“Chirchiq-Boʻzsuv traktida Kamolot GESni qurish, “Qadiriya GESlari Kaskadini” UK (GES-3) Xitoy Xalq Respublikasidan uskunalar yetkazib berish bilan modernizatsiya qilish” investitsiya loyihasini amalga oshirish chora-tadbirlari toʻgʻrisida (PQ-3461-son)

04.01.2018

Oʻzbekiston Respublikasi Prezidentining

Qarori

[Koʻchirma]

Oʻzbekiston Respublikasi Prezidentining 2017-yil 2-maydagi PQ-2947-sonli qarori bilan tasdiqlangan 2017 — 2021-yillarda gidroenergetikani yanada rivojlantirish chora-tadbirlari dasturiga kiritilgan investitsiya loyihalarini amalga oshirish orqali qayta tiklanuvchi energiya manbalaridan foydalanishni izchil oshirish, shu asosda yangi ekologik toza ishlab chiqarish quvvatlarini yaratish, shuningdek, energiya resurslarining mutanosibligini taʼminlash, respublika iqtisodiyoti tarmoqlari va aholisining elektr energiyasiga boʻlgan ehtiyojini yanada toʻliq qondirish maqsadida:

1. Maʼlumot uchun qabul qilinsinki:

a) Oʻzbekiston Respublikasi Prezidentining “Oʻzbekiston Respublikasi bilan Xitoy Xalq Respublikasi oʻrtasidagi har tomonlama strategik sheriklikni yanada kengaytirish chora-tadbirlari toʻgʻrisida” 2017-yil 19-maydagi PQ-2982-son qaroriga muvofiq:

“Oʻzbekgidroenergo” AJ tomonidan Xitoyning bir qator ixtisoslashgan kompaniyalari bilan oʻtkazilgan toʻgʻridan-toʻgʻri muzokaralar natijalariga koʻra, eng yaxshi takliflarni tanlab olish yoʻli bilan Xitoyning “Dongfang Electric International Corporation” kompaniyasi bilan Xitoy Xalq Respublikasining yetakchi ishlab chiqaruvchilaridan umumiy qiymati 26,92 mln AQSH dollari boʻlgan elektr va mexanik uskunalarni yetkazib berish boʻyicha shartnoma imzolandi;

“Gidroproyekt” AJ “Oʻzbekgidroenergo” AJning “Toshkent viloyati Chirchiq shahridagi Chirchiq-Boʻzsuv traktida “Kamolot” GES qurilishi” va “Toshkent viloyati Qibray tumanidagi “Qodiriya GESlar kaskadi” UK (GES-3) ni modernizatsiya qilish” investitsiya loyihalarining texnik-iqtisodiy asoslari ishlab chiqilgan;

qiymati 50,18 mln AQSH dollarigacha boʻlgan va 2017 — 2020-yillarda amalga oshirish muddati belgilangan “Chirchiq-Boʻzsuv traktida “Kamolot” GESini qurish, asbob-uskunalarni Xitoy Xalq Respublikasidan yetkazib bergan holda “Qodiriya GESlari kaskadi” UKni (GES-3) modernizatsiya qilish” yagona investitsiya loyihasining (keyingi oʻrinlarda investitsiya loyihasi deb ataladi) asosiy texnik-iqtisodiy parametrlari belgilangan tartibda ekspertizadan oʻtkazildi;

b) quyidagilar investitsiya loyihasini amalga oshirishni moliyalashtirish manbalari etib belgilansin:

XXR Eksimbankining “Turonbank” ATB tomonidan qayta moliyalashtiriladigan 22,88 mln AQSH dollari miqdoridagi 20 yil muddatga, shu jumladan 5 yil imtiyozli davr bilan, qayta moliyalashtiruvchi bankning 0,2 foiz miqdoridagi marjasini hisobga olgan holda yillik 2,0 foizli stavka bilan beriladigan qarzi;

“Oʻzbekgidroenergo” AJning 27,3 mln AQSH dollariga teng miqdordagi oʻz mablagʻlari;

v) Oʻzbekiston Respublikasi qonun hujjatlariga muvofiq XXR Eksimbankining qarz mablagʻlari hisobiga investitsiya loyihasini amalga oshirish doirasida xarid qilinadigan tovarlar (ishlar, xizmatlar) bojxona toʻlovlaridan (bojxona yigʻimlaridan tashqari) ozod qilinadi.

