Oʻzbekiston Respublikasida turizm sohasini tiklash va rivojlantirish uchun qulay shart-sharoitlarni yaratish chora-tadbirlari toʻgʻrisida (433-son)

10.07.2020

Oʻzbekiston Respublikasi Vazirlar Mahkamasining

qarori

Koronavirus pandemiyasining salbiy taʼsirini turizm hamda unga bevosita bogʻliq boʻlgan tarmoqlarni qoʻllab-quvvatlash orqali kamaytirish, mamlakatda sanitariya-epidemiologik vaziyat yaxshilanishiga qarab turizm sohasini jadal qayta tiklash, shuningdek, “Turizm toʻgʻrisida”gi Oʻzbekiston Respublikasining Qonuni hamda Oʻzbekiston Respublikasi Prezidentining “Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida” 2019-yil 13-avgustdagi PF-5781-son Farmoni va “Sanitariya-epidemiologik xavfsizlikning kuchaytirilgan rejimi talablariga qatʼiy rioya qilgan holda, turizm sohasini rivojlantirishga doir qoʻshimcha chora-tadbirlar toʻgʻrisida” 2020-yil 19-iyundagi PQ-4755-son qarorida belgilangan ustuvor vazifalarning ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizom 2-ilovaga muvofiq;

Turoperator va turagentlik xizmatlarini koʻrsatish tartibi toʻgʻrisidagi nizom 3-ilovaga muvofiq;

Oʻzbekiston Respublikasi hududida joylashtirish boʻyicha xizmatlarni koʻrsatish tartibi toʻgʻrisidagi nizom 4-ilovaga muvofiq;

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibi toʻgʻrisidagi nizom 6-ilovaga muvofiq;

Xalqaro turizm yarmarkalari va koʻrgazmalarida yangi turdagi xizmat va mahsulotlar bilan ishtirok etishi uchun turizm sohasi subyektlarini tanlab olish tartibi toʻgʻrisidagi nizom 7-ilovaga muvofiq;

Fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibi toʻgʻrisidagi nizom 8-ilovaga muvofiq;

Turizm sohasida mutaxassislarni qayta tayyorlash va malakasini oshirish tartibi toʻgʻrisidagi nizom 10-ilovaga muvofiq;

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizm qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisidagi nizom 11-ilovaga muvofiq;

Turizm axborot markazlarini barpo etish va faoliyatini yoʻlga qoʻyish tartibi toʻgʻrisidagi nizom 12-ilovaga muvofiq;

“Turizm fidoyisi” koʻkrak nishoni toʻgʻrisidagi nizom 13-ilovaga muvofiq;

“Turizm fidoyisi” koʻkrak nishoni va uning guvohnomasining tavsiflari 14 va 15-ilovalarga muvofiq;

Sotishdan tushgan mablagʻlarning 50 foizi budjetdan tashqari Turizmni qoʻllab-quvvatlash jamgʻarmasiga yoʻnaltiriladigan amaldagi va bugungi kunda foydalanilmayotgan sobiq turizm sohasidagi davlat aktivlari va ular egallab turgan yer uchastkalari roʻyxati 16-ilovaga muvofiq;

Koronavirus pandemiyasi va global inqirozli holatlarning mamlakat turizm sohasiga salbiy taʼsirini kamaytirish boʻyicha chora-tadbirlar rejasi (keyingi oʻrinlarda — Chora-tadbirlar rejasi) 17-ilovaga muvofiq;

Turizm sohasida amalga oshirish tavsiya qilinadigan innovatsion biznes gʻoya va startaplar roʻyxati 18-ilovaga muvofiq tasdiqlansin.

Oʻzbekiston Respublikasi Turizmni rivojlantirish davlat qoʻmitasi manfaatdor vazirlik va idoralar tomonidan Chora-tadbirlar rejasi bajarilishi ustidan doimiy monitoringni olib borilishini hamda monitoring natijalari boʻyicha Oʻzbekiston Respublikasi Prezidentining “2018-2019-yillarda turizm sohasini rivojlantirish boʻyicha birinchi navbatdagi chora-tadbirlar toʻgʻrisida” 2017-yil 16-avgustdagi PQ-3217-son qarori bilan tashkil etilgan Turizmni rivojlantirish boʻyicha muvofiqlashtiruvchi kengashga (keyingi oʻrinlarda — Muvofiqlashtiruvchi kengash) har oy yakuni bilan keyingi oyning 10 sanasiga qadar axborot kiritilishini taʼminlasin.

3. Belgilansinki:

b) Oʻzbekiston Respublikasi Turizm qoʻmitasi huzuridagi “Turistlarga xizmat koʻrsatish markazi” davlat muassasasi (keyingi oʻrinlarda — “Turistlarga xizmat koʻrsatish markazi” DM) turizm axborot markazlari (keyingi oʻrinlarda — Markaz) faoliyatini muvofiqlashtiradi va quyidagi vazifalarni amalga oshiradi:

Markaz tizimi orqali boshqa tashabbuskorlar tomonidan tashkil etilgan va tegishli hududlarda faoliyat olib borayotgan markazlar faoliyatini muvofiqlashtirish;

barcha markazlarga kerakli metodik va amaliy yordam koʻrsatish, ularni zarur axborot va targʻibot materiallari bilan taʼminlash;

markazlar reyestrini yuritish va monitoringini olib borish;

markazlar faoliyatida mavjud muammolarni hal etish boʻyicha takliflar ishlab chiqish;

v) “Turistlarga xizmat koʻrsatish markazi” DUK tomonidan tashkil etilgan markazlar uchun Qoraqalpogʻiston Respublikasi, viloyatlar va Toshkent shahrida davlat mulki obyektlari, shu jumladan ustav fondida 50 foiz va undan ortiq miqdorda davlat ulushiga ega yuridik shaxsga tegishli boʻlgan binolar va yer uchastkalari doimiy foydalanishga bepul asosda ajratiladi;

g) Markaz tashkil etish joyni belgilash Oʻzbekiston Respublikasi Turizm qoʻmitasi bilan kelishilgan holda amalga oshiriladi;

d) Oʻzbekiston Respublikasi Turizm qoʻmitasiga aeroport, temir yoʻl vokzali hamda davlat mulki obyekti boʻlgan, shu jumladan ustav fondida 50 foiz va undan ortiq miqdorda davlat ulushiga ega yuridik shaxsga tegishli boʻlgan avtovokzallarda Markaz tashkil etish uchun ajratilgan maydonlardan tekin foydalanish huquqi beriladi;

e) Oʻzbekiston Respublikasi Turizm qoʻmitasining buyurtmasiga asosan “Davlat belgisi” davlat unitar korxonasi “Turizm fidoyisi” koʻkrak nishoni va uning guvohnomasini belgilangan tartibda tayyorlanishini taʼminlaydi;

j) “Chorvoq” suv omborida motorsiz, maxsus vazifalarni bajarish vakolatiga ega boʻlgan vazirlik va idoralarning hamda tezlikni avtomatik pasaytirish uskunasi bilan jihozlangan, GPS uskunasi oʻrnatilgan va yagona milliy GPS monitoring hamda navigatsiya tizimiga ulangan motorli suv transporti vositalaridan tashqari barcha motorli suv transporti vositalarining harakatlanishi, shuningdek, Chirchiq daryosi va uning irmoqlarida (maxsus ajratilgan suv havzalaridan tashqari) choʻmilish, transport vositalarini yuvish va maishiy chiqindilarni tashlash taqiqlanadi;

z) joylashtirish vositasining turini aniqlash va oʻrnatish xalqaro standartlashtirish tashkilotining standartlari asosida faqatgina Turizm qoʻmitasi tomonidan amalga oshiriladi.

5. Shunday tartib oʻrnatilsinki, unga muvofiq Turizm qoʻmitasi tomonidan tasdiqlanadigan roʻyxat asosida ayrim muhofaza etiladigan tabiiy hududlar, shuningdek, davlat oʻrmon fondi uchastkalari hamda boshqa hududlarda amalga oshiriladigan togʻ, trek, changʻi, velosiped, mototsikl, gʻor turizmi, otda sayr qilish va turizmning boshqa maxsus turlaridagi ekskursiyalarning boshlanish qismida yengil konstruksiyali turizm axborot markazlari (tashrif markazlari — Visitor center) faoliyatini yoʻlga qoʻyish uchun turizm sohasining subyektlariga oʻrnatilgan tartibda muayyan muddatga vaqtinchalik foydalanishga beriladi.

6. Oʻzbekiston Respublikasi Moliya vazirligi va Turizmni rivojlantirish davlat qoʻmitasi manfaatdor vazirlik va idoralar bilan birgalikda uch oy muddatda xalqaro huquqning umumeʼtirof etilgan meʼyorlarini hisobga olgan holda “Turoperatorlarning fuqarolik javobgarligini majburiy sugʻurta qilish toʻgʻrisida”gi Oʻzbekiston Respublikasi Qonuni loyihasini ishlab chiqsin va Vazirlar Mahkamasiga kiritsin.

7. Oʻzbekiston Respublikasi Prezidentining “Turizm sohasini sanitariya-epidemiologik xavfsizlikning kuchaytirilgan rejimi talablariga qatʼiy rioya qilgan holda rivojlantirishga doir qoʻshimcha chora-tadbirlar toʻgʻrisida” 2020-yil 19-iyundagi PQ-4755-son qaroriga muvofiq Turizmni rivojlantirish davlat qoʻmitasi huzurida Xavfsiz turizm jamgʻarmasi (keyingi oʻrinlarda — Jamgʻarma) tashkil etilganligi maʼlumot uchun qabul qilinsin.

Belgilansinki:

Oʻzbekiston Respublikasi Prezidentining “Koronavirus pandemiyasining salbiy taʼsirini kamaytirish uchun turizm sohasini qoʻllab-quvvatlashga doir kechiktirib boʻlmaydigan chora-tadbirlar toʻgʻrisida” 2020-yil 28-maydagi PF-6002-son Farmoniga asosan turizm sohasining subyektlariga taqdim etiladigan foizsiz subsidiya, kompensatsiya va foizsiz ssudalar uchun budjetdan tashqari Turizm sohasini qoʻllab-quvvatlash jamgʻarmasiga ajratilgan mablagʻlar hamda Jamgʻarmaga Moliya vazirligi huzuridagi Inqirozga qarshi kurashish jamgʻarmasining mablagʻlari hisobot yilida foydalanilmaganda olib qoʻyilmaydi va keyinchalik Turizmni rivojlantirish davlat qoʻmitasi huzuridagi jamgʻarmalar mablagʻlaridan foydalanish uchun belgilangan tartibda va maqsadlarda foydalaniladi.

Turizmni rivojlantirish davlat qoʻmitasiga budjetdan tashqari Turizm sohasini qoʻllab-quvvatlash jamgʻarmasi va Jamgʻarmaga tushadigan mablagʻlarni tijorat banklarida ochiladigan shaxsiy hisobvaraqlari va xorijiy valyutadagi bank hisob raqamida jamgʻarib borish hamda vaqtincha boʻsh mablagʻlarni depozitga joylashtirish vakolati beriladi.

8. Oʻzbekiston Respublikasi Turizmni rivojlantirish davlat qoʻmitasi uch oy muddatda:

turoperatorlik faoliyati uchun berilgan litsenziyalarni xatlovdan oʻtkazsin va yakuniga koʻra turoperator va turagentlar faoliyatlarini amalda boʻlgan litsenziyalariga asosan alohida faoliyatlarga ajratishni taʼminlasin;

turizm sohasidagi tadbirkorlik subyektlari uchun mazkur qarorning mazmun-mohiyatini tushuntirishga qaratilgan oʻquv-seminarlar tashkil etsin;

xostel xizmatlarining muvofiqlik sertifikatlarini xatlovdan oʻtkazib, ularni Oilaviy mehmon uylari va xostellar yagona reyestriga kiritsin.

9. Belgilansinki, “Ipak yoʻli” turizm xalqaro universitetiga (keyingi oʻrinlarda — Universitet deb ataladi) 2020/2021 oʻquv yilidan boshlab, har oʻquv yili uchun Davlat test markazi veb-sayti orqali bakalavriatga va Universitet tomonidan magistraturaga amalga oshiriladigan qabul jarayonlarida, istisno tariqasida, xorijiy tillar (ingliz tili) boʻyicha yetakchi xalqaro va baholash tizimlarining amaldagi sertifikatlariga, shu jumladan IELTS boʻyicha kamida 5,5 ball va undan yuqori, Common European Framework of Reference for Languages (CEFR) boʻyicha kamida V2 va undan yuqori, TOEFL IBT boʻyicha kamida 72 va undan yuqori ball bilim darajasi koʻrsatkichi bilan xalqaro sertifikatlarga, shuningdek, Oʻzbekiston Respublikasi Vazirlar Mahkamasining “Taʼlim muassasalarida chet tillarini oʻqitishning sifatini yanada takomillashtirish chora-tadbirlari toʻgʻrisida” 2017-yil 11-avgustdagi 610-son qarori talablariga muvofiq, Davlat test markazi tomonidan taqdim etilgan ingliz tilini bilish darajasi (V2 va undan yuqori) toʻgʻrisidagi sertifikatga ega boʻlgan abituriyentlarning hujjatlari rasmiylashtirilishiga ruxsat etiladi.

10. Samarqand viloyati hokimligi bir hafta muddatda:

Samarqand viloyati Kasbiy taʼlimni rivojlantirish va muvofiqlashtirish hududiy boshqarmasi bilan birgalikda madaniy meros obyektlarini muhofaza qilish va ulardan foydalanish toʻgʻrisidagi qonun hujjatlari talablariga rioya qilgan holda “Ipak yoʻli” turizm xalqaro universiteti rektoratini Samarqand shahri, Universitet xiyoboni, 20-uy manzilida joylashgan binoga (tutash hududi bilan birgalikda) operativ boshqaruv huquqi bilan begʻaraz asosda topshirilishini, “Ipak yoʻli” turizm xalqaro universiteti qabul qilib olinishini;

Samarqand Harbiy prokuraturasi bilan birgalikda Samarqand shahri Bobir Mirzo koʻchasi 3-uy manzilida joylashgan maʼmuriy bino (bino va inshootlari)ni oʻrnatilgan tartibda “Ipak yoʻli ofisi” unitar korxonasi tasarrufiga begʻaraz asosda topshirilishini, “Ipak yoʻli ofisi” unitar korxonasi maʼmuriy binoni qabul qilib olinishi hamda undan samarali foydalanilishini taʼminlasin.

11. Oʻzbekiston Respublikasi Turizm qoʻmitasiga tegishli Toshkent shahri, Yunusobod tumani, A. Temur shoh koʻchasi, 107 “b”-uy manzilida joylashgan maʼmuriy binoning tutash hududidagi yer usti va osti avtoturargohi, dov-daraxtlar, kirish yoʻlaklari operativ boshqaruv huquqi bilan “Interhotel” MCHJ va “Xalqaro hamkorlik markazi” AJ ustav kapitalidagi davlat ulushini beriladigan mol-mulkning qoldiq (balans) qiymatiga kamaytirgan holda Oʻzbekiston Respublikasi Turizm qoʻmitasiga bepul berilishi taʼminlansin.

13. Oʻzbekiston Respublikasi Hukumatining 20-ilovaga muvofiq ayrim qarorlariga oʻzgartirish va qoʻshimchalar kiritilsin.

14. Oʻzbekiston Respublikasi Hukumatining 21-ilovaga muvofiq ayrim qarorlari oʻz kuchini yoʻqotgan deb hisoblansin.

15. Oʻzbekiston Respublikasi Turizmni rivojlantirish davlat qoʻmitasi, vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

16. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga ushbu qaror hamda turizm sohasida yaratilgan imkoniyatlarni keng yoritib borish tavsiya etilsin.

17. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Turizmni rivojlantirish davlat qoʻmitasi raisi A.A. Abduxakimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 10-iyul,

433-son

Vazirlar Mahkamasining 2020-yil 10-iyuldagi 433-son qaroriga 2-ILOVA

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisida

NIZOM

1-bob. Umumiy qoidalar

1. Ushbu Nizom turistik xizmatlarni sertifikatlashtirish hamda turistik industriya obyektlarini tasniflash tartibini belgilaydi.

Ushbu Nizomda nazarda tutilmagan turistik xizmatlarning alohida turlari, shu jumladan turoperator xizmatlari, umumiy ovqatlanish tashkilotlari (restoranlar) xizmatlari, turistlarga transport xizmatini koʻrsatish xizmatlarini sertifikatlashtirish ushbu Nizom talablariga muvofiq ixtiyoriy asosda amalga oshiriladi.

2. Ushbu Nizomda quyidagi tushunchalar qoʻllaniladi:

ariza beruvchi — sertifikatlashtirish obyektini sertifikatlashtirishga ariza bergan shaxs;

bitim — muvofiqlik sertifikati va muvofiqlik belgisini qoʻllash huquqini berish toʻgʻrisidagi bitim;

joylashtirish vositalari xizmatlari — joylashtirish vositalarida, shu jumladan bajaruvchi va isteʼmolchi oʻrtasida tuzilgan shartnoma boʻyicha roʻyxati belgilangan qoʻshimcha xizmatlar majmui;

joylashtirish vositalari — mehmonxonalar, turistik bazalar va majmualar, dam olish uylari va zonalari, pansionatlar, kempinglar, motellar, mehmon uylari, sanatoriylar hamda mehmonxona xizmatlari (joylashtirish boʻyicha xizmatlar) koʻrsatiladigan boshqa obyektlar, shuningdek joylashtirish vositasi sifatida tunash uchun jihozlangan yer usti transporti;

joylashtirish vositalari, togʻ changʻisi trassalari va plyajlarni tasniflash tizimi (tasniflash tizimi) — normativ hujjatda belgilangan, binolar, jihozlar, inshootlar, koʻrsatilayotgan xizmatlar nomenkulaturasi va sifati, xizmat koʻrsatish darajasiga doir talablar majmuiga asoslangan tegishli toifani joylashtirish vositalari, togʻ changʻisi trassalari va plyajlarga berish uchun koʻrsatilayotgan xizmatlarning sifatini baholash tizimi;

muvofiqlik belgisi — xizmatning muayyan normativ hujjatga muvofiqligini koʻrsatish uchun xizmatlarga doir ilova hujjatlari uning bilan tamgʻalanadigan, belgilangan tartibda roʻyxatdan oʻtkazilgan belgi;

muvofiqlik sertifikati (keyingi oʻrinlarda — sertifikat) — turoperator, joylashtirish vositalari, togʻ changʻisi trassalari va plyajlar tomonidan koʻrsatiladigan xizmatlar sifatini va ularning muayyan normativ hujjatga muvofiqligini tasdiqlaydigan hujjat;

sertifikati egasi — sertifikat berilgan shaxs;

plyaj xizmatlari — dam olish, choʻmilish, sogʻlomlashtirish tartib-taomillari uchun moʻljallangan va jihozlangan, qoʻm, shagʻal, tosh yoki boshqa materiallardan tashkil topgan tabiiy yoki sunʼiy suv havzalari qirgʻoq boʻylarida koʻrsatiladigan xizmatlar majmui;

sertifikatlashtirish obyektlari — turoperator, joylashtirish vositalari, togʻ changʻisi trassalari va plyaj xizmatlari boʻyicha turizm faoliyatini amalga oshirish;

sertifikatlashtirish — sertifikatlashtirish obyektining normativ hujjatlar talablariga muvofiqligini tasdiqlash boʻyicha faoliyat;

togʻ changʻisi trassalari xizmatlari — togʻ changʻisi, snoubord va boshqalarda uchish uchun moʻljallangan, loyiha hujjatlariga muvofiq belgilangan chegaralar va komponentlarga ega boʻlgan, togʻ yonbagʻrida xavfsiz va qulay turishni taʼminlaydigan inshootda koʻrsatiladigan xizmatlar majmui;

turoperator xizmatlari — turistik mahsulotni targʻib qilish va realizatsiya qilish boʻyicha xizmatlar (tashish, joylashtirish, ovqatlanish, axborotga oid xizmatlar koʻrsatish boʻyicha xizmatlar majmui (shu jumladan gid (ekskursiya yetakchisi), gid-tarjimon va (yoki) yoʻriqchi-yoʻl boshlovchining xizmatlari) va shartnoma boʻyicha koʻrsatiladigan boshqa turistik xizmatlar).

3. Joylashtirish vositasi, togʻ changʻisi trassalari va plyaj xizmatlari boʻyicha turizm faoliyatini faqat belgilangan tartibda tegishli sertifikatlar olingandan keyin va ularning amal qilish muddati davomida amalga oshirish mumkin, ushbu bandning ikkinchi xatboshida nazarda tutilgan hollar bundan mustasno.

Kasaba uyushmalari tizimidagi bolalar sogʻlomlashtirish oromgohlari negizida bolalarning dam olish mavsumidan tashqari davrda tashkil etiladigan dam olish uylari va dam olish zonalari joylashtirish vositalari sifatida majburiy sertifikatlashtirishdan ozod etiladi.

Sertifikatning amal qilish muddati, berilgan sertifikatning amal qilish muddati davrida 3-marta (har 1,5 yilda) inspeksiya nazoratini oʻtkazgan holda besh yildan iborat boʻladi.

Turoperator xizmatlari, umumiy ovqatlanish tashkilotlari (restoranlar) xizmatlari va turistlarga transport xizmatini koʻrsatish xizmatlari uchun ixtiyoriylik asosida berilgan sertifikatning amal qilish muddati, berilgan sertifikatning amal qilish muddati davrida 1-marta (har 2,5 yilda) inspeksiya nazoratini oʻtkazgan holda besh yildan iborat boʻladi.

Sertifikatning asl nusxasi bevosita sertifikatlashtirish obyektida turadi va u uchinchi shaxslarga berilmaydi.

Amaldagi sertifikatsiz joylashtirish vositalari, togʻ changʻisi trassalari va plyaj xizmatlari boʻyicha turizm faoliyatini amalga oshirish qonunchilikda belgilangan tartibda javobgarlikka sabab boʻladi.

4. Turoperator, joylashtirish vositalari, togʻ changʻisi trassalari va plyajlar xizmatlarini sertifikatlashtirish, ularga toifa berish, shuningdek, sertifikatlashtirilgan xizmatlarining standartlashtirish boʻyicha normativ hujjatlar (keyingi oʻrinlarda — normativ hujjat) talablariga muvofiqligining inspeksiya nazoratini oʻtkazish, “Turizm xizmatlarini sertifikatlashtirish markazi” DM (keyingi oʻrinlarda — Markaz) tomonidan amalga oshiriladi.

5. Turistik xizmatlarning standartlashtirish boʻyicha normativ hujjatlar talablariga muvofiqligini tasdiqlash uchun sertifikatlashtirish ushbu Nizomning 1-ilovasiga muvofiq sxema boʻyicha amalga oshiriladi.

6. Oilaviy mehmon uylari, xostellar, oʻtovli va chodirli oromgohlar xizmatlarini sertifikatlashtirish soddalashtirilgan holda, oilaviy mehmon uylari, xostellar, oʻtovli va chodirli oromgohlarni oʻrganish dalolatnomasi asosida ularni Oilaviy mehmon uylari va xostellar yagona reyestriga kiritish yoʻli bilan amalga oshiriladi.

2-bob. Sertifikatlashtirish tartibi

1-§. Sertifikatlashtirish uchun ariza berish

7. Sertifikatlashtirish uchun ariza beruvchi ushbu Nizomning 2-ilovasiga muvofiq Markaz elektron shaklda Markazning rasmiy veb-sayti orqali ariza va unga ilova qilingan hujjat va maʼlumotlarni yuboradi.

8. Turoperator xizmatlarini sertifikatlashtirish uchun arizaga ariza beruvchining imzosi bilan tasdiqlangan quyidagilar ilova qilinishi kerak:

normativ hujjatlar talablariga binoan turizm sohasida maʼlumotga va/yoki malaka sertifikatlariga ega boʻlgan ariza beruvchining xodimlari toʻgʻrisida ushbu Nizomning 3-ilovasiga muvofiq shakldagi maʼlumotlar;

ushbu Nizomning 4-ilovasiga muvofiq shaklda ariza beruvchi tomonidan turoperator xizmatini tashkillashtirish uchun tuzilgan shartnomalar (transport va ekskursiya xizmatiga, joylashtirish, gid-tarjimonlar xizmatiga, ovqatlanish, koʻngilochar va dam olish, turagentlik xizmatlariga hamda turistlarni qabul qiluvchi davlatlardagi xorijiy hamkorlar bilan tuzilgan shartnomalar va boshqalar) roʻyxati.

9. Joylashtirish vositalari xizmatlarini sertifikatlashtirish uchun arizaga ariza beruvchining imzosi bilan tasdiqlangan quyidagilar ilova qilinishi kerak:

normativ hujjatlar talablariga binoan turizm sohasida maʼlumotga va/yoki malaka sertifikatlariga ega boʻlgan ariza beruvchining xodimlari toʻgʻrisida ushbu Nizomning 3-ilovasiga muvofiq shakldagi maʼlumotlar;

yongʻin va sanitariya-gigiyena xavfsizligi boʻyicha vakolatli nazorat organlarining amaldagi QR-kodli xulosalari hamda lift qurilmasi mavjud boʻlgan taqdirda, uning roʻyxatdan oʻtkazilganligini tasdiqlovchi hujjat va lift pasporti nusxasi. Yangi tashkil etilgan joylashtirish vositalari uchun ulardan foydalanish boshlangan kundan boshlab bir yil davomida koʻrsatib oʻtilgan hujjatlar oʻrniga davlat qabul komissiyasining foydalanishga qabul qilish toʻgʻrisidagi dalolatnomasi nusxasi ham taqdim etilishi mumkin;

mehmonlar xavfsizligi va xizmat koʻrsatish (dezinfeksiya, yongʻin signalizatsiyasi tizimi va liftlarga texnik xizmat koʻrsatish toʻgʻrisida) sifatini taʼminlash boʻyicha tegishli xizmatlar bilan shartnomalar nusxalari;

ariza beruvchining koʻchmas mulkka boʻlgan huquqini belgilovchi hujjati yoki bunday mulkning soliq organlarida hisobga qoʻyilgani toʻgʻrisidagi ijara shartnomasi. Bunda Markaz “Elektron hukumat” tizimining idoralararo integratsiyalashuv platformasi orqali ushbu hujjatni mustaqil ravishda olishi mumkin.

10. Togʻ changʻisi trassalari xizmatlarini sertifikatlashtirish uchun arizaga ariza beruvchining imzosi bilan tasdiqlangan quyidagilar ilova qilinishi kerak:

normativ hujjatlar talablariga binoan qutqaruv xizmatlarini attestatlash organida attestatsiyadan oʻtgan ariza beruvchining xodimlari, qutqaruv boʻlinmalari va qutqaruvchilari toʻgʻrisida ushbu Nizomning 3a-ilovasiga muvofiq shakldagi maʼlumotlar;

vakolatiga xavfsizlikka rioya etishni nazorat qilish va normativ hujjatning belgilangan talablariga togʻ changʻisi trassalarining muvofiqligini tasdiqlash kiradigan, vakolatlangan nazorat organlarining (yongʻin va sanitariya-gigiyena xavfsizligi, ekologik talablarga muvofiqligi va ekologik ekspertiza obyektini realizatsiya qilish mumkinligi yoki mumkin emasligini toʻgʻrisida davlat ekologik ekspertizasi, togʻ koʻchkilari xavfi boʻyicha va osma kanat yoʻlini xavfsiz ekspluatatsiya qilish) xulosa (ariza kelib tushgan kungacha bir yildan kech boʻlmagan vaqtda tuzilgan) nusxalari. Yangidan tashkil etilgan togʻ changʻisi trassalari uchun ulardan foydalanish kunidan boshlab bir yil davomida koʻrsatib oʻtilgan hujjatlar oʻrniga davlat komissiyasining foydalanishga qabul qilish toʻgʻrisidagi dalolatnomasi nusxasi ham taqdim etilishi mumkin;

trassa nomi koʻrsatib oʻtilgan holda togʻ changʻisi trassasining 1:5000 masshtabdagi sxemasi (xaritasi, rejasi);

togʻ changʻisi majmuasi hududidagi obyektlarning joylashish reja-xaritasi;

Markaz ariza beruvchining koʻchmas mulkka doir huquqini belgilaydigan hujjatlar yoki bunday mulkning soliq organlarida hisobga qoʻyilganligi toʻgʻrisidagi ijara shartnomasini “Elektron hukumat” tizimining idoralararo integratsiyalashuv platformasi orqali onlayn tekshirib oladi.

11. Plyaj xizmatlarini sertifikatlashtirish uchun arizaga ariza beruvchining imzosi bilan tasdiqlangan quyidagilar ilova qilinishi lozim:

normativ hujjatlar talablariga binoan qutqaruv xizmatlarini attestatlash organida attestatsiyadan oʻtgan ariza beruvchining xodimlari, qutqaruv boʻlinmalari va qutqaruvchilari toʻgʻrisida ushbu Nizomning 3a-ilovasiga muvofiq shakldagi maʼlumotlar;

vakolatiga xavfsizlikka rioya etishni nazorat qilish va normativ hujjatning belgilangan talablariga plyajlarning muvofiqligini tasdiqlash kiradigan, vakolatlangan nazorat organlarining (yongʻin va sanitariya-gigiyena xavfsizligi, suv sifati boʻyicha laboratoriya nazorati va plyaj akvatoriyasi tubini gʻavvoslar tomonidan tekshirish natijalari boʻyicha) xulosa (ariza kelib tushgan kungacha bir yildan kech boʻlmagan vaqtda tuzilgan) nusxalari. Yangidan tashkil etilgan plyajlar uchun ulardan foydalanish kunidan boshlab bir yil davomida koʻrsatib oʻtilgan hujjatlar oʻrniga davlat komissiyasining foydalanishga qabul qilish toʻgʻrisidagi dalolatnomasi nusxasi ham taqdim etilishi mumkin;

plyaj hududidagi obyektlarning joylashish reja — xaritasi;

Markaz ariza beruvchining koʻchmas mulkka doir huquqini belgilaydigan hujjatlar yoki bunday mulkning soliq organlarida hisobga qoʻyilganligi toʻgʻrisidagi ijara shartnomasini “Elektron hukumat” tizimining idoralararo integratsiyalashuv platformasi orqali onlayn tekshirib oladi.

12. Ariza beruvchining xohishiga koʻra ariza beruvchining koʻrsatilayotgan xizmatlarning normativ hujjatlar talablariga muvofiqligini tasdiqlovchi qoʻshimcha hujjatlar arizaga ilova qilinishi mumkin.

2-§. Sertifikatlashtirish toʻgʻrisida qaror qabul qilish

13. Markaz ariza kelib tushgan kundan boshlab bir ish kuni davomida arizani koʻrib chiqadi va sertifikatlashtirishni amalga oshirish toʻgʻrisida yoki sertifikatlashtirishni rad etish toʻgʻrisida qaror qabul qiladi.

14. Sertifikatlashtirishni rad etish toʻgʻrisidagi qaror quyidagi holatlarda qabul qilinadi:

arizada toʻliq boʻlmagan hajmdagi maʼlumotlarni koʻrsatish;

ushbu Nizomning 8, 9, 10 yoki 11-bandlarida koʻrsatib oʻtilgan hujjatlar va maʼlumotlarning toʻliq boʻlmagan hajmda taqdim qilinishi;

agarda taqdim etilgan ariza, hujjatlar va maʼlumotlar sifatining sertifikatlashtirish maqsadlari uchun zarur boʻlgan axborotni toʻliq darajada aniqlashga imkon bermasligi.

