“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi” investitsiya loyihasini amalga oshirish chora-tadbirlari toʻgʻrisida (497-son)

21.08.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “2017 — 2021-yillarda gidroenergetikani yanada rivojlantirish chora-tadbirlari dasturi toʻgʻrisida”gi 2017-yil 2-maydagi PQ-2947-son, “Oʻzbekiston Respublikasining 2019-yilga moʻljallangan Investitsiya dasturini amalga oshirish chora-tadbirlari toʻgʻrisida”gi 2018-yil 19-dekabrdagi PQ-4067-son va “Oʻzbekiston Respublikasining 2020 — 2022-yillarga moʻljallangan Investitsiya dasturini amalga oshirish chora-tadbirlari toʻgʻrisida”gi 2020-yil 9-yanvardagi PQ-4563-son qarorlarini ijro etish hamda qayta tiklanuvchi energiya manbalaridan foydalanishni izchillik bilan koʻpaytirish, iqtisodiyot tarmoqlari va respublika aholisining elektr energiyasiga boʻlgan talabini toʻlaqonli taʼminlash maqsadida Vazirlar Mahkamasi qaror qiladi:

1. Quyidagilar:

2019-yil 30-sentabrda Osiyo taraqqiyot banki (keyingi oʻrinlarda — OTB) direktorlar kengashi tomonidan “Barqaror gidroenergetika” (“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi”) investitsiya loyihasini (keyingi oʻrinlarda — investitsiya loyihasi) amalga oshirish uchun Oʻzbekiston Respublikasiga OTBning odatiy kapital manbalaridan 25 yil muddatga, shu jumladan 5 yillik imtiyozli davr bilan 60,0 mln AQSh dollari miqdorida kredit ajratish maʼqullanganligi;

investitsiya loyihasining texnik-iqtisodiy asoslanuvi Oʻzbekiston Respublikasi Prezidentining 2018-yil 16-iyuldagi “Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini oshirish chora-tadbirlari toʻgʻrisida”gi PQ-3857-son qarorida belgilangan tartibda Oʻzbekiston Respublikasi Moliya vazirligi hamda Investitsiyalar va tashqi savdo vazirligida belgilangan tartibda ekspertizadan oʻtkazilganligi maʼlumot uchun qabul qilinsin.

2. Quyidagilar 2020 — 2022-yillarda amalga oshiriladigan umumiy qiymati 75,3 mln AQSh dollariga teng investitsiya loyihasini moliyalashtirish manbalari etib belgilansin:

60,0 mln AQSh dollari — OTB tomonidan ajratiladigan kredit;

5,8 mln AQSh dollari — Oʻzbekiston Respublikasining soliq va bojxona imtiyozlari koʻrinishidagi ulushi;

9,5 mln AQSh dollari — “Oʻzbekgidroenergo” AJning oʻz mablagʻlari.

3. Quyidagilar:

“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi” investitsiya loyihasi texnik-iqtisodiy asoslanuvining asosiy texnik-iqtisodiy koʻrsatkichlari 1-ilovaga muvofiq;

“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi” investitsiya loyihasi doirasida jalb etiladigan OTB krediti boʻyicha asosiy qarzni soʻndirish, foiz va vositachilik toʻlovlarini toʻlashning prognoz jadvali 2-ilovaga muvofiq tasdiqlansin.

4. Oʻzbekiston Respublikasi moliya vaziriga Oʻzbekiston Respublikasi nomidan OTB bilan qarz bitimini hamda “Oʻzbekgidroenergo” AJ bilan qayta moliyalashtirish bitimini imzolash vakolati berilsin.

5. Oʻzbekiston Respublikasi Adliya vazirligi Oʻzbekiston Respublikasi va OTB oʻrtasida imzolanadigan qarz bitimi, shuningdek, “Oʻzbekgidroenergo” AJ oʻrtasida imzolanadigan qayta moliyalashtirish bitimi boʻyicha belgilangan tartibda yuridik xulosa bersin.

6. Belgilab qoʻyilsinki:

“Oʻzbekgidroenergo” AJ loyiha tashabbuskori, qarz oluvchi va investitsiya loyihasining 2020 — 2022-yillar davomida samarali amalga oshirilishi va qarzdan maqsadli foydalanilishi uchun masʼul hisoblanadi;

qarzni qaytarish va qarzga xizmat koʻrsatish bilan bogʻliq xarajatlar “Oʻzbekgidroenergo” AJning oʻz mablagʻlari hisobidan amalga oshiriladi.