2. Quyidagilar:

“Chirchiq-Boʻzsuv traktida “Kamolot” GESini qurish, uskunalarni Xitoy Xalq Respublikasidan yetkazib bergan holda “Qodiriya GESlari kaskadi” UKni (GES-3) modernizatsiya qilish” investitsiya loyihasining texnik-iqtisodiy asoslanishi 1 va 1a-ilovalarga muvofiq asosiy texnik-iqtisodiy parametrlar bilan;

investitsiya loyihasini amalga oshirish doirasida jalb etiladigan XXR Eksimbanki qarzi boʻyicha asosiy qarzni qaytarish, foizlar va vositachilik haqini toʻlashning prognoz jadvali 2-ilovaga muvofiq tasdiqlansin.

3. Belgilab qoʻyilsinki:

“Oʻzbekgidroenergo” AJ qarzdan maqsadli foydalanish va investitsiya loyihasini samarali amalga oshirish uchun masʼul boʻlgan buyurtmachi va ijro etuvchi organ hisoblanadi;

asosiy qarzni qaytarish, qarzga xizmat koʻrsatish va investitsiya loyihasini amalga oshirishni moliyalashtirishni tashkil etish bilan bogʻliq foizlar, vositachilik haqi va boshqa xarajatlarni toʻlash “Oʻzbekgidroenergo” AJning oʻz mablagʻlari hisobiga amalga oshiriladi;

“Oʻzbekgidroenergo” AJning 1-son qurilish direksiyasi loyiha yechimlarining obyektlardan foydalanishning ishonchliligi va xavfsizligi boʻyicha talablarga muvofiqligini aniqlash, shuningdek, texnik nazoratni taʼminlash va amalga oshirish uchun masʼul organ hisoblanadi.

4. “Turonbank” ATBga investitsiya loyihasini amalga oshirishni moliyalashtirishni oʻz vaqtida tashkil etish uchun XXR Eksimbanki bilan yakka tartibdagi qarz bitimini va XXR Eksimbanki qarzini qayta moliyalashtirish boʻyicha “Oʻzbekgidroenergo” AJ bilan kredit shartnomasini belgilangan tartibda tuzish tavsiya etilsin.

5. Oʻzbekiston Respublikasi moliya vaziri belgilangan tartibda Oʻzbekiston Respublikasining davlat kafolatlarini berishga vakil qilinsin:

XXR Eksimbankiga — “Turonbank” ATB va XXR Eksimbanki oʻrtasidagi yakka tartibdagi qarz bitimida nazarda tutilgan shakl boʻyicha “Turonbank” ATBning toʻlov majburiyatlari yuzasidan;

“Turonbank” ATB — XXR Eksimbankining jalb etilayotgan qarzi doirasida “Oʻzbekgidroenergo” AJning toʻlov majburiyatlari boʻyicha.

6. Oʻzbekiston Respublikasi Adliya vazirligi “Turonbank” ATBning XXR Eksimbanki oldidagi majburiyatlari boʻyicha XXR Eksimbanki bilan tuzilgan yakka tartibdagi qarz bitimida nazarda tutilgan shakl boʻyicha Oʻzbekiston Respublikasining davlat kafolati yuzasidan belgilangan tartibda yuridik xulosa bersin.

7. Oʻzbekiston Respublikasida akkreditatsiya qilingan tegishli sinov laboratoriyalari mavjud boʻlmagan taqdirda — investitsiya loyihasini amalga oshirish doirasida olib kiriladigan asbob-uskunalar, butlovchi buyumlar va uzellar, materiallar, ehtiyot qismlar, priborlar, instrumentlar, texnologik hujjatlar, istisno tariqasida, majburiy sertifikatlashtirish tartib-taomilidan ozod qilinsin.