Sertifikatlashtirishni ushbu bandda koʻrsatib oʻtilmagan boshqa asoslar boʻyicha rad etish mumkin emas.

15. Markaz qaror qabul qilgandan keyin bir ish kuni mobaynida ariza beruvchiga quyidagilarni yuboradi:

sertifikatlashtirishni oʻtkazish toʻgʻrisida — sertifikatlashtirishni oʻtkazish toʻgʻrisidagi qaror va Markazning bank hisob rekvizitlari, sertifikatlashtirishga toʻlanadigan haq miqdori va muddati koʻrsatib oʻtilgan sertifikatlashtirish toʻgʻrisidagi shartnoma. Sertifikatlashtirish boʻyicha ishlar (xizmatlar) narxi ushbu Nizomning 5-ilovasiga binoan hisoblanadi;

sertifikatlashtirishni rad etish toʻgʻrisida — rad etishning muayyan asoslangan sabablari koʻrsatilgan holda qaror.

16. Ariza beruvchi qarorni olgandan keyin oʻttiz kun mobaynida Markaz bilan sertifikatlashtirish toʻgʻrisida shartnoma imzolashi va Markazning bank hisob raqamiga pul mablagʻlarini oʻtkazish yoʻli bilan sertifikatlashtirish toʻgʻrisidagi shartnoma boʻyicha haq toʻlashi shart.

17. Ushbu Nizomning 16-bandida koʻrsatib oʻtilgan shartlar buzilgan taqdirda Markazning sertifikatlashtirishni oʻtkazish toʻgʻrisidagi qarori bekor qilinadi, bu toʻgʻrida ariza beruvchi ikki ish kuni mobaynida xabardor qilinadi.

3-§. Sertifikatlashtirish

18. Ushbu Nizomning 16-bandida koʻrsatib oʻtilgan shartlar ariza beruvchi tomonidan bajarilgandan keyin bir ish kuni davomida Markaz rahbarining buyrugʻi bilan komissiya tarkibi va sertifikatlashtirish maqsadi, obyektlari, hajmi va uning boʻyicha ishlar mazmunini aniqlaydigan sertifikatlashtirish dasturi tasdiqlanadi.

Komissiya ishini Markazning muvofiqlikni baholash boʻyicha mutaxassislari orasidan tayinlanadigan raisi rejalashtiradi va muvofiqlashtiradi. Komissiya tarkibiga sohada tegishli malakaga ega boʻlgan mutaxassislar kiritilishi mumkin.

19. Komissiya tomonidan sertifikatlashtirish obyektining normativ hujjatlar talablariga muvofiqligini baholash:

turoperator xizmatlari uchun — turoperator xizmatlari koʻrsatiladigan joyda oʻtkaziladi;

joylashtirish vositalari, togʻ changʻisi trassalari va plyaj xizmatlari uchun — joylashtirish vositalari, togʻ changʻisi trassalari va plyajning joylashgan joyida oʻtkaziladi.

Komissiya Markaz rahbariyatining buyrugʻi tasdiqlangan kundan boshlab besh ish kuni davomida baholashni oʻtkazishni boshlashi kerak. Baholash muddati joylashtirish vositalari, togʻ changʻisi trassalari va plyajlarda ikki ish kunidan, turoperatorlar xizmatlarida bir ish kunidan oshmasligi lozim.

20. Baholashni oʻtkazish uchun ariza beruvchi komissiyaga normativ hujjatlar talablariga binoan zarur hujjatlarni taqdim etishi va uning ishlashi uchun zarur sharoitlar yaratishi lozim.

Bunda ariza beruvchidan, taqdim qilinayotgan xizmatlarni sertifikatlashtirishga tegishli boʻlmagan hujjatlarni berishni va ularni baholashni amalga oshirishni talab qilish mumkin emas.

21. Baholash vaqtida normativ hujjatlar talablariga sertifikatlashtirish obyektining aniq muvofiqligi, shu jumladan quyidagilar tekshiriladi:

a) xodimlarning malakasi, ularning oʻz lavozim yoʻriqnomalarini bilishlari va unga rioya qilishlari;

b) sertifikatlashtirish obyektining holati va jihozlanganligi;

v) ariza beruvchining xavfsizlikni taʼminlash tizimi talablariga rioya qilishi va koʻrsatilayotgan xizmatlar sifati.

22. Joylashtirish vositalari xizmatlari uchun quyidagilar majburiy shartlar hisoblanadi:

mehmonxonalarning nomerlarni onlayn band qilish halqaro servislarga ulanishini;

Internet tarmogʻiga, shu jumladan kamida 4 mb/s tezlikdagi wi-fi simsiz tarmogʻi orqali kirishni taʼminlash.

23. Sertifikatlashtirish obyektining normativ hujjatlar talablariga nomuvofiqligi aniqlanganda ushbu Nizomning 6-ilovasiga muvofiq shakl boʻyicha nomuvofiqlik toʻgʻrisida dalolatnoma tuziladi.

24. Joylashtirish vositalari xizmatlarini baholash oʻtkazilayotganda quyidagilar majburiy shartlar hisoblanadi:

10 tagacha nomerga ega boʻlgan joylashtirish vositalarining nomerlarini toʻliq tekshirish;

10 tadan koʻp nomerga ega boʻlgan joylashtirish vositalarining nomerlarini tanlab tekshirish (15 % dan 30 % gacha);

joylashtirish vositalarining boshqa xonalari va jihozlarini toʻliq tekshirish.

Nomerlarni tanlash komissiya raisi tomonidan amalga oshiriladi va joylashtirish vositasining haqiqiy holatining aniqligini taʼminlashi kerak.

Agar ariza beruvchining ikki yoki undan ortiq joylashtirish vositalari mavjud boʻlsa har bir joylashtirish vositasi boʻyicha alohida sertifikatlashtirish oʻtkaziladi.

25. Agar ariza beruvchi oʻzining turistik industriya obyektlariga toifa berilishiga daʼvogar boʻlsa, bu toʻgʻrida arizada koʻrsatib oʻtilishi kerak, turistik industriya obyektlarini baholash vaqtida komissiya ushbu obyektni tasniflash tizimiga binoan uning tegishli toifaga muvofiqligini aniqlaydi.

26. Mehmonxonalar toifalari yulduz (yulduzlar) koʻrinishidagi belgi bilan belgilanadi va beshta toifa boʻyicha tasniflanadi. Eng yuqori toifa bu besh yulduz, eng past — bitta yulduz.

Togʻ changʻisi trassalari toʻrtta toifa boʻyicha tasniflanadi:

yashil rang — oʻrganuvchilar uchun;

koʻk rang — murakkablikning quyi darajasi;

qizil rang — murakkablikning oʻrta darajasi;

qora rang — murakkablikning yuqori darajasi.

Plyajlar uchta toifa boʻyicha tasniflanadi:

koʻk bayroq — I toifadagi plyaj uchun;

yashil bayroq — II toifadagi plyaj uchun;

sariq bayroq — III toifadagi plyaj uchun.

Baholash davomida ushbu Nizomning 7, 8 va 9-ilovalariga muvofiq shakl boʻyicha tasniflash bayonnomasi yoki ushbu Nizomning 10-ilovasiga muvofiq shakl boʻyicha turoperator xizmati va joylashtirish vositasini baholash bayonnomasi tuziladi.

27. Ish natijalariga koʻra komissiya ushbu Nizomning 11-ilovasiga muvofiq shakl boʻyicha, qaror qabul qilish uchun asos boʻlib xizmat qiluvchi sertifikatlashtirish obyektini baholash dalolatnomasini ikki nusxada tuzadi.

Sertifikatlashtirish obyektini baholash dalolatnomasida sertifikatlashtirish maqsadlari uchun ahamiyatga ega boʻlgan boshqa axborot qoʻshimcha tarzda aks ettirilishi mumkin.

28. Sertifikatlashtirish obyektini baholash dalolatnomasiga sertifikatlashtirish obyektini baholash bayonnomasi, joylashtirish vositalari, togʻ changʻisi trassalari va plyaj xizmatlari uchun — tasniflash bayonnomasi, nomuvofiqliklar aniqlangan holatlarda — nomuvofiqlik toʻgʻrisida bayonnomalar hamda sertifikatlashtirishning barcha bosqichlarida komissiya tomonidan shakllantirilgan boshqa hujjatlar ilova qilinadi. Sertifikatlashtirish obyektini baholash dalolatnomasi va bayonnomalarning ikkinchi nusxasi ariza beruvchiga imzo qoʻydirib beriladi.

4-§. Sertifikatlashtirish natijalari boʻyicha qarorlar qabul qilish

29. Komissiya raisi sertifikatlashtirish obyektini baholash dalolatnomasi tuzilgan kundan boshlab bir ish kuni davomida ushbu dalolatnomani Markazga taqdim etadi.

30. Sertifikatlashtirish obyektini baholash dalolatnomasi taqdim etilgan kundan boshlab bir ish kuni davomida Markaz quyidagi qarorlardan birini qabul qiladi:

sertifikat berish toʻgʻrisida (joylashtirish vositalari xizmatlariga nisbatan sertifikat berish toʻgʻrisidagi qarorda ularning tasniflash tizimiga binoan tegishli toifani berish toʻgʻrisida koʻrsatib oʻtilishi mumkin);

sertifikat berishni rad etish toʻgʻrisida — agar aniqlangan nomuvofiqliklar baholash vaqtida ariza beruvchi tomonidan bartaraf etilmagan boʻlsa.

Qaror sertifikatlashtirishda ishtirok etmagan muvofiqlikni baholash boʻyicha mutaxassis tomonidan tayyorlanadi va Markaz rahbari tomonidan tasdiqlanadi.

31. Sertifikat egasi va Markaz oʻrtasida tuzilgan bitimga asosan muvofiqlik belgisidan foydalaniladi va u sertifikatning amal qilish muddati davomida sertifikatlashtirish obyektida Markaz tomonidan inspeksiya nazorati oʻtkazilishi orqali tasdiqlanishi lozim.

32. Qaror qabul qilingan kundan boshlab bir kun muddatda ushbu qaror ariza beruvchiga yuboriladi.

Sertifikat berish toʻgʻrisidagi qarorda ariza beruvchiga Markaz bilan bitimni imzolash shartlari va muddatlari hamda sertifikat va muvofiqlik belgisini qoʻllashga toʻlov toʻlash uchun Markazning bank hisobi rekvizitlari koʻrsatib oʻtiladi.

Sertifikat va muvofiqlik belgisini qoʻllash uchun toʻlov miqdorini ushbu Nizomning 5a-ilovasiga muvofiq ariza beruvchining oʻzi mustaqil hisoblaydi.

33. Sertifikat berish toʻgʻrisidagi qaror olingan kundan boshlab oʻttiz kun davomida ariza beruvchi Markaz bilan bitimni imzolashi, Markazning bank hisob raqamiga pul mablagʻlarini oʻtkazish yoʻli bilan sertifikat va muvofiqlik belgisini qoʻllashga toʻlovni toʻlashi hamda ushbu hisobini Markazga taqdim etishi kerak.

34. Ushbu Nizomning 33-bandida koʻrsatib oʻtilgan shartlardan biri buzilgan holatlarda Markazning sertifikat berish toʻgʻrisidagi qarori bekor qilinadi, bu toʻgʻrida ariza beruvchiga bildirish xati yuboriladi. Bunda sertifikatlashtirish toʻgʻrisida shartnoma boʻyicha toʻlangan toʻlov ariza beruvchiga qaytarib berilmaydi.

35. Sertifikat berishni rad etish uchun asos boʻlgan muayyan sabablar koʻrsatib oʻtilgan, sertifikat berishni rad qilish toʻgʻrisidagi qaror ariza beruvchiga yuboriladi. Ariza beruvchi qarorni olgan kundan boshlab oʻttiz kun davomida koʻrsatib oʻtilgan sabablarni bartaraf etadi va ularning bartaraf etilganini tasdiqlovchi zarur hujjatlarni taqdim qiladi.

36. Sertifikat berishni rad etish uchun asos boʻlgan sabablar ariza beruvchi tomonidan oʻz vaqtida bartaraf etilgan holatlarda, nomuvofiqliklarning bartaraf etilganini tasdiqlovchi barcha hujjatlar bilan ularni bartaraf etish toʻgʻrisidagi tegishli ariza ariza beruvchidan olingan kundan boshlab ikki ish kunidan oshmaydigan muddatda bepul ravishda, faqat nomuvofiqliklar bartaraf etilganligini tasdiqlash uchun oʻtkaziladigan sertifikatlashtirish bosqichi amalga oshiriladi.

Bunda komissiya taqdim etilgan hujjatlar asosida avval tuzilgan dalolatnomaga qoʻshimcha ravishda sertifikatlashtirish obyektini baholash dalolatnomasini tuzadi.

Sertifikatlashtirish obyektini baholashning qoʻshimcha dalolatnomasida sertifikat berishni rad etish uchun asos boʻlgan sabablar ariza beruvchi tomonidan bartaraf etilganligi toʻgʻrisida axborot koʻrsatiladi.

37. Markaz komissiyaning qoʻshimcha dalolatnomasi olgan kundan boshlab ikki ish kunidan oshmaydigan muddatda ushbu Nizomning 30-bandiga muvofiq qaror qabul qiladi. Qaror qabul qilingan kundan boshlab bir ish kuni davomida ushbu qaror ariza beruvchiga yuboriladi.

Bunda yangi asoslar boʻyicha sertifikat berishning rad etilishi mumkin emas.

38. Sertifikat berishni rad etish toʻgʻrisidagi qarorda koʻrsatib oʻtilgan muddat tugagandan keyin taqdim qilingan sertifikatlashtirish talablarini bajarish toʻgʻrisidagi ariza yangidan berilgan deb hisoblanadi.

5-§. Sertifikat berish

39. Ariza beruvchi ushbu Nizomning 33-bandida koʻrsatib oʻtilgan shartlarni bajargan kunning oʻzida Markaz ushbu Nizomning 13 va 14-ilovalariga binoan shaklda sertifikat rasmiylashtiradi va uni Sertifikatlashtirish milliy tizimining Davlat reyestrida roʻyxatdan oʻtkazadi.

Rasmiylashtirilgan sertifikat QR-kod sanoqli tizimidan foydalangan holda elektron shaklda ariza beruvchiga yuboriladi.

40. Ariza beruvchining ixtiyoriga koʻra sertifikat maxsus blankda rasmiylashtirilishi va ariza beruvchining tegishli tarzda vakolatlangan vakiliga imzolab berilishi mumkin.

Sertifikat blankasi qatʼiy hisobda turadigan hujjat hisoblanadi, hisobga olish raqami va himoyalanganlik darajasiga ega boʻladi, blankalar Markazga blankalarni zarur miqdorda beradigan Oʻzbekiston Respublikasi Turizmni rivojlantirish davlat qoʻmitasi buyurtmasiga binoan “Davlat belgisi” davlat unitar korxonasi tomonidan tayyorlanadi.

41. Amaldagi sertifikat uning egasiga muvofiqlik belgisini qoʻllash huquqini, joylashtirish vositalari, togʻ changʻisi trassalari va plyaj xizmatlariga nisbatan esa tasniflash tizimiga muvofiq berilgan toifani qoʻllashga huquq beradi. Turoperator, joylashtirish vositalari, togʻ changʻisi trassalari va plyaj xizmatlari koʻrsatish vaqtida amaldagi sertifikat egalari muvofiqlik belgisidan sertifikatning amal qilish muddati davomida oʻzlarining reklama va axborot materiallarida foydalanishlari mumkin.

Ariza beruvchining ixtiyoriga koʻra joylashtirish vositalari, togʻ changʻisi trassalari va plyaj xizmatlarini koʻrsatish uchun sertifikatda tasniflash tizimi boʻyicha ularning toifasi koʻrsatiladi yoki koʻrsatib oʻtilmaydi.

Joylashtirish vositalari, togʻ changʻisi trassalari va plyajlarga nisbatan har bir joylashtirish vositasi, togʻ changʻisi trassasi va plyajga alohida sertifikat beriladi.

Turoperator xizmatlariga nisbatan xizmat koʻrsatiladigan har bir joyga alohida sertifikat beriladi.

42. Sertifikatlashtirilishi lozim boʻlgan faoliyatni keyinchalik amalga oshirish uchun sertifikatning amal qilish muddati tugaguncha uch oydan kech boʻlmagan vaqtda sertifikat egasi ushbu Nizomning 2-ilovasiga muvofiq shaklda qayta sertifikatlashtirishni oʻtkazish toʻgʻrisidagi ariza bilan Markazga murojaat qilishi kerak.

43. Sertifikat egasi:

normativ hujjatlarga va ushbu Nizom talablariga, bitim shartlariga rioya qilishi;

xizmatlarga doir sertifikatni qoʻllash va ilova hujjatlarini muvofiqlik belgisi bilan belgilash qoidalariga va normativ hujjatlar talablariga binoan joylashtirish vositalari, togʻ changʻisi trassalari va plyajlarga berilgan toifani ishlatish qoidalariga rioya qilishi;

barcha manfaatdor shaxslarga sertifikat bilan bemalol tanishish imkoniyatini taʼminlashi;

ushbu Nizomning 2, 3 va 4-ilovalariga muvofiq shakllarda taqdim qilingan maʼlumotlarning oʻzgarishi va menejmenti tizimidagi, koʻrsatilayotgan xizmatlar roʻyxatidagi oʻzgarishlar toʻgʻrisida Markazga bir oy davomida axborot berishi;

oʻz sertifikatini qoʻllash huquqini uchinchi shaxslarga bermasligi;

faoliyatni toʻxtatish, qaytadan tashkil etish yoki joylashgan joyini yoki xizmat koʻrsatish joyini oʻzgartirish toʻgʻrisida qaror qabul qilingan kundan boshlab oʻttiz kun davomida sertifikatning asl nusxasini ilova qilgan holda Markazga yozma xabar berishi;

sertifikat egasini tugatish, uning faoliyatini toʻxtatish, uning qaytadan tashkil etilishi yoki qayta sertifikatlashtirishdan bosh tortish vaqtida sertifikatning amal qilish muddati tugaguncha oʻzining xizmat koʻrsatishini toʻxtatishini taʼminlashi kerak, ushbu Nizom 80-bandining “b” kichik bandiga muvofiq sertifikatni qayta rasmiylashtirish toʻgʻrisida ariza berish bilan bogʻliq oʻzgartirishlar bundan mustasno.

6-§. Koʻrsatilayotgan turistik xizmatlar roʻyxatini kengaytirish va qisqartirish boʻyicha sertifikatlashtirish

44. Koʻrsatilayotgan turistik xizmatlar roʻyxatini kengaytirish boʻyicha (qisqartirish) sertifikatlashtirish, ushbu Nizomning 7 — 24 hamda 27 — 30-bandlarida nazarda tutilgan tartibda amalga oshiriladi.

45. Sertifikatlashtirish obyektining koʻrsatilayotgan turistik xizmatlar roʻyxatini qisqartirish Markaz qarori bilan quyidagilarga asosan amalga oshiriladi:

turistik xizmatlar roʻyxatinini qisqartirish toʻgʻrisida sertifikatlashtirish obyektining arizasi;

sertifikatlashtirish obyekti faoliyatining inspeksiya nazorati natijalari.

46. Turistik xizmatlar roʻyxatini kengaytirish yoki qisqartirish vaqtida Markaz sertifikatlashtirish obyektining sertifikatini qayta rasmiylashtiradi. Bunda sertifikatning amal qilish muddati avval berilgan sertifikatning amal qilish muddatiga muvofiq boʻladi.

47. Turistik xizmatlar roʻyxatini kengaytirish boʻyicha sertifikatlashtirish ishlarining (xizmatlar) narxi ushbu Nizomning 5-ilovasiga binoan toʻlovlar miqdorini eʼtiborga olgan holda faqat kengaytirilayotgan xizmatlar uchun hisoblanadi.

Turistik xizmatlar roʻyxatini kengaytirish va qisqartirish boʻyicha sertifikat va muvofiqlik belgisini qoʻllash uchun toʻlov miqdorini ushbu Nizomning 5a-ilovasiga muvofiq kengaytirilayotgan xizmatlar uchun ariza beruvchining oʻzi mustaqil hisoblaydi.

Turistik xizmatlarni qisqartirish uchun toʻlov undirilmaydi.

3-bob. Sertifikatlashtirish obyektining inspeksiya nazorati

48. Davriy inspeksiya nazorati normativ hujjatlar talablariga sertifikatlashtirish obyektining muvofiqligini tasdiqlash maqsadida oʻtkaziladi.

Inspeksiya nazoratini oʻtkazish muddati turoperator xizmatlari uchun besh ish kunidan hamda joylashtirish vositasi, togʻ changʻisi trassalari va plyajlar uchun oʻn ish kunidan oshmasligi kerak.

49. Markaz inspeksiya nazoratini oʻtkazish davrini belgilaydi va Oʻzbekiston Respublikasi Turizm qoʻmitasi veb-saytida Inspeksiya nazoratini oʻtkazish rejasini joylashtiradi.

50. Inspeksiya nazoratini oʻtkazish uchun Markaz rahbarining buyrugʻi bilan komissiya tarkibi, inspeksiya nazoratini oʻtkazish muddati va dasturi tasdiqlanadi.

Markazning muvofiqlikni baholash boʻyicha mutaxassislari orasidan komissiya raisi tayinlanadi.

51. Markaz inspeksiya nazorati oʻtkaziladigan oy boshlanguncha oʻn ish kunidan kech boʻlmagan vaqtda sertifikat egasiga bu toʻgʻrida maʼlum qiladi va ushbu Nizomning 5-ilovasiga binoan, toʻlov miqdorlarini eʼtiborga olgan holda hisoblanadigan inspeksiya nazoratini oʻtkazish narxi toʻgʻrisida xabar beradi.

Sertifikat egasi tasdiqlangan rejaga binoan inspeksiya nazorati oʻtkazilishi lozim boʻlgan oyning oʻn beshinchi sanasigacha inspeksiya nazoratini oʻtkazish toʻlovi toʻlanganligini tasdiqlovchi hujjatni Markazga taqdim qilishi lozim.

52. Inspeksiya nazoratini oʻtkazishga oʻz vaqtida toʻlov toʻlanmaganda yoki inspeksiya nazoratini oʻtkazish rad etilganda Markaz sertifikatning amal qilishini toʻxtatib turish toʻgʻrisida qaror qabul qiladi.

53. Sertifikatning amal qilishini toʻxtatib turish toʻgʻrisidagi qarorda inspeksiya nazoratini oʻtkazishga toʻlov toʻlash uchun sertifikat egasiga oʻttiz kunlik muddat berilishi koʻrsatib oʻtiladi.

Belgilangan muddat davomida sertifikat egasi tomonidan inspeksiya nazoratini oʻtkazishga toʻlov toʻlanganidan soʻng Markaz oʻn ish kuni davomida inspeksiya nazoratini oʻtkazishi kerak.

54. Inspeksiya nazorati ushbu Nizomning 19 — 29 bandlarida belgilangan tartibda oʻtkaziladi.

Bunda komissiya sertifikatining asl nusxasi mavjudligini hamda ushbu Nizomning 8 — 11-bandlarida nazarda tutilgan hujjatlarning dolzarbligini, shuningdek, shartnomalar asosida bajarilgan ishlar dalolatnomalari mavjudligini tekshiradi.

Inspeksiya nazorati natijalari boʻyicha Markazning qarori chiqarilgungacha sertifikat egasi oʻz faoliyatini amalga oshirish huquqiga ega.

55. Rejadagi inspeksiya nazorati bitimga asosan sertifikatning amal qilishi davrida uch marta oʻtkaziladi.

Sertifikatlashtirishdan keyin:

birinchi rejadagi inspeksiya nazorati sertifikat berilgandan keyin kamida olti oy oʻtgandan soʻng oʻtkaziladi;

keyingi rejadagi inspeksiya nazoratlari avvalgi inspeksiya nazorati oʻtkazilgandan keyin kamida oʻn sakkiz oy oʻtgandan soʻng oʻtkaziladi.

56. Sertifikatlashtirish obyekti faoliyatining rejadan tashqari inspeksiya nazorati ushbu Nizomning 43-bandi talablari buzilganligi toʻgʻrisidagi maʼlumotlar va sertifikatlashtirish obyektlari tomonidan koʻrsatiladigan xizmatlar sifati yuzasidan isteʼmolchilarning yozma shikoyat murojaati Markazga tushgan taqdirda oʻtkaziladi.

57. Isteʼmolchilarning yozma murojaati asosida amalga oshiriladigan rejadan tashqari inspeksiya nazorati murojaat yoki shikoyatda koʻrsatib oʻtilgan nomuvofiqliklarni baholashga yoʻnaltirilgan boʻlishi kerak.

58. Inspeksiya nazoratining dalolatnomasi taqdim etilgan kundan boshlab besh ish kuni davomida Markaz quyidagi qarorlardan birini qabul qiladi:

a) inspeksiya nazoratining natijalari ijobiy boʻlganda — sertifikatning amal qilishini tasdiqlash toʻgʻrisida. Joylashtirish vositalari, togʻ changʻisi trassalari va plyaj xizmatlariga nisbatan qarorda tasniflash tizimiga binoan amaldagi toifasini tasdiqlash yoki oʻzgarishi toʻgʻrisida koʻrsatib oʻtilishi mumkin;

b) inspeksiya nazoratining natijalari salbiy boʻlganda — sertifikatning amal qilishini toʻxtatib turish toʻgʻrisida. Joylashtirish vositalari, togʻ changʻisi trassalari va plyaj xizmatlariga nisbatan qarorda ularning amaldagi toifasini qoʻllashga vaqtinchalik taqiq koʻrsatib oʻtiladi.

Qaror inspeksiya nazoratida ishtirok etmagan muvofiqlikni baholash boʻyicha mutaxassis tomonidan tayyorlanadi va Markaz rahbari tomonidan tasdiqlanadi.

Inspeksiya nazorati natijalariga koʻra joylashtirish vositalarining turi va (yoki) xili oʻzgartirilishi mumkin va bu haqda qarorda koʻrsatiladi.

59. Inspeksiya nazorati natijalari boʻyicha qabul qilingan qaror uning qabul qilingan kunidan boshlab ikki ish kuni davomida sertifikat egasiga yuboriladi.

60. Sertifikatning amal qilishini toʻxtatib turish toʻgʻrisidagi qarorda aniqlangan nomuvofiqliklarni bartaraf etish uchun sertifikat egasiga oʻttiz kunlik muddat berilishi koʻrsatib oʻtiladi.

Belgilangan muddat davomida sertifikat egasi aniqlangan nomuvofiqliklarni bartaraf etishi va bu toʻgʻrida Markazga ularning bartaraf etilganligini tasdiqlovchi barcha hujjatlar bilan ariza taqdim qilishi mumkin.

61. Sertifikat egasidan sertifikatning amal qilishini toʻxtatib turish uchun asos boʻlgan nomuvofiqliklarning bartaraf etilganligi toʻgʻrisida tegishli ariza barcha tasdiqlovchi hujjatlar bilan oʻz vaqtida Turizm qoʻmitasiga kelib tushgan holatlarda komissiya taqdim etilgan hujjatlar asosida avval tuzilgan dalolatnomaga sertifikat obyekti inspeksiya nazoratining qoʻshimcha dalolatnomasini uch kun muddatda tuzadi.

Bunda inspeksiya nazoratining qoʻshimcha dalolatnomasini tuzish uchun toʻlov undirilmaydi.

Sertifikatning amal qilishini toʻxtatib turish uchun asos boʻlgan sabablar sertifikat egasi tomonidan bartaraf etilganligi toʻgʻrisidagi axborot inspeksiya nazoratining qoʻshimcha dalolatnomasida koʻrsatiladi.

62. Komissiyaning qoʻshimcha dalolatnomasi olingan kundan boshlab uch ish kunidan oshmaydigan muddatda Markaz quyidagilar toʻgʻrisida qaror qabul qiladi:

a) inspeksiya nazoratining natijalari ijobiy boʻlganda — sertifikatning amal qilishini tasdiqlash toʻgʻrisida. Joylashtirish vositalari, togʻ changʻisi trassalari va plyaj xizmatlariga nisbatan qarorda tasniflash tizimiga binoan amaldagi toifasini tasdiqlash yoki oʻzgarishi toʻgʻrisida koʻrsatib oʻtilishi mumkin;

b) inspeksiya nazoratining natijalari salbiy boʻlganda — sertifikatning amal qilishini tugatish toʻgʻrisida.

Bunda inspeksiya nazoratining dalolatnomasida ilgari koʻrsatib oʻtilmagan yangi nomuvofiqliklar boʻyicha sertifikat amal qilishini tugatish toʻgʻrisida qaror qabul qilinishi mumkin emas.

63. Toʻxtatib turish toʻgʻrisida qarorda koʻrsatib oʻtilgan muddat tugagach Markazga kelib tushgan sertifikatning amal qilishini toʻxtatib turish uchun asos boʻlgan nomuvofiqliklarning bartaraf etilganligi toʻgʻrisidagi ariza koʻrib chiqish uchun qabul qilinmaydi.

64. Quyidagi holatlarda ham sertifikatning amal qilishi tugatiladi:

a) sertifikatning amal qilish muddati tugaganda;

b) sertifikatning amal qilishini tugatish toʻgʻrisida sertifikat egasining arizasi boʻyicha;

v) sertifikat egasidan faoliyatni tugatish yoki toʻxtatish toʻgʻrisidagi ariza boʻyicha — faoliyatni tugatish yoki toʻxtatish kunidan boshlab;

g) sertifikat egasini tugatish yoki uning faoliyatini toʻxtatish toʻgʻrisida nazorat yoki roʻyxatga olish organlaridan olingan axborot boʻyicha — sertifikat egasi tomonidan tegishli qaror qabul qilingan kundan boshlab;

d) sertifikat egasi qayta tashkil etilganda — qayta tashkil etish kunidan boshlab, agar sertifikat egasi bunday qaror qabul qilingan kundan boshlab oʻttiz kun davomida sertifikatni qayta rasmiylashtirish toʻgʻrisida ariza bilan Markazga murojaat qilgan taqdirda, mazkur qayta oʻzgartirishlar bundan mustasno;

e) sertifikat egasining joylashgan joyi yoki sertifikatda koʻrsatib oʻtilgan xizmatlarni koʻrsatish joyi oʻzgarganda, agar sertifikat egasi tegishli qaror qabul qilish kunidan boshlab oʻttiz kun davomida Markazga sertifikatni qayta rasmiylashtirish toʻgʻrisida ariza bilan murojaat qilgan boʻlsa, mazkur holat bundan mustasno;

j) joylashtirish vositalari tomonidan, shu jumladan xalqaro bronlashtirish maydonlarida muvofiqlik belgisidan (yulduzlar) noqonuniy foydalanganlik holati aniqlanganda;

z) ushbu Nizomning 52-bandi va 58-bandining “b” kichik bandiga muvofiq sertifikatning amal qilishini toʻxtatib turish uchun asos boʻlgan sabablar bartaraf etilmagan holatlarda — Markaz tomonidan tegishli qaror qabul qilingan kundan boshlab;

i) inspeksiya nazorati davrida, shu jumladan yashirin baholashning natijalari asosida Markaz tomonidan berilgan koʻrsatma va tavsiyalarda texnik jihatdan tartibga solish sohasidagi normativ hujjatlarda belgilangan talablarning 30 foizidan ortigʻi bajarilmanganligi holatlari aniqlanganda.

