Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Neft va gaz geologiya-qidiruv ishlarini tashkil etish va olib borish tizimini takomillashtirish chora-tadbirlari toʻgʻrisida” 2019-yil 18-noyabrdagi PQ-4522-son hamda “Davlat geologiya va mineral resurslar qoʻmitasi tizimida Geologiya fanlari universiteti faoliyatini tashkil etish chora-tadbirlari toʻgʻrisida” 2020-yil 8-iyuldagi PQ-4740-son qarorlari) (509-son)

24.08.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Neft va gaz geologiya-qidiruv ishlarini tashkil etish va olib borish tizimini takomillashtirish chora-tadbirlari toʻgʻrisida” 2019-yil 18-noyabrdagi PQ-4522-son hamda “Davlat geologiya va mineral resurslar qoʻmitasi tizimida Geologiya fanlari universiteti faoliyatini tashkil etish chora-tadbirlari toʻgʻrisida” 2020-yil 8-iyuldagi PQ-4740-son qarorlari ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Vazirlar Mahkamasining “Davlat geologiya qoʻmitasining neft va gazni geologik-qidiruv hamda izlash ishlarini amalga oshiruvchi korxonalarini “Oʻzbekneftgaz” milliy korporatsiyasi tarkibiga oʻtkazish toʻgʻrisida” 1995-yil 3-yanvardagi 2-son qarori oʻz kuchini yoʻqotgan deb hisoblansin.

3. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi hamda Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 24-avgust,

509-son

Vazirlar Mahkamasining 2020-yil 24-avgustdagi 509-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha

2. Vazirlar Mahkamasining 2014-yil 12-maydagi 119-son qarori bilan tasdiqlangan Oʻzbekiston Respublikasining yer qaʼri monitoringini olib borish tartibi toʻgʻrisidagi nizomda (Oʻzbekiston Respublikasi QHT, 2014-yil, 20-son, 225-modda):

a) 17-bandning ikkinchi xatboshidagi “(“Oʻzbekneftgaz” milliy-xolding kompaniyasi bilan birgalikda)” soʻzlari chiqarib tashlansin;

b) 25-bandning beshinchi xatboshidagi “va “Oʻzbekneftgaz” milliy-xolding kompaniyasida” soʻzlari chiqarib tashlansin;

v) 26-bandda:

beshinchi xatboshidagi “va “Oʻzbekneftgaz” milliy-xolding kompaniyasiga” soʻzlari chiqarib tashlansin;

oltinchi xatboshidagi “Vazirlar Mahkamasi huzuridagi “Sanoatgeokontexnazorat” davlat inspeksiyasiga” soʻzlari “Oʻzbekiston Respublikasi Sanoat xavfsizligi davlat qoʻmitasi” soʻzlari bilan almashtirilsin;

g) Nizomga ilovaning “Axborotni berish” ustunida:

“Oʻzbekneftgaz” MXK” soʻzlari chiqarib tashlansin;

“Sanoatgeokontexnazorat” DI” soʻzlari “Oʻzbekiston Respublikasi Sanoat xavfsizligi davlat qoʻmitasi” soʻzlari bilan almashtirilsin.