Oʻzbekiston Respublikasi Hukumatining ayrim qarorlariga oʻzgartirish va koʻshimchalar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasi Prezidentining 2018-yil 14-maydagi “Oʻzbekiston Respublikasi Qurolli Kuchlari harbiylari va ularning oila aʼzolarini ijtimoiy qoʻllab-quvvatlashga oid qoʻshimcha chora-tadbirlar toʻgʻrisida”gi PQ-3726-son qaroriga oʻzgartirish va qoʻshimchalar kiritish toʻgʻrisida” 2020-yil 16-iyundagi PQ-4753-son qarori) (470-son)

10.08.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Prezidentining 2018-yil 14-maydagi “Oʻzbekiston Respublikasi Qurolli Kuchlari harbiylari va ularning oila aʼzolarini ijtimoiy qoʻllab-quvvatlashga oid qoʻshimcha chora-tadbirlar toʻgʻrisida”gi PQ-3726-son qaroriga oʻzgartirish va qoʻshimchalar kiritish toʻgʻrisida” 2020-yil 16-iyundagi PQ-4753-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Qurolli Kuchlari tarkibiga kiruvchi vazirlik va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy masalalar boʻyicha oʻrinbosari B.A. Musayev hamda Oʻzbekiston Respublikasi Milliy gvardiyasi qoʻmondoni R.M. Djurayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 10-avgust,

470-son

Vazirlar Mahkamasining 2020-yil 10-avgustdagi 470-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

3. Vazirlar Mahkamasining “Oʻzbekiston Respublikasi Ichki ishlar vazirligi Akademiyasining kunduzgi va sirtqi taʼlim shakllariga nomzodlarni tanlash va oʻqishga qabul qilish tartibi toʻgʻrisidagi nizomlarni tasdiqlash haqida” 2017-yil 1-dekabrdagi 958-son qarorida:

a) qarorga 1-ilovada:

2-bandga quyidagi mazmundagi xatboshi qoʻshilsin:

“Mamlakatning mudofaa qudratini mustahkamlashga salmoqli hissa qoʻshgan, xizmatdagi harbiy va ilmiy faoliyatda maʼlum bir natijalarga erishgan Oʻzbekiston Respublikasi Qurolli Kuchlari tarkibiga kiruvchi vazirlik va idoralarning xizmatdagi ofitserlari, kontrakt boʻyicha xizmat qilayotgan serjantlar va oddiy askarlar tarkibidagi harbiy xizmatchilarning farzandlari uchun Akademiyaga kunduzgi taʼlim shakliga belgilangan umumiy qabul sonidan (ikkinchi va undan keyingi oliy taʼlimdan tashqari) besh foizli kvota, Oʻzbekiston Respublikasi Milliy gvardiyasining xizmatdagi harbiy xizmatchi va xodimlarining farzandlari uchun ikki foizli kvota ajratiladi”;

49-bandga quyidagi mazmundagi xatboshilar qoʻshilsin:

“Harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yaradorlik, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, kontrakt boʻyicha serjantlari va oddiy askarlarining (Milliy gvardiya xodimlarining) farzandlari ajratilgan qabul kvotalaridan tashqari tegishli vazirliklar va idoralarning tavsiyanomalari asosida qabul qilinadilar.

Oʻzbekiston Respublikasi Qurolli Kuchlari tarkibiga kiruvchi vazirlik va idoralar harbiy xizmatchilarining va Milliy gvardiya xodimlarining farzandlarini ajratilgan (besh va ikki foizli) kvotalar doirasida Akademiyaga kunduzgi taʼlim shakliga qabul qilishda vazirliklar va idoralarning belgilangan shakldagi tavsiyanomalari asosida oʻrinlar maxsus kasbiy tanlov natijalari boʻyicha toʻplangan ballardan kelib chiqib, ketma-ketlik tartibida taqsimlanadi.