65. Ushbu Nizom 62-bandining “b” kichik bandi va 64-bandining “j” kichik bandiga muvofiq sertifikatining amal qilishi toʻxtatilgan tadbirkorlik subyekti Turizm qoʻmitasining tugatish toʻgʻrisidagi qarori chiqqan kundan boshlab uch oy oʻtgach sertifikatlashtirish obyektining sertifikatlashtirilishi oʻtkazilishi toʻgʻrisida ariza bilan Turizm qoʻmitasiga murojaat qilish huquqiga ega.

66. Sertifikatning amal qilishi tugatilishitoʻgʻrisidagi qaror u qabul qilingan kundan boshlab uch ish kuni davomida sertifikat egasiga yuboriladi.

67. Rejali inspeksiya nazorati oʻtkazish boʻyicha ishlarga haq toʻlash bitimda belgilangan tartibda amalga oshiriladi. Inspeksiya nazoratining narxi ushbu Nizomning 5-ilovasiga binoan toʻlovlar miqdorini eʼtiborga olgan holda hisoblanadi.

68. Sertifikat quyidagi dalillar aniqlangan holatlarda sud qarori boʻyicha bekor qilinishi mumkin:

a) sertifikat soxta hujjatlardan foydalanib olinganda;

b) Markazning sertifikat berish toʻgʻrisidagi qarori noqonuniy deb topilganda.

Sertifikatni bekor qilish toʻgʻrisida qaror qabul qilinganda sertifikat Sertifikatlashtirish milliy tizimining Davlat reyestrida roʻyxatdan oʻtkazilgan kundan boshlab bekor qilingan hisoblanadi.

69. Tadbirkorlik subyektining sertifikati ushbu Nizom 68-bandining “a” kichik bandiga muvofiq bekor qilingan boʻlsa, u bekor qilish toʻgʻrisidagi qaror chiqarilgan kundan boshlab olti oy oʻtgach sertifikatlashtirish obyektining sertifikatlashtirilishini oʻtkazish toʻgʻrisida ariza bilan Turizm qoʻmitasiga murojaat qilish huquqiga ega.

70. Sertifikatning amal qilishini toʻxtatib turish toʻgʻrisidagi qaror kiritilgan kundan boshlab sertifikat egasi joylashtirish vositalari, togʻ changʻisi trassalari va plyaj xizmatlari koʻrsatish uchun yangi shartnomalar tuzishni toʻxtatib turishi va Turizm qoʻmitasi tomonidan belgilangan muddatda nomuvofiqliklarni bartaraf etish choralarini koʻrishi lozim.

71. Sertifikatning amal qilishini tugatish yoki bekor qilish toʻgʻrisidagi qaror kelib tushgan kundan boshlab sertifikatining amal qilishi toʻxtatilgan yoki sertifikati bekor qilingan tadbirkorlik subyekti mavjud shartnomalar boʻyicha joylashtirish vositalari, togʻ changʻisi trassalari va plyaj xizmatlari koʻrsatishni va yangi shartnomalar tuzishni toʻxtatishi kerak.

72. Sertifikat amal qilishining toʻxtatib turilishi va tugatilishi sertifikat, muvofiqlik belgisi va joylashtirish vositasi, togʻ changʻisi trassalari va plyajlarning toifasini qoʻllash huquqini toʻxtatib turadi yoki tugatadi.

Tadbirkorlik subyekti sertifikatining amal qilishi toʻxtatib turilgan, tugatilgan yoki sertifikati bekor qilingan boʻlsa, u oʻzining sertifikatlashtirilgan xizmati (sertifikati) borligi toʻgʻrisida maʼlum qilish huquqiga ega emas.

4-bob. Yashirin baholash

73. Turistik xizmatlarni koʻrsatish jarayonini va undan turistlarning qoniqishini monitoring qilish maqsadida Markaz “sirli mehmon” tayinlashi mumkin va uning ishtirokida turistik xizmatlarni yashirin baholashni oʻtkazadi.

74. “Yashirin baholash” quyidagi holatlarda oʻtkaziladi:

a) turistlarni turistik xizmatlar obyektlari tomonidan koʻrsatilayotgan xizmatlar sifatidan qoniqishi toʻgʻrisidagi soʻrovnomalar natijalari boʻyicha;

b) turistik xizmatlar koʻrsatuvchi obyektlarda tashrif buyuruvchilarga xizmat koʻrsatish sifatini monitoring qilish va/yoki boshqarishni baholash tizimi tomonidan aniqlanadigan tashrif buyuruvchilarning soʻrovnomalari natijalari reytingi past boʻlganda;

v) turistik xizmat obyektining yashirin baholashni oʻtkazish toʻgʻrisidagi arizasiga binoan.

Yashirin baholashni oʻtkazish muddati besh ish kunidan oshmasligi lozim.

75. Yashirin baholashni oʻtkazish boʻyicha barcha xarajatlar, 74-bandning “v” kichik bandidan tashqari, Markaz tomonidan moliyalashtiriladi.

Ushbu Nizomning 74-bandi “v” kichik bandida koʻrsatilgan hollarda yashirin baholash toʻlov kiritilganligini tasdiqlovchi hujjat asosida oʻtkaziladi. Bunda toʻlov miqdori yashirin baholash obyekti tomonidan toʻlovni amalga oshirish kunida sertifikatlashtirishni oʻtkazish uchun toʻlov summasining 30 foizi miqdorda belgilanadi.

Yuqoridagilardan tashqari ariza beruvchi xizmat koʻrsatish bilan bogʻliq boʻlgan bevosita koʻrilgan haqiqiy qoʻshimcha xarajatlarni tasdiqlovchi hujjatlar asosida qoplaydi.

76. Yashirin baholashni oʻtkazish uchun Markaz rahbarining buyrugʻi bilan “sirli mehmon” tayinlanadi, baholash oʻtkazish muddati tasdiqlanadi.

“Sirli mehmon” sifatida Markaz xodimlari orasidan tayinlangan xodimlar yoki boshqa shaxslar jalb qilinishi mumkin.

Markaz xodimlari orasidan tayinlangan “sirli mehmon” ushbu sertifikatlashtirilgan obyektni muvofiqligini baholashda ishtirok etmagan boʻlishi kerak.

77. Yashirin baholash sertifikat egasini xabardor qilmasdan, uning faoliyatiga aralashmasdan, bevosita turistik xizmatlar obyektining joylashgan joyida amalga oshiriladi.

Bunda “sirli mehmon” turistik xizmatlar obyekti xodimlarining tashqi koʻrinishi va oʻzini tutishini, obyektining umumiy holati va zarur jihozlar bilan taʼminlanganligini hamda xizmat koʻrsatish tezligi va sifatini baholaydi.

78. Yashirin baholash davomida ushbu Nizomning 12-ilovasiga muvofiq shakl boʻyicha turistik xizmatlar obyektini yashirin baholash soʻrovnomasi (anketa) toʻldiriladi.

79. Yashirin baholash natijalari boʻyicha Markaz uch ish kuni mobaynida soʻrovnomani tahlil qiladi va turistik xizmatlar obyektiga tegishli tavsiyalar beradi hamda aniqlangan kamchiliklar yuzasidan chora-tadbirlar koʻrish uchun yashirin baholash natijalari toʻgʻrisida xabardor qiladi.

Yashirin baholash natijalari boʻyicha Markaz tomonidan turistik xizmatlar obyektiga nisbatan biron-bir chora koʻrilishiga yoʻl qoʻyilmaydi.

Yashirin baholash natijalaridan inspeksiya nazorati davomida foydalanilishi mumkin.

5-bob. Sertifikatni qayta rasmiylashtirish, uning dublikatini berish

80. Markaz tomonidan sertifikatni qayta rasmiylashtirish quyidagi holatlarda bitim asosida amalga oshiriladi:

a) sertifikatlashtirish arizasida koʻrsatib oʻtilgan sertifikat egasining nomi, joylashgan joyi (pochta manzili) yoki xizmat koʻrsatish joyi oʻzgargani toʻgʻrisida ariza bilan sertifikat egasining murojaatida, lekin ushbu ariza haqiqiy oʻzgarishlar boshlanishidan keyin oʻttiz kun davomida Markazga taqdim qilingan boʻlishi shart;

b) sertifikat egasining uni qayta tashkil etish toʻgʻrisidagi ariza bilan murojaatida, lekin ushbu ariza qaror qabul qilingan va qayta tashkil etilgandan keyin oʻttiz kun davomida Markazga taqdim qilingan boʻlishi shart;

v) inspeksiya nazorati natijalari boʻyicha sertifikatlashtirish obyektlarining toifasini, turini va/yoki xilini oʻzgartirishda;

g) sertifikat egasi tomonidan turistik xizmatlar roʻyxatining qisqarishida.

81. Ushbu Nizom 80-bandining “a”, “b” va “g” kichik bandlarida koʻrsatib oʻtilgan holatlarda Markaz ariza kelib tushgan kundan boshlab uch ish kuni davomida sertifikat egasining arizasi asosida ushbu sertifikatni qayta rasmiylashtirish toʻgʻrisida qaror qabul qiladi, ushbu arizaga quyidagilar ilova qilinishi kerak:

avval berilgan sertifikatning asl nusxasi;

qayta rasmiylashtirish zaruratini tasdiqlovchi hujjatlarning sertifikat egasining imzosi bilan tasdiqlangan nusxalari;

ushbu Nizomning 5-ilovasiga binoan miqdorda sertifikatni qayta rasmiylashtirish uchun toʻlov toʻlanganligini tasdiqlovchi hujjat nusxasi.

82. Ushbu Nizom 80-bandining “v” va “g” kichik bandlarida koʻrsatib oʻtilgan holatda qaror qabul qilgan kundan boshlab uch ish kuni davomida sertifikatni qayta rasmiylashtirish bepul amalga oshiriladi.

83. Qabul qilingan qaror uning qabul qilingan kunidan boshlab uch ish kunidan kech boʻlmagan vaqtda sertifikat egasiga yuboriladi, shundan soʻng Markaz qayta rasmiylashtirilgan sertifikatni uning egasiga beradi.

84. Qayta rasmiylashtirilgan sertifikatning amal qilish muddati avval uning egasiga berilgan sertifikatning amal qilish muddatiga muvofiq boʻladi.

85. Sertifikat egasining xohishiga koʻra Markaz u bilan qayta rasmiylashtirilgan sertifikatning amal qilish muddati yuzasidan yangi bitim tuzadi.

86. Yoʻqolgan yoki yaroqsiz holatga kelgan sertifikat oʻrniga Markaz sertifikat egasining tegishli arizasiga binoan, ariza olingan kundan boshlab besh kun davomida uning dublikatini beradi.

Ariza bilan ushbu Nizomning 5-ilovasiga binoan miqdorda sertifikat dublikatini berish uchun toʻlov toʻlanganligini tasdiqlovchi hujjat birga taqdim etilgan shart boʻyicha, bitim asosida sertifikatning dublikati beriladi.

6-bob. Yakunlovchi qoidalar

87. Sertifikat egalari va ariza beruvchilar tomonidan taqdim etilgan arizalar va ularga ilova qilingan hujjatlar va maʼlumotlarda koʻrsatib oʻtilgan axborotlarning ishonchliligiga ularning oʻzlari javobgar boʻladilar.

88. Markaz belgilangan tartibda sertifikat berish toʻgʻrisida va berishni rad qilish, sertifikat amal qilishini toʻxtatib turish, tugatish yoki sertifikatlarni bekor qilish toʻgʻrisidagi qarorlar hisobini yuritadi.

89. Berilgan va qayta rasmiylashtirilgan sertifikatlar, amal qilish muddati toʻxtatilgan sertifikatlar, bekor qilingan sertifikatlar toʻgʻrisidagi maʼlumot har oyda Sertifikatlashtirish milliy tizimining Davlat reyestrini yuritish uchun Oʻzbekiston texnik jihatdan tartibga solish agentligiga elektron shaklda taqdim etiladi.

Amal qilish muddati toʻxtatilgan sertifikatlar va bekor qilingan sertifikatlar toʻgʻrisidagi axborot tegishli qaror qabul qilingan kundan boshlab uch ish kunidan koʻp boʻlmagan muddatda Markaz tomonidan davlat soliq xizmati organlariga va sertifikatlashtirish obyektining joylashgan joyi boʻyicha ichki ishlar organiga yuboriladi hamda ushbu maʼlumot ommaviy axborot vositalarida eʼlon qilinadi.

90. Ariza beruvchi yoki sertifikat egasi Markazning qaroridan rozi boʻlmagan holatlarda apellyatsiya bilan Oʻzbekiston texnik jihatdan tartibga solish agentligiga yoki sudga murojaat qilish huquqiga ega. Oʻzbekiston texnik jihatdan tartibga solish agentligining qarori yuzasidan qonunchilikda belgilangan tartibda sudga shikoyat qilinishi mumkin.

91. Markaz ariza beruvchining (sertifikat egasining) oʻz faoliyatini amalga oshirishi natijasida olingan oʻzi toʻgʻrisidagi maʼlumotlarning maxfiyligini taʼminlaydi.

92. Markaz va ariza beruvchilar hamda sertifikat egalari oʻrtasida hujjat aylanishi (ariza, hujjatlar va maʼlumotlar, qarorlar, bildirish xatlari, ariza va shu kabilarni berish va yuborish) qogʻozli manbada yoki elektron shaklda amalga oshiriladi. Ariza, hujjatlar va maʼlumotlar sifati sertifikatlashtirish maqsadlari uchun zarur boʻlgan axborotni aniqlashga imkon berishi kerak. Markazga kelib tushgan hujjatlar va maʼlumotlar sertifikatlashtirish yoki inspeksiya nazorati jarayonida ularning asl nusxalari bilan solishtiriladi.

93. Amal qilishi tugatilganva bekor qilingan sertifikatlar Markaz tomonidan tegishli qaror qabul qilingan kundan boshlab bir yil oʻtgach belgilangan tartibda yoʻq qilinishi lozim, bu toʻgʻrida quyidagi asosiy maʼlumotlar aks ettiriladigan maxsus jurnalda qayd amalga oshiriladi:

a) qarorning raqami va sanasi;

b) sertifikat egasining nomi;

v) koʻrsatiladigan xizmat nomi;

g) blankaning bosmaxona raqami va Sertifikatlashtirish milliy tizimining Davlat reyestri boʻyicha raqami;

d) yoʻq qilish sanasi.

94. Sertifikatlashtirish va inspeksiya nazoratini oʻtkazish bilan bogʻliq boʻlgan Markazning hujjatlari sertifikat berilgan kundan boshlab besh yil oʻtgach belgilangan tartibda yoʻq qilinishi lozim.

95. Ariza beruvchilar va sertifikat egalari Markazga vakolatlangan nazorat organlarining (yongʻin va sanitariya-gigiyena xavfsizligi va lift jihozlaridan xavfsiz foydalanish, ekologik talablarga muvofiqligi va ekologik ekspertiza obyektini realizatsiya qilish mumkinligi yoki mumkin emasligini toʻgʻrisida davlat ekologik ekspertizasi, togʻ koʻchkilari xavfi boʻyicha va osma kanat yoʻlini xavfsiz ekspluatatsiya qilish) xulosalarini taqdim etishlari mumkin, ularda sertifikatlashtirish obyektlarining normativ hujjatlar talablariga muvofiqligi yuzasidan ushbu organlar tomonidan oʻtkazilgan toʻliq boʻlmagan tekshiruv aks ettirilgan boʻladi. Aniqlangan dalillar toʻgʻrisida Markaz Oʻzbekiston Respublikasi Turizmni rivojlantirish davlat qoʻmitasiga xabar beradi.

Aniqlangan kamchiliklarni bartaraf etish uchun Oʻzbekiston Respublikasi Turizmni rivojlantirish davlat qoʻmitasi vakolatlangan nazorat organlari (yongʻin va sanitariya-gigiyena xavfsizligi, lift jihozlaridan xavfsiz foydalanish, ekologik talablarga muvofiqligi va ekologik ekspertiza obyektini realizatsiya qilish mumkinligi yoki mumkin emasligini toʻgʻrisida davlat ekologik ekspertizasi, togʻ koʻchkilari xavfi boʻyicha va osma kanat yoʻlini xavfsiz ekspluatatsiya qilish) boʻlgan tegishli vazirlik va idoralarga taqdimnoma yuboradi.

96. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Sertifikatga ega boʻlmasdan joylashtirish vositalari, togʻ changʻisi trassalari va plyaj xizmatlari koʻrsatadigan, sertifikatlashtirish talablarini buzgan yoki soxta hujjatlardan foydalangan tadbirkorlik subyektlari rahbarlari qonunchilik hujjatlariga muvofiq javobgar boʻladi.

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 1-ILOVA

Turistik xizmatlarni standartlashtirish boʻyicha normativ hujjatlar talablariga muvofiqligini tasdiqlash uchun sertifikatlashtirish

SXEMASI

Subyektlar Chora-tadbirlar Bajarish muddatlari Ariza beruvchi Ushbu Nizomda nazarda tutilgan hujjatlarni tayyorlaydi va pochta aloqa vositalari orqali yoki elektron shaklda “Turizm xizmatlarini sertifikatlashtirish markazi” DUKga (keyingi oʻrinlarda Markaz deb ataladi) sertifikatlashtirish uchun ariza beradi. Ariza beruvchining xohishiga koʻra Markaz Arizani koʻrib chiqadi va sertifikatlashtirishni oʻtkazish yoki sertifikatlashtirish oʻtkazishni rad etish toʻgʻrisida qaror qabul qiladi. 1 ish kuni davomida Markaz Ariza beruvchiga sertifikatlashtirish oʻtkazish toʻgʻrisida shartnomani ilova qilib sertifikatlashtirish oʻtkazish toʻgʻrisida yoki rad etish sabablari koʻrsatib oʻtilgan sertifikatlashtirish oʻtkazishni rad etish toʻgʻrisidagi qarorni yuboradi Qaror qabul qilingan kunning oʻzida Ariza beruvchi Markazning bank hisob raqamiga pul mablagʻlarini oʻtkazish yoʻli bilan sertifikatlashtirish toʻgʻrisidagi shartnoma boʻyicha haq toʻlashni amalga oshiradi. 30 kun davomida Markaz Komissiya tarkibi va sertifikatlashtirish dasturini tasdiqlaydi 1 ish kuni davomida Markaz Komissiya Markaz rahbariyatining buyrugʻi tasdiqlangan kundan boshlab baholashni oʻtkazishni boshlaydi. 5 ish kuni davomida Markaz Komissiya sertifikatlashtirish obyektini normativ hujjatlar talablariga muvofiqligini baholaydi, baholash dalolatnomasini rasmiylashtiradi va baholash dalolatnomasini Markazga taqdim qiladi. 3 ish kunidan koʻp emas, turoperator xizmati uchun — 2 ish kunidan koʻp emas Markaz Sertifikat berish yoki sertifikat berishni rad etish toʻgʻrisida qaror qabul qiladi. 1 ish kuni davomida Ariza beruvchi Sertifikat berish rad etilganda nomuvofiqliklarni bartaraf etadi. Nomuvofiqliklarni bartaraf etilganini tasdiqlovchi barcha hujjatlar bilan ularni bartaraf etish toʻgʻrisidagi arizani taqdim etadi. 30 kun davomida Markaz Sertifikat berishni rad etish uchun asos boʻlib xizmat qilgan sabablar ariza beruvchi tomonidan oʻz vaqtida bartaraf etilganda — qayta baholashni amalga oshiradi. 2 ish kunidan koʻp emas Markaz Sertifikat berish yoki sertifikat berishni rad etish toʻgʻrisida qaror qabul qiladi. 1 ish kuni davomida Markaz Ariza beruvchiga sertifikat berish (sertifikat va muvofiqlik belgisini qoʻllash huquqini berish toʻgʻrisidagi bitimni ilova qilgan holda) yoki sertifikat berishni rad etish toʻgʻrisidagi qarorni yuboradi. Qaror qabul qilingan kunning oʻzida Ariza beruvchi Sertifikat berish toʻgʻrisida qaror qabul qilinganda — sertifikat va muvofiqlik belgisini qoʻllash huquqini berish toʻgʻrisida bitim tuzadi. 30 kun davomida Markaz Sertifikatlashtirish milliy tizimining Davlat reyestrida sertifikatni rasmiylashtiradi va roʻyxatdan oʻtkazadi. Ariza beruvchi vakiliga sertifikatni beradi. Roʻyxatdan oʻtkazilgan kunning oʻzida

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 2-ILOVA

“TURIZM XIZMATLARINI SERTIFIKATLASHTIRISH MARKAZI” DUK

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 3-ILOVA

Arizachining xodimlari toʻgʻrisida

MAʼLUMOTLAR

T/rFamiliya, ismi, otasining ismiLavozimMaʼlumoti (taʼlim muassasi nomi, ixtisosligi, diplom raqami va berilgan sanasi)Malaka sertifikati raqami va berilgan sanasi1.2.3.4.5. ____________________________________________________________________________ (arizachi rahbarining lavozimi, F.I.O.) _________________________ (shaxsiy imzo)20___ yil ___ __________(sana)

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 3a-ILOVA

Arizachining xodimlari toʻgʻrisida

MAʼLUMOTLAR

T/r Familiya, ismi, otasining ismi Lavozim Qutqaruv xizmatlari organida attestatsiyadan oʻtish dalolatnomasi raqami va berish sanasi 1. 2. 3. 4. ________________________________________________________________________________________________________________________ (arizachi rahbarining lavozimi, F.I.O.) ____________________________________________ (shaxsiy imzo) 20___ yil ___ __________ (sana)

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 4-ILOVA

Arizachi tomonidan tuzilgan shartnomalar

ROʻYXATI

T/r Kontragent nomi Kontragent koʻrsatadigan xizmat turi Shartnoma raqami va sanasi Shartnomaning amal qilish muddati Xizmat koʻrsatish uchun asos boʻluvchi litsenziyalar, ruxsatnomalar va sertifikatlar raqami, sanasi va amal qilish muddati 1. 2. 3. 4. 5. 6. ________________________________________________________________________________________________ (arizachi rahbarining lavozimi, F.I.O.) ______________________________________ (shaxsiy imzo) 20___ yil ___ __________ (sana)

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 5-ILOVA

Sertifikatlashtirishni oʻtkazish uchun

TOʻLOV MIQDORI

T/r Nomi Toʻlov miqdori (BHMda) Turoperator xizmatlari 1. Kirish (turistlarni qabul qilish) turizmi 1,7 2. Chiqish (turistlarni yuborish) turizmi 1,8 3. Ichki turizm 0,8 Yuqorida koʻrsatib oʻtilgan xizmatlarning bittadan ortigʻini sertifikatlashtirishda toʻlov miqdori sertifikatlashtirishning umumiy summasidan 35% ga kamayadi. Mehmonxona xizmatlari 4. Sigʻimi 10 ta joygacha boʻlgan joylashtirish vositalari 2,7 5. Sigʻimi 25 ta joygacha boʻlgan joylashtirish vositalari 3,8 6. Sigʻimi 50 ta joygacha boʻlgan joylashtirish vositalari 6,0 7. Sigʻimi 100 ta joygacha boʻlgan joylashtirish vositalari 6,8 8. Sigʻimi 150 ta joygacha boʻlgan joylashtirish vositalari 10,7 9. Sigʻimi 200 ta joygacha boʻlgan joylashtirish vositalari 12,1 10. Sigʻimi 350 ta va undan yuqori joygacha boʻlgan joylashtirish vositalari 13,6 Togʻ changʻisi trassasi xizmatlari 11. Togʻ changʻisi trassasi xizmatlari 9,2 Plyaj xizmatlari 12. Plyaj xizmatlari 9,2 Turistik industriya obyektlarining toifasini aniqlash va uni berish vaqtida sertifikatlashtirish boʻyicha xizmatlarga toʻlov miqdori yuqorida koʻrsatib oʻtilganning 200% miqdorida belgilanadi. Sanatoriylar, pansionlar va yashash uchun j?y bilan taʼminlagan holda meditsina xizmati koʻrsatish faoliyatni amalga oshiruvchi joylashtirish vositalarida sertifikatlashtirish boʻyicha xizmatlar uchun toʻlov yuqorida koʻrsatib oʻtilgan toʻlovlarning 50% miqdorida belgilanadi. Inspeksiya nazorati uchun toʻlov miqdori yuqorida koʻrsatib oʻtilgan toʻlovning 50% miqdorida belgilanadi. 13. Sertifikatni qayta rasmiylashtirish 0,5 14. Sertifikat dublikatini berish 0,1

Izohlar:

1. Sertifikatlashtirish bilan bogʻliq ishlarni oʻtkazishda toʻlanadigan toʻlov miqdorini hisoblash uchun sertifikatlashtirish shartnomasi rasmiylashtirilgan kunda belgilangan BHM (Bazaviy hisoblash miqdori) qoʻllanadi.

2. Sertifikatlashtirish boʻyicha ishlar (xizmatlar) narxi yuqorida koʻrsatib oʻtilgan sertifikatlashtirish boʻyicha ishlarni bajarish uchun toʻlov miqdorini ushbu Nizomning 5b-ilovasida koʻrsatilgan tegishli koeffitsiyentga koʻpaytirish orqali aniqlanadi.

3. Inspeksiya nazoratini oʻtkazishda toʻlanadigan toʻlov miqdorini hisoblash uchun inspeksiya nazoratiga toʻlov toʻlangan kunda belgilangan BHM (Bazaviy hisoblash miqdori) qoʻllanadi.

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 5a-ILOVA

Sertifikat va muvofiqlik belgisini qoʻllash uchun

TOʻLOV MIQDORLARI

T/rSertifikatlashtirilgan xizmatlar koʻrsatishdan besh yilda tushadigan daromadning prognoz qilingan hajmi (QQSsiz)Muvofiqlik belgisini qoʻllash uchun toʻlov (daromadning prognoz qilinganhar bir 10 mln. soʻmiga)1.10 000 mln. soʻmdan koʻp emasBazaviy hisoblash miqdorining 5 foizi miqdori2.10 000 mln. soʻmdan yuqoriBazaviy hisoblash miqdorining 2,5 foizi miqdori

Izohlar:

1. Toʻlanadigan toʻlov miqdorini hisoblash uchun bitim rasmiylashtirilgan kunda belgilangan BHM (Bazaviy hisoblash miqdori) qoʻllanadi.

2. Rahbarlik funksiyalari va buxgalteriya hisobi funksiyalarini amalga oshiruvchi shaxslarning hamda reja boʻlimi (shtat jadvalida boʻlganda) boshligʻining imzolari qoʻyilgan ariza beruvchining yozma deklaratsiyasi sertifikatlashtirilgan xizmatlar koʻrsatishdan besh yilda tushadigan daromadning prognoz qilingan hajmining tasdigʻi hisoblanadi.

3. Sertifikat va muvofiqlik belgisini qoʻllash uchun toʻlov miqdori yuqorida koʻrsatib oʻtilgan toʻlovni ushbu Nizomning 5b-ilovasida koʻrsatilgan tegishli koeffitsiyentga koʻpaytirish yoʻli orqali aniqlanadi.

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 5b-ILOVA

Respublikaning hududlarida sertifikat va muvofiqlik belgisini qoʻllash uchun toʻlovlarga doir

KOEFFITSIYENTLAR

T/r Mintaqa Shahar va tuman markazlari Qishloq aholi punktlari 1. Qoraqalpogʻiston Respublikasi 0,7 0,7 2. Andijon viloyati 1,1 0,7 3. Jizzax viloyati 1,1 0,7 4. Qashqadaryo viloyati 1,2 0,8 5. Namangan viloyati 1,1 0,7 6. Navoiy viloyati 1 0,7 7. Surxandaryo viloyati 0,9 0,6 8. Sirdaryo viloyati 0,7 0,7 9. Toshkent viloyati 1,3 1,3 10. Fargʻona viloyati 1,2 0,7 11. Samarqand viloyati 1,6 0,7 12. Buxoro viloyati 1,5 0,7 13. Xorazm viloyati 1,2 0,7 14. Toshkent sh. 1,8 –

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 6-ILOVA

Sertifikatlashtirish obyektining nomuvofiqligi toʻgʻrisida

DALOLATNOMA

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 7-ILOVA

Joylashtirish vositasini tasniflash

BAYONNOMASI

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 8-ILOVA

Togʻ changʻisi trassalarini tasniflash

BAYONNOMASI

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 9-ILOVA

Plyajlarini tasniflash

BAYONNOMASI

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 10-ILOVA

Sertifikatlashtirish obyektini baholash

BAYONNOMASI

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 11-ILOVA

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 12-ILOVA

“Yashirin baholash”

SOʻROVNOMASI

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 13-ILOVA

Turistik xizmatlarni sertifikatlashtirish va turistik industriya obyektlarini tasniflash tartibi toʻgʻrisidagi nizomga 14-ILOVA

Vazirlar Mahkamasining 2020-yil 10-iyuldagi 433-son qaroriga 3-ILOVA

Turoperator va turagentlik xizmatlarini koʻrsatish tartibi toʻgʻrisida

NIZOM

1-bob. Umumiy qoidalar

1. Ushbu nizom turopepator va turagent xizmatlarini taqdim etish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

vakolatli davlat organi — Oʻzbekiston Respublikasi Turizm qoʻmitasi;

turagentlik faoliyati — turistik mahsulotni targʻib etish va realizatsiya qilish yuzasidan yuridik yoki jismoniy shaxs tomonidan amalga oshiriladigan tadbirkorlik faoliyati;

turist — vaqtincha boʻlish mamlakatidagi (joyidagi) manbalardan daromad olish bilan bogʻliq boʻlgan faoliyat bilan shugʻullanmagan holda vaqtincha boʻlish mamlakatiga (joyiga) yigirma toʻrt soatdan ketma-ket oʻn ikki oygacha boʻlgan davrga boruvchi yoki vaqtincha boʻlish mamlakatida (joyida) kamida bir kecha tunab qoluvchi jismoniy shaxs;

turistik vaucher — turistning tur tarkibiga kiruvchi hizmatlarga boʻlgan huquqini belgilovchi va ularning va ularning haqi toʻlanganligi faktini tasdiqlovchi hujjat;

turistik mahsulot buyurtmachisi — turist, ekskursant yoki turist yoxud ekskursant nomidan turistik mahsulotga buyurtma beruvchi boshqa shaxs;

turistik mahsulot — turistik bozor konyunkturasidan kelib chiqqan holda yoxud turistning yoki ekskursantning buyurtmasiga koʻra turoperator tomonidan shakllantiriladigan, turistning va ekskursantning ehtiyojlarini qanoatlantirish uchun zarur boʻlgan turistik xizmatlar majmui;

turistik xizmatlar — joylashtirish, ovqatlantirish transport ekskursiya va maslahat hizmati koʻrsatish buyicha hizmatlar shuningdek turist va ekskursantning ehtiyojlarini qanoatlantirishga qaratilgan hizmatlar;

turoperatorlik faoliyati — turistik mahsulotni shakllantirish, targʻib etish va realizatsiya qilish yuzasidan yuridik shaxs tomonidan amalga oshiriladigan tadbirkorlik faoliyati;

ekskurant — vaqtincha boʻlish mamlakatida (joyida) tunab qolmasdan yigirma toʻrt soatdan oshmaydigan davrda sayohat qiluvchi jismoniy shaxs.

3. Turistik xizmatlarning tarkibi (miqdori, hajmi) turlari va qiymati agar qonunchilik hujjatlarida boshqa talablar nazarda tutilgan boʻlmasa, turistik xizmatlarni koʻrsatish shartnomasida belgilanadi.

