Berlin shahrida Germaniya Federativ Respublikasidagi Oʻzbekiston Respublikasi elchixonasining boʻlimini ochish toʻgʻrisida (352-son)

08.10.1996

Oʻzbekiston Respublikasi Vazirlar Mahkamasining

qarori

Germaniya Federativ Respublikasidagi Oʻzbekiston Respublikasi Elchixonasi ishini takomillashtirish va uning joylashgan mamlakat hududidagi faoliyatini kengaytirish maqsadida Vazirlar Mahkamasi qaror qiladi:

1. Berlin shahrida Germaniya Federativ Respublikasidagi Oʻzbekiston Respublikasi Elchixonasining boʻlimi ochilsin.

2. Elchixona boʻlimining shtat jadvali va 1996-yil uchun xarajatlar smetasi 1 va 2-ilovalarga* muvofiq tasdiqlansin.

* 2-ilova berilmaydi.

1996-yil uchun Elchixona boʻlimi xodimlari soni 3 nafardan iborat etib belgilansin, ulardan: 2 kishi — diplomatik tarkib xodimlari, 1 kishi — texnik xodim.

Oʻzbekiston Respublikasi Moliya vazirligi xodimlarning butlanishiga qarab xarajatlar smetasiga muvofiq 1996-yil uchun zarur mablagʻlar ajratsin.

3. Oʻzbekiston Respublikasi Tashqi ishlar vazirligi shtat jadvaliga muvofiq Elchixona boʻlimining diplomatik xodimlari tarkibini butlash uchun nomzodlar yuzasidan bir oy muddatda taklif kiritsin.

Vazirlar Mahkamasining Raisi I. KARIMOV

Toshkent sh.,

1996-yil 8-oktabr,

352-son

Vazirlar Mahkamasining 1996-yil 8-oktabrdagi 352-son qaroriga 1-ILOVA

Germaniya Federativ Respublikasidagi Oʻzbekiston Respublikasi Elchixonasining Berlin (GFR) shahridagi boʻlimi

SHTAT JADVALI