Toshkent shahri va Toshkent viloyatida elektr energiyasi taʼminoti barqarorligini yanada oshirish chora-tadbirlari toʻgʻrisida (PQ-4791-son)

29.07.2020

Oʻzbekiston Respublikasi Prezidentining

Qarori

Toshkent shahri va Toshkent viloyatida sanoat ishlab chiqarish salohiyatini kengaytirish, aholi uchun elektr taʼminoti barqarorligini yanada oshirish maqsadida hamda Oʻzbekiston Respublikasi Prezidentining 2020-yil 9-yanvardagi “Oʻzbekiston Respublikasining 2020 — 2022-yillarga moʻljallangan Investitsiya dasturini amalga oshirish chora-tadbirlari toʻgʻrisida”gi PQ-4563-son qaroriga muvofiq:

1. Quyidagilar:

a) 2020 — 2023-yillarda Toshkent viloyati Quyichirchiq tumanida “Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasini (keyingi oʻrinlarda — loyiha) moliyalashtirish yuzasidan Jahon banki bilan dastlabki kelishuvga erishilganligi;

b) loyihani amalga oshirish doirasida:

quvvati 1 400 MVA boʻlgan 500/220/10 kV kuchlanishli, yillik elektr energiyasini taqsimlovchi zamonaviy energiya tejamkor nimstansiya qurilishi;

umumiy uzunligi 410 km, jumladan 322 km uzunlikdagi 220 kV va 88 km uzunlikdagi 500 kV kuchlanishli elektr uzatish tarmoqlari qurilishi nazarda tutilganligi maʼlumot uchun qabul qilinsin.

2. Oʻzbekiston Respublikasi Energetika vazirligi tomonidan Investitsiyalar va tashqi savdo vazirligi, “Oʻzbekiston milliy elektr tarmoqlari” AJ bilan birgalikda ishlab chiqilgan:

“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasini amalga oshirish boʻyicha “Yoʻl xaritasi” 1-ilovaga muvofiq;

“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasi doirasida asbob-uskuna va materiallar xarid qilish, shuningdek qurilish-pudrat ishlarini amalga oshirish uchun xalqaro tender savdolari oʻtkaziladigan paket va lotlar jadvali 2-ilovaga muvofiq tasdiqlansin.

3. Toshkent viloyati hokimligi Yer resurslari, geodeziya, kartografiya va davlat kadastri davlat qoʻmitasi bilan birgalikda ikki oy muddatda loyiha doirasida elektr energetika obyektlarini qurish uchun “Oʻzbekiston milliy elektr tarmoqlari” AJga Toshkent viloyati, Quyichirchiq tumani, “Paxtazor” mahalla fuqarolar yigʻini hududidan belgilangan tartibda doimiy foydalanish huquqi asosida yer maydoni ajratilishini taʼminlasin.

4. Belgilansinki:

istisno tariqasida, mazkur qarorning 3-bandiga muvofiq yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari undirilmaydi;

loyiha doirasida elektr energetika obyektlarini qurishda yer uchastkalari mulkdorlari, egalari, foydalanuvchilari va ijarachilarining koʻrgan zararlari, boy berilgan foyda xarajatlari hamda ularni baholash xarajatlari “Oʻzbekiston milliy elektr tarmoqlari” AJ mablagʻlari hisobidan qoplanadi.

5. Energetika vazirligi “Oʻzbekiston milliy elektr tarmoqlari” AJ bilan birgalikda toʻrt oy muddatda loyihani moliyalashtirish manbalarini aniqlab, loyiha hujjatlari ishlab chiqilishi va ular boʻyicha belgilangan tartibda ekspertiza xulosalari olinishini taʼminlasin.

Investitsiyalar va tashqi savdo vazirligi Energetika vazirligi bilan birgalikda loyiha hujjatlari ishlab chiqilishida loyihaning iqtisodiy samaradorligini taʼminlash nuqtai nazaridan uning qiymatini maqbullashtirish choralarini koʻrsin.

6. Investitsiyalar va tashqi savdo vazirligi Energetika vazirligi va “Oʻzbekiston milliy elektr tarmoqlari” AJ bilan birgalikda:

ikki oy muddatda loyihani amalga oshirish, jumladan uning moliyalashtirish manbalarini aniqlash yuzasidan xalqaro moliya institutlari bilan muzokaralarni yakunlasin;

loyihani amalga oshirish doirasida belgilangan tartibda malakali xorijiy konsultantlar va mustaqil ekspertlarning tanlov asosida jalb etilishini taʼminlasin.

