Oʻzbekiston Respublikasida ishlab chiqariladigan zargarlik buyumlari boʻyicha aksiz soligʻi stavkasini tasdiqlash toʻgʻrisida (1447-son)

31.01.2005

Oʻzbekiston Respublikasi Moliya vazirining

BUYRUGʻI

[Oʻzbekiston Respublikasi Adliya vazirligi tomonidan 2005-yil 31-yanvarda 1447-son bilan davlat roʻyxatidan oʻtkazildi]

Oʻzbekiston Respublikasi Vazirlar Mahkamasining 2004-yil 29-dekabrdagi 610-sonli “Oʻzbekiston Respublikasining 2005-yilgi Davlat budjeti parametrlari toʻgʻrisida”gi qaroriga asosan buyuraman:

1. Oʻzbekiston Respublikasida ishlab chiqarilgan zargarlik buyumlari boʻyicha aksiz soligʻi stavkasi qoʻshilgan qiymat soligʻisiz kelishilgan (erkin) narxlarda (aksiz soligʻi summasi bilan birgalikda) yuklab joʻnatilgan mahsulot, shu jumladan qayta ishlov uchun qabul qilingan xomashyodan tayyorlangan mahsulot qiymatiga nisbatan 20% miqdorida belgilansin va yuridik shaxslar tomonidan soliq summasini toʻlash qonunda belgilangan tartibda amalga oshirilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

Moliya vaziri S. RAHIMOV

Toshkent sh.,

2004-yil 31-dekabr,

133-son