Oʻzbekiston Respublikasi fuqarolari va chet elliklar uchun chet el pasportlari va boshqa kelish-ketish hujjatlarini rasmiylashtirishga doir Konsullik xizmatlariga haq toʻlash toʻgʻrisida (390-son)
21.08.1992
Oʻzbekiston Respublikasi Prezidenti huzuridagi Vazirlar Mahkamasining
qarori
Vazirlar Mahkamasi qaror qiladi:
1. Oʻzbekiston Respublikasi Tashqi ishlar vazirligi va Moliya vazirligining 1992-yil 1-sentabrdan boshlab Oʻzbekiston Respublikasi fuqarolari va xorijiylar uchun kelish-ketish hujjatlarini rasmiylashtirish boʻyicha konsullik xizmatlariga haq toʻlashning yangi tariflarini joriy etish haqidagi taklifi qabul qilinsin.
2. Belgilansinki, Oʻzbekiston Respublikasi Tashqi ishlar vazirligi tomonidan koʻrsatiladigan barcha xizmat turlaridan tushadigan mablagʻlardan Vazirlik tomonidan oʻz moddiy-texnika bazasini rivojlantirish, mijozlar, inventar va idoraviy ashyolar sotib olish, joriy va asosli tuzatish, shuningdek, konsullik xizmatini mustahkamlash maqsadida foydalaniladi.
3. Xodimlari chet el xizmat safariga yuboriladigan budjet tashkilotlari ularning ketish hujjatlarini rasmiylashtirish boʻyicha xizmatlarga haq toʻlashdan ozod qilinsin.
4. Oʻzbekiston Respublikasi Tashqi ishlar vazirligiga va Moliya vazirligiga kelgusida zarur hollarda konsullik yigʻimlari va xizmatlari tarifiga oʻzgartishlar kiritishga ruxsat etilsin.
5. Mazkur qarorning amalda joriy etilishi bilan Oʻzbekiston Respublikasi Prezidenti huzuridagi Vazirlar Mahkamasining 1991-yil 15-apreldagi 98-son qarori oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. MUTALOV
Toshkent sh.,
1992-yil 21-avgust,
390-son
Vazirlar Mahkamasining 1992-yil 21-avgustdagi 390-son qaroriga ILOVA
XORIJIY MAMLAKATLARGA XIZMAT IShLARI BILAN SAFARGA YuBORILADIGAN XODIMLAR UChUN ChET EL PASPORTLARI VA BOShQA KETISh HUJJATLARINI RASMIYLAShTIRISh BOʻYIChA XIZMAT HAQI TARIFI
Oʻzbekiston Respublikasi Vazirlar Mahkamasining 1993-yil 19-avgustdagi 423-sonli “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida”gi qarori bilan 16-band qisman oʻz kuchini yoʻqotgan.