Surxondaryo viloyatining turizm salohiyatidan samarali foydalanish va uni rivojlantirish boʻyicha qoʻshimcha chora-tadbirlar toʻgʻrisida (332-son)
27.05.2020
Oʻzbekiston Respublikasi Vazirlar Mahkamasining
qarori
Surxondaryo viloyatining turizm salohiyatini yanada rivojlantirish, hududning noyob tarixiy-madaniy va meʼmoriy obidalari bilan turistlarni keng tanishtirish, zamonaviy turizm infratuzilmasini jadal rivojlantirish va koʻrsatilayotgan turizm xizmatlari sifatini takomillashtirish, ichki turizmni faollashtirish, yangi ish oʻrinlari yaratish hamda aholi daromadlari oʻsishini ragʻbatlantirish maqsadida Vazirlar Mahkamasi qaror qiladi:
1. Quyidagilar:
2020-2021-yillarda Surxondaryo viloyatida turizmni rivojlantirish boʻyicha kompleks chora-tadbirlar dasturi 1-ilovaga muvofiq;
Surxondaryo viloyatida “Oltin uchburchak” loyihasini amalga oshirish chora-tadbirlari rejasi 2-ilovaga muvofiq;
Surxondaryo viloyatida turli ixtisoslikdagi kasalliklarga tashxis qoʻyish va davolash boʻyicha zamonaviy klinikalar faoliyatini yoʻlga qoʻyish va tibbiyot turizmini rivojlantirish chora-tadbirlar rejasi 3-ilovaga muvofiq;
Surxondaryo viloyatiga qoʻshni davlatlar aholisining tashrifini sanitariya-epidemiologik talablarga qatiy rioya etgan holda koʻpaytirish boʻyicha chora-tadbirlar rejasi 4-ilovaga muvofiq;
Surxondaryo viloyatida joylashgan Oks Aleksandriyasi (Kampirtepa) arxeologiya yodgorligini muhofaza qilish, infratuzilmasini rivojlantirish hamda ushbu obyektni sayyoxlar tashrif buyuradigan maskanga aylantirish chora-tadbirlari rejasi 5-ilovaga muvofiq;
Surxondaryo viloyatining Termiz tumanidagi “Qoratepa” va “Fayoztepa” hamda Shoʻrchi tumanidagi “Dalvarzintepa” yodgorligini muhofaza qilish, hududini obodonlashtirish, infratuzilmasini takomillashtirish va sayyoxlar tashrif buyuradigan maskanga aylantirish chora-tadbirlar rejasi 6-ilovaga muvofiq tasdiqlansin.
Belgilansinki, 1 — 6 ilovalarga muvofiq dastur va rejalarga kiritilgan tegishli chora-tadbirlar mahalliy budjet parametrlarida nazarda tutilgan mablagʻlar, ijrochilar mablagʻlari va qonunchilikda taqiqlanmagan boshqa manbalar mablagʻlari doirasida moliyalashtiriladi.
2. Oʻzbekiston Respublikasi Turizmni rivojlantirish davlat qoʻmitasi va Surxondaryo viloyati hokimligi 1 — 6 ilovalarga muvofiq dastur va rejalardagi vazifalarning bajarilishini nazorat qilsin va xar chorak yakuni bilan keyingi oyning 10 sanasiga qadar ularni bajarish holati yuzasidan Turizmni rivojlantirish boʻyicha muvofiqlashtiruvchi kengashga maʼlumot kiritib borsin.
3. Oʻzbekiston Respublikasi Turizmni rivojlantirish davlat qoʻmitasi, Transport vazirligi va Surxondaryo viloyati hokimligining 2020-yilning iyul oyidan boshlab, Termiz — Sariosiyo — Denov — Boysun — Sherobod — Termiz yoʻnalishi boʻylab turistlar uchun moʻljallangan avtobuslarning “City Tour” prinsiplari asosida muntazam qatnovini yoʻlga qoʻyish orqali “Oltin uchburchak” loyihasini amalga oshirish toʻgʻrisidagi taklifi maʼqullansin.
Oʻzbekiston Respublikasi Turizmni rivojlantirish davlat qoʻmitasi avtobuslarning muntazam qatnovi yoʻlga qoʻyilishi toʻgʻrisida turoperatorlar, mehmonxonalar, gidlar va boshqa turizm sohasi vakillari oʻrtasida keng targʻibot ishlari olib borilishini taʼminlasin.
4. Oʻzbekiston Respublikasi Investitsiyalar va tashqi savdo vazirligi Turizmni rivojlantirish davlat qoʻmitasi bilan birgalikda Boysun tumanidagi Omonxona qishlogʻi, Zovboshi togʻli hududi, Darband qishlogʻi hududlarini oʻz ichiga olgan — Boysun kichik turizm zonasiga investorlarni jalb qilgan holda, turizm infratuzilmasini barpo etish boʻyicha loyihalarni amalga oshirish choralarini koʻrsin.
