Yer qaʼri uchastkalaridan foydalanish huquqi uchun litsenziyalar berish tartibini yanada takomillashtirish chora-tadbirlari toʻgʻrisida (403-son)

23.06.2020

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Yer qaʼrini geologik jihatdan oʻrganishni yanada takomillashtirish va 2020-2021-yillarda mineral-xomashyo bazasini rivojlantirish va qayta tiklash davlat dasturini amalga oshirish chora-tadbirlari toʻgʻrisida” 2019-yil 23-iyuldagi PQ-4401-son va “Neft va gaz geologiya-qidiruv ishlarini tashkil etish va olib borish tizimini takomillashtirish chora-tadbirlari toʻgʻrisida” 2019-yil 18-noyabrdagi PQ-4522-son qarorlariga muvofiq, shuningdek, strategik turdagi foydali qazilmalarga ega boʻlgan yer qaʼri uchastkalaridan foydalanish huquqini beradigan litsenziyalarni berish tartibini yanada takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizom 1-ilovaga muvofiq tasdiqlansin:

tadbirkorlik subyektlariga yer qaʼri uchastkalaridan foydalanish huquqi uchun litsenziyalar berishni elektron online-auksion savdolari asosida amalga oshirish tartibi;

strategik turdagi foydali qazilmalarni oʻz ichiga olgan yer qaʼri uchastkalaridan foydalanish shartlari va muddatlari;

yer qaʼri uchastkalaridan foydalanish huquqi uchun litsenziyalarni rasmiylashtirish va berish, ushbu huquqni davlat roʻyxatidan oʻtkazish hamda davlat hisobiga olish tartibi;

yer qaʼri uchastkalaridan foydalanish huquqini cheklash, toʻxtatib turish va tugatish asoslari va tartibi.

2. Oʻzbekiston Respublikasi Davlat geologiya va mineral resurslar qoʻmitasi hamda Ekologiya va atrof muhitni muhofaza qilish davlat qoʻmitasi:

yer qaʼri uchastkalaridan foydalanish huquqini beradigan litsenziyalarning tegishli turlarini olish uchun buyurtmalar ushbu qarorga qatʼiy rioya etgan holda koʻrib chiqilishini;

yer qaʼri uchastkalaridan foydalanish huquqini beradigan litsenziyalarni olish tartibi soddalashtirilganligi toʻgʻrisida keng jamoatchilik xabardor qilib borilishini taʼminlansin.

3. Oʻzbekiston Respublikasi Hukumatining 2-ilovaga muvofiq ayrim hujjatlari oʻz kuchini yoʻqotgan deb hisoblansin.

4. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri D.A. Kuchkarov, Oʻzbekiston Respublikasi Bosh vazirining maslahatchisi — Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi hamda Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 23-iyun,

403-son

Vazirlar Mahkamasining 2020-yil 23-iyundagi 403-son qaroriga 1-ILOVA

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisida

NIZOM

1-bob. Umumiy qoidalar

1. Ushbu Nizom yer qaʼri uchastkalaridan foydalanish huquqi uchun litsenziyalar berish tartibini belgilaydi.

2. Ushbu Nizom yer qaʼri uchastkalari foydalanishga, shu jumladan, alohida bitimlar asosida foydalanishga berilgan holatlarga nisbatan qoʻllaniladi, mahsulot taqsimotiga oid bitimlar hamda konsessiya toʻgʻrisidagi qonun hujjatlarida boshqacha qoidalar nazarda tutilgan hollar bundan mustasno.

Ushbu Nizomning amal qilishi noruda foydali qazilmalarni oʻz ichiga olgan yer qaʼri uchastkalaridan foydalanish va qimmatbaho metallarni oltin izlovchilar usulida qazib olish huquqi uchun litsenziyalar berishga nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

geologik jihatdan oʻrganish uchun strategik turdagi foydali qazilmalarni oʻz ichiga olgan yer qaʼri uchastkasidan foydalanish huquqini beradigan litsenziya — uning egasini tadbirkorlik tavakkalchiligi shartlari asosida (yer qaʼridan foydalanuvchining oʻz mablagʻlari hisobidan) foydali qazilma konlarini qidirish, baholash, razvedka qilish huquqini tasdiqlovchi hujjat;

foydali qazilmalarni kavlab olish uchun strategik turdagi foydali qazilmalarni oʻz ichiga olgan yer qaʼri uchastkasidan foydalanish huquqini beradigan litsenziya — uning egasini foydali qazilma konini ishlatish, qazib olingan mineral xomashyoni qayta ishlash, shu jumladan, agar litsenziya shartlarida boshqa qoida nazarda tutilmagan boʻlsa, qazib chiqarish jarayonida olingan texnogen mineral hosilalardan qonun hujjatlarida nazarda tutilgan zarur ruxsat beruvchi hujjatlar olinishini hisobga olgan holda foydalanish (qayta ishlash) huquqini tasdiqlovchi hujjat;

texnogen mineral hosilalardan foydalanish uchun yer qaʼri uchastkasidan foydalanish huquqini beradigan litsenziya — uning egasini kon qazish va qayta ishlash ishlab chiqarishlarining tarkibida foydali komponentlar mavjud boʻlgan chiqindilarini qonun hujjatlarida nazarda tutilgan zarur ruxsat beruvchi hujjatlar olinishini hisobga olgan holda qayta ishlash huquqini tasdiqlovchi hujjat;

foydali qazilmalarni kavlab olish bilan bogʻliq boʻlmagan yer osti inshootlarini qurish va ulardan foydalanish uchun yer qaʼri uchastkasidan foydalanish huquqini beradigan litsenziya — uning egasini yer osti inshootlarini qurish va ulardan foydalanish, shu jumladan, uglevodorodlarni yer ostida saqlash, chiqindilarni saqlash va koʻmib tashlash uchun yer qaʼrining muayyan uchastkasidan foydalanish huquqini tasdiqlovchi hujjat;

muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan litsenziya — uning egasini ilmiy va oʻquv poligonlari, geologik qoʻriqxonalar, tabiat yodgorliklari hamda ilmiy, tarixiy, madaniy, estetik va boshqa ahamiyatga molik boʻlgan oʻzgacha obyektlarni belgilash, shuningdek, gʻorlar hamda boshqa yer osti boʻshliqlaridan ilmiy, davolash-sogʻlomlashtirish yoki turistik maqsadlarda foydalanish huquqini tasdiqlovchi hujjat;

nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya — uning egasini yer yuzasiga chiqib qolgan tabiiy jinslar, tabiiy yer osti boʻshliqlari (gʻorlar), ishlatib boʻlingan konlar, kon qazish korxonalarining agʻdarmalaridan (kon ajratmasi egasi bilan kelishuv boʻyicha) nodir tosh xomashyosining yakka-yolgʻiz namunalarini, paleontologik qoldiqlarni va boshqa geologik kolleksiyabop materiallarni ajratib olish, shuningdek, kon ishlari va maxsus ishlarning boshqa turlarini amalga oshirmasdan (yer qaʼri yaxlitligini buzmasdan) daryolarning qayirlarida namunalarni toʻplash huquqini tasdiqlovchi hujjat;

kon ajratmasi — litsenziyaga muvofiq va yer osti boyliklaridan foydalanish huquqini beruvchi litsenziyada koʻrsatilgan maqsadlarda foydalanishga berilgan maydoni va chuqurligiga koʻra cheklangan yer qaʼrining geometriklashtirilgan uchastkasi;

strategik turdagi foydali qazilmalar — oltin, kumush, mis, qoʻrgʻoshin, rux, volfram, uran, platina va platinoidlar, nodir metallar va nodir elementlar, temir, marganets, uglevodorodlar (neft, gaz, kondensat), koʻmir, yonuvchi slanetslar;

mahsulot taqsimoti toʻgʻrisidagi bitim, konsessiya va boshqa alohida investitsiya bitimlari — shartnoma hisoblanib, unga muvofiq Oʻzbekiston Respublikasi haq olish asosida va muayyan muddatga chet ellik investorga bitimda koʻrsatilgan yer qaʼri uchastkasida konlarni aniqlash, qidirish va foydali qazilmalarni qazib chiqarish hamda shular bilan bogʻliq boʻlgan ishlarni olib borish uchun mutlaq huquqlar beradi, investor esa ushbu ishlarni oʻz mablagʻlari hisobiga va tavakkal qilib amalga oshirish majburiyatini oladi (keyingi oʻrinlarda alohida bitimlar deb ataladi);

“E-IJRO AUKSION” yagona elektron savdo maydonchasi (keyingi oʻrinlarda savdo maydonchasi deb ataladi) — elektron online-auksionlarni tashkil etish va oʻtkazish uchun zarur boʻlgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini taʼminlaydigan axborot tizimi;

operator — Oʻzbekiston Respublikasi Davlat aktivlarini boshqarish agentligi tasarrufidagi “Elektron online-auksionlarni tashkil etish markazi” davlat unitar korxonasi;

elektron online-auksion (keyingi oʻrinlarda auksion deb ataladi) — salohiyatli xaridorlarga teng imkoniyat yaratgan holda Internet tarmogʻidagi “E-IJRO AUKSION” yagona elektron savdo maydonchasida strategik turdagi foydali qazilmalarni oʻz ichiga olgan yer qaʼri uchastkalari sotiladigan auksion shaklidagi elektron savdo usuli;

elektron buyurtma (keyingi oʻrinlarda buyurtma deb ataladi) — yer qaʼri uchastkalaridan foydalanish huquqi uchun litsenziyalarni auksionda realizatsiya qilish boʻyicha auksion tashkil qilish haqida Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda Davlat geologiya qoʻmitasi deb ataladi) tomonidan operatorga beriladigan elektron buyurtma;

auksion ishtirokchisi — auksionda ishtirok etish uchun elektron ariza bergan va unda ishtirok etishga qoʻyilgan yuridik shaxs;

auksion raqami — savdoda ishtirok etish uchun elektron ariza mavjud boʻlganda auksionda ishtirok etish uchun ishtirokchiga beriladigan raqam;

kafolatlangan zakalat (keyingi oʻrinlarda zakalat deb ataladi) — elektron savdolarda ishtirok etish uchun talabgorlar tomonidan toʻlanadigan boshlangʻich narxning 5 foizi qiymatidagi pul miqdori;

auksion obyekti — auksion natijalari asosida realizatsiya qilishga qoʻyiladigan yer qaʼri uchastkalaridan foydalanish huquqi;

lot — auksionda realizatsiya qilinadigan, strategik turdagi foydali qazilmalarni oʻz ichiga olgan muayyan yer qaʼri uchastkasidan foydalanish huquqi;

savdo maydonchasidagi texnik uzilish — ishtirokchilardan biriga auksionda ishtirok etishga imkon bermaydigan yoki operator xodimiga auksion oʻtkazilishiga xizmat koʻrsatishning texnik imkoniyatini taʼminlamaydigan elektron savdo maydonchasidagi texnik nosozliklar.

4. Geologik jihatdan oʻrganish uchun tadbirkorlik tavakkalchiligi shartlarida foydali qazilma konlarini qazib olish, texnogen mineral hosilalardan foydalanish va boshqa maqsadlar, foydali qazilmalarni kavlab olish bilan bogʻliq boʻlmagan va ushbu Nizomda nazarda tutilgan yer qaʼri uchastkasidan foydalanish huquqini berish uchun asos litsenziya hisoblanadi.

Belgilangan tartibda tasdiqlangan loyiha-smeta hujjatlari Davlat geologiya qoʻmitasining buyurtmasi boʻyicha mineral-xomashyo bazasini rivojlantirish va qayta ishlab chiqarish davlat dasturlari doirasida yer qaʼrini geologik oʻrganish uchun yer qaʼri uchastkalaridan foydalanish huquqi paydo boʻlishi uchun asos hisoblanadi.

Litsenziya maʼlum bir muddat belgilangan aniq chegaralar doirasida uning egasining yer qaʼri uchastkalaridan foydalanish huquqini tasdiqlaydi va yer qaʼri uchastkalaridan foydalanish shartlarini belgilaydi.

5. Yer qaʼri uchastkalaridan foydalanish huquqi uchun litsenziyalar beruvchi vakolatli organlar (keyingi oʻrinlarda vakolatli organ deb ataladi):

Oʻzbekiston Respublikasi Ekologiya va atrof-muhitni muhofaza qilish davlat qoʻmitasi (keyingi oʻrinlarda Davlat ekologiya qoʻmitasi deb ataladi) tomonidan — chiqindilarni saqlash va koʻmib tashlash maqsadida yer osti inshootlarini qurish va foydalanish uchun;

Davlat geologiya qoʻmitasi tomonidan — yer qaʼri uchastkasidan foydalanish huquqining boshqa barcha turlari uchun beriladi.

2-bob. Yer qaʼri uchastkalaridan foydalanish huquqini beradigan litsenziya

6. Strategik turdagi foydali qazilmalarni oʻz ichiga olgan yer qaʼri uchastkasidan (keyingi oʻrinlarda yer qaʼri uchastkalari deb ataladi) foydalanish huquqini beradigan litsenziya quyidagi maqsadlar uchun beriladi:

geologik jihatdan oʻrganish;

foydali qazilmalarni kavlab olish;

texnogen mineral hosilalardan foydalanish;

foydali qazilmalarni kavlab olish bilan bogʻliq boʻlmagan yer osti inshootlarini qurish hamda ulardan foydalanish;

muhofaza etiladigan geologik obyektlarni barpo etish;

nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash.

Litsenziya, qoidaga koʻra, ushbu bandda belgilangan yer qaʼridan foydalanishning har bir turi uchun alohida beriladi.

7. Litsenziyalar elektron savdolar natijalari yoki yuridik shaxslarning litsenziya berish vakolatiga ega boʻlgan organlar bilan toʻgʻridan toʻgʻri muzokaralar olib borishi natijasida ushbu Nizomda belgilangan tartibda beriladi.

8. Yer qaʼri uchastkalaridan foydalanish huquqi uchun litsenziyalar:

geologik oʻrganish, foydali qazilmalarni qazib olish, texnogen mineral hosilalardan foydalanish (yer qaʼridan foydalanuvchining balansida boʻlamaganda) uchun auksion natijalari koʻra;

foydali qazilmalarni kavlab olish bilan bogʻliq boʻlmagan yer osti inshootlarini qurish, shu jumladan, chiqindilarni saqlash va koʻmib tashlash maqsadida, muhofaza etiladigan geologik obyektlarni barpo etish, nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash toʻgʻridan toʻgʻri muzokaralar natijalariga koʻra “birinchi topshirilgan buyurtma” qoidalariga binoan buyurtmanomalarni koʻrib chiqish yoʻli bilan beriladi.

9. Yer qaʼrini geologik jihatdan oʻrganish boʻyicha ishlarni moliyalashtirgan yuridik shaxslar oʻzlari razvedka qilgan konda foydali qazilmalarning zaxiralari Davlat geologiya qoʻmitasi huzuridagi Foydali qazilmalar zaxiralari boʻyicha davlat komissiyasida (keyingi oʻrinlarda Davlat komissiyasi deb ataladi) tasdiqlangan sanadan boshlab bir yil mobaynida foydali qazilmalarni kavlab olish uchun litsenziya olish yuzasidan mutlaq huquqqa (keyingi oʻrinlarda mutlaq huquq deb ataladi) egadirlar.