4. Turoperatorlar va turagentlar turistik faoliyatini vakolatli davlat organi tomonidan beriladigan litsenziya asosida amalga oshiradi.

2-bob. Turoperator va turagent xizmatlariga qoʻyiladigan talablar

5. Turoperator va (yoki) turagent xizmatlari mijoz bilan xizmat koʻrsatish toʻgʻrisida shartnoma tuzilgandan keyin koʻrsatiladi.

6. Turoperatorlar va (yoki) turagentlarning xizmat koʻratish tartibi turoperator va (yoki) turagent tomonidan buyurtmachiga maʼqul shaklda yetkaziladi.

7. Turoperator va (yoki) turagent uning firma nomi, joylashgan joyi (pochta manzili) va ish tartibi toʻgʻrisidagi maʼlumotlarni turistlar (ekskursantlar)ga yetkazilishini taʼminlaydi. Ushbu maʼlumotlarni ijrochi turistlar (ekskursantlar) tanishishi uchun qulay boʻlgan shaklda yetkazadi.

8. Turoperator va turagent ish faoliyatini vaqtincha toʻxtatgan taqdirda turistga (ekskursantga) faoliyatini vaqtincha toʻxtatish maddati haqida maʼlumot berishi shart.

Bunda turoperator yoki turagent tuzilgan shartnomaga muvofiq turistga (ekskursantga) turistik xizmatlarni koʻrsatishi shart.

9. Turoperator va (yoki) turagent turistning (ekskursantning) birinchi talabi buyicha mulohazalar va takliflar (shikoyat) daftarini taqdim etishi shart.

10. Turoperator turistlarga (ekskursantlarga) turistik mahsulot jumlasiga kiruvchi turistik hizmatlar majmui yoki ularning bir qismini mutaqil yoki alohida turistik hizmatlar turlarini koʻrsatuvchi shaxslarni jalb etgan holda koʻrsatilishini taʼminlaydi.

11. Turoperator turga kiruvchi xizmatlarga boʻlgan huquqni alohida turistik hizmatlar koʻrsatuvchi shaxslar bilan yoki turga kiruvchi xizmatlarning barcha turlari koʻrsatilishini taʼminlovchi turistlarni (ekskursantlarni) qabul qiluvchi turoperator bilan tuzilgan shartnomalar asosida oladi.

12. Turistik mahsulotni shakllantirish chogʻida turoperator atrof tabiiy muhitga, muhofaza etiladigan tabiiy hududlar va madaniy meros obyektlariga ehtiyotkorlik bilan munosabatda boʻlish taʼminlanishini nazarda tutishi shart.

13. Turistik mahsulotni targʻib etish chogʻida turoperator va turagent turistik mahsulot toʻgʻrisidagi axborotning ishonchliligi uchun javobgar boʻladi.

14. Turagent turistik mahsulotni targʻib etishni turoperator bilan tuzilgan shartnoma asosida amalga oshiradi.

15. Turistik mahsulotni shakllantirish uchun turoperatorga beriladigan buyurtmanoma dastlabki shartnoma xususiyatiga ega boʻlgan bitim tarzida rasmiylashtiriladi.

16. Turoperator va turagent oʻz faoliyatini faqat litsenziyada koʻrsatilgan yunalishda amalga oshiradi

17. Turoperatorlar oʻz xizmatlarini faqat qonun hujjatlarga muvofiq fuqarolik javobgarligini sugʻurta qilish boʻyicha sugʻurta polisini olgandan keyin amalga oshirishi shart.

3-bob. Turoperator va turagent xizmatlaridan foydalanish shartlari

18. Turoperator va (yoki) turagent buyurtmachiga turistik mahsulot toʻgʻrisida zarur va ishonchli maʼlumotlarni oʻz vaqtida taqdim etishni taʼminlaydi.

19. Turistik mahulot haqidagi maʼlumotlarda quyidagilar koʻrsatilishi kerak:

turni amalga oshirish uchun rioya qilish zarur boʻlgan tibbiy rasmiyatchiliklar, shu jumladan turistning (ekskursiyachining) turda ishtirok etishiga moneʼlik qilishi mumkin boʻlgan maʼlum kasalliklar, xususan ularning jismoniy holati va yoshiga xos xususiyatlar;

bojxona, chegara va boshqa qoidalar (sayohat qilish uchun zarur boʻlgan hajmda);

kirish va chiqish hujjatlarini rasmiylashtirish uchun asosiy talablar (vaqtincha boʻlish mamlakati (joyi) ga kirish va chiqish vizasi);

turistning (ekskursiyachining) vaqtincha boʻlish mamlakatida (joyda) favqulodda holatlarda uning hayoti va sogʻligʻi xavfsizligiga tahdid soluvchi boshqa holatlar, shuningdek, turistning (ekskursiyachining) mol-mulkiga zarar yetkazish xavfi boʻlgan hollarda murojaat qilishi mumkin boʻlgan vaqtincha boʻlish mamlakati (joyi) da joylashgan mahalliy davlat hokimiyati organlarining, Oʻzbekiston Respublikasining xorijdagi diplomatik va konsullik muassasalarining joylashgan joyi (pochta manzili) va aloqa telefonlari;

turizm mahsulotining xususiyatiga qarab, agar u muhim boʻlsa, turizm mahsulotiga kiritilgan baʼzi xizmatlarni taqdim etadigan uchinchi tomonga;

mahalliy aholining urf-odatlari, diniy marosimlar, ziyoratgohlar, tabiat, tarixiy, madaniy yodgorliklar va alohida muhofaza qilinadigan turistik obyektlar, atrof-muhitning holati (sayohat qilish uchun zarur boʻlgan hajmda);

vaqtincha yashash mamlakati (joyi) ning milliy va diniy xususiyatlari;

boshqa sayohat xususiyatlari haqida.

20. Turizm mahsulotini sotish turizm operatori va (yoki) turizm agenti va buyurtmachi oʻrtasida tuzilgan shartnoma asosida amalga oshiriladi.

Turoperator va (yoki) turagent oʻrtasidagi shartnomada quyidagilar nazarda tutilishi lozim:

turizm mahsulotini turizm agenti tomonidan sotish shartlari;

turagentning turizm operatori nomidan yoki oʻz nomidan turizm mahsulotini sotish huquqi va majburiyatlari;

turagent tomonidan subagent shartnomasini tuzish imkoniyatini (imkonsizligini) taʼminlovchi shartlar;

buyurtmachi turizm mahsulotini taqdim etish shartnomasini bajarish boʻyicha ularga shikoyatnoma taqdim etgan taqdirda, turizm operatori va turizm agentining oʻzaro munosabatlari tartibi;

turoperator va (yoki) turagentning javobgarligi, shuningdek, turizm mahsuloti buyurtmachisi oldidagi har bir tomonning turizm mahsuloti toʻgʻrisida maʼlumot taqdim etmaganligi yoki notoʻgʻri maʼlumot taqdim etganligi, turizm xizmatlarini taqdim etish shartnomasi boʻyicha majburiyatlarni bajarmaganligi yoki lozim darajada bajarmaganligi uchun javobgarligi.

21. Turoperator va (yoki) turagent va turizm mahsuloti buyurtmachisi oʻrtasidagi shartnoma quyidagilarni oʻz ichiga olgan boʻlishi lozim:

turoperator va (yoki) turagentning nomi, uning joylashgan joyi (pochta manzili), faoliyat yoʻnalishi va litsenziya raqami;

turizm mahsulotini sotish uchun zarur boʻlgan hajmdagi turizm mahsulotini buyurtmachisi toʻgʻrisida maʼlumot;

turizm mahsulotining narxi va uni toʻlash tartibi;

turoperator va (yoki) turagent va turizm mahsuloti buyurtmachisining huquqlari va majburiyatlari;

shartnomani oʻzgartirish va bekor qilish shartlari va tartibi;

turoperator va (yoki) turagent va turizm mahsuloti buyurtmachisining javobgarligi va nizolarni hal qilish tartibi.

22. Turoperator va (yoki) turagent va turizm mahsuloti buyurtmachisi shartnomada turizm mahsulotini isteʼmol qilish shartlari, shu jumladan sayohat dasturi, yoʻnalish va sayohat shartlari, harakatlanish, turar joy va ovqatlanish toʻgʻrisidagi maʼlumotlar, turistlar va ekskursiyachilar uchun vaqtincha boʻlish mamlakatidagi (joyi) transport xizmatlari toʻgʻrisida kelishib olishlari mumkin, ekskursiya yetakchisi, gid (gid-tarjimon), yoʻriqchi-yoʻl boshlovchining boʻlishi, shuningdek, qoʻshimcha xizmatlar mavjudligi.

23. Turoperator va (yoki) turagent va turizm mahsulotini buyurtmachisi oʻrtasidagi shartnoma boshqa shartlarni ham oʻz ichiga olishi mumkin.

24. Turoperator va (yoki) turagent va buyurtmachi oʻrtasida turizm mahsulotini sotish toʻgʻrisida bitim tomonlar oʻrtasida yozma va / yoki elektron shaklda ushbu shartnomaning barcha muhim shartlari boʻyicha kelishuvga erishilgan boʻlsa, tuzilgan hisoblanadi.

25. Turoperator va (yoki) turagent buyurtmachining roziligisiz shartnomada koʻrsatilmagan qoʻshimcha haq evaziga qoʻshimcha xizmatlarni taqdim etishga haqli emas.

Savdo shartlari va turizm mahsulotining narxi shartnomaning ajralmas qismi boʻlgan turistik yoʻllanmada (vaucher) koʻrsatilgan.

26. Turoperator va (yoki) turagent isteʼmolchiga sifati belgilangan talablarga va tuzilgan shartnomaga muvofiq turizm mahsulotini yetkazib beradi.

27. Agar vaqtincha yashash mamlakati (joyi) toʻgʻrisidagi qonunchilik hujjatlari uning hududida vaqtincha joylashgan shaxslarga tibbiy yordamni toʻlash kafolatlariga qoʻyiladigan talablarni belgilab qoʻygan boʻlsa, turoperator yoki turagent bunday kafolatlarning sugʻurta polisini taqdim etishini taʼminlashi shart. Turist (ekskursiyachi) iltimosiga binoan u boshqa xavf-xatarlar (shu jumladan, ularning hayoti va sogʻligʻi uchun katta xavf tugʻdiradigan yoʻnalishlardan oʻtishi bilan bogʻliq boʻlgan) boʻyicha sugʻurta xizmatlarini koʻrsatishda yordam beradi.

28. Turoperator va (yoki) turagent tur boshlanishidan kamida 24 soat oldin buyurtmachiga asl shartnomani, turistik chiptani, buyurtmachining turizm mahsulotiga kiritilgan xizmatlarga boʻlgan huquqini tasdiqlovchi hujjatlarni (vaucher, chipta va boshqalar), shuningdek buyurtmachiga turni amalga oshirish uchun zarur boʻlgan boshqa hujjatlarni taqdim etishi shart. Ushbu hujjatlarni eng kech muddatlarda buyurtmachiga topshirish faqat buyurtmachining roziligi bilan amalga oshiriladi.

29. Shartnomaning tomonlaridan har biri ushbu shartnomani tuzishda tomonlar kelib chiqqan holatlar oʻzgarishi sababli uni oʻzgartirishni yoki bekor qilishni talab qilishga haqlidir.

30. Vazirlar Mahkamasi favqulodda vaziyatlar yuzaga kelganda va (yoki) tahdidi paydo boʻlganda, respublikaning butun hududida yoki uning bir qismida yuqori ogohlantirish rejimi yoki favqulodda holat joriy etilgan taqdirda yoxud xorijiy davlat tomonidan mamlakatga turistlarning hayoti va sogʻligʻiga tahdid soladigan holatlar yuzaga kelganda yoki vaqtincha kirishni cheklashga oid qaror qabul qilingan taqdirda buyurtmachining turizm mahsulot uchun toʻlagan pul summalarini belgilangan muddatda qaytarish boʻyicha turoperatorning majburiyatlarini toʻxtatib turish toʻgʻrisida qaror qabul qilishga haqli. Bunda turoperator belgilangan muddatda buyurtmachini teng ekvivalentdagi turizm mahsuloti bilan taʼminlash majburiyatini oʻz zimmasiga oladi.

Vazirlar Mahkamasi buyurtmachining turizm mahsuloti uchun toʻlagan pul summalarini belgilangan muddatda qaytarish boʻyicha turoperatorning majburiyatlarini toʻxtatib turish toʻgʻrisida qaror qabul qilgan taqdirda turoperator bir tomonlama tartibda buyurtmachi bilan tuzilgan turizm mahsulotini sotish toʻgʻrisidagi bitimga oʻzgartirish kiritish huquqiga ega.

Bunda turoperator Vazirlar Mahkamasi tomonidan belgilangan muddatda va teng ekvivalentdagi turizm mahsulotini amalga oshirishni qatʼiy taʼminlashini tasdiqlovchi majburiyatnomani buyurtmachiga taqdim etadi.

Majburiyatnoma muddati davomida turoperator quyidagi shartlar asosida buyurtmachiga turizm mahsulotini taqdim etishi shart:

turistik mahsulotning isteʼmol xususiyatlari (tashrif dasturi, yoʻnalishi va sayohat shartlari, yashash sharoiti (joylashtirish vositasi joylashgan joy, mehmonxona toifasi) va ovqatlanish, xizmatlar. vaqtincha boʻlib turgan mamlakatda (joyda) turistni tashish xizmatlari, shuningdek qoʻshimcha xizmatlar) oʻsha paytdagi turizm mahsulotini sotish shartnomasida tuzilgan teng shartlar asosida boʻlishi lozim.

Agarda xizmat koʻrsatish vaqtida turizm mahsulotining umumiy narxi turoperator yoki turagentning buyurtmachi bilan tuzilgan oʻsha paytdagi turizm mahsulotini sotish shartnomasida koʻrsatilganidan yuqori boʻlsa, turoperator buyurtmachidan turizm mahsulotining umumiy narxiga qoʻshimcha haq talab qilishga haqli emas.

Agar turizm mahsuloti buyurtmachisi turoperator tomonidan taqdim etilgan majburiyatnoma muddati tugaguniga qadar turizm mahsulotidan foydalanmasa, turizm mahsulotini sotish toʻgʻrisidagi shartnoma bekor qilinadi va turoperator turizm mahsuloti uchun buyurtmachi tomonidan toʻlangan pulni majburiyatnoma muddati tugagan kundan boshlab 10 ish kunidan kechiktirmay qaytarishi shart.

4-bob. Turoperatorlar va turagentlarning huquq va majburiyatlari

31. Turoperatorlar va turagentlar oʻz vakolatlari doirasida quyidagi huquqlarga ega:

turning davomiyligi va yoʻnalishini, xizmat koʻrsatish shartlarini, transport xizmatining turini, turist (ekskursant)ning roziligi va iltimosiga binoan turist (ekskursant)ning xavfsizligini taʼminlash va ularning mulkini himoya qilish choralarini oʻzgartirish;

turist va ekskursantning roziligi bilan turning belgilangan narxini, agar ular bu haqda tur boshlanishidan yigirma kun oldin xabardor qilinsa, oshiriladi;

taklif etiluvchi turistik xizmatlarni taqdim etishning iloji boʻlmagan favqulodda holatlar mavjud boʻlsa shartnomani bekor qilishga, shuningdek, guruh yaratish uchun zarur boʻlgan turistlar (ekskursantlar)ning miqdori taʼminlanmaganligi holatlarida turistlar (ekskursantlar)ga turizm xizmatlari koʻrsatish shartnomasini bekor qilinishi haqida tur boshlanishidan yigirma kun oldin xabar berilishi kerak;

turistlar, ekskursantlar yoki turizm sohasi subyektlari tomonidan yetkazilgan zarar va nomoddiy zararni qoplashni talab qilish.

32. Turoperator va turagentning majburiyatlari:

Turistlarga (ekskursantlar) turizm xizmatlarini koʻrsatish toʻgʻrisidagi shartnomada nazarda tutilgan xizmatlar koʻrsatilishini taʼminlash;

turizm xizmatlarini taqdim etmagan yoki qisman taqdim etgan yoki yetarli darajada boʻlmagan holda, turistlar (ekskursantlar)ga yetkazilgan zararlar va mulkiy boʻlmagan zararni qoplash;

turistlar va ekskursantlarga turni tashkil etish, ularning huquqlari va majburiyatlari toʻgʻrisida toʻliq maʼlumot berish;

turizm resurslarini saqlashga hissa qoʻshish;

turistlar (ekskursantlar)ning vaqtincha boʻlish mamlakati (joyi) toʻgʻrisidagi qonunchilik hujjatlariga rioya etilishini nazorat qilish.

33. Buyurtmachi quyidagi huquqlarga ega:

turizm xizmatlarini taqdim etish boʻyicha shartnomada koʻrsatilgan xizmatlarni olish;

sayohat bilan bogʻliq toʻliq va ishonchli maʼlumotlarni, shu jumladan vaqtincha boʻlish mamlakatiga (joyiga) kirish va boʻlish qoidalari, mahalliy aholining urf-odatlari, diniy marosimlari, madaniy meros obyektlari, muhofaza qilinadigan tabiiy hududlar va turizm obyektlari, atrof-muhit holati toʻgʻrisidagi maʼlumotlarni olish;

shaxsiy xavfsizligi va oʻz huquqlari, erkinliklari va qonuniy manfaatlarini himoya qilish taʼminlanishi, shuningdek oʻz mol-mulkining but saqlanishini taʼminlash;

shoshilinch tibbiy yordam olish;

turistik xizmatlar koʻrsatish shartnomasi bajarilmagan yoki lozim darajada bajarilmagan taqdirda moddiy zararning oʻrni qoplanishi, shuningdek maʼnaviy ziyonning kompensatsiya qilinishi;

agar turning umumiy qiymati oshishi shartnomada shartlashilgan qiymatidan ortib ketsa, turistik xizmatlar koʻrsatishga doir shartnomani turoperatorlar va turagentlarga yetkazilgan moddiy zararning oʻrnini qoplamagan holda bekor qilish.

34. Buyurtmachi quyidagilarga majbur:

turda ishtirok etish uchun oʻz sogʻligʻi holatining va (yoki) yoshining xususiyatlariga bogʻliq cheklovlar (qarshi koʻrsatmalar) toʻgʻrisidagi, oʻz doimiy yashash joyidan tashqariga chiqishi hamda vaqtincha boʻlish mamlakatiga (joyiga) kirishi uchun cheklovlar haqidagi maʼlumotlarni turoperatorning va (yoki) turagentning talabiga koʻra taqdim etishi;

turistik xizmatlar koʻrsatish shartnomasi shartlariga va vaqtincha boʻlish mamlakatining (joyining) qonunchilik hujjatlariga rioya etishi, uning siyosiy hamda ijtimoiy tuzilishini, mahalliy aholining anʼanalarini, urf-odatlarini, diniy eʼtiqodini hurmat qilishi;

vaqtincha boʻlish mamlakatidagi (joyidagi) atrof tabiiy muhitga, muhofaza etiladigan tabiiy hududlar va madaniy meros obyektlariga zarar yetkazmasligi;

vaqtincha boʻlish mamlakatidagi (joyidagi) bojxona va chegara nazorati, shaxsiy xavfsizlik qoidalariga rioya etishi shart.

5-bob. Yakunlovchi qoidalar

35. Mazkur Nizom talablariga rioya etilishi ustidan nazorat Oʻzbekiston Respublikasi Turizmni rivojlantirish davlat qoʻmitasi va boshqa vakolatli tashkilotlar tomonidan qonunchilik hujjatlarida belgilangan tartibda amalga oshiriladi.

36. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Vazirlar Mahkamasining 2020-yil 10-iyuldagi 433-son qaroriga 4-ILOVA

Oʻzbekiston Respublikasi hududida joylashtirish boʻyicha xizmatlarni koʻrsatish tartibi toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi hududida joylashtirish boʻyicha xizmatlarni koʻrsatish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

bajaruvchi — tashrif buyuruvchiga mehmonxona xizmatlarini taqdim qiluvchi tadbirkorlik subyekti;

bron qilish — tashrif buyuruvchi (buyurtmachi) tomonidan joylashtirish vositasida nomerni (joyni) avvaldan buyurtma qilish;

buyurtmachi — mehmonxona xizmatlarini koʻrsatish toʻgʻrisidagi shartnomaga muvofiq mehmonxona xizmatlarini buyuruvchi yoki sotib oluvchi jismoniy yoki yuridik shaxs;

joylashtirish boʻyicha xizmatlar (keyingi oʻrinlarda — mehmonxona xizmatlari) — joylashtirish vositasida vaqtinchalik yashash joyi berish boʻyicha xizmatlar majmui;

joylashtirish vositalari — mehmonxonalar, turizm bazalari va majmualari, dam olish uylari va zonalari, pansionatlar, kempinglar, motellar, xostellar, oilaviy mehmon uylari, oʻtov va palatkali oromgohlar, sanatoriylar va mehmonxona xizmatlari — vaqtincha yashash xizmatlarini koʻrsatadigan boshqa obyektlar, shuningdek tunash uchun qayta jihozlangan yer usti transporti;

nomer (joy) narxi — vaqtincha yashash va bajaruvchi tomonidan belgilangan vaqtincha yashash bilan bogʻliq boshqa mehmonxona xizmatlari qiymati;

ommaviy shartnoma (keyingi oʻrinlarda — shartnoma) — bajaruvchi tomonidan tuzilgan hamda mehmonxona xizmatlarini koʻrsatish boʻyicha uning vazifalarini belgilovchi shartnoma;

tashrif buyuruvchi — mehmonxona xizmatlarini buyurgan, sotib olgan va/yoki foydalanadigan jismoniy shaxs.

3. Mehmonxona xizmatlariga, shu jumladan, ularning hajmi va sifatiga doir talablar, qonunchilik hujjatlarida boshqa talablar nazarda tutilmagan boʻlsa, bajaruvchi va tashrif buyuruvchi (buyurtmachi)ning kelishuviga binoan belgilanadi.

4. Nomer (joy) narxi bajaruvchi tomonidan mustaqil belgilanadi.

5. Mehmonxona xizmatlari doimiy yashash joyi, fuqarolik, jismoniy shaxslarning qarindoshlik va nikoh munosabatlari, shuningdek, shaxsiy hayot huquqini cheklovchi boshqa omillardan qatʼi nazar koʻrsatilishi lozim.

6. Bajaruvchi mazkur Nizom talablariga zid boʻlmagan, joylashtirish vositasida mehmonxona xizmatlarini koʻrsatish va ulardan foydalanishning ichki qoidalarini (keyingi oʻrinlarda — joylashtirish vositasining ichki qoidalari) belgilashi lozim.

7. Joylashtirish vositasiga tashrif buyuruvchining kelish vaqtidan boshlab va uning ketishigacha boʻlgan muddatda u band qilgan nomerga (joyga) turar-joy daxlsizligi toʻgʻrisidagi qonunchilik hujjatlari normalari tatbiq etiladi.

8. Mehmonxona xizmati koʻrsatish tartibi bajaruvchi tomonidan tashrif buyuruvchiga (buyurtmachiga) eng maʼqul shaklda maʼlum qilinadi.

9. Joylashtirish vositalari majburiy ravishda Oʻzbekiston Respublikasi Turizm qoʻmitasi huzuridagi “Turizm xizmatlarini sertifikatlashtirish markazi” davlat muassasasi tomonidan sertifikatlashtiriladi.

10. Toifa berilgan joylashtirish vositasining mulkdori va (yoki) egasi uning mazkur toifaga muvofiq boʻlishini taʼminlashi shart.

2-bob. Bajaruvchi va u tomonidan taqdim etiladigan mehmonxona xizmatlari toʻgʻrisida maʼlumotlar

11. Bajaruvchi, tashrif buyuruvchilar tanishishi uchun qulay boʻlgan joyda, shu jumladan, joylashtirish vositasining qabul qilish joyidagi maʼlumotlar taxtasiga va internet tarmogʻidagi rasmiy veb-saytiga (agar mavjud boʻlsa) quyidagi maʼlumotlarni joylashtirishi lozim:

a) bajaruvchi toʻgʻrisidagi maʼlumotlar, xususan, nomi, manzili, bogʻlanish uchun telefon raqami, elektron pochta manzili;

b) bajaruvchining yuqori turuvchi tashkiloti toʻgʻrisidagi maʼlumotlar (agar mavjud boʻlsa);

v) joylashtirish vositasining tegishli toifasi toʻgʻrisidagi maʼlumotlar (agar mavjud boʻlsa);

g) mehmonxona xizmatlari uchun muvofiqlik sertifikati nusxasi yoki oilaviy mehmon uylari va xostellar yagona reyestridan koʻchirma;

d) nomerlar (joylar) narxi;

e) nomer (joy) narxiga kiradigan mehmonxona xizmatlari roʻyxati;

j) mehmonxona xizmatlariga toʻlovni amalga oshirish shakli va tartibi toʻgʻrisidagi maʼlumotlar;

z) alohida toʻlov evaziga, bajaruvchi tomonidan koʻrsatiladigan boshqa mehmonxona xizmatlari roʻyxati, narxi hamda ularni olish shartlari;

i) nomer (joy) bron qilish va bronni bekor qilish shakli, shartlari va tartibi toʻgʻrisida maʼlumotlar;

k) imtiyoz olish huquqiga ega boʻlgan shaxslar toifasi roʻyxati, shuningdek, mehmonxona xizmatlarini koʻrsatishda taqdim etiladigan imtiyozlar roʻyxati (agar mavjud boʻlsa);

l) joylashtirish vositasida uchinchi shaxslar tomonidan toʻlov evaziga koʻrsatiladigan boshqa xizmatlar toʻgʻrisida maʼlumotlar (agar mavjud boʻlsa);

m) joylashtirish vositasiga kelish (ketish) vaqti toʻgʻrisida maʼlumotlar;

n) joylashtirish vositasida mehmonxona xizmatlarini koʻrsatish va ulardan foydalanish qoidalari toʻgʻrisida maʼlumotlar.

12. Bajaruvchi joylashtirish vositasida boʻlish qoidalari toʻgʻrisida har bir nomerni axborot bilan taʼminlashi lozim.

13. Bajaruvchi va u koʻrsatadigan mehmonxona xizmatlari toʻgʻrisidagi maʼlumotlar tashrif buyuruvchilarga davlat tilida hamda qoʻshimcha ravishda ingliz va rus tillarida, shuningdek, bajaruvchining ixtiyoriga koʻra boshqa tillarda maʼlum qilinadi.

3-bob. Mehmonxona xizmatlarini taqdim etish tartibi va shartlari

14. Bajaruvchi nomerlar (joylar) bron qilishni har qanday shaklda, shu jumladan, shartnoma yoki buyurtma qabul qilish usulida (telefon yoki boshqa shaklda) amalga oshirish huquqiga ega.

15. Bajaruvchi tomonidan joylashtirish vositasida bron qilishning quyidagi turlari qoʻllaniladi:

kafolatlangan — joylashtirish vositasida nomer (joy) tashrif buyuruvchi kelishigacha ushlab turiladigan bron qilish turi boʻlib, bunda tashrif buyuruvchi tomonidan bron oʻz vaqtida bekor qilinmagan, tashrif buyuruvchi belgilangan muddatdan kechikkan yoki kelmagan hollarda tashrif buyuruvchidan nomer (joy)ning boʻsh turganligi uchun, biroq bir sutkadan koʻp boʻlmagan miqdordagi toʻlov summasi bajaruvchi tomonidan undiriladi.

Bunda tashrif buyuruvchi bir sutkadan koʻp vaqtga kech qolganda kafolatlangan bron qilish bekor qilinadi;

kafolatlanmagan — joylashtirish vositasida nomer (joy) bajaruvchi tomonidan maʼlum bir soatgacha bron qilinadi, belgilangan muddatda tashrif buyuruvchi kelmaganda kafolatlanmagan bron bekor qilinadi.

Bron qilishning boshqa turlari joylashtirish vositasining ichki qoidalarida belgilanishi mumkin.

16. Tashrif buyuruvchi (buyurtmachi) tomonidan buyurtma qilingan nomer toifasi va uning narxi, bron qilish shartlari, joylashtirish vositasida yashash muddati toʻgʻrisidagi, shuningdek, bajaruvchi tomonidan aniqlanadigan boshqa maʼlumotlar olingan vaqtdan boshlab bron haqiqiy hisoblanadi.

17. Tashrif buyuruvchi (buyurtmachi) nomerlar (joylar) bron qilish haqidagi buyurtmani oʻz ixtiyoriga koʻra bekor qilish huquqiga ega. Nomerlar (joylar) bronni rad etish tartibi va shakli joylashtirish vositasining ichki qoidalari bilan belgilanadi.

18. Agar buyurtmada koʻrsatilgan sanada boʻsh nomer (joy) mavjud boʻlmasa bajaruvchi bron qilishni rad etish huquqiga ega.

19. Mehmonxona xizmatlari tashrif buyuruvchi tomonidan pasport yoki uning oʻrnini bosuvchi boshqa hujjat koʻrsatganidan soʻng taqdim etiladi.

20. Joylashtirish vositasida oʻn olti yoshga toʻlmagan fuqarolarni roʻyxatdan oʻtkazish ular bilan birga boʻlgan ota-onalari (qonuniy vakillari) yoki hamrohlik qilayotgan boshqa shaxslarning fuqarolik pasporti yoki shaxsini tasdiqlovchi boshqa hujjati, hamrohlik qilayotgan shaxslarning vakolatini tasdiqlovchi hujjat, shuningdek, ushbu voyaga yetmagan shaxslarning tugʻilganlik haqidagi guvohnomasi yoki pasporti asosida amalga oshiriladi.

21. Tashrif buyuruvchilarni roʻyxatdan oʻtkazish joylashtirish vositalarida yashovchilarni Internet butun jahon axborot tarmogʻi orqali hisobga olishning avtomatlashtirilgan maxsus elektron dasturi orqali amalga oshiriladi.

22. Bajaruvchi tashrif buyuruvchining talabiga koʻra u bilan quyidagilarni oʻz ichiga oluvchi shartnoma tuzishi lozim:

a) bajaruvchining nomi;

b) tashrif buyuruvchi toʻgʻrisida maʼlumotlar;

v) taqdim etilayotgan nomer (joy) toʻgʻrisida maʼlumotlar;

g) nomer (joy) narxi;

d) joylashtirish vositasida boʻlish muddati;

e) boshqa zarur maʼlumotlar (tomonlar ixtiyoriga koʻra).

Shartnoma elektron yoki yozma shaklda tuzilishi mumkin.

23. Bajaruvchi joylashtirish vositasiga tashrif buyuruvchilarga kecha-kunduz xizmat koʻrsatilishini taʼminlaydi.

24. Tashrif buyuruvchining joylashtirish vositasiga kelishi va undan ketishi mahalliy vaqt boʻyicha shu kundagi sutkaning 12:00 soatida belgilanadigan hisob-kitob soatini hisobga olgan holda amalga oshiriladi. Bajaruvchi mahalliy xususiyatlar va faoliyat turini hisobga olgan holda belgilangan hisob-kitob soatini oʻzgartirish huquqiga ega.

Hisob-kitob soati va keyingi tashrif buyuruvchining nomerga (joyga) joylashtirish soati oraligʻidagi vaqt (nomer va/yoki joyni tayyorlash uchun) uch soatdan oshmasligi kerak. Kelish vaqti bajaruvchi tomonidan belgilanadi.

