Taqsimlanmaydigan tavakkalchiliklarga ega boʻlgan kontraktlar asosida uglevodorodlarni qazib olish mexanizmini joriy etish toʻgʻrisida (448-son)

21.07.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Aholi va iqtisodiyotni energiya resurslari bilan barqaror taʼminlash, neft-gaz tarmogʻini moliyaviy sogʻlomlashtirish va uning boshqaruv tizimini takomillashtirish chora-tadbirlari toʻgʻrisida” 2019-yil 9-iyuldagi PQ-4388-son karori ijrosini taʼminlash, qazib olinishi murakkab va kam zaxiralarga ega boʻlgan konlardan uglevodorodlarni qazib olish hajmlarini koʻpaytirish orqali iqtisodiyot va aholini energiya resurslari bilan barqaror taʼminlash choralarini amalga oshirish maksadida Vazirlar Mahkamasi karor kiladi:

1. Neft-gaz sohasidagi xalqaro amaliyotga muvofiq murakkab yoki kam zaxiralarga ega va qazib olish ishlarining tannarxi yuqori boʻlgan konlarda uglevodorodlar yer qaʼridan foydalanuvchilar hamda qoida tariqasida, uglevodorodlar qazib olish sohasida servis xizmatlari koʻrsatishga ixtisoslashgan kompaniyalar (keyin oʻrinlarda — pudratchi) oʻrtasida taqsimlanmaydigan tavakkalchiliklarga ega boʻlgan kontraktlar asosida kazib olinishi maʼlumot uchun kabul qilinsin.

2. Belgilansinki:

ushbu qarorda belgilangan taqsimlanmaydigan tavakkalchiliklarga ega boʻlgan kontraktlar asosida uglevodorodlarni qazib olish mexanizmi ustav fondida (kapitalida) davlat ulushi 50 va undan ortiq foizni tashkil qiladigan davlat korxonalari va yuridik shaxslarga, shuningdek, davlat ulushi 50 hamda undan ortik foizni tashkil qiladigan yuridik shaxsga (keyingi oʻrinlarda — yer kaʼridan foydalanuvchi) ustav fondining (kapitalining) 50 va undan ortiq foizi tegishli boʻlgan yuridik shaxslarga tatbiq etiladi;

taqsimlanmaydigan tavakkalchiliklarga ega boʻlgan kontraktlar (keyingi oʻrinlarda — kontrakt) asosida pudratchilarni jalb etgan holda, uglevodorodlar qazib olishni koʻpaytirish nazarda tutilgan konlar roʻyxati yer kaʼridan foydalanuvchilarining takliflari asosida Oʻzbekiston Respublikasi Energetika vazirligi tomonidan muntazam ravishda shakllantiriladi hamda Oʻzbekiston Respublikasi Vazirlar Mahkamasi bilan kelishiladi;

kontrakt uglevodorodlarning koʻpaytirilgan hajmlaridan tanlov asosida aniqlangan pudratchining sarf-xarajatlarini qoplanishi sifatida ulushning va pudratchiga beriladigan mukofotning bir qismiga ega boʻlish huquqini belgilagan holda, pudratchi tomonidan uglevodorodlarni qazib olishni koʻpaytirish ishlarini (xizmatlarini) oʻz hisobidan hamda oʻz tavakkalchiligi asosida amalga oshirishni nazarda tutuvchi pudrat shartnomasini ifoda etadi;

uglevodorodlarning koʻpaytirilgan hajmi qazib olinadigan haqikiy hajm va hisoblab chiqilgan asosiy (bazaviy) qazib olish hajmi oʻrtasidagi farq sifatida hisoblanadi;

tanlov hujjatlariga texnik talablarni belgilash uchun hisoblab chikilgan asosiy (bazaviy) qazib olish hajmi yer kaʼridan foydalanuvchi tomonidan har bir qudukni baholash yoʻli bilan tegishli konlar boʻyicha ishlab chiqiladigan texnik-iqtisodiy hisob-kitoblar asosida uglevodorodlarni qazib olishni koʻpaytirishning boshlangʻich shartlari sifatida belgilanadi;

uglevodorodlar qazib olishning koʻpaytirilgan hajmida pudratchi ulushining miqdori yer qaʼridan foydalanuvchining ushbu ulushga nisbatan, shu jumladan soliqlar bilan bogʻliq sarf-xarajatlarini koplash hisobga olingan holda, texnik-iqtisodiy hisob-kitoblarga muvofiq aniqlanadi va kontraktda koʻrsatiladi;