7. Quyidagilarga:

Oʻzbekiston Respublikasi Bosh vaziri oʻrinbosari S.Oʻ. Umurzakovga — loyihani amalga oshirish uchun xalqaro moliya institutlari mablagʻlarining jalb etilishi va oʻz vaqtida hamda samarali oʻzlashtirilishini, loyiha doirasida xalqaro tender savdolari sifatli oʻtkazilishini taʼminlash, shuningdek, har oyda loyihaning amalga oshirilishi holati yuzasidan masʼul rahbarlarning hisobotini eshitish;

Oʻzbekiston Respublikasi energetika vaziri A.S. Sultanovga — loyiha qiymatining maqbullashtirilishi, uning doirasida malakali xorijiy konsultantlar va ekspertlarning jalb qilinishi, qurilish-pudrat ishlari tizimli nazorat qilinishini taʼminlash, shuningdek, loyiha doirasida bajarilgan ishlarni doimiy tahlil qilish va aniqlangan kamchiliklarni oʻz vaqtida bartaraf etish;

Toshkent viloyati hokimi R.Q. Xolmatovga — loyihani amalga oshirish uchun zarur yer maydonlarini oʻz vaqtida ajratish, ular egalarining qonuniy huquqlari va manfaatlarini toʻliq taʼminlash;

“Oʻzbekiston milliy elektr tarmoqlari” AJ raisi D.A. Isakulovga — loyiha hujjatlari puxta ishlab chiqilishi, qurilish ishlari oʻz vaqtida va sifatli bajarilishini taʼminlash yuzasidan shaxsiy javobgarlik yuklansin.

8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 29-iyul,

PQ-4791-son

Oʻzbekiston Respublikasi Prezidentining 2020-yil 29-iyuldagi PQ-4791-son qaroriga 1-ILOVA

“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasini amalga oshirish boʻyicha

“YOʻL XARITASI”