25. Nomer (joy) narxi, nomer (joy) narxiga kiradigan mehmonxona xizmatlari roʻyxati, shuningdek, nomer (joy)ga toʻlovni amalga oshirish shakli va tartibi bajaruvchi tomonidan belgilanadi.

Bajaruvchi yashash uchun sutkali va/yoki soatli toʻlovni belgilashi mumkin.

26. Bajaruvchi tashrif buyuruvchining roziligisiz nomer (joy) narxiga kirmaydigan boshqa qoʻshimcha toʻlov evaziga koʻrsatiladigan mehmonxona xizmatlarini taqdim qilishi taqiqlanadi.

27. Bajaruvchi tashrif buyuruvchining soʻroviga koʻra quyidagi turdagi xizmatlarni bepul tarzda koʻrsatishi lozim:

a) tez yordam va boshqa maxsus xizmatlarni chaqirish;

b) tibbiyot dori qutisidan foydalanish;

v) tashrif buyuruvchining nomiga yuborilgan yozishmalarni yetkazib berish;

g) maʼlum vaqtda uygʻotish;

d) qaynagan suv, ignalar, iplar, idish-tovoqlar va oshxona anjomlarining bir toʻplamini taqdim etish;

e) bajaruvchining ixtiyoriga koʻra boshqa mehmonxona xizmatlari.

28. Tashrif buyuruvchilarga koʻrsatilgan mehmonxona xizmatlari uchun toʻlov shartnomada belgilangan tartibda amalga oshiriladi.

29. Hisob-kitob soatidan keyin tashrif buyuruvchining ketishi kechikkan hollarda tashrif buyuruvchidan koʻrsatilgan mehmonxona xizmati uchun toʻlov miqdori bajaruvchi tomonidan belgilanadi.

30. Tashrif buyuruvchi bajaruvchiga haqiqatan qilgan xarajatlarini toʻlash sharti bilan mehmonxona xizmatlaridan foydalanishni toʻxtatishi mumkin.

4-bob. Bajaruvchi va tashrif buyuruvchining javobgarligi

31. Bajaruvchi tashrif buyuruvchining saqlash uchun topshirilgan buyumlarining butligi uchun Oʻzbekiston Respublikasi Fuqarolik kodeksining 899-moddasida belgilangan tartibda javobgar boʻladi.

Bajaruvchi tomonidan tashrif buyuruvchiga buyumlarini saqlash uchun qabul qilinganligini tasdiqlovchi hujjat taqdim etilishi shart.

32. Bajaruvchi shartnoma boʻyicha majburiyatlarning bajarilmaganligi yoki lozim darajada bajarilmaganligi uchun qonunchilik hujjatlarida belgilangan tartibda javobgar boʻladi.

33. Shartnoma talablari va/yoki shartlariga javob bermaydigan mehmonxona xizmatlarini taqdim etish natijasida tashrif buyuruvchining hayoti yoki sogʻligʻiga yetkazilgan zarar qonunchilik hujjatlarida belgilangan tartibda bajaruvchi tomonidan qoplanishi shart.

34. Tashrif buyuruvchining aybi bilan joylashtirish vositasining mulki yoʻqolgan yoki unga ziyon yetkazilgan hollarda tashrif buyuruvchi qonunchilik hujjatlariga muvofiq javobgar boʻladi.

35. Agar shartnoma shartlari taraflarning biri tomonidan buzilgan taqdirda, ikkinchi taraf shartnomani bir tomonlama bekor qilish huquqiga ega.

5-bob. Yakunlovchi qoidalar

36. Ushbu Nizom talablariga rioya qilishni nazorat qilish Oʻzbekiston Respublikasi Turizmni rviojlantirish davlat qoʻmitasi, shuningdek, qonunchilik hujjatlariga muvofiq vakolatli boshqa tashkilotlar tomonidan amalga oshiriladi.

37. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Vazirlar Mahkamasining 2020-yil 10-iyuldagi 433-son qaroriga 6-ILOVA

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibi toʻgʻrisida

NIZOM

1-bob. Umumiy qoidalar

1. Ushbu Nizom xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibini belgilaydi.

2. Ushbu Nizomda quyidagi tushunchalar qoʻllaniladi:

yoʻlovchi manifesti — charter reyslar orqali tashilgan yoʻlovchilarning toʻliq roʻyxati boʻlgan va chegara qoʻshinlariga taqdim qilinadigan maʼlumot;

kompensatsiya — tadbirkorlik subyektlarining xorijiy mamlakatlardan Samarqand, Buxoro va Urganch xalqaro aeroportlariga charter reyslarini tashkil qilish boʻyicha xarajatlarini qoplash uchun Oʻzbekiston Respublikasi Davlat budjeti va Oʻzbekiston Respublikasi Turizm qoʻmitasi (keyingi oʻrinlarda — Qoʻmita) budjetdan tashqari Turizmni qoʻllab-quvvatlash jamgʻarmasi mablagʻlari hisobidan teng ulushlarda ajratiladigan mablagʻlar;

qoʻshma charter reyslar — bir va undan ortiq tadbirkorlik subyektlarining yoʻlovchilari ishtirok etuvchi charter reyslar;

mustaqil charter reyslar — faqat bitta tadbirkorlik subyektining yoʻlovchilari ishtirok etuvchi charter reyslar;

tadbirkorlik subyekti — havo orqali yoʻlovchi tashish faoliyati bilan shugʻullanadigan tashkilot, shuningdek, belgilangan tartibda turoperator sifatida roʻyxatdan oʻtgan yuridik shaxs;

charter reyslar — parvozlar jadvali boʻyicha reyslardan alohida va tashqarida amalga oshiriladigan reyslar.

3. Kompensatsiya ushbu Nizomda belgilangan tartibda mustaqil ravishda yoki birgalikda Oʻzbekiston Respublikasiga turistlarni jalb etuvchi tadbirkorlik subyektlariga quyidagi hollarda beriladi:

a) chet el fuqarolari yoki fuqaroligi boʻlmagan shaxslar (keyingi oʻrinlarda — yoʻlovchilar) uchun ikki tomonlama (Oʻzbekistonga va undan) charter reysini tashkil etganda;

b) bitta charter reysi bilan kelgan xorijiy yoʻlovchilarning Oʻzbekistondagi joylashtirish vositalarida kamida besh kecha tunab qolganda;

v) xorijiy yoʻlovchilarning qolish davomiyligini aniqlash uchun Samarqand, Buxoro va Urganch xalqaro aeroportlariga ular toʻgʻrisida toʻliq maʼlumot (F.I.Sh., fuqaroligi) taqdim etganda.

Tadbirkorlik subyektlari xarajatlarini kompensatsiya qilish uchun mablagʻlar ajratish ushbu Nizomning 1-ilovasiga muvofiq sxema boʻyicha amalga oshiriladi.

4. Tadbirkorlik subyektlarining charter reyslari amalga oshiriladigan respublikaning xalqaro aeroportlari har chorakda (keyingi oyning 10-sanasiga qadar) Qoʻmitaga charter reysining sanasi va uchib kelib qoʻngan vaqti koʻrsatilgan maʼlumotlarni va yoʻlovchi manifestini ularga kompensatsiyani taʼminlash maqsadida taqdim etadi.

2-bob. Arizani koʻrib chiqish va kompensatsiya ajratish tartibi

5. Ushbu Nizomning 3-bandida koʻrsatilgan shartlarga rioya etgan holda charter reyslariga turistlarni jalb qilgan va olib kelgan tadbirkorlik subyektlariga har bir yoʻlovchi uchun:

har yili 20-fevral soat 00:00 dan — 19-noyabr soat 23:59 ga qadar 20 AQSH dollari;

har yili 20-noyabr soat 00:00 dan — 19-fevral soat 23:59 ga qadar 50 AQSH dollari miqdorida kompensatsiya ajratiladi.

Ushbu bandning ikkinchi va uchinchi xatboshilarida belgilangan vaqt tadbirkorlik subyektlari hamda Samarqand, Buxoro va Urganch xalqaro aeroportlari tomonidan Qoʻmitaga taqdim etiladigan maʼlumotlarda koʻrsatilgan uchib kelib qoʻnish sanasi va vaqti asosida hisoblanadi.

6. Bir nechta tadbirkorlik subyektlarining yoʻlovchilarini tashishda kompensatsiya bitta tadbirkorlik subyekti tomonidan olib kelingan yoʻlovchilar sonining samolyotdagi umumiy yoʻlovchilar soniga nisbati asosida hisoblanadi.

7. Bitta tadbirkorlik subyekti tomonidan berilgan charter reyslarga buyurtmalar (bitta tadbirkorlik subyektining yoʻlovchilarini bitta charter reys orqali tashish) ustuvor ravishda koʻrib chiqiladi.

8. Kompensatsiya olish uchun tadbirkorlik subyekti Qoʻmitaga ushbu Nizomga 2-ilovaga muvofiq shaklda ariza bilan murojaat qiladi.

Arizaga quyidagilar ilova qilinadi:

a) yoʻlovchi manifestining nusxasi;

b) ushbu Nizomga 3-ilovaga muvofiq shakl boʻyicha axborot varaqasi.

9. Qoʻshma charter reyslariga oid tadbirkorlik subyektlarining hujjatlar toʻplamlari Qoʻmitaga alohida topshirilishi kerak.

10. Kompensatsiya har chorak yakunlariga koʻra, mazkur yakunlangan chorakda (chorakdan keyingi oyning 20-sanasiga qadar) ariza bergan tadbirkorlik subyektlariga ajratiladi.

11. Qoʻmita chorak davomida kelib tushgan arizalarni chorakdan keyingi oyining 10-sanasiga qadar ushbu Nizom talablariga muvofiqligini oʻrganish asosida kompensatsiya ajratish yoki rad etish toʻgʻrisida qaror qabul qiladi hamda qabul qilingan qaror nusxasini qaror qabul qilingan kundan boshlab bir kun ichida ariza beruvchiga yuboradi.

Kompensatsiya ajratish toʻgʻrisidagi qarorda kompensatsiya miqdori, tadbirkorlik subyekti nomi, joylashgan joyi (pochta manzili), kompensatsiya oluvchi yuridik shaxsning nomi, STIR, tijorat bankidagi hisobvaragʻining rekvizitlari koʻrsatiladi.

Qarorning nusxasi qabul qilingan kundan boshlab bir ish kuni ichida Qoʻmita tomonidan Oʻzbekiston Respublikasi Iqtisodiyot va moliya vazirligiga yuboriladi.

12. Taqdim etilgan hujjatlarni qoʻshimcha oʻrganish zarurati tugʻilsa, Qoʻmita arizachini yozma yoki elektron shaklda xabardor qiladi va arizani koʻrib chiqishni qoʻshimcha oʻn ish kuniga uzaytirish huquqiga ega.

13. Kompensatsiya ajratish rad etilganda, kompensatsiya ajratishni rad etish uchun asos boʻlgan sabablar aniq koʻrsatilgan holda qaror qabul qilingan kundan eʼtiboran bir ish kuni ichida arizachiga yuboriladi.

Arizachi qarorni olgandan soʻng keyingi chorakda ushbu kamchiliklarni bartaraf etadi hamda Qoʻmitaga ularni bartaraf etish uchun tasdiqlovchi hujjatlarni ilova qilgan holda ariza bilan murojaat qilishi mumkin.

14. Kompensatsiya quyidagi asoslar boʻyicha rad etilishi mumkin:

ushbu Nizomning 8-bandida koʻrsatilgan hujjatlar va maʼlumotlar toʻliq taqdim etilmaganda;

tadbirkorlik subyekti ushbu Nizomning 3-bandida nazarda tutilgan talablarga javob bermasa.

Ushbu bandda koʻrsatilmagan boshqa asoslarga qoʻra kompensatsiya ajratishni rad etish taʼqiqlanadi.

15. Kompensatsiya ajratish toʻgʻrisida qayta berilgan ariza Qoʻmita tomonidan keyingi chorak yakunlariga koʻra koʻrib chiqiladi.

Bunda ilgari aniqlanmagan asoslarga koʻra kompensatsiya ajratishni rad etishga yoʻl qoʻyilmaydi.

16. Tadbirkorlik subyektlariga kompensatsiyalarni toʻlash uchun Qoʻmita Oʻzbekiston Respublikasi Iqtisodiyot va moliya vazirligiga xoʻjalik yurituvchi subyektlar toʻgʻrisidagi maʼlumotlar, ajratilgan mablagʻlarning hisob-kitoblari toʻgʻrisida ariza yuboradi.

17. Oʻzbekiston Respublikasi Iqtisodiyot va moliya vazirligi uch ish kuni ichida Qoʻmita arizasini koʻrib chiqadi va tegishli mablagʻni Qoʻmitaning shaxsiy gʻazna hisobvaragʻiga oʻtkazadi.

Bunda Oʻzbekiston Respublikasi Iqtisodiyot va moliya vazirligi belgilangan tartibda tadbirkorlik subyektlariga kompensatsiya ajratish uchun Qoʻmitaga Gʻaznachilik xizmati qoʻmitasida alohida shaxsiy hisobvaraq (keyingi oʻrinlarda — shaxsiy hisobvaraq) ochadi.

Ushbu davr mobaynida Qoʻmita qabul qilingan qaror asosida Qoʻmita huzuridagi Turizmni qoʻllab-quvvatlash jamgʻarmasi mablagʻlari hisobidan kompensatsiya miqdorining yarmini shaxsiy hisobvaraqqa oʻtkazadi.

18. Pul mablagʻlari shaxsiy hisobvaraqqa tushganidan soʻng, Qoʻmita besh ish kuni ichida ularni xizmat koʻrsatuvchi tijorat banklari orqali tadbirkorlik subyektlarining shaxsiy hisobvaragʻiga oʻtkazadi.

19. Kompensatsiya toʻlovlari milliy valyutada, kompensatsiya toʻlash toʻgʻrisida qaror qabul qilingan kundagi Oʻzbekiston Respublikasi Markaziy bankining rasmiy kursi boʻyicha amalga oshiriladi.

3. Yakunlovchi qoidalar

20. Qoʻmita kompensatsiya ajratishni tashkil etish, muvofiqlashtirish va monitoring qilish, Oʻzbekiston Respublikasi Davlat budjeti va Qoʻmita huzuridagi Turizmni qoʻllab-quvvatlash jamgʻarmasi hisobidan ajratilgan mablagʻlarning tadbirkorlik subyektlariga yetkazilishi yuzasidan javobgar hisoblanadi.

21. Qoʻmita Oʻzbekiston Respublikasi Iqtisodiyot va moliya vazirligi bilan birgalikda kompensatsiya toʻlovlari ustidan tizimli nazoratni taʼminlash, tadbirkorlik subyektlariga kompensatsiya toʻlovining mezonlarini belgilash, shuningdek, kompensatsiya ajratishda yuzaga keladigan nizolar va favqulodda holatlar (fors-major) sabablarini koʻrib chiqish hamda hal qilish vakolatiga ega.

22. Oʻzbekiston Respublikasi Davlat budjetidan mablagʻlar ajratilishi va tadbirkorlik subyektlariga yetkazilishi ustidan nazorat Davlat moliyaviy nazorati inspeksiyasi tomonidan amalga oshiriladi.

23. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibi toʻgʻrisidagi nizomga 1-ILOVA

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish

SXEMASI

Subyektlar Tadbirlar Bajarish muddati Tadbirkorlik subyekti Nizomning 8-bandiga muvofiq Turizm qoʻmitasiga belgilangan tartibda kompensatsiya ajratilishi uchun ariza topshiradi. Oʻz xohishiga koʻra Qoʻmita 1. Hujjatlarning ushbu Nizom talablariga muvofiqligini oʻrganadi hamda kompensatsiya toʻlash yoki uni rad etish toʻgʻrisida qaror qabul qiladi. Chorakdan keyingi oyning 10-sanasiga qadar 2. Qabul qilingan qaror nusxasini arizachiga yuboradi. 1 ish kuni ichida Qoʻmita Taqdim etilgan hujjatlarni qoʻshimcha oʻrganish zarurati tugʻilsa, arizachini yozma yoki elektron shaklda xabardor qiladi va arizani koʻrib chiqish muddatini uzaytiradi. Qoʻshimcha 10 ish kuni ichida Qoʻmita Kompensatsiya berish rad etilgan taqdirda, rad etish sabablarini aniq koʻrsatgan holda, qaror qabul qiladi va arizachiga yuboradi. 1 ish kuni ichida Tadbirkorlik subyekti Kompensatsiya berishni rad etish toʻgʻrisidagi qarorda koʻrsatilgan kamchiliklarni bartaraf etadi va tasdiqlovchi hujjatlarni ilova qilgan holda Qoʻmitaga ariza bilan murojaat qiladi. Oʻz xohishiga koʻra Qoʻmita Kompensatsiya olish toʻgʻrisida qayta berilgan arizani koʻrib chiqadi. Keyingi chorak yakunlariga koʻra Qoʻmita Tadbirkorlik subyektlariga kompensatsiya toʻlash uchun Iqtisodiyot va moliya vazirligiga xoʻjalik yurituvchi subyektlar toʻgʻrisidagi maʼlumotlar, ajratilgan mablagʻlarning hisob-kitoblari toʻgʻrisida ariza yuboradi. 3 ish kuni ichida Iqtisodiyot va moliya vazirligi Qoʻmitaning arizasini koʻrib chiqadi va tegishli mablagʻni Qoʻmitaning shaxsiy gʻazna hisobvaragʻiga oʻtkazadi. 3 ish kuni ichida Qoʻmita Mablagʻlar shaxsiy hisobvaraqqa tushganidan soʻng, ularni xizmat koʻrsatuvchi tijorat banklari orqali tadbirkorlik subyektlarining shaxsiy hisobvaragʻiga oʻtkazadi. 5 ish kuni ichida

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibi toʻgʻrisidagi nizomga 2-ILOVA

NAMUNAVIY ARIZA SHAKLI (ariza beruvchining tashkilot blankasida) Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi huzuridagi Turizm qoʻmitasi ARIZA Sizga shuni maʼlum qiladiki, (tadbirkorlik subyekti nomi) tadbirkorlik subyektlariga oʻz safarlari uchun toʻlanadigan kompensatsiyani olishga qiziqish bildiradi. ____ yilning ___ choragida biz (aeroport(lar)ning nomi) aeroport(lar)iga (mamlakat(lar)ning nomi) singari mamlakatlardan charter reyslarini tashkillashtirdik. ____________ (sana) Imzo Litsenziya raqami (turizm operatorining): ____________________________ Tadbirkorlik subyektining nomi: ___________________________________ Vakolatli vakil: __________________________________________________

Xorijiy mamlakatlardan Samarqand, Buxoro va Urganch xalqaro aeroportlariga charter reyslarining tashkil qilish xarajatlarini kompensatsiya qilish uchun mablagʻlar ajratish tartibi toʻgʻrisidagi nizomga 3-ILOVA

Axborot varaqasi Turizm operatori / tashuvchining litsenziya raqami Turizm operatori / tashuvchi nomi Litsenziya egasining savdo belgisi Turizm operatori / tashuvchi manzili Shahar va mobil telefonlar raqamlari Elektron pochta manzili Korxona STIR i Bank/filial/bank hisob raqami (soʻmli hisob) Vakolatli vakilning F.I.Sh, lavozimi * Yuqorida talab qilingan maʼlumotlar toʻliq hajmda toʻldirilishi kerak. RAXBAR ______________________________________________ ____________F.I.Sh. _____________________ IMZO_______

Vazirlar Mahkamasining 2020-yil 10-iyuldagi 433-son qaroriga 8-ILOVA

Fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibi toʻgʻrisida

NIZOM

1-bob. Umumiy qoidalar

1. Ushbu Nizom fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

ariza beruvchi — vakolatli davlat organiga fuqarolar yigʻiniga turistik maqomni berish toʻgʻrisida ariza bilan murojaat qilgan fuqarolar yigʻinining tegishli hududida istiqomat qiluvchi fuqaro yoki fuqarolar yigʻini raisi;

vakolatli davlat organi — Oʻzbekiston Respublikasi Turizm qoʻmitasi;

Markaz — Oʻzbekiston Respublikasi Turizm qoʻmitasi huzuridagi “Turizm xizmatlarini sertifikatlash markazi” davlat muassasasi;

“Turizm mahallasi”, “Turizm qishlogʻi” va “Turizm ovuli” (keyingi oʻrinlarda — turizm mahallasi) — fuqarolar yigʻinlari hududining mavjud tabiy, tarixiy-madaniy resurslari va xususiyatlari asosida turistik xizmatlar (turistik mahsulotlar) majmui shakllangan va ushbu hududga taqdim etiladigan maqom;

turizm mahsuloti — turistning sayohatlari davomida uning ehtiyojlarini qondirish uchun moʻljallangan turizm xizmatlari, shu jumladan turar joy, ovqatlanish, transport, ekskursiya va maslahat xizmatlari, ishlari va mahsulotlari majmui;

turist — vaqtincha boʻlish mamlakatidagi (joyidagi) manbalardan daromad olish bilan bogʻliq boʻlgan faoliyat bilan shugʻullanmagan holda vaqtincha boʻlish mamlakatiga (joyiga) yigirma toʻrt soatdan ketma-ket oʻn ikki oygacha boʻlgan davrga boruvchi yoki vaqtincha boʻlish mamlakatida (joyida) kamida bir kecha tunab qoluvchi jismoniy shaxs;

ekskursant — vaqtincha boʻlish mamlakatida (joyida) tunab qolmasdan yigirma toʻrt soatdan oshmaydigan davrda sayohat qiluvchi jismoniy shaxs.

3. Fuqarolar yigʻiniga turizm mahallasi maqomini berishdan asosiy maqsadlar quyidagilar hisoblanadi:

fuqarolar yigʻinida azaldan saqlanib qolgan moddiy va madaniy merosini, urf-odatlari va turmush tarzini saqlash, ilgari surish va targʻib qilish;

xorijiy va mahalliy turistlarni keng jalb qilish;

turizmni barqaror rivojlantirish;

turistlar uchun qulay shart-sharoitlar yaratish;

mahalliy aholining madaniyati va anʼanalarini ommalashtirish;

turizm mahallasining ekologiyasini hamda tabiiy boyliklarini asrash va yaxshilash;

fuqaralor yigʻini hududida istiqomat qiluvchi fuqarolarning ijtimoiy-iqtisodiy holatini yaxshilash;

fuqarolar yigʻini hududida yangi ish oʻrinlarini yaratish;

doimiy ravishda turizm xizmatlari sifatini belgilangan talablarga muvofiqlashtirish;

turizm xizmatlarini koʻrsatishda qonun talablariga rioya qilish.

4. Fuqarolar yigʻinlariga turizm mahallasi maqomini berish ushbu Nizomga 1-ilovaga muvofiq sxema boʻyicha amalga oshiriladi.

2-bob. Fuqarolar yigʻini turizm mahallasi maqomini olishi uchun qoʻyiladigan talablar va shartlar

5. Fuqarolar yigʻini turizm mahallasi maqomini olishi uchun quyidagi talablar va shartlarga javob berishi lozim:

a) fuqarolar yigʻini hududida xorijiy va mahalliy turistlarni qabul qilish uchun kamida 20 ta oilaviy mehmon uylarining mavjudligi;

b) fuqarolar yigʻini hududida turistlarga kamida 5 ta sifatli turistik xizmatlarni taqdim etish (turar joy va (yoki) ovqatlanish xizmatlaridan tashqari);

v) fuqarolar yigʻini hududida mahalliy ishlab chiqarilayotgan esdalik sovgʻalari mahsulotlarini (kamida bitta savdo nuqtasi) sotish shoxobchalarini tashkil etish;

g) fuqarolar yigʻini hududida turizmning quyidagi turlaridan birini tashkillashtirish:

ekologik (geoturizm);

agroturizm (qishloq);

etnografik;

madaniy va tarixiy;

d) fuqarolar yigʻini hududida turistik koʻrgazma obyektlarining mavjudligi;

e) fuqarolar yigʻini hududida turistlar (ekskursantlar) xavfsizligini taʼminlash;

yo) turistlar uchun yaratilgan qoʻshimcha koʻngil ochar shart-sharoitlar (otlar, tuyalar, velosipedlar, kvadratsikllar, qayiqlar, katamaranlar va boshqalar ijarasi);

j) turizm toʻgʻrisidagi normativ hujjatlarga majburiy rioya qilish;

z) zarur infratuzilmaning mavjudligi (avtomobil yoʻllari, transport aloqasi, aloqa vositalari, ichimlik suvi, elektr energiyasi, Internet, sovuq mavsumda isitish tizimi);

i) hududda kuzatilishi mumkin boʻlgan tabiiy hodisalar va xavfli hududlar toʻgʻrisida maʼlumotlarning mavjudligi;

k) yil davomida turizm xizmatlarini koʻrsatish imkoniyatining mavjudligi;

l) zarur koʻrsatkichlarni oʻzbek, rus va ingliz tillarida mavjudligi;

m) birinchi tibbiy yordam koʻrsatish imkoniyatining mavjudligi;

n) bosma shaklda turistik obyektlarni joylashish joylari xaritasi mavjudligi;

o) tashrif buyurishdan oldin turistlar tomonidan oilaviy mehmon uylari uchun joylarni bron qilish va fuqarolar yigʻini hududida koʻrsatiladigan turistik xizmatlarga buyurtma berish imkoniyatining mavjudligi;

p) fuqarolar yigʻini toʻgʻrisidabarcha uchun qulay joyida maʼlumot materiallari (varaqalar, bukletlar, risolalar, xaritalar va boshqalar) mavjudligi.

3-bob. Fuqarolar yigʻiniturizm mahallasi maqomini olishi uchun zarur boʻlgan hujjatlar

6. Fuqarolar yigʻini turizm mahallasi maqomini olishi maqsadida ariza beruvchi tomonidan Markazga ushbu Nizomga 2-ilovaga muvofiq shaklda, pochta orqali yoki elektron shaklda ariza topshiriladi.

7. Arizaga ariza beruvchining imzosi yoki elektron raqamli imzosi bilan tasdiqlangan quyidagi maʼlumotlar ilova qilinishi kerak:

ariza beruvchi toʻgʻrisida maʼlumotlar (F.I.O., aloqa maʼlumotlari);

fuqarolar yigʻinining nomi;

ushbu Nizomning 5-bandiga muvofiq fuqarolar yigʻini hududida koʻrsatiladigan turistik xizmatlar toʻgʻrisida maʼlumotlar.

8. Ariza beruvchidan ushbu Nizomning 7-bandida koʻzda tutilmagan hujjatlar va maʼlumotlarni taqdim etishni talab qilinishiga yoʻl qoʻyilmaydi.

9. Arizani koʻrib chiqish uchun ariza beruvchidan yigʻim undirilmaydi.

4-bob. Fuqarolar yigʻiniga turizm mahallasi maqomini berish haqidagi arizalarni koʻrib chiqish va qaror qabul qilish

10. Markaz taqdim etilgan hujjatlarni besh ish kuni ichida toʻliqligi jihatdan koʻrib chiqadi va ularni vakolatli davlat organiga yuboradi.

11. Vakolatli davlat organi arizani koʻrib chiqish uchun Oʻzbekiston Respublikasi Turizm qoʻmitasi va turizm sohasidagi nodavlat notijorat tashkilotlari rahbarlari va xodimlaridan iborat tarkibda maxsus komissiya tuzadi.

Markaz maxsus komissiyaning ishchi organi hisoblanadi.

12. Maxsus komissiya ariza qabul qilingan kundan eʼtiboran:

uch ish kuni mobaynida fuqarolar yigʻinining ushbu Nizom talablari va shartlariga muvofiqligini oʻrganish yuzasidan vakolatli vakillar roʻyxatini tasdiqlaydi. Bunda, Maxsus komissiya ariza beruvchini oʻrganish sanasi va vaqti toʻgʻrisida xabardor qiladi;

yetti ish kuni ichida vakolatli vakillarning fuqarolar yigʻini hududiga oʻz vaqtida chiqishlari va oʻrganish oʻtkazishni taʼminlaydi. Vakolatli vakillar ikki ish kunida ortiq boʻlmagan vaqtda fuqarolar yigʻini hududida turistlar qabul qilish uchun yaratilgan shart-sharoitlar hamda ushbu Nizom talablariga mos kelishini oʻrganadi;

oʻn besh ish kuni ichida fuqarolar yigʻinlarini ushbu Nizom talablari va shartlariga javob berishi yoki bermasligi haqidagi xulosa tayyorlaydi hamda Maxsus komissiyaga koʻrib chiqish uchun taqdim qiladi.

13. Maxsus komissiya vakolatli vakillarning xulosasini koʻrib chiqadi va fuqarolar yigʻinigaturizm mahallasi maqomini berish yoki berishni rad etish toʻgʻrisida qaror qabul qiladi. Maxsus komissiya qaror qabul qilingan kundan eʼtiboran ikki ish kuni ichidaqarorni ariza beruvchi va vakolatli davlat organiga yuboradi.

14. Vakolatli davlat organi uch ish kuni ichida Maxsus komissiyaning qaroriga asosan ushbu Nizomga 3-ilovaga muvofiq fuqarolar yigʻiniga turizm mahallasi maqomini berish toʻgʻrisidagi guvohnoma beradi.

15. Maxsus komissiya turizm mahallasi maqomini berishni rad etish toʻgʻrisida qaror qabul qilingan taqdirda, kamchiliklarni bartaraf etish boʻyicha tavsiyalar ishlab chiqadi va uch ish kuni ichida ariza bervuchiga yuboriladi.

16. Rad etish uchun asos boʻlgan kamchiliklar bartaraf etilgandan soʻng, takroriy arizani koʻrib chiqish Maxsus komissiya tomonidan ariza kelib tushgan kundan eʼtiboran besh ish kunidan kam boʻlmagan muddatda, aniqlangan kamchiliklarni bartaraf etishni tasdiqlovchi materiallar bilan oʻtkaziladi.

Materiallarni qayta koʻrib chiqishda, rad etish toʻgʻrisidagi xabarnomada ilgari koʻrsatilmagan yangi asoslar boʻyicha rad etishga yoʻl qoʻyilmaydi.

17. Vakolatli davlat organi fuqarolar yigʻiniga turizm mahallasi maqomini bergandan soʻng, tegishli maʼlumotni “Obod qishloq” va “Obod mahalla” davlat dasturlariga birinchi navbatda kiritish uchun Vazirlar Mahkamasiga taqdim etadi.

5-bob. Fuqarolar yigʻinining huquqlari. Vakolatli davlat organining turizm mahallasi faoliyatini takomillashtirish boʻyicha vazifalari

18. Turizm mahallasi maqomini olgan fuqarolar yigʻinlari “Obod qishloq”va “Obod mahalla” davlat dasturlariga birinchi navbatda kiritiladi.

Turistlarga bepul xizmat koʻrsatadigan aholi va xodimlar turistlarga xizmat koʻrsatishning zamonaviy uslublariga muvofiq oʻqitiladi.

Fuqarolar yigʻini hududi ommaviy axborot vositalari va ijtimoiy tarmoqlarda bepul targʻib qilinadi.

Fuqarolar yigʻining goʻzal obyektlari toʻgʻrisidagi materiallar (risolalar, bukletlar, flayerlar va boshqalar) bepul nashr etiladi hamda xorijiy va mahalliy sayyohlik koʻrgazmalarida namoyish etiladi.

Turizm mahallasi maqomini olgan fuqarolar yigʻini viloyatning turistik yoʻnalishlariga birinchi navbatda kiritiladi.