Foydali qazilmalarni kavlab olish uchun yer qaʼri uchastkasidan foydalanish huquqi uchun litsenziya yuridik shaxsning mutlaq huquqining amal qilish muddati davomida toʻgʻridan toʻgʻri muzokaralar natijasida ushbu Nizomning 6-bobida belgilangan tartibda beriladi.

Yer qaʼrini geologik oʻrganish boʻyicha ishlarni moliyalashtirgan yuridik shaxsning mutlaq huquqi berilgan muddat tugaganidan soʻng foydali qazilmalar zaxiralari balansiga oʻtadi va ushbu yer qaʼri uchastkasidan foydalanish huquqini realizatsiya qilish Davlat geologiya qoʻmitasi tomonidan tashkil etiladigan auksion orqali amalga oshiriladi. Bunda yuridik shaxs tomonidan razvedka qilingan konda foydali qazilmalarni kavlab olish uchun litsenziya olishga auksion paytida ularning ustun huquqi saqlanib qoladi.

Yer qaʼrini geologik jihatdan oʻrganish ishlarini oʻz mablagʻlari hisobiga oʻtkazgan yuridik shaxs oʻzi razvedka qilgan kondagi foydali qazilmalarni kavlab olish huquqidan voz kechgan taqdirda u ushbu Nizomda belgilangan tartibda boshqa shaxsga berilishi mumkin.

Ushbu bandning uchinchi va toʻrtinchi xatboshilarida koʻrsatilgan holatlarda yuridik shaxsning qilgan harajatlari, shu jumladan, yer qaʼri toʻgʻrisidagi geologik va boshqa axborotlar qiymati qoplanmaydi.

10. Yer qaʼri uchastkalaridan foydalanish huquqi uchun litsenziyalar quyidagi hollarda toʻgʻridan toʻgʻri muzokaralar asosida berilishi mumkin:

Oʻzbekiston Respublikasi Prezidenti va Vazirlar Mahkamasining qarorlari hamda ular tomonidan tasdiqlangan “yoʻl xaritalari”ga muvofiq;

“E-IJRO AUKSION” yagona elektron savdo maydonchasida oʻtkaziladigan auksionlarda bir yil davomida oʻtkazilmagan deb topilgan taqdirda;

yer qaʼrini geologik oʻrganishga doir ishlarni moliyalashtirgan yuridik shaxs tomonidan oʻzi tomonidan qidirilgan kondan Davlat geologiya qoʻmitasi bilan kelishingan holda foydali qazilmalarni qazib olishga mutlaq huquq boshqa shaxsga (toʻliq yoki qisman) berilgan taqdirda;

uglevodorod xomashyosi va strategik turdagi foydali qazilmalarning tijorat salohiyatga ega alohida obyektlari boʻyicha, shuningdek, alohida bitimlar doirasida Vazirlar Mahkamasining “Yer qaʼridan foydalanish shartlarini ishlab chiqish boʻyicha davlat komissiyasi faoliyatini yanada takomillashtirish chora-tadbirlari toʻgʻrisida” 2019-yili 12-dekabrdagi 989-son qarori bilan tasdiqlangan Yer qaʼridan foydalanish shartlarini ishlab chiqish boʻyicha Davlat komissiyasi bilan hamkorlikda tanlov savdolari asosida eng yaxshi takliflarni tanlash orqali.

11. Foydali qazilmalarni baholash va razvedka qilish bosqichlarida loyiha-smeta hujjatlarida asoslangan va foydali qazilmalar zaxirasini hisoblab chiqish va uning sifatini baholash uchun yetarli boʻlgan hajmda tajriba (namuna) va tajriba-sanoat usulida kavlab olish uchun yer qaʼri uchastkalaridan foydalanish huquqini beradigan litsenziya olish geologik oʻrganishga doir litsenziya mavjud boʻlganda talab qilinmaydi.

12. Foydali qazilmalarni kavlab olish uchun yer qaʼri uchastkasidan foydalanish huquqini beradigan litsenziya Davlat komissiyasi tomonidan zaxirasi tasdiqlangan foydali qazilma konlariga beriladi.

13. Foydali qazilmalarni kavlab olish uchun yer qaʼri uchastkasidan foydalanish huquqini beradigan litsenziya, agar bu konlarni ishga tushirishning texnik-iqtisodiy koʻrsatkichlarini yomonlashtirmasa va konlarning boshqa qismlarini ishga tushirish uchun toʻsqinlik qilmasa, konning alohida uchastkasida foydali qazilmalarni kavlab olish uchun berilishiga yoʻl qoʻyiladi.

14. Bir konning bir nechta yer qaʼridan foydalanuvchi tomonidan ishga tushirilishi uchun yer qaʼri uchastkalaridan foydalanish huquqini beradigan litsenziyalar berilishiga yoʻl qoʻyiladi.

15. Agar bajarilgan texnik-iqtisodiy hisob-kitoblarga muvofiq konlarning faqat bir nafar yer qaʼridan foydalanuvchi tomonidan birgalikda ishga tushirilishi rentabelli hisoblansa, bir-biriga yaqin joylashgan konlarni ishga solish uchun yer qaʼridan bir nafar foydalanuvchiga yer qaʼri uchastkalaridan foydalanish huquqini beradigan bir nechta litsenziya bir vaqtda berilishiga yoʻl qoʻyiladi.

16. Yer qaʼri uchastkasidan foydalanish huquqini beradigan litsenziyaning egasi foydali qazilmalarni kavlab olish bilan bogʻliq boʻlgan yer qaʼrini geologik jihatdan oʻrganish boʻyicha ishlarni unga berilgan kon ajratmasi doirasida, ushbu ishlar Davlat geologiya qoʻmitasida davlat hisobiga olinishi sharti bilan qoʻshimcha litsenziyasiz amalga oshirish huquqiga ega boʻladi.

17. Foydali qazilmalarni kavlab olish uchun yer qaʼri uchastkasidan foydalanish huquqini beradigan litsenziyaga muvofiq foydali qazilmalarni qazib olish va mineral xomashyoni qayta ishlash jarayonida olingan texnogen mineral hosilalarga mulk huquqi yer qaʼri uchastkasidan foydalanish muddatida litsenziya egasida saqlanib qoladi. Ushbu holatda texnogen mineral hosilalardan foydalanishga (qayta ishlashga) litsenziya olish talab qilinmaydi.

18. Texnogen mineral hosilalardan foydalanish uchun yer qaʼri uchastkasidan foydalanish huquqini beradigan litsenziya yer qaʼridan foydalanuvchining balansida boʻlmagan ishlab chiqarish chiqindilarini qayta ishlash uchun yoxud texnogen mineral hosilalar belgilangan tartibda boshqa yer qaʼridan foydalanuvchiga sotilgan yoki berilgan taqdirda beriladi.

19. Texnogen mineral hosilalar boshqa shaxsga belgilangan tartibda sotilgan yoki berilgan taqdirda yoki agar foydali qazilmalarni kavlab olish uchun yer qaʼri uchastkasidan foydalanish huquqi uchun berilgan litsenziyaning amal qilish muddatida texnogen mineral hosilalar yer qaʼridan foydalanuvchi tomonidan mulkiy ulush sifatida yangi korxonaning ustav fondiga berilgan taqdirda, ulardan foydalanish (qayta ishlash) uchun yer qaʼri uchastkasidan foydalanish huquqini beradigan litsenziya toʻgʻridan toʻgʻri muzokaralar natijasida beriladi.

20. Yer qaʼri uchastkasidan foydalanish huquqini beradigan litsenziyalar nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplashga beriladigan litsenziyalardan tashqari faqat yuridik shaxslarga beriladi.

21. Yer osti inshootlarini qurish va ulardan foydalanishga yer qaʼri uchastkasidan foydalanish huquqini beradigan litsenziya Davlat ekologik ekspertizasi va Davlat komissiyasining foydalanish uchun beriladigan yer qaʼri uchastkasi boʻyicha geologik materiallar ekspertiza natijalarining ijobiy xulosalari mavjud boʻlganda beriladi.

22. Quyidagilar yer osti inshootlariga kirmaydi:

qurilishning tegishli loyihalari bilan belgilangan chuqurlikda joylashgan binolar va inshootlarning poydevori va yer osti qismi;

yer osti aloqa liniyalari, elektr, gaz, issiqlik va suv taʼminoti hamda kanalizatsiya obyektlari;

metropoliten inshootlari va boshqa transport tunnellari;

magistral va kon quvurlari;

neft va neft mahsulotlarini saqlash uchun erga chuqur joylashtirilgan rezervuarlar;

sugʻorish kanallari;

kimyo korxonalarining ishlab chiqarish jarayonida foydalaniladigan xomashyo va materiallarni saqlash uchun erga chuqur joylashtirilgan rezervuarlar.

23. Gʻorlar hamda boshqa yer osti boʻshliqlaridan davolash-sogʻlomlashtirish yoki turistik maqsadlarda foydalanish maqsadida muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan litsenziya ushbu obyektlarga muhofaza etiladigan geologik obyektlar maqomi berilgandan keyin “Muhofaza etiladigan tabiiy hududlar toʻgʻrisida”gi Oʻzbekiston Respublikasi Qonuniga muvofiq berilishi mumkin.

24. Nodir tosh xomashyosining namunalarini, paleontologik qoldiqlarni va boshqa geologik kolleksiyabop materiallarni toʻplash maqsadida yer qaʼri uchastkalaridan foydalanish uchun yer uchastkalari berish talab qilinmaydi.

25. Nodir tosh xomashyosining namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya:

geologiya, mineralogiya, paleontologiya va oʻlkashunoslik muzeylarining ilmiy kolleksiyalarini butlash va toʻldirish;

taʼlim muassasalarining oʻquv kolleksiyalarini butlash va toʻldirish;

ilmiy-maʼrifiy va estetik maqsaddagi xususiy geologiya va paleontologiya kolleksiyalarini butlash va toʻldirish uchun (tarkibida qimmatbaho toshlar va metallar mavjud boʻlgan namunalardan tashqari) berilishi mumkin.

26. Nodir tosh xomashyosining namunalari, paleontologik qoldiqlar va boshqa geologik kolleksiyabop materiallarning toʻplangan namunalari yuridik va jismoniy shaxslarning mulki hisoblanadi hamda ular tomonidan ilmiy, ilmiy-maʼrifiy, tijorat maqsadlarida va oʻzga maqsadlarda, badiiy va boshqa hunarmandchilik maqsadlarida foydalanilishi mumkin.

27. Yer qaʼri uchastkalaridan foydalanish huquqi uchun litsenziyalar:

auksionlar natijalariga koʻra — ushbu Nizomning 5-bobiga va 1-ilovaga muvofiq sxema boʻyicha;

toʻgʻridan toʻgʻri muzokaralar natijalariga koʻra — ushbu Nizomning 6-bobiga va 4, 5, 6 hamda 7-ilovalarga muvofiq sxemalar boʻyicha beriladi.

3-bob. Strategik turdagi foydali qazilmalarni oʻz ichiga olgan yer qaʼri uchastkalaridan foydalanish shartlari

28. Yer qaʼridan foydalanish litsenziyada va/yoki alohida bitimlarda nazarda tutilgan shartlarga muvofiq amalga oshiriladi.

29. Yer qaʼridan foydalanish turlariga qarab “Yer osti boyliklari toʻgʻrisida”gi Oʻzbekiston Respublikasi Qonunining 33, 35, 36, 37, 39, 40, 41, 43, 44 va 45-moddalari hamda “Xavfli ishlab chiqarish obyektlarining sanoat xavfsizligi toʻgʻrisida”gi Oʻzbekiston Respublikasi Qonunining 5, 8, 9, 10, 11, 13, 15, 18, 19 va 20-moddalarida belgilangan shartlar yer qaʼri uchastkalaridan foydalanishning asosiy shartlariga tegishlidir.

Litsenziya olish uchun bajarilishi zarur boʻlgan shartlar roʻyxati vakolatli organning rasmiy veb-saytida joylashtiriladi.

30. Yer qaʼridan foydalanish maqsadlariga qarab yer qaʼridan foydalanish shartlarida quyidagi qoʻshimcha shartlar:

a) geologik jihatdan oʻrganish uchun:

yer qaʼrini geologik jihatdan oʻrganish boʻyicha yiriklashtirilgan texnik-iqtisodiy asoslarni ishlab chiqish va Davlat geologiya qoʻmitasiga topshirish muddati;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasini Davlat geologiya qoʻmitasiga topshirish muddati;

Davlat geologiya qoʻmitasiga yer qaʼri uchastkasidan foydalanish uchun yiriklashtirilgan texnik-iqtisodiy asoslarni taqdim etgan kundan boshlab birinchi yil uchun minimal investitsiya majburiyatlari;

foydali qazilmalarni geologik jihatdan oʻrganish boʻyicha minimal ish hajmi, ularni amalga oshirish muddatlari;

olingan geologik va boshqa maʼlumotlarni hisobga olish, saqlash va tizimlashtirish uchun Davlat geologiya qoʻmitasiga topshirish tartibi va muddatlari;

foydali qazilmalarni, shu jumladan, uglevodorodlarni, sanoatda foydalaniladigan yer osti suvlarini tajriba (namuna) uchun va tajriba-sanoat usulida kavlab olish shartlari;

foydali qazilmalar zaxiralarini tasdiqlash uchun materiallarni Davlat komissiyasiga taqdim etish tartibi va muddatlari;

kon ishlanmalari va quduqlarini aholi hayoti va sogʻligi, atrof-muhit xavfsizligini taʼminlaydigan holatga keltirish, shuningdek, foydalanilmaydigan kon ishlanmalari va quduqlarini tugatish tartibi;

yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga Oʻzbekiston Respublikasi sanoat xavfsizligi davlat qoʻmitasida ruxsat berish jarayonlaridan oʻtish tartibi;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar;

b) foydali qazilmalarni kavlab olish uchun:

foydali qazilmalarni kavlab olish boʻyicha texnik-iqtisodiy asoslarni ishlab chiqish va Davlat geologiya qoʻmitasiga topshirish muddati;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasini Davlat geologiya qoʻmitasiga topshirish muddati;