5. “Hunarmand” uyushmasi Oʻzbekiston Respublikasi Turizmni rivojlantirish davlat qoʻmitasi bilan birgalikda viloyatda esdalik sovgʻa mahsulotlarining turlarini diversifikatsiya qilish, xususan tarixiy-madaniy va arxeologiya, islom ziyorati, ekologiya, buddizm obyektlari, gastronomik va boshqa turizm turlarini aks ettiruvchi mahsulotlar ishlab chiqarish yoʻlga qoʻyilishini taʼminlasin.
6. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi, Turizmni rivojlantirish davlat qoʻmitasi va Surxondaryo viloyati hokimligi bilan birgalikda ikki oy muddatda Surxondaryo viloyatidagi Surxon davlat qoʻriqxonasi hududida turizmni rivojlantirish maqsadida ushbu hududda joylashgan “Zarautsoy qoyatosh surʼatlari” turizm namoyishi obyektlarini qoʻriqxonaning qoʻriqlanma zonasiga chiqarish yuzasidan taklif kiritsin.
7. Oʻzbekiston Respublikasi Turizmni rivojlantirish davlat qoʻmitasi hamda Ekologiya va atrof-muhitni muhofaza qilish davlat qoʻmitasi bilan birgalikda uch oy muddatda Zarautsoy qoyatoshlaridagi bitiklarni saqlab qolish va yosh avlodga keng tanishtirish maqsadida Zarautsoy tarixi haqida chop etilgan kitoblarni saralash va yangidan chop etilishini taʼminlasin.
8. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligiga, Oʻzbekiston Milliy teleradiokompaniyasiga va Oʻzbekiston Milliy axborot agentligiga mazkur qarorning maqsad va vazifalarini tushuntirish yuzasidan ommaviy axborot vositalarida maqolalar va tematik koʻrsatuvlarni tashkil etish tavsiya etilsin.
9. Mazkur qarorning ijrosini nazorat qilish Oʻzbekiston Respublikasi Bosh vazir oʻrinbosari — Turizmni rivojlantirish davlat qoʻmitasi raisi A.A. Abduhakimov va Surxondaryo viloyati hokimi T.A. Bobolov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-may,
332-son
Vazirlar Mahkamasining 2020-yil 27-maydagi 332-son qaroriga 1-ILOVA
2020-2021-yillarda Surxondaryo viloyatida turizmni rivojlantirish boʻyicha kompleks
ChORA-TADBIRLAR DASTURI
Vazirlar Maxkamasining 2020-yil 27-maydagi 332-son qaroriga2-ILOVA
Surxondaryo viloyatida “Oltin uchburchak” loyihasini amalga oshirish
ChORA-TADBIRLAR REJASI
Vazirlar Mahkamasining 2020-yil 27-maydagi 332-son qaroriga 3-ILOVA
Surxondaryo viloyatida turli nxtisoslikdagi kasalliklarga tashxis qoʻyish va davolash boʻyicha zamonaviy klinikalar faoliyatini yoʻlga qoʻyish va tibbiyot turizmini rivojlantirish
ChORA-TADBIRLAR REJASI
Vazirlar Mahkamasining 2020-yil 27-maydagi 332-son qaroriga4-ILOVA
Surxondaryo viloyatiga qoʻshni davlatlar aholisinnng tashrifini sanitariya-epidemnologik talablarga qatʼiy rioya etgan holda koʻpaytirish boʻyicha
ChORA-TADBIRLAR REJASI
Izoh: *Mazkur chora-tadbirlar Rejasining 2 — 5, 8, 9, 12, 14 va 20-bandlarida belgilangan vazifalar muddatlari koronavirus pandemiyasi va karantin cheklovlari bilan bogʻliq vaziyatdan kelib chiqib uzaytirilishi mumkin. Bunda, ushbu chora-tadbirlar karantin cheklovlari bekor qilingan kundan boshlab bir oy muddat ichida amalga oshirilishi talab etiladi.
Vazirlar Mahkamasining 2020-yil 27-maydagi 332-son qaroriga5-ILOVA
Surxondaryo viloyatida joylashgan Oks Aleksandriyasi (Kampirtepa) arxeologiya yodgorligi infratuzilmasini rivojlantirish hamda ushbu obyektni sayyohlar tashrif buyuradigan maskanga aylantirish
ChORA-TADBIRLAR REJASI
Vazirlar Mahkamasining 2020-yil 27-maydagi 332-son qaroriga6-ILOVA
Surxondaryo viloyatining Termiz tumanidagi “Qoratepa” va “Fayoztepa” xamda Shoʻrchi tumanidagi “Dalvarzinteia” yodgorligini muxofaza kilish, hududini obodonlashtirish, infratuzilmasini takomillashtirish va sayyohlar tashrif buyuradigan maskanga aylantirish
ChORA-TADBIRLAR REJASI