Turizm mahallasi maqomini olgan fuqarolar yigʻinining aholisini tayyorlash, ushbu hududni milliy va xorijiy ommaviy axborot vositalarida targʻib qilish, shuningdek, “Turizm fuqarolar yigʻini”ning goʻzal obyektlari toʻgʻrisidagi materiallarni xorijiy va mahalliy sayyohlik koʻrgazmalarida eʼlon qilish xarajatlarini moliyalashtirish Oʻzbekiston Respublikasi Turizm qoʻmitasi huzuridagi turizmni qoʻllab-quvvatlash Jamgʻarmasi budjetdan tashqari mablagʻlari, xalqaro moliyaviy institutlar va tashkilotlarning xayriyalari, yuridik va jismoniy shaxslar, shuningdek qonun bilan taʼqiqlanmagan boshqa manbalar mablagʻlari hisobidan amalga oshiriladi.

19. Vakolatli davlat organi turizm mahallasi maqomiga ega boʻlgan fuqarolar yigʻinlari faoliyatini muvofiqlashtirib boradi.

20. Vakolatli davlat organi:

turizm sohasidagi qonunchilik hujjatlariga rioya etilishi ustidan doimiy monitoring olib boradi;

mahalliy davlat organlari, nodavlat notijorat tashkilotlari bilan birgalikda turizm sohasini, shuningdek, fuqarolar yigʻinlari bilan birgalikda turistik xizmatlar koʻrsatishni yaxshilash va turizm mahallasi hududida infratuzilmani rivojlantirish boʻyicha takliflar ishlab chiqadi;

eng yaxshi “Yilning turizm fuqarolar yigʻini” tanlovini tashkil etadi;

turizm mahallalari hisobini yuritadi;

turizm mahallalarini rivojlantirish strategiyasini ishlab chiqadi;

turizm mahallasi ishtirokchilariga davlat tomonidan va boshqa yordamlar olishda koʻmaklashadi.

Vakolatli davlat organiga qonunchilik hujjatlariga muvofiq turizm mahallasi faoliyatini takomillashtirish boʻyicha boshqa vazifalar ham yuklanishi mumkin.

6-bob. Yakunlovchi qoidalar

21. Turizm mahallasi faoliyatini nazorat qilish qonunda belgilangan tartibda amalga oshiriladi.

22. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibi toʻgʻrisidagi nizomga 1-ILOVA

Fuqarolar yigʻinlariga turistik maqomni berish

SXEMASI

Subyektlar Tadbirlar Bajarish muddati Ariza beruvchi Ushbu Nizomga 1-ilovaga muvofiq shaklda, pochta orqali yoki elektron shaklda ariza yuboradi. Ariza beruvchining xohishiga koʻra Markaz Markaz taqdim etilgan hujjatlarni toʻliqligi jihatdan koʻrib chiqadi va vakolatli davlat organiga yuboradi. 5 ish kuni ichida Maxsus komissiya fuqarolar yigʻini hududiga tashrif buyuradigan vakolatli vakillarni fuqarolar yigʻinining ushbu Nizom talablari va shartlariga muvofiqligini oʻrganish uchun roʻyxatni tasdiqlaydi. vakolatli vakillarning fuqarolar yigʻini hududiga oʻz vaqtida chiqishlarini taʼminlaydi. vakolatli vakillarning fuqarolar yigʻinlarini ushbu Nizom talablari va shartlariga javob berishi yoki bermasligi haqidagi qaror qabul qiladi. 3 ish kuni ichida 7 ish kuni ichida 15 ish kuni ichida Maxsus komissiya Fuqarolar yigʻiniga turistik maqom berish yoki berishni rad etish toʻgʻrisida qaror qabul qiladi va arizachiga yuboradi 3 ish kuni ichida Vakolatli davlat organi Maxsus komissiyaning qaroriga asosan ushbu Nizomning 3-ilovasiga muvofiq fuqarolar yigʻiniga turizm mahallasi maqomini berish toʻgʻrisidagi guvohnoma beradi. 3 ish kuni ichida Maxsus komissiya Turizm mahallasi maqomini berishni rad etish toʻgʻrisida qaror qabul qilingan taqdirda, kamchiliklarni bartaraf etish boʻyicha tavsiyalar rad etish toʻgʻrisidagi bildirishnomaga ilova qiladi va ariza beruvchiga yuboradi. 3 ish kuni ichida Ariza beruvchi Rad etish uchun asos boʻlgan kamchiliklar bartaraf etgandan soʻng, takroriy ariza topshiradi. Ariza beruvchining xohishiga koʻra Maxsus komissiya Takroriy arizani aniqlangan kamchiliklarni bartaraf etishni tasdiqlovchi materiallar bilan birga koʻrib chiqadi 5 ish kuni ichida

Fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibi toʻgʻrisidagi nizomga 2-ILOVA

Turizm fuqarolar yigʻini maqomni olish boʻyicha ARIZA 1. Joylashuvi (xarita boʻyicha kenglik va uzunlik) 2. Maydoni (gektar) 3. Aholi 4. Fuqarolar yigʻinining nomi; 5. Turistik hududni yaratish maqsadlari Aholining bilim darajasi va yashash sharoitlarini yaxshilash; Yangi ish oʻrinlarini yaratish; Infratuzilmani rivojlantirish; Aholi daromadlarining oʻsishi; Turizm infratuzilmasini diversifikatsiya qilish va rivojlantirish; Hududni ommalashtirish. 6. Yaratilgan mehmon uylari soni 7. Mehmon uylarining 07.08.2018 dagi 631-sonli VMQ da koʻrsatilgan talablarga muvofiqligi Moskeladi/ mos kelmaydi 8. Fuqarolar yigʻini hududning taklif etilayotgan chegaralarida koʻrsatilgan turizm xizmatlarining roʻyxati Gid xizmatlari, otlarni ijaraga berish, folklor, hunarmandchilik, baliq ovlash, uy muzeyi, mahorat darslar va boshqalar. 9. Hududda joylashgan diqqatga sazovor joylarning nomi 10. Fuqarolar yigʻini hududni rivojlantirish va shakllantirishning istiqbolli rejasi Qoʻshimcha mehmon uylarini yaratish; Qoʻshimcha turizm xizmatlarini yaratish; Xizmat koʻrsatish xodimlarini oʻqitish; Hududni boshqa turizm yoʻnalishlariga kiritish; Hududni tartibga solish.

Fuqarolar yigʻinlariga “Turizm mahallasi”, “Turizm qishlogʻi” va “Turizm ovuli” maqomini berish tartibi toʻgʻrisidagi nizomga 3-ILOVA

Vazirlar Mahkamasining 2020-yil 10-iyuldagi 433-son qaroriga 10-ILOVA

Turizm sohasida mutaxassislarni qayta tayyorlash va malakasini oshirish tartibi toʻgʻrisida

NIZOM

1-bob. Umumiy qoidalar

1. Ushbu Nizom Turizm sohasida mutaxassislarni qayta tayyorlash va malakasini oshirish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

malaka oshirish va qayta tayyorlash boʻyicha taʼlim muassasasi (keyingi oʻrinlarda — taʼlim muassasasi) — mazkur Nizom va boshqa qonunchilik hujjatlari talablariga asosan belgilangan turizm sohasida mutaxassislarni qayta tayyorlash hamda ularning malakasini oshirishni amalga oshiruvchi davlat va nodavlat taʼlim muassasalari;

turizm sohasi mutaxassisi — oliy yoki oʻrta-maxsus kasb diplomiga va (yoki) belgilangan namunadagi qayta tayyorlash va malaka oshirish kurslarida oʻqiganlik haqidagi diplomga ega boʻlgan jismoniy shaxs;

turizm sohasidagi mutaxassisni qayta tayyorlash — kasbiy faoliyatning qoʻshimcha turlarini amalga oshirish uchun bilim, koʻnikma va qobiliyatlarning zarur hajmi egallanishini taʼminlovchi oʻqitish shakli;

turizm sohasidagi mutaxassisning malakasini oshirish — turizm sohasida avval egallangan bilim, koʻnikma va qobiliyatlarni qoʻllab-quvvatlash, kengaytirish, chuqurlashtirish va takomillashtirishga imkon beruvchi oʻqitish shakli.

3. Turizm sohasida mutaxassislarning qayta tayyorlanishi va malakasini oshirish amalga oshiriladigan lavozim va mutaxassisliklar nomenklaturasi Oʻzbekiston Respublikasi Turizm qoʻmitasi (keyingi oʻrinlarda — Qoʻmita) tomonidan tasdiqlanadi.

4. Boshqa davlatlarda taʼlim muassasalarini tamomlagan jismoniy shaxslarga malaka oshirish va qayta tayyorlash tizimidagi oʻqitishga oliy yoki oʻrta-maxsus kasbiy maʼlumot toʻgʻrisidagi hujjat tan olinish jarayonidan oʻtgandan soʻng ruxsat etiladi.

5. Turizm sohasi mutaxassislarini qayta tayyorlash va malakasini oshirish Oʻzbekiston Respublikasining taʼlim muassasalarida amalga oshiriladi.

6. Qayta tayyorlash va malaka oshirish tizimini tashkil qilish ushbu Nizomning 1-ilovasidagi sxemaga muvofiq amalga oshiriladi.

2-bob. Turizm sohasida qayta tayyorlash va malaka oshirishning maqsad va vazifalari

7. Qayta tayyorlash va malaka oshirishning maqsadi yuqori darajadagi kasbiy faoliyatni taʼminlash uchun zarur boʻlgan kasbiy bilimlar, koʻnikma va qobiliyatlarni olish va doimiy yangilash, kasb standartlari va taʼlim dasturlari asosida kasbiy mahoratni tizimli rivojlantirishga koʻmaklashish hisoblanadi.

8. Qayta tayyorlash va malaka oshirishning vazifalari quyidagilar hisoblanadi:

funksional majburiyat va vakolatlarning samarali bajarilishini taʼminlash uchun zarur boʻlgan darajada mutaxassislarning kasbiy tayyorgarligini oshirish, ularning bilim, koʻnikma va qobiliyatlarini uzluksiz yangilash mexanizmlarini joriy qilish;

milliy iqtisodiyot, turizm sohasi, hududlardagi va umuman respublikadagi haqiqiy ehtiyojlardan kelib chiqqan holda, qayta tayyorlash va malaka oshirish tizimi tarkibini optimallashtirish;

qayta tayyorlash va malaka oshirishning bevosita va bilvosita shakllarini amaliyotga joriy etish va ularning natijalarini monitoring qilish;

turizm bozori rivojlanishining hozirgi yoʻnalishlarini eʼtiborga olgan holda, qayta tayyorlash va malaka oshirish tizimini oʻquv-uslubiy, axborot va moddiy-texnik jihatdan taʼminlash va uni takomillashtirish;

qayta tayyorlash va malaka oshirish sohasida xalqaro hamkorlikni kengaytirish;

qayta tayyorlash va malaka oshirish jarayonlarining fan va ishlab chiqarish bilan integratsiyasini, qayta tayyorlash va malaka oshirish tizimining yanada rivojlanishi va modernizatsiyasini taʼminlash.

3-bob. Turizm sohasida qayta tayyorlash va malaka oshirish tizimining tarkibi va uni boshqarish

9. Turizm sohasi mutaxassislarini qayta tayyorlash va malakasini oshirish tizimi tarkibiga Turizmni rivojlantirish ilmiy-tadqiqot instituti (keyingi oʻrinlarda — Institut), davlat va nodavlat taʼlim muassasalari hamda buyurtmachilar kiradi.

10. Qoʻmita:

turizm sohasi mutaxassislarini qayta tayyorlash va malakasini oshirish sohasida umumiy rahbarlikni amalga oshiradi;

turizm sohasi mutaxassislarini qayta tayyorlash va malakasini oshirish sohasida taʼlim jarayoni mexanizmlari va takomillashtirish usullarini belgilaydi;

turizm sohasi mutaxassislarini qayta tayyorlash va malakasini oshirish sohasidagi tegishli normativ hujjatlarni tasdiqlaydi;

turizm sohasidagi kasb standartlari hamda yoʻnalish va mutaxassisliklar Klassifikatorining qayta tayyorlash va malaka oshirish kurslari yoʻnalishlari bilan muvofiqligini taʼminlaydi.

11. Institut yagona normativ bazani ishlab chiqish va turizm sohasida mutaxassislarni qayta tayyorlash va malakasini oshirish boʻyicha taʼlim jarayonini muvofiqlashtiruvchi muassasa hisoblanadi.

12. Institutning turizm sohasidagi mutaxassislarni qayta tayyorlash va malaka oshirish tizimidagi asosiy vazifalari quyidagilar hisoblanadi:

milliy va xorijiy mutaxassislar va oʻqituvchilarni jalb qilgan holda turizm sohasi xodimlarini qayta tayyorlash va malakasini oshirishni tashkil etish;

qayta tayyorlash va malaka oshirish boʻyicha taʼlim jarayonining ilmiy-uslubiy asoslarini ishlab chiqish;

qayta tayyorlash va malaka oshirish sohasida ilgʻor xalqaro amaliyotni oʻrganish va joriy qilish;

taʼlim muassasalarining professor-oʻqituvchilar tarkibi va murabbiylarning kasbiy oʻsishiga qaratilgan, tashkilotlarning ishlab chiqarish bazasidan foydalangan holda amaliy oʻqitishning interfaol usullarini joriy qilish;

kasb va taʼlim standartlariga muvofiq holda, oʻquv dasturlari, oʻquv-uslubiy hujjatlar va turizm sohasidagi adabiyotlarni ishlab chiqish va ularning tahlilini amalga oshirish;

taʼlim muassasalariga turizm sohasidagi mutaxassislarning malakasini oshirish va qayta tayyorlash boʻyicha oʻquv-uslubiy hujjatlar va turizm sohasidagi adabiyotlarni taqdim etish, tarqatma materiallarning ishlab chiqilishi va nashr qilinishini tashkillashtirish;

malaka oshirish va qayta tayyorlash masalalari boʻyicha taʼlim muassasalari faoliyatini uslubiy qoʻllab-quvvatlash va muvofiqlashtirish;

turizm sohasi mutaxassislari kasbiy faoliyati, qayta tayyorlash va malaka oshirish oʻquv jarayoni monitoringining yagona elektron tizimi axborot resurslarini shakllantirgan va roʻyxatdan oʻtkazgan holda, turizm sohasining ishtirokchilari va qayta tayyorlash va malaka oshirish muassasalari oʻrtasidagi oʻzaro elektron aloqani taʼminlash;

qayta tayyorlash va malaka oshirish kurslari tinglovchilarining yagona reyestrini yuritadi.

13. Turizm sohasida mutaxassislarni qayta tayyorlash va malakasini oshirishning samarali jarayonini tashkillashtirish maqsadida taʼlim muassasalari:

tegishli yoʻnalishlar boʻyicha qayta tayyorlash va malaka oshirishning zarur sifatini taʼminlaydi;

kurslar doirasida sifat jihatidan tashkiliy va mahorat mashgʻulotlarini yuqori saviyada oʻtkazish uchun zarur boʻlgan oʻquv, uslubiy va moddiy-texnik bazani yaratadi;

qayta tayyorlash va malaka oshirish kurslarida mashgʻulotlarni oʻtkazish uchun yuqori malakali pedagogik kadrlar va turizm sohasidagi yetakchi amaliyotchi-mutaxassislarni, shuningdek xorijiy mutaxassislar va oʻquv-uslubiy xodimlarning keng jalb qilinishini taʼminlaydi;

fanning amaliyot bilan aloqasini taʼminlaydi, turizm sohasidagi ilmiy tadqiqotlarning natijalarini qayta tayyorlash va malaka oshirish tizimining taʼlim jarayoniga oʻz vaqtida joriy qilish mexanizmini amalga oshiradi;

qayta tayyorlash va malaka oshirish kurslarida oʻquvchilarga amaliyot va ochiq maʼruzalar hamda amaliy mashgʻulotlarning oʻtkazilishi, ularning keyingi muhokamasi va tanqidiy tahlilini tashkillashtiradi;

ilmiy-tadqiqot ishlarini tashkillashtirish va turizm sohasidagi mutaxassislarni qayta tayyorlash va malakasini oshirish jarayonini takomillashtirish uchun tavsiyalarni ishlab chiqishda ishtirok etadi;

oʻqitishda bitiruvchilarga davlat namunasidagi qayta tayyorlash va malaka oshirish toʻgʻrisidagi hujjatlarni beradi;

Institutga qayta tayyorlash va malaka oshirish kurslarini tugatgan tinglovchilar haqidagi maʼlumotlarni qayta tayyorlash va malaka oshirish kurslari tinglovchilari Yagona reyestriga kiritish uchun majburiy tartibda taqdim etadi.

14. Malaka oshirish va qayta tayyorlash tizimidagi turizm sohasi mutaxassislarini oʻqitishning buyurtmachilari vazirlik va idoralar, shuningdek, yuridik va jismoniy shaxslar hisoblanadi.

15. Buyurtmachilar:

har yili mutaxassislarning miqdor va sifat tarkibi, belgilangan kasbiy tayyorgarligi va ixtisoslik darajasi, ish tajribasi, alohida xodimlarning ishchanlik va shaxsiy sifatlarining tahlilidan kelib chiqqan holda, ularning qayta tayyorlanishi va malaka oshirishida oʻz ehtiyojlarini mustaqil ravishda belgilaydi;

qayta tayyorlash va malaka oshirish kurslarining tasdiqlangan jadvali asosida tegishli kurslarga belgilangan muddatlarda oʻz vaqtida kelishini taʼminlaydi;

kurslarni muvaffaqiyatli tamomlagan mutaxassislarning ilgʻor tajribasi, yangi bilimlari va koʻnikmalari ommalashishini tashkillashtiradi, ularning ijobiy tajribasini targʻib qilish boʻyicha choralarni koʻradi;

qayta tayyorlash va malaka oshirish kurslarining ichki monitoringini olib boradi, yuqori koʻrsatkichlarga ega boʻlgan mutaxassislarni moddiy ragʻbatlantirish mexanizmlarini ishlab chiqadi va amalga oshiradi, shuningdek, boʻsh lavozimlarni toʻldirish uchun tanlovlar oʻtkazish jarayonida ularni asosiy mezon sifatida eʼtiborga oladi.

4-bob. Turizm sohasida mutaxassislarni qayta tayyorlash va malakasini oshirishni tashkillashtirish hamda oʻtkazish tartibi

16. Sohaga oid boʻlmagan yoʻnalishdagi oliy yoki oʻrta va oʻrta-maxsus professional taʼlim muassasalarini bitirgan va turizm sohasi korxonalarida ishlayotgan mutaxassislar, ularning asosiy kasbiy maʼlumotlarini tayyorgarlik talablariga muvofiqlashtirish, ular tomonidan kasb mezoni va malaka talablari bilan belgilangan darajada kasb faoliyatini olib borishi uchun zarur va yetarli boʻlgan bilim va koʻnikmalarni egallashini taʼminlash maqsadida qayta tayyorlovdan oʻtishi tavsiya etiladi.

17. Turizm sohasi mutaxassislari faoliyat talablaridan kelib chiqqan holda, doimiy asosda, har uch yilda bir marta malaka oshirishning tegishli yoʻnalishlari boʻyicha malaka oshirishdan oʻtishi zarur.

18. Turizm sohasi mutaxassislarini qayta tayyorlash va malakasini oshirish pullik asosda amalga oshiriladi.

Oʻqitish narxi turizm sohasidagi kadrlarni qayta tayyorlash va malakasini oshirish boʻyicha oʻquv dasturining davomiyligidan kelib chiqqan holda, taʼlim muassasasi va buyurtmachi oʻrtasidagi shartnoma asosida belgilanadi.

19. Qayta tayyorlash va malaka oshirish boʻyicha taʼlim jarayonini tashkillashtirish tasdiqlangan kasbiy standartlar va malaka talablari, tegishli yoʻnalishlar boʻyicha taʼlim dasturlari, mashgʻulotlar jadvali orqali tartibga solinadi.

20. Qayta tayyorlash va malaka oshirish boʻyicha taʼlim jarayonida oʻquv mashgʻulotlarining quyidagi asosiy turlari qoʻllaniladi: maʼruza, interfaol seminarlar, amaliy mashgʻulot, sayyor mashgʻulot, tajriba almashish, mustaqil oʻqish (taʼlim), malakaviy amaliyot, loyiha ishini himoya qilish va imtihon.

Tegishli axborot-uslubiy va tashkiliy-texnik asos boʻlgan taqdirda, qayta tayyorlash va malaka oshirishning taʼlim jarayoni masofaviy oʻqitish usullaridan foydalangan holda tashkil qilinishi mumkin.

Masofaviy taʼlim onlayn shakllarda tashkillashtiriladi.

21. Barcha turdagi auditoriya mashgʻulotlarining davomiyligi 80 daqiqani, oʻquv mashgʻulotlari orasidagi tanaffus kamida 10 daqiqani tashkil etadi.

22. Qayta tayyorlash va malaka oshirishning taʼlim jarayoni, qoidaga koʻra, buyurtmachilardan kelib tushgan yillik buyurtmalar boʻyicha guruhlarning toʻlishidan kelib chiqqan holda, akademik guruhlarda tashkil qilinadi.

Tinglovchilarning kam sonli yoʻnalishlari boʻyicha taʼlim jarayonini tashkillashtirish doirasida, oʻqitishning alohida yoʻnalishlari boʻyicha belgilangan meʼyorga muvofiq guruhlarni shakllantirish uchun — bitta guruhdagi tinglovchilar soni 5 nafardan kam boʻlmagan miqdorda oʻrnatilishi mumkin.

23. Taʼlim muassasalarida turizm sohasi mutaxassislarini qayta tayyorlash va malakasini oshirish oʻqitishning quyidagi shakllari orqali amalga oshiriladi:

asosiy ishdan ajralgan holda;

asosiy ishdan qisman ajralgan holda (aralash usul);

masofaviy oʻqitish shakli yordamida asosiy ishdan ajralmagan holda.

24. Asosiy ishdan ajralgan va qisman ajralgan holda (aralash usulda) qayta tayyorlash va malaka oshirish taʼlim muassasalarida oʻtkaziladi.

25. Qayta tayyorlash kasbiy faoliyatning qoʻshimcha turlarini amalga oshirish uchun zarur boʻlgan bilim, koʻnikma va qobiliyatlarni oʻzlashtirish borasida kamida 576 akademik soat hajmdagi kasbiy qayta tayyorlash dasturlarini oʻz ichiga oladi.

Malaka oshirish oʻz ichiga quyidagi oʻqitish turlarini oladi:

turizm sohasi mutaxassislarining aniq vakolatlariga oid alohida predmetlarni oʻqitish boʻyicha qisqa muddatli mavzuli oʻqitish (18 — 72 akademik soat);

kasbiy faoliyat yoʻnalishi bilan oʻzaro bogʻliq boʻlgan, turizm sohasi va turizm bozori rivojlanishining dolzarb muammolarini chuqur oʻrganish boʻyicha uzoq muddatli oʻqitish (72 — 144 akademik soat);

kasbiy faoliyatni amalga oshirish jarayonida vujudga keluvchi boshqaruv, siyosiy, ijtimoiy-iqtisodiy, madaniy-maʼrifiy, ilmiy-texnik va boshqa masalalar boʻyicha mavzuli va muammoli seminarlar.

26. Qayta tayyorlash va malaka oshirish dasturlarining oʻzlashtirilishi taʼlim muassasalari tomonidan oʻtkaziladigan yakuniy attestatsiya bilan tasdiqlanadi va uning natijalari boʻyicha ushbu Nizomning 2-ilovasiga muvofiq, davlat namunasidagi hujjat — qayta tayyorlash haqidagi diplom beriladi.

Malaka oshirish kurslari natijalari boʻyicha ushbu Nizomning 3-ilovasiga muvofiq, malaka oshirganlik haqidagi guvohnoma beriladi.

Qayta tayyorlash va malaka oshirishni oʻzlashtirish uchun tanlangan dasturni tamomlamagan yoki attestatsiyadan oʻtmagan tinglovchilarga, taʼlim muassasalari tomonidan, oʻzlashtirilgan taʼlim dasturining haqiqiy hajmi va mazmuni aks ettirilgan akademik maʼlumotnoma beriladi.

27. Qayta tayyorlash va malaka oshirish oʻquv dasturlarini mustaqil yoki masofaviy oʻqitish texnologiyalari orqali oʻzlashtirayotgan tinglovchilarning yakuniy attestatsiyadan oʻtishiga ruxsat etiladi. Tegishli yoʻnalishlar boʻyicha yakuniy attestatsiya taʼlim muassalarining attestatsiya komissiyalarida oʻtkaziladi.

28. Asossiz sabablar bilan mashgʻulotlarni oʻtkazib yuborganligi uchun qayta tayyorlash va malaka oshirish kursining tinglovchilari safidan chetlatilganlar, takroran pullik asosda kursdan oʻtishlari, shuningdek qayta tayyorlash va malaka oshirishning navbatdagi kurslarida tegishli yoʻnalish (mutaxassislik) boʻyicha attestatsiyadan oʻtishlari lozim.

29. Attestatsiya natijalari boʻyicha qoniqarsiz baho olgan tinglovchilarga keyingi qayta tayyorlash va malaka oshirish kursida takroran imtihon topshirish imkoniyati beriladi. Takroriy imtihon topshirish imkoniyati faqat bir marta taqdim etiladi.

5-bob. Turizm sohasida mutaxassislarni qayta tayyorlash va malakasini oshirish sifatini nazorat qilish va taʼlim muassasalarining faoliyatini baholash

30. Turizm sohasida mutaxassislarni qayta tayyorlash va malakasini oshirish sifatini nazorat qilish va baholash quyidagilarni oʻz ichiga oladi:

a) ichki nazorat:

asosiy bilimlarni baholash;

yangi bilim, koʻnikma va qobiliyatlarning oʻzlashtirilganlik darajasini joriy nazorat qilish;

oʻqitish yakunlangandan soʻng mutaxassislik boʻyicha attestatsiyani oʻz ichiga olgan yakuniy nazorat;

b) Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi tomonidan amalga oshiriladigan tashqi nazorat.

31. Egallangan bilim va koʻnikmalarni baholash mezonlari, yakuniy attestatsiya oʻtkazish tartibi, qayta tayyorlash va malaka oshirish tizimidagi taʼlim jarayonining sifatini baholash mexanizmlari Qoʻmita tomonidan belgilanadi.

32. Qayta tayyorlash va malaka oshirish boʻyicha taʼlim muassasalari faoliyatini baholash tartibi qonunchilik hujjatlariga asosan tartibga solinadi.

6-bob. Taʼlim muassasalariga nisbatan talablar

33. Taʼlim muassasalari mulchilik shaklidan kelib chiqqan holda quyidagilarga ega boʻlishi lozim:

a) Oliy taʼlim, fan va innovatsiyalar vazirligi tomonidan belgilangan tartibda berilgan nodavlat taʼlim faoliyatini yuritish uchun litsenziyaning mavjud boʻlishi;

b) Oʻzbekiston Respublikasi Prezidenti Administratsiyasi huzuridagi Taʼlim sifatini taʼminlash milliy agentligi tomonidan belgilangan tartibda nodavlat taʼlim muassasalarining davlat akkreditatsiyasidan oʻtgan boʻlishi;

34. Turizm sohasida mutaxassislarni qayta tayyorlash va malakasini oshirish boʻyicha faoliyatni olib borayotgan taʼlim muassasasi quyidagi hujjatlarni kamida uch yil davomida saqlashi shart:

a) Institut bilan kelishilgan va taʼlim muassasasi tomonidan tasdiqlangan imtihon biletlari savolnomalari;

b) baholar, bilet raqamlari, imtihon komissiyasi aʼzolarining ism va familiyalari aks ettirilgan va ularning imzolari qoʻyilgan imtihon komissiyasi qaydnomasi;

v) mashgʻulotlarni oʻtkazish sanasi, mashgʻulotlarning mavzusi, oʻquv soatlari miqdori, oʻqituvchilarning familiyasi va imzosi koʻrsatilgan taʼlim jarayonida tinglovchilarning davomat jurnali;

g) hujjatlarning raqami, berilish sanasi, oʻqitish davri, oʻquv kursining nomi, tinglovchilarning familiyasi va ismi-sharifi, pasport maʼlumotlari, qayta tayyorlash va malaka oshirish toʻgʻrisidagi hujjatlarning berilganligini hisobga olish jurnali.

7-bob. Turizm sohasida mutaxassislarini qayta tayyorlash va malakasini oshirish boʻyicha oʻquv dasturlariga qoʻyiladigan talablar

35. Turizm sohasida qayta tayyorlash va malaka oshirish oʻquv-mavzuli rejalar va oʻquv dasturlari asosida amalga oshiriladi.

Oʻquv dasturlari taʼlim muassasalari tomonidan Institut bilan kelishilgan holda ishlab chiqiladi.

Oʻquv dasturlari zaruratga qarab, ammo uch yilda kamida bir marta yangilanadi.

gidlar (gid-tarjimonlar), ekskursiya yetakchilari va yoʻriqchi-yoʻlboshchilarni qayta tayyorlash hamda ularning malakasini oshirish uchun oʻquv dasturlari Turizm qoʻmitasi, Oliy taʼlim, fan va innovatsiyalar vazirligi, Oʻzbekiston Respublikasi Fanlar akademiyasi, Respublika Maʼnaviyat va maʼrifat markazi hamda Sogʻliqni saqlash vazirligi tomonidan tasdiqlanadigan namunaviy dasturlar asosida ishlab chiqiladi.

36. Oʻquv dasturlari tinglovchilarning amaldagi ehtiyojlari va ularning tayyorgarlik darajasini eʼtiborga olgan holda shakllantiriladi. Oʻquv dasturlari ishlab chiqarish xususiyatini hisobga olgan holda, turli faoliyat sohalari uchun alohida ishlab chiqilishi mumkin.

Oʻquv dasturlari asosiy va qoʻshimcha oʻquv modullariga ajratilgan holda alohida oʻquv modullariga boʻlinadi.

37. Oʻquv dasturlarining mazmuniga boʻlgan asosiy talablar, mutaxassislik boʻyicha zarur va yetarli bilim va koʻnikmalarning oʻzlashtirilishini eʼtiborga olgan holda, kasb standartlari va mutaxassisning malaka tavsifnomasiga qatʼiy muvofiqlik prinsiplariga asoslanadi.

Oʻquv dasturi fan, texnika, texnologiya va turizm bozori rivojlanishining ilgʻor yutuqlariga muvofiq holda yaratilishi, turizm taʼlimi tizimida uzluksizlik, izchillik va ketma-ketlikni taʼminlashga doir talablarga javob berishi lozim.

38. Oʻquv dasturi taʼlim oluvchilar tomonidan bilimlarni mustaqil izlash va ularni oʻzlashtirish uchun imkoniyatlarni nazarda tutishi kerak.

39. Turizm sohasida qayta tayyorlash va malaka oshirish boʻyicha oʻquv dasturlari nazorat tadbirlarida quyidagilar nazarda tutiladi:

tinglovchilarni testdan oʻtkazish;

kamida 15 ta slayd hajmidagi malakaviy loyiha (taqdimot)ni tayyorlash va himoya qilish;

namoyish imtihoni.

8-bob. Yakunlovchi qoidalar

40. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

41. Oʻz vaqtida va sifatli qayta tayyorlash va malaka oshirish uchun javobgarlik taʼlim muassasalari zimmasiga yuklatiladi.