pudratchiga kontrakt boʻyicha tegishli boʻlgan neft va gaz kondensatining ulushi ichki bozorda xom ashyo sifatida kontrakt asosida sotilishi yoki keyinchalik ularni kayta ishlashdan olingan mahsulotlarni ichki bozorda sotish yoki eksport qilish uchun Uzbekiston Respublikasi hududida mahsulotni qaytarib berish asosida qayta ishlanishi mumkin;

pudratchiga kontrakt boʻyicha tegishli boʻlgan tabiiy gaz ulushi kontrakt asosida ichki bozorda sotiladi, shuningdek, qisman pudratchining ehtiyojlari uchun ishlatilishi mumkin;

kayta ishlash quvvatlarida neft, gaz kondensati va tabiiy gazni qayta ishlash, tabiiy gazni respublika gaz-transport tizimi orqali yetkazib berish xizmatlarining narxlari neft va gazni qayta ishlash, gaz-transport tashkilotlari va pudratchi oʻrtasidagi kontrakt asosida belgilanadi;

xorijiy pudratchi uglevodorodlarni, ular Oʻzbekiston Respublikasi hududida qayta ishlangan hollarda esa — kayta ishlangan mahsulotlarni sotishdan tushgan milliy valyutadagi daromaddan ichki valyuta bozorida xorijiy valyutani sotib olish uchun foydalanish va keyinchalik xorijiy valyutada sotib olingan mablagʻlarni xorijdagi oʻz hisobraqamiga oʻtkazish huquqiga ega;

pudratchi yer qaʼridan foydalanuvchining yer qaʼri uchastkalaridan foydalanish, neft, tabiiy gaz va gaz kondensatini, shuningdek, yer va kon ajratmalarini qazib olish, qayta ishlash hamda sotish huqukini beradigan mavjud litsenziyalari asosida qazib olish tadbirlarini amalga oshiradi;

pudratchi tomonidan kontrakt boʻyicha amalga oshirilgan ishlar davomida olgan barcha geologik maʼlumotlar belgilangan tartibda yer kaʼridan foydalanuvchiga bepul berilishi kerak;

kontraktni amalga oshirishda barcha geologik, texnologik, texnik va moliyaviy tavakkalchiliklar pudratchi sarflagan xarajatlarni yer qaʼridan foydalanuvchi va davlat tomonidan koplab berish majburiyatlarisiz pudratchining zimmasida boʻladi;

kontraktlar bir yoki bir nechta konlar boʻyicha 10 yilgacha boʻlgan muddatga, yer kaʼridan foydalanuvchi hamda pudratchining oʻzaro kelishuviga koʻra koʻshimcha 5 yil gacha uzaytirish imkoniyati bilan tuzilishi mumkin.

3. Belgilab qoʻyilsinki:

yer qaʼridan foydalanuvchi pudratchini tanlash boʻyicha tanlov savdolarini oʻtkazishda korporativ buyurtmachi vazifasini amalga oshiradi;

tanlov savdolari xar bir aloxida kon boʻyicha eʼlon qilinadi;

tanlov savdolarini oʻtkazish muddatlari tanlov eʼlon qilingan kundan boshlab kamida ikki oy oldin va tanlov ishtirokchilari tomonidan konlar boʻyicha geologik-texnik maʼlumotlarni olish va tahlil qilish, shuningdek, takliflar tayyorlash uchun zarur boʻlgan vaqtdan kelib chiqqan holda belgilanadi;

kontraktga 1-ilovaga muvofiq minimal talablar qoʻyiladi;

tanlov savdolarini oʻtkazish, shu jumladan tanlov ishtirokchilarining takliflarini baxolash va gʻolibni aniqlash tarkibiga qonunchilikda belgilangan tartibda Oʻzbekiston Respublikasi Energetika vazirligining vakillari ham kiritiladigan tanlov komissiyasi tomonidan amalga oshiriladi;

tanlov savdolarining gʻolibi — pudratchi 100 foiz ulushli ishtiroki boʻlgan shuʼba yuridik shaxsni tashkil qilishi va Uzbekiston Respublikasi qonunchiligiga muvofiq davlat roʻyxatidan oʻtkazishi shart, Oʻzbekiston Respublikasi qonunchiligiga muvofiq tashkil etilgan yuridik shaxslar — rezidentlar bundan mustasno;

yer kaʼridan foydalanuvchi pudratchi bilan tanlov savdolarining natijalari boʻyicha kontrakt tuzadi;

yer qaʼridan foydalanuvchi va pudratchi oʻrtasida taqsimlanmaydigan tavakkalchiliklarga ega boʻlgan kontrakt 2-ilovaga muvofiq sxema boʻyicha tuziladi.