Davlat geologiya qoʻmitasiga yer qaʼri uchastkasidan foydalanish uchun texnik-iqtisodiy asoslarni taqdim etgan kundan boshlab birinchi yil uchun minimal investitsiya majburiyatlari;

texnik loyihalarni va kavlab olish ishlarini rivojlantirish rejalarini, konlarning loyihalarini tayyorlash va oʻzlashtirish tartibi va muddatlari;

foydali qazilmalarni kavlab olish hajmi;

uglevodorodlarni qazishda foydali qazilmalarni kavlab olishning kelishilgan darajalari;

kavlab olingan foydali qazilmalarga mulk huquqi;

yer qaʼridan foydalanganlik uchun haq toʻlash shartlari;

texnogen mineral hosilalarni saqlash va qayta ishlash shartlari;

qoʻshilib chiqadigan gazdan foydalanish, shu jumladan, uglevodorodlarni kavlab olish boʻyicha majburiyatlar;

quvurlardan va umumiy infratuzilmaning boshqa obyektlaridan foydalanish shartlari (zarur boʻlganda);

sanoatda foydalaniladigan yer osti suvlarini olishning eng koʻp yoʻl qoʻyiladigan miqdori;

kesishadigan suvli qatlamlarning ifloslanishi yoki siljishini istisno etadigan uglevodorodlarni kavlab olish quduqlari konstruksiyasiga qoʻyiladigan talablar;

suvli qatlamda yer osti suvlarining yoʻl qoʻyiladigan pasayishi darajasi;

foydali qazilmalarni kavlab olish korxonalarini tugatish yoki konservatsiya qilish tartibi;

yer qaʼridan foydalanish sohasida, xavfli ishlar, ishlab chiqarish, xavfli tovarlar va moddalar aylanmasi, portlovchi moddalarga Oʻzbekiston Respublikasi sanoat xavfsizligi davlat qoʻmitasida ruxsat berish jarayonlaridan oʻtish tartibi;

litsenziyaning egasi yer qaʼri uchastkasidan foydalanish huquqini (toʻliq yoki qisman) boshqa shaxsga berishi mumkin boʻlgan shartlar;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar;

v) foydali qazilmalarni kavlab olish bilan bogʻliq boʻlmagan yer osti inshootlarini qurish uchun:

uglevodorodlarni, boshqa moddalar va materiallarni saqlashning eng koʻp yoʻl qoʻyiladigan hajmi;

Davlat ekologik ekspertizasi va geologiya materiallarining davlat ekspertizasi xulosalari hisobga olingan holda belgilanadigan chiqindilar va ularning konsentratsiyasini saqlash va koʻmib tashlashning eng koʻp yoʻl qoʻyiladigan hajmi;

foydali qazilmalarni kavlab olish bilan bogʻliq boʻlmagan yer osti inshootlarini qurish va ulardan foydalanish tufayli atrof-muhitga salbiy taʼsir koʻrsatish kompensatsiya qilinishi shartlari;

zarurat boʻlganda sanitariya-himoya zonalari tashkil etish shartlari;

yer qaʼri uchastkalaridan foydalanish huquqining cheklanishi, toʻxtatib turilishi yoki muddatidan oldin tugatilishi mumkin boʻlgan shartlar belgilanishi mumkin.

31. Davlat geologiya qoʻmitasi yer qaʼrini geologik jihatdan oʻrganish va foydali qazilmalarni kavlab olish boʻyicha yer qaʼri uchastkalaridan foydalanish shartlariga:

yiriklashtirilgan texnik-iqtisodiy asoslarni va texnik-iqtisodiy asoslarga muvofiq yer qaʼridan foydalanish parametrlari oʻzgarganda;

“Yer osti boyliklari toʻgʻrisida”gi Oʻzbekiston Respublikasi Qonunining 29-moddasida belgilangan holatlarda va tartibda, shuningdek, agar qonun hujjatlari bilan ishlarni bexatar olib borish, yer qaʼrini, atrof-muhitni va fuqarolarning sogʻligʻini muhofaza qilish normalari va qoidalariga oʻzgartirishlar kiritilgan hollarda oʻzgartirishlar kiritishi mumkin.

32. Yer qaʼri uchastkasidan foydalanish shartlari, shuningdek, foydali qazilmalarni kavlab olish iqtisodiy jihatdan maqsadga muvofiq boʻlmaganda, shuningdek, litsenziya berilgan paytdagidan jiddiy ravishda farq qiladigan holatlar paydo boʻlganda mineral xomashyo va uni qayta ishlash mahsulotlariga konyunktura oʻzgarishi munosabati bilan yer qaʼridan foydalanuvchining iltimosnomasi boʻyicha qayta koʻrib chiqilishi va oʻzgartirilishi mumkin.

Litsenziya egasi, bu haqda oltmish kun oldin Davlat geologiya qoʻmitasini yozma ravishda xabardor qilib, foydali qazilmalar kavlab olishni vaqtincha toʻxtatishi va kon ishlanmalarini va yer qaʼridan foydalanish bilan bogʻliq boʻlgan infratuzilma obyektlarini belgilangan tartibda konservatsiya qilishi mumkin. Konservatsiya qilish vaqti litsenziya amal qilishining umumiy muddatiga kiritiladi.

4-bob. Yer qaʼridan foydalanish muddatlari

33. “Yer osti boyliklari toʻgʻrisida”gi Oʻzbekiston Respublikasi Qonuniga muvofiq yer qaʼridan foydalanish:

geologik jihatdan oʻrganishga — besh yilgacha muddatga;

foydali qazilmalarni kavlab olish va texnogen mineral hosilalardan foydalanish uchun — foydali qazilma konini yoki texnogen mineral hosilalarni ishga solishning texnik-iqtisodiy asoslarda belgilangan muddatiga;

nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun — ikki yilgacha muddatga;

foydali qazilmalarni kavlab olish bilan bogʻliq boʻlmagan yer osti inshootlarini qurish va ulardan foydalanish, shu jumladan, neft, gaz, gaz kondensati, boshqa moddalar va materiallarni yer ostida saqlash, chiqindilarni saqlash va koʻmib tashlash uchun — muddatsiz foydalanishga;

muhofaza etiladigan geologiya obyektlarini barpo etish uchun — muddatsiz foydalanishga beriladi.

34. Yer qaʼridan foydalanish muddatlari litsenziyada koʻrsatiladi va yer qaʼri uchastkalaridan foydalanish huquqi uchun litsenziya berilgan kundan boshlab hisoblanadi.

35. Yer qaʼridan foydalanish muddati yer qaʼridan foydalanuvchining Davlat geologiya qoʻmitasiga yoʻllangan arizasi boʻyicha yer qaʼridan foydalanuvchi tomonidan litsenziyada belgilangan shartlar bajarilganda va yer qaʼrini geologik jihatdan oʻrganish ishlarini tugallash, shuningdek, foydali qazilmalar konlarini ishga tushirish, texnogen mineral hosilalardan foydalanish yoxud foydali qazilmalarni kavlab olish korxonalarini tugatish yoki konservatsiya qilish ishlarini amalga oshirish zarur boʻlganda yer qaʼridan foydalanish muddati tugashidan olti oydan kechikmay uzaytirilishi mumkin.

36. Yer qaʼridan foydalanish muddatini uzaytirish yoki uzaytirishni rad etish toʻgʻrisidagi qaror Davlat geologiya qoʻmitasi tomonidan ariza tushgan sanadan boshlab oʻn besh kun mobaynida qabul qilinadi.

5-bob. Yer qaʼri uchastkalaridan foydalanish huquqi uchun litsenziyalar berish uchun “E-IJRO AUKSION” elektron savdo maydonchasida auksionni tashkil etish va oʻtkazish tartibi

1-§. Auksionni tashkil qilish va oʻtkazishning umumiy shartlari

37. Elektron savdo maydonchasida online-auksion orqali realizatsiya qilinadigan strategik turdagi foydali qazilmalarni oʻz ichiga olgan yer qaʼri uchastkalari roʻyxati har yili, lekin bir yilda bir martadan kam boʻlmagan holda Davlat geologiya qoʻmitasi tomonidan yer qaʼri uchastkaning boshlangʻich narxi aniqlangan holda shakllantiriladi.

38. Davlat geologiya qoʻmitasi yer qaʼri uchastkalari roʻyxatini shakllantirganidan keyin har bir yer qaʼri uchastkasi boʻyicha tegishli maʼlumotlarni tayyorlaydi va yer qaʼri uchastkalaridan foydalanish huquqini auksionga qoʻyish boʻyicha qaror qabul qiladi.

39. Yer qaʼri uchastkalaridan foydalanish huquqini auksionga qoʻyish toʻgʻrisidagi qarorda quyidagilar koʻrsatiladi:

yer qaʼri uchastkasining nomi (yoki raqami) va joylashgan joyi (geografik koordinatali nuqtalari, WGS-84 Xalqaro geografik tizimdagi geolokatsiyasi);

yer qaʼri uchastkasidan foydalanish maqsadi;

yer qaʼri uchastkasi joylashgan joyning fotosurati (15x20 sm);

yer qaʼri uchastkasining maydoni (gektarda);

yer qaʼri uchastkasi toʻgʻrisida umumiy geologik va boshqa maʼlumotlar;

savdoga qoʻyilayotgan yer qaʼri uchastkalaridan foydalanish huquqining boshlangʻich narxi;

yer qaʼri uchastkasidan foydalanish namunaviy shartlari;

yer qaʼrini geologik jihatdan oʻrganish boʻyicha ishlarni moliyalashtirgan yuridik shaxslar oʻzlari razvedka qilgan konda kavlash ishlariga mutlaq huquqi mavjudligi toʻgʻrisida maʼlumot.

40. Davlat geologiya qoʻmitasi talabgorlarni auksionda ishtirok etishga keng jalb qilishga doir choralarni koʻradi, shu jumladan, olingan hujjatlar va axborotni, shu jumladan yer qaʼri uchastkalari toʻgʻrisidagi umumiy geologik va boshqa maʼlumotlarni auksionda ishtirok etish uchun buyurtma joylashtiriladigan veb-portal manzilini koʻrsatgan holda oʻz rasmiy veb-saytida joylashtiradi.

Talabgorlar qiziqish bildirgan hollarda Davlat geologiya qoʻmitasi yer qaʼri toʻgʻrisida qoʻshimcha geologik va boshqa maʼlumotlarni, mavjud infrastruktura, investitsiyalarni jalb qilish va yer qaʼridan foydalanuvchilar sohasidagi amaldagi qonun hujjatlari boʻyicha maʼlumotlarni taqdim etilishida yordam koʻrsatadi.

41. Davlat geologiya qoʻmitasi ushbu Nizomning 39-bandida koʻrsatilgan hujjatlar toʻplami tayyorlangandan soʻng ikki kun mobaynida operatorga ushbu Nizomning 2-ilovasida keltirilgan shaklga muvofiq yer qaʼri uchastkalaridan foydalanish huquqini realizatsiya qilish boʻyicha auksion tashkil qilish haqidagi elektron buyurtmani taqdim qiladi.

42. Ushbu Nizomning 39-bandida koʻrsatilgan hujjatlar toʻplami Davlat geologiya qoʻmitasi tomonidan yetarli darajada rasmiylashtirilmagan yoki toʻliq boʻlmagan holda taqdim etilgan holda operator tomonidan yer qaʼri uchastkalaridan foydalanish huquqini realizatsiya qilish boʻyicha auksion tashkil qilish haqidagi elektron buyurtmani qabul qilish rad etiladi.

Mazkur holatda operator buyurtmani olingandan keyingi kundan kechiktirmasdan unda mavjud kamchiliklarni koʻrsatgan holda ularni bartaraf etish uchun Davlat geologiya qoʻmitasiga qaytaradi.

Davlat geologiya qoʻmitasi uch kun mobaynida operator tomonidan koʻrsatilgan kamchiliklarni bartaraf etadi va ushbu Nizomning 39-bandi talablariga muvofiq buyurtmani takroran operatorga yuboradi.

43. Ushbu Nizomga muvofiq yer uchastkalaridan foydalanish huquqini auksionga qoʻyish har bir yer qaʼri uchastkasi boʻyicha alohida amalga oshiriladi.

Operator tomonidan operator va Davlat geologiya qoʻmitasi oʻrtasida tuzilgan shartnomaga muvofiq auksionni tashkil etish boʻyicha xizmatlar koʻrsatiladi.

44. Yer qaʼridan foydalanish huquqini realizatsiya qilish boʻyicha auksion savdolari faqat savdo maydonchasida elektron shaklda oʻtkaziladi.

Auksion arizalarni qabul qilish va ishtirok etishni tashkil etish, shuningdek, gʻoliblarni aniqlash jarayonlariga Internet jahon axborot tarmogʻi orqali tashqaridan aralashish imkoniyatini cheklovchi maxsus dasturiy mahsulotdan foydalangan holda oʻtkaziladi.

45. Auksionning boshlanish (oʻtkazish) sanasi va lot haqidagi axborot auksion boshlanishidan kamida ikki oy oldin operatorning veb-portalida joylashtiriladi.

46. Auksion narxlarni oshirib borish prinsipi boʻyicha oʻtkaziladi.

47. Yer qaʼri uchastkalaridan foydalanish huquqi auksionga buyurtmada koʻrsatilgan boshlangʻich narx boʻyicha qoʻyiladi.

Belgilangan tartibda auksion oʻtkazilmagan deb eʼtirof etilgan taqdirda, yer qaʼridan foydalanish huquqi auksionga takroran boshlangʻich narxda qoʻyiladi.

48. Auksionni tashkil etish boʻyicha xizmatlar uchun operator auksion gʻolibidan shartnomada belgilangan miqdorda haq oladi, bunda olinadigan summa auksion obyekti boshlangʻich qiymati summasining bir foizidan oshmasligi lozim.

Auksion savdolari oʻtkazilmagan deb topilgan taqdirda, auksionni tashkil etish boʻyicha xizmatlarga haq olinmaydi.

2-§. Auksionni oʻtkazish toʻgʻrisidagi xabarnomani joylashtirish

49. Operator ilova qilingan buyurtmani olgan kundan keyingi ish kunidan kechiktirmay belgilangan tartibda oʻz veb-portalida auksion oʻtkazilishi toʻgʻrisidagi xabarnomani alohida boʻlim yaratgan holda joylashtiradi.

50. Xabarnoma quyidagi maʼlumotlarni oʻz ichiga olishi zarur:

auksion oʻtkaziladigan sana, shu jumladan, boshlanish va tugashining aniq vaqti;

lot raqami va nomi;

auksionda ishtirok etish uchun arizalar qabul qilishning oxirgi sanasi va vaqti;

yer qaʼri uchastkasidan foydalanish huquqini amalga oshirish joyi va muddati;

yer qaʼri uchastkasidan foydalanish huquqini berishdan belgilangan maqsad;

yer qaʼri uchastkasi joylashgan joyning fotosurati (15x20 sm);

auksion obyektining boshlangʻich narxi;

yer qaʼri uchastkasining joylashgan joyi (geografik koordinatali nuqtalari, WGS-84 Xalqaro geografik tizimdagi geolokatsiyasi);

yer qaʼri uchastkasining maydoni (gektarda);

yer qaʼri uchastkasi toʻgʻrisida umumiy geologik va boshqa maʼlumotlar;

yer qaʼri uchastkasidan foydalanish namunaviy shartlari;

zakalat pulining boshlangʻich narxdan foizlarda koʻrsatilgan va aniq summada ifodalangan miqdori, zakalat puli oʻtkazilishi lozim boʻlgan operatorning bank rekvizitlari;

Davlat geologiya qoʻmitasining manzili, telefon raqami va yer qaʼri uchastkasi boʻyicha batafsil axborot joylashtiriladigan veb-sayti toʻgʻrisida maʼlumot.