Ajratilgan (besh va ikki foizli) kvota oʻrinlariga qabul qilinmagan nomzodlar maxsus kasbiy tanlov natijalari boʻyicha toʻplagan ballari bilan umumiy tartibda tanlovda ishtirok etadilar”;

b) qarorga 2-ilovada:

2-band quyidagi mazmundagi xatboshi qoʻshilsin:

“Mamlakatning mudofaa qudratini mustahkamlashga salmoqli hissa qoʻshgan, xizmatdagi harbiy va ilmiy faoliyatda maʼlum bir natijalarga erishgan Oʻzbekiston Respublikasi Qurolli Kuchlari tarkibiga kiruvchi vazirlik va idoralarning xizmatdagi ofitserlari, kontrakt boʻyicha xizmat qilayotgan serjantlar va oddiy askarlar tarkibidagi harbiy xizmatchilarining farzandlari uchun Akademiyaga sirtqi taʼlim shakliga belgilangan umumiy qabul sonidan (ikkinchi va undan keyingi oliy taʼlimdan tashqari) besh foizli kvota, Oʻzbekiston Respublikasi Milliy gvardiyasining xizmatdagi harbiy xizmatchi va xodimlarining farzandlari uchun ikki foizli kvota ajratiladi”;

35-bandga quyidagi mazmundagi xatboshilar qoʻshilsin:

“Harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yaradorlik, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, kontrakt boʻyicha serjantlari va oddiy askarlarining (Milliy gvardiya xodimlarining) farzandlari qabul kvotalaridan tashqari tegishli vazirliklar va idoralarning tavsiyanomalari asosida qabul qilinadilar.

Oʻzbekiston Respublikasi Qurolli Kuchlari tarkibiga kiruvchi vazirlik va idoralar harbiy xizmatchilari va Milliy gvardiya xodimlarining farzandlarini ajratilgan (besh va ikki foizli) kvotalar doirasida Akademiyaga sirtqi taʼlim shakliga qabul qilishda vazirliklar va idoralarning belgilangan shakldagi tavsiyanomalari asosida oʻrinlar maxsus kasbiy tanlov natijalari boʻyicha toʻplangan ballardan kelib chiqib, ketma-ketlik tartibida taqsimlanadi.

Ajratilgan (besh va ikki foizli) kvota oʻrinlariga qabul qilinmagan nomzodlar maxsus kasbiy tanlov natijalari boʻyicha toʻplagan ballari bilan umumiy tartibda tanlovda ishtirok etadilar”.

4. Vazirlar Mahkamasining “Oʻzbekiston Respublikasi Qurolli Kuchlari harbiy xizmatchilari farzandlarining kvota asosida respublika oliy taʼlim muassasalariga oʻqishga kirishi uchun tavsiyanomalar berish tartibi toʻgʻrisidagi nizomni tasdiqlash haqida” 2018-yil 22-iyundagi 462-son qarori (Oʻzbekiston Respublikasi QHT, 2018-y., 27-son, 620-modda):

a) qaror nomi quyidagi tahrirda bayon etilsin:

“Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik hamda idoralarning xodimlari farzandlarining kvota asosida respublika oliy taʼlim muassasalariga oʻqishga kirishi uchun tavsiyanomalar berish tartibi toʻgʻrisidagi nizomni tasdiqlash haqida”;

b) muqaddima quyidagi tahrirda bayon etilsin:

“Oʻzbekiston Respublikasi Prezidentining “Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik hamda idoralarning xodimlari va ularning oila aʼzolarini ijtimoiy qoʻllab-quvvatlashga oid qoʻshimcha chora-tadbirlar toʻgʻrisida” 2018-yil 14-maydagi PQ-3726-son qaroriga muvofiq Vazirlar Mahkamasi qaror qiladi”;

v) 1-band quyidagi tahrirda bayon etilsin:

“1. Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik hamda idoralarning xodimlari farzandlarining kvota asosida respublika oliy taʼlim muassasalariga oʻqishga kirishi uchun tavsiyanomalar berish tartibi toʻgʻrisidagi nizom ilovaga muvofiq tasdiqlansin”;

g) 2-bandda:

ikkinchi xatboshidagi “harbiy xizmatchilarga” soʻzlaridan keyin “va Milliy gvardiya xodimlariga” soʻzlari qoʻshilsin;

uchinchi xatboshi quyidagi tahrirda bayon etilsin:

“harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, serjantlar va oddiy askarlar tarkibiga mansub boʻlgan kontrakt boʻyicha harbiy xizmatchilari va Milliy gvardiya xodimlarining farzandlariga beriladi”.

d) qarorga ilovada:

Nizom nomi quyidagi tahrirda bayon etilsin:

1-band quyidagi tahrirda bayon etilsin:

“1. Mazkur Nizom Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik va idoralarning xodimlari farzandlarining kvota asosida respublika oliy taʼlim muassasalariga va oliy harbiy taʼlim muassasalariga (keyingi oʻrinlarda — oliy taʼlim muassasalari deb ataladi) oʻqishga kirishi uchun tavsiyanomalar berish tartibini belgilaydi”;

2-band quyidagi tahrirda bayon etilsin:

“2. Oliy taʼlim muassasalariga oʻqishga kirishi uchun tavsiyanomalar quyidagilarga beriladi:

mamlakat mudofaa qudratini mustahkamlashga salmoqli xissa qoʻshgan, xizmatdagi harbiy va ilmiy faoliyatida maʼlum bir natijalarga erishgan haqiqiy xizmatni oʻtayotgan ofitserlarga, serjantlar va oddiy askarlar tarkibiga mansub boʻlgan kontrakt boʻyicha harbiy xizmatchilarga (keyingi oʻrinlarda — harbiy xizmatchilar deb ataladi) va Milliy gvardiya xodimlariga — ularning farzandlarining oliy taʼlim muassasalariga oʻqishga kirishi uchun bevosita komandirlarning (boshliqlarning) tavsiyasi boʻyicha mazkur Nizomning 1-ilovasidagi shaklda;

harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitser, serjant va oddiy askarlar tarkibiga mansub boʻlgan kontrakt boʻyicha harbiy xizmatchilarning va Milliy gvardiya xodimlarining farzandlariga — mazkur Nizomning 2-ilovasidagi shaklda”;

4-banddagi “harbiy xizmatchilarning” soʻzlaridan keyin “va Milliy gvardiya xodimlarining” soʻzlari qoʻshilsin;

6-bandda:

ikkinchi xatboshidagi “harbiy xizmatchilar” soʻzlaridan keyin “va Milliy gvardiya xodimlari” soʻzlari qoʻshilsin;

uchinchi xatboshi quyidagi tahrirda bayon etilsin:

“harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirlik va idoralarning ofitser, serjant va oddiy askarlar tarkibiga mansub boʻlgan kontrakt boʻyicha harbiy xizmatchilarining va Milliy gvardiya xodimlarining farzandlari roʻyxatlari”;

7-bandda:

“a” kichik bandning:

birinchi xatboshidagi “harbiy xizmatchiga” soʻzlaridan keyin “(Milliy gvardiya xodimiga)” soʻzlari qoʻshilsin;

oltinchi xatboshidagi “harbiy xizmatchi” soʻzlaridan keyin “(Milliy gvardiya xodimi)” soʻzlari qoʻshilsin;

“b” kichik bandning:

birinchi xatboshidagi “harbiy xizmatchiga” soʻzlaridan keyin “(Milliy gvardiya xodimiga)” soʻzlari qoʻshilsin;

uchinchi xatboshidagi “harbiy xizmatchi” soʻzlaridan keyin “(Milliy gvardiya xodimi)” soʻzlari qoʻshilsin, “harbiy xizmat vazifalarini” soʻzlari “harbiy xizmat majburiyatini (xizmat majburiyatini)” soʻzlari bilan almashtirilsin;

toʻrtinchi xatboshidagi “harbiy xizmatchining” soʻzlaridan keyin “(Milliy gvardiya xodimining)” soʻzlari qoʻshilsin;

beshinchi xatboshidagi “harbiy xizmatchi” soʻzlaridan keyin “(Milliy gvardiya xodimi)” soʻzlari qoʻshilsin;

“v” kichik bandi quyidagi tahrirda bayon etilsin:

“v) harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan harbiy xizmatchiga (Milliy gvardiya xodimiga):

vazirlik (idora) xududiy organi, mudofaa ishlari boshqarmasi boshligʻining tavsiyanomasi;

tibbiy-mehnat ekspert komissiyasi tomonidan berilgan harbiy xizmatchining (Milliy gvardiya xodimining) nogironligi haqidagi maʼlumotnoma;

yarador boʻlishi, kontuziya, shikastlanish yoki kasalliklar boʻyicha harbiy-tibbiy ekspertiza oʻtkazadigan muassasaning xulosasi;

harbiy xizmatchi (Milliy gvardiya xodimi) farzandining pasporti va tugʻilganlik haqidagi guvohnomasi nusxalari.