4. Yer qaʼridan foydalanuvchiga taqsimlanmaydigan tavakkalchiliklarga ega boʻlgan kontraktlarga muvofik uglevodorodlarni qazib olishni koʻpaytirish ishlarini amalga oshirish uchun pudratchilarni jalb etish boʻyicha tanlov savdolari eʼlon qilingan konlarga nisbatan maxfiylik goʻgrisidagi bitimlar asosida maʼlumotlarni pudratchilarga takdim etishga ruxsat berilsin.

5. Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi, Texnik jihatdan tartibga solish agentligi, Elektr energiyasi, neft mahsulotlari va gazdan foydalanishni nazorat qilish inspeksiyasi pudratchilar tomonidan ishlar amalga oshirilayotganda sanoat xavfsizligi, atrof-muxitni muhofaza qilish va metrologik attestatsiya talablariga rioya etilishining nazoratini, shuningdek, zarur boʻlganda, uglevodorodlarni qazib olishni koʻpaytirish texnologiyalarini koʻllashni oʻz vaqtida ekspertizadan oʻtkazish va kelishishni taʼminlasin.

6. Oʻzbekiston Respublikasi Ekologiya va atrof muhitni muxofaza qilish davlat qoʻmitasi tegishli loyiha hujjatlarining belgilangan tartibda davlat ekologik ekspertizasidan oʻtkazilishini va pudratchilar tomonidan taqsimlanmaydigan tavakkalchiliklarga ega boʻlgan kontraktlarni amalga oshirish doirasida tabiatni muhofaza qilishga oid konunchilikka rioya etilishi boʻyicha davlat nazoratini taʼminlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — Sanoat va uning bazaviy tarmoklarini hamda kooperatsiya aloqalarini rivojlantirish masalalari departamenti boshligʻi va Oʻzbekiston Respublikasi energetika vaziri A.S. Sultanov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 21-iyul,

448-son

Vazirlar Mahkamasining 2020-yil 21-iyuldagi 448-son qaroriga 1-ILOVA

Uglevodorodlarni qazib olishni koʻpaytirish boʻyicha taqsimlanmaydigan tavakkalchiliklarga ega boʻlgan kontraktga qoʻyiladigan minimal talablar

Uglevodorodlarni kazib olishni koʻpaytirish boʻyicha taqsimlanmaydigan tavakkalchiliklarga ega boʻlgan kontraktda (keyingi oʻrinlarda — kontrakt) quyidagilarni oʻz ichiga oladi:

konni ishlatish rejasi;

ish turlari va hajmlari, shuningdek, ularni bajarish shartlarining tavsifi;

kontraktning amal qilish muddati va uni uzaytirish mumkin boʻlgan mexanizm;

operatsion tashkilotni (Oʻzbekiston Respublikasi hududida yuridik shaxsni) taʼsis etish tartibini belgilash;

kontraktni amalga oshirishda tomonlarning oʻzaro hamkorligi boʻyicha operatsion qoʻmitani tashkil etish tartibini belgilash;

konlardagi mavjud ishlab chiqarish quvvatlarini koʻrsatgan holda, ishlarni amalga oshirish uchun uglevodorod konlarini pudratchilarga berish tartibini belgilash;

tomonlarning xuquk va majburiyatlari, shuningdek, tavakkalchiliklarni kontrakt tomonlari oʻrtasida taksimlamaslik toʻgʻrisidagi, shu jumladan konlarni ishlatish samaradorligini oshirish, zamonaviy texnologiyalarni, burgʻulash va qazib olish usullarini qoʻllash orkali uglevodorodlarni qazib olishni koʻpaytirishni taʼminlagan holda, pudratchining uglevodorodlarni oʻz hisobidan va oʻz tavakkalchiligi asosida kazib olishni koʻpaytirish ishlarini amalga oshirish majburiyatlarini nazarda tutuvchi shartlar;

qazib olingan uglevodorodlarning koʻpaytirilgan hajmlaridan pudratchiga tegishli ulush uchun unga berilgan mulk huquqlari;

qazib olingan neft va gaz kondensatining koʻpaytirilgan hajmlaridan pudratchiga tegishli ulush uchun narxlarni shakllantirish tartibi;

sugʻurtalash tartibi va shartlari;

bajariladigan ishlarning atrof-muhitga zararli taʼsirining oldini olishga, ushbu taʼsir oqibatlarini bartaraf etishga yoʻnaltirilgan chora-tadbirlarni pudratchi tomonidan amalga oshirish tartibini belgilash, shuningdek, atrof-muhitga salbiy taʼsir koʻrsatilishiga sabab boʻlgan avariyalar va baxtsiz hodisalar yuz berganda, yetkazilgan zarar uchun javobgarlikni sugʻurta qilish;