51. Operatorning veb-portalida yuridik shaxslarga xabarnomaning batafsil tarkibi va lot boʻyicha maʼlumotlar bilan erkin tanishish imkoniyati taʼminlanishi lozim. Operatorning veb-portalida auksionni oʻtkazish qoidalari bilan tanishish imkoniyati yaratiladi.

Operator ommaviy axborot vositalaridan foydalanish orqali va boshqa usullarda tadbirkorlik subyektlarini auksionlarda ishtirok etish tartibi haqida muntazam tanishtirib boradi.

3-§. Auksionda ishtirok etish shartlari

52. Auksionda elektron raqamli imzo bilan tasdiqlangan elektron arizalarni taqdim etish va zakalat pulini kiritish orqali ishtirok etiladi.

53. Auksionda ishtirok etish uchun arizalar xabarnoma joylashtirilgan kundan boshlab operatorning veb-portalida avtomatik tarzda qabul qilinadi.

54. Talabgorlar xabarnoma joylashtirilgan kundan boshlab ikki oy mobaynida auksionda ishtirok etish uchun elektron shaklda arizalarni topshiradi hamda elektron arizada qayd etilgan lot raqami va nomi boʻyicha elektron savdolar ochilgan kuni bir kun mobaynida auksionda qatnashadi.

Arizani qabul qilish auksionni oʻtkazish kunidan ikki kun oldin soat 13-00 da yakunlanadi.

Arizalarni qabul qilish uchun belgilangan muddat oʻtgandan keyin tushgan arizalar qabul qilinmaydi.

55. Auksion ishtirokchilarning arizalarini qabul qilish quyidagi tartibda amalga oshiriladi:

arizalar ushbu Nizomga 3-ilovada keltirilgan shaklga muvofiq elektron shaklda kiritiladi;

ariza beruvchi veb-portaldan ishtirokchi sifatida roʻyxatdan oʻtadi hamda avtomatik tarzda unga shaxsiy kabinet va shaxsiy hisobvaragʻi ochiladi (chet ellik ishtirokchilarga xorijiy valyutada — AQSh dollarida hisob varagʻi ochiladi);

ishtirokchi oʻzi tomonidan tanlangan lotning zakalat pulidan kam boʻlmagan miqdorda shaxsiy hisobvaragʻini toʻldiradi va ariza yuboradi. Zakalat puli ishtirokchining shaxsiy hisobvaragʻidan avtomatik tarzda yechib olinadi.

Agar ishtirokchining shaxsiy hisobvaragʻidagi pul mablagʻi yetarli boʻlmasa, uning arizasi rad etiladi.

Chet ellik ishtirokchilar zakalat pulini Oʻzbekiston Respublikasi Markaziy bankining toʻlov kunidagi kursi boʻyicha xorijiy valyutada kiritishi mumkin.

56. Yer qaʼri uchastkasidan foydalanish huquqi uchun auksionda ishtirok etish uchun zakalat puli auksion obyekti boshlangʻich narxining 5 foizi miqdorida belgilanadi va operatorning bank hisobvaragʻiga oʻtkaziladi.

57. Auksion ishtirokchisi arizasini online-auksionda qatnashish uchun arizalar qabul qilinishining yakuniga qadar chaqirib olish imkoniyatiga ega.

Auksionda ishtirok etish uchun ariza chaqirib olingan hollarda operator toʻlangan zakalat pulini ariza chaqirib olingan zahoti avtomatik tarzda auksion ishtirokchisining hisobvaragʻiga qaytaradi.

Auksion ishtirokchisiga zakalat puli qaytarilganda bank hisobvaragʻi notoʻgʻri koʻrsatilganligi yoki boshqa sabablarga koʻra toʻlov operatorning bank hisobvaragʻiga qaytib tushgan holatda operator auksion ishtirokchisini bu haqda ogohlantiradi va aniq bank maʼlumotlari berishni soʻraydi. Bu holatda zakalat puli auksion ishtirokchisi tomonidan aniq bank maʼlumotlari berilgan kundan keyingi ish kunidan kechiktirmasdan qaytariladi.

58. Ishtirokchilarning arizalari avtomatik tarzda tekshiriladi.

Auksion ishtirokchilariga ular auksionda ishtirok etishda foydalanish uchun shaxsiy tartib raqamlari beriladi.

59. Ariza va unga ilova qilingan hujjatlar belgilangan talablarga muvofiq toʻldirilgan va yuborilgan, shuningdek zakalat puli shaxsiy hisobvaragʻidan toʻliq tushgandan keyin avtomatik tarzda qabul qilinadi.

60. Agar ariza va unga ilova qilingan hujjat belgilangan talablarga muvofiq toʻldirilmagan va joʻnatilmagan, zakalat puli operatorning bank hisobvaragʻiga toʻlanmagan yoki toʻliq toʻlanmagan hollarda ariza avtomatik tarzda rad qilinadi va bu haqda ishtirokchining elektron pochtasiga bildirishnoma yuboriladi.

61. Auksion ishtirokchisi xabarnomada koʻrsatilgan vaqt yakunlanguniga qadar auksionda ishtirok etishga arizani undagi kamchiliklarni bartaraf qilgan holda takroran yuborishga haqli.

62. Operator arizalar va ularga ilova qilingan hujjatlarning saqlanishini va ularning sir tutilishini taʼminlaydi.

Arizalarni qabul qilish davrida, shuningdek, auksionni oʻtkazish davrida operatorning veb-portalida auksion ishtirokchilari haqidagi maʼlumotlarning aks ettirilishiga yoʻl qoʻyilmaydi.

4-§. Auksionda ishtirok etish tartibi

63. Auksion operatorning veb-portalidagi xabarnomada koʻrsatilgan kunda va vaqtda boshlanadi.

64. Auksion ikki va undan ortiq ishtirokchi qatnashganda oʻtkaziladi.

65. Tegishli lot boʻyicha auksion boshlangach veb-portalda auksion boshlangani haqidagi maʼlumot avtomatik tarzda yangilanadi.

66. Auksion ish kuni mobaynida 9-00 dan 18-00 gacha oʻtkaziladi.

67. Yer qaʼri uchastkalaridan foydalanish huquqini savdoga qoʻyishning boshlangʻich narxi:

geologik qidiruv ishlari uchun — “Yer osti boyliklari toʻgʻrisida”gi Oʻzbekiston Respublikasi Qonunida belgilangan tartibda aniqlangan imzoli bonus stavkasi miqdorida;

foydali qazilmalarni qazib olish va texnogen mineral hosilalardan foydalanganlik uchun — “Yer osti boyliklari toʻgʻrisida”gi Oʻzbekiston Respublikasi Qonunida belgilangan tartibda aniqlangan tijoratbop topilma bonusi stavkasi miqdorida belgilanadi.

68. Yer qaʼrini geologik oʻrganishga doir ishlarni moliyalashtirgan yuridik shaxslarga u tomonidan qidirilgan kondan foydali qazilmalarni qazib olishga litsenziya olish uchun berilgan mutlaq huquq muddati tugagandan soʻng auksionda ishtirok etgan taqdirda kondan foydalanish huquqi uchun litsenziya olishga ustun huquq saqlab qolinadi.

Ustun huquq zakalat summasini toʻlamagan holda auksionda ishtirok etishga imkoniyat beriladi va auksionda ishtirok etish uchun auksion hajmi dastlabki qiymatining besh foizi miqdorida zakalat summasi bekor qilinadi.

Yuridik shaxs ustun huquqdan foydalanish uchun Davlat geologiya qoʻmitasiga arizalar qabul qilish tugaguniga qadar besh ish kunidan kechiktirmay auksionda ishtirok etishi toʻgʻrisida xabar beradi.

Davlat geologiya qoʻmitasi bir kun muddatda elektron buyurtmani operatorga ustun huquqi mavjud yuridik shaxsning auksionda ishtirok etayotganligi haqidagi maʼlumotlarni yuboradi.

Davlat geologiya qoʻmitasining buyurtmasi olingandan keyin operator ustun huquqi mavjud yuridik shaxsning arizasini zakalat summasini talab qilmagan holda ariza va unga ilovalarni toʻldirish talablari buzilmasligi sharti bilan qabul qiladi.

69. Auksion bosqichi auksion obyekti boshlangʻich narxining 5 foizdan kam boʻlmagan miqdorida belgilanadi.

70. Auksion uning ishtirokchilaridan lotni boshlangʻich narxdan bitta bosqichga oshirilgan narxda sotib olish boʻyicha taklifni tasdiqlashni soʻrashdan boshlanadi.

71. Agar taklif berilgandan keyin 10 daqiqa davomida auksion ishtirokchilaridan biri belgilangan bosqichga oshirilgan lot narxini tasdiqlasa, keyingi taklifni tasdiqlash uchun vaqt yana 10 daqiqaga uzaytiriladi.

72. Agar tasdiqlangan oxirgi taklifdan soʻng 10 daqiqa davomida keyingi oshirilgan lot narxi boʻyicha taklif auksion ishtirokchilarining birontasi tomonidan tasdiqlanmasa, auksion uning natijalari haqidagi bayonnomani avtomatik tarzda shakllantirgan holda yakunlanadi. Lot narxi boʻyicha taklifni oxirgi tasdiqlagan ishtirokchi auksion gʻolibiga aylanadi.

73. Agar lot narxini oshirish boʻyicha taklifni oxirgi tasdiqlagan auksion ishtirokchisi taklifini auksion oʻtkazish vaqti yakunlanishiga 10 daqiqadan kam qolganda amalga oshirgan boʻlsa, auksionni oʻtkazish vaqti oxirgi taklif tasdiqlangan paytdan boshlab keyingi 10 daqiqaga uzaytiriladi. Keyingi har bir taklif auksion oʻtkazish vaqtini 10 daqiqadan uzaytirib boradi. Biroq, bunda auksion oʻtkazish vaqti 3 soatdan ortiq boʻlmagan muddatga uzaytirilishi mumkin va auksion soat 21.00 ga qadar yakunlanishi lozim. Lot narxi boʻyicha oxirgi taklifni soat 21.00 ga qadar bildirgan ishtirokchi auksion gʻolibi deb topiladi.

74. Savdo maydonchasida auksionni oʻtkazishga toʻsqinlik qiladigan texnik uzilish sodir boʻlgan hollarda auksion oʻtkazish sanasi va vaqti haqida auksion ishtirokchilariga xabar berilgan holda auksion texnik uzilish bartaraf qilingan kundan keyingi kunda davom ettiriladi.

75. Auksion yakunlangandan keyin veb-portalda auksion yakunlangani va uning natijalari haqidagi maʼlumot avtomatik tarzda yangilanadi.

Auksion yakunlanganda operatorning veb-portalida quyidagi maʼlumotlar aks ettiriladi:

lotning boshlangʻich narxi;

oxirgi va oxirgidan oldin tasdiqlangan takliflar (oxirgi va oxirgidan oldingi bosqichlarni hisobga olgan holda auksion ishtirokchilari tomonidan tasdiqlangan takliflar boʻyicha shakllangan narxlar);

auksion gʻolibi va oxirgidan oldingi taklifni tasdiqlagan auksion ishtirokchisi haqidagi tegishli maʼlumotlar.

76. Auksion quyidagi hollarda oʻtkazilmagan deb hisoblanadi:

auksionda ishtirok etish uchun birorta ham ariza tushmagan boʻlsa;

auksionda ishtirok etish uchun birorta ham ishtirokchi qatnashmagan boʻlsa;

auksion ishtirokchilari tomonidan birorta ham taklif tasdiqlanmasa;

auksionda ishtirok etish uchun faqat bir nafar ishtirokchi qoʻyilgan boʻlsa;

ushbu Nizomning 79-bandida belgilangan tartibda aniqlangan auksion gʻolibi va oxirgidan oldingi taklifni tasdiqlagan ishtirokchi tomonidan auksion obyekti qiymatining 100 foizi belgilangan muddatda toʻliq toʻlanmasa.

77. Auksion oʻtkazilmagan deb hisoblanganda:

operatorning veb-portalida avtomatik tarzda bu haqda uning sabablari, shuningdek, lotning boshlangʻich narxi haqida maʼlumot aks ettiriladi;

yer uchastkasidan foydalanish huquqi ushbu Nizomning 49 — 77-bandlarida nazarda tutilgan tartibda oʻtkaziladigan auksionga avtomatik tarzda qayta qoʻyiladi.

Bunda auksionning takroran boshlanish (oʻtkazish) vaqti bir oydan erta boʻlmagan muddatda operator xabarnomani auksion oʻtkazilishi va lot haqida maʼlumotni oʻzining veb-portaliga joylashtirgan kundan belgilanadi.

78. Yer qaʼri uchastkasidan foydalanish huquqi ushbu Nizomning 76-bandida nazarda tutilgan asoslarga koʻra realizatsiya qilinmasa, auksion obyekti boshlangʻich narxda takroriy auksionlarga qoʻyiladi. Takroriy auksionlar auksion obyekti realizatsiya qilingunga qadar bir yil davomida oʻtkaziladi.

Agar auksionni oʻtkazish davomida ariza:

ustun huquqi mavjud faqat bitta ishtirokchidan qabul qilingan boʻlsa, ushbu ishtirokchi birinchi auksion natijalariga koʻra gʻolib deb eʼlon qilinadi;

faqat bitta va bir xil yagona ishtirokchidan uch marotaba bir xil yer qaʼri uchastkasi boʻyicha qabul qilingan boʻlsa, bunday ishtirokchi uchinchi auksion natijalariga koʻra gʻolib deb eʼlon qilinadi.

Bir yil mobaynida auksionlar oʻtkazilmagan deb topilgan taqdirda, operator Davlat geologiya qoʻmitasini bu haqda elektron xat bilan xabardor qiladi hamda auksion obyektini savdodan oladi.

5-§. Auksion natijalari boʻyicha haq toʻlash, auksion natijalari toʻgʻrisidagi bayonnomani rasmiylashtirish va yer qaʼri uchastkalaridan foydalanish huquqi uchun litsenziya berish tartibi

79. Auksion gʻolibi auksion yakunlangan kundan boshlab oʻn kundan kechiktirmay auksionda sotilgan yer qaʼri uchastkasining qiymatini operatorning hisobvaragʻiga toʻliq toʻlab berishi lozim.

Auksion gʻolibi yer qaʼri uchastkasining qiymatini shaxsiy hisobvaragʻidan toʻlaydi.

Bunda ushbu auksion obyekti boʻyicha avval toʻlangan zakalat puli auksion obyekti qiymatiga qoʻshib hisoblanadi.

Gʻolib tomonidan auksion obyektining 100 foiz qiymati toʻliq toʻlangandan soʻng operator bir kun davomida maxsus blankada auksion natijalari haqidagi bayonnomani rasmiylashtiradi va uni muhr bilan tasdiqlaydi.

