Oʻzbekiston Respublikasining Isroil davlatidagi konsulligini Oʻzbekiston Respublikasining Isroil davlatidagi elchixonasiga aylantirish toʻgʻrisida (119-son)

04.03.1997

Oʻzbekiston Respublikasi Vazirlar Mahkamasining

qarori

Oʻzbekiston Respublikasi bilan Isroil davlati oʻrtasida diplomatik munosabatlar oʻrnatish toʻgʻrisida 1992-yil 23-iyundagi Protokolga muvofiq Vazirlar Mahkamasi qaror qiladi:

1. Oʻzbekiston Respublikasining Isroil davlatidagi Konsulligi Isroil davlatining Tel-Aviv shahridagi Oʻzbekiston Respublikasi Elchixonasiga aylantirilsin.

2. Elchixonaning shtat jadvali va 1997-yil uchun xarajatlar smetasi 1 va 2*-ilovalarga muvofiq tasdiqlansin.

*2-ilova berilmaydi.

1997-yil uchun Elchixona xodimlari soni 5 nafardan iborat etib belgilansin, ulardan: 3 kishi — diplomatik tarkib xodimlari, 2 kishi — maʼmuriy-texnik xodimlar.

Oʻzbekiston Respublikasi Moliya vazirligi xodimlarning butlanishiga qarab xarajatlar smetasiga muvofiq 1997-yil uchun zarur mablagʻlar ajratsin.

3. Oʻzbekiston Respublikasi Tashqi ishlar vazirligi bir oy muddatda shtat jadvaliga muvofiq Elchixonaning diplomatik xodimlari tarkibini butlash uchun nomzodlar yuzasidan taklif kiritsin.

4. Oʻzbekiston Respublikasining Isroil davlatidagi elchisi maishiy, tibbiy va transport xizmati koʻrsatish sharoitlari boʻyicha Oʻzbekiston Respublikasi vaziriga tenglashtirilsin.

5. Oʻzbekiston Respublikasi Vazirlar Mahkamasining 1994-yil 7-apreldagi 192-son qaroriga 4-ilova oʻz kuchini yoʻqotgan deb hisoblansin.

Vazirlar Mahkamasining Raisi I. KARIMOV

Toshkent sh.,

1997-yil 4-mart,

119-son