Oʻzbekiston Respublikasining amaldagi qonunchiligiga muvofiq soliq majburiyatlarini kontrakt tomonlari oʻrtasida taqsimlash shartlari;

konlarda uglevodorodlarni qazib olish hisobini yuritish tartibi;

yer qaʼridan foydalanuvchiga pudratchi tomonidan kontrakt boʻyicha ishlarni amalga oshirish davomida olingan barcha geologik maʼlumotni hamda uglevodorodlarni qazib olish hajmlari toʻgʻrisidagi hisobotni taqdim etish tartibi;

pudratchining kontrakt asosida suv manbalari va elektr energiyasi quvvatlaridan zarur hajmlarda, shuningdek, neft va tabiiy gazni qayta ishlash va tashish xizmatlaridan hamda yer qaʼridan foydalanuvchi koʻrsatadigan boshqa xizmatlardan foydalanish shartlari;

pudratchining zamonaviy texnologiyalar va ishlarni samarali boshqarish, kondagi barcha ishlarni samarali va xavfsiz bajarish, Oʻzbekiston Respublikasi qonunchiligiga, shuningdek, xalqaro neft va gaz sanoatida umumqabul qilingan standartlarga rioya etish, atrof-muhitga zararli taʼsirlarning hamda pudratchi tomonidan amalga oshiriladigan ishlarning kondan (quduqdan) foydalanish koʻrsatkichlariga salbiy taʼsirning oldini olishga qaratilgan barcha choralarni koʻrish boʻyicha majburiyatlari;

ishlar hajmlari, shu jumladan kontraktga muvofiq pudratchi tomonidan bajariladigan ishlarning minimal dasturi;

neft, tabiiy gaz va gaz kondensatini qazib olishning asosiy (bazaviy) hajmlari;

neft, tabiiy gaz va gaz kondensatining koʻpaytirilgan hajmidagi pudratchining ulushini aniqlash va olish tartibi;

neft, tabiiy gaz va gaz kondensatining koʻpaytirilgan hajmidagi pudratchiga tegishli ulushni sotish tartibi;

pudratchining kontrakt boʻyicha ishlarning minimal dasturini bajarilmaganligi uchun javobgarligi;

pudratchining Oʻzbekiston Respublikasi qonunchiligi, shu jumladan standartlash, ishlarni xavfsiz amalga oshirish, yer qaʼri, atrof-muhit va fuqarolar sogʻligini muhofaza qilish boʻyicha texnik jihatdan tartibga solish soxasidagi normativ hujjatlar talablariga amal qilish boʻyicha majburiyatlari;

kontrakt boʻyicha ishlar yakunlangandan soʻng barcha inshootlar, qurilmalar va boshqa mol-mulkni tugatish yoki konservatsiya kilish, shuningdek, kontrakt boʻyicha ishlar amalga oshirilgan hududlarni ifloslanishdan tozalash shartlari;

qoʻllaniladigan huquk va nizolarni hal etish tartibi;

fors-major holatlar;

tovarlarni xarid qilish, ishlarni bajarish va xizmatlar koʻrsatishda ustunlikni mahalliy tashkilotlarga berish talabi;

pudratchining Oʻzbekiston Respublikasi fuqarolarini ishga joylashtirish va ularga mehnat qilishi uchun sharoitlar yaratish xamda ishlab chiqarishdan ajralgan va ajralmagan holda taʼlim olish imkoniyatini yaratish boʻyicha majburiyatlari;

tuziladigan kontrakt maqsadlaridan kelib chiqadigan boshqa shartlar.

Vazirlar Mahkamasining 2020-yil 21-iyuldagi 448-son qaroriga 2-ILOVA

Yer qaʼridan foydalanuvchi va pudratchi oʻrtasida taqsimlanmaydigan tavakkalchiliklarga ega boʻlgan kontraktni tuzish

SXEMASI