Mazkur bandda nazarda tutilmagan hujjatlarni taqdim etishni talab qilish taqiqlanadi”;

9-band quyidagi tahrirda bayon etilsin:

“9. Oʻzbekiston Respublikasi Qurolli Kuchlari tarkibiga kiruvchi vazirliklar (idoralar)ning komissiyalari harbiy xizmatchilar (Milliy gvardiya xodimlari) taqdim etgan hujjatlarni har yili 1-aprelgacha koʻrib chiqadi. Bunda mamlakat mudofaa qudratini mustahkamlashga salmoqli xissa qoʻshgan, xizmatdagi harbiy va ilmiy faoliyatida maʼlum bir natijalarga erishgan harbiy xizmatchilarga (Milliy gvardiya xodimlariga) alohida eʼtibor qaratiladi”;

10-banddagi “harbiy xizmatchilarning” soʻzlaridan keyin “(Milliy gvardiya xodimlarining)” soʻzlari qoʻshilsin;

11-band quyidagi tahrirda bayon etilsin:

“11. Oʻzbekiston Respublikasi Kurolli Kuchlari tarkibiga kiruvchi vazirliklar (idoralar) Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasiga mazkur Nizomda koʻzda tutilgan tartibda oliy taʼlim muassasalariga oʻqishga kirish uchun tavsiyanomalar berilgan, harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan harbiy xizmatchilar (Milliy gvardiya xodimlari) farzandlarining roʻyxatlarini har yili 1-maygacha mazkur Nizomning 4-ilovasida keltirilgan shaklda yuboradilar”;

e) Nizomga 1-ilova quyidagi tahrirda bayon etilsin:

TAVSIYANOMA BLANKASINING SHAKLI

”;

j) Nizomga 2-ilova quyidagi tahrirda bayon etilsin:

TAVSIYANOMA BLANKASINING SHAKLI

”;

z) Nizomga 3-ilova quyidagi tahrirda bayon etilsin:

Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik hamda idoralarning xodimlari farzandlarining kvota asosida respublika oliy taʼlim muassasalariga oʻqishga kirishi uchun tavsiyanomalar berish

