“Davlat soliq xizmati toʻgʻrisida”gi Oʻzbekiston Respublikasi qonunini amalga kiritish haqida (475-I-son)

29.08.1997

Oʻzbekiston Respublikasi Oliy Majlisining

Qarori

Oʻzbekiston Respublikasi Oliy Majlisi qaror qiladi:

1. “Davlat soliq xizmati toʻgʻrisida”gi Oʻzbekiston Respublikasi Qonuni matbuotda eʼlon qilingan kundan eʼtiboran amalga kiritilsin.

2. Oʻzbekiston Respublikasi Vazirlar Mahkamasi hukumat qarorlarini “Davlat soliq xizmati toʻgʻrisida”gi Qonunga muvofiqlashtirsin hamda vazirliklar va idoralar oʻzlarining Qonunga zid normativ hujjatlarini qayta koʻrib chiqishlari hamda bekor qilishlarini taʼminlasin.

3. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Oliy Kengashining 1991-yil 14-iyundagi “Oʻzbekiston Respublikasi davlat soliq idoralari toʻgʻrisida”gi nizomni tasdiqlash haqidagi qarori (Oʻzbekiston Respublikasi Oliy Kengashining Axborotnomasi, 1991-yil, № 8, 189-modda);

Oʻzbekiston Respublikasi Oliy Kengashining 1992-yil 9-dekabrdagi “Oʻzbekiston Respublikasining davlat soliq idoralari toʻgʻrisida”gi nizomga oʻzgartish va qoʻshimchalar kiritish haqidagi qarori (Oʻzbekiston Respublikasi Oliy Kengashining Axborotnomasi, 1993-yil, № 1, 24-modda);

1996-yil 27-dekabrda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Oʻzbekiston Respublikasi Qonunining XVIII boʻlimi (Oʻzbekiston Respublikasi Oliy Majlisining Axborotnomasi, 1997-yil, № 2, 56-modda).

Oʻzbekiston Respublikasi Oliy Majlisining Raisi E. XALILOV

Toshkent sh.,

1997-yil 29-avgust,

475-I-son