-yillar “Oʻzistiqbolstat” davlat qoʻmitasi, korporatsiyalar, uyushmalar va konsernlar 45. Moliya-kredit dastaklarining boshqaruvchilik funsiyalarini kuchaytirish maqsadida umumdavlat moliya va pul statistikasi koʻrsatkichlari tizimini shakllantirish va amaliyotga kiritish Stat hisobotning yangi tizimini amaliyotga joriy etish 1995-yil davomida “Oʻzistiqbolstat” davlat qoʻmitasi, Markaziy bank, Moliya vazirligi 46. Oʻzbekiston Respublikasi va xorijiy mamlakatlar, shuningdek, MDH mamlakatlari oʻrtasidagi tovarlar va sarmoyaning harakatini hisobga olgan holda yagona toʻlov balansini tuzishini amaliyotga joriy qilish Toʻlov balansi shakllari 1995-yilning II yarmi Moliya vazirligi, Markaziy bank, “Oʻzistiqbolstat” davlat qoʻmitasi, Tashqi iqtisodiy aloqalar vazirligi, Milliy bank 47. Xalqaro standartlarga muvofiq bojxona statistikasini takomillashtirish boʻyicha chora-tadbirlar kompleksini amalga oshirish Chora-tadbirlar kompleksi 1995-yil davomida Davlat soliq qoʻmitasi, “Oʻzistiqbolstat” davlat qoʻmitasi, Tashqi iqtisodiy aloqalar vazirligi 48. Yilning har choragida “Xususiylashtirish” byulletenini tayyorlash va chiqarishni taʼminlash, bunda davlat tasarrufidan chiqarilishi va xususiylashtirilishi kerak boʻlgan korxonalarning, sotish uchun tavsiya etilgan koʻchmas mulk obyektlarining, respublika fond birjasi tomonidan aksionerlik jamiyatlarning savdoga taqdim etiladigan aksiyalarning, shuningdek, oʻz aksiyalarini sotishga qoʻyuuvchi aksionerlik jamiyatlari moliya-iqtisodiy koʻrsatkichlarining tavsifini koʻrsatish Yilning har choragida chiqadigan byulleten, “Mening mulkim” — “Chastnaya sobstvennost” gazetasining tirajini koʻpaytirish 1995-yilning II choragidan boshlab Davlat mulki qoʻmitasi, Davlat matbuot qoʻmitasi 49. Iqtisodiy islohotlarning borishini ommaviy axborot vositalari orqali keng yoritilishini taʼminlash Tele va radiodasturlar, maqolalar muntazam ravishda “Oʻzdavteleradio” kompaniyasi, gazeta va jurnallarning bosh tahririyatlari, Davlat mulki qoʻmitasi, “Oʻzistiqbolstat” davlat qoʻmitasi, Markaziy bank, Moliya vazirligi, Davlat soliq qoʻmitasi, Mehnat vazirligi