Turizm sohasida mutaxassislarni qayta tayyorlash va malakasini oshirish tartibi toʻgʻrisidagi nizomga 1-ILOVA

Turizm sohasida mutaxassislarni qayta tayyorlash va malakasini oshirish tizimini tashkillashtirish

SXEMASI

Bosqich Subyektlar Tadbirlar Bajarish muddati 1-bosqich Vazirlik va idoralar, yuridik va jismoniy shaxslar Xodimni turizm sohasidagi mutaxassislarning qayta tayyorlash va malakasini oshirish kurslaridan oʻtish uchun yoʻllaydi. Ehtiyojdan kelib chiqqan holda 2-bosqich Taʼlim muassasalari 1. Mazkur Nizom talablariga muvofiq, mutaxassislar qayta tayyorlanishi va malakasini oshirishini tashkil qiladi. 2. Turizm sohasidagi mutaxassislarga (imtihonlardan muvaffaqiyatli oʻtgan taqdirda) qayta tayyorlash haqidagi diplom yoki malaka oshirganlik haqida belgilangan namunadagi guvohnomani topshiradi. Ushbu Nizomda belgilangan muddatlarga muvofiq 3-bosqich Qayta tayyorlash haqida diplom yoki malaka oshirganlik toʻgʻrisida guvohnoma olgan mutaxassis Turizm sohasida mutaxassislarning malakasini oshirganligi toʻgʻrisidagi guvohnoma yoki qayta tayyorlanganligi haqida diplom albatta boʻlishi shart boʻlgan lavozimlarda ishlash huquqiga ega boʻladi. Kurs natijalariga koʻra

Turizm sohasida mutaxassislarni qayta tayyorlash va malakasini oshirish tartibi toʻgʻrisidagi nizomga 2-ILOVA

Turizm sohasida mutaxassislarni qayta tayyorlash va malakasini oshirish tartibi toʻgʻrisidagi nizomga 3-ILOVA

Vazirlar Mahkamasining 2020-yil 10-iyuldagi 433-son qaroriga 11-ILOVA

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizmni rivojlantirish davlat qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisida

NIZOM

1-bob. Umumiy qoidalar

1. Ushbu Nizom Oʻzbekiston Respublikasi Turizmni rivojlantirish davlat qoʻmitasi (keyingi oʻrinlarda — Qoʻmita) huzuridagi budjetdan tashqari Turizm sohasini qoʻllab-quvvatlash jamgʻarmasi mablagʻlari hisobidan Oʻzbekistonning tarixiy va afsonaviy shaxslari toʻgʻrisidagi toʻliq metrajli badiiy, qisqa metrajli badiiy, xronikal hujjatli filmlarni suratga olish uchun grantlar ajratish, tadbirkorlik subyektlarining respublika hududlarida “karaoke” zallari va turistik koʻngilochar muassasalarni tashkil etish xarajatlarini qoplash, shuningdek, faoliyati turizm sohasi bilan bogʻliq boʻlgan jamoat tashkilotlarini institutsional qoʻllab-quvvatlash tartibini belgilaydi.

2. Ushbu Nizomda quyidagi tushunchalar qoʻllaniladi:

grant — Qoʻmita huzuridagi budjetdan tashqari Turizm sohasini qoʻllab-quvvatlash jamgʻarmasi mablagʻlari (keyingi oʻrinlarda — Jamgʻarma) hisobidan Oʻzbekistonning tarixiy va afsonaviy shaxslari toʻgʻrisidagi toʻliq va qisqa metrajli badiiy, xronikal hujjatli filmlarni suratga olish uchun tadbirkorlik subyektlari va jamoat tashkilotlariga beriladigan pul mablagʻlari;

distribyutorlik bitimi — ishlab chiqaruvchi kompaniya va distribyutor oʻrtasida tuziladigan bitim boʻlib, unda distribyutor yetkazib beruvchidan tovarlarni sotib olish va muayyan hududda targʻib qilish/realizatsiya qilish majburiyatini oladi;

institutsional qoʻllab-quvvatlash — turizm sohasini rivojlantirishga qaratilgan loyihalarni amalga oshirish, xalqaro tashkilotlarga aʼzolik badallarini toʻlash, xorijiy sheriklar bilan aloqa oʻrnatish, xizmat safari xarajatlari, koʻrgazmalarni oʻtkazish maqsadida maydonlarni ijaraga olish hamda moddiy-texnika bazasini mustahkamlash uchun faoliyati turizm sohasi bilan bogʻliq boʻlgan nodavlat notijorat tashkilotlariga (keyingi oʻrinlarda — NNTlar) Jamgʻarma mablagʻlari hisobidan ajratiladigan pul mablagʻlari;

kinoloyiha materiallari — film sinopsisi, rejissor ssenariysi va smetasi, tasvirga olish obyektlarining joylashuvi va ular toʻgʻrisidagi axborotlar, filmning ishchi hujjatlari va boshqalarni oʻz ichiga olgan materiallar toʻplami;

kompensatsiya — tadbirkorlik subyektlariga respublika hududlarida (Toshkent shahridan tashqari) “karaoke” zallari va turistik koʻngilochar muassasalarni tashkil etish xarajatlarining bir qismini Jamgʻarma mablagʻlari hisobidan qoplash maqsadida beriladigan pul mablagʻlari;

onlayn kinoteatr — qonuniy professional onlayn-video bozorida faoliyat yuritayotgan, 1 million nafardan ortiq obunachisiga ega sayt va (yoki) sayt sahifasi boʻlib, undagi kontent (foydalanuvchi interfeysi, audioyoʻlakchalar va/yoki subtitrlar) kamida ikkita xorijiy tilda yuritiladi;

talabgor — grantlar olish, kompensatsiya ajratish yoki institutsional qoʻllab-quvvatlash uchun buyurtma va boshqa hujjatlar taqdim qilgan tadbirkorlik subyektlari va faoliyati turizm sohasidagi NNTlar.

3. Soliqlar va yigʻimlar boʻyicha qarzdorligi mavjud boʻlgan, qayta tashkil etish yoki tugatish jarayonida boʻlgan tadbirkorlik subyektlari va NNTlar, Qoʻmita xodimlarining tanlovda ishtirok etishlariga yoʻl qoʻyilmaydi.

4. Talabgorlarning arizalarini koʻrib chiqish, grant, kompensatsiya qilish va institutsional qoʻllab-quvvatlash maqsadida moliyaviy yordam mablagʻlarini ajratish toʻgʻrisida qaror qabul qilish uchun Qoʻmita raisining buyrugʻi bilan tasdiqlanadigan maxsus Komissiya (keyingi oʻrinlarda — Komissiya) tarkibi shakllantiriladi.

2-bob. Tadbirkorlik subyektlariga grantlar ajratish tartibi

5. Grant bitta loyihaning 30 foizi, lekin 3 milliard soʻmdan oshmagan miqdorda ajratiladi.

Grantning umumiy miqdori har yili Jamgʻarmaning moliyaviy imkoniyatlaridan kelib chiqib, Qoʻmita tomonidan Oʻzbekiston Respublikasi Moliya vazirligi bilan kelishilgan Jamgʻarmaning daromadlar va xarajatlar smetasida tasdiqlanadi.

6. Talabgor tanlovda ishtirok etish uchun ushbu Nizomning 1-ilovasiga muvofiq shaklda ariza bilan Qoʻmitaga murojaat qiladi.

Arizaga quyidagilar ilova qilinadi:

kinoloyiha materiallari;

kinoloyiha uchun 70 foiz mablagʻning mavjudligini tasdiqlovchi bank hujjatlari;

toʻliq metrajli badiiy filmlar uchun davom etish vaqti kamida 70 daqiqalik boʻlgan badiiy filmni xalqaro kino bozorlarida sotish hamda xalqaro kinofestivallarda namoyish etish uchun targʻib qilish toʻgʻrisida xalqaro distribyuterlik bitimi yoki kafolat xati nusxasi;

qisqa metrajli badiiy filmlar uchun davom etish vaqti kamida 30 daqiqalik badiiy filmni xalqaro kinofestivallarda namoyish etish uchun targʻib qilish toʻgʻrisida xalqaro distribyuterlik bitimi yoki kafolat xati nusxasi;

hujjatli-xronikal va hujjatli-badiiy filmlar uchun davom etish vaqti kamida 40 daqiqalik filmni onlayn-kinoteatrlarda namoyish etilishini tasdiqlovchi hujjat nusxalari.

7. Loyihalar quyidagilarga yoʻnaltirilgan boʻlishi lozim:

a) Oʻzbekiston tarixi va tarixiy shaxslari haqidagi afsona va hikoyalar talqinini targʻib qilish;

b) mamlakat kinolokatsiyasini xalqaro media maydonda targʻib qilish;

v) Oʻzbekistonning turizm salohiyatini namoyish etish.

8. Grant har chorak yakunlariga koʻra, chorak tugaganidan keyingi oyning 20 sanasiga qadar mazkur yakunlangan chorakda ariza bergan tadbirkorlik subyektlariga ajratiladi.

9. Komissiya chorak davomida kelib tushgan arizalarni, chorak tugaganidan keyingi oyining 10 sanasiga qadar ushbu Nizom talablariga muvofiqligini oʻrganish asosida grant ajratish yoki rad etish toʻgʻrisida qaror qabul qiladi va qabul qilingan qaror nusxasini qaror qabul qilingan kundan boshlab bir kun ichida talabgorga yuboradi.

Grant ajratish toʻgʻrisidagi qarorda grant miqdori, tadbirkorlik subyekti nomi, joylashgan joyi (pochta manzili), grant oluvchi yuridik shaxsning nomi, STIR, tijorat bankidagi joriy hisobining rekvizitlari koʻrsatiladi.

Taqdim etilgan hujjatlarni qoʻshimcha oʻrganish zarurati tugʻilsa, Komissiya talabgorni yozma yoki elektron shaklda xabardor qiladi va arizani koʻrib chiqishni qoʻshimcha oʻn kunga uzaytirish huquqiga ega.

10. Grant rad etilgan taqdirda, grantni rad etish uchun asos boʻlgan sabablarni aniq koʻrsatgan holda qaror qabul qilingan kundan eʼtiboran bir ish kuni ichida talabgorga yuboriladi.

Talabgor qarorni olgandan keyin keyingi chorakda ushbu kamchiliklarni bartaraf etib, Qoʻmitaga ularning bartaraf etilganini tasdiqlovchi hujjatlarni ilova qilgan holda ariza bilan murojaat qilishi mumkin.

11. Grant quyidagi asoslar boʻyicha rad etilishi mumkin:

ushbu Nizomning 6-bandida koʻrsatilgan hujjatlar va maʼlumotlar taqdim etilmagan yoki toʻliq taqdim etilmagan;

kinoloyihalar ushbu Nizomning 3 va 7-bandlarida koʻrsatilgan talablarga javob bermasa.

Ushbu bandda koʻrsatilmagan boshqa asoslar boʻyicha grant ajratishni rad etish taʼqiqlanadi.

12. Komissiya tomonidan grant ajratish toʻgʻrisida qayta berilgan ariza keyingi chorak yakunlariga koʻra koʻrib chiqiladi.

Bunda, yangi, ilgari aniqlanmagan asoslar boʻyicha grant ajratishni rad etishga yoʻl qoʻyilmaydi.

13. Loyihalari maqbul deb topilgan talabgorlar bilan Qoʻmita shartnoma tuzadi.

3-bob. Tadbirkorlik subyektlarining respublika hududlarida turistik koʻngilochar muassasalarni tashkil etish xarajatlarini qoplash tartibi

14. Tadbirkorlik subyektlariga respublika hududlarida (Toshkent shahridan tashqari) turistik koʻngilochar muassasalarni tashkil etish xarajatlarining bir qismini qoplash maqsadida har bir loyihaga kompensatsiya koʻrinishida 10 million soʻm miqdorida pul mablagʻlari taqdim etiladi.

15. Quyidagi turistik koʻngilochar muassasalarni tashkil etish va faoliyatini yoʻlga qoʻyish bilan bogʻliq xarajatlar qoplanadi:

Lazertag, basseyn, kvest-animatsiya, roller-dromlar (rollerda uchuvchilar uchun turli xil qiyaliklar va har xil balandlikdagi devorlarga ega boʻlgan maxsus jihozlangan platforma), velodrom (velosipedda mashq qilish va musobaqa uyushtirishga moʻljallangan inshoot), motokross, karting, sport labirinti, batut markazi, peyntbol, kuzatuv minorasi, djamping, flaybording, parashutdan sakrash, planetariya, karaoke zallari, myuzik-xoll, raqs klubi va boshqa innovatsion turistik koʻngilochar maskanlar.

16. Kompensatsiya mablagʻlarining umumiy hajmi yiliga 1 milliard soʻmgacha miqdorni tashkil etib, Qoʻmita tomonidan Oʻzbekiston Respublikasi Moliya vazirligi bilan kelishilgan Jamgʻarmaning daromadlar va xarajatlar smetasida tasdiqlanadi.

17. Talabgor kompensatsiya olish uchun ushbu Nizomning 1-ilovasiga muvofiq shaklda ariza bilan Qoʻmitaga murojaat qiladi.

Arizaga quyidagilar ilova qilinadi:

a) talabgorning tadbirkorlik subyekti sifatida davlat roʻyxatidan oʻtganligi haqidagi guvohnoma nusxasi;

b) karaoke zallari va turistik koʻngilochar muassasalarning professional asbob-uskunalar bilan jihozlanganligini tasdiqlovchi hujjatlar.

18. Komissiya arizalarni besh ish kuni davomida hujjatlarning ushbu Nizom talablariga muvofiqligini tekshiradi.

19. Kompensatsiya rad etilgan taqdirda, kompensatsiyani rad etish uchun asos boʻlgan sabablarni aniq koʻrsatgan holda qaror qabul qilingan kundan eʼtiboran bir ish kuni ichida talabgorga yuboriladi.

Talabgor qarorni olgandan keyin bir oy ichida ushbu kamchiliklarni bartaraf etadi va Qoʻmitaga ularni bartaraf etish uchun tasdiqlovchi hujjatlarni ilova qilib qayta murojaat qilishi mumkin.

20. Kompensatsiya quyidagi asoslar boʻyicha rad etilishi mumkin:

ushbu Nizomning 17-bandida koʻrsatilgan hujjatlar va maʼlumotlar toʻliq taqdim etilmaganda;

tadbirkorlik subyekti ushbu Nizomning 3-bandida koʻrsatilgan talablarga javob bermasa.

Ushbu bandda koʻrsatilmagan boshqa asoslar boʻyicha kompensatsiyani rad etish taqiqlanadi.

21. Komissiya tomonidan kompensatsiya olish toʻgʻrisida qayta berilgan ariza besh ish kuni davomida koʻrib chiqiladi.

Bunda, yangi, ilgari aniqlanmagan asoslar boʻyicha kompensatsiyani rad etishga yoʻl qoʻyilmaydi.

4-bob. Faoliyati turizm sohasi bilan bogʻliq boʻlgan jamoat tashkilotlari faoliyatini institutsional qoʻllab-quvvatlash

22. NNTlarni institutsional qoʻllab-quvvatlash uchun Jamgʻarma mablagʻlari hisobidan begʻaraz moliyaviy yordam koʻrsatish quyidagi yoʻnalishlardagi xarajatlarini qoplash uchun amalga oshiriladi:

a) xalqaro tashkilotlarga aʼzolik badallarini toʻlash;

b) xorijiy hamkorlar bilan aloqa oʻrnatish;

v) turizm sohasini rivojlantirish maqsadida tashkil etilgan xizmat safari xarajatlarini qoplash;

g) Oʻzbekistonning turizm salohiyatiga bagʻishlangan taqdimotlarni oʻtkazish uchun maydonlarni ijaraga olish;

d) Oʻzbekistonning turizm salohiyatini rivojlantirishga;

e) turizm brendini xalqaro bozorlarda targʻib qilishga;

j) yangi turizm mahsulotlari va yoʻnalishlarini joriy qilishga;

z) turizm sohasidagi loyihalarning texnikaviy-iqtisodiy asoslarini ishlab chiqishga qaratilgan boshqa xarajatlar.

23. Begʻaraz moliyaviy yordamning umumiy hajmi yiliga bazaviy hisoblash miqdorining 10 ming barobarigacha miqdorni tashkil etib, Qoʻmita tomonidan Oʻzbekiston Respublikasi Moliya vazirligi bilan kelishilgan Jamgʻarmaning daromadlar va xarajatlar smetasida tasdiqlanadi.

24. NNT oʻrtasida moliyaviy yordam mablagʻlarini taqsimlash Komissiya tomonidan amalga oshiriladi.

25. NNT Qoʻmitaga ushbu Nizomning 2-ilovasiga muvofiq shaklda talabnoma va ariza bilan murojaat qiladi.

26. Komissiya NNT arizalarini Qoʻmitaning rasmiy veb saytida (www.uzbektourism.uz) institutsional qoʻllab-quvvatlash uchun arizalar qabul qilish boshlanganligi haqidagi xabar rasman eʼlon qilingan sanadan boshlab 30 kun davomida qabul qiladi.

27. Komissiya tomonidan arizani koʻrib chiqish muddati arizalarni qabul qilish tugagan kundan boshlab bir oydan oshmasligi kerak.

28. Komissiya tomonidan talabnoma va arizalar oʻn ish kuni mobaynida koʻrib chiqiladi va quyidagi mezonlar asosida begʻaraz pul mablagʻlari ajratish yoki ajratishni rad etish toʻgʻrisida qaror qabul qiladi:

a) xarajatlarning asoslanganligi;

b) muayyan yil uchun amalga oshirladigan ishlar taqvimiy rejasi (keyingi oʻrinlarda — reja)ning ishlanganligi, sifati va batafsillik darajasi;

v) rejaning turizm sohasini rivojlantirishning ustuvor yoʻnalishlariga mosligi;

g) tadbirlarning dolzarbligi va kutiladigan natijaning realligi;

d) shunga oʻxshash maqsadlarga erishishda tajribaning mavjudligi.

Komissiya mablagʻlar ajratish yoki rad etish toʻgʻrisida qaror qabul qiladi va qabul qilingan qaror nusxasini qaror qabul qilingan kundan boshlab bir kun ichida ariza beruvchiga yuboradi.

29. Begʻaraz moliyaviy yordam mablagʻlarini ajratish rad etilgan taqdirda, rad etish uchun asos boʻlgan sabablarni aniq koʻrsatgan holda qaror qabul qilingan kundan eʼtiboran bir ish kuni ichida talabgorga yuboriladi.

Talabgor qarorni olgandan keyin bir oydan koʻp boʻlmagan muddatda koʻrsatilgan kamchiliklarni bartaraf etib, qayta kiritish huquqiga ega.

30. Komissiya tomonidan koʻrsatib oʻtilgan kamchiliklar bartaraf etilmasdan kiritilgan arizalar qayta koʻrib chiqilmaydi.

31. Ajratiladigan mablagʻlar miqdori NNT talabnomasida koʻrsatilgan loyiha, taqdimotlar va boshqa hujjatlar bilan asoslangan summaga bogʻliq boʻladi.

32. Begʻaraz moliyaviy yordam mablagʻlarini ajratish Komissiya qaroriga asosan amalga oshiriladi. Qaror bayonnoma asosida rasmiylashtiriladi.

33. Qoʻmita NNTlar bilan rejadagi loyihalarni amalga oshirish yuzasidan oʻzaro begʻaraz moliyaviy yordam mablagʻlarini ajratish boʻyicha shartnoma tuzadi.

34. NNT qoida tariqasida bir yilda bir marotaba ariza bilan murojaat qilishi mumkin.

5-bob. Nodavlat notijorat tashkilotlari tomonidan ajratilgan mablagʻlardan foydalanish tartibi

35. Ajratilgan mablagʻlar hisobidan quyidagi xarajatlar qilinishiga yoʻl qoʻyilmaydi:

a) xayriya aksiyalari va bu turdagi xayriya ehsonlari;

b) moddiy yordam sifatida tarqatish uchun oziq-ovqat mahsulotlari va ashyolarni xarid qilish;

v) siyosiy partiyalarni moliyalashtirish;

g) NNTning Ustavida nazarda tutilmagan boshqa faoliyat turlari va xarajatlari.

36. Ajratilgan mablagʻlardan quyidagi xarajatlar uchun NNT sarflashga haqli hisoblanadi:

a) turizm sohasidagi loyihalarni ishlab chiqishda ishtirok etgan mutaxassislarining fuqarolik-huquqiy shartnomalar asosida yollanish xarajatlari shu jumladan, ish haqi;

b) turizm sohasidagi boshqa, shu jumladan xorijiy tashkilot va muassasalarning xizmatlari uchun toʻlov xarajatlari;

v) turizm sohasi doirasida tegishli loyihalarni amalga oshirish bilan bogʻliq bino, asbob-uskunalarni ijaraga olish;

g) ommaviy axborot vositalarida turizmni keng targʻib qilish;

d) moddiy-texnik bazani takomillashtirish, tegishli jihozlar xarid qilish;

e) turizm sohasi vakillari bilan uchrashuvlar tashkil qilish, xizmat safarlari, transport xarajatlari;

j) turizm sohasi bilan bogʻliq boshqa xarajatlar.

6-bob. Mablagʻlarni sarflanishini monitoring qilish tartibi

37. Qoʻmita ajratilgan grant va moliyaviy yordam mablagʻlarining maqsadli sarflanishini monitoringini amalga oshiradi.

Grant va moliyaviy yordam oluvchilar Qoʻmitaning talabiga binoan ushbu monitoringni oʻtkazish uchun zarur boʻlgan hujjatlar va maʼlumotlarni belgilangan shakl boʻyicha har chorak yakuni bilan taqdim etishi shart.

38. Institutsional yordam olgan NNTlar, Qoʻmitaga ushbu Nizomning 3 va 4-ilovalariga muvofiq shakl boʻyicha, moliyaviy va tahliliy hisobotlarini taqdim etadi.

39. Hisobotlar har chorak yakuni boʻyicha keyingi oyning 10 sanasiga qadar Qoʻmitaga taqdim etib borilishi lozim. Hisobotlar belgilangan muddatlarda uzrli sabablarsiz taqdim etilmaganda Qoʻmita tomonidan bir tomonlama tartibda shartnoma bekor qilinadi.

40. Taqdim etilgan hisobotlarda mablagʻlar maqsadsiz ishlatilgan (sarflangan) holat aniqlanganda, Qoʻmita taqdim qilingan mablagʻlarini maqsadsiz ishlatishga yoʻl qoʻyganlikda aybdor boʻlgan shaxslarga nisbatan javobgarlik choralarini qoʻzgʻatadi, shuningdek, ajratilgan mablagʻlarni undirish choralarini koʻradi.

41. Talabgor soʻralayotgan mablagʻ boʻyicha taqdim qilingan hujjatlarning muvofiqligi va mablagʻlarining maqsadli ishlatilishi uchun shaxsan javobgardir.

7-bob. Komissiyani shakllantirish tartibi

42. Komissiya faoliyati oshkoralik, holisona baholash, talablarning bir xilligi va teng raqobat sharoitlarini yaratish tamoyillariga rioya qilgan holda, komissiyaning vakolatiga kiruvchi masalalarni bamaslahat muhokama qilish va hal etish asosida amalga oshiriladi.

Komissiya tarkibi Qoʻmita raisining buyrugʻi bilan tasdiqlanadi. Komissiya tarkibiga Qoʻmita xodimlari bilan bir qatorda, moliya idoralari, ilmiy-tadqiqot muassasalari vakillari hamda soha mutaxassislari jalb etilishi mumkin.

43. Komissiya qarori, uning tarkibiga tayinlanganlarning uchdan ikki qismi (2/3) qatnashsa, haqiqiy hisoblanadi. Komissiya qarori oddiy koʻpchilik ovoz bilan qabul qilinadi. Ovozlar teng boʻlgan taqdirda, Komissiya raisining ovozi hal qiluvchi hisoblanadi. Komissiyaning faoliyatini tashkiliy-texnikaviy taʼminlash Qoʻmita tomonidan amalga oshiriladi.

44. Ochiqlik va oshkoralikni taʼminlash maqsadida, talabnomalarni koʻrib chiqish boʻyicha komissiya majlislarida OAV vakillari, turizm sohasidagi tadbirkorlik subyektlari va davlat organlarining vakillari ishtirok etishlari mumkin.

8-bob. Komissiya vakolatlariga kiruvchi funksiya va vazifalar

45. Komissiya majlislari oraligʻidagi tashkiliy ishlarni tayinlangan tarkibning butun ish faoliyati davri uchun Komissiya aʼzolari orasidan saylanadigan komissiya kotibi olib boradi.

46. Komissiya kotibi:

a) talabgorlar va NNTni tashkiliy xususiyatga ega zarur axborot bilan taʼminlaydi;

b) arizalarni, loyihalarni va taqdimot materiallarini qabul qiladi va ularni Komissiya aʼzolariga yuboradi;

v) Komissiya bayonnomalarini tayyorlaydi;

g) talabgorlar taqdimotlarini oʻtkazishni tashkil qiladi.

47. Komissiya:

a) talabgorlarning talabnomalarini kelib tushishiga qarab xronologik tartibda roʻyxatga oladi;

b) qabul qilingan talabnomalarni oʻrganish va tahlil qilish boʻyicha majlislar oʻtkazadi. Tahlil quyidagilarni aniqlash uchun oʻtkaziladi:

talabgorning yozma arizasida koʻrsatilgan har bir yoʻnalish boʻyicha moliyalashtirishning maqsadga muvofiqligini;

sotib olinadigan moddiy boyliklar, jalb qilinadigan ishlar va xizmatlarga talabgor tomonidan taklif etilgan narxlarning asosli ekanligini;

v) Qoʻmitaning Moliya-iqtisod boshqarmasi va tarkibiy boʻlinmalari bilan birgalikda moliyaviy yordam mablagʻlarining sarflanishini monitoring qiladi;

48. Komissiya qarori bayonnoma bilan rasmiylashtiriladi va uni Komissiyaning hamma aʼzolari imzolaydi.

49. Komissiya talabgorning arizasini hamda talabgor toʻgʻrisida oʻrganilayotgan masalaga daxldor boshqa mavjud materiallarni tahlil qiladi.

50. Taqdim qilingan har bir pul mablagʻi boʻyicha Komissiya alohida ish jild shakllantiradi.

9-bob. Grant, moliyaviy yordam mablagʻlari va kompensatsiya ajratish tartibi

51. Grant, moliyaviy yordam mablagʻlari va kompensatsiya Jamgʻarmadan ajratiladi va Qoʻmita tomonidan ariza beruvchilaring ularga xizmat koʻrsatuvchi tijorat banklardagi hisobvaraqlariga oʻtkazib beriladi.

52. Grant, moliyaviy yordam mablagʻlari va kompensatsiya ajratish boʻyicha Qoʻmita tomonidan qaror qabul qilingandan soʻng ularni Qoʻmita besh ish kunida tadbirkorlik subyektlari va NNTlarning ularga xizmat koʻrsatuvchi tijorat banklardagi hisobraqamlariga oʻtkazib beradi.

10-bob. Yakunlovchi qoidalar

53. Komissiya ushbu Nizomda belgilangan chora-tadbirlar samaradorligini monitoring qiladi, shuningdek, zaruratga koʻra, uni oʻzgartirish yoki toʻldirish boʻyicha Komissiya raisiga umumlashtirilgan takliflar kiritadi.

54. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizmni rivojlantirish davlat qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisidagi nizomga 1-ILOVA

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizmni rivojlantirish davlat qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisidagi nizomga 2-ILOVA

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizmni rivojlantirish davlat qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisidagi nizomga 3-ILOVA

Tadbirkorlik subyektlariga grantlar berish, kompensatsiya va moliyaviy yordam koʻrsatish hamda Oʻzbekiston Respublikasi Turizmni rivojlantirish davlat qoʻmitasining hamkorlari — nodavlat notijorat tashkilotlarini institutsional qoʻllab-quvvatlash toʻgʻrisidagi nizomga 4-ILOVA

Vazirlar Mahkamasining 2020-yil 10-iyuldagi 433-son qaroriga 12-ILOVA

Turistik axborot markazlarini tashkil etish va faoliyatini yoʻlga qoʻyish tartibi toʻgʻrisida

NIZOM

1-bob. Umumiy qoidalar

1. Ushbu Nizom turistik axborot markazlarini tashkil qilish va faoliyatini yoʻlga qoʻyishning tartibi va shartlarini belgilaydi.

2. Ushbu Nizomda quyidagi asosiy tushunchalar qoʻllaniladi:

arizachi — turistik axborot markazini tashkil qilish tashabbusi bilan chiqqan va belgilangan tartibda uni Reyestrga kiritish uchun ariza bergan xoʻjalik yurituvchi subyekt;

vakolatli tashkilot — Oʻzbekiston Respublikasi Turizmni rivojlantirish davlat qoʻmitasi huzuridagi “Turistlarga xizmat koʻrsatish markazi” DUK;

Turistik axborot markazlarining yagona reyestri (keyingi oʻrinlarda — Reyestr) — Oʻzbekiston Respublikasi Turizmni rivojlantirish davlat qoʻmitasi huzuridagi “Turistlarga xizmat koʻrsatish markazi” DUK tomonidan yuritiladigan turistik axborot markazlariga oid maʼlumotlar bazasi;

turistik axborot markazi egasi — Reyestrga kiritilgan xoʻjalik yurituvchi subyekt;

turistik axborot markazi — jismoniy va yuridik shaxslarni turistik resurslar hamda turistik industriya obyektlari toʻgʻrisida xabardor qilish, shuningdek, turistik bozorlarda turistik mahsulotlarni targʻib qilish boʻyicha faoliyatni amalga oshiruvchi markaz.

3. Turistik axborot markazi:

Oʻzbekiston Respublikasida kirish va ichki turizmni rivojlantirish, uning turistik salohiyati toʻgʻrisidagi axborotni shakllantirish va tarqatishga koʻmak berish maqsadida;

Oʻzbekiston Respublikasi maʼmuriy-hududiy birliklari hududida turizm resurslari, turizm sayohat yoʻnalishlari, turizm zonalarining mavjudligi va oʻziga xosligini hisobga olgan holda tashkil qilinadi.

4. Quyidagi turistik axborot markazining vazifalari hisoblanadi:

sifatli axborot xizmatini koʻrsatish, turist va ekskursantlar hohish va istaklarini aniqlash;

Oʻzbekiston Respublikasi turizm salohiyatini mamlakat ichida va chet elda targʻib qilish;

turizm infratuzilmasini rivojlantirish boʻyicha takliflar ishlab chiqish;

Oʻzbekiston Respublikasi milliy madaniyati, anʼana va yutuqlarini targʻib etish;

turistlarga sayohat uchun birinchi navbatdagi xizmatlar va tovarlarni taqdim qilish.

5. Oʻziga yuklatilgan vazifalarni amalga oshirish maqsadida turistik axborot markazi quyidagi funksiyalarni amalga oshiradi:

xalqaro tashkilotlar, davlat organlari va tashkilotlari, turizm sohasi subyektlari va ishtirokchilari bilan hamkorlik qilish;

Oʻzbekiston Respublikasidagi diqqatga sazovor joylar, sanʼat, tarix va arxitektura yodgorliklari, muhofaza etiladigan tabiiy hududlar, turizm obyektlari, taklif qilinayotgan ekskursiyalar, ommaviy-madaniy tadbirlar, koʻrgazma, festival, transport harakati jadvallari va turizm sohasi subyektlari va ishtirokchilari uchun zarur boshqa dolzarb va tezkor maʼlumotlarni zamonaviy texnologiyalardan foydalangan holda taqdim etish;

Oʻzbekiston Respublikasi va hududlarining turizm salohiyati toʻgʻrisidagi maʼlumotlarni yigʻish va qayta ishlash;

Oʻzbekiston Respublikasi va uning turizm salohiyati toʻgʻrisidagi maʼlumotlarni shakllantirish va tarqatish maqsadida ommaviy axborot vositalari bilan hamkorlik qilish;

turizm faoliyati subyektlari va ishtirokchilari uchun axborot mahsulotlarini tarqatish (bukletlar, xaritalar, reklama prospektlari va boshqalar);

Oʻzbekiston Respublikasi va hududlarining turistik jozibadorligini oshirish maqsadida reklama va marketing faoliyatini amalga oshirish;

Oʻzbekiston Respublikasi va hududlarining turizm salohiyati toʻgʻrisidagi maʼlumotni turizm faoliyati subyektlariga taqdim etish.