“Oʻzbekgidroenergo” AJning “1-son qurilish direksiyasi” unitar korxonasi investitsiya loyihasining buyurtmachisi va ijro etuvchi tashkiloti hisoblanadi, loyiha yechimlarini inshootlarning ishonchlilik va xavfsiz ekspluatatsiya qilinishiga doir talablarga muvofiqligi nuqtai nazaridan toʻgʻri tanlash va qoʻllash, investitsiya loyihasi boʻyicha uskunalar, mahsulotlar, ishlar va xizmatlarni kuzatish va texnik nazorat hamda qabul qilib olish uchun masʼul hisoblanadi.

7. Qashqadaryo viloyati hokimligi investitsiya loyihasi doirasida gidroelektrstansiyalarni va yuqori kuchlanishli elektr uzatish tarmoqlarini qurish uchun oʻz vaqtida yer uchastkalari ajratilishini taʼminlasin.

8. Oʻzbekiston Respublikasi Qurilish vazirligi investitsiya loyihasi doirasida qurilish-montaj ishlarining sifatli bajarilishi boʻyicha davlat arxitektura-qurilish nazoratini oʻrnatsin.

9. Mazkur qarorning bajarilishini nazorat qilish Oʻzbekiston Respublikasi energetika vaziri A.S. Sultanov va “Oʻzbekgidroenergo” AJ boshqaruvi raisi A.A. Sanginov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 21-avgust,

497-son

Vazirlar Mahkamasining 2020-yil 21-avgustdagi 497-son qaroriga 1-ILOVA

“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi” investitsiya loyihasi texnik-iqtisodiy asoslanuvining asosiy texnik-iqtisodiy

KOʻRSATKIChLARI

T/r Komponentning nomlanishi Oʻlchov birligi Jami Moliyalashtirish manbalari OTB krediti Oʻzbekiston Respublikasining soliq va bojxona imtiyozlari koʻrinishidagi ulushi* “Oʻzbekgidroenergo” AJ mablagʻi 1. Loyihaning umumiy qiymati ming AQSh doll 75300,0 60000,0 5800,0 9500,0 2. Jami kapital qoʻyilmalar summasi, shu jumladan: ming AQSh doll 69500,0 60000,0 - 9500,0 2.1. mashina va uskunalar ming AQSh doll 23600,0 23600,0 - - 2.2. qurilish-montaj ishlari ming AQSh doll 21300,0 21300,0 - - 2.3. yuqori kuchlanish tarmogʻi ming AQSh doll 9000,0 9000,0 - - 2.4. loyihani boshqarish va salohiyatini oshirish ming AQSh doll 5000,0 2000,0 - 3000,0 2.5. koʻzda tutilmagan xarajatlar ming AQSh doll 4700,0 2800,0 - 1900,0 2.6. investitsiya davri moliyaviy xarajatlari ming AQSh doll 3600,0 - - 3600,0 2.7. boshqa xarajatlar, shundan: ming AQSh doll 2300,0 1300,0 - 1000,0 2.7.1. loyiha oldi xarajatlari ming AQSh doll 1300,0 1300,0 - - 2.7.2. aholini koʻchirish xarajatlari ming AQSh doll 1000,0 - - 1000,0 3. Soliq va bojxona imtiyozlari ming AQSh doll 5800,0 - 5800,0 - 4. Loyiha boʻyicha ishga tushiriladigan quvvat Jami — 24 MVt, shu jumladan: Rabat GES — 6,2 MVt, Chappasuy GES — 7,5 MVt, Tamshush GES — 10,3 MVt 5. Loyihani amalga oshirish muddati 2020 — 2022-yillar

Izoh. Qoʻshilgan qiymat soligʻi va bojxona imtiyozlari

Vazirlar Mahkamasining 2020-yil 21-avgustdagi 497-son qaroriga 2-ILOVA

“Oqsu daryosida Rabat GES qurilishi, Oqsu daryosida Chappasuy GES qurilishi va Oqdaryo-Oqsu daryosida Tamshush GES qurilishi” investitsiya loyihasi doirasida jalb etiladigan Osiyo taraqqiyot banki krediti boʻyicha asosiy qarzni soʻndirish, foiz va vositachilik toʻlovlarini toʻlashning