80. Agar auksion natijalariga koʻra auksion gʻolibi uch kun ichida yer qaʼri uchastkasidan foydalanish huquqini sotib olishdan bosh tortsa, operator keyingi ish kunidan kechiktirmay oxirgidan oldingi taklifni bildirgan auksion ishtirokchisiga u auksion davomida taklif etgan narxda yer qaʼri uchastkasidan foydalanish huquqini sotib olishini taklif qiladi.

Agar oxirgidan oldingi taklifni bildirgan auksion ishtirokchisi uch kun ichida yer qaʼri uchastkasidan foydalanish huquqini sotib olishga rozilik bildirsa, u ushbu Nizomning 79, 81 va 82-bandlarida belgilangan tartibda auksion natijalari haqidagi bayonnoma rasmiylashtirilishi bilan auksion gʻolibi deb eʼtirof etiladi.

81. Auksion natijalari haqidagi bayonnomada quyidagi maʼlumotlar koʻrsatiladi:

a) auksion oʻtkazilgan sana;

b) Davlat geologiya qoʻmitasining yer uchastkalaridan foydalanish huquqini auksionga qoʻyish uchun bergan buyurtmasi;

v) lot raqami;

g) auksion obyektining boshlangʻich narxi;

d) auksion obyektining sotilgan narxi;

e) auksion gʻolibining nomi va rekvizitlari;

yo) auksion obyekti, shu jumladan:

yer qaʼri uchastkasining nomi (raqami), u joylashgan joy;

yer qaʼri uchastkasidan foydalanish huquqini amalga oshirishning belgilangan maqsadi.

82. Operator bir kun mobaynida oʻtkazilgan auksion natijalari haqidagi bayonnomani auksion gʻolibining shaxsiy kabinetiga va Davlat geologiya qoʻmitasiga taqdim etadi hamda tegishli axborotni oʻz veb-portalida joylashtiradi.

Operator tomonidan Davlat geologiya qoʻmitasiga auksion gʻolibi toʻgʻrisida qoʻshimcha maʼlumotlar (yuridik shaxsning davlat roʻyxatidan oʻtkazilgan hujjat boʻyicha toʻliq nomi va STIR raqami, korxona rahbarining pasporti nusxasi) taqdim etiladi.

Operator elektron pochta orqali bayonnoma nusxasini yer qaʼri uchastkasi joylashgan tuman (shahar) hokimligiga joʻnatadi.

83. Auksion natijalari haqidagi bayonnoma quyidagilar uchun asos hisoblanadi:

Davlat geologiya qoʻmitasiga — auksion gʻolibiga tegishli yer qaʼri uchastkasi boʻyicha geologik va boshqa maʼlumotlar toʻplamini berish;

Davlat geologiya qoʻmitasiga — auksion gʻolibiga tegishli litsenziyani rasmiylashtirish;

tegishli tuman (shahar) hokimligiga — auksion gʻolibiga yer uchastkasini ajratish haqidagi qarorni qabul qilish.

84. Auksion gʻolibi oʻn kun muddatda yer qaʼri uchastkasidan foydalanish shartlarini imzolaydi.

Agar auksion gʻolibi oʻttiz kun ichida yer qaʼri uchastkasidan foydalanish shartlarini imzolamasa, auksion gʻolibi maqomi bekor qilinadi va yer qaʼri uchastkasi ushbu Nizomda belgilangan tartibda qaytadan auksionga qoʻyiladi.

85. Litsenziya, auksion gʻolibi tomonidan yer qaʼri uchastkasidan foydalanish shartlarini imzolagandan boshlab ikki kun muddatda rasmiylashtiriladi va beriladi.

Auksion gʻolibiga litsenziya bilan birgalikda maxfiylik toʻgʻrisidagi shartnoma asosida soʻralayotgan yer qaʼri uchastkasi boʻyicha geologik va boshqa maʼlumotlar toʻplami bepul taqdim etiladi.

Geologik va boshqa maʼlumotlar toʻplamida yer qaʼri uchastkasi maydonining konturi, kon-texnik, texnologik va boshqa maʼlumotlar yiriklashtirilgan texnik-iqtisodiy asoslash yoki texnik-iqtisodiy asoslashni ishlab chiqish uchun yetarli hajmda boʻlishi kerak.

86. Auksion gʻolibi tomonidan yer qaʼri uchastkasidan foydalanish huquqiga online-auksion natijalari boʻyicha litsenziya rasmiylashtirilgan yer qaʼridan foydalanuvchi tomonidan 6 oy ichida tegishli yer qaʼri uchastkasi boʻyicha quyidagi hujjatlar toʻplami Davlat geologiya qoʻmitasiga taqdim etiladi:

yiriklashtirilgan texnik-iqtisodiy hisob-kitoblar — litsenziya yer qaʼri uchastkasini geologik oʻrganish uchun berilganda;

belgilangan tartibda ekspertizadan oʻtkazilgan texnik-iqtisodiy asoslar — litsenziya strategik turdagi foydali qazilmalarni qazib olish va texnogen mineral hosilalardan foydalanish uchun berilganda;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasi.

87. Davlat geologiya qoʻmitasi oʻn kun muddatda taqdim etilgan hujjatlar toʻplamini oʻrganib chiqadi hamda oʻrganish natijasi boʻyicha yer qaʼridan foydalanuvchiga yozma tarzda maʼlum qiladi.

Taqdim etilgan hujjatlar boʻyicha kamchiliklar aniqlangan xollarda tegishli yer qaʼridan foydalanuvchilar oʻn ish kunida kamchiliklarni bartaraf etishlari va Davlat geologiya qoʻmitasiga bu haqda maʼlumot taqdim etishlari lozim.

Kamchiliklarni koʻrsatilgan muddatda bartaraf etmaslik va Davlat geologiya qoʻmitasiga maʼlumot taqdim etmaslik rasmiylashtirilgan litsenziya va yer qaʼri uchastkasini ajratish haqidagi qarorni bekor qilish uchun asos boʻlishi mumkin.

88. Litsenziya rasmiylashtirilgan yer qaʼridan foydalanuvchi tomonidan olti oy ichida ushbu Nizomning 86-bandida koʻrsatilgan hujjatlar toʻplami Davlat geologiya qoʻmitasiga topshirilmagan holda, rasmiylashtirilgan litsenziya va yer uchastkasini ajratish haqidagi qaror bekor qilinadi.

6-§. Zakalat pulini qaytarish tartibi va shartlari hamda yer qaʼri uchastkasidan foydalanish huquqini realizatsiya qilishdan tushadigan mablagʻlarni yoʻnaltirish

89. Ushbu Nizomning 90 va 91-bandlarida koʻrsatilgan holatlardan tashqari, qoidaga koʻra, auksion yakunlanganidan yoki oʻtkazilmagan deb eʼtirof etilganidan soʻng zakalat puli quyidagilarga qaytariladi:

oxirgidan oldingi taklifni bildirgan auksion ishtirokchisiga — auksion yakunlangan kundan boshlab oʻn ikki ish kuni mobaynida;

auksionda ishtirok etishga qoʻyilgan yagona ishtirokchiga — xabarnomada koʻrsatilgan auksion oʻtkazish kunidan boshlab olti ish kuni mobaynida;

boshqa ishtirokchilarga — auksion yakunlangan yoki oʻtkazilmagan deb eʼtirof etilganidan kundan boshlab uch ish kuni mobaynida.

Bunda zakalat puli auksion ishtirokchisining arizasiga asosan aynan shu lot boʻyicha takroriy auksionda qatnashish uchun operatorning bank hisobvaragʻida qoldirilishi mumkin.

90. Auksion gʻolibiga zakalat puli qaytarilmaydi va u auksion obyektining sotilgan qiymati tarkibida hisoblanadi.

91. Auksion obyektining qiymatini mazkur Nizomning 79 va 82-bandlarida belgilangan tartibda toʻliq toʻlamagan auksion ishtiroklariga zakalat puli qaytarilmaydi va operatorning tasarrufida qoladi.

92. Operator tomonidan bir kun muddatda yer qaʼri uchastkasidan foydalanish huquqini “E-IJRO AUKSION” elektron savdo maydonchasida realizatsiya qilishdan olingan pul mablagʻlari va ushlab qolingan zakalat summasi auksionni tashkil qilish xizmatlari uchun (yer qaʼri uchastkasining boshlangʻich narxidan bir foiz operator hisobvaragʻiga va uch foiz Davlat geologiya qoʻmitasining hisobvaragʻiga) toʻlov summalari chegirilgan holda Oʻzbekiston Respublikasi Davlat budjetiga oʻtkaziladi.

6-bob. Yer qaʼri uchastkalaridan foydalanish huquqi uchun litsenziyalarni toʻgʻridan toʻgʻri muzokaralar natijalari boʻyicha berish tartibi

1-§. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan litsenziya

93. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan litsenziyalar olish uchun ariza beruvchilarga soʻralayotgan yer qaʼri uchastkasi boʻyicha geologik va boshqa maʼlumotlar toʻplami maxfiylik toʻgʻrisidagi bitim asosida Davlat geologiya qoʻmitasi tomonidan beriladi.

Geologik va boshqa maʼlumotlar toʻplami ariza beruvchi bilan kelishilgan yer qaʼri uchastkasi maydonining konturi, kon-texnik, texnologik va boshqa maʼlumotlar yiriklashtirilgan texnik-iqtisodiy asoslash yoki texnik-iqtisodiy asoslashni ishlab chiqish uchun yetarli hajmda boʻlishi kerak.

94. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan litsenziya olish uchun ariza beruvchi yozma yoki elektron tizimda, mazkur nizomning 95-bandida koʻrsatilgan hujjatlarni ilova qilgan holda Davlat geologiya qoʻmitasiga ariza bilan murojaat qiladi.

Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan litsenziyalarni toʻgʻridan toʻgʻri muzokaralar asosida berish ushbu Nizomga 4-ilovaga muvofiq sxema boʻyicha amalga oshiriladi.

95. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan litsenziya olish uchun ariza quyidagilarni oʻz ichiga olishi zarur:

ariza beruvchining davlat roʻyxatidan oʻtganligi toʻgʻrisidagi guvohnomaga muvofiq toʻliq nomi;

ariza beruvchining rahbarlari va mulk egalari toʻgʻrisidagi maʼlumotlar (aloqa va pochta maʼlumotlari);

soʻralayotgan yer qaʼri uchastkasining nomi va yer qaʼridan foydalanishning nazarda tutilayotgan turi;

rejalashtirilayotgan faoliyatni amalga oshirish uchun mavjud xodimlar (geologlar, konchilar, marksheyderlar) toʻgʻrisidagi maʼlumotlar, mutaxassis (mutaxassislar) boʻlmaganda esa — tegishli litsenziyaga ega boʻlgan ixtisoslashgan tashkilot bilan shartnoma;

soliq organlari tomonidan beriladigan Oʻzbekiston Respublikasi Davlat budjeti va davlatning maqsadli jamgʻarmalari budjeti oldida qarzdorlik mavjud emasligini tasdiqlovchi hujjatlar, ariza beruvchida yer qaʼri uchastkasini oʻzlashtirish boʻyicha ishlarni bajarish uchun zarur miqdordagi oʻziga tegishli va jalb qilinadigan mablagʻlarning mavjudligi;

yiriklashtirilgan texnik-iqtisodiy hisob-kitoblar — yer qaʼri foydali qazilmalarning strategik turlari yuzasidan geologik oʻrganish uchun berilganda;

belgilangan tartibda ekspertizadan oʻtkazilgan texnik-iqtisodiy asoslar — yer qaʼrini foydali qazilmalarni kavlab olish va texnogen hosilalardan foydalanishga berishda;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasi;

ariza beruvchining yiriklashtirilgan texnik-iqtisodiy asoslar yoki texnik-iqtisodiy asoslarga muvofiq soʻralayotgan yer qaʼri uchastkasidan foydalanishni taʼminlash uchun texnik, texnologik va moliyaviy imkoniyatlari toʻgʻrisida maʼlumot;

yer qaʼridan foydalanishning nazarda tutilgan turini amalga oshirish uchun tegishli yer uchastkasi ajratilishini kafolatlovchi hujjat;

geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkasidan foydalanish huquqini beradigan litsenziya olishga doir arizalarni koʻrib chiqish uchun Davlat geologiya qoʻmitasi hisobvaragʻiga qonun hujjatlari bilan belgilangan bazaviy hisoblash miqdorining toʻrt barobar miqdorida toʻlov oʻtkazilganligini tasdiqlovchi hujjat.

Arizani koʻrib chiqish uchun toʻlangan toʻlov qaytarilmaydi.

96. Ariza beruvchilarning hujjatlari, shu jumladan, yiriklashtirilgan texnik-iqtisodiy asoslar va (yoki) texnik-iqtisodiy asoslar ekspertizasi Davlat geologiya qoʻmitasi tomonidan topshirilgan vaqtdan boshlab oʻn ikki ish kuni mobaynida amalga oshiriladi.

97. Taqdim etilgan hujjatlarni koʻrib chiqish natijalari boʻyicha Davlat geologiya qoʻmitasi uch ish kuni mobaynida materiallarni umumlashtiradi va strategik turdagi foydali qazilmalarni oʻz ichiga olgan yer qaʼri uchastkasidan foydalanish huquqi uchun litsenziya berish yoki uni rad etish toʻgʻrisida qaror qabul qiladi.

98. Davlat geologiya qoʻmitasi yer qaʼri uchastkalaridan foydalanish huquqi uchun litsenziya berish toʻgʻrisida qaror qabul qilganidan soʻng bir kun muddatda ariza beruvchini yozma shaklda yoki uning elektron manziliga yer qaʼri uchastkasidan foydalanish shartlari loyihasini ilova qilib, uni imzolash muddatini koʻrsatgan holda xabardor qiladi.

99. Ariza beruvchi uch kun muddatda yer qaʼri uchastkasidan foydalanish shartlarini imzolaydi.

Agar, ariza beruvchi oʻttiz kun ichida yer qaʼri uchastkasidan foydalanish shartlarini imzolamasa, Davlat geologiya qoʻmitasi yer qaʼri uchastkasidan foydalanish huquqi uchun litsenziya berishni rad etish toʻgʻrisida qaror qabul qilish huquqiga ega.

100. Litsenziya, ariza beruvchi tomonidan yer qaʼri uchastkalaridan foydalanish shartlari imzolangan kundan boshlab bir kun muddatda rasmiylashtiriladi va beriladi.

Yiriklashtirilgan texnik-iqtisodiy hisob-kitoblar va (yoki) dastlabki texnik-iqtisodiy asoslar tegishli yer qaʼri uchastkasidan foydalanish shartlariga kiritilishi shart.

Agar, yer qaʼri uchastkalari foydalanish uchun alohida bitim shartlari asosida berilsa, litsenziya alohida bitim imzolanganidan soʻng besh ish kuni muddatida beriladi.

101. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan litsenziyalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar, shu jumladan, litsenziya olish uchun zarur boʻlgan maʼlumotlar toʻliq boʻlmaganda;

ariza beruvchi oʻzi haqida ishonchsiz yoki notoʻgʻri maʼlumot taqdim etganda;

ariza beruvchi ishlarni samarali olib borilishi uchun malakali mutaxassislar, zarur moliyaviy va texnik vositalarning mavjudligini tasdiqlovchi maʼlumotni taqdim etmaganda;

yer qaʼri uchastkalaridan foydalanishga doir ishlarni olib borish metodikasi geologiya-qidiruv ishlarini olib borish yoki yer qaʼri uchastkalarini oqilona oʻzlashtirish boʻyicha belgilangan talablarga mos kelmaganda;

qazib olinadigan xomashyo qiymati notoʻgʻri hisoblanganda;

ariza beruvchi yer qaʼridan foydalanish shartlarini oʻttiz kun muddatda imzolamaganda.

Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchatkalaridan foydalanish huquqini beradigan litsenziya berilishi rad etilganligiga norozilik boʻlganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

102. Geologik jihatdan oʻrganish, foydali qazilmalarni kavlab olish va texnogen mineral hosilalardan foydalanish uchun yer qaʼri uchastkalaridan foydalanish huquqini beradigan litsenziyalar berishni rad qilish toʻgʻrisida qaror qabul qilinganidan soʻng Davlat geologiya qoʻmitasi bir kun ichida ariza beruvchiga rad etilganlik toʻgʻrisida yozma va elektron shakldagi xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

Ariza beruvchi rad etilishiga asos boʻlgan sabablarni bartaraf etib, qayta koʻrib chiqish uchun topshirishga haqli boʻlgan muddat bunda oʻttiz kalendar kun etib belgilanadi.

103. Ariza beruvchi tomonidan yer qaʼri uchastkasidan foydalanish huquqi uchun litsenziya berishni rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

104. Arizani takroran koʻrib chiqishda litsenziya berishning oldingi rad etilishiga asos boʻlgan sabablar bilan xabarda koʻrsatilgan yangi sabablar boʻyicha rad etilishiga yoʻl qoʻyilmaydi, oldingi qoidabuzishlar bartaraf etilishini tasdiqlovchi maʼlumotlar bilan bogʻliq rad etish sabablari koʻrsatilishi bundan mustasno.

Hujjatlarni takroran koʻrib chiqish uchun haq olinmaydi.

105. Ariza beruvchi tomonidan rad etilganlik toʻgʻrisida xabarnomada koʻrsatilgan muddat oʻtib boʻlganidan soʻng berilgan ariza yangidan berilgan ariza deb hisoblanadi va ushbu Nizomning 95-bandida keltirilgan shartlar boʻyicha koʻrib chiqiladi.

2-§. Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan litsenziya

106. Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkasidan foydalanish huquqini beradigan litsenziya olish uchun ariza beruvchi ushbu Nizomning 107-bandida koʻrsatib oʻtilgan hujjatlarni ilova qilgan holda vakolatli organga yozma yoki elektron shakldagi ariza bilan murojaat qiladi:

Davlat ekologiya qoʻmitasiga — chiqindilarni saqlash va koʻmib tashlash uchun;

Davlat geologiya qoʻmitasiga — uglevodorodlarni yer ostida saqlash uchun.

Yer osti inshootlarini qurish va ishlatish uchun yer qaʼri uchastkasidan foydalanish huquqi uchun litsenziya berish ushbu Nizomga 5-ilovaga muvofiq sxema boʻyicha amalga oshiriladi.

107. Arizada davlat roʻyxatidan oʻtganligi toʻgʻrisidagi guvohnomaga muvofiq ariza beruvchining toʻliq nomi, soʻralayotgan yer qaʼri uchastkasining nomi va yer qaʼridan foydalanishning nazarda tutilgan turi koʻrsatiladi.

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkasidan foydalanish huquqini beradigan litsenziyalar olish uchun arizaga quyidagi hujjatlar ilova qilinishi zarur:

ilova qilinayotgan hujjatlar roʻyxati bilan kuzatuv xati;

ariza beruvchining rahbarlari va mulk egalari toʻgʻrisidagi maʼlumotlar (aloqa va pochta maʼlumotlari);

rejalashtirilayotgan faoliyat turi uchun uchastka tanlanishining asoslanganligi boʻyicha Davlat komissiyasining bayonnomasi nusxasi;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasi;

ish olib boriladigan hududning 1:1000000 masshtabdagi sharhli xaritasi va joydagi burgʻilash qudugʻi(lar) joylashishi sxemasi;

ariza beruvchi tomonidan yer qaʼri uchastkasidan foydalanish huquqi uchun litsenziya olish uchun arizalarini koʻrib chiqishga doir bazaviy hisoblash miqdorining toʻrt baravari miqdorida yigʻim vakolatli organning hisobvaragʻiga oʻtkazilganligini tasdiqlovchi hujjat.

Arizani koʻrib chiqish uchun toʻlangan toʻlov qaytarilmaydi.

Vakolatli organ kerakli boʻlgan hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali mustaqil ravishda oladi, shu jumladan, elektron shaklda, mazkur bandda koʻzda tutilgan hujjatlar va axborotlar bundan mustasno.

108. Ariza qabul qilinganidan soʻng vakolatli organ oʻn kun muddatda litsenziyaga kiritilayotgan yer qaʼri uchastkasidan foydalanish shartlari loyihasini ishlab chiqadi.

109. Yer qaʼri uchastkasidan foydalanish shartlari loyihasi tanishish va imzolash uchun ariza beruvchiga taqdim etiladi. Ariza beruvchi besh kundan oshmaydigan muddatda yer qaʼri uchastkasidan foydalanish shartlari loyihasini koʻrib chiqadi.

110. Ariza beruvchi tomonidan yer qaʼri uchastkasidan foydalanish shartlari imzolanganidan soʻng vakolatli organ uch kun muddatda yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi.

111. Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan litsenziyalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilsa, shu jumladan, litsenziya olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda ishonchsiz yoki notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun muddatda imzolamaganda.

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkasidan foydalanish huquqini beradigan litsenziya boshqa sabablarga koʻra rad etilishiga yoʻl qoʻyilmaydi.

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchatkalaridan foydalanish huquqini beradigan litsenziya berilishi rad etilganligidan norozi boʻlinganda, ariza beruvchi qonun bilan belgilangan tartibda rad etilganlik yuzasidan shikoyat qilish huquqiga ega.

112. Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqini beradigan litsenziyalar berishni rad qilish toʻgʻrisida qaror qabul qilinganidan soʻng vakolatli organ bir kun ichida ariza beruvchiga rad etilganlik toʻgʻrisida yozma va elektron shakldagi xabarnomani yoʻllaydi, unda rad etish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

113. Ariza beruvchi tomonidan yer qaʼri uchastkasidan foydalanish huquqi uchun litsenziya berish rad etilishiga asos boʻlgan sabablar belgilangan muddatlarda bartaraf etilgan holda, hujjatlarni qayta koʻrib chiqish, rad qilinish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

3-§. Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan litsenziya

114. Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan litsenziya olish uchun ariza beruvchi ushbu Nizomning 115-bandida koʻrsatib oʻtilgan hujjatlarni ilova qilgan holda Davlat geologiya qoʻmitasiga yozma yoki elektron shakldagi buyurtma bilan murojaat qiladi.

Muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan litsenziyalarni berish ushbu Nizomga 6-ilovaga muvofiq sxema boʻyicha amalga oshiriladi.

115. Buyurtmada davlat roʻyxatidan oʻtganligi toʻgʻrisidagi guvohnomaga muvofiq holda oʻzining toʻliq nomini, soʻralayotgan yer qaʼri uchastkasining nomini va yer qaʼridan foydalanishning nazarda tutilgan turini koʻrsatadi.

Geologik obyektlarni barpo etish uchun yer qaʼri uchastkasidan foydalanish huquqini beradigan litsenziyalar olish uchun buyurtmaga quyidagi hujjatlar ilova qilinishi zarur:

ilova qilinayotgan hujjatlar roʻyxati bilan kuzatuv xati;

ariza beruvchining rahbarlari va mulk egalari toʻgʻrisidagi maʼlumotlar (aloqa va pochta maʼlumotlari);

soʻralayotgan yer qaʼri uchastkasining muhofaza etiladigan geologik obyekt ekanligini tasdiqlovchi hujjat nusxasi;

yer qaʼri uchastkasini tanlash tegishlicha asoslangan holda muhofaza etiladigan geologik obyektni barpo etish loyihasi;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasi;

tegishli yer uchastkasi ajratilishini kafolatlovchi hujjat;

ariza beruvchi tomonidan yer qaʼri uchastkasidan foydalanish huquqini beradigan litsenziya olish haqidagi buyurtma koʻrib chiqilganligi uchun bazaviy hisoblash miqdorining toʻrt baravari miqdorida yigʻim Davlat geologiya qoʻmitasining hisobvaragʻiga oʻtkazilganligini tasdiqlovchi hujjat.

Buyurtmalar koʻrib chiqish uchun toʻlangan toʻlov qaytarilmaydi.

Davlat geologiya qoʻmitasi zarur hujjatlarni va boshqa vakolatli organlardagi mavjud axborotlarni belgilangan tartibda hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno.

116. Buyurtmalar ekspertizasi ular taqdim etilgan vaqtdan boshlab bir haftalik muddatda Davlat geologiya qoʻmitasi tomonidan amalga oshiriladi.

117. Buyurtmalar ekspertizadan oʻtkazilganidan soʻng Davlat geologiya qoʻmitasi tomonidan bir kun muddatda litsenziyaga kiritilayotgan yer qaʼri uchastkasidan foydalanish shartlari loyihasi tayyorlanadi va tanishib chiqish hamda imzolash uchun ariza beruvchiga taqdim etiladi.

118. Ariza beruvchi tomonidan yer qaʼri uchastkasidan foydalanish shartlari imzolanganidan soʻng Davlat geologiya qoʻmitasi bir kun muddatda muhofaza etiladigan geologik obyektlarni barpo etish uchun yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi.

119. Muhofaza etiladigan geologik obyektlarni barpo etish uchun yer qaʼri uchastkalaridan foydalanish huquqini beradigan litsenziyalarni berish quyidagi hollarda rad etilishi mumkin:

ariza beruvchi tomonidan notoʻgʻri rasmiylashtirilgan hujjatlar taqdim etilganda, shu jumladan, litsenziya olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda ishonchsiz yoki notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun mobaynida imzolamaganda.

Muhofaza etiladigan geologik obyektlarni barpo etish uchun yer qaʼri uchastkasidan foydalanish huquqini beradigan litsenziya boshqa sabablarga koʻra rad etilishiga yoʻl qoʻyilmaydi.

Muhofaza etiladigan geologik obyektlarni barpo etish uchun yer qaʼri uchatkalaridan foydalanish huquqini beradigan litsenziya berilishi rad etilganligidan norozi boʻlganda ariza beruvchi qonun hujjatlarida belgilangan tartibda rad etilganlik yuzasidan shikoyat qilish huquqiga ega.

120. Yer qaʼri uchastkalaridan foydalanish huquqi uchun litsenziyalar berishni rad qilish toʻgʻrisida qaror qabul qilingan taqdirda Davlat geologiya qoʻmitasi bir kun ichida ariza beruvchiga rad etilganlik toʻgʻrisida yozma va elektron shakldagi xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

121. Ariza beruvchi tomonidan yer qaʼri uchastkasidan foydalanish huquqi uchun litsenziya berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish, rad qilish sabablari bartaraf etilganligi toʻgʻrisidagi maʼlumot bilan birga topshiriladigan buyurtma olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

4-§. Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya

122. Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya olish uchun ariza beruvchi ushbu Nizomning 123-bandida koʻrsatib oʻtilgan hujjatlarni ilova qilgan holda Davlat geologiya qoʻmitasiga yozma yoki elektron shakldagi buyurtma bilan murojaat qiladi.

Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya berish ushbu Nizomga 7-ilovaga muvofiq sxema boʻyicha amalga oshiriladi.

123. Buyurtmada davlat roʻyxatidan oʻtganligi toʻgʻrisidagi guvohnomaga muvofiq ariza beruvchining toʻliq nomi, soʻralayotgan yer qaʼri uchastkasining nomi va yer qaʼridan foydalanishning rejalashtirilayotgan turi koʻrsatiladi.

Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziyalar olish uchun buyurtmaga quyidagi hujjatlar ilova qilinishi zarur:

ilova qilinayotgan hujjatlar roʻyxati bilan kuzatuv xati;

ariza beruvchining rahbarlari va mulk egalari toʻgʻrisidagi maʼlumotlar (aloqa va pochta maʼlumotlari);

nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash loyihasi;

“Ekologik ekspertiza toʻgʻrisida”gi Oʻzbekiston Respublikasi Qonuni va Vazirlar Mahkamasining “Davlat ekologik ekspertizasi haqidagi nizomni tasdiqlash toʻgʻrisida” 2018-yil 22-noyabrdagi 949-son qaroriga muvofiq beriladigan atrof-muhitga taʼsiri toʻgʻrisida ariza loyihasi boʻyicha Davlat ekologik ekspertizasining ijobiy xulosasi;

ariza beruvchi tomonidan yer qaʼri uchastkasidan foydalanish huquqi uchun litsenziya olish uchun buyurtmalar koʻrib chiqilganligi uchun qonun hujjatlarida belgilangan bazaviy hisoblash miqdorining toʻrt baravari miqdoridagi yigʻim Davlat geologiya qoʻmitasining hisobvaragʻiga oʻtkazilganligini tasdiqlovchi hujjat.

Buyurtmani koʻrib chiqish uchun toʻlangan toʻlov qaytarilmaydi.

Davlat geologiya qoʻmitasi zarur hujjatlarni va boshqa vakolatli organlardagi mavjud axborotlarni belgilangan tartibda axborotlar bilan hamkorlik qilish orqali, shu jumladan, elektron shaklda mustaqil ravishda oladi, mazkur bandda nazarda tutilgan hujjatlar va axborotlar bundan mustasno.

124. Buyurtma ekspertizasi taqdim etilgan vaqtdan boshlab bir hafta muddatda Davlat geologiya qoʻmitasi tomonidan amalga oshiriladi.

125. Buyurtma ekspertizadan oʻtkazilganidan soʻng Davlat geologiya qoʻmitasi tomonidan bir kun muddatda litsenziyaga kiritilayotgan nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash yer qaʼri uchastkasidan foydalanish shartlari loyihasi tayyorlanadi va tanishib chiqish va imzolash uchun ariza beruvchiga taqdim etiladi.

126. Ariza beruvchi tomonidan yer qaʼri uchastkasidan foydalanish shartlari imzolanganidan soʻng Davlat geologiya qoʻmitasi bir kun muddatda nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi.

127. Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkalaridan foydalanish huquqini beradigan litsenziyalarni berish quyidagi hollarda rad etilishi mumkin:

ariza beruvchi tomonidan zarur tarzda rasmiylashtirilmagan hujjatlar taqdim etilganda, shu jumladan, litsenziya olish uchun zarur boʻlgan maʼlumotlar toʻliq boʻlmaganda;

ariza beruvchi tomonidan taqdim etilgan hujjatlarda ishonchsiz yoki notoʻgʻri maʼlumotlar aniqlanganda;

ariza beruvchi yer qaʼridan foydalanish shartlarini oʻttiz kun mobaynida imzolamaganda.

Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqini beradigan litsenziya boshqa sabablarga koʻra rad etilishiga yoʻl qoʻyilmaydi.

Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchatkalaridan foydalanish huquqini beradigan litsenziya berilishi rad etilganligidan norozi boʻlinganda, ariza beruvchi qonunda belgilangan tartibda shikoyat qilish huquqiga ega.

128. Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkalaridan foydalanish huquqini beradigan litsenziyalar berishni rad qilish toʻgʻrisida qaror qabul qilingan taqdirda, Davlat geologiya qoʻmitasi bir kun ichida ariza beruvchiga rad etilganlik toʻgʻrisida yozma va elektron shakldagi xabarnomani yoʻllaydi, unda rad etilish sabablari hamda ularni bartaraf etgan holda hujjatlarni takroran koʻrib chiqish uchun taqdim etish muddati koʻrsatiladi.

129. Ariza beruvchi tomonidan yer qaʼri uchastkasidan foydalanish huquqi uchun litsenziya berish rad etilishiga asos boʻlgan sabablar belgilangan muddatlarda bartaraf etilgan taqdirda, hujjatlarni qayta koʻrib chiqish rad qilish sabablari bartaraf etilganligi toʻgʻrisidagi maʼlumot bilan birga topshiriladigan ariza olingan kundan eʼtiboran oʻn ish kunidan ortiq boʻlmagan muddatda amalga oshiriladi.

Hujjatlarni takroran koʻrib chiqish uchun haq olinmaydi.

7-bob. Yer qaʼri uchastkalaridan foydalanish huquqi uchun litsenziyalarni rasmiylashtirish va berish, ushbu huquqni davlat roʻyxatidan oʻtkazish hamda davlat hisobiga olish tartibi

130. Yer qaʼri uchastkasidan foydalanish uchun litsenziyalarni vakolatli organ rahbari imzolaydi.

Yer qaʼri uchastkalaridan foydalanish uchun litsenziya yuridik shaxs maqomiga ega boʻlmagan yuridik shaxslar birlashmasiga berilgan taqdirda litsenziya bunday birlashmaning qatnashchilaridan bittasiga beriladi, ushbu litsenziyada mazkur qatnashchining birlashma nomidan vakillik qilishi, shuningdek, barcha qatnashchilar koʻrsatiladi.

131. Litsenziyalar vakolatli organning buyurtmasi boʻyicha “Davlat belgisi” davlat-ishlab chiqarish birlashmasida bosmaxona usulida tayyorlanadigan maxsus blankalarda ushbu Nizomga 8-ilovaga muvofiq shakl boʻyicha rasmiylashtiriladi.

Litsenziya blankalari hisobga olish seriyasiga, tartib raqamiga va himoya darajasiga ega boʻlgan qatʼiy hisobot beriladigan hujjat hisoblanadi. Litsenziyaga litsenziyaning ajralmas tarkibiy qismi hisoblanadigan quyidagi matnli, chizma va boshqalar ilova qilinadi:

foydalanishga berilgan yer qaʼri uchastkasi maydonining dastlabki parametrlari;

yer qaʼri uchastkasidan foydalanish boʻyicha texnik hujjatlar;

foydalanishga berilgan yer qaʼri uchastkasini tavsiflovchi chizma materiallar;

yer qaʼri uchastkasidan foydalanish shartlari;

tegishli yer uchastkasi ajratilishini kafolatlovchi hujjat.

132. Yer qaʼri uchastkasidan foydalanish huquqi davlat roʻyxatidan oʻtkazilishi shart. Yer qaʼri uchastkalaridan foydalanish huquqini davlat roʻyxatidan oʻtkazish litsenziya berishga vakolatli organlar tomonidan amalga oshiriladi.

133. Yer qaʼri uchastkasidan foydalanish huquqini davlat roʻyxatidan oʻtkazish yer qaʼri uchastkasidan foydalanish huquqi uchun litsenziyalar reyestriga tegishli yozuvni kiritish yoʻli bilan amalga oshiriladi.

Litsenziya berishga vakolatli organ reyestrlarni yer qaʼri uchastkalaridan foydalanishning har bir turi boʻyicha belgilangan tartibda alohida-alohida yuritadi.

134. Har bir reyestrda quyidagilar koʻrsatilgan boʻlishi kerak:

yer qaʼridan foydalanuvchi toʻgʻrisidagi asosiy maʼlumotlar (nomi, tashkiliy-huquqiy shakli, soliq toʻlovchining identifikatsiya raqami, pochta manzili, telefon va faks raqamlari);

foydalanishga berilgan yer qaʼri uchastkasining nomi;

yer qaʼri uchastkasining turi va undan foydalanish maqsadi;

litsenziya berilgan sana va tartib raqami;

litsenziyaning amal qilish muddati;

litsenziyani qayta rasmiylashtirishning asosi va sanasi;

yer qaʼri uchastkasidan foydalanish huquqini cheklash, toʻxtatib turish yoki tugatishning asosi va sanasi.

135. Yer qaʼri uchastkasidan foydalanish huquqi uchun litsenziyalar reyestrlaridagi maʼlumotlar yuridik va jismoniy shaxslarga tanishish uchun qonun hujjatlarida belgilangan tartibda berilishi mumkin.

Foydali qazilmalarni qazib chiqarish bilan bogʻliq boʻlmagan yer osti inshootlarini qurish va ulardan foydalanish uchun yer qaʼri uchastkasidan foydalanish huquqini beradigan litsenziya reyestrlaridagi maʼlumotlar faqat vakolatli davlat organlariga berilishi mumkin.

136. Yer qaʼri uchastkasidan foydalanish huquqi uchun litsenziyalar reyestridan yer qaʼridan bir nafar foydalanuvchi boʻyicha maʼlumotlar berish uchun qonun hujjatlarida belgilangan bazaviy hisoblash miqdorining 50 foizi miqdorida toʻlov undiriladi.

Davlat hokimiyati va boshqaruvi organlariga yer qaʼri uchastkasidan foydalanish huquqi uchun litsenziyalar reyestrlaridan maʼlumotlar bepul beriladi.

137. Reyestrdan maʼlumotlar berilganligi uchun yigʻim summasi yer qaʼri uchastkalaridan foydalanish huquqi uchun litsenziyalarning tegishli reyestrini yurituvchi organning hisobvaragʻiga oʻtkaziladi.

138. Yer qaʼridan foydalanish huquqi davlat roʻyxatidan oʻtkazilgandan keyin foydalanishga berilgan yer qaʼri uchastkasi davlat hisobiga olinadi.

139. Foydalanishga berilgan yer qaʼri uchastkalarini davlat hisobiga olish vakolatli organ tomonidan tegishli yer qaʼri uchastkasidan foydalanish huquqini davlat roʻyxatidan oʻtkazish materiallari olingan kundan boshlab oʻn kun muddatda amalga oshiriladi.

8-bob. Yer qaʼri uchastkalaridan foydalanish huquqini cheklash, toʻxtatib turish va tugatish

140. Yer qaʼri uchastkalaridan foydalanish huquqi “Yer osti boyliklari toʻgʻrisida”gi Oʻzbekiston Respublikasi Qonunining 34-moddasida nazarda tutilgan hollarda, shuningdek, alohida bitimlarda nazarda tutilgan hollarda cheklanishi, toʻxtatib turilishi yoki muddatidan oldin toʻxtatilishi mumkin.

141. Yer qaʼri uchastkalaridan foydalanish huquqini cheklash, toʻxtatib turish yoki muddatidan oldin toʻxtatish vakolatli organ tomonidan yer qaʼrini geologik oʻrganish, ulardan foydalanish va ularni muhofaza qilish davlat nazorati organlarining taqdimnomalari asosida amalga oshiriladi, qonun hujjatlariga muvofiq foydali qazilmalarni qazib chiqarish bilan bogʻliq boʻlmagan yer osti inshootlarini qurish va ulardan foydalanish uchun yer qaʼri uchastkalari bundan mustasno.

142. Yer qaʼri uchastkalaridan foydalanish huquqini cheklash barcha uchastkada yoxud uning bir qismida paydo boʻlgan xavf-xatarlar yoki yer qaʼridan foydalanish talablari va shartlarining, yer qaʼrini geologik oʻrganish boʻyicha ishlarni yuritish normalari va qoidalarining yoʻl qoʻyilgan buzilishlari bartaraf etilgungacha, biroq uch oydan koʻp boʻlmagan muddatga ishlarning muayyan turlari amalga oshirilishi taqiqlab qoʻyilishiga sabab boʻladi.

143. Yer qaʼri uchastkalaridan foydalanish huquqining toʻxtatib turilishi toʻxtatib turish uchun asos boʻlgan sabablar bartaraf etilgungacha, biroq olti oydan koʻp boʻlmagan muddatda ishlarning barcha turlari amalga oshirilishining taqiqlab qoʻyilishiga sabab boʻladi, kon ishlanmalarining saqlanishini taʼminlash, imoratlar, inshootlar va asbob-uskunalarni avariyasiz, odamlar va atrof-muhit uchun xavfsiz holatda saqlash ishlari bundan mustasno.

144. Yer qaʼri uchastkalaridan foydalanish huquqi muddatidan oldin quyidagi hollarda toʻxtatilishi mumkin:

agar yer qaʼridan foydalanuvchi bir yil davomida yer qaʼri uchastkasidan foydalanishni boshlamagan boʻlsa;

yer qaʼridan foydalanuvchi tomonidan yer qaʼri uchastkasidan foydalanishning asosiy shartlari buzilganligi (yer qaʼri uchastkasini davlat roʻyxatiga qoʻyish, ekologik talablarga rioya qilish, geologiya-qidiruv ishlari va/yoki qazib olishning moʻljallanayotgan hajmini taʼminlash, ijtimoiy va investitsiya majburiyatlarini bajarish);

yer qaʼridan foydalanish bilan bogʻliq ishlarning taʼsiri doirasida aholi hayoti va sogʻligʻiga, atrof-muhitga tahdid yuzaga kelishi;

yer qaʼridan foydalanganlik uchun toʻlovlarni muntazam ravishda toʻlamagan taqdirda;

“Yer osti boyliklari toʻgʻrisida”gi Oʻzbekiston Respublikasi Qonunining 33, 36, 37, 40 va 401-moddalarida nazarda tutilgan talablar qoidalar bajarilmagan taqdirda;

agar qoidabuzarliklar muntazam ravishda amalga oshirilsa yoxud ushbu yer qaʼri uchastkasidan foydalanish huquqiga nisbatan oldin cheklov va/yoki toʻxtatib turish qoʻyilgan boʻlsa.

Yer qaʼri uchastkasidan foydalanish huquqini muddatidan oldin bekor qilish toʻgʻrisidagi qaror yer qaʼridan foydalanuvchi tomonidan sodir etilgan huquqbuzarliklar toʻgʻrisida yer qaʼrini geologik jihatdan oʻrganish, undan foydalanish va uni muhofaza qilish davlat nazorati organlaridan yozma xabar olingan kundan boshlab bir hafta muddatda qabul qilinishi kerak.

Yer qaʼridan foydalanish huquqi toʻxtatilgan taqdirda foydalanuvchi yer qaʼridan foydalanishda buzilgan yer uchastkalarini va boshqa tabiiy obyektlarni ulardan kelgusida foydalanish uchun yaroqli holga keltirish ishlarini amalga oshirishga, shuningdek, kon ishlanmalarini hamda ushbu yer qaʼri uchastkalaridan foydalanish bilan bogʻliq boʻlgan infratuzilma obyektlarini konservatsiya qilish va/yoki yoʻq qilish ishlarini boshlashi shart.

145. Yer qaʼri uchastkasi foydalanishga berilgan yuridik shaxs tugatilishi sababli yer qaʼri uchastkasidan foydalanish huquqi toʻxtatilgan taqdirda Davlat geologiya qoʻmitasi tomonidan tuzilgan maxsus komissiya yoki alohida bitimlar shartlariga binoan yer qaʼri uchastkalari taqdim etilgan taqdirda “Mahsulot taqsimotiga oid bitimlar toʻgʻrisida”gi Oʻzbekiston Respublikasi Qonuniga muvofiq boshqaruv qoʻmitasi yer qaʼri uchastkasidan foydalanish bilan bogʻliq kon ishlanmalari va infratuzilma obyektlarini tugatish tartibi va shartlari toʻgʻrisidagi masalalarni hal etishi kerak.

Koʻrsatib oʻtilgan hollarda yer qaʼri uchastkasi litsenziya bergan organ balansiga oʻtadi.

146. Davlat geologiya qoʻmitasi tomonidan yer qaʼri uchastkasidan foydalanish huquqi toʻxtatib turilganda va (yoki) toʻxtatilganda bu toʻgʻrida Davlat geologiya qoʻmitasi uch kun mobaynida mahalliy ijro etuvchi hokimiyat organlari, Davlat ekologiya qoʻmitasi, Oʻzbekiston Respublikasi sanoat xavfsizligi davlat qoʻmitasi, Oʻzbekiston Respublikasi Davlat soliq qoʻmitasi, Davlat geologiya qoʻmitasi huzuridagi Kon-geologiya faoliyatini nazorat qilish inspeksiyasi va yer qaʼri foydalanishga berilgan yuridik shaxsga qabul qilingan qaror toʻgʻrisida tegishli axborotni joʻnatadi.

9-bob. Yer qaʼri uchastkasidan foydalanish huquqidan oʻzga shaxs foydasiga voz kechish

147. Foydali qazilmalarning strategik turlarini qazib olish, texnogen mineral hosilalardan foydalanish huquqi uchun berilgan litsenziya egasi Davlat geologiya qoʻmitasi bilan kelishgan holda yer qaʼri uchastkasidan foydalanish huquqini (toʻliq yoki qisman) boshqa shaxsga, agar ushbu shaxs litsenziyada belgilangan shartlarni bajarish majburiyatini oʻz zimmasiga olsa, berishi mumkin.

Bunda yer qaʼri uchastkasidan foydalanish huquqi oʻziga oʻtayotgan shaxs litsenziya egasiga qoʻyilgan talablarga muvofiq boʻlishi kerak.

148. Oʻzi tomonidan qidirilgan konda foydali qazilmalarni kavlash ishlariga litsenziya olishga mutlaq huquqi mavjud boʻlgan yer qaʼrini geologik oʻrganishga doir ishlarni moliyalashtirgan yuridik shaxs ushbu yer qaʼri uchastkasidan foydalanish huquqini Davlat geologiya qoʻmitasi bilan kelishgan holda boshqa shaxsga (toʻliq yoki qisman) berishi mumkin.

