Qand-shakarga ulgurji narxlar belgilash toʻgʻrisida (388-son)

19.08.1992

Oʻzbekiston Respublikasi Prezidenti huzuridagi Vazirlar Mahkamasining

qarori

Respublikaga qand-shakar turli darajadagi shartnomaviy narxlarda keltirilayotganligi munosabati bilan Vazirlar Mahkamasi qaror qiladi:

1. Sanoatda qayta ishlash uchun foydalaniladigan qand-shakarning cheklangan ulgurji narxlari 1992-yil 20-avgustdan boshlab 1 kilogrammi uchun 80 soʻm miqdorida belgilansin.

Oʻzbekiston Respublikasi Moliya vazirligi sanoatda qayta ishlash uchun yetkazib beriladigan qand-shakarning ulgurji narxlarini, uni sotib olishning amalda vujudga kelayotgan narxlarini hisobga olgan holda, har oyda qayta koʻrib chiqsin va tasdiqlasin.

2. Oʻzbekiston Respublikasi Moliya vazirligi:

narxlar qayta koʻrib chiqilayotganda paydo boʻladigan farqlarning oʻrnini toʻldirish yuzasidan savdo tashkilotlari bilan hisob-kitob qilish tartibini oʻrnatsin;

ulgurji narxlar preyskurantlarini manfaatdor vazirliklar, idoralar, korxonalar va tashkilotlarga oʻz vaqtida yetkazsin.

Vazirlar Mahkamasining Raisi I. KARIMOV

Toshkent sh.,

1992-yil 19-avgust,

388-son