T/rChora-tadbirlarAmalga oshirish mexanizmiIjro muddatiMasʼullarIjro uchunNazorat uchun1.Jahon banki talabiga asosan ekologik baholash hisobotini ishlab chiqish va Jahon banki bilan kelishish.1. Hisobot ishlab chiquvchi konsalting tashkilotini aniqlash.2. Tayinlangan konsalting tashkiloti tomonidan hisobotning ishlab chiqilishini taʼminlash.2020-yil sentabr2020-yil sentabr — noyabr“Oʻzbekiston milliy elektr tarmoqlari” AJ, (D. Isaqulov) Toshkent viloyati hokimligi (R. Xolmatov), Sirdaryo viloyati hokimligi (Gʻ. Mirzayev)Energetika vazirligi (A. Sultanov)2.Loyihani amalga oshirish uchun tanlangan yer maydonining ajratilishini taʼminlash.1. Dastlabki loyiha-qidiruv ishlarini amalga oshirish.2. Loyihalashtiruvchi tashkilot bilan kelishgan xolda Sirdaryo va Toshkent viloyatlari hokimliklari, shuningdek, tegishli tuman hokimliklari tomonidan yer maydoni ajratilishini taʼminlash.3. “Oʻzdaverloyiha” ilmiy-loyihalash instituti Sirdaryo va Toshkent viloyatlari hududiy boʻlinmalari bilan shartnomani tuzgan holda tayanch ustunlari uchun vaqtinchalik va doimiy yerlarni aniqlash.4. “Oʻzdaverloyiha” ilmiy-loyihalash instituti Sirdaryo va Toshkent viloyatlari hududiy boʻlinmalari tomonidan hisoblangan kompensatsiyalarni toʻlash.2020-yil sentabr2020-yil sentabr 2020-yil avgust — noyabr 2021-yil davomida“Oʻzbekiston milliy elektr tarmoqlari” AJ (D. Isaqulov), Toshkent viloyati hokimligi (R. Xolmatov), Sirdaryo viloyati hokimligi (Gʻ. Mirzayev)Energetika vazirligi(A. Sultanov)3.Loyihaning geologik va topografik smeta hujjatlari hamda texnik-iqtisodiy asoslanishini ishlab chiqish.“Oʻzbekiston milliy elektr tarmoqlari” AJ tomonidan joylarda loyiha-qidiruv ishlarini bajarish va loyihaning texnik-iqtisodiy asoslanishini ishlab chiqish.2020-yil sentabr“Oʻzbekiston milliy elektr tarmoqlari” AJ (D. Isaqulov)Energetika vazirligi(A. Sultanov)4.Loyihaning texnik-iqtisodiy asoslanishini vakolatli davlat organlari bilan kelishish.Moliya vazirligi hamda Investitsiyalar va tashqi savdo vazirligidan loyihaning texnik-iqtisodiy asoslanishini ekspertizadan oʻtkazish.2020-yil oktabrMoliya vazirligi (O.Nasritdin-xodjayev), Investitsiyalar va tashqi savdo vazirligi (Sh. Vafayev), “Oʻzbekiston milliy elektr tarmoqlari” AJ (D. Isaqulov)Moliya vazirligi (T. Ishmetov), Investitsiyalar va tashqi savdo vazirligi(S. Umurzakov), Energetika vazirligi (A. Sultanov)5.Loyihaning texnik-iqtisodiy asoslanishi asosida ishlab chiqilgan tender hujjatlarini mustaqil vakolatli tashkilotdan ekspertizadan oʻtkazish.1. Tender oʻtkazishdan oldin tender hujjatlarini texnik jihatdan Energetika vazirligi huzuridagi hayʼatda koʻrib chiqish;2. Tender hujjatlariga Iqtisodiy taraqqiyot va kambagʻallikni qisqartirish vazirligi huzuridagi loyihalar va import kontraktlarni kompleks ekspertiza qilish markazidan xulosa olinishini taʼminlash hamda mustaqil konsalting kompaniyasidan ekspertizadan oʻtkazib xulosa olinishini taʼminlash.2020-yil oktabr 2020-yil oktabrIqtisodiy taraqqiyot va kambagʻallikni qisqartirish vazirligi (B. Abdinazarov)“Oʻzbekiston milliy elektr tarmoqlari” AJ (D. Isaqulov)Energetika vazirligi(A. Sultanov)Iqtisodiytaraqqiyot va kambagʻallikni qisqartirish vazirligi (A. Ortiqov)6.Vazirlar Mahkamasi qarori bilan loyihaning texnik iqtisodiy asoslanishini tasdiqlash.1. Vazirlar Mahkamasi qarori loyihasini vakolatli davlat organlariga kelishish uchun taqdim qilish.2. Kelishilgan qaror loyihasini Vazirlar Mahkamasiga tasdiqlash uchun kiritish.2020-yil noyabrEnergetika vazirligi (A. Sultanov),Adliya vazirligi (R. Davletov), Oʻzbekiston milliy elektr tarmoqlari” AJ (D. Isaqulov)Vazirlar Mahkamasi (Sh. Samatov)7.Loyihani moliyalashtirish maqsadida Jahon banki bilan kredit shartnomasini tuzish.1. Investitsiyalar va tashqi savdo vazirligi hamkorligida Jahon banki bilan muzokaralar olib borish.2. Loyihani moliyalashtirish taklifi Jahon bankining direktorlar kengashi tomonidan koʻrib chiqilishi va tasdiqlanishini taʼminlash.3. Kredit va loyiha shartnomalarini tuzish.4. Kredit va loyiha shartnomalarini oʻrnatilgan tartibda davlat roʻyxatidan oʻtkazish.2020-yil dekabrInvestitsiyalar va tashqi savdo vazirligi(Sh. Vafayev), “Oʻzbekiston milliy elektr tarm?qlari” AJ (D. Isaqulov)Investitsiyalar va tashqi savdo vazirligi (S. Umurzakov), Moliya