Ilmiy darajalar beruvchi ilmiy kengash toʻgʻrisidagi nizomning 5-ilovasiga oʻzgartirish kiritish haqida (2893-3-son)

13.08.2020

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining

Qarori

[Oʻzbekiston Respublikasi Adliya vazirligi tomonidan 2020-yil 13-avgustda roʻyxatdan oʻtkazildi, roʻyxat raqami 2893-3]

Oʻzbekiston Respublikasi Prezidentining 2019-yil 6-yanvardagi PQ-4096-son “Sudyalik lavozimlariga nomzodlarni tayyorlash, sudyalar va sudlar apparati xodimlarini qayta tayyorlash, ularning malakasini oshirish tizimini tubdan takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/3-son qarori (roʻyxat raqami 2893, 2017-yil 23-iyun) (Oʻzbekiston Respublikasi qonun hujjatlari toʻplami, 2017-yil 25-son, 568-modda) bilan tasdiqlangan Ilmiy darajalar beruvchi ilmiy kengash toʻgʻrisidagi nizomning 5-ilovasi 11-bandidagi “Odil sudlov muammolarini oʻrganish tadqiqot markazi” degan soʻzlar “Sudyalar oliy maktabi” degan soʻzlar bilan almashtirilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Rais A.T. YUSUPOV

Toshkent sh.,

2020-yil 30-iyul,

01-15/1106-son