149. Alohida bitimlar shartlarida berilgan yer qaʼri uchastkasidan foydalanish huquqini (toʻliq yoki qisman) boshqa shaxsga berish “Mahsulot taqsimoti toʻgʻrisidagi bitimlar haqida”gi Oʻzbekiston Respublikasi Qonunining 23-moddasiga yoki “Konsessiyalar toʻgʻrisida”gi Oʻzbekiston Respublikasi Qonuniga muvofiq belgilanadi.

150. Yer qaʼri uchastkasidan foydalanish huquqini (toʻliq yoki qisman) boshqa shaxsga berishni kelishib olish litsenziya egasi tomonidan Davlat geologiya qoʻmitasiga ariza berish yoʻli bilan amalga oshiriladi. Arizada yer qaʼri uchastkasidan foydalanish huquqini boshqa shaxsga berish sabablari, yer qaʼridan foydalanish huquqi boshqa shaxsga qisman berilgan taqdirda esa — talabgorning foydali qazilmalarning strategik turlarini yoki texnogen mineral hosilalarni qazib olish, qayta ishlash bilan bogʻliq faoliyatining moʻljallanayotgan turi koʻrsatiladi. Arizaga yer qaʼri uchastkasidan foydalanish huquqi oʻziga oʻtayotgan shaxsning litsenziya egasiga qoʻyiladigan talablarga muvofiqligini tasdiqlovchi hujjatlar ilova qilinadi.

151. Davlat geologiya qoʻmitasi ariza olingan kundan boshlab oʻn kun muddatda yer qaʼri uchastkasidan foydalanish huquqini (toʻliq yoki qisman) boshqa shaxsga berishning maqsadga muvofiqligi yoki muvofiq emasligi toʻgʻrisida qaror qabul qiladi.

Qaror ariza beruvchiga yozma shaklda yuboriladi.

Yer qaʼri uchastkasidan foydalanish huquqini berishning maqsadga muvofiq emasligi toʻgʻrisida qaror qabul qilingan taqdirda qabul qilingan qaror asoslantirilgan boʻlishi kerak. Yer qaʼri uchastkasidan foydalanish huquqini berishni qayta kelishib olishda yer qaʼri uchastkasidan foydalanish huquqini berishni kelishib olish rad etilgan avvalgi qarorda koʻrsatilmagan yangi asoslar boʻyicha uni rad etishga yoʻl qoʻyilmaydi.

Yer qaʼri uchastkasidan foydalanish huquqining boshqa shaxsga berilishi toʻgʻrisidagi Davlat geologiya qoʻmitasi bilan kelishilgan qaror tomonlarning huquqni boshqa shaxsga berish toʻgʻrisidagi tegishli shartnomani tuzish va yer qaʼri uchastkasidan foydalanish huquqi (toʻliq yoki qisman) berilayotgan shaxsga litsenziya berilishi uchun asos hisoblanadi.

10-bob. Yer qaʼri uchastkasidan foydalanish huquqi uchun litsenziyani qayta rasmiylashtirish

152. Yer qaʼri uchastkasidan foydalanish huquqi uchun litsenziyani qayta rasmiylashtirish quyidagi hollarda amalga oshiriladi:

yuridik shaxs qayta tashkil etilganda yoki uning nomi oʻzgarganda;

yer qaʼri uchastkasidan foydalanish huquqi boshqa shaxsga berilganda;

yer qaʼri uchastkasidan foydalanish shartlari oʻzgarganda;

yer qaʼri uchastkasidan foydalanish muddati uzaytirilganda.

153. Yer qaʼri uchastkasidan foydalanish huquqi uchun litsenziyani qayta rasmiylashtirish litsenziyani bergan organ tomonidan litsenziya egasining arizasi asosida amalga oshiriladi.

Yuridik shaxs qayta tashkil etilganda yoki uning nomi oʻzgarganda ariza litsenziya egasi tomonidan qayta roʻyxatdan oʻtkazilgandan keyin oʻn kun muddatda berilishi kerak.

Yer qaʼri uchastkasidan foydalanish huquqi uchun litsenziyani qayta rasmiylashtirish toʻgʻrisidagi arizaga tegishli tasdiqlovchi hujjatlar ilova qilinadi.

154. Litsenziya qayta rasmiylashtirilganda tegishli reyestrga oʻzgartirishlar kiritiladi, litsenziya esa yangi blankada rasmiylashtiriladi, bunda ilgari berilgan litsenziya litsenziyani bergan organda qoladi.

155. Litsenziyani qayta rasmiylashtirish zarur hujjatlar ilova qilingan ariza tushgan kundan boshlab yigirma kun mobaynida amalga oshiriladi, ushbu Nizomda belgilangan hollar bundan mustasno.

Yer qaʼri uchastkasidan foydalanish muddatini uzaytirish uchun litsenziya qayta rasmiylashtirilganda yer qaʼri uchastkalaridan foydalanish shartlarining bajarilishi toʻgʻrisida berilgan maʼlumotlar vakolatli organ tomonidan koʻrib chiqiladi.

156. Yer qaʼri uchastkasidan foydalanish huquqi uchun litsenziya qayta rasmiylashtirilganda litsenziya berishga buyurtmanoma koʻrib chiqilganligi uchun toʻlanadigan summaning ellik foizi miqdorida yigʻim undiriladi. Litsenziyani qayta rasmiylashtirish uchun yigʻim summasi yer qaʼri uchastkasidan foydalanish huquqi uchun litsenziyani berishga vakolatli organning hisobvaragʻiga oʻtkaziladi.

11-bob. Yakunlovchi qoidalar

157. Yer qaʼrini geologik jihatdan oʻrganish, undan foydalanish va uni muhofaza qilish ustidan davlat nazorati mahalliy davlat hokimiyati organlari, shuningdek, vakolatli organlar tomonidan qonun hujjatlarida belgilangan tartibda amalga oshiriladi.

158. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 1-ILOVA

Strategik turdagi foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalarni elektron online-auksion orqali berish

SXEMASI

Bosqichlar Subyektlar Tadbirlar Muddatlar I bosqich (tayyorgarlik bosqichi) Davlat geologiya qoʻmitasi Yer qaʼri uchastkalari roʻyxatini shakllantiradi va tasdiqlaydi. Har yili Davlat geologiya qoʻmitasi Yer qaʼridan foydalanish huquqini auksionda realizatsiya qilish uchun buyurtmanomalarni Oʻzbekiston Respublikasi Davlat aktivlarini boshqarish agentligi qoshidagi “Elektron online — auksionlarni tashkil etish markazi” davlat unitar korxonasiga (operatorga) taqdim etadi. Tayyor boʻlishi bilan Operator Auksion oʻtkazilishi toʻgʻrisidagi xabarnomani oʻz veb-portalida joylashtiradi. Buyurtma olingan kundan boshlab Ariza beruvchi Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi. 2 oy mobaynida II bosqich (auksionni oʻtkazish) Operator Lot boʻyicha elektron auksion savdolari oʻtkazadi va auksion gʻolibini eʼlon qiladi. 1 kun mobaynida Auksion gʻolibi Taklif summasining 100 foizini toʻlaydi. 10 kun mobaynida Operator Oʻtkazilgan auksion natijalari haqidagi bayonnomani rasmiylashtiradi va auksion gʻolibiga hamda Davlat geologiya qoʻmitasiga taqdim etadi. 1 kun mobaynida III bosqich (litsenziya berish) Auksion gʻolibi Strategik turdagi foydali qazilmalarni oʻz ichiga olgan yer qaʼri uchastkasidan foydalanish shartlarini imzolaydi. 10 kun mobaynida Davlat geologiya qoʻmitasi Auksion gʻolibiga tegishli litsenziyani rasmiylashtiradi va beradi. 2 kun mobaynida

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 2-ILOVA

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 3-ILOVA

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 4-ILOVA

Strategik turdagi foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalarni toʻgʻridan toʻgʻri muzokaralar natijalari boʻyicha berish

SXEMASI

Bosqichlar Subyektlar Tadbirlar Bajarish muddatlari I bosqich (litsenziya olgunga qadar) Ariza beruvchi Yer qaʼri uchastkasidan foydalanish huquqi uchun litsenziya olish uchun Davlat geologiya qoʻmitasiga buyurtma beradi. Zarur boʻlganda Davlat geologiya qoʻmitasi Soʻralayotgan yer qaʼri uchastkasi boʻyicha geologik yoki boshqa maʼlumotlar toʻplamini yiriklashtirilgan texnik-iqtisodiy asoslarni va (yoki) texnik-iqtisodiy asoslarni ishlab chiqish uchun taqdim etadi. 20 kun mobaynida II bosqich Ariza beruvchi Yiriklashtirilgan texnik-iqtisodiy asoslar va (yoki) texnik-iqtisodiy asoslar, rejalashtirilayotgan faoliyatning atrof muhitga taʼsirini baholash loyihasini tayyorlaydi va ularni ekspertizadan oʻtkazadi va hujjatlarni ilova qilgan holda Davlat geologiya qoʻmitasiga buyurtma beradi. Zarur boʻlganda III bosqich Davlat geologiya qoʻmitasi Buyurtmani oʻrganib chiqadi, ariza beruvchilarning hujjatlarini, shu jumladan, yiriklashtirilgan texnik-iqtisodiy asoslar va (yoki) texnik-iqtisodiy asoslarni ekspertizadan oʻtkazadi. 12 kun mobaynida IV bosqich Davlat geologiya qoʻmitasi Ekspertiza materiallarini umumlashtiradi va yer qaʼri uchastkasidan foydalanish huquqi uchun litsenziya berish yoki uni rad etish toʻgʻrisida qaror qabul qiladi. 3 kun mobaynida Davlat geologiya qoʻmitasi Ariza beruvchini qabul qilingan qaror toʻgʻrisida yer qaʼri uchastkasidan foydalanish shartlarini imzolash muddatini koʻrsatgan holda yozma shaklda xabardor qiladi. 1 kun mobaynida Buyurtma beruvchi Yer qaʼri uchastkasidan foydalanish shartlarini imzolaydi. 3 kun mobaynida Davlat geologiya qoʻmitasi Yer qaʼri uchastkasidan foydalanish huquqi uchun litsenziyani rasmiylashtiradi va beradi. 1 kun mobaynida

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 5-ILOVA

Foydali qazilmalarni qazib olish bilan bogʻliq boʻlmagan yer osti inshootlarini qurish va ishlatish uchun yer qaʼri uchastkalaridan foydalanish huquqi uchun litsenziyalarni berish

SXEMASI

Bosqichlar Subyektlar Tadbirlar Bajarish muddatlari I bosqich Ariza beruvchi Vakolatli organ zarurhujjatlarni ilova qilgan holdabuyurtma beradi. Zarur boʻlganda I bosqich Vakolatli organ Litsenziyaga kiritiladigan yer qaʼri uchastkasidan foydalanish shartlari loyihasini ishlab chiqadi. 10 kun mobaynida III bosqich Vakolatli organ Yer qaʼri uchastkasidan foydalanish shartlari loyihasini tanishish uchun ariza beruvchiga taqdim etadi. 3 kun mobaynida Ariza beruvchi Yer qaʼri uchastkasidan foydalanish shartlarini imzolaydi. 5 kun mobaynida Vakolatli organ Yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi. 3 kun mobaynida

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 6-ILOVA

Muhofaza qilinadigan geologik obyektlarni tashkil qilish uchun yer qaʼri uchastkalaridan foydalanish huquqi uchun litsenziyalar berish

SXEMASI

Bosqichlar Subyektlar Tadbirlar Bajarish muddatlari I bosqich Ariza beruvchi Zarur hujjatlarni ilova qilgan holda Davlat geologiya qoʻmitasiga buyurtma beradi. Zarur boʻlganda II bosqich Davlat geologiya qoʻmitasi Ariza beruvchining hujjatlarini ekspertizadan oʻtkazadi. 7 kun mobaynida III bosqich Davlat geologiya qoʻmitasi Litsenziyaga kiritiladigan yer qaʼri uchastkasidan foydalanish shartlari loyihasini ishlab chiqadi. 1 kun mobaynida Davlat geologiya qoʻmitasi Yer qaʼri uchastkasidan foydalanish shartlari loyihasini tanishish va imzolash uchun taqdim etadi. 1 kun mobaynida Ariza beruvchi Yer qaʼri uchastkasidan foydalanish shartlarini imzolaydi. 3 kun mobaynida Davlat geologiya qoʻmitasi Yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi. 1 kun mobaynida

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 7-ILOVA

Nodir tosh xomashyosi namunalarini, paleontologik qoldiqlarni va boshqa geologik kolleksiyabop materiallarni toʻplash uchun yer qaʼri uchastkasidan foydalanish huquqi uchun litsenziyalar berish

SXEMASI

Bosqichlar Subyektlar Tadbirlar Bajarish muddatlari I bosqich Ariza beruvchi Zarur hujjatlarni ilova qilgan holda Davlat geologiya qoʻmitasiga buyurtma beradi. Zarur boʻlganda II bosqich Davlat geologiya qoʻmitasi Ariza beruvchining hujjatlarini ekspertizadan oʻtkazadi. 7 kun mobaynida III bosqich Davlat geologiya qoʻmitasi Litsenziyaga kiritiladigan yer qaʼri uchastkasidan foydalanish shartlari loyihasini ishlab chiqadi. 1 kun mobaynida Davlat geologiya qoʻmitasi Yer qaʼri uchastkasidan foydalanish shartlari loyihasini tanishish va imzolash uchun taqdim etadi. 1 kun mobaynida Ariza beruvchi Yer qaʼri uchastkasidan foydalanish shartlarini imzolaydi. 3 kun mobaynida Davlat geologiya qoʻmitasi Yer qaʼri uchastkasidan foydalanish huquqi uchun litsenziyani rasmiylashtiradi va taqdim etadi. 1 kun mobaynida

Yer qaʼri uchastkalaridan foydalanish huquqi uchun litsenziyalar berish tartibi toʻgʻrisidagi nizomga 8-ILOVA

Vazirlar Mahkamasining 2020-yil 23-iyundagi 403-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim hujjatlari

ROʻYXATI

1. Vazirlar Mahkamasining “Qattiq foydali qazilmalar va konlarni geologik oʻrganish maqsadida dasturiy istiqbolli tanlangan maydonlarni va foydali qazilmalarning strategik muhim turlari sanoatini oʻzlashtirish uchun xorijiy investitsiyalarni jalb qilish mezonlarini tasdiqlash haqida” 2017-yil 31-maydagi 328-son qarori (Oʻzbekiston Respublikasi QHT, 2017-yil, 22-son, 432-modda).

2. Vazirlar Mahkamasining “Vazirlar Mahkamasining “Qattiq foydali qazilmalar va konlarni geologik oʻrganish maqsadida dasturiy istiqbolli tanlangan maydonlarni va foydali qazilmalarning strategik muhim turlari sanoatini oʻzlashtirish uchun xorijiy investitsiyalarni jalb qilish mezonlarini tasdiqlash haqida” 2017-yil 31-maydagi 328-son qaroriga oʻzgartirish va qoʻshimchalar kiritish toʻgʻrisida” 2018-yil 28-martdagi 246-son qarori.