vazirligi (T. Ishmetov),Energetika vazirligi (A. Sultanov)8.Loyihani toʻliq va mukammal amalga oshirishda Jahon banki tomonidan moliyalashtirilgan investitsiya mablagʻlarini oʻzlashtirish boʻyicha tarmoq jadvalini tasdiqlash.1. Ishlab chiqilgan tarmoq jadvalini Investitsiyalar va tashqi savdo vazirligi bilan kelishish va Energetika vazirligi tomonidan tasdiqlash.2. Jahon banki kredit shartnomasi uchun yuridik xulosa olish va moliyalashtirishni ochish.2021-yil yanvarEnergetika vazirligi (A.Sultanov),Investitsiyalar va tashqi savdo vazirligi(Sh. Vafayev), “Oʻzbekiston milliy elektr tarmoqlari” AJ (D. Isaqulov)Energetika vazirligi(A. Sultanov), Investitsiyalar va tashqi savdo vazirligi (S. Umurzakov)9.Loyihani boshqarish va amalga oshirilishini nazorat qilish maqsadida konsalting tashkilotini jalb qilish.1. Loyihani boshqarish va uning amalga oshirilishini nazorat qilishga konsalting xizmatlarini jalb qilish boʻyicha tanlovning texnik vazifalarini ishlab chiqish.2. Texnik vazifalarni Jahon banki va Xaridlar boʻyicha komissiya bilan kelishish.3. Tanlov yuzasidan kelib tushgan takliflarni Xaridlar boʻyicha komissiya bilan oʻrganib chiqish va gʻolibni aniqlash.4. Tanlov gʻolibi boʻlgan konsalting tashkiloti bilan muzokaralar olib borish va Jahon banki hamda tegishli davlat organlari bilan kelishgan holda shartnoma tuzish.5. Tuzilgan shartnomani oʻrnatilgan tartibda Investitsiyalar va tashqi savdo vazirligi hamda Jahon banki roʻyxatidan oʻtkazish.6. Shartnomaga asosan avans toʻlovini toʻlash.7. Tasdiqlangan tarmoq jadvaliga asosan konsalting xizmatlaridan foydalanish va shartnomaga asosan toʻlovlarni amalga oshirish.2021-yil sentabr Loyihani amalga oshirish davridaInvestitsiyalar va tashqi savdo vazirligi (Sh. Vafayev), Moliya vazirligi (O. Nasritdin-xodjayev),“Oʻzbekiston milliy elektr tarmoqlari” AJ (D. Isaqulov)Energetika vazirligi(A.Sultanov) Investitsiyalar va tashqi savdo vazirligi(S. Umurzakov) Moliya vazirligi (T. Ishmetov)10.Loyihani tayyor holda foydalanishga topshirish maqsadida pudrat tashkilotini tanlash boʻyicha tender oʻtkazish.1. Konsalting tashkiloti tomonidan tender hujjatlarini ishlab chiqish.2. Tender hujjatlari Jahon banki va Xaridlar boʻyicha komissiya tomonidan tasdiqlanishini taʼminlash.3. Loyihani tayyor holda foydalanishga topshirish maqsadida pudrat tashkilotini tanlash boʻyicha tender oʻtkazish.4. Tender takliflarini ochish va baholash.5. Jahon banki va Xaridlar boʻyicha komissiya bilan baholash toʻgʻrisidagi hisobotni tasdiqlash.6. Aniqlangan gʻolib pudrat tashkiloti bilan muzokaralar olib borish va shartnomani tuzish.7. Tuzilgan shartnomani oʻrnatilgan tartibda Investitsiyalar va tashqi savdo vazirligi hamda Jahon banki roʻyxatidan oʻtkazish.8. Shartnomaga asosan avans toʻlovini toʻlash.2021-yil davomida va 2022-yil martInvestitsiyalarva tashqi savdo vazirligi(Sh. Vafayev) Moliya vazirligi (O. Nasritdinxodjayev), “Oʻzbekiston milliy elektr tarmoqlari” AJ (D. Isaqulov)Energetika vazirligi(A.Sultanov) Investitsiyalar va tashqi savdo vazirligi(S. Umurzakov) Moliya vazirligi (T. Ishmetov)11.Pudrat tashkiloti tomonidan tasdiqlangan jadvalga asosan oʻz vaqtida qurilish-montaj ishlarini bajarish.1. Pudrat tashkiloti tomonidan qurilish-montaj ishlari boshlanishini taʼminlash.2. Shu bilan birga uskunalar va materiallar yetkazib berish.3. Loyiha obyektlarini foydalanishga topshirish maqsadida yakuniy sinov ishlarini amalga oshirish.2022-yil davomida va 2023-yil iyun“Oʻzbekiston milliy elektr tarmoqlari” AJ (D. Isaqulov)Energetika vazirligi (A. Sultanov)12.Oʻrnatilgan tartibda loyihani yakunlash.1. Loyiha obyektlarini foydalanishga topshirish maqsadida bajarilgan yakuniy sinov ishlarini qabul qilish.2. Ishchi komissiya tomonidan loyiha yakunlanganligi toʻgʻrisidagi dalolatnomani rasmiylashtirish.3. Davlat komissiyasi tomonidan loyiha yakunlanganligi toʻgʻrisidagi dalolatnomani rasmiylashtirish.4. Loyihani foydalanishga topshirish.2023-yil III va IV choraklarInvestitsiyalar va tashqi savdo vazirligi (Sh. Vafayev), Moliya vazirligi (O. Nasritdinxodjayev),“Oʻzbekiston milliy elektr tarmoqlari” AJ (D. Isaqulov), vazirlik va idoralarEnergetika vazirligi(A.Sultanov) Investitsiyalar va tashqi savdo vazirligi(S. Umurzakov), Moliya vazirligi (T. Ishmetov)