2-bob. Turistik axborot markazlarini tashkil etish va ularning Reyestrini yuritish

6. Turistik axborot markazi Oʻzbekiston Respublikasi Turizmni rivojlantirish davlat qoʻmitasi (keyingi oʻrinlarda — Qoʻmita), davlat hoqimiyati va boshqaruvining boshqa organlari, mahalliy ijro etuvchi hokimiyat organlari, yuridik va jismoniy shaxslar tomonidan qonunchilik hujjatlariga muvofiq matlubot kooperativi, fermer xoʻjaliklaridan tashqari barcha turdagi tashkiliy-huquqiy shakllarda tashkil etiladi. Turistik axborot markazi yuridik shaxsning tuzilmaviy boʻlinmasi, shu jumladan alohida tashkilot shaklida tashkil etilishi mumkin.

7. Turistik axborot markazi faoliyati oʻz mablagʻlari hisobidan, shuningdek, qonunchilik hujjatlarida taqiqlanmagan boshqa manbalar hisobidan moliyalashtiriladi.

8. Turistik axborot markazini Reyestrga kiritish uning faoliyatini tashkil etishning majburiy sharti hisoblanadi. Markazni Reyestrga kiritish uni oʻrganish dalolatnomasi asosida Reyestrdan tegishli koʻchirma berish yoʻli bilan amalga oshiriladi.

9. Reyestr vakolatli organ tomonidan yuritiladi.

10. Reyestrni yuritish quyidagilarni nazarda tutadi:

turistik axborot markazini individual reyestr raqamini bergan holda mazkur Nizomning 1-ilovasiga muvofiq roʻyxat boʻyicha Markaz toʻgʻrisidagi maʼlumotlarni maʼlumotlar bazasiga kiritish;

maʼlumotlar bazasini Internet butunjahon axborot tarmogʻida onlayn rejimda yangilab borish.

11. Reyestr elektron shaklda yuritiladi va vakolatli organning rasmiy veb-saytiga joylashtirilishi lozim.

12. Arizachi uni Reyestrga kiritish uchun vakolatli organga mazkur Nizomning 2-ilovasiga muvofiq shakl boʻyicha ariza bilan murojaat qiladi.

Arizani koʻrib chiqqanlik uchun toʻlov undirilmaydi.

13. Ishonchsiz yoki buzib koʻrsatilgan maʼlumotlar taqdim etganlik uchun arizachi qonunchilik hujjatlariga muvofiq javobgar boʻladi.

14. Arizachi tomonidan ariza vakolatli organga bevosita, pochta aloqa vositalari orqali yoki elektron shaklda, uni olganligi toʻgʻrisidagi bildirish xati bilan taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

15. Vakolatli organ hujjatlarni ularni olgan kundan eʼtiboran besh ish kuni ichida koʻrib chiqadi, shuningdek, ularning mazkur Nizom va “Turizm axborot byurolari. Turizm axboroti va qabul qilish xizmatlari. Talablar” (ISO 14785:2014, ITD) Oʻzbekiston Respublikasi Davlat standartida nazarda tutilgan talablarga muvofiqligini oʻrganib chiqadi.

16. Oʻrganib chiqish natijalari yuzasidan vakolatli organ ushbu Nizomning 3-ilovasiga muvofiq shaklda dalolatnoma rasmiylashtiradi.

17. Turistik axborot markazi talab etilayotgan majburiy shartlarga muvofiq boʻlmagan taqdirda, vakolatli organ dalolatnoma rasmiylashtirilgan kundan boshlab ikki ish kuni ichida arizachiga turistik axborot markazini Reyestrga kiritishni rad etish sabablari hamda ularni bartaraf qilish va qayta koʻrib chiqish uchun hujjatlarni taqdim etish muddati (uch oygacha)ni koʻrsatgan holda yozma shaklda bildirish xati yuboradi.

18. Arizachi tomonidan turistik axborot markazini Reyestrga kiritish rad etilishiga asos boʻlgan kamchiliklar bartaraf etilgan taqdirda, vakolatli organ ikki ish kuni ichida koʻrib chiqish natijalari yuzasidan qoʻshimcha dalolatnoma rasmiylashtirgan holda hujjatlarni qayta koʻrib chiqadi.

Qayta koʻrib chiqishda vakolatli organ tomonidan muqaddam arizachiga yozma bildirish xatida bayon etilmagan rad etish sabablari koʻrsatilishiga yoʻl qoʻyilmaydi.

19. Turistik axborot markazi talab etilayotgan majburiy shartlarga muvofiq boʻlgan taqdirda, vakolatli organ bir ish kuni ichida Markazga individual reyestr raqamini bergan holda uni Reyestrga kiritadi va arizachiga ushbu Nizomning 4-ilovasiga muvofiq shakldagi Reyestrdan koʻchirma beradi.

20. Reyestrga kiritilgan maʼlumotlar oʻzgargan taqdirda turistik axborot markazi egasi ushbu oʻzgarish yuzaga kelgan vaqtdan boshlab uch ish kuni ichida tasdiqlovchi hujjatlarni ilova qilgan holda vakolatli organni xabardor qilishlari shart.

Mazkur bandda nazarda tutilgan hujjatlar turistik axborot markazi egalari tomonidan vakolatli organga bevosita, pochta aloqa vositalari yoki elektron shaklda uni olganligi toʻgʻrisidagi bildirish xati bilan taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

21. Turistik axborot markazini Reyestrdan chiqarish quyidagi hollarda amalga oshiriladi:

turistik axborot markazi egasi Reyestrdan ixtiyoriy ravishda chiqarish toʻgʻrisidagi ariza bersa;

turistik axborot markazi qonunchilik hujjatlarida belgilangan tartibda tugatilsa;

vakolatli organ tomonidan oʻrganish va turistlarni anketalashtirish davomida turistik axborot markazi tomonidan mazkur Nizom talablarining muntazam (ikki va undan ortiq) ravishda buzilganligi aniqlansa.

Oʻrganish jarayonida aniqlangan buzilishlar turistik axborot markazi egasi tomonidan bartaraf etilgandan soʻng, u Reyestrga kiritish toʻgʻrisida takroran ariza topshirishi mumkin.

22. Arizachi va turistik axborot markazi egasi vakolatli organning harakatlari (harakatsizligi) ustidan qonunchilik hujjatlarida belgilangan tartibda shikoyat qilishga haqli.

23. Vakolatli organ Reyestrdan berilgan va qayta rasmiylashtirilgan koʻchirmalar, shuningdek, Reyestrdan chiqarilgan turistik axborot markazi toʻgʻrisidagi maʼlumotlarning dolzarb holatda elektron shaklda saqlanishini va oʻzining veb-saytida onlayn rejimda eʼlon qilinishini taʼminlaydi.

3-bob. Turistik axborot markazi atrof hududi, bino va ish rejimiga boʻlgan talablar

24. Turistik axborot markazi “Turizm axborot byurolari. Turizm axboroti va qabul qilish xizmatlari. Talablar” (ISO 14785:2014, ITD) Oʻzbekiston Respublikasi Davlat standartiga muvofiq oq rangdagi “i” harfi yashil fonda joylashgan axborot belgisi bilan belgilanadi hamda u Markaz joylashgan joydagi peshtaxta, axborot stendida (tablo) joylashadi.

Binoning tashqi tomonida Oʻzbekiston turizm portali (uzbekistan.travel) va uning QR-kodi, Qoʻmitaning “Call” markazi va tegishli hududiy ichki ishlar organi xavfsiz turizm boʻlinmasining (mavjud hududlarda) telefon raqami toʻgʻrisidagi maʼlumot joylashtirilgan jadval ilingan boʻlishi lozim.

25. Turistik axborot markazi binosi turistlar va ekskursantlar bilan ishlash imkoniyatini beruvchi, shaxsiy kompyuterlar (Internet butunjahon axborot tarmogʻiga ulangan) va tegishli orgtexnika (printer, skaner, nusxa koʻchirish qurilmasi va boshqalar) bilan taʼminlangan ish joylari bilan jihozlanadi.

26. Turistik axborot markazi binosi nogironligi boʻlgan shaxslarning toʻsiqsiz kirishlari uchun markaz binosi va unga tutash hududlar texnik jihatdan tartibga solish sohasidagi normativ hujjatlar talablariga muvofiq loyihalashtiriladi.

27. Turistik axborot markazi turistlar uchun imkon qadar qulay joyda (shahar markazlari, yodgorliklar atrofi, transport bekatlari, chegara oʻtkazish punktlari, shuningdek, alohida turizm obyektlariga olib boradigan magistral yoʻllar) tashkil qilinadi.

Turistik axborot markazlari Oʻzbekiston Respublikasi Davlat chegarasi orqali oʻtkazish punktlarida bepul joylashtiriladi. Turistik axborot markazlari xodimlarining chegara oʻtkazish punktlariga kirib-chiqishi ularning ushbu axborot markazida faoliyat olib borishini tasdiqlovchi belgilangan namunadagi hujjat va Oʻzbekiston Respublikasi Davlat xavfsizlik xizmati Chegara qoʻshinlari tomonidan beriladigan ruxsatnoma asosida amalga oshiriladi.

Turistik axborot markazini piyodalarning harakatlanishi cheklangan joylarda joylashtirish taqiqlanadi.

28. Turistik axborot markazi tomonidan turistlar va ekskursantlar qabuli har kuni, bayram va dam olish kunlaridan qatʼi nazar amalga oshiriladi.

Turistik axborot markazining ish jadvali vakolatli organ bilan kelishgan holda turizm mavsumi va oʻtkaziladigan keng koʻlamli tadbirlardan kelib chiqib belgilanadi.

Turizm xizmatlariga boʻlgan talab oshgan davrda, shu jumladan keng koʻlamli ommaviy sport, sogʻlomlashtirish, madaniy va boshqa tadbirlar vaqtida, turistik axborot markazi tomonidan uning rahbari qaroriga asosan xizmatlar yigirma toʻrt soat davomida uzluksiz koʻrsatilishi mumkin. Markazning ish jadvali binoning kirish qismiga ilingan boʻlishi shart.

29. Turistik axborot markazi toʻliq stavkada ishlovchi kamida bir nafar xodim bilan taʼminlanishi lozim. Xodimning ish joyi yoki beydj-kartasida uning lavozimi, familiyasi, ismi, otasining ismi koʻrsatilishi kerak.

4-bob. Pullik va bepul xizmatlar koʻrsatish

30. Turistik axborot markazi turistlar va ekskursantlar talabiga asosan quyidagi toʻgʻrisidagi maʼlumotlarni bepul taqdim qilishi lozim:

chet el fuqarolari va fuqaroligi boʻlmagan shaxslarning Oʻzbekiston Respublikasida boʻlish tartibi;

turistlarni qiziqtirgan madaniy obyektlar toʻgʻrisidagi maʼlumotlar;

madaniy, sport, ommaviy va boshqa muhim tadbirlar haqida maʼlumotlar;

turistik yoʻnalishlar;

transport qatnovi, avtomobillar ijarasi;

umumiy ovqatlanish, savdo va maishiy xizmat koʻrsatish shoxobchalari;

mehmonxona va shu kabi joylashtirish vositalari;

tibbiy xizmat koʻrsatish shoxobchalari;

turizm obyektlarining ekologik holati va atrof-muhit;

turoperatorlar, gid, ekskursiya yetakchisi va yoʻriqchi-kuzatuvchi;

turli favqulodda vaziyatlar.

Bundan tashqari, Markazda quyidagi bepul xizmatlar boʻlishi kerak:

turistlar tomonidan shaharlararo telefondan foydalanish;

mustaqil sayohat qilib, chodirli lagerlarda hamda tunash uchun joylashtirish vositasiga aylantirilgan yer transportida yashaydigan chet el fuqarolari va fuqaroligi boʻlmagan shaxslarni roʻyxatdan oʻtish majburiyati va murojaat qilgan holda “E-mehmon” tizimida roʻyxatdan oʻtkazish;

Oʻzbekiston va hududlarning turizm salohiyatiga oid turizm xaritalari, broshuralar va boshqa tarqatma materiallarni taqdim etish.

Turistik axborot markazi turizm xaritalari, broshuralar va boshqa tarqatma materiallar bilan Qoʻmita tomonidan bepul taʼminlanadi.

31. Turistik axborot markazi tomonidan quyidagi pullik xizmatlar ham koʻrsatilishi mumkin:

bron qilish (avia, temir yoʻl chiptalari, mehmonxona xonalari, jamoat transportiga, madaniy meros obyektlari, muzeylar, galereyalarga chiptalar va boshqalar);

sim-karta, Internet aloqasi, suvenir mahsulotlari (shu jumladan xalq xunarmandchiligi, sanʼat mahsulotlari va boshqalar), bosma nashrlar, ichimlik, birinchi darajali tovarlar sotuvi;

velosipedlar, avtotransport, valyuta ayirboshlash (bankomat oʻrnatish orqali) boʻyicha xizmatlar;

mobil aloqa va turistik yigʻim uchun toʻlov qabul qilish boʻyicha xizmat koʻrsatish.

Bunda turistik axborot markazi xodimlari xizmat koʻrsatilishidan oldin ularning pullik yoki bepul ekanligi toʻgʻrisida turistlarni xabardor qilishlari majburiy hisoblanadi.

5-bob. Statistik hisob yuritish

32. Turistik axborot markazi xizmatidan foydalanayotgan turistlar toʻgʻrisida quyidagilarni oʻz ichiga maʼlumotlarni yigʻib borishi lozim:

turistlar soni;

turistlarning fuqaroviy mansubligi;

turistlarning kelish maqsadi;

talab etilayotgan xizmat turlari;

turistik axborot markazi tomonidan koʻrsatilayotgan xizmatlar yuzasidan taklif va eʼtirozlar.

33. Maʼlumot har chorak yakuni boʻyicha vakolatli organga taqdim etiladi.

6-bob. Yakunlovchi qoida

34. Turistik axborot markazi faoliyatini tashkil etish va olib borishda yuzaga keladigan nizolar qonunchilik hujjatlarida belgilangan tartibda hal etiladi.

Turistik axborot markazlarini tashkil etish va faoliyatini yoʻlga qoʻyish tartibi toʻgʻrisidagi nizomga 1-ILOVA

Turistik axborot markazlarining yagona reyestriga kiritiladigan

MAʼLUMOTLAR

1. Turistik axborot markazini tashkil qilgan subyekt nomi (arizachi).

2. Turistik axborot markazining pochta manzili.

3. Soliq toʻlovchi identifikatsiya raqami.

4. Arizachi toʻgʻrisidagi maʼlumot (F.I.O., telefon raqami, elektron pochta manzili).

5. Individual reyestr raqami va Yagona reyestrga kiritilgan sana.

Turistik axborot markazlarini tashkil etish va faoliyatini yoʻlga qoʻyish tartibi toʻgʻrisidagi nizomga 2-ILOVA

Turistik axborot markazlarini tashkil etish va faoliyatini yoʻlga qoʻyish tartibi toʻgʻrisidagi nizomga 3-ILOVA

Turistik axborot markazlarini tashkil etish va faoliyatini yoʻlga qoʻyish tartibi toʻgʻrisidagi nizomga 4-ILOVA

Vazirlar Mahkamasining 2020-yil 10-iyuldagi 433-son qaroriga 13-ILOVA

“Turizm fidoyisi” koʻkrak nishoni toʻgʻrisida

NIZOM

1-bob. Umumiy qoidalar

1. Ushbu Nizom “Turizm fidoyisi” koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.

2. Koʻkrak nishoni bilan Oʻzbekiston Respublikasida turizm sohasini rivojlantirishga va ommalashtirishga munosib hissa qoʻshgan davlat organlari xodimlari, jamoat tashkilotlari, tadbirkorlik subyektlari, ijtimoiy soha va ommaviy axborot vositalari vakillari hamda chet eldagi vatandoshlar xizmatlari va faol targʻibot ishlari uchun taqdirlanadilar.

Koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.

3. Koʻkrak nishoni bilan taqdirlash tartibi ushbu Nizomga ilova qilingan sxemaga muvofiq amalga oshiriladi.

2-bob. Koʻkrak nishoni bilan taqdirlash uchun hujjatlarni taqdim etish va koʻrib chiqish

4. Mahalliy darajadagi davlat organlari, jamoat tashkilotlari, ommaviy axborot vositalari va tadbirkorlik subyektlari har yili 1-avgustga qadar oʻz xodimlarini koʻkrak nishoni bilan taqdirlash boʻyicha takliflarni tegishlicha Oʻzbekiston Respublikasi Turizm qoʻmitasi (keyingi oʻrinlarda — Qoʻmita) hududiy boʻlinmalariga taqdim etadi.

Respublika darajasidagi davlat organlari, xorijdagi diplomatik vakolatxonalar, jamoat tashkilotlari, ommaviy axborot vositalari va tashkilotlar har yili 1-avgustga qadar oʻz xodimlarini koʻkrak nishoni bilan taqdirlash boʻyicha takliflarni Qoʻmitaga taqdim etadi.

Nomzod boʻyicha taqdim etilgan takliflarga ilova sifatida nomzodning obyektivka-maʼlumotnomasi, soʻnggi uch yil davomida u tomonidan turizm sohasini rivojlantirish borasida amalga oshirilgan ishlar taqdim etiladi.

5. Qoʻmitaning hududiy boʻlinmalari tomonidan nomzodlar boʻyicha taqdim etilgan hujjatlar belgilangan tartibda oʻrganib chiqiladi va nomzodlar yuzasidan xulosalar har yili 20-avgustga qadar Qoʻmitaga taqdim etiladi.

Qoʻmitaning hududiy boʻlinmalari va tizim tashkilotlari rahbarlari mazkur Nizomning 4-bandi birinchi xatboshisida belgilangan holatlarni istisno qilgan holda oʻz tashabbusiga koʻra ham nomzodlar toʻgʻrisida har yili 20-avgustga qadar Qoʻmitaga taklif kiritishi mumkin.

6. Qoʻmita raisi tomonidan koʻkrak nishoni bilan taqdirlashga oid takliflarni koʻrib chiqish boʻyicha komissiya (keyingi oʻrinlarda — Komissiya) tashkil etiladi.

7. Komissiya yigʻilishida nomzodlar boʻyicha hujjatlar oʻrganilib, har yili 15-sentabrga qadar eng munosib nomzodlar boʻyicha yakuniy xulosa chiqariladi.

Komissiya tomonidan nomzodlarni koʻkrak nishoni bilan taqdirlashda quyidagilar inobatga olinadi:

xorijda Oʻzbekistonning ijobiy imijini shakllantirish va keng auditoriya oʻrtasida mamlakatimiz turizm salohiyatini targʻib etishdagi faolligi;

zamonaviy turizm mahsulotlari va innovatsion yechimga ega xizmatlarni yaratish boʻyicha samarali faoliyatni amalga oshirganligi;

Oʻzbekistonda turizm sohasini yanada rivojlantirishga qaratilgan xorijiy investitsiyalarni jalb etishdagi samarali faoliyati;

yetakchi xorijiy va mahalliy ommaviy axborot vositalarida Oʻzbekistonning turizm salohiyatini targʻib qilish hamda mamlakatda turizm sohasida olib borilayotgan islohotlarni keng ommaga yetkazishga qaratilgan materiallar soni va ommalashganligi;

turizm sohasidagi davlat dasturlari, hududiy va boshqa dasturlarni ishlab chiqish hamda amalga oshirishda faol ishtirok etganligi;

turizmning alohida turlarini rivojlantirish va turizm yoʻnalishlari jozibadorligini oshirishdagi faolligi;

turistlarga koʻrsatiladigan xizmat turlarini koʻpaytirish hamda xizmatlar sifatini yaxshilash boʻyicha saʼyi harakatlari;

turizm sohasidagi tadbirkorlik subyektlarining huquqi va qonuniy manfaatlarini himoya qilish borasidagi samarali faoliyati;

turizm toʻgʻrisidagi qonunchilik hujjatlarining ijro etilishi ustidan samarali jamoatchilik nazoratini amalga oshirganligi;

madaniy meros obyektlarini saqlash, rivojlantirish va targʻib qilishda faol ishtirok etganligi;

turizm va servis sohasi uchun malakali kadrlar tayyorlashda koʻp yillik tajribaga egaligi, ustoz-shogird anʼanalarini joriy etganligi, mahalliy va xalqaro xalqaro grant loyihalarida faol qatnashganligi;

turizm sohasini rivojlantirish istiqbollari va mavjud muammolarni chuqur ilmiy tahlil qilish asosida ishlab chiqilgan taklif, yangilik va ishlanmalarining dolzarbligi va amaliyotga joriy etilganligi;

turizm infratuzilmasini yanada rivojlantirish va yangi turizm yoʻnalishlarini tashkil etish borasidagi samarali faoliyati;

turizm infratuzilmasi obyektlarida sanitar-gigiyenik holatni yaxshilash ishlariga katta hissa qoʻshganligi;

turizm va unga yondosh sohalarda muvaffaqiyatli tadbirkorlik faoliyatini olib borib, samarali davlat-xususiy sektor sherikligi loyihalarini amalga oshirganligi;

Oʻzbekistonda turizm sohasini rivojlantirishning normativ-huquqiy asoslarini mustahkamlash hamda davlat organlari oʻrtasida hamkorlikni rivojlantirish yoʻnalishidagi hissasi;

turizm sohasida Oʻzbekiston va xorijiy mamlakatlar oʻrtasida hamkorlikni rivojlantirish va aloqalarni mustahkamlash boʻyicha samarali faoliyati va boshqalar.

8. Qoʻmita raisi oʻz tashabbusi bilan ham koʻkrak nishoni bilan taqdirlashi mumkin.

3-bob. Koʻkrak nishoni bilan taqdirlash

9. Komissiya xulosasi asosida Qoʻmita raisining koʻkrak nishoni bilan taqdirlash toʻgʻrisidagi buyrugʻi har yili 20-sentabrga qadar chiqariladi.

10. Koʻkrak nishoni “Butunjahon turizm kuni” — 27-sentabrda Qoʻmita raisi yoki uning nomidan va uning topshirigʻiga koʻra boshqa masʼul shaxslar tomonidan tantanali ravishda topshiriladi.

11. Koʻkrak nishoni bilan taqdirlanganlar roʻyxati Qoʻmitaning Internet butun jahon axborot tarmogʻidagi rasmiy va sohaviy veb-saytlarida hamda boshqa ommaviy axborot vositalarida eʼlon qilinadi.

12. Koʻkrak nishoni bilan taqdirlangan shaxslar bazaviy hisoblash miqdorining oʻn baravari miqdorida biryoʻla toʻlanadigan pul mukofoti oladi. Biryoʻla toʻlanadigan pul mukofoti Qoʻmita huzuridagi budjetdan tashqari Turizmni qoʻllab-quvvatlash jamgʻarmasi mablagʻlari va qonunchilik hujjatlarida taqiqlanmagan boshqa manbalar hisobidan beriladi.

13. Bir shaxs koʻkrak nishoni bilan bir marta taqdirlanadi.

14. Koʻkrak nishoni davlat mukofotlaridan keyin koʻkrakning chap tomoniga taqiladi.

4-bob. Yakunlovchi qoidalar

15. Qoʻmita ushbu Nizomga muvofiq koʻkrak nishoniga tavsiya etilgan nomzodlarning hujjatlari xolis koʻrib chiqilishi uchun bevosita masʼuldir.

16. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.

“Turizm fidoyisi” koʻkrak nishoni toʻgʻrisidagi nizomga ILOVA

“Turizm fidoyisi” koʻkrak nishoni bilan taqdirlash

SXEMASI

BosqichlarMasʼullarChora-tadbirlarMuddatlar1-bosqichMahalliy davlat hokimiyati organlari va tashkilotlarKoʻkrak nishoni bilan taqdirlash boʻyicha nomzodlarni tegishlicha Qoraqalpogʻiston Respublikasi, viloyatlar va Toshkent shahar turizm boshqarmalariga taqdim etadi.Koʻkrak nishoni bilan taqdirlash boʻyicha nomzodlarni Oʻzbekiston Respublikasi Turizm qoʻmitasiga taqdim etadi.Har yili 1-avgustga qadarRespublika darajasidagi davlat organlari va tashkilotlar2-bosqichQoraqalpogʻiston Respublikasi, viloyatlar va Toshkent shahar turizm boshqarmalariNomzodlar boʻyicha taqdim etilgan hujjatlarni belgilangan tartibda oʻrganib chiqadi va nomzodlar yuzasidan xulosalarni Oʻzbekiston Respublikasi Turizm qoʻmitasiga taqdim etadi.Har yili 20-avgustga qadar3-bosqichOʻzbekiston Respublikasi Turizm qoʻmitasining koʻkrak nishoni bilan taqdirlashga oid takliflarni koʻrib chiqish boʻyicha komissiyasiKoʻkrak nishoni bilan taqdirlash boʻyicha nomzodlarning tegishli hujjatlarini oʻrganib chiqadi va yakuniy xulosani chiqaradi.Har yili 15-sentabrga qadar4-bosqichOʻzbekiston Respublikasi Turizm qoʻmitasiKoʻkrak nishoni bilan taqdirlash boʻyicha Oʻzbekiston Respublikasi Turizm qoʻmitasi raisi buyrugʻini chiqaradi.Har yili 20-sentabrga qadar5-bosqichOʻzbekiston Respublikasi Turizm qoʻmitasiTurizm sohasini rivojlantirishga qoʻshgan hissasi uchun” koʻkrak nishoni bilan taqdirlaydiHar yili 27-sentabr arafasida

Vazirlar Mahkamasining 2020-yil 10-iyuldagi 433-son qaroriga 14-ILOVA

“Turizm fidoyisi” koʻkrak nishoni

TAVSIFI

“Turizm fidoyisi” koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi.

Koʻkrak nishonining old tomoni markaz qismida sayohat va tinchlik timsolini aks ettiruvchi uchayotgan humo qush tasvirlangan boʻlib, mamlakatimiz bayrogʻi ranglari bilan oʻralgan humo qush qanotlari oʻrtasiga joylashtirilgan Oʻzbekiston xaritasi Oʻzbekistonning turizm maskanlariga sayohat va ularning joylashuvini anglatadi.

Koʻkrak nishonining aylanasi boʻylab zarhal hoshiya bilan oʻralgan sariq rangdagi doira ichida “Oʻzbekistan Respublikasi” soʻzlari tilla rangda yozilgan. Harflarning balandligi 2,3 millimetr, yozuvlar zarhallangan. Uning pastki qismida “Turizm fidoyisi” soʻzlari yozilgan.

Koʻkrak nishonining orqa tomoni yuqori qismida Oʻzbekistonning turizm brendi “Oʻzbekistan” logotipi va markazida toʻrt qatorda harflarning balandligi 2 millimetr boʻlgan “Turizm sohasini rivojlantirishga qoʻshgan hissasi uchun” soʻzlari yozilgan.

Koʻkrak nishonining qalinligi 2,2 millimetr.

Tasvirlar va yozuvlar qavariqdir.

Koʻkrak nishoni old va orqa tomonlarining chetlari qavariq doira bilan oʻralgan.

Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.

Qadagʻichning eni — 26 millimetr, boʻyi — 17 millimetrdan iborat. Qadagʻich eni 22 millimetrli shoyi lenta bilan qoplangan boʻlib, lentaning markazidan eni 6 millimetrli koʻk yoʻl oʻtgan. Uning har ikki tarafidan eni 1 millimetrli koʻk, eni 2 millimetrli yashil va eni 5 millimetr boʻlgan oq rangdagi yoʻllar tushirilgan.

Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.

Vazirlar Mahkamasining 2020-yil 10-iyuldagi 433-son qaroriga 15-ILOVA

“Turizm fidoyisi” koʻkrak nishoni guvohnomasining

TAVSIFI

“Turizm fidoyisi” koʻkrak nishoni guvohnomasi 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.

Guvohnomaning tashqi tomoni (birinchi va toʻrtinchi betlari) toʻq koʻk rangda boʻlib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida boʻlgan toʻq yashil rangli hoshiya bilan oʻralgan.

Guvohnomaning yuqori chekkasidan (birinchi beti) 35 millimetr pastda, markazda, oraligʻi 3,5 millimetrli uch satrdan iborat matn joylashgan. Birinchi satrda “TURIZM FIDOYISI” (katta harflarda, “Times new Roman Bolt” shrifti, 12-kegl), ikkinchi satrda “koʻkrak nishoni” (“Times new Roman Bolt” shrifti, 12-kegl) soʻzlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) soʻzi yozilgan.

Yozuvlar zarhal rangida aks ettirilgan.

Guvohnomaning ichki tomoni (ikkinchi va uchinchi betlari) och yashil rangda boʻlib, ofset usulida chop etilgan.

Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.

Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10-kegl) soʻzi hamda guvohnoma tartib raqami uchun “№” belgisi va 15 millimetrli chiziq joylashgan.

“GUVONNOMA” soʻzidan 11 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.

Pastki chiziqdan 6 millimetr quyida, markazda, oraligʻi 2 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Turizm va madaniy meros”, uchinchi satrda “vazirligining” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-son buyrugʻiga asosan” (“Times new Roman Bolt” shrifti, 10-kegl) soʻzlari yozilgan.

Undan 5 millimetr pastda, markazda, oraligʻi 3 millimetrli ikki satrdan iborat matn joylashgan. Birinchi catrda “Turizm sohasini rivojlantirishga” ikkinchi satrda “qoʼshgan hissasi uchun” (kichik harflarda, “Times new Roman Bolt” shrifti, 12-kegl), uchinchi satrda “TURIZM FIDOYISI” (katta harflarda, “Times new Roman Bolt” shrifti, 14-kegl), “koʻkrak nishoni bilan mukofotlanadi” (“Times new Roman Bolt” shrifti, 10-kegl) soʻzlari yozilgan.

Soʻnggi soʻzlardan 9 millimetr pastda, chap tomonda “Vazir” (“Times new Roman Bolt” shrifti, 10-kegl) soʻzi yozilgan.

Vazirlar Mahkamasining 2020-yil 10-iyuldagi 433-son qaroriga 16-ILOVA

Sotishdan tushgan mablagʻlarning 50 foizi budjetdan tashqari Turizmni qoʻllab-quvvatlash jamgʻarmasiga yoʻnaltiriladigan amaldagi va bugungi kunda foydalanilmayotgan sobiq turizm sohasidagi davlat aktivlari va ular egallab turgan yer uchastkalari

ROʻYXATI

1. Mehmonxonalar va shu kabi joylashtirish vositalari.

2. Dam olish maskanlari.

3. Bolalar sogʻlomlashtirish oromgohlari.

4. Davolash-sogʻlomlashtirish komplekslari, sanatoriylar (sihatgohlar) va pansionatlar.

https://neolex.uz/uz/laws/law-4937140