Madaniy meros obyektlarini muhofaza qilish va ulardan foydalanish toʻgʻrisidagi Oʻzbekiston Respublikasi Qonunini amalga kiritish haqida (270-II-son)

30.08.2001

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. “Madaniy meros obyektlarini muhofaza qilish va ulardan foydalanish toʻgʻrisida”gi Oʻzbekiston Respublikasi Qonuni matbuotda eʼlon qilingan kundan eʼtiboran amalga kiritilsin.

2. Oʻzbekiston Respublikasi Vazirlar Mahkamasi hukumat qarorlarini “Madaniy meros obyektlarini muhofaza qilish va ulardan foydalanish toʻgʻrisida”gi Oʻzbekiston Respublikasi Qonuniga muvofiqlashtirsin, vazirliklar, davlat qoʻmitalari hamda idoralar mazkur Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini taʼminlasin.

3. Quyidagilar oʻz kuchini yoʻqotgan deb hisoblansin:

Oʻzbekiston Respublikasining 1977-yil 21-dekabrda qabul qilingan “Tarix va madaniyat yodgorliklarini saqlash va ulardan foydalanish toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1977-yil, №35, 563-modda);

Oʻzbekiston Respublikasi Oliy Soveti Prezidiumining 1980-yil 28-avgustda qabul qilingan “Tarix va madaniyat yodgorliklarini saqlash va ulardan foydalanish toʻgʻrisida”gi Oʻzbekiston Respublikasi Qonunining 44-moddasiga oʻzgartish kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1980-yil, №25, 433-modda);

Oʻzbekiston Respublikasining 1980-yil 12-noyabrda qabul qilingan “Oʻzbekiston Respublikasi Oliy Soveti Prezidiumi “Tarix va madaniyat yodgorliklarini saqlash va ulardan foydalanish toʻgʻrisida”gi Oʻzbekiston Respublikasi Qonunining 44-moddasiga oʻzgartish kiritish haqida” chiqargan Farmonni tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1980-yil, №32, 540-modda);

Oʻzbekiston Respublikasi Oliy Soveti Prezidiumining 1984-yil 1-martda qabul qilingan “Oʻzbekiston Respublikasining baʼzi qonun aktlariga qoʻshimcha va oʻzgartishlar kiritish toʻgʻrisida”gi Farmonining (Oʻzbekiston Respublikasi Oliy Sovetining Vedomostlari, 1984-yil, №7, 107-modda) IV boʻlimi;

Oʻzbekiston Respublikasining 1984-yil 28-iyunda qabul qilingan “Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi bir qonun aktlariga oʻzgartish va qoʻshimchalar kiritish toʻgʻrisidagi farmonlarini tasdiqlash haqida”gi Qonunining (Oʻzbekiston Respublikasi Oliy Sovetining Vedomostlari, 1984-yil, №19, 281-modda) uchinchi xatboshisi.

Oʻzbekiston Respublikasi Oliy Majlisining Raisi E. XALILOV

Toshkent sh.,

2001-yil 30-avgust,

270-II-son