8. Oʻzbekiston Respublikasi Davlat arxitektura va qurilish qoʻmitasi loyiha hujjatlarining davlat ekspertizasidan oʻtkazilishini hamda investitsiya loyihasi doirasida qurilish-montaj ishlarining oʻz vaqtida va sifatli bajarilishi yuzasidan tegishli davlat arxitektura-qurilish nazoratini taʼminlasin.

9. Oʻzbekiston Respublikasi Tashqi ishlar vazirligi “Oʻzbekgidroenergo” AJ buyurtmanomalariga binoan investitsiya loyihasini amalga oshirishda ishtirok etuvchi xorijiy mutaxassislarga kirish vizalari konsullik va boshqa yigʻimlar undirilmasdan rasmiylashtirilishini taʼminlasin.

10. Oʻzbekiston Respublikasi Ichki ishlar vazirligi “Oʻzbekgidroenergo” AJning buyurtmanomalari boʻyicha investitsiya loyihasini amalga oshirishda ishtirok etayotgan xorijiy mutaxassislarga koʻp martalik vizalar rasmiylashtirilishi, berilishi va muddati uzaytirilishini, shuningdek, ularning vaqtincha yashash joyida vaqtincha roʻyxatdan oʻtkazilishi va vaqtincha roʻyxatdan oʻtkazish muddati uzaytirilishini belgilangan tartibda davlat boji toʻlamasdan taʼminlasin.

11. Oʻzbekiston Respublikasi Bandlik va mehnat munosabatlari vazirligi “Oʻzbekgidroenergo” AJning buyurtmanomalari boʻyicha Oʻzbekiston Respublikasi fuqarolari boʻlmagan yuqori malakali xorijiy mutaxassislarni Oʻzbekiston Respublikasiga jalb etishga ruxsatnomalar berilishini (muddati uzaytirilishini), shuningdek, ularga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) belgilangan tartibda taʼminlasin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov va “Oʻzbekgidroenergo” AJ boshqaruvi raisi A.A. Sangitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 4-yanvar,

PQ-3461-son

Oʻzbekiston Respublikasi Prezidentining 2018-yil 4-yanvardagi PQ-3461-son qaroriga 1-ILOVA

“Chirchiq-Boʻzsuv traktida “Kamolot” GES qurilishi, uskunalarni Xitoy Xalq Respublikasidan yetkazib bergan holda “Qodiriya GESlar kaskadi” UKni (GES-3) modernizatsiya qilish” investitsiya loyihasining TIAsi

ASOSIY TEXNIK-IQTISODIY PARAMETRLAR

Oʻzbekiston Respublikasi Prezidentining 2018-yil 4-yanvardagi PQ-3461-son qaroriga 1a-ILOVA

“Chirchiq-Boʻzsuv traktida “Kamolot” GESini qurish, uskunalarni Xitoy Xalq Respublikasidan yetkazib bergan holda “Qodiriya GESlari kaskadi” UKni (GES-3) modernizatsiya qilish” investitsiya loyihasi

ASOSIY TEXNIK-IQTISODIY PARAMETRLAR

Oʻzbekiston Respublikasi Prezidentining 2018-yil 4-yanvardagi PQ-3461-son qaroriga 2-ILOVA

“Chirchiq-Boʻzsuv traktida “Kamolot” GESini qurish, Xitoy Xalq Respublikasidan asbob-uskunalar yetkazib bergan holda “Qodiriya GESlari kaskadi” UKni (GES-3) modernizatsiya qilish” investitsiya loyihasini amalga oshirish doirasida beriladigan XXR Eksimbanki qarzi boʻyicha asosiy qarzni qaytarish, foizlar va vositachilik haqini toʻlash

PROGNOZ GRAFIGI