“Taʼlim toʻgʻrisida”gi Oʻzbekiston Respublikasi Qonunini amalga kiritish tartibi haqida (465-I-son)

29.08.1997

Oʻzbekiston Respublikasi Oliy Majlisining

Qarori

Oʻzbekiston Respublikasining Oliy Majlisi qaror qiladi:

1. “Taʼlim toʻgʻrisida”gi Oʻzbekiston Respublikasining Qonuni eʼlon qilingan kundan eʼtiboran amalga kiritilsin.

2. Belgilab qoʻyilsinki, “Taʼlim toʻgʻrisida”gi Qonunning umumiy oʻrta taʼlim olishga, uch yillik akademik litseylarda va kasb-hunar kollejlarida oʻqishga hamda oliy maʼlumotli mutaxassislar tayyorlashga taalluqli 12, 13 va 14-moddalaridagi qoidalar Kadrlar tayyorlash milliy dasturida belgilangan muddatlarda joriy etiladi.

3. Oʻzbekiston Respublikasi Vazirlar Mahkamasi hukumat qarorlarini “Taʼlim toʻgʻrisida”gi Qonunga muvofiqlashtirsin, vazirliklar va idoralar mazkur Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini taʼminlasin.

4. Belgilab qoʻyilsinki, qonun hujjatlari “Taʼlim toʻgʻrisida”gi Qonunga muvofiqlashtirilgunga qadar Oʻzbekiston Respublikasi amaldagi qonun hujjatlarining mazkur Qonunga zid boʻlmagan qismi qoʻllaniladi.

5. 1992-yil 2-iyulda qabul qilingan “Taʼlim toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1992-yil,9-son, 342-modda; 1993-yil, 6-son, 268-modda) oʻz kuchini yoʻqotgan deb hisoblansin.

Oʻzbekiston Respublikasi Oliy Majlisining Raisi E. XALILOV

Toshkent sh.,

1997-yil 29-avgust,

465-I-son