SXEMASI

Bosqichlar Amalga oshirish mexanizmi Subyekt Bajarish muddati I-bosqich 1. Vazirlik (idora) rahbarining tavsiyanoma berish masalalarini koʻrib chiqish boʻyicha komissiya tuzish toʻgʻrisidagi buyrugʻini chiqarish. 2. Komissiya quyidagilarni koʻrib chiqadi: harbiy xizmatchi va xodimlar farzandlarining oliy harbiy taʼlim muassasalariga oʻqishga kirishi uchun tavsiyanoma berish toʻgʻrisidagi tavsiyalar bilan komandirlar (boshliqlar)ning takliflari; harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirlik va idoralarning ofitser, serjant va oddiy askarlar tarkibiga mansub boʻlgan kontrakt boʻyicha harbiy xizmatchilarning va Milliy gvardiya xodimlarining farzandlari roʻyxatlari. Vazirliklar (idoralar) Har yili 10-martgacha II-bosqich Komandir (boshliq)lar komissiyaga koʻrib chiqish uchun quyidagi hujjatlarni taqdim etadi: a) harbiy xizmatchiga (Milliy gvardiya xodimiga): bevosita komandir (boshliq)ning tavsiyasiyanomasi; maʼlumotnoma-obyektivka; biografik maʼlumotlar; xizmat faoliyati natijalari boʻyicha batafsil hisobot; harbiy xizmatchi (Milliy gvardiya xodimi) farzandining pasporti va tugʻilganlik haqidagi guvohnomasi nusxalari; b) halok boʻlgan harbiy xizmatchiga (Milliy gvardiya xodimiga): vazirlik (idora) hududiy organi, mudofaa ishlari boshqarmasi boshligʻining tavsiyanomasi; harbiy xizmatchi (Milliy gvardiya xodimi) harbiy xizmat majburiyatini (xizmat majburiyatini) bajarish chogʻida halok boʻlganligi toʻgʻrisida vazirlik (idora) rahbarining buyrugʻidan koʻchirma; harbiy xizmatchi (Milliy gvardiya xodimi)ning oʻlimi haqidagi guvohnomadan nusxa; halok boʻlgan harbiy xizmatchi (Milliy gvardiya xodimi) farzandining pasporti va tugʻilganlik haqidagi guvohnomasi nusxalari; v) harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan harbiy xizmatchiga (Milliy gvardiya xodimiga): vazirlik (idora) hududiy organi, mudofaa ishlari boshqarmasi boshligʻining tavsiyanomasi; tibbiy-mehnat ekspert komissiyasi tomonidan berilgan harbiy xizmatchining (Milliy gvardiya xodimining) nogironligi haqidagi maʼlumotnoma; yarador boʻlishi, kontuziya, shikastlanish yoki kasalliklar boʻyicha harbiy-tibbiy ekspertiza oʻtkazadigan muassasaning xulosasi; harbiy xizmatchi (Milliy gvardiya xodimi) farzandining pasporti va tugʻilganlik haqidagi guvohnomasi nusxalari. Harbiy qismlar va muassasalar komandirlari (boshliqlari) Har yili 15-martgacha III-bosqich 1. Komissiya taqdim etilgan hujjatlarni koʻrib chiqadi. (Mamlakat mudofaa qudratini mustahkamlashga salmoqli xissa qoʻshgan, xizmatdagi harbiy va ilmiy faoliyatida maʼlum bir natijalarga erishgan harbiy xizmatchilarga (Milliy gvardiya xodimlariga) alohida eʼtibor qaratiladi). 2. Koʻrib chiqish yakunlari boʻyicha bayonnoma tuziladi, u komissiya raisi tomonidan tasdiqlanadi. Vazirliklar (idoralar) komissiyalarining raislari Har yili 1 aprelgacha IV-bosqich 1. Vazirlik (idora) tegishli rahbarining buyrugʻi chiqariladi. 2. Harbiy xizmatchi va Milliy gvardiya xodimlari farzandlarining respublika oliy taʼlim muassasalariga oʻqishga kirishi uchun tavsiyanomalar beriladi. 3. Harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan harbiy xizmatchilarning (Milliy gvardiya xodimlarining) ushbu Nizomda nazarda tutilgan tartibda taʼlim muassasalariga oʻqishga kirish uchun tavsiyanomalarga ega boʻlgan farzandlari roʻyxatlari Davlat komissiyasiga yuboriladi. Vazirliklar (idoralar) rahbarlari, harbiy qismlar va muassasalar komandirlari (boshliqlari) Har yili 1-maygacha V-bosqich Davlat komissiyasi harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan harbiy xizmatchilarning (Milliy gvardiya xodimlarining) ushbu Nizomda nazarda tutilgan tartibda oliy taʼlim muassasalariga oʻqishga kirishi uchun tavsiyanomalar berilgan farzandlari roʻyxatlarini koʻrib chiqadi. Davlat komissiyasi (taʼlim muassasalari boʻyicha ATD) ishchi organi Har yili 15-iyungacha ”;

i) Nizomga 4-ilova quyidagi tahrirda bayon etilsin:

Harbiy xizmat majburiyatini (xizmat majburiyatini) bajarish chogʻida halok boʻlgan, yarador boʻlishi, kontuziya, shikastlanish natijasida nogiron boʻlib qolgan harbiy xizmatchi va xodimlarning respublika oliy taʼlim muassasalariga oʻqishga kirish uchun tavsiyanomaga ega boʻlgan farzandlarining

ROʻYXATI

T/r Abituriyentning (nomzodning) familiyasi, ismi, otasining ismi Abituriyent (nomzod) pasportining (guvohnomasining) seriyasi va raqami Qaysi vazirlik (idora) vakili Taʼlimning rejalashtirilayotgan yoʻnalishi Tavsiyanoma raqami Izoh 1. 2. ”.

5. Vazirlar Mahkamasining 2018-yil 28-iyuldagi 594-son qarori (Oʻzbekiston Respublikasi QHT, 2017-y., 31-son, 645-modda) bilan tasdiqlangan Jahon iqtisodiyoti va diplomatiya universitetining bakalavriat va magistraturasiga oʻqishga qabul qilish toʻgʻrisidagi nizomda:

a) 2-bandga quyidagi mazmundagi xatboshi qoʻshilsin:

“Mamlakatning mudofaa qudratini mustahkamlashga salmoqli hissa qoʻshgan, xizmatdagi harbiy va ilmiy faoliyatida maʼlum bir natijalarga erishgan, Oʻzbekiston Respublikasi Qurolli Kuchlari tarkibiga kiruvchi vazirlik va idoralarning xizmatdagi ofitserlari, kontrakt boʻyicha xizmat qilayotgan serjantlar va oddiy askarlar tarkibidagi harbiy xizmatchilarining farzandlari uchun Universitetga talabalarning bakalavriatga qabul qilishning umumiy belgilangan qabul koʻrsatkichlari kvotasidan (ikkinchi va undan keyingi oliy taʼlimdan tashqari) besh foizli kvota, Oʻzbekiston Respublikasi Milliy gvardiyasining xizmatdagi harbiy xizmatchi va xodimlarining farzandlari uchun ikki foizli kvota ajratiladi”;

b) 11-bandga quyidagi mazmundagi xatboshi qoʻshilsin:

“Oʻzbekiston Respublikasi Qurolli Kuchlari tarkibiga kiruvchi tegishli vazirliklar va idoralarning tavsiyanomasiga ega boʻlgan abituriyentlar qabul komissiyasiga ushbu tavsiyanomaning asl nusxasini taqdim etadilar”;

v) quyidagi mazmundagi 463 va 464-bandlar qoʻshilsin:

“463. Harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yarador boʻlishi, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, kontrakt boʻyicha serjantlari va oddiy askarlarining va Milliy gvardiya xodimlarining farzandlari tegishli vazirliklar va idoralarning tavsiyanomasi asosida belgilangan qabul kvotalaridan tashqari davlat granti asosida Universitet bakalavriatiga (ikkinchi va undan keyingi oliy taʼlimdan tashqari) kirish imtihonlarisiz qabul qilinadilar.

464. Ajratilgan besh foizli kvota chegarasida harbiy xizmatchilarning farzandlarini, shuningdek, ikki foizli kvota chegarasida Milliy gvardiya harbiy xizmatchi va xodimlarining farzandlarini qabul qilish tanlov asosida amalga oshiriladi hamda oʻrinlar oliy taʼlim muassasalariga oʻqishga kirish imtihonlari natijasi boʻyicha toʻplangan ballardan kelib chiqqan holda, navbatdagi ketma-ketlik tartibiga muvofiq taqsimlanadi”.

6. Vazirlar Mahkamasining 2019-yil 29-apreldagi 365-son qarori bilan tasdiqlangan Oʻzbekiston Respublikasi Davlat bojxona qoʻmitasining Bojxona instituti bakalavriatiga oʻqishga qabul qilish tartibi toʻgʻrisidagi nizomda:

a) 2-bandga quyidagi mazmundagi xatboshi qoʻshilsin:

“Mamlakatning mudofaa qudratini mustahkamlashga salmoqli hissa qoʻshgan, xizmatdagi harbiy va ilmiy faoliyatda maʼlum bir natijalarga erishgan Oʻzbekiston Respublikasi Qurolli Kuchlari tarkibiga kiruvchi vazirlik va idoralarning xizmatdagi ofitserlari, kontrakt boʻyicha xizmat qilayotgan serjantlari va oddiy askarlar tarkibidagi harbiy xizmatchilarining farzandlari uchun Institut bakalavriatiga kursantlar qabul qilishning umumiy sonidan besh foizli kvota, Oʻzbekiston Respublikasi Milliy gvardiyasining xizmatdagi harbiy xizmatchi va xodimlarining farzandlari uchun ikki foizli kvota ajratiladi”;

b) 61-bandga quyidagi mazmundagi xatboshi qoʻshilsin:

“Harbiy xizmat majburiyatini (xizmat majburiyatini) bajarish chogʻida halok boʻlgan hamda harbiy xizmat majburiyatini (xizmat majburiyatini) bajarish chogʻida yaradorlik, kontuziya, shikastlanish yoki kasalliklar oqibatida nogiron boʻlib qolgan Oʻzbekiston Respublikasi Qurolli Kuchlari tarkibiga kiruvchi vazirliklar va idoralarning ofitserlari, kontrakt boʻyicha serjantlari va oddiy askarlarining (Milliy gvardiya xodimlarining) farzandlari tegishli vazirliklar va idoralarning tavsiyanomalari asosida Oʻzbekiston Respublikasi taʼlim muassasalariga oʻqishga qabul qilish boʻyicha Davlat komissiyasining qarori bilan Davlat test markazi tomonidan oʻtkaziladigan test sinovlarisiz, belgilangan qabul kvotalaridan tashqari Institut bakalavriatiga oʻqishga qabul qilinadilar”.