PROGNOZ JADVALI

Jami 60,0 mln AQSh dollari Kredit muddati 25 yil Imtiyozli davr 5 yil Foiz stavkasi 3% (6-oylik Libor + 0,6 % yillik stavkasi) Majburiyat uchun vositachilik toʻlovi oʻzlashtirilmagan kreditdan yillik 0,15% mln AQSh dollari Toʻlov sanasi Oʻzlashtirish summasi* Asosiy qarz summasi** Qarz qoldigʻi Foiz toʻlov miqdori*** Majburiyat uchun komissiya toʻlovi summasi Toʻlanadigan jami summa 2020-yil 15-dekabr 1,30 - 1,30 0,020 0,04 0,06 2021-yil 15-iyun 5,70 - 7,00 0,105 0,04 0,14 2021-yil 15-dekabr 6,00 - 13,00 0,195 0,04 0,23 2022-yil 15-iyun 10,00 - 23,00 0,345 0,03 0,37 2022-yil 15-dekabr 9,50 - 32,50 0,488 0,02 0,51 2023-yil 15-iyun 10,00 - 42,50 0,638 0,01 0,65 2023-yil 15-dekabr 7,50 - 50,00 0,750 0,01 0,76 2024-yil 15-iyun 10,00 - 60,00 0,90 0,00 0,90 2024-yil 15-dekabr - - 60,00 0,90 - 0,90 2025-yil 15-iyun - 1,50 58,50 0,88 - 2,38 2025-yil 15-dekabr - 1,50 57,00 0,86 - 2,36 2026-yil 15-iyun - 1,50 55,50 0,83 - 2,33 2026-yil 15-dekabr - 1,50 54,00 0,81 - 2,31 2027-yil 15-iyun - 1,50 52,50 0,79 - 2,29 2027-yil 15-dekabr - 1,50 51,00 0,77 - 2,27 2028-yil 15-iyun - 1,50 49,50 0,74 - 2,24 2028-yil 15-dekabr - 1,50 48,00 0,72 - 2,22 2029-yil 15-iyun - 1,50 46,50 0,70 - 2,20 2029-yil 15-dekabr - 1,50 45,00 0,68 - 2,18 2030-yil 15-iyun - 1,50 43,50 0,65 - 2,15 2030-yil 15-dekabr - 1,50 42,00 0,63 - 2,13 2031-yil 15-iyun - 1,50 40,50 0,61 - 2,11 2031-yil 15-dekabr - 1,50 39,00 0,59 - 2,09 2032-yil 15-iyun - 1,50 37,50 0,56 - 2,06 2032-yil 15-dekabr - 1,50 36,00 0,54 - 2,04 2033-yil 15-iyun - 1,50 34,50 0,52 - 2,02 2033-yil 15-dekabr - 1,50 33,00 0,50 - 2,00 2034-yil 15-iyun - 1,50 31,50 0,47 - 1,97 2034-yil 15-dekabr - 1,50 30,00 0,45 - 1,95 2035-yil 15-iyun - 1,50 28,50 0,43 - 1,93 2035-yil 15-dekabr - 1,50 27,00 0,41 - 1,91 2036-yil 15-iyun - 1,50 25,50 0,38 - 1,88 2036-yil 15-dekabr - 1,50 24,00 0,36 - 1,86 2037-yil 15-iyun - 1,50 22,50 0,34 - 1,84 2037-yil 15-dekabr - 1,50 21,00 0,32 - 1,82 2038-yil 15-iyun - 1,50 19,50 0,29 - 1,79 2038-yil 15-dekabr - 1,50 18,00 0,27 - 1,77 2039-yil 15-iyun - 1,50 16,50 0,25 - 1,75 2039-yil 15-dekabr - 1,50 15,00 0,23 - 1,73 2040-yil 15-iyun - 1,50 13,50 0,20 - 1,70 2040-yil 15-dekabr - 1,50 12,00 0,18 - 1,68 2041 yil 15-iyun - 1,50 10,50 0,16 - 1,66 2041 yil 15-dekabr - 1,50 9,00 0,14 - 1,64 2042 yil 15-iyun - 1,50 7,50 0,11 - 1,61 2042 yil 15-dekabr - 1,50 6,00 0,09 - 1,59 2043 yil 15-iyun - 1,50 4,50 0,07 - 1,57 2043 yil 15-dekabr - 1,50 3,00 0,05 - 1,55 2044 yil 15-iyun - 1,50 1,50 0,02 - 1,52 2044 yil 15-dekabr - 1,50 0,00 0,00 - 1,50 Jami 60,00 60,00 - 21,89 0,19 82,08

Izoh.

* Yakuniy qiymat bosh pudratchini tanlash boʻyicha xalqaro tender savdolarining natijalari, shuningdek, loyiha-smeta hujjatlarining ishlab chiqilishi boʻyicha aniqlanadi. Investitsiya davridagi moliyaviy xarajatlarga kreditni qaytarish muddatlari va miqdorlaridan kelib chiqqan holda aniqlik kiritiladi;

** Toʻlovlar miqdori qarzdan amalda foydalanish muddatlariga qarab belgilanadi;

*** Foiz toʻlov miqdori yillik 3% hisoblangan.