Oʻzbekiston Respublikasi Prezidentining 2020-yil 29-iyuldagi PQ-4791-son qaroriga 2-ILOVA

“Yangi 500 kV kuchlanishli “Halqa” nimstansiyasi hamda 220 kV va 500 kV kuchlanishli havo elektr uzatish tarmoqlarini qurish” investitsiya loyihasi doirasida asbob-uskuna va materiallar xarid qilish, shuningdek, qurilish-pudrat ishlarini amalga oshirish uchun xalqaro tender savdolari oʻtkaziladigan paket va lotlar

JADVALI

T/r Nomlanishi Soni 1-paket. Avtotransformatorlar sotib olish 1. Quvvati 267 MVA boʻlgan avtotransformator 7 ta 2-paket. Elektr uskunalarini sotib olish 1. 220 kV li ajratgich 13 k-t. 2. 500 kV li ajratgich 7 k-t. 3. 220 kV li elegazli oʻchirgich 13 k-t. 4. 500 kV li elegazli oʻchirgich 7 k-t. 3-paket. Oʻlchov transformatorlarni sotib olish 1. 220 kV li tok transformatori 13 k-t. 2. 500 kV li tok transformatori 7 k-t. 3. 220 kV li kuchlanish transformatori 3 k-t. 4. 500 kV li kuchlanish transformatori 3 k-t. 4-paket. Reaktor va yuqori kuchlanishdan himoya uskunalarini sotib olish 1. 500 kVli reaktor 7 ta. 2. 220 kVli yuqori kuchlanishdan himoya uskunasi 2 k-t. 3. 500 kVli yuqori kuchlanishdan himoya uskunasi 2 k-t. 5-paket. 10 kVli yopiq taqsimlash qurilmasi va akkumulyator batareyalar sotib olish 1-lot 1. 10 kVli yuqori kuchlanishdan himoya uskunalari tarmogʻi uchun 10 kVli yopiq taqsimlash qurilmasi 7 k-t. 2-lot 2. Akkumulyator batareyalar 2 k-t. 6-paket. Aloqa va rele himoya uskunalarini sotib olish 1-lot 1. Rele himoya uskunalari 1 k-t. 2-lot 2. Boshqaruv paneli, shkaflar, aloqa uskunalari va boshqalar 1 k-t. 7-paket. Nimstansiya uchun boshqa materiallar sotib olish 1-lot 1. Sim va kabel mahsulotlari 1 k-t. 2-lot 2. LSA, izolyatorlar, metall qurilmalar va boshqalar 1 k-t. 3-lot 3. Nimstansiya uchun temir beton mahsulotlari vafundamentlar 1 k-t. 8-paket. Elektr uzatish tarmogʻi qurilishi uchun uskuna va materiallar sotib olinishi 1-lot 1. 500 kVli elektr uzatish tarmogʻi uchun sim va kabel mahsulotlari 88 km 2-lot 2. 220 kVli elektr uzatish tarmogʻi uchun sim va kabel mahsulotlari 322 km 3-lot 3. 500 kVli elektr uzatish tarmogʻi uchun tayanch ustunlar, metall konstruksiyalar va boshqalar 88 km 4-lot 4. 220 kVli elektr uzatish tarmogʻi uchun tayanch ustunlar, metall konstruksiyalar va boshqalar 322 km 5-lot 5. 500 kVli elektr uzatish tarmogʻi uchun temir beton mahsulotlari va fundamentlar 88 km 6-lot 6. 220 kVli elektr uzatish tarmogʻi uchun temir beton mahsulotlari vafundamentlar 322 km 7-lot 7. 500 kVli elektr uzatish tarmoqlari uchun LSA, izolyatorlar va boshqalar 88 km 8-lot 8. 220 kVli elektr uzatish tarmoqlari uchun LSA, izolyatorlar va boshqalar 322 km 9-paket. Pudratchi tashkilot aniqlash 1-lot 1. 220 kVli elektr uzatish tarmogʻi qurilish montaj ishlari 88 km 2-lot 2. 500 kVli elektr uzatish tarmogʻi qurilish montaj ishlari 322 km 3-lot 3. Nimstansiya qurilish-montaj ishlari

* Paketlar va lotlar qiymati loyiha hujjatlari ishlab chiqilishi va ular boʻyicha belgilangan tartibda ekspertiza xulosalari olinishi natijasida aniqlanadi.

** Mazkur jadvalga loyiha hujjatlari ishlab chiqilishi natijalariga koʻra Vazirlar Mahkamasi tomonidan oʻzgartirishlar kiritilishi mumkin.